SOT NË PRISHTINË U MBAJTËN TAKIMET LETRARE ESAT MEKULI


NGA FLORI  BRUQI 







Lidhja e Shkrimtarëve e Kosovës organizon më 17 dhjetor 2014 takimin tradicional letrar ESAD MEKULI,Takimi letrar zhvillohet në Bibliotekën Kombëtare në Prishtinë.




Image result for jeronim de rada
    Jeronim de Rada 


Pas një heshtjeje pak a shumë të gjatë në të cilën e kemi lënë krijimtarinë e tij poetike, ja, sot po e përkujtojmë Esad Mekulin.I merituar për ndërprerjen e kësaj heshtjeje, në asnjë mënyrë të arsyeshme, është shkrimtari i cili e ka njohur herët Esad Mekulin, është shkrimtari i cili ka bashkëpunuar me Esad Mekulin, është shkrimtari i cili ka gëzuar kujdesin e Esad Mekulit në kohën kur shumëkush nuk kishte guxim të tregonte kujdes ndaj tij,tha kryetarja e Lidhjës së Shkrimtarëve të Kosovës,Dr.Flora Brovina.



Humanistja dhe letrarja Dr.Flora Brovina , e ka ndier për detyrë kulturore, letrare dhe, më në fund, kombëtare, që ta thyejë një heshtje me të cilën jo vetëm se cenohej një meritë e madhe letrare e kulturore, por me të cilën cenohej e vërteta historike-letrare për zhvillimin e letërsisë sonë në disa vite para Luftës së Parë Botërore dhe sidomos pas kësaj lufte.Kur e përkujtojmë Esad Mekulin, ne përkujtojmë Poetin, Kryeredaktorin e “Jetës së re”dhe Përkthyesin.


Dr.Flora Brovina 

Por, kur e përkujtojmë Esad Mekulin, ne në të njëjtën kohë e përkujtojmë Njeriun etik.Esad Mekuli perceptohej si njeri i qetë, i qëndruar, i fjalës, si njeri në të cilin mund të mbështeteshe në çdo situatë dhe në çdo kohë; si njeri i përkushtuar ndaj vlerave, në radhë të parë ndaj vlerave kulturore; si njeri i cili në vazhdimësi u shmangej mundësive për krijim të karrierës politike,tha Brovina....


Kanë kaluar 200 vjet nga lindja e Jeronim de Radës, shkrimtarit të “Këngët e Milosaos, bir i sundimtarit të Shkodrës”. De Rada, i cili njihet si estet, publicist, linguist, mësues, e mbledhës i folklorit, ka vënë themelet në shumë fusha të artit shqiptar. Sipas Kalendarit të përbashkët kulturor mes Kosovës e Shqipërisë, viti 2014 është shpallur “Viti i De Radës”. Gjatë këtij viti janë organizuar shumë aktivitet për 200-vjetorin e lindjes së De Radës, e njëra prej tyre është edhe një tryezë letrare  e organizuar nga Lidhja e Shkrimtarëve e Prishtinës.





Në programin e paraditës në Sesionin letrar të LSHK-së "Esat Mekuli" me titull "De Rada dhe Rilindja Kombëtare" u lexuan  këto kumtesa:



1.Akademik Prof.Dr.Rexhep Qosja,"De Rada dhe Rilindja kombëtare" në mes tjerash tha:

"Një shkrimtar është i madh kur vepra e tij në radhë të parë ka vlerë të madhe artistike, ka thënë akademik Rexhep Qosja, duke iu referuar veprës së Jeronim de Radës. “De Rada është i rëndësishëm për shkak të vlerës estetike të veprave të tij poetike. Interpretimi, shpjegimi dhe vlerësimi i veprave të tij të shkruar në vargje dëshmojnë se mendimi i De Radës është i thellë”, ka thënë Qosja, derisa ka treguar se arsyet pse De Rada është shkrimtar i madh, janë risitë që i sjell në historinë e letërsisë shqipe. Për këto risi Qosja ka folur duke e krahasuar veprën e De Radës me letërsinë para tij. “Letërsia para Rilindjes Kombëtare në pjesën më të madhe të saj është letërsi me tematikë fetare. De Rada është shkrimtari i parë që në mënyrën më të dukshme e më të vetëdijshme shkëputet prej tematikës fetare me veprat e tij artistike”, është shprehur Qosja, derisa ka thënë se De Rada shkruan me vargje, shkruan me figurëshmëri, shkruan me kulturë, shkruan me dije, shkruan me mjete gjuhësore e artistike që ne nuk mund t’i gjejmë në letërsinë e vjetër".....

Doc dr.Alisa Velaj

2.Doc dr.Alisa Velaj,nga Vlora :"Fragmentarizmi si tipar i modernitetit në poemën "Këngët e Milosaos"të De Radës;ka thënë se viti 2014 i shpallur viti i Jeronim De Radës, ishte një rast i mirë, që nëpërmjet tryezave, sesioneve, konferencave, e tubimeve të tjera shkencore të shihej se deri më tani shkenca jonë letrare sa ka arritur ta studiojë në mënyrë të plotë veprën letrare të dijetarit të romantizmit shqiptar, ta vlerësojë drejt meritën e këtij kolosi që letërsinë shqipe. “Viti i De Radës” ishte një rast i mirë që të shihet se shkenca jonë e gjuhësisë, sa ka arritur të vlerësojë kontributin e De Radës si hartues i alfabetit të përbashkët të gjuhës shqipe, si studiues i prejardhjes së gjuhës shqipe, si studiues dhe mësues i shqipes dhe ta studiojë gjuhën e De Radës, gjuhën e arbëreshëve të shekullit XIX, e krahasuar me gjuhën e shkrimtarëve tanë më të vjetër, sidomos me gjuhën e Buzukut, Budit, Bardhit, e Bogdanit, me gjuhën e sotme të arbëreshe që edhe sot ruan tiparet e shqipes”, ka thënë profesoresha e mirënjohur shqiptare Alisa Velaj nga Vlora.


Prof.Dr.Emin Kabashi


3.Prof.Dr.Emin Kabashi nga Instituti Albanologjik i Prishtinës:"Mendimi estetik i Jeronim De 

Radës" studiuesi Emin Kabashi, ka thënë se për të kuptuar qartësisht përmasat evropiane të estetikës së De Radës, mendimin e tij estetik mund të na hyjë në punë përkufizimi i të dy kulturave, jo për të krijuar rrafshin e ngjashmërive, por për të hetuar shtratin e përbashkët të këtij mendimi estetik.

“De Rada në veprën e tij estetike ‘Parimet e estetikës’ është filozof, sociolog e poet, kur vijnë në shprehje, sidomos idetë e tij politike, etike, estetike, njësoj si filozofët dhe estetët gjermanë, francezë e italianë. Çështjet që i ka trajtuar De Rada në veprën e tij janë të shpirtit, të intelektit, të ndjenjave e të ndërgjegjes”, ka thënë Kabashi, duke shtuar se krijuesi ynë i letërsisë moderne shqipe ka ndjekur këtë rrafsh të komunikimit për të argumentuar parimet e tij filozofike dhe estetike. “Kërkesa e intelektit i plotëson me dije, kërkesat e shpirtit i plotëson me të bukurën. Të bukurën e shpreh në virtyte morale, është mendimtar i thellë dhe origjinal, për ndryshim nga sivëllezërit e tij evropian, sidomos ata gjerman dhe ata italian, me të cilët kishte kontakte dhe kishte bërë përvojë jetësore dhe krijuese”, është shprehur Emin Kabashi.




Prof.dr.Shefkije Islamaj

4.Prof.dr.Shefkije Islamaj,nga Instituti Albanologjik i Prishtinës:""Poezia e De Radës-burimet poetike dhe gjuhësore";

Prof.dr.Vebi Bexheti

4.Prof.dr.Vebi Bexheti,lexoi kumtesën me titull "Poezia popullore arbëreshe-pikënisje e krijimtraisë artistike të de Radës";

Doc.dr.Edlira Mantho


5.Doc.dr.Edlira Mantho,nga Gjirokastra  lexoi kumtesën me titull"Publicistika dhe letërkembimet e Jeronim de Radës".

Në sesionin letrar të pasditës u peruruan dy vepra letrare.

 Doc.Dr.Helena Grillo

Sonte në mbremje  u mbajtë  një Akademi letrare  për nderë të Esat Mekulit,ku kumtesën për jetë dhe vepren letrare të Mekulit  e lexoi studiuesja shqiptare  Doc.Dr.Helena Grillo me titull : "Metafora konceptuale si ngjizje e aktit soditës në lirikën e Esat Mekulit".



Shkrimtari Adem Dema#i foli për jetën dhe vepren e Esat Mekulit 



Poeti Dibran Fylli


Poeti Hidajet Hyseni


Poeti Adem Zaolluzha

Poeti shqiptar nga Mali i Zi Ali Daci

Në  sesionin e këtij takimi letrar  poezitë e tyre i lexuan këta shkrimtar :Muhamet Kërveshi,Brikenë Ceraja,Agim Berisha,Bedri Zyberaj,Behram Hoti,Adem Zaplluzha,Dibran Fylli,Myrvete Kabashi-Leku,Nebih Bunjaku,Ferit Lamaj,Fatime Ahmetaj,Jusuf Bislimi,,Hidajet Hyseni,Flori Bruqi, Ali Daci,Sanije Ahmeti,Sare Gjergji,Sheremet Sopi   si dhe  u ndanë tri çmime  letrare nga Lidhja e Shkrimtarëve e Kosovës  : "Bardi I"  ( Bedri Zyberaj), "Bardi II"(Ferit Lamaj) dhe "Bardi III"(Fatime Ahmeti).


Çmimi letrar "Bardi  I " e morri poeti  Bedri Zyberaj



Çmimi letrar "Bardi  II " e morri satiristi nga Tirana Ferit Lamaj


Çmimi letrar "Bardi  III" e morri poetja kosovare Fatime Ahmeti(Fara Faraoni)

Gjatë  takimeve të shkrimtareve


Gjatë  takimeve të shkrimtareve

Gjatë  takimeve të shkrimtareve(në sesionin e pushimit të poetëve etj.



Gjatë  takimeve të shkrimtareve

Gajtë pauzes së shkrimtareve 


Comments

Popular posts from this blog

Libra të rinj - Shkarkim falas

Poezi të zgjedhura nga GJERGJ FISHTA (23 tetor 1870 - 30 dhjetor 1940)

Legjenda e Mujit dhe Halilit