Territori kaq i madh që humbëm nga ‘dashuria’ për turkun e islamin

Brunilda Ternova

– Shqipëria etnike para ardhjes së turqve në Ballkan, zinte një sipërfaqe prej rreth 110.000 km2 f. 99. Abdyl Frashëri, “Popullsia greke në Epirin e Ri dhe të Vjetër“, fq. 100.

– Në periudhën e pavarësisë së shteteve fqinje, Greqisë, Serbisë dhe Malit të Zi, Turqia u “fali” këtyre shteteve rreth 5.000 km2, të tokës shqiptare, f. 100. Dr. Muhamet Pirraku, “Kultura kombëtare shqiptare deri në Lidhjen e Prizrenit“, Prishtinë 1979, fq.11-20, “Dielli”, nr. 21/27, 1979.

– Në Luftën e vitit 1876 – 1877 me Rusinë, Turqia e përfundoj duke i dhënë asaj në interes të popujve ortodoksë të Ballkanit rreth 25.500 km2 të tokave shqiptare. 101. Mr. Kolë Krasniçi, “Roli i fesë në ruajtjen e identitetit dhe të harmonisë kombëtare te shqiptarët“, Vjenë 1996, fq. 56-58.

Harta e trojeve shqiptare nën Perandorinë Osmane, 1880

– Në fund të shek. 19-të territori i Shqipërisë etnike do të konsiderohej rreth 80.00 km2 me 2.5 milion banorë 102. Ahmet Hamiti, “Çështja shqiptare“, Koha, nr. 14/1991, fq.26, ndërsa Konferenca e Paqes që u mbajt në Versajë më 1919 – 1920 do të konstatojë se territoret shqiptare në vitet 1912-1913 zinin një sipërfaqe prej 90.270 km2 me rreth 3 milion banorë 103. Liman Rushiti, “Stradanja albanskog Naroda na Kosovu “1912-1918, Zagreb 1991, fq. 24.

Përkundër këtyre konstatimeve kjo Konferencë sanksionoi vendimet e Traktatit Paqësor të Londrës (1913), duke shkëputur nga trungu etnik shqiptar rreth 80.000 km2, që iu shpërndau shteteve fqinje me bekimin TURQISE, kështu që Shqipërisë i mbetën vetëm rreth 28.700 km2. 104. Dr. Muhamet Pirraku,”Kultura kombëtare shqiptare deri në Lidhjen e Prizrenit“, Prishtinë 1979, fq. 6.

– Me luftërat Ballkanike, Konferenca e Londrës me bekimin e TURQISE më 1913, i plotësoi ëndrrat e shteteve fqinje, Greqisë, Serbisë dhe Malit të Zi dhe u vendos kufiri i sotëm në më pakë se gjysmën e Shqipërisë 105. Konferenca e Ambasadorëve (1912-1913), shih. FESh. fq. 503. Sipas Vjetarit Statistikor të Shqipërisë, sipërfaqja në km2 e shtetit shqiptar, sot është 28.748 km2. 106. Vjetari Statistikor i Shqipërisë, 1991, fq. 12.

Vetem ne Kosove kontributi anti-shqiptar turk, në bashkepunim me serbet ka qene katastrofik, ku 24 programe të ndryshme janë hartuar e zbatuar për dëbimin e shqiptarëve, asimilimin e tyre dhe kolonizimin e trevave, që ata i popullonin me serbë. Dëbimi ishte i heshtur në kohë paqeje kur kryhej përmes diskriminimit, persekutimit dhe represionit, ndërsa ishte masiv dhe i shpejtë në kohë luftërash, kur kryhej përmes pastrimit etnik, masakrave dhe terrorit.

Programet kryesore famëkëqija ishin:
– “Naçertanja” nga viti 1844 i Ilija Garashaninit,
– Projekti i parë i Vasa Çubrilloviqit “Shpërngulja e Arnautëve” nga viti 1937
– Konventa jugosllavo-turke për shpërnguljen e shqiptarëve në Anadoll nga viti 1938,
– Projektet e Ivo Andriqit dhe Ivan Vukotiqit nga viti 1939,
– Projekti “Serbia homogjene” i Stevan Molevacit i vitit 1941,
– Projekti i dytë i Vasa Çubrilloviqit “Problemi i pakicave në Jugosllavinë e Re” nga viti 1944,

– Marrëveshja Xhentëlmene Tito-Kyprili për shpërnguljen e shqiptarëve në Turqi e vitit 1953, e deri te Memorandumi i Akademisë së Shkencave dhe Arteve të Serbisë të vitit 1986 dhe Programi Jugosllav për Kosovën i vitit 1988. Nikola Pashiqi, Petar e Aleksandar Karagjorgjeviqi, Milan Stojadinoviqi, Dragolub-Drazha Mihajloviqi, Aleksandar Rankoviqi e deri te Slobodan Milosheviqi, veçse zbatonin këto projekte e programe.

Më 18 shkurt 1953 Jugosllavia, Greqia dhe Turqia arritën një marrëveshje për bashkëpunim dhe në Split nënshkruan një marrëveshje, me të cilën u ripërtëri konventa shtetërore jugosllavo-turke e vitit 1938 për shpërnguljen me dhunë të shqiptarëve … në Turqi… Në bazë të hulumtimit sistematik të dy shërbimeve konzullare (sektorit të pasaportave) jugosllave dhe turke, dëshmohet se në periudhën 1951-1968 prej Jugosllavisë në Turqi janë shpërngulur 414.500 shqiptarë… ndërsa gjate periudhës në fjalë (bazuar në statistikat sekrete jugosllave) në Kosovë ishin sjellë në heshtje 63.000 kolonë sllavë… Ndërkaq sipas statistikave të publikuara më vonë del se në periudhën 1952-1965 për ne Turqi janë shpërngulur: 452.371 shqiptarë.

4 vilajetet me shumicë shqiptare në kohën e pushtimit turko-osman kishin gjithsejt një territor prej 178 mijë km2, që e humbuëm dhe tani Shqipëria e Kosova kanë rreth 39.600 km2.

Shqiptarja Klejda Bega ishte vjetë kandidate për çmimin Nobel

 Klejda Bega

Shkencëtarja shqiptare, Klejda Bega nga Elbasani,ishte vjetë  në prag të çmimit Nobel, pasi në arritjet e saj në shkencë, ka gjetur një formulë që mund të lëvizë atomet sipas dëshirës nëse përdor një procedurë të veçantë dhe disa pajisje sipas skemës së krijuar prej saj.

Që në fillim, Bega ka qenë një nxënëse e shkëlqyer duke u rreshtuar në studentët ekselentë dhe fituese e vazhdueshme e Olimpiadave të Matematikës dhe Fizikës në Shqipëri.

Arritjet bënë që ajo të përfundojë Universitetin në Zvicër për t’u pranuar më pas nga Universiteti i Kalifornisë, i cili është ndër më të mirët, për sa i përket fizikës dhe 33 pedagogët, që japin mësim aty kanë marrë çmimet Nobel. Pas përfundimit të studimeve ajo vijoi të ishte pjesë e këtij universiteti, por si pedagoge.

“Ishte pikërisht biografia e Mari Kyrisë që i dha ngacmimin fillestar. Unë as që e njihja se çfarë ishte fizika, por meqë kjo shkencë i kishte shkaktuar asaj (Marie Kyrisë) aq pasion, me siguri duhej të ishte diçka e mrekullueshme. Dhe thashë: Unë do të bëhem fizikane.

 Matja e elektroneve përbën një nga sfidat më të mëdha të kohës në fizikë. Është një matje shumë e rëndësishme. Duket si diçka e thjeshtë. Por në fakt këtu qëndron baza e ligjeve të fizikës.

Pra, gjithçka e thënë deri tani e ka bazën në vërtetësinë e këtyre matjeve. Si rrjedhim ne vërtetojmë ligje të zbuluara dhe ato që mund të zbulohen”, është shprehur Bega për media shqiptare.

Klejda ka një këndvështrim më të gjerë se sa thjesht koncepti fizikë. Madje ajo e sheh këtë shkencë si bazë për të përparuar në fusha të tjera të jetës.

Mustafa Demiri është botanisti më i shquar shqiptar

Para largimit nga kjo botë doktori i filozofisë së shkencave Miti Koçi realizoi studimin Profesor Mustafa Demiri Botanisti më i shquar shqiptar. Sipas familjes së profesorit vijuesi i kësaj tradite e fryme të dijes natyrore ishte ndër të parët që pati dashamirsinë dhe seriozitetin mbi veprën e udhërrëfyesit të tij edhe pse në kushte të rënda shëndetësore
Andi Bica
Portretin e Profesor Mustafa Demirit shkencëtarit të njohur e të panjohur nga breznitë e tanishme e kam njohur vonë madje vetëm përmes veprës së tij konkrete Librin referencë shkencore Flora Eskursioniste Shqiptare e Parkun Natyror prej vitesh shesh xhirimi i famshëm për të sapomartuarit Kopshti Botanik emblemë të Tiranës.

Studimi para disa viteve sot in memoriam i doktorit të shkencave dhe ish studentit e mikut të familjes Demiri Miti Koçi është një amanet i kryer denjësisht para kolegëve të rrafshit të Natyrës Dijes e miqve të vlerave të Botës Shqiptare. Kolana u plotësua me botimin Mustafa Demiri Botanisti më i shquar me trajtesën e disa rrafsheve njerëzor , akademik e pedagogjik jetën e këtij personaliteti mbarkombtar.

Arkitektura e mjedisit ose inxhineria e peisazhit urban janë sot degë të kërkuara të tregut aktual të ndërtimit të metropoleve. Gurë kilometrik për të gjithë profesionistët e dalë nga Universiteti Bujqësor e Fakultetiti Inxhinierisë mbetet vepra themeltare e profesorit vizionar Njeriut pasionant të luleve shqipe.

Para largimit nga kjo botë doktori i filozofisë së shkencave Miti Koçi realizoi studimin Profesor Mustafa Demiri Botanisti më i shquar shqiptar. Sipas familjes së profesorit vijuesi i kësaj tradite e fryme të dijes natyrore ishte ndër të parët që pati dashamirsinë dhe seriozitetin mbi veprën e udhërrëfyesit të tij edhe pse në kushte të rënda shëndetsore.

Studjuesi pasionant e insistues Koçi ia mbërriti me durimin e bletës të mbledhë e filtrojë lëndë të pasur e të plotë nga arkivat e kujtesës studentore , familja Demiri si dhe institucionet shkencore ku gjalloi punën kërkuese pa rreshtur ë harruar misionin e tij .


Vetë studjuesi Miti Koçi i diplomuar në Universitetin e Tiranës Fakulteti i Shkencave të Natyrës dega biologji kimi e më vonë thelluar në filozofi realizoi kualifikime me ambicie te disa rrafshe si gazetari, psikologji, ekologji ekonomi agrare, bioetikë, politika dhe menaxhim të arsimit të lartë. Formimi enciklopedik ia lehtësoi realizimin e botimit si qasje multidisiplinore mbi dy kolonat e veprës së Profesor Demirit.milti-miti-koci demiri-mustafa mustafa-demiri

Roli i tij produktiv shihet në publiçistikë ku përmbledh 100 artikuj e 50 punime shkencore duke referuar si pjesmarrës aktiv te 20 kongrese dhe konferenca ndërkombtare . Tekste e monografi të autorit janë “Njohuri të filozofisë “ “Filozofi e biologjisë”, “Bioetikë”, “Ekologji” dhe finalja ishte kurorzimi i mirënjohjes e vlerësimit ndaj profesorit të tij më të parë “ Personaliteti më i shquar në shkencën e botanikës”.

Sipas studjuesit Koçi në studimin e botuar nga shtëpia botuese Dudaj me mbështetjen e familjes Demir profesor Mustafai portretizohet si Eksplorues i florës së mbarë Shqipërisë .

Shënimet e blloqet e mbajtura nëpërmjet ekspeditave pasqyrohet në harkun kohor ng pranvera e vitit 1952 deri në atë të vitit 1985 .

Vetëm në arealin e Zagorisë së Gjirokastrës vërehet kujdesi i botanistit të përkushtuar Demiri si vëzhgues i imët e analizues i natyrës shqiptare .

Një pasuri e rrallë e profesorit nga ekspeditat botanike janë mijëra diapozitiva ku shpërfaqet pothuajse gjeografia floristike shqiptare nga Vermoshi në Konispol e nga Prespa në Durrës. Relievi me malet , fushat, luginat, ranishtat e ligatinat të shkelura e prekura mbi 30 vjet shoqërohen edhe me përshkrime e vizatime të sakta që tregojnë vrojtime topografike e gjeologjike të truallit , një sy i ri mbas luftës së dytë botërore mbi klimën e motin për secilën zonë.

Risia e profesor Mustafa Demirit mbetet edhe lëvrimi i drejtimeve të reja të shkencës botanike si fitogjeografia ose gjeografia e bimëve .
Përhapja gjeografike e llojeve bimore mbi sipërfaqen e Tokës lidhur ngushtë me faktorët klimaterikë dhe motivet mjedisore .
Vepra “ Bimët e egra e të dobishme e të dëmshme të vendit tonë “ u mirprit mirë jo vetëm nga ekspertët e sferës botanike por nga personalitete të lartë të kohës. Personaliteti i njohur Profesor Jakup Mato i Ministrisë së Arsimit e komentoi duke e vlerësuar si “ dhurata më e mirë për një biolog pasi është një vepër e mirëfilltë praktike e shkencore “
Libri është vlerësuar nga opinioni shkencor dhe personalitetet e kohës sepse ngërthen një sintezë enciklopedike me të dhëna shkencore e fitofolklorike të bashkombasve mbi vlerat shumzërshe të bimëve të egra autoktone të njohura si bimë endemike ose sesleria . Njëra prej tyre është edhe princesha e Kështjellës së Krujës emërtuar sesleria Schanderbegi në nder të kryezotit të shqiptarëve Gjergj Kastriotit.
Profesor Mustafa Demirit nuk iu akordua ndonjë lloj titulli i lartë për realizimin e ndërtimit modern të Kopshtit Botanik Kombtar të Tiranës. Kjo u vlerësua nga ekspertët si vepër monumentale , unike e shkencore mbarkombtare duke i mahnitur vizitorët e pamoshë të kostumeve prej kategorive sociale.
Prania e mungesës së Profesor Mustafa Demirit e dishepullit të tij Miti Koçit larguar me amanetin e kryer dhe ëndrrën e realizuar si miq të lartë të natyrës shqiptare më zgjon tek ekrani i kujtesës një tregim radiofonik:
‘’Bashkudhëtarja e profesorit zyshë Vizhdani mëma e tre djemve profesionistë të zotë e dinjitarë rrëfente para disa vitesh para kasetofoni të gazetares Valdete Antoni se edhe kur bora e ngrica mbulonte kryeqytetin zemra e profesor Mustafait nuk flinte por shkonte në mes të natës për tu dhënë ushqimin e prekjes e përkujdesjes prej merakliu e dashurinë secilës prej miseve të natyrës që flinin tek serra që ruhet edhe sot pranë Kodrës së Diellit. Vetëm pasi bimët ishin të mbrojtura si bijzat e tij të dashura ai mund të flinte një sy gjumë i qetë “
Botanisti Lulëzim Shuka po e vijon rrugën e shtruar me referencë “Florën Ekskursioniste Shqiptare” duke ecur zbulimit të luleve shqiptare me Tulipanët e Shqipërisë e të Kosovës .
Dijetari Mustafa Demiri me vizionin e tij të qartë e të largët na dhuroi me lartësinë e kërkimit të tij e dritën e shpirtit një lule që për nga kualiteti mund të quhet një Miss i Natyrës Shqiptare e Europiane mes bukurive të panumërta ajo quhet Stellina Alpine e stolis si një princeshë kurorën e Alpeve shqiptare!”

“Die Kronne” : Zana Ramadani boton libër kundër islamit politik dhe mbulesës së gruas

Zana Ramadani

“Gratë myslimane udhëheqin në familje. Ato i edukojnë bijat e tyre që të bëhen krijesa amorfe e të pavullnetshme ndërsa bijtë e tyre, maço të llastuar”, thotë Zana Ramadani.

Zana Ramadani, shqiptarja nga Maqedonia, e cila qe bërë e njohur si bashkëthemeluese e organizatës “Femen” për Gjermani, është paraqitur së fundi edhe si autore e një libri. “Die verschleierte Gefahr” (Kërcënimi i mbuluar) quhet ky libër, i cili në opinionin gjerman po bën jehonë për tonin kritik që autorja përdor kundrejt islamit politik, shkruan gazeta austriake “Die Kronne”, e cila ka zhvilluar një bisedë me Zana Ramadanin.
Është interesante se në këtë prezantim, shqiptarja 33 vjeçare e vë në thumb të kritikës pikërisht gruan myslimane, transmeton albinfo.ch. “Gratë myslimane udhëheqin në familje. Ato i edukojnë bijat e tyre që të bëhen krijesa amorfe e të pavullnetshme ndërsa bijtë e tyre, maço të llastuar”.
Vetë Zana Ramadani është rritur në një familje myslimane (shqiptare nga Maqedonia) dhe ka ardhur në Gjermani si vajzë e vogël 7 vjeçare. Ajo e ka ndjerë në lëkurën e vet forcën (dhunën) e së ëmës dhe e ka vënë atë në fokus të librit të saj.
“Dora e një myslimaneje godet në mënyrë shumë të lirshme mbi të bijën, edhe pse kjo nuk mbështetet në kuran. Gratë e shohin veten si mbrojtëse të një tradite , nga e cila kanë vuajtur vetë ato”, thotë politikania e CDU-së, përcjell albinfo.ch. Ajo nuk e kursen shoqërinë nga kritika për “maninë e tolerancës” së saj në lidhje me mbulesën myslimane të gruas.
Pavarësisht a është fjala për shaminë e kokës apo për burka, që të dyja janë fare qartë kundër barazisë së gruas dhe njëkohësisht janë simbole të islamit politik. Këto veshje simbolizojnë, sipas saj, paaftësimin dhe `defeminizimin`e grave.
Por përse atëherë edhe vetë gratë marrin pjesë në këtë proces? “Për shkak të sigurisë në familje. Shumë nga to nuk kanë jetë jashtë komunitetit të tyre. Ne duhet ta ndërpresim sjelljen tonë që islamin politik dhe diskriminimin e vazhdueshëm të gruas myslimane, duke e minimizuar, e paraqet si respektim të identitetit kulturor. Integrimi dhe arsimimi janë detyra të shtetit dhe jo të shoqatave të myslimanëve”, ka thënë Zana Ramadani në intervistë.

Aleanca për Ardhmërinë e Kosovës (AAK) e ka kundërshtuar ashpër versionin aktual të Demarkacionin me Malin e Zi.

Në një komunikatë për medie, lëshuar pas publikimit të raportit të Komisionit qeveritar për matjen e territorit të Kosovës, AAK u bën thirrje deputetëve të Kuvendit të Kosovës që të votojnë këtë version të demarkacionit.

“Deputetët dhe udhëheqja shtetërore do të mbajnë përgjegjësi politike, morale e historike, nëse nuk do ta kuptojnë se nuk kanë as fuqi, as mandat që ta tjetërsojnë territorin e vendit”, thuhet në komunikatë.

AAK paralajmëron se këtë version të demarkacionit do ta kundërshtojë “me të gjithë mekanizmat që janë në dorën e saj”.

AAK ka sugjeruar edhe zgjidhjen e çështjes së Demarkacionit me Malin e Zi. Ajo sugjderoi që demarkacioni të rinegocohet me Malin e Zi dhe, në rast nevoje, të kërkohet arbitrazh ndërkombëtar.
“Version aktual i demarkacionit është në kundërshtim me interesin nacional të Kosovs, sepse Kosovës do t’i merren disa mijëra hektarë tokë, prandaj është i papranueshem.

Kalkulimet se ky version i demarkacionit është kusht për vizat, është një kushtëzim i pandershëm që është sajuar nga udhëheqja shtetërore e Kosovës.

Nuk mund të pranohet asnjë kushtëzim në dëm të territorit të vendit. Askush nuk ka të drejtë të bëjë pazar me territorin, pavarësisht pasojave.

Deputetët dhe udhëheqja shtetërore do të mbajnë përgjegjësi politike, morale e historike, nëse nuk do ta kuptojnë se nuk kanë as fuqi, as mandat që ta tjetërsojnë territorin e vendit.

Çmimi i kalimit eventual të këtij versioni mund të jetë shumë më i lartë se sa kundërshtimi i tij.

Kosova nuk ka pse të jetë rast i ndryshëm nga shtetet tjera që kanë pasur konteste me kufijtë e tyre.

Demarkacioni duhet të mos votohet dhe kjo çështje të shkojë në rinegocim me Malin e Zi, duke mos e përjashtuar edhe arbitrazhin ndërkombëtar si zgjidhje.

AAK do ta kundërshtojë këtë version me të gjithë mekanizmat që janë në dorën e saj”, thuhet në komunikatën e AAK-së

Gjeneral Rexhep Selimi : Ndihemi të rrezikuar nga Gjykata Speciale

Deputeti i Lëvizjes “Vetëvendosje”, Rexhep Selimi, ka thënë se ai ndjehet i rrezikuar nga Gjykata Speciale dhe ka shtuar se i rrezikuar nga kjo gjykatë ndjehet kushdo që ka luftuar për lirinë e Kosovës.

 Ish-eprori i lartë i UÇK-së ka thënë se rreziku vjen nga “padrejtësia” dhe jo nga drejtësia.

“Përderisa Gjykata Speciale është e padrejtë, do të duheshit të ndiheshit të rrezikuar edhe ju, edhe të gjithë qytetarët e Kosovë, në veçanti kushdo që ka luftuar për lirinë e Kosovës. Po të kishte drejtësi, unë nuk do të ndihesha i rrezikuar.

 Nga padrejtësia rreziku vjen për të gjithë”, ka ai.

Selimi ka paralajmëruar se riprocedimi i Demarkacionit në Kuvend do t’i shtojë tensionet politike në Kosovë. Ai ka thënë se Vetëvendosje do të koordinojë veprimet kundër Demarkacionit edhe me subjektet tjera opozitare.

“Lëvizja Vetëvendosje do ta kundërshtojë deri në zhbërje Marrëveshjen për Demarkacionin me Malin e Zi dhe aktivitetet në këtë drejtim do të koordinohen edhe me subjektet e tjera opozitare, për të mos e lejuar kalimin e kësaj Marrëveshjeje në Kuvend”, ka thënë Rexhep  Selimi.

Ai nuk e ka përjashtuar as mundësinë që në Kuvend të hidhet përsëri gaz lotsjellës, për të penguar ratifikimin e versionit aktual të Demarkacionit.

Një servilizëm i pështirë i diplomacisë shqiptare

Ambasadorja e Shqipërisë në Organizatën e Kombeve të Bashkuara  Besiana Ismail Kadare e shokuar dhe pikëlluar nga vdekja e ambasadorit rus

Ambasadorja e Shqipërisë në Organizatën e Kombeve të Bashkuara, Besiana Ismail Kadare, ka shprehur pikëllimin e saj për vdekjen e ambasadorit të Rusisë në këtë organizatë, Vitaly Churkin.

“E shokuar dhe e pikëlluar nga vdekja e papritur e ambasadorit rus në OKB, Vitaly Churkin. U prehtë në paqe!”, ka shkruar Kadare në llogarinë e saj në Twitter.

Pikëllimin për vdekjen e ambasadorit rus, i njohur si kundërshtar i patundur i Kosovës, e ka shprehur edhe ministri i Jashtëm i Shqipërisë, Ditmir Bushati, i cili ka shpërndarë ‘cicërimën’ e vajzës së shkrimtarit Ismail Kadare në llogarinë e tij të Twitter-it.

Ambasadori i Rusisë në OKB, Churkin, gjatë muajit gusht të vitit të kaluar kishte deklaruar se “Kosova është qendër e trajnimit të terroristëve islamik”.

Churkin vdiq të hënën në moshën 64-vjeçare në New York të Amerikës.

                                                    Prof.Dr.Eshref Ymeri

Një servilizëm i pështirë i diplomacisë shqiptare
Në Portalin e Prof.dr. Flori Bruqit “AgjencioniFloripress” të ditës së sotme, lexova komentin e Prof.dr.Mehdi Hysenit me titull “Mos e vajtoni Rusinë, porvetveten”, ku ai, me shumë të drejtë, kishte bërë objektanalize qëndrimin e ambasadores sonë në Organizatën e Kombeve të Bashkuara Besiana Kadarea, e cila, në llogarinë e saj në Twitter, qenka  shprehur e shokuar dhe e pikëlluar për vdekjen e ambasadorit rus në Organizatën në fjalë - Vitali Çurkin.

Ambasadoja Besiana  Kadarea 

Me pikëllimin e ambasadores Kadarea për vdekjen e ambasadorit Vitali Çurkin, përfaqësues i një shteti aspak dashamirës ndaj kombit shqiptar dhe sidomos ndaj popullit shqiptar të Kosovës, isha njohur përmes faqes së internetit të gazetës “Telegraf” të datës 21 shkurt.

 E kalova në heshtje pikëllimin e saj, aq më tepër që atij pikëllimi i bëkej jehonë edhe ministri Bushati.

Ambasadorja Kadarea, duke e pasur koleg pune Çurkinin mund t’i kishte shprehur ngushëllime familjes së tij, dhe vetëm kaq.



Por kur shprehet se na paska qenë e shokuar dhe e pikëlluar për vdekjen e tij, atëherë duhet menduar se ajo paska zbuluar qëndrimin prej servileje të pështirë të diplomacisë shqiptare ndaj Rusisë, e cila, që prej Kongresit të Berlinit dhe deri në ditët tona, vazhdon të përfaqësojë kështjellën e urrejtjes së kulluar kundër kombit shqiptar në tërësi dhe kundër popullit shqiptar të Kosovës në veçanti.

San Francisko, Kaliforni

28 shkurt 2017

*******

Agjencioni Floripress : 2/28/17

Shkruan Prof.Dr.Mehdi Hyseni: Mos e vajtoni Rusinë, por vetëvetën!

Barometri diplomatik

Prof.Dr.Mehdi HYSENI

Mos e vajtoni Rusinë, por Shqipërinë e copëtuar Etnike!

*** Sepse Vitaly Churkinin ka kush ta zëvendësojë mbase Rusia ka më shumë diplomatë sesa që ka shqiptarë në Ballkan.

Sikur të mos e “hanim vetëvetën”, duke mos ia njohur meritat njëri-tjetrit (të mos ishim të përçarë dhe të copëtuar në dhjetra e qindra parti politike…etj.) dhe vetëvetja të na dhimbsej më shumë sessa na dhimbsen të huajt, sgurisht se shqiptarët, qëmoti, do të kishin shtetin e vet kombëtar të ribashkuar nën çatinë e Shqipërisë Etnike të Ismail Qemalit.

-Fan S. Noli ynë i madh ka pasur të drejtë të pikëllohej shumë për vdekjen e vëllait të vet Naim Frashëri, të cilin e vajtoi me këtë përkushtim dhembjeje të zemrës së lënduar dhe shpirtit të tij të madh human, kombëtar dhe atdhetar shqiptar: “Vdiç Naimi, vdiç Naimi, moj e mjera Shqipëri, mëndjelarti, zemërtrimi, vjershëtori si ai…”, sepse, vërtet, pas vdekjes së tij, nuk lindi edhe një Naim Frashër si Ai!

Asimetria paradoksale


Ndërkaq, Besiana Kadare nuk ka pasur asnjë arsye të “shokohej” aq shumë për vdekjen e ambasadorit të përhershëm në OKB, Vitaly Çurkin, sepse si Atë, Rusia ka me dhjetra e qindra ambasadorë e diplomatë të tjerë, më shumë sessa ka shqiptarë në Ballkan. Kështu që, Çurkinin ka kush ta zëvendësojë, por, jo edhe Sokrat Plakën, ish-zëvendsministrin e Jashtëm dhe ish-ambasadorin më të shquar shqiptar, i cili në fund të viteve të 70-ta dhe në fillim të vitve të 80-ta të shekullit XX (si ambasador në Beograd dhe Vjenë ) luajti një rol të rëndësishëm dhe dha një kontribut të madh në ndihmën dhe në bashkërendimin e aktivitetit diplomatik zinxhiror të ambasadve shqiptare Beograd-Ankara-Sofje-Budapest-Bukuresht-Vijenë-Varshavë-Pragë-Romë-Bruksel-Bernë-Bon...etj. në mbështetjen dhe në përgatitjen e demonstratave historike revolucionare-studentë-popull të vitit 1981-1982 në Kosovë kundër regjimit terrorist dhe shtypës të Serbo-Jugosllavisë.


*** Besiana Kadare (ambasadore e Shqipërisë në OKB) : “Shocked and saddened to learn the sudden passing away of the Russian ambassador to the UN, Vitaly Churkin. May he Rest in Peace!”( “E shokuar dhe e pikëlluar nga vdekja e papritur e ambasadorit rus në OKB, Vitaly Churkin. U prehtë në paqe!”(Twitter).

-Ç’është ky “shok” dhe ky “pikëllim” aq i skajshëm për vdekjen e Vitaly Churkinit, po vajtoni dhe qani për vetëvetën (për Shqipërinë e copëtuar etnike), o, të gjorë, se Rusia e Putinit ka më shumë diplomatë e ambasadorë sesa i gjithë numri i shqiptarëve të copëtuar, të kolonizuar dhe i atyre të pavarur (Shqipëria londineze dhe Kosova amerikane) në Ballkan.

-Qani, vajtoni dhe pikëllohuni për gjendjen dhe për fatin e mjerë të më se 3 milionë shqiptarëve, të cilët, edhe sot, në dekadën e dytë të shekullit XXI, politika dhe diplomacia proruse shqiptare ( pa dhimbje dhe, pa asnjë “shok”) i ka lënë nën sundimin e egër kolonial shekullor të sllavëve të Ballkanit (1878-2017).

-Mos derdhni “lotë krokodili” për ambasadorët dhe për diplomatët sllavë, se ka kush t’i vajtojë, nuk kanë ngelur ata, që të vajtohen nga shqiptarët, të cilët po “e hanë vetëvetën”, duke luftuar për pushtet, për interesa parciale dhe karrieriste, si dhe për të krijuar shtete për të tjerët, e vetën e kanë lënë në “ terr e zi” nën robërinë shekullore sllave ballkanike.

Austro-Hungaria krijoi shtetin e parë të Shqipërisë ( 28.11.1912), kurse Amerika Kosovën e pavarur (17 shkurt 2008)!

-Pa sugjerimin , pa ndihmën dhe pa garancinë e këtyre dy shteteve (në periudha të ndryshme historiko-poltike), nuk do krijohej as Shqipëria e Ismail Qemalit dhe e Isa Boletinit e as Kosova e Adem Demaçit dhe e Adem Jasharit!

Mirëpo, gjatë historisë së derisotme të huajt, sidomos Rusia cariste-komuniste, Turqia Osmanllike, Mbretëria serbo-jugosllave, Bullgaria, Greqia, Mali i Zi, asnjëherë nuk kanë pasur dhimbje për ne, përpos, Austro-Hungarisë, e cila pengoi Fuqitë e Mëdha të Evropës (1912), që Kombin Shqiptar ta linin pa shtetin e tyre-pa SHQIPËRINË e sotme londineze, të cunguar 50% të territorit dhe të popullit etnik shqiptar në saje të vendimeve të padrejta të Konferencës së Ambasadorëve të Londrës (1913).


Ndërkaq, në kohën më të re të fundshekullit XX, 1999, ndër të huajt, që derdhën lotë për ne dhe na ndihmuan, që 2 milionë e gjysmë shqiptarë kosovarë, të shpëtonin nga gjenocidi serb i Serbisë së Slobodan Milosheviqit (1989-1999), ishin : Presidenti historik i SHBA-së, Bill Clinton; Madeleine Albright (sekretare e shtetit), William Walker ( diplomat amerikan dhe shef i Misionit të OSBE-së në Kosovë, i cili alarmoi Uashingtonin dhe Evropën për masakrën gjenocidale të Reçakut, ku forcat paramilitare serbe barabarisht masakrun 47 civilë shqiptarë, vetëm pse ishin shqiptarë); Wesley Clark (gjeneral amrikan), komnadanti i operacioneve luftarake të NATO-s në bombardimin 78-ditësh të objektivave ushtarake të forcave militare, parailitare dhe policore të Serbisë së Slobodan Milosheviqit (24 mars – 10 qershor 1999).


Kjo ishte hera e parë në historinë e derisotme të shqiptarëve, që një shtet i huaj (një superfuqi botërore), t’i merrte në mbrojtje dhe t’i shpëtonte shqiptarët e Kosovës nga shfarosja e gjenocidit serb (1989-1999).



Amerikanët dhe Amerika, duhet të na dhimbsen neve, sepse çdo vdekje e tyre qoftë brenda, qoftë kudo në botë është pikëllim, dhimbje dhe humbje e madhe për shqiptarët, për Kosovën dhe për Shqipërinë.


Amerika ka meritat kryesore, që sot Kosova është shkëputur përgjithmonë nga Serbia kolonialiste dhe gjenocidale, jo Rusia, as aleatët e saj të dikurshëm dhe të sotshëm.


Pa Amerikën dhe pa aleatët e saj tradicionalë evro-perëndimorë, shqiptarët janë të “vdekur” në Ballkan.



Prandaj, është i tepërtë “shoku” dhe “pikëllimi” i Besiana (Isamil) Kadares për vdekjen e ambasadorit rus, Vitaly Churkin në Nju-Jork, më 20 shkurt 2017.

Serbia ka të drejtë të pikëllohet shumë për Çurkinin, por jo edhe Shqipëria dhe Besiana Kadare!

Sepse ambasadori Vitaly Chrukin në Këshillin e Sigrimit të OKB-së e ka “ngrirë” statusin e pavarësisë së Kosovës (2008-2017), duke u betuar se “Russia will never support Kosovo to become the member of the United Nations, but will uphold the UN Resolution 1244 which recognizing Serbia's territorial integrity”.

(http://www.tert.am/en/news/2010/08/04/churkin/1262498).


Kjo veto e Rusisë në bllokimin e pavarësisë së Kosovës (2008-2017), si dhe vetoja saj në Rezolutën e Srebrenicës së vitit 2015 (gjoja se Serbia nuk ka kryer gjenocid), janë arsyeja kryesore, pse presideneti i Serbisë, Tomislav Nikoliq e ka dekoruar postmortem VItaly Churkinin, duke shtuar se “Derisa të kemi miq të këtillë në orgnaiztat ndërkombëtare, nuk besojmë se do të ndodhë ndonjë befasi, që Këshilli i Sigurimit, ta njohë pavarësinë e Kosovës, apo të mirtatojë ndonjë rezolutë kundër nesh.”

(http://balkans.aljazeera.net/vijesti/nikolic-posthumno-odlikovao-curkina-zbog-veta-na-rezoluciju-o-srebrenici./)

*****

Besiana Ismail  Kadare, nga UNESCO shkon ambasadore në OKB

Vajza e shkrimtarit të njohur Ismail Kadare, Besiana Kadare, do të promovohet në një detyrë më të rëndësishme diplomatike, sa detyra e ambasadores në UNESCO që mbante deri më tani.

Besiana Kadare është propozuar të emërohet Ambasador i Jashtëzakonshëm dhe Fuqiplote i Republikës së Shqipërisë pranë Organizatës së Kombeve të Bashkuara në Nju Jork, rezident si dhe Ambasador i Jashtëzakonshëm dhe Fuqiplotë i Republikës së Shqipërisë në Republikën e Kubes, jorezident. Ajo do të jetë të hënën në Komisionin e Politikës së Jashtme për të shpalosur objektivat e saj në këtë detyrë.

Presidenti i Republikës, Bujar Nishani ka dekretuar në 21 mars lirimin nga detyra të ambasadores së Shqipërisë pranë UNESCO-së, Besiana Kadare, vajza e shkrimtarit të njohur Ismail Kadare. Besiana Kadare ka filluar punë në Ministrinë e Punëve të Jashtme në vitin 2002, në Drejtorinë e përgjithshme të organizatave ndërkombëtarë. E emëruar Sekretare e parë në Misionin e Republikës së Shqipërisë në Organizatën e Kombeve të Bashkuara në Neë York (2002-2005), Kadare përfaqëson Shqipërinë në Komisionin e tretë të Asamblesë së Përgjithshme të Kombeve të Bashkuara, i cili trajton çështjet sociale, humanitare dhe kulturore.

Me mbarimin e misionit, ajo kthehet në Tiranë dhe punësohet në United States Agency for International Development (USAID), ku emërohet përgjegjëse e një projekti transkombëtar me qëllim parandalimin dhe luftën kundër trafikimit të grave dhe fëmijëve. Në vitin 2009 Kadare integron sërish Ministrinë e Punëve të Jashtme dhe emërohet në Ambasadën e Republikës së Shqipërisë në Francë, ku mbulon bashkëpunimin e Shqipërisë me United Nations Educational, Scientific and Cultural Organization (UNESCO), shkruan Shqiptarja.com.

Në 2011 ajo emërohet Ambasadore, delegate e përhershme e Republikës së Shqipërisë pranë UNESCO-s. Ditën e hënë do të shqyrtohet dhe kandidatura e Gjergj Teneqexhiut, i cili është propozuar të emërohet Ambasador i Jashtëzakonshëm dhe Fuqiplote i Republikës së Shqipërisë në Japoni, rezident.