Në orën 18:00. Report Tv ,Shqiptarja.com,RTK dhe RTV21 do të përcjellë live ceremoninë të imagurimit të presidenti amerikan Donald Trump në Shtepinë e bardhë

Donald Trump, presidenti i 45-të dhe së shpejti i 47-të i Shteteve të Bashkuara, do të betohet sot në Uashington DC .

 Ceremonia do të mbahet brenda ndërtesës së Kapitolit, në Rotondë, ashtu siç ndodhi për Ronald Reagan në vitin 1985.

 Presidenti  Donald  Trump ka lënë Shtëpinë e Bardhë dhe është nisur drejt Capitol Hill së bashku me Joe  Biden. 

 Ndërkohë presidenti Rus Vladimir Putin i përcolli urimet presidentit Trump Betimi nis në 12:00, me orën lokale, ndërsa në Europë dhe vendin tonë përkon në orën 18:00. Report Tv ,Shqiptarja.com,RTK dhe RTV21  do të përcjellë live ceremoninë.

Trump dhe bashkëshortja e tij, Melanie, janë pritur më parë në Shtëpinë e Bardhë nga demokrati Joe Biden dhe bashkëshortje e tij, Jill. Sipas mediave amerikane, dyshet presidenciale do të ulen për çaj dhe më pas do të nisen drejt Kapitolit për inaugurimin e republikanit. Më herët, familja e Donald Trump shkoi në një kishë në Uashington DC, për meshën tradicionale të mëngjesit.

Në orën 12 Trump si dhe zëvendëspresidenti JD Vance do të bëjnë betimin

Ceremonia që tradicionalisht mbahet jashtë ndërtesës së Kapitolit të SHBA-së, është zhvendosur brenda për shkak të parashikimit të temperaturave të ulëta me erëra që ndihen si -13°C. 

Pas betimit, Trump do t’i drejtohet kombit dhe më vonë pritet të marrë pjesë në tre ballo inaugurimi gjatë mbrëmjes.

Gjatë mitingut të tij të fundit dje, Trump premtoi të nënshkruajë një sërë urdhrash ekzekutivë, që në ditën e tij të parë të rikthimit në zyrën ovale.

Presidenti do të betohet për mbrojtjen e Kushtetutës mbi 2 Bibla, të njëjtat të përdorura në vitin 2017: ajo që përdori Lincoln në inaugurimin e tij të vitit 1861, dhe ajo që Donaldit ia dhuroi nëna e tij në vitin 1955..