Performanca në rrugë, apo praktika e performimit në vende publike, daton qysh në antikitet dhe ndodh në të gjithë botën. Performanca mund të ketë në lidhje me çdo gjë që për njerëzit është argëtuese, si akrobaci, akrobaci me kafshë, krijimi i figurave me tullumbace, magji dhe lojra me letra, komedi, imitim, muzikë, skicime ose pikturë, për të përmendur vetëm disa.
A e dini se:
•Jon Bon Jovi është i famshëm për performancat e tij të shpeshta në rrugë, të cilat janë të palajmëruara, si ajo në Kopështin Covent në Londër apo në Sheshin e Kuq në Moskë.
•Këngëtarja e njohur Tracy Chapman e nisi karrierën e saj duke kënduar në rrugë.
•Benjamin Franklin ishte një interpretues rrugësh. Ai krijonte këngë, poezi dhe prozë në lidhje me ngjarjet e fundit dhe dilte në publik për t’i performuar. Më pas, ai shiste kopje të printuara të tyre për publikun. Babai i tij e bindi të hiqte dorë pasi besonte se stigma që disa njerëz i bashkëngjitnin performancës në rrugë nuk ia vlente. Por ishte kjo përvojë që ndihmoi atë të formonte bindjet e tij në fjalën e lirë, për të cilën ai shkroi në artikujt e tij.
•Më 18 nëntor 2008, Tom Jones doli jashtë Royal Festival Hall të Londrës dhe këndoi për bamirësi. Ai arriti të fitonte 900 Dollarë për njëzet minuta, të cilat ia dhuroi një organizate e cila bënte kërkime për kancerin.
•Bruce Springsteen ka qenë i njohur për performancat e tij në rrugë. Një grup videosh të tij, regjistruar në 23 korrik 1988 në Kopenhagen, ku ai luan një shumëllojshmëri të këngëve të tij me një artist rrugësh, është bërë shumë e famshme.
•Edhe Sting është maskuar dhe ka dalë në rrugë për të performuar. Thuhet se ai fitoi 70 Dollarë. Ai kishte vënë një kapelë për të mbuluar sytë e tij, por një grua e pikasi dhe tha: “Është Sting”. Dikush prapa saj tha: “Budallaqe, nuk është ai. Sting është milioner.”
No comments:
Post a Comment