KJO ISO LABËRISHTE…
Kjo këngë…
Dhe një tufë laureshash
Mbi kreshtat e larta
Një ujvrë zërash
Murmurima të arta
Dhe shpirti im që merr flakë
Iso labërishte
Ku jeta
Ecën
mbi kalldrëmin e yjeve
me hejbet plotë dhimbje
dhe supet
ngarkuar më ëndërra
shpërthime shpresash
gjithë vetëtima…
kjo kënga labërishte
më merrë në krah
më ngre
nëpër qiej zërash
buzëqeshje burrash
ku shkunden
puthje vajzash të brishta
dashuri madhështore
të parrëfyera
të rralla,tronditëse
ngjethëse dri në tejbukuri
përqafimë psherëtimash
nën gunën e dhirtë
nëpër rrëpira
ku prrenjtë e pasioneve
cajnëzemrën prej guri
të malit
ku dhimbja,durimi,
krenaria dhe vdekja
shëndrrohën
në një iso të gjatë
plot trishtim të mahnitëshëm
dhe të bukur
gjër në cmenduri…
…iso labërishte
Nëna ime prej kënge
dashuria ime prej zjarri
puthja ime prej rrufeje…
ku lahet deti
dhe ngjitet drejt reve
lumi prej dallgësh
dhe uji
…ku Vlora
Si një vashëz mitike
Kreh flokët…
Dhe mbjellë këngë
Një pyllë zërash
Për bijat dhe bijtë
Dukat, Tragjas e Radhimë…
Himarë, Kurvelesh
…o deti qe sjellë trimërinë
O deti që lind furtunë
Dhe rritë
Shpirtin e labit si trëndelinë…
Male
Male dhe dhimbje…
Male
Male dhe këngë
Ngritur si male
Mbi trupin e brishtë Labëri
Ku isoja
Shëndrrohet në valle
Dhe zëri ynë
Në cdo cep tëndin
Ngre monumente…
Ah moj isoja labërishte
Magjia njerzore
Që magjeps vet magjinë
E ndjej
Je brenda meje
Je fryma dhe ajri
Që rritë mrekullinë…
Isoja labërishte
Që shoqe
Ke vetëm Labërinë…
Dhjetor 2013.
VETEM NJE
…se Shqiperia
Eshte frymemarrja ime,
Eshte magjia e drites
Brenda shpirtit tim..
Eshte edhe puthja
Edhe perqafimi
Eshte...
Dashuria qe me rrit
Shqipëria e mire
Dora e ëmbël e nënës
Buza e dridhshme
Dhe gishtat e lehte
Me përkëdheljen
e papërsëritshme
mbi te gjithë pekedhelite
mbi te gjithë dashuritë
mbi te gjithë jetët
mbi te gjithë shpresat
mbi te gjithë qiejt
mbi te gjitha buzëqeshjet…
Ka vetëm një Shqipëri
Ka vetëm një ëndërr
Ka vetëm një LIRI,
Ka vetëm një lindje
Ka vetëm një vdekje
Nje triumf
Mbi te gjithë triumfet
Ka vetëm
Nje SHQIPËRI…
Ne shpirt
Bie shi…
Mjegullat
Si tufa mjellmash
Me rrembejne shikimin…
Pak ngrohtesi…
Nje grimce diell ne zemer
Nje petale luleje ne buze
Dhe një puthje…
Erërat e marra
Lëvizin malet
Rrotullojnë boten
Ndërsa unë eci
Me stuhitë mbi shpine
Nje zog rebel
Nje klithme e çmendur
Nje përqafim rrufesh
Përzierje dhimbjesh dhe reshe
Ku horizontet
Jane ende te virgjër
E paprekur është Hena
Buzët e mia
Përjetësisht te etura…
Dashuria e dimrit thinjosh
Zhvirgjëron ëndrrat
Rrëmben ne krahët e ftohte
Mallin tim te djegur
Neper dege pemësh te zhveshura
Si femra nudo
Ku mrekullia e jetës
Zgjohet
Mbi gjinjtë e bukur…
Dimri thinjosh
Me kërkon një autograf
Mbi faqen e virgjër te dëborës …
Dhe unë pash parritur
Se me dëborën
Isha dashuruar marrëzisht
Dhe dëborës
I kisha dhuruar
Dashurinë time të parë…
Vasil TABAKU (10.9.1953). Lindi në Lushnje, në një familje me origjinë nga Gramshi. Pas disa muajsh familja e tij do të transferohet në zonën e Mallakastrës në qytetin e Ballshit, ku e kaloi fëmijërinë dhe rininë. Arsimin tetëvjeçar e kreu në Ballsh, sikurse edhe atë të mesëm në Shkollën e Mesme të Bashkuar “Derivsh Hekali”.
Poeti, shkrimtari dhe publicisti Vasil Tabaku, krijimtarinë letrare–artistike e ka filluar që në bankat e shkollës tetëvjeçare, kurse botimet e para poetike i ka publikuar në vitet e shkollës së mesme, në organet e shtypit letrar të kohës.
Në vitin 1977 ka përfunduar Studimet e Larta, Fakulteti Gjuhë – Letërsi në Universitetin e Tiranës me rezultate të shkëlqyera, një vit më vonë ka dhënë provimet plotësuese dhe ka kryer edhe Fakultetin e Gazetarisë. Në vitin 1987 ka ndjekur për dy vjet Studimet e Larta pas Universitare në specializimin për skenarist i filmit artistik dhe ekranit televiziv, ku është diplomuar po ashtu me sukses të shkëlqyeshëm. Në vitin 1995 ka kryer trajnim dymujor për gazetari televizive pranë TRT - Ankara, Turqi.
Edhe pse që student botoi librin e parë dhe dhjetëra cikle poetike në gazetat letrare të kohës si dhe shumë artikuj studimor dhe publicistikë, pushtetarët komunist të asaj kohe, nuk i dhanë mundësinë të punonte në ndonjë qendër të zhvilluar apo shkollë qyteti, por “e detyruan?!”në shtator të vitit 1977 të filloj punën si mësues në fshatin Ninësh të Mallakastrës gjer në qershor të vitit 1978.
Më pas Vasil Tabakun do ta gjejmë në këto detyra dhe funksione profesionale:
- l978 – 1986, drejtues në Pallatin e Kulturës Ballsh.
- 1986 – 1987, gazetar në gazetën “Drita”, organ i Lidhjes së Shkrimtarëve dhe Artistëve të Shqipërisë.
- 1987 – 1993, skenarist i filmit artistik në Kinostudion “Shqipëria e Re”, Tiranë.
-1992 – 1993, kryeredaktor i Revistës “Film” organ i Kinostudios dhe Film – Distribucion.
- 1993 – 1998, gazetar në Radio Televizionin Shtetëror (RTSH), Tiranë.
- 1998, hiqet nga TVSH për shkak të bindjeve të tija politike të djathta, mishëruar edhe në emisionet e tij televizive si dhe në shumë shkrime dhe analiza të botuara në shtypin e ditës si ”RD“, ”Tribuna Demokratike“, “Republika“, ”Drita“, “Albania“ etj.
- 1998 – 1999, gazetar në gazetën “Liria“, organ i shoqatës së ish të dënuarve politikë të Shqipërisë.
- 1999 - 2000, gazetar në Radio Kontakt, Tiranë.
- 2000 – 2001, gazetar në TV- ATN – 1, Tiranë.
- 2001 – 2002, kryeredaktor i gazetës „Tirana demokratike“ organ i PD Tiranë.
- 2002 – 2003, kryeredaktor i gazetës “Lajmëtari i Lirisë“ organ i shoqatës për integrim të ish të përndjekurve politikë.
- 2003 – 2004, kryeredaktor i TV – ATN - 1 dhe Reporter i Radios Ndërkombëtare „IRIB“, komentator politikë në “Radio Nacional”, bashkëpunëtor i gazetës “Bota Sot”në Zvicër etj.
- 2004 –2005, Vasil Tabaku mbetet i papunë.
- Që nga viti 2007, Vasil Tabaku punon gazetar në Agjencinë Telegrafike Shqiptare ATSH.
SHKRIME, TRAJTESA E PUBLIKIME NË FUSHËN E PUBLICISTIKËS:
Vasil Tabaku, ka botuar rreth 5450 shkrime publicistike, analiza politike, sociale, shoqërore si dhe shkrime te veçanta studimore në fushën e letërsisë, folklorit dhe kritikës letrare, në këto organe: “Drita”, “Zëri i Rinisë”, në revistat: “Nëntori” e “Ylli”. Pas vitit 1991 ka botuar kryesisht në: “Rilindja Demokratike (RD)”, “Tribuna Demokratike”, ”Republika”, ”55”, ”Koha Jonë”, ”Liria”, “Ballkan”, “Sot”, ”Tema”, ”Metropol”, ”Lajmëtari i Lirisë”, ”Drita”, ”Shkodra”, ”Bota Sot” në Zvicër etj. Po ashtu Vasil Tabakun e gjemë me poezi e tregime nëpër gazeta e revista si: “Drita”, “Zëri i Rinise”, “Ylli”, “Nëntori” dhe më pas edhe në: “RD”, “Republika”, “Drita”, “Tema“ etj.
- Vasil Tabaku është autor i rreth dyzet e pesë dokumentarëve artistik televiziv në TVSH dhe ATN – 1. Ka realizuar me qindra emisione televizive dhe radiofonike në “TVSH”, “ATN – 1”, në “Radio Kontakt”, “Radio Nacional” dhe së fundi edhe në Radion Ndërkombëtare “IRIB”.
VEPRAT LETRARE:
1. “Hyrja e Pranverës“, poezi, 1976.
2. “Në të gjitha ditët“, poezi, 1981.
3. “Me këngën time dhe jetën“, poezi, 1987.
4. “Ndërrimi i epokave“, studime, 1988.
5. “Bota në sytë e mi”, ese, 1990.
6. „Klithmë drite“, poezi, 1998.
7. “Vit i mbrapsht“, ese politike, l998.
8. “Zgjim i dhimbjes“, ese dhe studime social – shoqërore, 1999.
9. “Vështrim i ngrirë”, poezi dhe ese, 2000.
10. “Shqipëria në udhëkryq, apo politika e kryqëzuar?”, studime dhe artikuj politikë, 2001.
11. “Shkolla Iraniane dhe Shqipëria”, studime dhe intervista me akademikë dhe personalitete të shquara, 2005.
12. “Monumentet e munguara të Demokracisë”, libër eseistiko – publicistikë, 2006.
13. ”Baleti i drerit të plagosur“, roman, 2007.
14. “SHKOLLA IRANIANE DHE SHQIPËRIA”, është përkthyer në gjuhën persishte, Teheran, 2004.
ËSHTË PREZANTUAR:
15. Hasan Hasani: “LEKSIKONI I SHKRIMTARËVE SHQIPTARË 1501 – 2001”, Prishtinë 2003.
16. Ferdinan Laholli: “ANTOLOGJI E POEZISË MODERNE SHQIPE – ANTHELOGIE DER MODERNEN ALBANISCHEN LYRIK”, Holzminde/Germany, 2003.
Përveç kësaj veprimtarie të begatshëm që përmendëm më lart Vasil Tabaku ka në proces të finalizimit edhe dy libra, një roman dhe një libër poetik, kurse një pjese e krijimeve poetike i janë përkthyer edhe në gjermanisht, italisht dhe persisht. Ai njehë mirë italishten dhe rusishten.
Floripress(Flori Bruqi)
