Altin Kocaqi
Gjuha shqipe është dëshmuar e shkruajtur në veprën e dy albanologëve, nga Korça dhe Elbasani, Evlogjio Kurilla dhe Petro Xhovani, në bashkëpunim me Jakov Thomopulon, në vitin 1912. Ata sollën mbishkrime dygjuhëshe si mbishkrimet liko-greke, mbishkrimin eteokretan, mbishkrimin e Limnos etj. Ana like e dygjuhëshve fillon thuajse në shumicën dërrmuese të rasteve me fjalën ‘e bëjia, e bënne, e bëijsh’ dhe fjala që korrespondon ne anën greke është ‘epjisato-e bëra’…. Jo vetëm mbishkrimet por edhe mbetjet origjinale të gjuhës paragreke provojnë se gjuha shqipe është më e vjetër se greqishtja. Fjalët ‘vi, iki, endreqin, plagan, gotan, prihete’ etj janë fjalë para greke që janë dokumentuar në mbetjet origjinale të gjuhës paragreke mes dorëshkrimeve të antikitetit dhe Fjalorëve si ai i Hesychit . Këto dokumenta i përkasin botës pellazgjike dhe si të tilla janë demonizuar. Kush merrej me këto në rastin më te mirë do i puthte këmbët Partisë që ti botonte ngjysma-ngjysma – rasti Spiro Konda- ose do ineterrnohej –rasti Pilika. Tragjedi-komedia e akademikëve tanë është se ‘deri dije të internonin nëse shkruaje për Pellazgët ndërsa sot-të sotmit- i quajnë ‘’nacionalista të tezës pellazgjike’’ ata që deri dije të internonin. Shkencë mjerane e sunduar nga tutorët dhe kapadainjtë e politikës: kjo është shkenca jonë. Deri në zbardhjen e të vërtetave rreth vjetërsisë së gjuhës shqipe versioni zyrtarë i lashtësis së gjuhës shqipe është si vijon:
Formula e Pagëzimit (1462)
Kryepeshkopi i Durrësit, Pal Engjëlli, mik e bashkëpunëtor i Skënderbeut (1417-1469), gjatë një vizite në dioqezën e tij gjeti shumë të meta e mangësi në punët e ushtrimit të fesë. Për t’i shmangur ato ai lëshoi një qarkore në gjuhen latine. Kjo qarkore është lëshuar nga një kishë në Mat dhe mban datën 8 nëntor 1462. Me anë të saj, ndërmjet të tjerash, ai jepte leje që, në ato kohë luftërash kur prindërit nuk kishin mundësi t’i dërgonin fëmijët në kishë t’i pagëzonin vetë në shtëpi, duke thënë shqip në ketë ceremoni. ” Formulën e pagëzimit” që është: “Un të pagëzonj pr’emen’t Atit e t’birit e t’shpirtit shenjt”.
Gjuha e tekstit dhe vlerat e përdorimit në shqip të disa shkronjave latine kanë një afri shumë të madhe me veprën e Buzukut, çka të bën të mendosh se shkrimi i shqipës duhet të ketë pasur një traditë me të vjetër, ku janë mbështetur te dy; edhe shkruesi i kësaj formule, edhe Buzuku. Dokumenti u zbuluar me 1915 nga historiani rumun Nikola Jorga në një nga bibliotekat e Milanos, Itali.
Fjalori i Arnold Fon Harfit (1497)
Me të njëjtin alfabet latin është shkruar në shekullin e XV edhe dokumenti i dytë i gjuhës shqipe: Fjalorthi i Arnold fon Harfit, i vitit 1497.
Udhëtari gjerman Arnold Fon Harf (1417-1505) ne vitin 1496, u nis nga Kelni, për të bërë një vizitë në tokat e shenjta, në Palestinë, udhëtim që e kreu për tre vjet. Në vitin 1497 ai kaloi në bregdetin e Shqipërisë dhe konkretisht në Ulqin, Durrës e Sazan. Gjatë këtij udhëtimi për të komunikuar sadopak me njerëzit, ai shënoi 26 fjalë shqipë, 8 shprehje e numrat 1 deri 10 dhe 100 e 1000 të shoqëruar me përkthim në gjermanisht. Janë fjalë të zakonshme si: ujë, verë, bukë, mish etj., që iu deshën udhëtarit në jetën e tij të përditshme sa qëndroi ne Shqipëri.
Me përshtypjet e udhëtimit Harfi la në gjermanisht një dorëshkrim, i cili u botua më 1860, pas tre shekujsh e gjysmë. Këtu gjendet edhe ky Fjalorth i vogël i gjuhës shqipe, i cili përbën dokumentin e dytë të shqipes së shkruar.
Udhëtari, përveç listës së fjalëve, shprehjeve e numëroreve, ka lënë edhe disa shënime në ato vende të bregdetit shqiptar ku kaloi. Ndër të tjera ai shkruan se “Ulqini është një qytet shqiptar i bukur e i vogël”. Për Shkodrën megjithëse kaloi nëpër të, ngaqë udhëtimi Ulqin-Durrës, e bëri me det, thotë “se është një qytet i madh i sapo pushtuar nga osmanët”. Ishullin e Sazanit e përshkruan “si një liman të mirë deti, ku ka shume anije, në krahun e majtë të të cilit ndodhet një fshat i madh me 2000 vatra, i quajtur Vlorë” etj.
Perikopeja e Ungjillit të Pashkës ( fundi i sh.XV-fillimi sh.XVI)
Ai i perket fundit të shekullit XV ose fillimit të shekullit XVI. Ky dokument përbëhet nga 2 pjesë të vogla bible në gjuhën shqipe që u gjetën në një dorëshkrim greqisht të shekullit të XIV, me të cilin ato nuk kanë asnjë lidhje. Ato janë në dialektin e Jugut, të shkruara me alfabetin grek. Këto fakte tregojnë se gjuha shqipe në atë kohë duhet të ketë qenë shkruar jo vetëm në Shqipërinë e Veriut, por edhe në Shqipërinë e Jugut.
Po para këtyre tri dokumenteve a ka qenë e shkruar gjuha shqipe?
Kjo është një pyetje që deri më sot nuk ka gjetur përgjigje të plotë. Shumë të dhëna na bëjnë të mendojmë se shqipja duhet të ketë qenë shkruar edhe me parë. Ndër të tjera arqipeshkvi francez i Tivarit, i njohur me emrin Brokard, që ka shëtitur shumë vende të Evropës dhe të Azisë, në një relacion latinisht të vitit 1332 shkruante:”Sado që shqiptarët kanë një gjuhe fare të ndryshme nga gjuha latine, prapë ata kanë në përdorim edhe në tërë librat e tyre shkronjën latine”. Ky fakt të bën të mendosh se shqipja duhet të ketë qenë shkruar të paktën që në shekullin XIV. Por kjo deri me sot nuk është e dokumentuar.
