2017/03/02

Kriminelet e Listës Srpska e quan gjneralin e Kosovës Ramush Haradinajn-kriminel !


Hero në luftë dhe paqë:Ramush Haradinaj 


Lista Srpska ka komentuar për takimin e ish-presidentit kroat, Stipe Mesiç, i cili qëndroi në Kosovë dhe u takua edhe me pjesëtarët e AAK’së. Mesic ka thënë se miku i tij, Ramush Haradinaj duhet të lirohet, ndërsa Lista Srpska thotë se Mesic po e quan mik kriminelin e luftës.


Lista Srpska ka komentuar deklaratën e Stipe Mesicit, ish-presidentit kroat, i cili ka thënë se shpreson në lirimin sa më të shpejtë të Haradinajt, duke e quajtur mik. Kjo parti ka thënë se ish-presidenti kroat po i quan miq kriminelët e luftës.

Lista Srpska që është pjesë e Qeverisë së Kosovës, ka thënë për Tanjug se me dëshirën e Mesicit për lirimin e Ramush Haradinajt, ish-kryeministri kroat po e tregon fytyrën e vërtetë, transmeton Gazeta Express.

“Mesiq është rrënues i shteteve dhe pjesëmarrës krenar në nxitjen e luftës vëllavrasëse, njeriu i cili është krenar me rolin e tij në shkatërrimin e shtetit që shpërbërjen e tij e shtyri në luftë, ku si pasojë u vranë miliona serbë, myslimanë dhe kroatë”, ka theksuar kjo parti.

2017/03/01

Don luftë-luftë do të kesh zoti president !



Edi Rama : "Pa shqiptarët nuk ka Maqedoni i dashur President!”

Edhe kryeministri i Shqipërisë, Edi Rama ka reaguar pas konferencës së Presidentit maqedonas, Ivanov, i cili tha se nuk do ta mandatonte Zaevin për kryeministër, për shkak të platformës mbi gjuhën shqipe.

Rama në një postim në Facebook, i ka reaguar ashpër presidentit Ivanov, duke i thënë se pa shqiptarët nuk ka Maqedoni.

“Zoti Ivanov, gjuha shqipe s’është e armikut po e një populli shtetformues në Maqedoni. Pa shqiptarët nuk ka Maqedoni i dashur President!”, ka shkruar kryeministri  shqiptar Edi Rama.


Kryetari i BDI-së, Ali Ahmeti"Deklarata e partive shqiptare nuk cenon shtetin e Maqedonisë"

Deklarata e partive shqiptare në asnjë mënyrë apo formë nuk cenon shtetin, karakterin unitar e as që bën fjalë për federalizim apo ndarje. Kështu shkruan lideri i BDI-së, Ali Ahmeti pas refuzimit të presidentit Ivanov për ti dhënë mandatit liderit të LSDM-së, Zoran Zaev, si dhe akuzave drejtuar gjuhës shqipe dhe Tiranës zyrtare.

“Të nderuar qytetar,

Qysh para zgjedhjeve të vitit të kaluar, ftova partitë opozitare shqiptare që të bashkohen në mënyrë që mos të humbasin shqiptarët nga përçarja e madhe e votave. Kjo nuk ndodhi dhe shqiptarët humbën 9 mandate deputetësh në Kuvendin e Maqedonisë. Më pas, si fitues i zgjedhjeve dhe drejtues i partisë më të madhe shqiptare, kam ftuar partitë parlamentare shqiptare në takim të përbashkët në Shkup për të bashkërenduar agjendën tonë për rrumbullakësim të Marrëveshjes së Ohrit dhe arritjen e barazisë.

Në këtë takim në Shkup, harmonizuam qëndrimet rreth pritshmëritë e shqiptarëve dhe e këtë e kam thënë në cdo prononcim timin publik që Deklarata e përbashkët e partive parlamentare shqiptare të Maqedonisë është dakorduar dhe shkruar në Shkup dhe për bazë ka programet zgjedhore të të gjithë garuesve shqiptar në zgjedhjet e 11 dhjetorit. Partitë shqiptare nuk ishin shkas për krizën sistemore në vend dhe duke patur këtë parasysh, ftoj partitë politike shqiptare që të përmbahen nga të shndërruarit të krizës sistemore dhe brendaetnike në një përplasje ndëretnike midis dy komuniteteve shumicë të këtij vendi.

Gjithashtu, ftoj partitë politike maqedonase që të përmbahen në shprehjen e pakënaqësisë së tyre nga implikimi i elementit ndëretnik për arsye të ndjeshmërisë së shoqërisë sonë.

Juve të nderuar qytetar, ju ftoj që të ruani gjakftohtësinë dhe mos të lejojmë që asnjëri nga ne të bie pre e skenareve dashakeqe që kanë origjinë adresa të dyshimta për ne. Ky është një problem politik dhe partitë politike si dhe institucionet e vendit do të gjejnë zgjidhjen më të mirë për qytetarët, por në ndërmjet kohë, ta besojmë bashkërisht të vërtetën e jo trillimin”.


Kryetari i LSDM-së, Zoran Zaev, pas fjalimit të Gjorge Ivanov ka mbajtuar konferencë për shtyp në të cilën tha se Ivanov duhet ta tërheq vendimin dhe ta ndajë mandatin.

“Ivanov me vendim per të mos e dhënë mandatin, goditi shtetin. Ai e thelloi krizën edhe më shumë, duke injoruar 67 nënshkrime të deputetëve. Me këtë sjelle edhe një herë doli në mbrojtje të Gruevskit dhe OBRM-PDUKM. LSDM-ja dhe unë si kryetarë nuk do të lejojmë që dikush të luajë me shtetin. Koncepti të cilën e mbështetën shumica e qytetarëve është e ardhmja e Maqedonisë. Ju bëj thirrje qytetarëve të mos bien pre e provokimeve. Gjithë kjo që ndodh tani e kemi parë edhe me parë nga Gruevski dhe Ivanovi. Presidenti duhet ta tërheqë këtë vendim dhe ta ndajë mandatin, sepse këtë e garanton Kushtetuta”, deklaroi Zaev.




Kreu i PD-së, Lulzim Basha ka reaguar në lidhje me situatën e fundit të krijuar në Maqedoni. Me një mesazh të shpërndarë për median, kreu demokrat shprehet se qëndrimi i presidentit George Ivanov është një akt diskriminimi etnik në këtë shtet.


Mesazhi i plotë i Lulzim Bashës:

Me shqetesim të thelle përcolla qëndrimin e presidentit te Maqedonise per te refuzuar mandatimin e qeverise se re per shkak te pranimit nga ana e subjektit politik ne fjale te dygjuhesise.

E konsideroj kete qendrim nje akt diskriminimi etnik qe nuk i kontribon harmonise midis etnive shtetformuese ne Maqedoni.

Maqedonia stabile, demokratike dhe e integruar ne NATO dhe BE eshte interesi me i mire i shqiptareve ne Maqedoni, dhe vullneti i te gjithe shqiptareve ne kete drejtim eshte i palekundur.

Por stabiliteti dhe rruga e integrimit te Maqedonise cenohet rende nga akte te tilla diskriminuese. Pranimi i dygjuhesise e emancipon Maqedonine nga ngercet dhe paragjykimet dhe zgjeron hapesiren e lirise duke forcuar keshtu vete themelet e saj.

Rikonfirmoj mbeshtetjen per Platformen Shqiptare dhe ju kerkoj partive politike shqiptare ne Maqedoni te veprojne te bashkuara ne mbeshtetje te te drejtave legjitime te shqiptareve ne Maqedoni.

Bashkepunimi dhe respekti i ndersjellte etnik eshte e vetmja rruge qe do ti garantoje Maqedonise stabilitetin, prosperitetin dhe rrugen e sigurte drejt integrimit euroatlantike.


Spartak Ngjela"Presidenti maqedonas, Ivanov, mos është çmend"

Presidenti i Maqedonisë vendosi sot që të mos i japë mandatin kreut të opozitës, Zoran Zaev duke u shprehur se platformat e importuara nga jashtë nuk ishin në të mirë të vendit dhe se do të sillnin destabilizim.

Pas kësaj, Zaev kërkoi largimin e presidentit. Reagime të ndryshme kanë ardhur nga politika maqedonase, por edhe ajo shqiptare. Më i veçanti prej tyre është ai i avokatit Spartak Ngjela.

Ja çfarë shkruan Spartak Ngjela në Facebook:

Maqedonia po shkon me rritëm të shpejtë drejt Albanizimit të saj.

Shqiptarët përfundimisht po marrin vendin e tyre ne tokën e tyre, dhe në shtetin e grabitur nga padrejtësitë e 150 vjetëve.

Presidenti maqedonas, Ivanov, u çmend.

Po partia maqedonase që përkrah shqiptatët çfarë është? Janë në të shumicë shqiptarët ortodoksë që janë deklaruar sllavë.

Po Maqedonia e lashte e Aleksandri të madh ç'ka qenë?

Ilirishtja dhe maqedonishtja e asaj kohe kanë qënë dialekte të një gjuhe.

Po çfarë lidhje kanë sllavët e sotëm me Maqedoninë e Aleksandrit? Nuk kanë asnjë lidhje, këta kanë ardhur në Gadishullin Ilirik në Shekullin e VII - të. E vetmja lidhje, janë shqiptarët, të cilët një president sllav, Ivanov, i quan të huaj në tokën e tyre 2500 vjeçare. Qeshni me injorancën!... Se shqiptarët sot janë shumë të fortë.


"Thirrje urgjente e Parlamentit, formim i qeverisë së re, si dhe votëbesim për Ivanovin"

Presidenti i Maqedonise Gjorge Ivanov Ai i bën thirrje Ivanovit që të tregon se cilët ekspert juridik i ka konsultuar për vendimet skandaloze
Presidenti i Maqedonise Gjorge Ivanov dhunshëm ka shkelur Kushtetutën, thotë profesori universitar, Svetomir Shkariq.

"Me mos dhënien e mandatit të partisë e cila ka siguruar shumicën parlamentare, shefi i shtetit ka devalvuar aktin konstitucional. Nuk është e drejta e tij, por obligim që të jep mandatin kryetarit të LSDM-së, pas përkrahjes se 67 deputetëve dhe si mandatar të formojë Qeverinë", thotë Shkariq.

“Ivanov me këtë vendim shkaktoj krizë edhe më të thellë. Me apo pa qëllim ai po krijon një gjendje delikate dhe kaotike në vend. Ai vazhdon të jetë gjeneratori i krizës, duke u munduar që me shantazhe të shkoj kundër dëshirës së popullit, dhe në të njejtën kohë të margjinalizojë Parlamentin. Presidenti kujdesët për unitetin, kurse Organi ligjvënës ka për detyrë sovranitetin dhe kushtetutshmërinë”, sqaron Shkariq.

Sipas tij, janë plotësuar të gjitha elementet për formimin e qeverisë dhe për këtë është e nevojshme që menjëherë të thirret seanca në të cilën do të zgjidhet kryetar i parlamentit dhe të kalojnë më pas në formimin e qeverisë.

Shkariq gjithash propozon që të mos përjashtohet mundësia edhe për votëbesim të Ivanovit për shkak të shkeljes së Kushtetutës.

Ai gjithashtu i bën thirrje Ivanovit që të tregon se cilët ekspert juridik i ka konsultuar për vendimet skandaloze të cilat po i publikon.

Media ruse:Gjorgji  Ivanov dhe Gruevski i shpallin luftë shqiptarëve, refuzuan SHBA-të! Çfarë do të ndodhë?

Ballina e mediave ruse për situatën në Maqedoni"Nëse duhet të ketë paqe, do të duhet që maqedonasit të tërhiqen mbrapsht", shkruan media
Vetëm dy minuta pas vendimit të presidentit maqedonas, Gjorgji Ivanov për të mos i dhënë mandatin e kryeministrit Zoran Zaev, Sputniku rus e ka dhënë lajmin ndër të parët duke i dhënë një peshë të madhe pjesës tjetër të deklaratës.

“Rrëzohet platforma e Tiranës” e titullon media me foton e Zaev që jep edhe lajmin e refuzimit të mandatit. “Ivanov, i cili nuk është votuar nga shqiptarët e Maqedonisë ka dhënë dy vendime me dekretin e tij: së pari i ka shpallur luftë shqiptarëve të Maqedonisë dhe së dyti një shteti fqinj si Shqipëria.

Kjo poasi për herë të parë një drejtues i Shkupit zyrtar e thotë troç se nuk do të lejojë një qeveri që i ka shqiptarët partner. Po çdo të ndodhë pas kësaj? Padyshim ka vetëm një rrugë që kanë zgjedhur Ivanov dhe shefi i tij Gruevski: përplasja me shqiptarët. Një ‘Lagje Trimash’, por me përmasa të mëdha. Sot ka rënë Marrëveshja e Ohrit, por edhe Maqedonia në një farë mënyre.

Ivanov ka refuzuar jo një qeveri, por shqiptarët në qeveri si subjekt i barabartë. I do vetëm për të ndarë poste, por jo plaftorma dhe projekte. Por ajo që është më e rëndësishme është se Ivanov ka rrëzuar SHBA-në dhe BE-në duke zgjedhur Rusinë.

Vetëm mbrëmë Uashingtoni deklaroi që sot duhet t’i jepet mandate Zaevit. Ivanov e ka refuzuar. Që sot është hapur një front i ri në Ballkan, një konflikt i ri që pritet të përshkallëzohet nga dita në ditë.

Nëse duhet të ketë paqe, do të duhet që maqedonasit të tërhiqen mbrapsht, gjë që nuk duket se do të ndodhë. Ivanov e Gruevski kanë vendosur për konfliktin. Po shqiptarët çfarë do të bëjnë? Do të zihen me njëri tjetrin? Nuk ka kohë!” , shkruan kështu media ruse Sputnik.


Akademik Prof.Dr.Abdulla Mehmeti : Organizatat terroriste nuk mund të konsiderohen aleatë strategjikë!

Njëra nga partitë më të mëdha politike të Maqedonisë, VMRO-DPMNE, u formuar në vitin 1990, si trashëgimtare e organizatës së fshehtë politike po me këtë emër (VMRO), e cila është themeluar në Selanik, në vitin e largët 1893, në kohën e përpjekjeve të popujve ballkanikë për çlirim kombëtar dhe krijimin e shteteve të tyre.

Por, në vend se kjo organizatë të fokusohej në realizimin e interesave të popullit ,,maqedonas” (populli maqedonas u njoh për herë të parë si etnitet i veçantë nga Kominterna, në vitin 1936), ajo u shndërrua në organizatë klandestine, me premisa terrorizmi, brenda së cilës dominuan tri rryma politike (organizata të ndara) dhe ushtarake (çeta komitësh të udhëhequr nga vojvodët), ajo probullgare, proserbe dhe krahu autonomist, i cila u angazhua për një Maqedoni autonome në kuadër të Perandorisë Osmane, me kryeqytet Selanikun, jashtë ndikimit të Serbisë dhe Bullgarisë, duke i vlerësuar si shtete me pretendime hegjemoniste dhe pushtuese ndaj Maqedonisë.

Në betejë e përgjakshme për dominim mes këtyre tri rrymave, vetëm mes dy luftërave botërore janë likuiduar mbi 3500 veprimtarë, intelektualë dhe funksionarë politikë e ushtarakë nga Maqedonia. Dominimi i frymës mercenare mes këtyre fraksioneve, në shërbim të politikave të shteteve fqinje, si dhe implikimi i udhëheqësve kryesorë të kësaj organizate në disa atentate, kidnapime dhe plaçkitje masive të popullsisë, ka lënë gjurmë të thella në kujtesën e popullsisë në Maqedoni, e cila me pak përjashtime edhe sot e konsideron si organizatë terroriste dhe kundër interesave të Maqedonisë dhe të qytetarëve të saj.

Historia e organizatave politike konspirative me emrin VMRO

Emërtimi (termini) VMRO (Organizata e Brendshme Revolucionare Maqedonase-OBRM) ka të bëjë me organizatat politike nga e kaluara (historike), me këtë emër:

- VMRO / ORV - Organizata nacionalçlirimtare nga koha e Perandorisë Osmane;

- VMRO (Autonomiste) – Organizata nacionalçlirimtare mes dy luftërave botërore;

- VMRO (E bashkuar) – Organizata politike maqedonase mes dy luftërave botërore;

- VMRO-SDRMA – Organizata politike e fshehtë (konspirative) maqedonase pas Luftës së Dytë Botërore;

- VMRO – PRAVDA (DREJTËSI) - Organizata e fshehtë politike maqedonase pas Luftës së Dytë Botërore.

Partitë dhe organizatat politike aktuale me emrin VMRO

Në Maqedoni:

1. VMRO-DPMNE – Parti politike maqedonase aktuale, lider Nikolla Gruevski;

2. VMRO – Maqedonase – Parti politike maqedonase aktuale, lider Boris Stojmenov;

3. VMRO – VMRO (E vërtetë) – parti politike maqedonase aktuale, lider Boris Zmejkovski;

4. ?MRO – DP (partia demokratike) – parti politike maqedonase aktuale, lider Vlladimir Gollubovski;

5. VMRO – Partia popullore – parti politike maqedonase aktuale, kryetar Marjan Dodovski, lider Lubço Georgievski;

6. VMRO – DOM – parti politike maqedonase aktuale;

7. VMRO – MNM – organizatë nacionaliste maqedonase antishqiptare, aktualisht vepron në diasporë dhe brenda vendit, lider Lupço Mirçevski – Trepet;

8. VMRO – Tatkovisnska (atdhetare) - parti politike maqedonase aktuale (probullgare), lider Dimirat Crnomarov.

Në Bullgari:

1. VMRO – BND – parti politike bullgare me orientim nacionalist, trashëgimtare e shoqërive kulturore-arsimore në Bullgari, lider Krasimir Karakaçanov;

2. VMRO – BDD – organizatë politike bullgare, lider Atanas Popov;

3. VMRO – SMO – organizatë politike bullgare, lider Hristo Matov;

4. VMRO – NIE – parti politike bullgare, lider Petko Atanasov.


Partia politike maqedonase VMRO-DPMNE (OBRM-PDUKM), e cila e mban emrin e VMRO-së historike (Organizata e Brendshme Revolucionare Maqedonase), me shtojcën DPMNE, (Partia Demokratike për Unitet Kombëtar Maqedonas - PDUKM), gjatë dhjetë viteve të fundit ka qenë në pushtet në Republikën e Maqedonisë, deri në zgjedhjet e 11 dhjetorit 2016, në koalicion me partinë shqiptare BDI.

Në zgjedhjet e para parlamentare në Maqedoni, të vitit 1990, kjo parti fitoi numër më të madh të deputetëve në Parlamentin e parë pluralist në Maqedoni, me gjithsej 38 mandate deputetësh, më tepër se partia e transformuar komuniste (socialdemokrate), e cila fito 31 deputetë, ndërsa partitë shqiptare fituan 23 deputetë, nga gjithsej 120 deputetë sa ka parlamenti i këtij vendi.

Kjo parti nacionaliste dhe antishqiptare e ka udhëhequr Qeverinë e Maqedonisë gjatë viteve 1998-2002, në koalicion me partinë shqiptare PDSH. Kjo periudhë është karakterizuar me përdorim të dhunës, terrorit dhe kriminalitetit të të gjitha formave dhe llojeve.

Nga viti 2006 deri në zgjedhjet e fundit parlamentare, kjo parti po ashtu ka qeverisur me vendin, në koalicion me partinë e shqiptare BDI, me përjashtim të viteve 2006-2008, kur kjo parti nacionaliste maqedonase ka qenë në koalicion (bashkëqeverisje) me partinë shqiptare PDSH.

Në historinë e këtij shteti, kjo parti do të njihet edhe si nxitëse dhe përkrahëse e idesë për ndarjen e një pjese të Maqedonisë, të banuar kryesisht me popullsi shqiptare (rajoni i Pollogut), dhe bashkimin e saj me Shqipërinë, në shkëmbim të disa territoreve kinse të banuara me popullsi sllave brenda kufijve të shtetit shqiptar. Kjo ide e mbështetur edhe nga një grup akademikësh maqedonas, fatkeqësisht u përkrah edhe nga disa politikanë shqiptarë të asaj kohe (2001), pa mbajtur llogari se kjo ide ka qenë pjesë e elaborateve serbe, por si e tillë mbeti vetëm në sirtarët e qeverisë serbe, në kokat e disa shovinistëve të sotëm sllavë dhe si projekte fitimprurëse të disa mercenarëve shqiptarë.

VMRO, lëvizje politike thellësisht antishqiptare

Në filozofinë politike të kësaj partie historikisht ka dominuar dhuna, terrori, vrasjet, likuidimet me motive politike të kundërshtarëve politikë, kidnapimet, plaçkitja dhe të gjitha format e krimit të organizuar. Kjo lëvizje politike njihet kryesisht si antishqiptare, ndërsa nga shumë institucione të botës është cilësuar si organizatë terroriste.

Si lëvizje politike e ndarë në shumë parti, gjatë viteve të pluralizmit në Maqedoni përherë ka nxitur urrejtje ndaj shqiptarëve, përçarje, ndasi, segregacion, përmes sloganeve të njohura nëpër mitingjet e kësaj partie dhe grafiteve të shkruara në vende publike kudo nëpër vendbanimet e Maqedonisë, sidomos në ato ku jetojnë shqiptarët, me përmbajtje shoviniste dhe raciste, si: ,,Vdekje shqiptarëve!”, ,,Dhoma gazi për shqiptarët!”, ,,Shqiptar i mirë vetëm shqiptari i vdekur!”, ,,Shqiptarët të dëbohen përtej kufirit!” etj.

Kjo parti i ka nxitur të gjitha protestat e qytetarëve joshqiptarë në Maqedoni, kundër arsimit shqip, sidomos kundër Universitetit të Tetovës; kundër zgjidhje së statusit të personave dhe familjeve të përfshira në konfliktin e vitit 2001; kundër përdorimit të flamurit shqiptar, të gjuhës shqipe dhe të gjitha të drejtave qytetare e kombëtare të shqiptarëve, pa përjashtim, gjatë gjithë periudhës nga pavarësimi i Maqedonisë deri në ditët e sotme.

Pa ndërhyrë në të drejtën e zgjedhjes së opsionit politik të popullatës joshqiptare në Maqedoni, është dëshpërues dhe për t’u analizuar fakti se, pse subjektet politike të shqiptarëve në Maqedoni nuk e kanë kundërshtuar asnjëherë hapur këtë frymë politike antishqiptare, por kanë e qeverisur vendin së bashku, disa subjekte edhe kanë shpallur për ,,partner strategjik”, duke u sjellë shqiptarëve dëme të paparashikueshme.

Politikëbërja gjithsesi nënkupton llogaridhënie dhe përgjegjësi historike

Mbetet që në të ardhmen të studiohen të gjitha detajet e këtij bashkëpunimi, me argumente, fakte e dëshmi se, çfarë dobie e çfarë dëmi i ka sjellë ky bashkëpunim lëvizjes politike të shqiptarëve. A ka qenë në dobi të popullit shqiptar, apo vetëm në interes të klaneve të caktuara brenda subjekteve politike të shqiptarëve?

Sidoqoftë, e ardhmja duhet ta dëshmojë se, futja në dara, mes kudhrës e çekanit, e lëvizjes politike të shqiptarëve në Maqedoni, ndërmjet forcave ,,të reformuara” ish komuniste dhe të forcave politike të udhëhequra nga bandat çetnike antishqiptare, a ka qenë domosdoshmëri, lajthitje e udhëheqësve politikë shqiptarë, mungesë përvojës së tyre, papjekuri politike, apo strategji e përgatitur mirë nga shërbimet sekrete sllave, nga vendi dhe jashtë, me ndihmën edhe të disa grupimeve politike të shqiptarëve në dëm të çështjes shqiptare në Maqedoni?!

Nga Flori Bruqi : Mirë se vjen në Kosovë - gjeneral Ramush Haradinaj!



Gjykata Speciale: nuk kemi kërkesë për ekstradim të
 Ramush Haradinajt!

Gjykata Speciale për krime të Luftës në Kosovë e cila është në kompetencëne Kryeprokurorit amerikan David Schwendiman nuk ka patur dhe nuk ka aktakuzë kundër ish-Kryeministrit të Kosovës, Ramush Haradinaj.


“Dhomat Speciale nuk kanë patur dhe nuk kanë asnjë kërkesë për arrestim as ekstradim të Ramush Haradinajt në Hagë”, i kanë thënë zyrtarë të kësaj Gjykate të afërt me amerikanin gazetës serbe “Vecernje Novosti”, raporton Gazeta Blic.


Gjenerali Ramush Haradinaj është ndaluar nga autoritetet franceze me datën 4 Janar  2017 në bazë të një fletarresti të Serbisë nga viti 2005.


 Pasi është mbajtur në paraburgim disa ditë zt.Ramush  Haradinaj është liruar me kusht nga autoritetet franceze dhe po pret vendimin përfundimtar të autoriteteve franceze.

 Mediat dhe politika serbe gjatë këtyre muajve   janë shprehur skeptikë që zt.Ramush Haradinaj mund të ekstradohet në Serbi por për këtë kanë luajtur me “idenë” dhe “shpresën” që ky mund të dërgohet në Hagë në Gjykatën Speciale.Deklarata e bashkëpunëtorëve të Prokurorit amerikan shuan çdo shpresë që Haradinaj mund të ektsradohet në Serbi.


Ish-kryeprokurorja e Tribunalit të Hagës, Carla del PonteDel Ponte është shprehur këto ditë e befasuar me autoritetet e Francës, për ndalimin dhe mbajtjen e  Ramush Haradinajt

Nesër pritet që drejtësia franceze të thotë fjalën e saj për Ramush Haradinajn i cili pas tri ditësh mbush dy muaj prejse është ndaluar në këtë shtet bazuar në një akuzë nga autoritetet serbe të vitit 2005.

Mediat vendore por edhe ato ndërkombëtare kanë raportuar gjerësisht për Haradinajn dhe ndalimin e tij dhe derisa nesër pritet vendimi i Gjykatës së Apelit në Colmar, Deutsche Welle në një raport të emetuar pak më parë ka thënë se “gjasat për lirimin e Haradinajt janë të mëdha”, duke u bazuar në një deklaratë të Avoktatit të Haradinajt, Arianit Kocit.


Mëtej Dw raporton se një nga argumentimet e palës serbe është se gjatë procesit në Hagë nuk janë marrë në pyetje të gjithë dëshmitarët e parashikuar. Në mediat serbe janë botuar edhe emrat e 30 personave për të cilët mendohet se do të duhej të dëshmonin në proceset kundër Haradinajt. “Por kryeprokurori i Tribunalit Serge Brammertz, ka thënë edhe në Beograd se në rastin Haradinaj janë marrë në pyetje të gjithë personat e parashikuar dhe nuk ka pasur asnjë pengesë juridike për shpalljen e Haradinajt si të pafajshëm”.



“Edhe ish-kryeprokurorja e Tribunalit të Hagës, Carla del Ponte është shprehur këto ditë e befasuar me autoritetet e Francës, për ndalimin dhe mbajtjen e Haradinajt”.

Avokatët e Haradinajt dhe ai vetë pohojnë se nuk ka asgjë të re. Autoritetet juridike serbe pohojnë se ata kanë dëshmi të mjaftueshme për ekstradimin e Haradinajt në Beograd. Gjykata në Colmar do të marrë të enjten vendimin nëse ai do të ekstradohet apo do të shpallet përfundimisht i lirë.






Ramush Haradinaj, ishte dhe do të mbetet njëri nder komandantët më të pathyeshëm të luftës se lavdishme të Ushtrisë Çlirimtare të Kosovës.

Kryesia e Lidhjes se Historianëve të Kosovës “Ali Hadri” dega në Deçan, nëpërmjet kësaj komunikate për media edhe një herë kërkon që nesër autoritetet franceze të lirojnë ish Komandantit e Zonës Operative të Rrafshit të Dukagjinit dhe ish kryeministrit të Kosovës Ramush Haradinaj.

Ramush Haradinaj, ishte dhe do të mbetet njëri nder komandantët më të pathyeshëm të luftës se lavdishme të Ushtrisë Çlirimtare të Kosovës.

Ai është njeriu i cili i dha gjithçka pati kësaj toke e këtij populli andaj mbajtja e tije në paraburgim nga ana e autoriteteve franceze nuk është gjë tjetër vetëm një skandal politik.

Ramush Haradinaj, ishte dhe mbetet njëri ndër komandantët i cili ishte çdo herë aty ku kërkohej mbrojtja e popullsisë civile shqiptare nga sulme e ushtrisë dhe forcave paramilitare serbe.

Ai ishte dhe mbetet njëri ndër personalitete me më ndikim në Kosovën e pasluftës dhe si i tillë ai ka dëshmuar dy here pafajin e tije në organin me të lartë të drejtësisë ndërkombëtare në Hagë.

Ramush Haradinaj, i duhet Kosovës sepse ai është dhe mbete njëri me vizionin me të mirë për drejtimin e shtetit tonë.

Haradinaj, me punën dhe angazhimin e tij politik ka arritur që të ndal shumë procese negative në Kosovë siç ishte votimi i marrëveshjes se dëmshme të demaskimit të kufirit në mes të Kosovës dhe Malit të Zi.

Ne, jemi të bindur se Haradinaj është i pafajshëm sepse ai si luftëtar i lirisë i ka shërbyer amanetit të shumë brezave për të bërë realitet çlirimin e Kosovës. Haradinaj, i duhet Kosovës dhe Kosova e mirëpret lirimin e tij.

Kryesia e LHK “Ali Hadri” dega në Deçan, thekson se drejtësia ndërkombëtare duhet të hetoj kriminelët serb që kryen masakrat me të mëdha ndaj popullsisë se pafajshëm shqiptare si në : Krushë, Reçak, Beleg, Lybeniq, Abri, Qyshk, Pavlan, Zahaq, Studime, Pastasel, e në shuam e shumë pjesë të tjera të Kosovës ku armata dhe forcat para ushtarake, ushtarake e policore serbe kryen gjenocidin me të madh ndaj shqiptarëve në fund të shekullit XX dhe në fillim të shekullit XXI

Prokuroria Speciale   Serbe nuk ka fakte,
Ramush Haradinaj lirohet  më 2 mars 2017. 

Serbia nuk ka mundur të sigurojë prova të reja për ta quar sërish në gjykim për krime lufte kreun e Aleancës për Ardhmërinë e Kosovës, Ramush Haradinajn.

Prandaj, Gjykata e Colmarit në Francë nuk do ta esktradojë Haradinajn në Serbi për shkak të mungesës së dëshmive.

Të enjten pritet që kjo gjykatë franceze, të dalë me vendimin përfundimtar për ekstradimin ose jo të Haradinajt, dhe avokati i tij kosovar Arianit Koci, beson fort se seanca do përfundojë me lirim e jo ekstradim.

“Sipas asaj që ka thënë gjykata në seancën e kaluar, çështja do të shtjellohet dhe vendimi përfundimtar për kërkesën e Serbisë për ekstradimin e z. Haradinaj do të shpallet me datë 2 mars 2017. Ramush Haradinaj është shpallur i pafajshëm në Tribunalin e Hagës. Andaj, besojmë fuqishëm se Serbia nuk ka mundur të sigurojë “prova të reja” siç është pretenduar prej saj. Prokurorët e Hagës kanë hetuar me kujdes çdo ditë e luftës ku Haradinaj ka qenë pjesëmarrës, dhe nuk kanë arritur të dëshmohet përtej çdo dyshimi të arsyeshëm asnjë pikë të aktakuzës”.

“Fuqishëm besoj se vendimi final lidhur me kërkesën për ekstradim do të jetë në favor të z. Haradinaj”, ka deklaruar Koci.

Ai thotë se lideri i AAK-së i arrestuar në Francë nën një flet-arrest ndërkombëtar të lëshuar nga Serbia, mund të kthehet në vendlindje sapo t’i ketë në posedim dokumentet e udhëtimit që janë marrë prej tij nga autoritetet franceze.

“Në rast se gjykata e Colmarit vendos për lirimin e Haradinajt, ai do të mund të kthehet në Kosovë menjëherë pasi t’i dorëzohet dokumenti i udhëtimit, i cili i është konfiskuar përkohësisht nga organet përkatëse të Francës”.

Besim kaq të fuqishëm në lirimin e Haradinajt, ka edhe partia me të cilën ai udhëheqë.

“Ne presim lirimin e tij. Ai është i pafajshëm dhe këtë e ka dëshmuar disa herë”, ka thënë Muharrem Nitaj, anëtari i Kryesisë së AAK-së.


I arrestuar në fillim të muajit janar, Haradinaj me datën 12-të të muajit të parë të këtij viti, ishte liruar me kusht, mirëpo ai s’mund të ishte plotësisht i lirë pa e përgatitur Serbia lëndën për ekstradimin e tij.

Sikurse Koci, të njëjtin mendim e ndanë edhe avokatja franceze mbrojtëse e Haradinajt Rachel Lindon, e cila pas seancës gjyqësore të mbajtur me 12-të janar, kishte thënë se kërkesa e Serbisë që ai të ekstradohet brenda territorit të këtij shteti, nuk ka asnjë bazë ligjore në të Drejtën Ndërkombëtare dhe po ashtu autoritetet serbe s’kanë fakte të reja për ta akuzuar ish-komandantin e UÇK-së.


Në anën tjetër, Kryesia e Degës së AAK-së në Pejë, në një takim të zhvilluar të martën, kishte konstatuar se mbajtja e Haradinajt në Francë është veprim politik që ndërlidhet me paralajmërimet për dërgim në Kuvend të Marrëveshjes për ratifikim të Demarkacionit me Malin e Zi.

Arrestimi i liderit të partisë opozitare kosovare, është e vetmja çështje që kohëve të fundit ka bërë bashkë pozitën dhe opozitën e Kosovës.

Nga krerët e shtetit e përfaqësues të institucioneve vendore, arrestimi i Haradinajt me flet-arrest të Serbisë, është dënuar e është bërë thirrje për lirimin e menjëhershëm të tij me arsyetimin se ai kishte luftuar në mbrojtje të vendit dhe se gjykatat ndërkombëtare e kishin liruar nga të gjitha akuzat.

Haradinaj ishte arrestuar në Aeroportin Ndërkombëtar të Basel-Mulhouse në Francë, me katër janar të këtij viti me një urdhër-arrest ndërkombëtar të lëshuar nga Serbia e cila e akuzon për krime lufte.


Sipas profesorit të së Drejtës Kushtetuese, Osman Kadriu, neni 90 parasheh dhe lejon, nëse Ivanov nuk ia jep mandatin Zaevit, Parlamenti vet të zgjedhë Qeveri.


 

Mijëra maqedonas kanë marrë pjesë në protestën e dytë kundër kërkesave të partive shqiptare, që gjuha shqipe të bëhet gjuhë e dytë zyrtare në Maqedoni.

Protestat në kryeqytetin Shkup dhe në qytetet e tjera, përsëri janë udhëhequr nga partia WMRO-DPMNE, që ishte në qeveri për disa vite, e cila i kundërshton kërkesat për instalimin e dygjuhësisë, pasi sipas saj kjo e ndanë unitetin e vendit.



Protesta në Shkup u përshkrua me dhunë ndërsa gazetari Aleksandar Todeski dhe kameramani Vladimir Zelceski, nga rrjeti A1on, u sulmuan teksa po raportonin për protestën.






Ohër, grafite kundër dygjuhësisë sipas skenareve serbo-maqedon

Mbishkrime me mesazhe ndaj deputetëve të LSDM-së nga Ohri, Tomislav Tuntev dhe Zhaklina Lazareska janë vërejtur tek gjimnazi i Ohrit dhe në bregun e qytetit.

“Tuntev, a meriton Ohri të mësoj shqip” dhe “Profesoreshë Zhaklina a votuan fëmijët tuaj për dygjuhësinë në Ohër”, janë pjesë e grafiteve.

Gjithashtu në më shumë objekte banesore në Ohër në kutitë e postës janë paraqitur bankënota të shtypura falso në dy gjuhë.




Deputetët mund ta thirrin Kuvendin dhe të votojnë Qeveri e cila do të jetë plotësisht legjitime, vlerësojnë ekspertët, ndërkaq nga kabineti i Ivanovit ende nuk ka asnjë informatë.

“Duke e pasur parasysh se Qeveria zgjidhet nga Kuvendi, ndërkaq deputetët i zgjedh populli, ekziston opsion që edhe deputetët të thirrin seancë në Parlament dhe ta konstituiojnë Qeverinë e re, e cila do të ishte plotësisht legjitime. Shembull të tillë patëm mundësi të shohim në Slloveni”, deklaroi eksperti nga sektori joqeveritar, Andreja Stojkovski.

Sipas profesorit të së Drejtës Kushtetuese, Osman Kadriu, neni 90 parasheh dhe lejon, nëse Ivanov nuk ia jep mandatin Zaevit, Parlamenti vet të zgjedhë Qeveri.

“Zaev si përfaqësues i koalicionit i cili ka siguruar shumicë parlamentare, me 67 nënshkrime për mandat, mund të kërkojë nga udhëheqësi i tanishëm, Trajko Veljanovski, menjëherë të thirr vazhdim të seancës konstituive, në të cilën do të zgjidhet kryetar i ri i Kuvendit, i cili do ta thirrë seancën e radhës për zgjedhjen e Qeverisë. Në këtë seancë, Zaev duhet të propozojë programin qeveritar. Nëse Veljanovski nuk e fton seancën, atëherë shumica parlamentare nëpërmjet deputetit më të vjetër mund ta caktojë vazhdimin e seancës konstituive. VMRO-DPMNE nuk ka mundësi juridike që ta kontestojë zgjedhjen e këtillë, kuptohet nesë BDI, BESA dhe Aleanca për Shqiptarët e përkrahin dhe jo të jenë të qëndrimit, nënshkrimet i kanë dhënë, por Qeveri nuk përkrahin”, thotë Kadriu.
Shqiptarët në Maqeodni përbëjnë afro një të katërtën e 2.1 milionë banorëve, ndërsa aktualisht gjuha shqipe është gjuhë zyrtare në disa komuna me popullatë shumicë shqiptare.

Situatë e tendosur në Maqedoni ?


Federica Mogherini pret që deri nesër të zgjidhet 
kryetari i Kuvendit të Maqedonisë


Përfaqësuesja e lartë e politikës së jashtme dhe sigurisë e Bashkimit Evropian, Federica Mogherini, pret që gjatë vizitës së saj të nesërme në Shkup të zgjidhet kryetari i ri i Kuvendit të Maqedonisë. Kjo shkruhet në agjendën e saj e cila këtë pasdite është dërguar nga ana e përfaqësuesve të Zyrës Evropiane jashtë vendit.

“Nga ora 18 deri 19 takim me liderët politik në parlament të cilës do t’i paraprijë takimi me kryetarin e Kuvendit (akoma nuk është zgjedhur, por pritet që të zgjidhet gjatë kësaj vizite”, shkruhet në agjendën e Mogherinit. Takimeve në Kuvend do t’i paraprijë edhe një takim me presidentin Ivanov nga ora 16:30 në rezidencën e tij, me kohëzgjatje prej 20 minutave. Ndërsa pas takimeve në parlament, Mogherini do të takohet me përfaqësues të shoqërisë civili në hapësirat e delegacionit të BE-së në Shkup.

Situata pranë eskalimit në Maqedoni, Gjorge Ivanov ende nuk e mandaton Zoran  Zaevin


Takohen Ali Ahmeti dhe Zoran Zaev


Takimi ka ardhur pas dorëzimit të nënshkrimeve të Zaevit te kryetari Gjorge IvanovMedia bën të ditur se lideri i BDI-së, Ali Ahmeti, është takuar me liderin e LSDM-së, Zoran Zaev, në selinë e partisë në lagjen ”Bihaqka”.

Takimi ka ardhur pas dorëzimit të nënshkrimeve të Zaevit te kryetari Gjorge Ivanov për të kërkuar mandatin për formimin e qeverisë së re të Maqedonisë.

Nuk jepen detaje tjera rreth takimit dhe se për çfarë është biseduar.





Kriza politike në Maqedoni vazhdon të përshkallëzohet edhe në aspektin e sigurisë pas zbardhjes së marrëveshjes për draft-ligjin për gjuhën shqipe mes Lidhjes Social-Demokrate dhe partive shqiptare.

Protestat e organizatave të ndryshme të martën në mbrëmje kanë përfunduar me dhunë ndaj një gazetari ndërsa janë regjistruar edhe incidente tjera ku në shënjestër të protestuesve kanë qenë edhe kalimtar të rastit.

Protestat tani janë shtrirë edhe në qytete tjera ndërsa mbahen kundër avancimit të gjuhës shqipe dhe kundër siç thuhet, përpjekjeve të liderit opozitar, Zoran Zaev, për ndarjen e Maqedonisë.

Ndërkohë, ky i fundit tani dy ditë është në pritje të presidentit, Gjorge Ivanov për t’i dhënë mandatin për formimin e qeverisë së re. Zaev ka thënë se marrëveshja e arritur mes tij dhe partive shqiptare, të cilat i kanë dhënë firmat e nevojshme për t’u mandatuar për kryeministër, është në përputhje me Kushtetutën, e cila përveç maqedonishtes si gjuhë të dytë zyrtare përcakton edhe gjuhën shqipe.

Por, nga VMRO-ja e Nikolla Gruevskit, e cila është në pushtet tani 10 vjet, thotë se marrëveshja rrënon karakterin unitar të shtetit, andaj ka bërë thirrje për kundërshtimin e saj me të gjitha mënyrat e mundshme.

Thirrja e saj ka rritur tensionet dhe incidentet kryesisht nëpër rrugët e Shkupit.

“E dënojmë ashpër këtë dhunë të pakuptimtë dhe irracionale. Thirrjet për urrejtje, thirrjet për Maqedoni të pastër të gjitha këto paraqesin vepër penale dhe autorët e këtyre veprave, por dhe inskenuesit dhe organizatorët e protestave që nuk kujdesen që këto protesta të rrjedhin ashtu siç parashohin ligjet dhe Kushtetuta e Maqedonisë, duhet të ballafaqohen me përgjegjësi penale".

"Maqedonia është në prag të ndërlikimit të situatës dhe vetëm veprimi strikt i institucioneve në përputhje me ligjin dhe Kushtetutën do t`i jap një kahje racionale kësaj situate. Qytetarët liri-dashës pro demokratik të Maqedonisë duhet të tregohen të përmbajtur dhe mos bien pre e këtyre manipulimeve të pushtetit në ikje”, thotë Petrit Saraçini, gazetar dhe përfaqësues i organizatës joqeveritare, “Civil”.

Protestat, sipas aktivistëve të të drejtave të njeriut, më shumë kanë të bëjnë me shpërqendrimin e vëmendjes nga thelbi i krizës politike se sa për zgjerimin e përdorimit zyrtar të gjuhës shqiptare.

Mirjana Najçevska, aktiviste dhe ish kryetare e Komitetit të Helsinkit, thotë se pas gjithë këtij skenari qëndron përpjekja e pushtetit aktual që përmes ngritjes së tensioneve ndëretnike t’i ikë debatit dhe hetimeve që kanë nisur nga Prokuroria Speciale për hetimin e skandaleve nga ajo që njihet si aferë e përgjimeve.

“Vlerësoj se kriminaliteti po bën përpjekje që në të gjitha mënyrat t’i fsheh krimet e bëra. Një nga mënyrat më të thjeshta është ngritja e tensioneve ndëretnike pasi vetëm në këtë mënyrë mendojnë se mund të shpërqendrojnë vëmendjen nga e gjithë ajo që është bërë deri më tani. Është lehtë të nxitësh të rinjtë të bëjnë vepra të shëmtuara, por besoj se lojërat e tyre më nuk do të mund të kalojnë dhe të gjithë ata që i futen skenarëve të tillë duhet të përgjigjen penalisht”, thotë Najçevska.

Në protestat e organizatave që kundërshtojnë marrëveshjen për shqipen, po dëgjohen thirrje nga më të ndryshme ndërsa janë shpërndarë edhe kartëmonedha me simbole e personalitete shqiptare të UÇK-së duke ironizuar kështu me zgjidhjen dhe duke e paraqitur si shqiptarizuese të Maqedonisë.

Zgjidhja e krizës, sipas njohësve të çështjeve politike, qëndron në formimin sa më të shpejtë të qeverisë. Një kërkesë të tillë të martën e bëri edhe departamenti i shtetit amerikan.

Gjeorgje Ivanov nuk ia jep mandatin Zoran Zaevit për të formuar qeverinë


Gjeorgje Ivanov dhe Zoran Zaev"Çdo vendim i keq mund të sjell pasoja katastrofale për të ardhmen e Maqedonisë", tha Gjeorgje Ivanov

Kryetari i Maqedonisë, Gjorge Ivanov, sapo ka mbajtur një konferencë për shtyp me gazetarët ku ka bërë të ditur vendimin e tij për dhënin e mandatit për formimin e qeverisë së re.

Në deklaratën e tij, Ivanov foli për shumë gjëra rreth situatës politike në vend.

”Zaevit i propozova që të respektohen afatet prej dhjetë ditësh. Ai ka informuar se LSDM-ja do t’u qëndrojë afateve dhe nuk do të ketë vonesa.

Dokument paszgjedhor i partive politike shqiptare i nënshkruar në një shtet tjetër, kurse përmbajtja e saj është jasht Kushtetutës dhe MO-së, ndërkaq rrezikon shtetin. Me platformën, RM-ja është shantazhuar dhe është rrezikuar unitariteti dhe sovraniteti i vendit.

Platforma na ka futur në një krizë ende më të madhe ku vihen në pikëpyetje themelet e interesave të RM-së dhe qytetarëve të tyre.

Zaevit i kërkova që ta hedhë poshtë platformën, pasi që maqedonasit votuan për reforma. Një gjykim publik i paltformës nuk ndodhi. Porosia ime është e qartë, meqë u përmbajtën në dënimin e platformës, bashkësia ndërkomëbtare duhet të përmbahet nga imponimi i zgjidhjeve që nuk janë në të mirë të Maqedonisë sepse platforma është një mohim i sovranitetit të Maqedonisë.

Çdo vendim i keq mund të sjell pasoja katastrofale për të ardhmen e Maqedonisë. Ndërgjegja nuk më lejon t’i jap mandat dikujt që e rënon sovranitetin e Maqedonisë.

Qytetarët të jenë të qetë sepse deri sa të jem kryetar i Maqedonisë nuk do t’i jap mandat dikujt që angazhohet, ose që në program të tij ka rënimin e pavarësisë së Maqedonisë.

Marin Barleti ishte historian në kuptimin e plotë të fjalës, dhe madje njëri ndër themeluesit e historiografisë shqiptare.




Prof.Dr. Jahja Drançolli



Ne nji diskutim rreth Historise se Gjergj Kastriotit – Skenderbeut dhe te kontributit te Marin Barletit per kete histori, Prof. Dr. Jahja Drançolli sqaron si ma poshte vijon:

Jam duke parë se një mik yni qenka përgjigjur lidhur më çështjën e bashkëkohësisë së Barlecit me Skënderbeun. Megjithatë, për hirë të respektit ndaj shkollimit Tuaj në Oxford dhe Cambridge do t’ju ofroj edhe disa njoftime shtesë. Dihet se, Marin Barleci (Barletius=Barleci, sipas dokumenteve origjinale të kohës), së bashkë me bashkëqytetarët e tij M. Biçikemin, L. N. Tomeun, M. Segonin e ndonjë tjetër, konsiderohen si historianë dhe shkrimtarë të parë arbër të epokës së Humanizmit dhe të Rilindjes dhe në këtë kontekst edhe të epkokës së Skënderbeut.

Sipas rezultateve të njohura shkencore, dihet se Barleci lindi në Shkodër rreth vitit 1450. Vdiq ndërkaq në vitin 1512 ose 1513 në Padova. Për disa hollësi të jetës së tij njihemi nga veprat e tij.


Siç na thotë vetë në veprën Rrethimi i Shkodrës, Barleci ishte prift katolik nga Shkodra. Më 1474, në rrethimin e parë të Shkodrës nga osmanët, ai ndodhej në qytet si deshmitarë i ngjarjeve. Ndërkaq, në rrethimin e dytë të Shkodrës (por edhe të Krujës), më 1478/79, mori pjesë në luftimet kundër osmanëve. Pas mbrojtjes heroike, me dorëzimin e qytetit t e qytetit të Shkodrës në pranverë të vitit 1479, Barleci, bashkë me qytetarët e tjerë (450 burra dhe 150 gra?), sa kishin mbetur në Shkodër, kaloi në Itali dhe gjeti strehim në Venedik. Atje (sipas njoftimeve të reja), bëri emër në Universitetin e Padovës, si dhe në Venedik (Shkolla Arbërore- Scuola degli Albanesi). Atje, respektivisht në Veneto (ku përfshiheshin Padava, Verona, Treviso, Vicenza, etj.), kishte shfrytëzuar dokumente arkivore zyrtare, të cilat i kishte komplemetuar me dëshmitë e veta të sjellura nga Arbëria në Itali në moshën madhore.

Këtej, ai u bë i njohur me historinë e tij kushtuar Gjergj Kastriotit-Skënderbeut, të shkruar në fillimet e viteve 90-ta të shek. XV (pra nga një distancë shumë të shkurtër kronologjike pas vdekjës së Skënderbeut).

Me fjalë të tjera Barleci nuk mund të konsiderohet as si kronikan por as si hagiograf i Heroit. Ai ishte historian në kuptimin e plotë të fjalës, dhe madje njëri ndër themeluesit e historiografisë shqiptare. Të këtillë e konsideron edhe historiografia italiane dhe më gjërësisht!

Sa i përket pyetjës së dytë: bazu ne hulumtimet e jueja, a asht e vertete se shumica e korrespondences se Skenderbeut asht ba ne sllavishten e asaj kohe, po ma merr mendja pararendsen e serbishtes se sotme?
Marinus Barletius
Është e vërtet se zyra diplomatike e Skënderbeut ka mbajtur korrespndenca aktive bilaterale me shtete të ndryshme të rajonit dhe të Europës. Duke zotëruar zyre të njohur të kohës, Skënderbeu ka ruajtur marrëdhënie bilaterale edhe me shtete sllave, siç ishte shteti i Rashës (Serbia e sotme), Bosnjës, Zetës (Mali i Zi i sotëm), por edhe ndonjë herë edhe me Republikën e Raguzës (dhe qytete të tjera romano-delmato- kroate), Bullgarinë, etj. Megjithatë, shumë më e njohur dhe më e dendur me korrespondeca është ajo latine-italiane, si, me Republikën e Venedikut, Raguzën, Papatin, Napolin, Milanon, Sienën, Mantovën, etj.

Është njohur edhe zyra osmane (ose arabica-sipas alfabetit), si dhe ajo bizantine, zyra këto dilpomatike të instaluara anë e kënd qendrave të njohura arbërore, përfshirë edhe disa qendra të Kosovës!


******

A ISHTE KURORËZUAR GJERGJ KASTRIOTI-SKËNDERBEU PËR MBRET?



Në kërkim të burimeve që provojnë ekzistimin e shtetit të Gjergj Kastriotit-Skënderbeut, burimet e kohës, që dalin nga provenienca të ndryshme ofrojnë njoftime të shumta edhe për titullin apo ofiqin shtetëror të Fatosit tonë. Lidhur me këtë çështje duhet thënë se për shkaqe të politikës së ditës zyrat e kohës, Skënderbeun dhe luftërat e udhëhequra nga ai, në fillim i shikonin si lëvizje spontane dhe të paorganizuara. Si të tilla, gjatë viteve 1443-1448 Republika e Venedikut, luftërat e popullit tonë kundër osmanëve në krye me Skënderbeun përpiqet t’i kanalizonte për ruajtjen e interesave të veta. Këtej, edhe dokumentet që dalin nga zyrat e Venedikut dhe nga zyrat e vendeve të tjera të ndikuara nga kjo Republikë, nuk e shohin Skënderbeun në cilësi të një sunduesi të mirëfilltë të Arbërisë, por vetëm si një sundues të thjeshtë apo ”Zot të Krujës”.

Historiografia jonë që në fillimet e veta iu përkushtua edhe çështjes së pozitës politike që zinte Gjergj Kastrioti-Skënderbeu në shtetin e formuar nën udhëheqjen e tij. Që këtej, biografët e moçëm të heroit tonë kombëtar si, humanistët: Marin Barleci, Dhimitër Frëngu dhe Frang Bardhi, e quajtën Skënderbeun “Princ të epirotëve” (Epirotarum Princeps”- Barleci), “Princ i Epirit” (“Principe di Epyrro”-Frëngu), në kuptimin “Princ të arbërve” ose “Princ të Arbërisë”.

Sipas dokumenteve zyrtare, titullin e një shtetari të gjithë Arbërisë (edhe pse shteti i Skënderbeut gjatë gjithë ekzistimit nuk arriti t’i përfshinte të gjitha trojet arbërore), ia ndau së pari Zyra e Republikës së Raguzës, e cila më 17.V.1447 e quante “domino Giorgio Castriotis de Albania” (Gjergj Kastrioti Zot i Arbërisë). Në vitin pasues, kur Fatosi ynë kishte fituar zulm në Evropë, zyra e Republikës së Venedikut, më 4.X.1448 e njohu edhe de facto për kryetar të krerëve arbërorë “I madhi Skënderbe...” (“Magnifico Scanderbego ...”).

Po në këtë kohë nga zyra e Raguzës del një dokument më domethënës për titullin e Fatosit tonë: “Zoti ynë Skënderbeu, Zot i Arbërve” ( më 20.X.1448 - “Domino nostro Scanderbech, dominus Albanensis”). Po në këtë ditë, një vit më pas, me rritjen e pushtetit të vet feudal, zyra e Venedikut e quan “Zoti Skënderbe”. Ndërkaq, zyra e shtetit të Milanos e quan: “Zot i Arbërisë”. Me këtë ofiq, zyra e Milanos e shënonte gjatë gjithë jetës së tij. Madje, sipas një dokumenti që mban datën 6.VI.1461 të po kësaj zyre, Fatosi përveç ofiqit “Zot i Arbërisë” u cilësua edhe “Kapiten gjeneral i Mbretërisë së Madhe për pjesë të Greqisë”. Miku i Skënderbeut, mbreti aragonez Alfonsi V, me rastin e marrëveshjes në Gajetë, më 26.III.1451, e quan “Zot të Krujës dhe të pjesëve të tjera të Arbërisë”. Ky ofiq i Skënderbeut qarkullonte edhe në zyrat e papatit, duke filluar nga 13.IV.1451, kur në krye të Selisë Papnore ishte papa Nikolla V. Duhet thënë se të gjitha dokumentet që dalin nga kancelaritë e Vatikanit nga koha e papëve Nikolla V, Kaliksti III, Piu II, Fatosin tonë e njohin për “Zot të Arbërisë” (Giorgio Castriota Scanderbeg Albanie domino”). Ofiqi zyrtar “Zot i Arbërisë” (“Dominus Albaniae”), i paraqitur dendur gati në të gjitha dokumente zyrtare të kohës pas ngadhnjimit në Krujë (në vjeshtën e vitit 1450), dëshmon për ngritjen e shtetit të Skënderbeut prej një zotëruesi të Matit dhe Dibrës në zotërues të një shteti me emër Arbëri (“Albania”).

Titullin zyrtar të Skënderbeut “Zot i Arbësisë”, përkatësisht “D(OMINUS) AL(BANIAE) e ndeshim edhe në vulën e madhe të Fatosit tonë. Inicialët e paraqitura në vulë provojnë se sigillumi në fjalë është përdorur pas vitit 1451, kur Skënderbeu tashmë ishte shpallur për udhëheqës të Shtetit të Arbërit, dhe si të tillë më pastaj nuk e ndeshim të mbante tiullin “Zot i Krujës”.

Edhe pse na mungon ndonjë njoftim i drejtëpërdrejtë që kishte dalë nga zyra papnore e papës Pio II lidhur me kurorëzimin e Skënderbeut nga Selia e Shenjtë, kjo tregon në njëfarë mënyre shpresat që ushqente populli i Shqipërisë ndaj Piut II dhe heroit tonë kombëtar. Më të qartë dhe më të guximshëm në këtë aspekt janë zyrat e shtetit të Mantovës. Këtej, në një dokument të këtij shteti, që mban datën 11.VIII.1459, e quan Gjergj Kastriotin-Skënderbeun “Princ të Krujës dhe të pjesëve të tjera të Arbërisë” (“... Georgii Scanderbech, principis Croye et aliarum partium Albanie”).

Afërsia territoriale dhe marrëdhëniet e mira shekullore midis Republikës së Raguzës dhe Arbërisë bëri që personaliteti historik i Gjergj Kastriotit-Skënderbeut, pozita politike dhe lufta heroike e popullit arbëror nën udhëheqjen e tij të zënë vend të rëdësishëm në veprat e kronistëve dhe të historianëve të moçëm të Raguzës. Në këtë aspekt janë me interes edhe njoftimet për titullin apo ofiqin e Fatosit tonë. Këtej, sipas Anonimit të Raguzës (shek.XV), më 29 maj 1453 “Skënderbeu lëshon atdheun e vet, Arbërinë...” (Schenderbeg dallo suo paese de Arbania”), njoftim ky që provon titullin e shtetarit, si dhe shtetin e Skënderbeut. Të tilla njoftime gjejmë edhe të historiani tjetër i moçëm i Raguzës Nicolai de Ragnina i cili në një vend të kronikës së tij shprehet:”Në Arbëri i doli prapa shpinës Skënderbeut, Zot i këtij vendi.” Është fjala për vitin 1453. ndërkaq, Serafin Razzi, e quan madje “Dukë të Arbërisë”(“Duca dell’ Albania...”). Po ky autor, në një pasazh tjetër, e quan Skënderbeun “Princ të Arbërisë” Me ofiqin princ, Skënderbeun e ndeshim edhe në “Kronikën e Raguzës” të autorit Giugno Resti. Nërkaq, sipas një njoftimi që del nga viti 1447: “Skënderbeu i Epirit, ky princ arbëror ...”. S’ka dyshim se, nga këto njoftime Fatosi ynë, që në vitin 1447, u bë i njohur në Raguzë me ofiq të një shtetari të mirëfilltë, si “Zot i Arbërisë” apo “Princ i Arbërisë”.
Burimet bizantine, edhe pse ofrojnë njohuri interesante për epokën e Skënderbeut, ato për shkak të politikës ditore ndaj shtetit mesjetar të Arbërit nuk ndalen në ofiqin apo titullin politik të heroit tonë kombëtar. Përjashtim në këtë aspekt bën kronisti Gjergj Sfranca, i cili duke bërë fjalë për fushatën e Mehmetit II në Arbëri, tërthorazi njofton edhe për titullin dhe shtetin e Gjergj Kastriotit-Skënderbeut: “Sulltani (Mehmeti II- J.D.) udhëheqësi i të pabesëve, erdhi kundër Arbërisë dhe pasi e ndoqi sundimtarin e tij Skënderin...”

Ndryshe nga bizantinët, burimet osmane, në këtë aspekt janë shumë më përmbajtësore dhe domethënëse. Kështu, Kemal Pashazade (1468-1534) Skënderbeun e quan “Sundimtar të arbërve” ose “Mbret arbërve”. Gati njësoj rreth titullit politik të Skënderbeut shprehet edhe kronisti turk Hoxha Saddedin (1536-1599), i cili Fatosin tonë e quan “Iskënderi, sundmtar i arbërve”, si dhe Mynexhimbashi (1631-1702) e quan “Sundimtar i vendeve të arbërve” ose “Sundimtar i Arbërisë”. Njoftime të përafërta ndeshim edhe te kronistët e tjerë turq, si te Idris Bitlisi (?-1520), Kronikat Osmane anonime, Aliu (1541-1600), Mehmet Neshriu (fundi i shek. XV-1520), etj.

Ne kontekst me kryqëzatën kundër turqve, ku Papa Piu II e emëroi Skënderbeun kryekomandant të Selisë së Shenjtë, humanisti ynë M. Barleci mes tjerash shkruante edhe për ofiqin shtetëror të Skënderbeut:”(Papa Piu II) do të pranonte së pari dhe do të ngrente në gradën e nderuar të kardinalit Pal Engjëllit, argjipeshkvin e Durrësit; pastaj do të shpallte mbret të epirotëve dhe të arbërve Skënderbenë...”. Ky pohim i Barlecit konfirmohet nga një njoftim zyrtar që mban datën 8.XI.1462. Dokumenti është një riprodhim i bullës së Papës Piu II dhe titullohet “Konstitucione të Pal Engjëlit, argjipeshkv i Durrësit, publikuar në kishën e Trinisë së Shenjtë të Matit, e hënë, më 8 nëntor 1462”. Në pjesën pas arengës (hyrjes) thuhet: “Dekreti i përgjithshëm i Papa Piu II, lëshuar me kërkesën e shumë të përndritshmit dhe shumë të shkëlqyerit kardinalit të Kishës së shejtë Romake, argjipeshkvit të Durrësit, Pal Engjëllit, si kundër sektit muhamedan, ashtu edhe në favor të të pathyeshmit Mbretit Arbërisë, zotit Skënderbe...” (“...regis Albanise domini Scanderbegi...”). Njoftim tjetër për kurërëzimin e Skënderbeut për mbret e lexojmë edhe të Frëngu, i cili duke folur për kryqëzatën kundër turqëve, të cilën e përgadiste Papa Piu II, më 1464, shkruante se:”...Mbreti i Epirit dhe i tërë provincës së Arbërisë” (“Re de Epyrro e di tutta provincia d’Albania”).


Burimet letrare-historike

Letërsia me karakter thjesht historik, siç dihet përfshin studime e traktate të përgjithshme historike ku shtjellohet, analizohet e vlerësohet jeta dhe vepra e Gjergj Kastriotit-Skënderbeut. Krijuesit letrarë të kohës së humanizmit, sidomos krijuesit italianë, francezë, anglezë, gjermanë, etj., duke shkuar pas gjurmëve të humanistëve arbëror, Skënderbeun e kanë cilësuar me titull zyrtar princ apo mbret. Titullin princ, nga historianët e huaj së pari e vuri në qarkullim P. Gjovio(1551). Ndërkaq kurorën mbret Fatosit tonë, ia vuri për herë të parë mbretëresha Elizabeta me dorën e saj në “Lutësoren” e saj (Prayer Book, 1559). Ndërkaq, 129 vjet pas vdekjes së heroit tonë, letrari dhe historiani i shquar freng Zhak dë Lavardin, botoi më 1579 veprën “Historia e Gjergj Kastriotit, të quajtur Skënderbe, mbret i Shqipërisë”. Ajo që tërheqë vëmendjen më tepër këtu është se Lavardini ishte i pari shkrimtar botëror i cili, duke iu drejtuar fisnikërisë frënge, i dha Skënderbeut titullin mbret, në kuptim burrështeti. Në këtë aspekt, Lavardini i drejtohet me këto fjalë fisnikërisë frënge: “Kjo është jeta e Gjergj Kastriotit, Mbret i Arbërve, emri i pavdekshëm i të cilit meriton padyshim të përmendet në tempullin e kujtimit”.

Në anë tjetër rilindasit tanë përgjithësisht Skënderbeun e konsideronin për “mbret”. Këtej, Naim Frashëri në poemën e tij kushtuar Fatosit (më 1899), parapelqente të quante “mbret” të Arbërisë. Kështu e quante edhe Noli në veprën e parë kushtuar Skënderbeut (më 1921).

Me titullin zyrtar princ apo mbret në cilësi burrështetasi, kryeprotogonistin tonë e ndeshim edhe në një operë të Antonio Vivaldit, si dhe një varg vepra të tjera muzikore e teatrore të shek. XVIII-XIX.
Nga gjithë ajo që u tha më sipër duhet të konstatohet se, titulli shtetëror “mbret” (monark), të cilin e ndeshim te shumë letrarë dhe historianë që shkruan në gjuhë të ndryshme për jetën dhe bëmat Gjergj Kastriotit-Skënderbeut (pas vdekjës së Fatosit tonë), më tepër do të duhej të konsiderohet për një atribut që doli nga simpatia dhe zulma për këtë burr të madh të shek. XV. Mirëpo, edhe pse nuk ishte mbret i kurërëzuar por një “zot”, përkatësisht “princ”, prapëseprapë kryetrimi ynë ushtronte të gjitha funksionet e një monarku mesjetar, shteti tij ndërkaq kishte tipare të një monarkie feudale të përqendruar.

Elon Musk bën thirrje që "Radio Evropa e Lirë" dhe "Zëri i Amerikës" të mbyllen

                                                    Nga Flori Bruqi Biliarderi afrikano-amerikan  Elon Musk  Tesla bën thirrje që "Rad...