Gjenerali shqiptar Ramush Haradinaj nuk i frigohet Erdoganit

Ndal kadal Erdogan !

Erdogan e kërcënon Ramush Haradinajn, i fton kosovarët të protestojnë kundër tij

Presidenti turk, Recep Tayip Erdogan, në një fjalim të sotëm, e ka kërcënuar kryeministrin e Kosovës, gjeneralin e luftës dhe Heroin e paqës zt. Ramush Haradinaj se do të japë përgjegjësi për menaxhimin e situatës me turqit e deportuar!

Jo Erdogan , Kosova nuk proteston kundër gjeneralit të vet !

Ai e ka kritikuar atë për shkarkimin e ministrit të Brendshëm dhe shefit të AKI-së, dhe i ka ftuar kosovarët të protestojnë kundër tij.

Tutje, Erdogan, në fjalimin e tij, e ka quajtur kryeministrin Haradinaj “kukull”, litarët e të cilit i lëvizin të tjerët.

“Karriera e kryeministrit të Kosovës do të merr fund”, parashikon Recep Tayip Erdogani.

“Si mund t’i ushqesh këta njerëz që kanë bërë një tentativë për grusht shteti ndaj Turqisë, vend i cili mirëpret Kosovën si një vëlla. Do të japësh llogari edhe ti për këtë. Vëllezërit e mi kosovarë nuk i japin kredibilitet një kryeministri si ti. Vëllezërit e mi kosovarë, kosovarët që i njoh dhe i di, do të kërkojnë llogari prej teje për këtë. Unë e di edhe këtë”, deklaroi Erdogan, raporton Koha.net.

Presidenti Erdogan gjithashtu duke folur për kreun e organizatës terroriste, tha se “edhe ai që ka ikur në Pensilvani është në telashe. Thotë ‘Çfarë do të ndodhë me mua?’. Çka ndodhi me ata në Kosovë do të ndodhë edhe me ty”.

https://www.youtube.com/watch?v=Egcl10rWDXg

Presidenti i Kosovës, Hashim Thaçi ka mohuar se ka qenë i informuar për arrestimin e gjashtë gylenistëve, duke pohuar se arrestimi ka shkuar përmes AKI-së, Zyrës për Refugjatë dhe Ministrisë së Brendshme.

Thaçi ka thënë për televizionin publik se Turqia ka kërkuar disa herë arrestimin dhe deportimin e disa shtetasve të Turqisë, por asnjëherë nuk ka marrë emrat e personave që janë arrestuar .

“Ambasadorja e Turqisë dhe institucionet tjera kanë kërkuar emra tjerë, por asnjërin nga këta emra”, tha ai.

Ai po ashtu ka pohuar se veprimi që ka ndodhur sot, institucionalisht është i pa pranueshëm, kurse aspekti teknik ka mbetur që të vlerësohet dhe të sqarohet plotësisht.

Askush s’do t’i ikë përgjegjësisë për këtë puç brenda institucioneve

Zëvendësministri i Ministrisë së Forcës së Sigurisë së Kosovës, Burim Ramadani, e ka quajtur puç vendimin për arrestimin e gylenistëve në Prishtinë.

Ka thënë se ky puç, do të sqarohet deri në fund dhe askush s’do të ikë nga përgjegjësia që ka.

Ramadani, gjithashtu ka thënë se tentimi që këtë veprim gjithsesi ta ndërlidhë me Haradinajn, është i pakuptimtë.

Postimi i plotë i Ramadanit në Facebook:

Puçi brenda institucioneve do të sqarohet deri në fund. Masat ndaj kësaj veç sa kanë nisur.

Tentimi për të ndërlidhur gjithsesi Kryeministrin Haradinaj me këtë puç institucional është krejtësisht i pakuptimtë.

Në njëfarë forme relativizon vendosmërinë për të ndëshkuar këtë operacion kundër-shtetëror.

Nuk do të ikë kush nga përgjegjësia. Jo, jo!

Ndësa njohësi i çështjeve të të drejtave të njeriut dhe kryetari i Lëvizjes për Bashkim, Valon Murati, e ka quajtur situatë të anarkisë këtë që po ndodh kohëve të fundit në Kosovë.

“Çka po ndodh kështu? Kryeministri  Ramush Haradinaj dhe kryeparlamentari Kadri  Veseli reagojnë për arrestimin dhe deportimin e gylenistëve duke lënë të nënkuptohet se nuk ishin fare në dijeni për këtë operacion. I pari duket se ishte shumë pak i njoftuar edhe me situatën që solli ngjarjet dramatike të së hënës në veri”, ka thënë Murati.

Sipas tij, kjo është e paprecedentë.

“Situata të tilla anarkiste mund të na vendosin në pozita të rënda si shtet para çdo procesi politik në të ardhmen dhe vënë në pikëpyetje funksionalitetin e institucioneve”, ka shtuar më pas ai.

Cili funksioner kosovar do ta marri përgjegjësin për 6 gulenistët e depeërtuar në Turqi ?

“6 turqit e deportuar i pret burgimi i përjetshëm dhe tortura në Turqi”

Gjashtë shtetasit turq të cilët janë arrestuar dhe po besohet se janë depërtuar në Turqi i pret tortura dhe burgimi i përjetshëm. Kështu thotë drejtori i Rrjetit të Shkollave Gyleniste, Bujar Muzhaqi.
“Për këta persona nuk do të kemi asnjë lloj mëshirë ka thënë Erdogani. “Nuk do t’u japim asnjë pikë uji’, ka deklaruar ai. Këta persona që shkojnë atje do t’i nënshtrohet torturës”, tha Muzhaqi për Klan Kosovën.

Ai ka shtuar se ata “i pret burgim i përjetshëm”, theksoi ai.

“Ose do detyrohet të pranojnë gjëra në shërbim të Erdoganit, përndryshe do të dënohen me dënime maksimale”, shpjegoi ai.

Muzhaqi ka folur edhe për institucionet e Kosovës, ka deklaruar se s’kanë besim fare në policinë e Kosovës e as institucionet tjera

****

Askush nuk kishte informacion se a u larguan nga Kosova ditën kur u arrestuan.

Lajmi.net, ka shfaqur disa video ku shihen gylenistët duke bërë kontrolelt e fundit në aeuroportin e Prishtinës për t’u dërguar pastaj në Turqi.

Deri më tani gjithçka ishte e mjegullt se çfarë ka ndodhur me gjashtë shtetasit turk që u arrestuan më 29 mars në Kosovë dhe pikëpyetja më e madhe ishte se a u deportuan në Turqi?

Familjarët e të arrestuarve këmbëngulnin se të arrestuarit gjenden në Kosovë, konkretisht në pjesën e vjetër të aeroportit të Prishtinës. Mirëpo, lajmi.net ka siguruar pamje ku të arrestuarit shihet tek sa lënë Kosovën. Ata kalojnë nga pjesa e zonës VIP e Aeroportit të Prishtinës për të kaluar më pas tek aeroplani i Inteligjencës turke ku po i priste në pistë.

Të arrestuarit shihen se janë të shoqëruar nga policia e Kosovës dhe, në video shihen qartë se ata kanë kaluar në zonën VIP të Aeroportit të Prishtinës rreth orës 10:00 minuta të mëngjesit, raporton lajmi.net. Gjithashtu pamjet e tjera tregojnë një kombi-bus që i ka shoqëruar deri të aeroplani turk për t’i nisur më pas në Turqi.

Nga ana tjetër, mediat turke, raportojnë se të deportuarit tash janë duke u marr në pyetje nga prokuroria turke.

Kujtojmë, se me insistimin e familjarëve, mbrëmë (e premte) Aeroporti i Prishtinës u kontrollua nga EULEX-i për të vërtetuar se a janë deportuar nga Kosova gjashtë shtetasit turq të arrestuar mëngjesin e së enjtes. EULEX-i gjatë kontrollues nuk gjeti asgjë.

Përveç kësaj krerët e institucioneve shtetërore, presidenti Hashim Thaçi, kryeministri Ramush Haradinaj, kryetari i Kuvendit Kadri Veseli, nuk kanë qenë në dijeni dhe nuk kanë poseduar informacion se çfarë ka ndodhur konkretisht me të arrestuar, së paku kështu janë deklaruar para familjarëve (ku i priti në takim kryeministri Haradinaj) dhe para mediave.

Megjithëkëtë, krerët e shtetit nuk kanë qenë në dijeni, siç u deklaruan, se si ka ndodhur arrestimi i gylenistëve. Pas këtij ‘skandali’, kryeministri Haradinaj ka shkarkuar nga detyra ministrin e Punëve të Brendshme, Flamur Sefajn dhe Drejtorin e Agjencisë se Inteligjencës së Kosovës, Drilon Gashin.

Të arrestuarit janë identifikuar si Cihan Özkan, Kahraman Demirez, Hasan Hüseyin Günakan, Mustafa Erdem, Osman Karakaya dhe Yusuf Karabina.

Ndryshe, pas puçit të 15 korrikut të viti 2016, Turqia akuzon Fethullah Gylenin, krerikun mysliman që jeton në SHBA për orkestrim të grushtshtetit dhe e ka deklaruar lëvizjen e tij si terroriste.

Ministri më i mirë në Qeverinë e Kosovës ,Flamur(Arif) Sefaj dhe shefi i AKI-së “kurbanë” të Listës serbe

Pas arrestimit të Marko Gjuriqit – drejtorit të ashtuquajturës Zyrë për Kosovën pranë qeverisë së Serbisë, përfaqësuesit e komunave me shumicë serbe në Kosovë kërcënuan me largim nga qeveria e Republikës së Kosovës, ndërsa kërkuan shkarkimin e atyre që urdhëruan aksionin policor në veri.

Ata gjatë takimit të jashtëzakonshëm të mbajtur të mërkurën në veri të Mitrovicës, përmendën emrat e ministrit të MPB-së dhe drejtorit të Policisë së Kosovës që duhet shkarkuar menjëherë, duke mos përjashtuar edhe emra tjerë.


Kryeministri i Kosovës, Ramush Haradinaj ka hedhur poshtë raportimet e mediave se ka marr pjesë në ndonjë takim në veri, por u shpreh i sigurt se Lista Serbe nuk ka dhënë dorëheqje.

Ai theksoi po ashtu se Lista Serbe nuk ka kërkuar dorëheqjen e ministrit të Brendshëm.

Menjëherë, një ditë më pas (të enjten), në Kosovë ndodhën zhvillime të reja dhe dramatike, me ç’rast policia e Kosovës vuri nën pranga gjashtë shtetas turq, të cilët u deportuan në Turqi.

Pas kësaj ngjarje, u shkarkuan ministri i Punëve të Brendshme, Flamur Sefaj dhe drejtori i Agjencisë Kosovare të inteligjencës (AKI), Driton Gashi, me pretekst se kanë urdhëruar aksionin e arrestimit dhe deportimit të ‘gylenistëve’ pa i informuar krerët shtetërorë

Shkarkimi i zyrtarëve të lartë të Kosovës ngjalli dilema nëse ka të bëjë vërtetë me deportimin e shtetasve turq apo kërkesën e përfaqësuesve të komunave me shumicë serbe, ku apostrofohet emri i ministrit të Punëve të Brendshme, Flamur Sefaj.

Reagimet e menjëhershme të partisë së Behgjet Pacolli ishin në kundërshtim me vendimin e shkarkimit të ministrit të Brendshëm Flamur Sefaj, duke e quajtur shkarkimin si plan të menduar të Listës ‘Srpska’ në bashkëpunim me kryeministrin Haradinaj.


“Nuk ka arsye të shkarkohet ministri i MPB-së Flamur Sefaj. Nëse kjo gjë ndodhë, kjo është e turpshme dhe bëhet me kërkesë të Listës serbe”, ka thënë për Telegrafin nënkryetari i AKR-së Agim Bahtiri, pak orë para se të shkarkohen zyrtarët në fjalë.

Avokati Musa Damati, ka bërë të ditur se bazuar në praktikat e qeverisjes së qeverive të kaluara në Republikën e Kosovë, shteti i Kosovës qëndron larg nga zbatimi i standardit të asaj që njihet si moral politik apo përgjegjësi institucionale publike.

Sipas tij, duke iu referuar një mentaliteti të tillë tërësisht të papërgjegjshëm, ai u shpreh skeptik se shkarkimi i ministrit të Punëve të Brendshme dhe drejtorit të AKI-së mund të mdërlidhet me arrestimet e shtetasve turq.

“Kjo më tepër mund të shërbejë ndoshta për konsum të jashtëm, se sa që ka të bëjë me përgjegjësinë publike institucionale. Shkarkimet e tilla do të mund të interpretoheshin më shumë si përmbushje e kërkesave të partnerit të koalicionit Listës serbe, lidhur me zgjatjen e mandatit qeverisës të ekzekutivit aktual”, theksoi Damati.

Në anën tjetër, Belul Beqaj, analist dhe njohës i rrethanave politike në vend, në një prononcim për Telegrafin thotë se shkaqet për shkarkimin e ministrit të MPB-së, drejtorit të AKI-së nuk janë të njëjta, e as që mund t’i shkarkojë instanca e njëjtë.

Mirëpo, shtoi ai, ato mund të nënkuptohen varësisht nga interpretuesit.

“Shkarkimi i Drejtorit të AKI-së bëhet së bashku me kryeministrin, por jo edhe drejtori i policisë, që e emëron kryeministri. Ndërsa kryeministri mund të ndërroj anëtarët e qeverisë, por vështirë se mund ta shkarkoj ministrin e MPB-së , meqë kjo është bërë me një marrëveshje të veçantë me Pacollin.

Sidoqoftë, procedurat e shkarkimit janë të rëndësishme në aspektin ligjor, ndërsa të kuptuarit e shkarkimit mund të kenë interpretime të ndryshme. Serbët mund të thonë se shkarkimet janë bërë për shkak të kërkesave të tyre, ndërsa shumica e qytetarëve për shkak të shkeljeve të Kushtetutës dhe ligjit ndaj turqve të dëbuar kundërligjshëm”, ka thënë Beqaj.

Ai ka potencuar se nëse motivi i vendimmarrësve është krijimi i kaosit, atëherë nuk do të dëgjohen kërkesat e askujt, ngase ciklet e krizave të vazhdueshme po i bëjnë të paprekur nga drejtësia pushtetarët e Kosovës, prandaj nuk përjashtohet as kjo mundësi.

Ndryshe, gjashtë shtetasit turq të deportuar në Turqi, Mustafa Erdem, Yusuf Karabina, Kaahraman Demirez, Cihen Ozkan, Hasan H.Gunakan dhe Osman Karakaya, ishin punonjës të “Institucionit Arsimor Gülistan”.

Ministri i Drejtësisë, Abelard Tahiri i painformuar për ekstradimin e gylenistëve!

Ministri i Drejtësisë Abelard Tahiri, është shprehur i painformuar rreth mënyrës së arrestimit dhe ekstradimit të gjashtë gylenistët turk, duke adresuar përgjegjësi ndaj Agjencisë Turke të Inteligjencës, Policisë së Kosovës dhe Ministrisë së Punëve të Brendshme.

Tahiri, ka mohuar se ka qenë i njoftuar për ekstradimin e tyre ndonëse thotë ta ketë informuar ministri i Punëve të Brendshme, Flamur Sefaj se ata kanë qëndruar në mënyrë të paligjshme në vendin tonë.


“Arrestimi i tyre nuk ndërlidhet absolutisht me punën time si ministër i Drejtësisë sepse unë nuk kam pasur kurrfarë shkrese këto ditë për ekstradim, por është çështje Agjencisë Turke të Inteligjencës, Policisë dhe e Ministrisë së Punëve të Brendshme, por nuk është diçka që lidhet me përgjegjësin time, nuk lidhet as me prokurori e as me gjykata por ashtu siç jam njoftuar nga ministri i Punëve të Brendshme ata kanë qenë duke qëndruar në territorin tonë paligjshëm dhe për këtë arsye janë depërtuar”, tha Tahiri për “Gazeta Blic”.

Ministria e Punëve të Brendshme në Qeverinë e Kosovës ka revokuar lejet e qëndrimit për shtetasit e Turqisë, drejtor dhe arsimtarë të shkollës “Mhemet Akif” në Kosovë të cilët u arrestuar gjatë ditës nga Policia e Kosovës.

“Duke iu referuar rasteve konkrete Departamenti për Shtetësi, Azil dhe Migracion ka vepruar në bazë të Ligjit për të Huaj dhe mandatit që ka për shqyrtimin dhe vendosjen e të gjitha kërkesave që kanë të bëjnë me leje qëndrim”.

“Kjo është një procedure ligjore e cila është aplikuar edhe në rastet e mëhershme, si për të huajt me leje qëndrim, gjithashtu edhe për të huajt që kanë fituar shtetësinë e Kosovës dhe u është revokuar për arsye të sigurisë, apo procedurave tjera të parapara me ligjin përkatës”, thuhet në komunikatën për media.

MPB bënë të ditur se gjatë administrimit të provave kanë konstatuar se për personat në fjalë, ka bazë të mjaftueshme ligjore që të merren masat për revokimin e leje qëndrimit të tyre në territorin e Republikës së Kosovës siç thuhet “për arsye të përcaktuara me ligjin për të huaj, konkretisht nenit 6 të ligjit ku flet për refuzimin apo revokimin e lejes së qëndrimit për rrethanat e sigurisë shtetërore”.

Pas revokimit të leje qëndrimit, sipas kësaj ministrie, qëndrimi i mëtejmë i këtyre qytetarëve konsiderohet i jashtëligjshëm. Ndërkohë, që palët kanë të drejtë ankese në gjykatën kompetente.


Policia e Kosovës të enjten arrestoi drejtorin e përgjithshëm të Shkollës “Mehmet Akif” në Kosovë Mustafa Erdem, zëvendësin e tij Yusuf Karabina, drejtorin e shkollës në Gjakovë, Kahraman Demirez dhe dy arsimtarë Djihen Ozkan dhe Hasan Gunakana.

Pas arrestimit, të njëjtit janë depërtuar në Turqi me aeroplan privat, të posaçëm të Agjencisë Turke të Inteligjencës.

Adem Vokshi, avokat i rastit, tha për Radion Evropa e Lirë se policia, deri më tash, ka ofruar pak informacione.

“Si duket i ka arrestuar policia kufitare dhe kjo neve na shqetësoj shumë mos po i depërtojnë pa u zhvilluar procedurë e rregullt gjyqësore. Ata janë arrestuar duke shkuar në punë. Ne ishim në polici dhe nuk na jepen asnjë informatë. Ata më dërguan në zyrën për mbajtjen dhe atje kontrolluan dhe thanë se aty nuk janë. Më vonë më informuan se policia kufitare i ka në qëndrim dhe nuk mund të kontaktojmë për të marr ndonjë informatë, deri sa të përfundon aksioni”, tha Vokshi.

Avokati Vokshi tha se e vetmja arsye për arrestimin e tyre mund të jetë mbyllja e shkollës dhe ekstradimi i tyre, kinse, siç thotë ai, “këta janë armiqtë e shtetit turk, por që për këtë nuk kanë asnjë provë”.

Ndërkohë, Këshilli për Mbrojtjen e të Drejtave dhe Lirive të Njeriut (KMDLNJ) përmes një njoftimi për media ka kundërshtuar arrestimin e shtetasve turq në Kosovë.

“Autoritetet kosovare që synojnë të integrohen në demokracinë e përparuar, me këtë arrestim po e vënë në dyshim të skajshëm qëllimin dhe orientimin demokratik duke iu nënshtruar një kërkese autokratike dhe duke u rreshtuar në anën e përndjekësve politikë. Në këtë qërim hesapesh midis Erdoganit dhe Gylenit, Kosova duhet të mbajë qëndrim neutral duke respektuar standardet ndërkombëtare të drejtave të njeriut”, thuhet në një komunikatë të KMLDNJ-së.

Shkollat “Mehmet Akif” në Kosovë i përkasin Institucionit Arsimor Gylistan.

Ky i fundit ka kopshte, institucione parashkollore, shkolla fillore dhe të mesme në gjithë Kosovën.

Besohet se ato janë të frymëzuara nga Lëvizja Hizmet e Fethullah Gulenit, klerikut fetar turk, të cilin presidenti i Turqisë, Recep Tayyip Erdogan, e fajëson për orkestrimin e përpjekjes për grushtshtet në Turqi, në vitin 2016.

Presidenti Hashim Thaçi, i zhgënjyer nga institucionet për dëbimin e qytetarëve turq

"Kosova do të mbrojë me çdo kusht vlerat e saj kushtetuese. Askush nuk guxon të persekutohet e deportohet vetëm pse ka një ideologji ndryshe", përfundoi ai

Presidenti Hashim Thaçi në një konferencë për media ka thënë se është i zhgënjyer nga se institucionet kanë dështuar të përmbushin të drejtat që i sigurohen çdo qytetari pa marrë parasysh nga është ai, transmeton albinfo.ch.

“Jam duke marrë informacione për këtë deportim, kam pranuar një raport të hollësishëm për ngjarjen. Sipas këtij raporti arsye e vetme është se ata kanë bërë veprime të paligjshme në Kosovë”, ka thënë ai.

Presidenti ka thënë se detajet duhet të shpjegohen deri në fund dhe përgjegjësit të marrin dënimin e merituar. “Deri sa hetimet nuk përfundojnë, duhet të kemi kujdes se si sillemi me organet që janë përgjegjëse për sigurinë kombëtare”, theksoi ai.

Thaçi e ka quajtur rast të izoluar dëbimin e qytetarëve turq. “Kosova do të mbrojë me çdo kusht vlerat e saj kushtetuese. Askush nuk guxon të persekutohet e deportohet vetëm pse ka një ideologji ndryshe”, përfundoi ai.

Ndërsa duke iu përgjigjur akuzave të Liderit të VV-së, Albin Kurti, presidenti ka bërë pyetje duke thënë se ai duhet të përgjigjet se kush ia financon Kurtit trajnimet e drejtuesve të partisë së tij për çdo javë në Turqi.

Albin Kurti thotë se dëbimi i 6 turqve u bë me dijen e Hashim Thaçit

Kryetari i Lëvizjes Vetëvendosje, Albin Kurti, ka reaguar sërish lidhur me dëbimin e gjashtë shtetasve turq nga Kosova të cilit kishin leje qëndrimi.

“Kosova është Republikë Parlamentare, që ka president despotik e abuziv, dinak e persekutues, i cili ka marrë me qira një kryeministër i cili krejt çfarë ka dashur tashmë e ka. Demokraci e drejtësi do të thotë që këta gjashtë persona t’ia kthejnë ndjekjen autorit”, ka shkruar Kurti në facebook.

Lidhur me këtë temë Kryeministri Haradinaj ka ftuar për sot Këshillin e Sigurisë së Kosovës. Edhe presidenti Thaçi gjatë ditës ka paralajmëruar se do të mbajë një konferencë ku edhe pritet të flasë për këtë çështje.

Qendra Edukative “Gülistan” në Kosovë : Ndalimi dhe ekstradimi i zyrtarëve është bërë në kundërshtim me ligjet e Kosovës”

Qendra Edukative “Gülistan” në Kosovë ka reaguar edhe sot për arrestimin dhe deportimin e gjashtë shtetasve turq njëherësh zyrtarë në këtë qendër.

Ata përmes një komunikate për media thanë se të ndaluarit posedojnë dokumente të qëndrimit të ligjshëm në Kosovë, dhe shtuan se ndalimi dhe ekstradimi i zyrtarëve është bërë në kundërshtim me ligjet e Kosovës.


“Mu për këtë presim nga organet dhe institucionet relevante të Republikës së Kosovës që të ndërmarrin masat e duhura në lidhje me këtë veprim të paligjshëm”, thuhet në komunikatën nga Gulistan.

Më poshtë mund ta lexoni komunikatën e plotë:

Sot me datën 29 Mars, kolegji “Mehmet Akif” u trondit me një ngjarje të pa precedencë që rezultoi me ndalimin e paligjshëm dhe më pas sipas raportimeve të mediave, në ekstradimin e paligjshëm në Turqi të zyrtarëve dhe udhëheqëve të saj në Kosovë. Ngjarja e tillë indinjoi stafin tonë, nxënësit dhe prindërit tanë.

Fillimisht dëshirojmë të theksojmë dhe informojmë opinionin e gjerë që të gjithë të ndaluarit, si dhe gjithë stafi ndërkombëtar i kolegjit “Mehmet Akif” posedon dokumente të qëndrimit të lijghsëm në Republikën e Kosovës. I gjithë dokumnentaiconi është në dispozicion për institucionet relevante, mediat dhe publikun e gjerë. Në këtë kontekts dëgjuam me vëmendje raportimet në media se vendqëndrimi i zyrtarëve të ndaluar qenka revokuar nga një vendim i Ministrisë së Punëve të Brendshme. Na lejoni të përmendim se në rast të tillë, legjislacioni në fuqi në Republikën e Kosovës, përkatësisht, pika 3 e nenit të 6-të të Ligjit për të Huaj, parasheh të drejtën e ankesës në gjykatën kompetente, e drejtë që iu mohua arbitrarisht personelit tonë. Me fjalë të tjera, ndalimi dhe ekstradimi i zyrtarëve është bërë në kundërshtim me ligjet e Republikës së Kosovës. Mu për këtë presim nga organet dhe institucionet relevante të Republikës së Kosovës që të ndërmarrin masat e duhura në lidhje me këtë veprim të paligjshëm.

Gjithashtu e vlen të theksohet se ekstradimi i kuadrit tonë bëhet në kohën kur shtetet perëndimore dhe evropiane me renome si Gjermania, Holanda, Franca, Suedia, Austria, Belgjika, si dhe Shtetet e Bashkuara të Amerikës dhe Kanada kanë marrë në mbrojtje ligjore dhe politike personelin e shkollave të të njëjtit rrjet për shkak të frikës së persekutimeve, torturave dhe rrezikimit të jetës së të njëjtave në Turqinë e sotme të trazirave. Kjo ngjason me persekutimet të cilat popullata e Kosovës i ka përjetuar gjatë viteve të 90-ta nga regjimi i aparteidit dhe mbështetjes dhe mbrojtjes e cila iu është dhënë popullit të Kosovës nga po të njëjtat shtete. Për këtë konsiderojmë se ekstradimi i tillë është në kundërshtim të plotë me vlerat evropiane të Kosovës, aspiratat e saj për integrimeve veri-atlantike. Për më tepër, ësthë edhe shkelje e Kartës Evropiane të të Drejtave të Njeriut që është kusht i anëtarësimit në Këshillin e Evropës, për të cilin Kosova sot aspiron. Si i tillë, është hap i dëmshëm për të ardhmen e Kosovës dhe fëmijëve të saj, që janë nxënësit tanë”.

“Së fund dëshirojmë të ripërsërisim misionin e shkollave tona: që së bashku të rrisim gjeneratat e reja, ndërtojmë kuadro të afta për të shpier Kosovën drejt botës së civilizuar, drejt një të ardhmeje evropiane. Duke qenë në Kosovë, që nga viti 1999, kemi përjetuar së bashku të gjitha sfidat dhe të arriturat që ka kaluar Kosova nëpër këto vite. Si të tillë kemi kontribuar në arsimin e rinisë së Kosovës, zhvillimin e kuadrove të reja si dhe përfaqësimin e denjë të nxënësve tanë, shtetas të Republikës së Kosovës në arenën ndërkombëtare. Për këtë dëhsmojnë medaljet e sumta të fituara nga nxenëesit tanë të cilat mund të vrojtohen në faqen tonë të internetit: http://www.mackkosova.com.


Edhe përkundër rastit të fundit, që shpresojmë të jetë i izoluar, ne vrullshëm dhe me përkushtim do të vazdhojmë punën tonë në arsimimin e gjeneratave evro-atlantike të të rinjve të Kosovës drejt një të ardhmeje të përbashkët me botën e civiziluar. Nga ky qëllim kthim prapa nuk ka.

Falënderojmë të gjithë miqtë tanë që nga prindërit dhe nxënësit tanë, mediat, deputetët, qeveritarët, popullin e Kosovës për mbështetjen e dhënë. Vetëm së bashku dhe me përkrahjen tuaj mund ta tejkalojmë këtë sfidë.

*****

Pas mbledhjes së Këshillit të Sigurisë së Kosovës, Kryeministri, Ramush Haradinaj, ka deklaruar se askush nuk duhet të marrë vendime individuale siç kanë bërë Ministri i Punëve të Brendshme dhe Drejtori i AKI-së në lidhje më dëbimin e 6 qytetarëve turq.

Haradinaj ka thënë se ata janë shkarkuar pasi nuk e kanë informuar atë dhe për këtë ka thënë se në këtë mbledhje kanë qenë të ftuar zv.ministri i MPB-së dhe zv.drejtori i AKI-së.

Kreu i qeverisë ka thënë se situata të këtilla nuk duhet të përsëriten në të ardhmen. “Nëse ka përgjegjësi të tjera do të zbatohen. S’guxon askush më të marrë vendime individuale. Dy përgjegjësit e shkarkuar e kanë humbur besimin tim se nuk më kanë njoftuar për atë çka ka ndodhur”, është shprehur ai.

Edhe Qendra Edukative “Gülistan” në Kosovë ka reaguar edhe për arrestimin dhe dëbimin e gjashtë shtetasve turq njëherësh zyrtarë në këtë qendër duke thënë se ndalimi dhe ekstradimi i zyrtarëve është bërë në kundërshtim me ligjet e Kosovës.

Familjarët e turqve të arrestuar: Të deportuarit janë në burgun e Stambollit

Familjarët e gjashtë shtetasve turq, që të enjten u arrestuan në Kosovë dhe deportuan në Turqi, kanë kontaktuar me ta dhe kanë mësuar se janë në burg në Stamboll, konkretisht në Qendrën e Ndalimit në Stamboll.

Lajmin e ka konfirmuar avokati i të arrestuarit Osman Karakaya, Leutrim Syla.


“Familjet e konfirmuan se kanë kontaktuar me të afërmit e tyre, dhe tani të arrestuarit ndodhen ne Qendrën e Ndalimit në Stamboll”, tha Syla për KosovaPress.

Që nga dita e arrestimit familjarët kanë pasur dyshime se të arrestuarit nuk janë deportuar por janë mbajtur fshehur në Aeroportin e Prishtinës.

Plot 36 orë pa informacion dhe pa dokument arresti – Flet avokati i njërit prej të arrestuarve

Plot 36 orë pa informacion dhe pa dokument arresti – Flet avokati i njërit prej të arrestuarve (Video)
Urim Vokshi avokati mbrojtës i zëvendësdrejtorit të kolegjit “Mehmet Akif”, Yusuf Karabina në një intervistë për Telegrafin me gazetarin Muhamet Hajrullahu ka sqaruar rrethanat e arrestimit të klientit të tij dhe pesë personave të tjerë gjatë ditës së djeshme.

Vokshi ka treguar se deri më tani kur kanë kaluar 36 orë, nuk kanë asnjë informacion zyrtarë për vendndodhjen e klientit të tij dhe të tjerëve.


“Kanë kaluar afër 36 orë dhe ende nuk kemi asnjë dokument zyrtar që mund të vërtetohet arsyeja e arrestimit apo deportimit të klientit të tij dhe pesë personave të tjerë”, u shpreh Vokshi.

Ai shtoi se klienti i tij është arrestuar në mënyrë flagrante.

“Fatkeqësisht unë si avokat nuk kamë asnjë informatë zyrtare për vendndodhjen e tij. Është arrestuar në mënyrë flagrante pa u treguar arsyeja e arrestimit, dhe pastaj i njëjti ka humbur kontaktet me familjen dhe avokatin…Nuk kemi pasur asnjë mundësi që ta takojmë edhe të kontaktojmë me klientin tonë”, ka thënë Vokshi.

Lidhur me deportimin e tyre në Turqi siç është raportuar nga mediat, Vokshi ka thënë se sipas familjarëve të tij këto mund të jenë dezinformata.

Vokshi ka thënë se familjarët besojnë fuqishëm që personat e arrestuar dje janë ende në Kosovë.

“Nga mediat truke dje e kuptuam që janë deportuar në Turqi, kështu edhe na u tha gojarisht edhe në stacionin policorë. Familjarët janë të shqetësuar për këto lajme që i janë dezinformata të mediave turke. Familja beson fuqishëm që ata ende nuk janë deportuar në Turqi”, tha Vokshi.


Ai shtoi se sot kanë mbajtur një takim me këshilltarët e kryeministrit Ramush Haradinaj ku kanë kërkuar informacione se të arrestuarit a gjenden në Kosovë apo janë në Turqi.

“Familjarët kërkuan që të jepen incizimet e Aeroportit të Prishtinës me të cilat do të mund të vërtetohej a janë deportu apo jo në Turqi”, u shpreh avokati mbrojtës i Yusuf Karabina.

Ai tregoi se nga të arrestuarit vetëm pesë janë zyrtar të kolegjit “Mehmet Akif” kurse personi i gjashtë është një kardiokirurg.

Telegraf 

A keni fakte zoti president Thaçi,që këto ti dëshmoni në Prokurori të shtetit ?

Presidenti i vendit, Hashim Thaçi, në një konferencë për media, lidhur me deportimin e shtetasve turq, ka komentuar edhe akuzat e lideri të Vetëvendosjes, Albin Kurti dhe opinionistëve se presidenti ka qenë në dijeni për arrestimin dhe deportimin e gjashtë turqve.

Thaçi thotë se sa i përket asaj që ka lexuar nga një opinionistë nga Shqipëria, thotë se “akuzat e tyre janë zero dhe janë njerëz dhe zëra të atyre që kanë djegur Shqipërinë në vitin 1997, por këtë në Kosovë nuk do t’ia arrijnë”.


Sa i përket lideri të Vetëvendosjes, Thaçi tha se Kurtit iu ka bërë obsesion emri i tij, prandaj porositi gazetarët që ta pyesin atë [Kurtin] për ekipet e Vetëvendosjes që i çon ai në trajnimin në Stamboll.

“Është mirë t’ju tregoj juve se kush i çon ekipet e tij të rregullta mujore në trajnime në Stamboll. Kush janë atë njerëz që i trajnojnë dhe financojnë këta njerëz të VV-së. Kurti duhet të tregoj edhe kush janë njerëzit nga Irani, që ia financojnë partinë dhe atë personalisht. Për këtë mund t’ju tregojë edhe Glauk Konjufca. Përgjigjen e dinë ata, e di edhe unë. Lë ta dijë edhe populli i Kosovës”, tha Thaçi, raporton Telegrafi.

Më tej Thaçi tha se “Kurti duhet të tregojë edhe për lidhjet e tij me njerëzit e Putinit që janë instaluar në Ballkanin Perëndimor dhe me të cilët takohet nganjëherë në vende të ndryshme të Ballkanit dhe jashtë”.

“Ai njeri është dhe ideatori dhe njerëzit e rrethit të tij themeluesit e organizatës terroriste ‘Syri i Popullit’, që ka përpiluar lista për ekzekutimin e njerëzve në Kosovë, Maqedoni e Shqipëri”, tha Thaçi, duke akuzuar Kurtin se agjenda e tij përputhet me atë të Serbisë që nga Rambujeja.

Të gjitha të drejtat e përmbajtjes në Agjencionin Floripress janë të rezervuara

Të gjitha të drejtat e përmbajtjes në këtë portal  të Agjencionit informativ "Floripress" janë të rezervuara

Kushtet për kopjimin e përmbajtjeve nga Agjencioni Floripress:

Kopjim falas të përmbajtjeve nga Agjencioni Floripress jashtë këtyre kushteve është e lejuar vetëm me pajtim të redaksisë së Agjencionit Floripress  gjegjësisht me Editorin  dhe kryeredaktorin e agjencisë "Floripress",zt.Flori Bruqi.

Lejohet kopjimi falas i lajmeve, raporteve dhe shkrimeve tjera nga Floripress , vetëm sipas kushteve në vijim:

- Lejohet të kopjohet më së shumti 50  % nga përmbajtja e tekstit,

- Në fund të tesktit të kopjuar, duhet të vendoset një fjali “tekstin e plotë mund ta lexoni këtu”, ndërsa me fjalën “këtu” të ndërlidhet linku i tekstit të plotë origjinal në floripress.blogspot.com

- Nëse teksti është shkruar nga një autor konkret nga Floripress , në tekstin e kopjuar, medoemos duhet të shkruhet dhe emri i autorit.

- Titulli i tekstit duhet të fillojë me fjalën “Floripress ” dhe me shenjën e pikësimit “dy pika” (psh. “Floripress ”: më kanë lustruar pa asnjë faj”)

- Lejohet të kopjohen më së shumti pesë përmbajtje në ditë.

Ndalohet kopjimi falas i kolumnave të publikuara nga Floripress  përpos nëse është arritur marrëveshje me kryeredaktorin e Floripress Pa marrëveshje të tillë, lejohet që falas të kopjohet vetëm një pjesë e kolumnës, ku:

- Pjesa e kolumnës mund të jetë e gjatë më së shumti 30 rreshta nga teksti origjininal i publikuar në Floripress .

- Titulli i pjesës së kopjuar detyrimisht duhet të fillojë me frazën e cila përmban emrin e autorit të kolumnës dhe fjalët “për Floripress ”, ku do të pasojë shenja e pikësimit, dy pika, (psh. “ Albani  për Floripress : shqiptar , amerikanë dhe mercenarë”).

- Në fund të tekstit të kopjuar, duhet të vendoset dhe një fjali: “kolumnën e plotë mund ta lexoni këtu” , ndërsa fjala “këtu” të ndërlidhet me linkun e tekstit origjinal të floripreess.blogspot.com

Kopjimi i videove dhe fotografive është e lejuar vetëm me marrëveshje me  Editorin -kryeredaktorin e floripress.blogspot.com

Ai që do të publikojë përmbajtje (lajm, raport ose shkrim tjetër) jashtë kushteve për kopjim falas, detyrohet që botuesit të Floripress  ti paguajë dëmshpërblim prej 1.000 €urove   për një përmbajtje.

Ai që publikon kolumnë jashtë kushteve për kopjim falas është i detyruar që botuesit të Floripress detyrohet të paguajë dëmshpërblim prej 2000 €urove  për një kolumnë. Botuesi këtë shumë të parave tërësisht do t’ia përcjellë (paguajë) njerëzve të varfër në Republikën e Kosovës.

Ai që do të publikojë video ose fotografi jashtë kushteve për kopjim falas është i detyruar që botuesit të Floripress-it ti paguajë dëmshpërblim prej 3000 €urove  për një video ose një fotografi. Botuesi këtë shumë do t’ia përcjellë (paguajë)njerëzve të varfër në Republikën e Kosovës.



Për shkeljen e këtyre kushteve, botuesi i Floripress  autorizon përfaqësuesin e tij ligjor që të ndërmer masa ligjore kundrejt shkelësve të kushteve.

Redaksia Floripress-Prishtinë

E-mail: ptcflomed@yahoo.co.uk 

RaiffesenBanka    Prishtinë Xh.llog N.T.P Flomed : 1501110000655404

Sali Berisha, ka thënë se qytetarët po protestojnë kundër “plaçkës Rama”

Shikoni se çfarë rreziku marrin përsipër disa drejtues mjetesh për të shmangur tarifën e vendosur së fundmi në “Rrugën e Kombit”.

Eshtë thjesht çështje kohe deri sa të ndodhë ndonjë aksident rrugor katastrofal….!

Siç shihet, një makinë futet kundravajtje në autostradë.

Ka nisur protesta tek rruga e kombit. Në disa momente ka pasur dhe konfrontime me policinë. Protestuesit kane bllokuar qarkullimin e automjeteve.

Protestuesit përplasen me policinë.

Protestuesit qëllojnë me gur në drejtim të policisë dhe traut.

Banorët e Qarkut të Kukësit do ta shprehin sot me protestë kundërshtimin për tarifën për të qarkulluar në Rrugën e Kombit, edhe pas deklaratës së Kryeministrit Edi Rama se ata do të lehtësohen, por nuk do të përjashtohen nga pagesa.

Qytetarë, përfaqësues të biznesit dhe këshilltarët e Bashkisë nga të gjitha partitë politike do të bëhen bashkë në vendin ku paguhet tarifa e rrugës.

Protesta pritet të nisë në orën 11:00. Organizatorët theksuan se protesta do të jetë paqësore dhe kërkesa është heqja e taksës.

Qytetar: “Taksa ndikon direkt në familjet tona, në jetën tonë të përditshme.”

Si një ndër qarqet më të varfëra në rang vendi, Banorët e Kukësit, thonë se tarifa prej 5 euro për të kaluar tunelin e Thirrës është shumë e shtrejtë.

Qytetar: “Penalizuar është vetëm Kukësi, askush tjetër.”

Në Bashkinë e Kukësit, rreth 6 mijë familje trajtohen me ndihmë ekonomike, deri në 4 500 lekë, ndërsa 4 700 persona janë të papunë.

Qytetarët thonë se kjo tarifë do ta përkeqësonte gjendjen e tyre, ndërsa tregtarët paralajmërojnë rritje çmimesh.

Tregtar: “Do të sjellë rritje çmimesh dhe varfëri të madhe.”

Ashtu si pak ditë më parë, protestës pritet ti bashkohen edhe drejtues kamionësh dhe qytetarë nga Kosova të cilët që në fillim kanë shprehur kundërshtimin me pagesën për rrugën e Kombit.

Për efekte negative, flasin edhe kryetarët e Bashkive të Prizrenit dhe Kukësit, teksa kërkojnë një zgjidhje lehtësuese mes qeverive të dy vendeve

Bashkim Shehu: “I bëjmë thirrje qeverisë së Kosovës dhe Shqipërisë që të ulen, të bashkëbisedojnë dhe të gjejnë një zgjidhje sa më lehtësuese.”

Pagesa për rrugën e Kombit nisi të aplikohet të mërkurën, ndërsa tarifat varioojnë nga 2.5 euro për motorë, në 5 euro për makina e vogla e deri në 22.5 euro për kamionët e mëdhenj.

Pranë tunelit të Kalimashit ka nisur protesta kundër vendosjes së taksës për Rrugën e Kombit.

Mësohet se situata është tensionuar menjëherë dhe protestuesit janë përplasur me forcat e policisë.
Protestuesit kanë goditur me gurë punonjësit e policisë.

Qytetarë dhe tregtarë të shumtë kanë mbyllur qepenat e dyqaneve për t’iu bashkuar protestës në Tunelin e Kalimashit.

Protesta është thirrur nga aktivistë dhe qytetarë të Kukësit, të cilët përmes protestës kërkojnë heqjen e taksës rrugore.


Qindra protestues janë përplasur me Policinë e Shqipërisë pranë sporteleve ku duhet të bëhet pagesa për taksën rrugore në Rrugën e Kombit në Kalimash dhe kanë shkatërruar tërësisht kabinat e pagesës së tarifës, duke e goditur me mjete të forta dhe duke ua vënë zjarrin.

Paraprakisht njoftohet se kanë mbetur të lënduar 5 pjesëtarë të forcave të policisë, si dhe 12 qytetarë.

Qytetarët u mblodhën në protestë për të kundërshtuar taksën, të cilën ata e konsiderojnë shumë të lartë.

Shkaktari i trazirave për rrugën e kombit tradhtari Edvin Kristaq Rama,thonë kukësjanët 

Kryeministri i Shqipërisë, Edi Rama, përmes një postimi në Facebook ka kritikuar ashpër protestuesit, duke thënë se ata do të përballen me ligjin.


Qeveria e Shqipërisë ditë më parë mori vendim për vendosjen e taksës prej pesë eurosh në Rrugën e Kombit.

Kjo taksë u kundërshtua nga qytetarët e veriut të Shqipërisë dhe të Kosovës, të cilët thanë se tarifa është shumë e lartë.

Opozita e Shqipërisë ka kritikuar Qeverinë, duke thënë se “Taksa Rama në Rrugën e Kombit është grabitje e dyfishtë e shqiptarëve dhe barrierë shtesë mes Shqipërisë dhe Kosovës”.


Kryetarja e partisë opozitare shqiptare, Lëvizja Socialiste për Integrim, Monika Kryemadhi, përmes një postimi në Facebook tha se revolta e qytetarëve në Kukës është “shenjë e qartë e fillimit të fundit për një qeveri që ka humbur besimin dhe mbështetjen, që po rrënon çdo ditë familjet shqiptare dhe që ndoshta sot mund të kuptojë që revolta ka qenë dhe mbetet fundi i çdo regjimi që sundon me dorën e krimit dhe korrupsionit”.


Edhe ish-kryeministri i Shqipërisë, Sali Berisha, ka thënë se qytetarët po protestojnë kundër “plaçkës Rama”, duke shtuar se policia ka përdorur “dhunë të turpshme” ndaj protestuesve.


Në anën tjetër, kryeministri i Shqipërisë, Edi Rama, vendimin për këtë tarifë e kishte arsyetuar duke thënë se: “Rruga e Kombit është një aks strategjik, i cili rrezikohej seriozisht në sigurinë e në qëndrueshmërinë afatmesme, nëse nuk do të ndërhyhej me vendosjen tarifës për përdoruesit”.

Ndërkohë, Policia e Kosovës, nëpërmjet një komunikate për medie, ka konfimuar ndalimin përkohësisht të qarkullimit në pikën kufitare Vërmicë - Morinë nga autoritetet e Shqipërisë.

“Ndalimi qarkullimit nga autoritetet e Shqipërisë, është bërë për arsye të protestës që po mbahet nga qytetarët në afërsi të tunelit të Kalimashit dhe në pamundësi për të lëvizur automjetet dhe për shkaqe të sigurisë së qytetarëve nuk lejohet qarkullimi - hyrja e automjeteve në Republikën e Shqipërisë”, thuhet në njoftimin e dërguar nga Policia e Kosovës.

Rruga e Kombit, autostrada që lidh Shqipërinë me Kosovën, filloi të ndërtohej në vitin 2006 dhe përfundoi në vitin 2010, me ndërtimin e Tunelit të Kalimashit. Kostoja e kësaj rruge ishte rreth 2 miliardë euro.

Kuksianët e hasianët i vënë flakën Rrugës së Kombit, kosovarët bllokohen në Morinë

Protesta që po zhvillohet në këto momente tek Rruga e Kombit i ngjan një “lufte” për drejtësi.



Qindra shqiptarë i janë drejtuar aksit të rrugës së Kombit duke protestuar per ate cka ata e quajne te drejtat e tyre.

Fillimisht qytetarët kanë qëlluar me gurë policinë e Shtetit, e cila ka reaguar me shkopinj gome dhe gaz lotësjellës.

Pas disa orësh rezistencë policia është tërhequr dhe protestuesit kanë shkatërruar dhe i kanë vënë flakën kabinave nga ku do të vilej taksa.



Në protestë pritej të merrnin pjesë edhe shtetas nga Kosova, por nuk kanë mundur të bashkohen.

Burime nga dogana thonë se ata nuk kanë mundur të bashkohen me qytetarët kuksianë pasi nuk janë lejuar nga policia.



Ndalimi i tyre është bërë në doganën e Morinës, ndërsa raportohet edhe për përplasje me policinë edhe atje pasi qytetarët kosovarë janë shprehur se ata mund të kenë edhe problemet e tyre dhe duan të kalojnë në Shqipëri.

Hysen Kolonjari : Ushtria e Shqipërisë disa herë më e fortë se e Jugosllavisë

Ushtaraku që për afro 37 vjet i ka shërbyer Ushtrisë Popullore, dhe Repartit të Xhenjios në Divizionin e Elbasanit, Hysen Kolonjari, ka rrëfyer për “TemA” disa prej ngjarjeve të viteve 1970-1984, vite në të cilat ai bashkë me 340 ushtarë dhe ish-komandantin Muntaz Ruçi dhe ish-komisarin e Brigadës Nexhmi Mezlenxhiu, nisën ndërtimin e tuneleve të Krastës, Labinotit, Xibrakës, Librazhdit, dhe deri në malet e Prrenjasit, apo deri ku shtrihej Divizioni tyre, duke rrezikuar shpesh jetë njerëzish.

Kurse sot, sipas tij, “ato janë kthyer në hale politike, nga të gjithë qeveritarët e ardhur pas 1992”.

Kapiten Hyseni, ku dhe kur ka nisur kariera juaj si ushtarak?

Unë kam dalë nga shkolla “Skënderbej” në vitin 1954, kam marrë pjesë në dy parada ushtarake, kam bërë roje tek KQPPSH dhe Ministria e Mbrojtjes Popullore për afro 1 vit, dhe kam patur rastin të takoj këta burra shteti, Enver Hoxhën me gradën Gjeneral-Kolonel, Mehmet Shehun Gjeneral-Major, Beqir Ballukun Gjeneral-Major, Sadik Bekteshin Gjeneral-Brigade, dhe shumë personalitete të tjera, madje kam qenë vetëm 1 metër larg Nikita Hrushovit kur ai erdhi në Tiranë. Në vitin 1960 jam emëruar me gradën nëntoger, pastaj toger, dhe në vitin 1961 kam marrë gradën Kapiten i Parë, në Brigadën e Tankeve në Rrapi Treshit në Tiranë.

Gradën ma ka dhënë personalisht Muhamet Prodani. Kurse në vitin 1964 , jam pranuar komunist, anëtar PPSH, dhe jam emëruar shefi shtabit në Brigadën e Xhenjios në Elbasan. Pas tre vitesh heqja e gradave më gjeti atje mes xhenjierëve. Asokohe quhej Korpus, pastaj Grupim, dhe më vonë deri në vitin 1991, quhej Divizioni Elbasanit.

Ti përmenda ata burra, sepse ishin ata që drejtuan sipas meje, dhe jo sipas ndonjë tjetri, Ushtrinë Popullore, e ngritën dhe modernizuan atë pavarsisht sfidave të kohës, i dhanë emrin e mirë Shkollës Ushtarake “Skënderbej”, nga ku dolën breza e breza të ushtarakëve që punuan me ndershmëri maksimale për të ngritur repartet e saj fushave dhe malave të vendit, duke nisur nga arma e këmbësorisë, e xhenjios, tankeve, artillerisë kundërajrore, ndërlidhjes, prapavijat, etj, etj.

Por gjithë kariera ime ushtarake ka patur maksimalisht kontributin dhe ulje-ngritjet e saj në armën e Xhenjios. Atje kemi punuar dhe kemi qenë në ballin e punimeve ushtarake, fortifikimeve në shkallë vendi pas urdhërit të Mehmet Shehut, pavarsisht se asokohe thuhej se “tek ne vinin djemtë e kulakëve dhe të deklasuarve”.

Por edhe ata ishin bij nënash, dhe kanë punuar me një përkushtim maksimal duke rrezikuar shpesh edhe jetën e tyre në ndërtimin e kupolave apo siç quhen ndryshe qendrave të zjarrit, duke punuar dhe ndërtuar në kushte të tmerrshme tunelet në faqet dhe majat e maleve, ato tunele ku më vonë u sistemuan aparaturat logjistike dhe krejt armatimi ynë modern i kohës.

Atje në ato tunele, u sistemuan mjetet e transportit, ku Elbasani si Divizion kishte mbi 5400 të tilla të lehta dhe të rënda, të gjitha në tako, të reja, të lyera me bojë dhe të pajisura me rezerva të konsiderueshme karburanti, me aparatura dhe pajisje logjistike ruse dhe kineze të mrekullueshme, më vonë edhe prodhim nordik e gjermanolindor, u instalua ndërlidhja e ushtrisë, u sistemuan baza materiale ushtrisë, nga gozhda deri tek predhat dhe tanket, nga uthulla dhe deri tek vaji ushqimor dhe produktet e tjera ushqimore, të cilat i siguronin reparteve tona në rast lufte një rezistencë afatgjatë .

Por në vitet e fundit, pavarsisht se unë sot jam në pension, konstatoj se ushtria është jo vetëm e shkatërruar, por ajo gjendet sot në pikën e hallit, ndjehet e turpëruar, e përdhosur dhe e përdorur nga çdo ministër inkompetent, injorant dhe i lidhur me afera të pista, nga çdo ministër që e ka mjelë ushtrinë për interesat e tij dhe shefit tij.

Pse thoni se ushtria u shkatërrua u turpërua, dhe u abuzua me ushtrinë?

Mjafton të pyes si ushtarak se, ku shkuan tanket e ushtrisë, të paktën në Elbasan ka patur mbi 250 tanke në gjendje pune dhe lufte, po në shkallë vendi sa ishin, ku shkuan mijëra e mijëra kallashnikovë, qindra tonelata me municione, qindra e mijëra automjete të tipeve të ndryshme me logjistikë moderne, kush i shiti, kush i vodhi, pse nuk është bërë asnjëherë inventari dhe hetimi tyre?

Ku shkuan avionët, ku shkuan helikopterët, topat, artileria e lehtë dhe e rëndë, kush i boshatisi tunelet e ushtrisë, kush e shkriu Bazën e Armatës në Elbasan dhe gjithë repartet në gjithë Shqipërinë, reparte të cilat nuk i kishte as Jugosllavia në atë gjendje, kush do të mbajë përgjegjësi për vjedhjen e miliona dollarëve dhe miliona eurove për 26 vjet rresht?

Të gjitha këto pyetje duan një përgjigje nga të gjithë ish-ministrat dhe ish-kryeministrat e këtij tranzicioni të urryer, të gjitha këto pyetje duan një përgjigje edhe nga kryeministri dhe ministri aktual i Mbrojtjes. Por sikur të mos mjaftonte ajo që vodhën dhe shitën në depo dhe magazinat e reparteve, por së fundi u janë sulur edhe tuneleve, një turp dhe një badërrdi e paparë për ushtrinë e çdo vendi në botë.

Tunelet sot, i ruan si të shenjta çdo shtet, sepse ato janë shpëtimtare në situata të tmerrshme lufte por dhe paqeje, ato janë sot nën ruajtjen e shtetit në vende me qeverisje të përgjegjshme si në Suedi, Norvegji, Francë, Gjermani, Rusi Kinë, apo edhe SHBA etj, dhe nuk guxon asnjë ti afrohet, dhe jo ti prekë dhe ti kthejë në burime për të përfituar milionat edhe prej tyre.

Tunelet e maleve tona duhej të ishin “Monumente të Shenjta” dhe të mbroheshin nga shteti, por cili shtet? Po ju tregoj diçka personale. Gjatë një vizite në 1984 në Suedi, për marrjen e një pajisje speciale për prodhimin e lëndëve plasëse, bashkë me një grup ushtarakësh të Uzinës së Municioneve të Mjeksit, ku në përbërje ishte edhe specialisti municioneve i ndjeri Orhan Bacollari, atje pamë me sytë tanë se si ruheshin me ligj tunelet e Luftës Dytë Botërore, dhe bashkë me ato edhe tunelet e kohës sotme.

Kurse tek ne i kthyen në moçale të rrezikshme për tokën, ujin, ajrin, njerëzit. Një turp që do ti mbetet në shekuj ushtrisë, dhe një njollë e zezë për silindo që ka qeverisur dje, dhe po qeveris edhe sot vendin.

Me çfarë kurajo do ti dalin përpara shqiptarëve, ushtarakëve dhe ish-ushtarakëve këta qeveritarë në fushatë, çfarë do tu thonë për ushtrinë, do ti gënjejnë dhe do ti mashtrojnë, sepse ushtria ka 26 vjet që vetëm vidhet e vidhet, dhe asnjë nuk mendon se një ditë do të duan të futen në ato tunele për të shpëtuar jetën, por do të jetë vonë. Ndaj populli do ti zërë me gurë mashtruesit dhe hajdutët e pasurisë përbashkët, dhe mendoj se nuk do ti besojë më, lajkave dhe premtimeve të çakenjve të maviosur nga milionat e vjedhura.

Kush operon me sigurinë kombëtare në Kosovë ?

Gylen predikon një fe të hapur ndaj dialogut, pluralizmit politik dhe besimit te shkenca. Levizja e themeluar nga Gylen quhet ‘Hizmet’ ne turqisht, e njëjta fjale qe përdoret ende në shqip, hyzmet, pra shërbim.

Lëvizja ka tërhequr një numër të madh mbështetësish në Turqi, Azinë Qendrore dhe gradualisht në vende të tjera të botës. Një prani e madhe e lëvizjes Gylen përmes rrjetit të shkollave është e pranishme edhe në vendet e Ballkanit.



Në Turqi, lëvizja Gylen ka miliona ndjekës dhe mendohet se përveç një rrjeti të gjerë shkollash, nën ndikimin e lëvizjes janë gjithashtu edhe banka, shtëpi botuese, biznese, televizione e gazeta. Konfederata Turke e Biznesmenëve dhe Industrialisteve TUSKON, pranohet gjerësisht se është nën ndikimin e Gylen. Shume idhtarë të lëvizjes veprojnë në sistemin gjyqësor dhe në rradhët e aparatit të inteligjencës e atij policor në Turqi.



Megjithese Gylen e përkrahu fillimisht ardhjen e Erdogan në pushtet, marrëdheniet mes të dyve u tendosen së tepërmi kur në Turqi nisen një sërë procesesh për korrupsion drejtuar disa ministrave të qeverise Erdogan ne 2013. Erdogan akuzoi Gylen se po vepron përmes njerëzve të tij në sistemin e drejtësisë dhe polici e shërbime sekrete për të rrëzuar qeverinë.

Një fushatë spastrimesh e arrestimesh nisi në rradhët e policisë dhe deklaratat e Erdogan ndaj Gylen janë bërë gjithnjë e më të ashpra. Erdogan madje ka kërkuar edhe ekstradimin e Fetullah Guylen nga SHBA për t’u gjykuar në Turqi. Përkundër deklaratave të Erdoganit, emri i lëvizjes Hizmet nuk figuron në listën e organizatave terroriste të OKB-së.

Muhammed Fethullah Gylen (lindur më 27 April 1941) është një predikues turk, ish-imam, [5] [6] Shkrimtari, dhe figurë politike. Ai është themeluesi i lëvizjes Gylen (i njohur si Hizmet që do të thotë shërbim në gjuhën turke). Ai aktualisht jeton në mërgim në Shtetet e Bashkuara, me banim në Saylorsburg, Pennsylvania.

Gyleni mëson një version hanefite të Islamit, që rrjedh nga mësimet e dijetarit Sunni Muslim Said Nursi-së. Gylen ka deklaruar se ai beson në shkencë, dialogun ndërfetar në mesin e ithtarëve të librit, dhe demokraci me shumë parti. Ai ka filluar dialog të tillë me Vatikanin dhe të disa organizatave hebraike.



Gylen është i përfshirë në mënyrë aktive në debatin shoqëror në lidhje me të ardhmen e shtetit turk, dhe Islami në botën moderne. Ai është përshkruar në mediat në gjuhën angleze si imam ", i cili promovon një Islam tolerant e cila thekson altruizmin, punën e vështirë dhe arsimin" dhe si "një nga figurat më të rëndësishme të botës myslimane."

Gyleni ishte një aleat i presidentit turk Rexhep Tajip Erdogan para vitit 2013. Aleanca u shkatërrua pas hetimeve të korrupsionit ne vitin 2013 në Turqi. Erdogan akuzoi Gylenin se ka qenë pas hetimeve për korrupsion. Ai është aktualisht në listën e terroristëve më të kërkuar të Turqisë dhe është i akuzuari kryesor që zyrtarët aktualë turq e quajnë Terror Organizatën gulenistëve e (feto). Një gjykatë penale turke lëshoi një urdhër arresti për Gylenin. Turqia po kërkon ekstradimin e Gylenit nga Shtetet e Bashkuara. Megjithatë, shifrat e SHBA në përgjithësi nuk besonj se ai është i lidhur me ndonjë aktivitet terrorist.

Presidenti i Kosovës, Hashim Thaçi ka mohuar se ka qenë i informuar për arrestimin e sotëm të gjashtë gylenistëve, duke pohuar se arrestimi ka shkuar përmes AKI-së, Zyrës për Refugjatë dhe Ministrisë së Brendshme.

Thaçi ka thënë për televizionin publik se Turqia ka kërkuar disa herë arrestimin dhe depërtimin e disa shtetasve të Turqisë, por asnjëherë nuk ka marrë emrat e personave që janë arrestuar sot.

“Ambasadorja e Turqisë dhe institucionet tjera kanë kërkuar emra tjerë, por asnjërin nga këta emra”, tha ai.Ai po ashtu ka pohuar se veprimi që ka ndodhur sot, institucionalisht është i pa pranueshëm, kurse aspekti teknik ka mbetur që të vlerësohet dhe të sqarohet plotësisht.

Kryeministri Ramush Haradinaj ka folur sot para familjarëve të të arrestuarve turq të cilët kanë qenë duke protestuar bashkë me nxënësit e kolegjit “Mehmet Akif”.Kryeministri u ka thënë familjarëve se nuk kanë diçka konkrete sa i përket arrestimit të tyre.

“Dje kemi pasur një takim me dy kolegë dhe do ta vazhdojmë komunikimin, sot nuk kam diçka konkrete, por do ta vazhdojmë komunikimin” tha Haradinaj.Familjarët kanë kërkuar nga kryeministri që tu tregojë se si të vazhdojnë jetën e tyre pa frikë.

“Ju falenderojmë për të gjitha shpjegimet që keni patur deri më tani, por ne kemi vetëm një kerkesë nga ju, të gjithë faniljarët që janë mbledhur këtu ndoshta edhe fëmijët e atyre qe janë rrëmbyer, jeta e tyre është në rrezik se çfarë i pret ata, janë shkollat fëmijët kolegët nxënësit tanë, kërkoj nga ju përpara popullit të tregoni se si do të jetë tani vazhdimësia e jetës pa frikë, çfarë garancie na jepni”, tha njëra nga familjarët.


Haradinaj tha se kjo ka qenë një befasi për të gjithë, por se nuk do të ketë më.Urim Vokshi, avokat i Yusuf Karabina, se familjarët e shtetaseve turq ende nuk kanë asnjë informacion të saktë se ku gjenden të arrestuarit dhe si është gjendja e tyre shëndetësore.Ai tha se edhe pse janë parë disa video në Aeroportin e Prishtinës ku mendohet të jenë të arrestuarit në fjalë, ata nuk mund të identifikohen. Vokshi shtoi se janë në pritje të një përgjigje zyrtare e sakta për të arrestuarit.Po ashtu ai tha se familjarët kanë angazhuar edhe avokatë të tjerë në shtetin e Turqisë.


“Familjarët nuk janë të bindur se me të vërtetë janë deportuar, po ashtu në videot që kanë dalë mungon njëri nga të arrestuarit sepse gjithsej janë gjashtë të arrestuar ndërsa në video incizime shihen pesë dhe ende ka paqartësi. Kërkoj nga institucionet e shtetit të ketë transparencë,institucioni i avokatit të popullit dje gjatë ditës dy herë është refuzuar për të hyrë brenda objektit dhe për të takuar nëse eventualisht gjenden aty kjo dhe e shton edhe me tej dyshimin e familjarëve se çfarë fshihet aty”.


“Familjarët besojnë në institucionet e vendit, familjarët u takuan edhe me kryeministrin dhe kërkojnë edhe nga kryeministri që tu ofroj siguri, shteti i Kosovës të ju ofroj siguri dhe të iu qartësoj se ku gjenden familjaret e tyre dhe pse tash e më shume se 48 orë të njëjtit nuk iu kanë lajmëruar familjarëve”, tha Vokshi

Familjarët e gjashtë shtetasve turq të deportuar në Turqi nga Kosova, kanë kontaktuar me ta dhe kanë mësuar se janë në burg në Stamboll.48 orë pas arrestimit dhe deportimit familjarët e shtetasve turq të deportuar nga Kosova, kanë rënë në kontakt sot me ta.
Zt.Bujar Muzhaqi, drejtor në njërën prej rrjetit të shkollave ‘Gulistan’ në Kosovë.

“Sot kanë folur. Janë transferuar në Burgun e Sigurisë së Lartë në Stamboll, dhe ende nuk kanë dalë para gjykatës. U kanë thënë që janë mirë, dhe se janë transferuar 2 orë pas arrestimit”, ka thënë Muzhaqi.

Ambasadori amerikan, Greg Delawie ka reaguar pas arrestimit dhe deportimit të gjashtë shtetasve turq. Delawie në rrjetin social Twitter ka shkruar se është duke i përcjell ngjarjet e fundit.Ka shkruar se transparenca dhe sundimi i ligjit janë jetike për Kosovën.“Duke i përjcellur nga afër ngjarjet e djeshme.

Transparenca dhe angazhimi për një process të rregull,t dhe sundim të ligjit janë jetike”, ka shkruar ambasadori amerikan.Ndryshe, sot para qeverisë janë duke protestuar familjarët e shtetasve turq.Pikërisht për këtë çështje, Haradinaj ka shkarkuar ministrin e brendshëm dhe drejtorin e AKI-së.

Para konsullatës së Kosovës në Nju Jork protestohet kundër 

deportimit të gjashtë turqve

Gjatë kësaj jave që po lëmë pas janë arrestuar dhe më pas deportuar prej Kosovës për në shtetin turk gjashtë shtetas të këtij vendi.

E gjithë kjo pasi që dyshohet se i përkasin organizatës “FETO”, e cila cilësohet si terroriste në Turqi.Gjashtë mësuesit e kolegjit “Mehmet Akif” raportohet se kanë ndihmuar në mbledhjen e parave në Ballkan për të financuar organizatën e lartcekur, të cilën e udhëheq imami Fetullah Gulen.Kundër ekstradimit të tyre kanë dal disa qytetarë që kanë protestuar në dy shtetet përtej Atlantikut, përkatësisht në Kanada dhe në Amerikë.Njëra prej protestave është organizuar edhe para konsullatës së Kosovës në New York të SHBA-ve.Të arrestuarit janë identifikuar si Cihan Özkan, Kahraman Demirez, Hasan Hüseyin Günakan, Mustafa Erdem, Osman Karakaya dhe Yusuf Karabina.Ndryshe, pas puçit të 15 korrikut të viti 2016, Turqia akuzon Gylenin që jeton në SHBA për orkestrim të grushtshtetit dhe e ka shpallur lëvizjen e tij si terroriste.

Presidenti, Hashim Thaçi për deportimin e shtetasve turq: Në raportin e AKI-së thuhet se ata rrezikuan sigurinë në vend

Presidenti Hashim Thaçi ka shprehur zhgënjimin e tij me aksionin e sotëm të policisë së Kosovës, pas arrestimit dhe deportimit të gjashtë shtetasve turq.“Sot jemi të zhgënjyer për shkak se institucionet tona relevante, për arsye që mbetet të sqarohen deri në fund, kanë dështuar të mbrojnë këto parime që ndërlidhen me të drejtat njerëzore të shtetasve të huaj, që jetojnë dhe punojnë në vendin tonë”, shkruan Hashim Thaçi.“Unë jam i informuar nga organet kompetente pas ngjarjes se gjashtë shtetas janë deportuar sot në Turqi me arsyetimin se nuk kanë pasur leje qëndrimi në Kosovë. Ne tani duhet të sqarojmë arsyet që kanë çuar deri në deportimin e këtyre shtetasve turq për në Turqi”.”Dua të siguroj qytetarët e Republikës së Kosovës dhe të gjithë shtetasit e huaj që jetojnë dhe punojnë në Kosovë, se Kosova do të mbrojë me çdo kusht vlerat e saj kushtetuese, të cilat mbi gjithçka tjetër, i sigurojnë çdo individi që të shpreh pa frikë identitetin, besimin, kulturën, ideologjinë, mendimin dhe fjalën e lirë”.“Askush nuk guxon të persekutohet, censurohet apo edhe deportohet për shkak se ka një besim apo ideologji ndryshe nga dikush tjetër”.

Presidenti, Hashim Thaçi, në një konferencë për media, tha se ka pranuar një raport të detajuar Agjencia Kosovare e Inteligjencës (AKI), lidhur me arrestimin dhe deportimin e shtetasve turq nga Kosova, raporton Ekonomia Online.Ai nuk tha se nuk ka qenë i informuar për rastin e arrestimit të gjashtë shtetasve turq në Kosovë, por foli për përmbajtjen e raportit. Sipas tij, në raport thuhet se shtetasit turq janë deportuar ngase kanë rrezikuar sigurinë në vend.“Jam i informuar dhe ende jam duke marrë sqarime shtesë lidhur me rastin dhe rrethanat në të cilat është kryer arrestimi dhe deportimi i gjashtë shtetasve turq. Në prani të partnerëv ndërkombëtarë kemi pranuar një raport nga AKI-ja që në mënyrë të detajuar sqaron pse është kërkuar arrestimi i tyre”.“Sipas këtij raporti, arrestimi dhe deportimit i tyre ka të bëjë me veprimtarinë e tyre të paligjshme dhe të rrezikshme në Kosovë. Sipas AKI-së, raste të tilla ka pasur edhe në të kaluarën”.

Ai ka thënë se detajet dhe procedurat duhet të sqarohen deri në fund nga AKI-ja dhe Ministria e Punëve të Brendshme.Thaçi u shpreh i ka zhgënjyer se institucionet dështuan që të mbrojnë parimin themelor të të drejtës së njeriut me rastin e arrestimit dhe deportimit.“Jam i zhgënjyer dhe shpreh keqardhje institucionet dështuan të respektojnë këto parime”.Thaçi ka thënë se ky rast është i izoluar dhe se askush nuk mund ta akuzojë Kosovë për mosrespektimin e Konventës për të Drejtat e Njeriut.“Kosova respekton të drejt e njeriut pavarësisht bindjeve dhe përcaktimeve të çdokujt. Asnjë indikacion për kërcënim nuk do të funksionojnë në Kosovë”.Sipas tij, janë duke u bërë hetime të detajuara dhe derisa të përfundojnë këto hetime duhet të kemi kujdes se si po sillen institucionet.“Organet hetuese shtetërore po hetojnë këtë rast dhe ne duhet të presim përfundime. Edhe Avokati i Popullit po heton. Përderisa këto hetime nuk përfundojnë duhet të sillemi përgjegjësi ndaj institucioneve”.Por nuk dha sqarime nëse do të pranojë shkarkimin e drejtorit të AKI-së, Driton Gashi, pas vendimit të kryeministrit Haradinaj.“Do të vlerësojmë të gjitha rrethanat do të ndërmarrim bashkë të gjitha veprimit për sigurinë kombëtare. Kushdo që ka shkelur procedurat dhe ligjin do të marrë përgjegjësi”.

Ramush Haradinaj: S’guxon askush më të marrë vendime individuale,Flamur Sefaj e Driton Gashi nuk më besuan


Kryeministri, Ramush Haradinaj, ka përsëritur edhe një herë pas mbledhjes së Këshillin e Sigurisë së Kosovës, se nuk ka qenë i informuar për arrestimin dhe deportimin e 6 shtetasve turq.

Haradinaj u shpreh i bindur se s’guxon askush të marrë vendime individual në Kosovë.


“Mos shkoni kësaj rruge më, nuk do të tolerojmë një situatë të tillë. Nëse ka përgjegjësi të tjera do të zbatohen. S’guxon askush më të marrë vendime individual”.Kreu i ekzekutivit tha drejtori i AKI-së, Driton Gashi dhe ministri i Punëve të Brendshme Flamur Sefaj kanë qenë të informuar për aksionin e së enjtes, që për të cilën nuk është njoftuar edhe ai.Madje ai tha se Sefaj ka pas informacion prej të premtes së javës së kaluar.“Dy vartësit e mijë e kanë humb besimin nuk më kanë besuar nuk më kanë informuar për këtë arsyeje edhe i kam shkarkuar. Flamurin e kam takuar disa herë. Kanë humbur besimin tim se nuk më kanë njoftuar për atë çka ka ndodhur, prandaj ata të dy kanë shkuar në shtëpi”.Haradinaj beson se edhe Presidenti do të pranojë shkarkimin e Shefit të AKI-së.“Emërimi i drejtorit të AKI-së bëhet i përbashkët, procedura e shkrimit nuk e kom kshyr qysh asht, po ai nuk më ka besuar mua. Presidenti jem edhe mendimin e tij, e jam i bindur që ai të jap mendim. Emërimi do të bëhet i përbashkët”.“Kjo nuk lidhet me punën që ai ka bërë në AKI që ka përgjegjësi ligjore, por ka humbur besimin s;mund ta vazhdojë bashkëpunimin”.

Haradinaj u shpreh se hetimin e parë që e ka bërë, menjëherë pas kësaj ndodhie, ka kërkuar informacione të detajuar nga drejtori i AKI-së Driton Gashi, Ministri i Drejtësisë, Abelard Tahiri, Ministri i Brendshëm, Flamur Sefaj dhe drejtori i Policisë së Kosovës, Shpend Maxhuni.Kurse tash tha se po kërkon hetim dhe raportim për arrestimin dhe deportimin e shtetasve turq.“Kam kërkuar hetim dhe raportim me shkrim për ndalimin, revokimin e lejeve dhe deportimin e fshehtë të gjashtë turqve nga Kosova”.Sipas tij, gjendja e sigurisë është e qetë, por që janë shkelur të drejtat e njeriut.Të premten krerët e shtetit u mblodhën në një restorant në periferi të Prishtinës.



Takimi i pari e lëshoi presidenti Hashim Thaçi. Ai nuk ishte i gatshëm të flas për media.Pas takimit kreu i Kuvendit Kadri Veseli tha se deportimi i 6 shtetasve turq ishte gabim. Sipas tij, nuk do të ndodhin kurrë gjëra të tilla në shtetin e Kosovës.As Begjet Pacolli e Agim Bahtiri që ishin në takim nuk folën për media kur u pyetën a do të vazhdojnë të jenë pjesë e Qeverisë Haradinaj, pas shkarkimit të ministrit Flamur Sefaj që vije nga AKR.Udhëheqësit e institucioneve, presidenti Hashim Thaçi, kryeministri Ramush Haradinaj dhe kryetari i Kuvendit, Kadri Veseli, kanë theksuar se nuk kanë pasur informacione për aksionin e institucioneve të sigurisë për arrestimin dhe dëbimin e qytetarëve turq.Haradinaj, të premten, ka shkarkuar ministrin e Punëve të Brendshme, Flamur Sefaj, dhe drejtorin e Agjencisë së Kosovës për Inteligjencë (AKI), Driton Gashi.Të enjten gjashtë shtetas turq, pesë nga ta punonjës të Institucionit Arsimor Gylistani dhe një mjek turk në Kosovë u arrestuan e deportun për në Truqi.