Izri Rexha(1964-)

Izri Rexha lindi me 14.05.1964 në Barilevë të komunës së Prishtinës. Shkollën fillore e kreu në vendlindje kurse të mesmen në Prishtinë në Gjimnazin “Eqrem Qabej”. Ai ka mbaruar studimet në Univetrsitetin e Prishtinës, drejtimin e Pedagogjisë. Pas përfundimit të studimeve punësohet si profesor i psikologjisë dhe pedagogjisë në gjimnazin "Eqrem Qabej" në Prishtinë, aty ku kishte kryer shkollën e mesme. Më pas emigron në Austri dhe atje fillon të punoj si mësimdhënës i gjuhës gjermane për të huajt në qëndrat e aftësimit profesional BFI dhe WIFI. Mëpastaj ka punuar edhe përkthyes dhe tash është mësues i gjuhës shqipe në Linz të Austrisë, ku edhe jeton.

Veprat:

“Bazat e Gramatikës për gjuhën shqipe”, "Blendi", Prizren, 2012
“Në plazh të përhirtë”, poezi, “Ada”, Tiranë, 2014
“Erë Muzgu”, poezi, “Ada”, Tiranë, 2014
“Rri dhe sonte”, poezi, “Ada”, Tiranë, 2015
“Natë pa hënë”, poezi, “Ada”, Tiranë, korrik 2015
“Mbretëria e fluturave” përralla dhe tregime, “Ada”, Tiranë, 2016,
“Kur lind dielli”, poezi, “Lenagrafik”, Prishtinë, 2017

Isa Alibali(1940-2018)

Isa Alibali lindi në Shkodër më 26 janar 1940. I diplomuar në degën Gjuhë-Letërsi, në vitin 1960, ka punuar 3 vjet në Mirditë dhe ka qenë drejtori i parë i Gjimnazit të Rrëshenit, pastaj, ka qenë inspektor në seksionin e arsimit e të kulturës në Shkodër dhe në vitin 1965 kryeinspektor i kulturës në atë seksion.
Nga mesi i vitit 1967 e deri në fund të vitit 1982, ishte drejtor i Teatrit “Migjeni”, me një ndërprerje trevjeçare, si drejtor i Shtëpisë së Kulturës dhe të Krijimtarisë Popullore (1969-72). Pastaj ka qenë drejtor i Shkollës së mesme artistike “Prenkë Jakova” dhe tre vitet e fundit, deri në daljen në pension më 1991, ka punuar si mësues letërsie në shkollën e mesme të përgjithshme “Jordan Misja”.
U nda nga jeta në moshën 78 vjeçare në shtator të vitit 2018.

Disa nga veprate këtij autori janë:

"Në Shkodër të gjithë këndojnë"
,“Prenkë Jakova”
“Mirënjohje”
“Me Tano Banushin dhe humorin e tij”
“Si e njoha Mirditën”.
“Rrënjë dashurie” (Shkodranët për Kosovën)
“Përtej mjegullës ka dritë”, roman
"Bejtet shkodrane"

Faik Ballanca(1945-1977)

Faik Ballanca më 1945 në Tiranë, në një familje me origjinë nga Dibra. Mbaroi Fakultetin Histori - Filologji në degën e gazetarisë dhe pas përfundimit të tij punoi në gazetën “Zëri i Rinisë” dhe në revistën “Nëntori” të Lidhjes së Shkrimtarëve. Tregimet e para nisi t’i botonte në vitin 1962.
Nevoja për te lexuar edhe literaturë jashtë kornizave të socializmit realist ate e shtynë të mësoi gjuhë të huaja. Përktheu nga gjermanishtja, frëngjishtja dhe italishtja. Me krijimet e tij, Faik Ballanca arriti të krijonte personalitetin e tij të veçantë si shkrimtar, në saje të kulturës së gjerë, intuitës së hollë artistike dhe skrupulozitetit të tij krijues.

Vrau veten më 1977.

Titujt e veprave:

Rrëmbimi, tregime dhe reportazhe, Tiranë, 1970.
Mbasdite të lagura. Tiranë, 1971.
Katër orë larg shtëpisë, novela, Tirane 1972.
I fundit, novelë, Tiranë 1972.
Shtigjet me helm, novelë, Tiranë 1972.
Letra anonime, novelë e tregime, Tiranë 1973.
Pritësit e rrufeve, tregime. Tiranë 1975
Tregime të zgjedhura, Tiranë 1976
Nomeja e largët, roman, Tiranë 1998, ribotuar më 2015.
Kënga e fundit e Marko Boçarit, novelë. Tiranë 2002.
Mbama pak pallton, çun!, tregime të zgjedhura Tiranë 2003

Thanë për Faik Ballancën:

Ismail Kadare, për romanin e tij të parë "Nomeja e largët": "Asnjë nga akuzat që i bën redaksia nuk qëndrojnë. Ky është romani i tij i parë dhe çuditem se si ka mundur të realizojë
një strukturë kompozicionale të tillë, sa të vështirë aq edhe moderne".


Dritëro Agolli: "Faik Ballanca e pati të shkurtër kohën e krijimtarisë, ashtu siç e patën Lermontovi, Migjeni, Veli Stafa apo Drago Siliqi. Nga kjo anë, e fundit të dhimbshëm të jetës së shkurtër, megjithëse në rrethana të ndryshme shoqërore, ai u shëmbëllen në fatin tragjik këtyre shkrimtarëve, që nuk i dhanë dot të gjitha ato që mund të jepnin. Megjithatë, ky i dashuruar i marrë i librave, la një trashëgimi të vyer letrare, që përcjell te njerëzit një kënaqësi të vërtetë estetike edhe sot e kësaj dite”.


Vath Koreshi: "Jo rrallë më ndodh që, duke lexuar tregime të Faik Ballancës, më vjen në vesh zëri i tij gjithmonë i shtruar dhe i mbushur me magjinë e zemrës dhe mendjes së tij aq të mprehtë. Faiku ngjallet sa herë, sepse gjithmonë ne kemi nevojë të na plotësojë me diçka që na mungon. Kur jemi të padrejtë, ai na ofron ndershmërinë e tij, kur na tut jeta, ai na bën më të guximshëm. Ai di të na shtyjë gjithmonë që të bëhemi më shumë njerëz, më shumë shokë dhe më shumë të mençur. Gjithë artin e tij ky njeri me zemër vezullimtare e vuri në funksion të fisnikërimit të njeriutë të tregojë se ç‘rrezatim të fuqishëm ka një shpirt që do, që dhemb dhe që nuk e pranon meskinitetin".

Ylljet Aliçka(1951-)

Ylljet Aliçka ka lindur në Tiranë, më 23 qershor 1951. Ka marrë gradën shkencore "Doktor i Shkencave Didaktike", më 1989, dhe titullin "Profesor Doktor", më 1993. Ka kryer detyra profesionale : mësues në fshatrat e rrethit të Matit, 1973 - 1983 ; redaktor dhe drejtor pranë Shtëpisë Botuese të Librit Shkollor, 1983 - 1992 ; drejtor i Marrëdhënieve me Jashtë, pranë Ministrisë së Kulturës, Rinisë e Sporteve, 1992 - 1997 ; përgjegjës për informacionin dhe komunikimin pranë Delegacionit të Komisionit Evropian në Tiranë, 1997 - 2007 ; ambasador i Shqipërisë në Francë, Portugali, Monako dhe UNESCO, përfaqsues personal i Presidentit të Repubikës pranë Orgnizatës Ndërkombëtare të Frankofonisë 2007 - 2013 ; Profesor pranë Unitersitetit Europian të Tiranës (UET) dhe Universitetit të Arteve, Tiranë, që prej 2013.

Është angazhuar në veprimtari shoqërore si:
Anëtar themeltar i shoqates kulturore « Fabrizio De Andre » Milano, Itali
Qytetar nderi « Republika e artistëve të Montmartrit », Paris, 2011
Anëtar i Akademisë franceze «Zhorzh Sand», Paris 2010
Anëtar i shoqatës së shkrimtarëve frankofonë, Paris, 2012
Anëtar I shoqatës së autorëve dramatikë dhe audiovisualë, SACD, Paris, 2006

Letërsi artistike në prozë:
Tregime, Onufri, 1998
Kompromisi, Onufri, 2001
Parullat me gurë, Albimazh, 2003
Një rrëfenjë me ndërkombëtarë, OMSCA, 2006
Koha e puthjeve, Toena, 2009
Valsi i lumturisë, Toena, 2012

Në gjuhë të huaj:
Les slogans de pierre, Edition Climats, Francë, 1999
Kompromisi, Pogranicze, Poloni, 2002
I slogani di pietra, Guaraldi, Itali, 2006
Balkan blood, Balkan beauty, North-West University, ShBA, 2006
Les étrangères, Edition Pyramidion, Francë, 2010
La sloganoj el stonoj , Esperanto, Swidnik, Poloni, 2013
Histoire albanaises , Edition Picollec, Francë, 2013
Když projížděl Chruščov naší vesnicí, Petr Štengl Edition, Republika Çeke, 2015
Un sogno Italiano, Rubbettino editore, Itali, 2016
Mappe 12 fra Tirana, Bokvennen Vorlag, Norvegji, 2016
Tregime të botuara në revista polake, ceke, franceze, italiane, sllovake, bullgare dhe rumune.

Autor skenaresh kinematografik:
Slogans (Parrullat) , bashkëprodhim franko-shqiptar, 2001
Kronikë provinciale, bashkëprodhim franko-italo-shqiptar, 2008
Lulet Plastike, prodhim shqiptar, 2016
Ndërkombëtarët, bashkëprodhim franko-shqiptaro-maqedonas, 2018
Poeti, prodhim shqiptar, 2018

Ag Apolloni (1982-)

Ag Apolloni ka lindur më 13 qershor 1982, në Kaçanik (Kosovë). Shkollën fillore dhe gjimnazin i ka kryer në vendlindje, kurse studimet për Dramaturgji dhe studimet për Letërsi, i ka mbaruar në vitin 2005, në Universitetin e Prishtinës. 

Për shkaqe ekonomike, në vitin 2006 ka ndërprerë studimet në Filozofi dhe për dy vjet rresht kohën më të madhe e ka kaluar në Spitalin e Prishtinës duke u kujdesur për babain e sëmurë, i cili ndërroi jetë në 2007. 

Në vitin 2008, Ag Apolloni merr titullin Master i Shkencave Filologjike, kurse në 2012 merr titullin Doktor i Shkencave Filologjike. 

Apolloni aktualisht është profesor në Universitetin e Prishtinës, ku punon që nga viti 2008 

Veprimtaria

Apolloni ka punuar si gazetar, redaktor dhe kryeredaktor në disa gazeta ditore dhe revista letrare dhe kulturore në Prishtinë. 

Në vitin 2010 e ka riaktivizuar dhe e ka udhëhequr për tre vjet revistën më të vjetër letrare në Kosovë, “Jeta e Re” (e themeluar më 1949), e cila ka qenë mbyllur më 2006. 

Në vitin 2013, themelon revistën kulturore “Symbol”, në të cilën ka realizuar intervista me: Linda Hutcheon, Jonathan Culler, Rita Dove, Raoul Eshelman, Gottfried Helnwein, Andreas Huyssen, Mieke Bal, D. M. Thomas, Javier Cercas etj.

 Tekste dhe vepra të Apollonit janë përkthyer në disa gjuhë, si: anglisht, gjermanisht, italisht, çekisht, maqedonisht, serbisht etj. 

Apolloni është shpërblyer disa herë me çmime kombëtare për veprat e tij fiksionale dhe studimore.



Veprat  nga Ag Apolloni :

Romane:

Ulurima e Ujkut (2013).Romani më i mirë i vitit (çmimi “Rexhai Surroi”), për librin “Ulurima e ujkut”(2013)

Zazen (2014)

Poezi:

Zomb (2009).Është  Libri më i mirë poetik i vitit nga Ministria e Kulturës (Kosovë), për librin “Zomb”(2010).


Drama:

Drama: Stefani, Halloween, Judita, Mat (2010)
Hamleti simbas Horacit (2017).Drama më e mirë e vitit nga Teatri Kombëtar i Kosovës, për dramën “Hamleti simbas Horacit”(2017)


Skenderbeu: Manuskripti i Marlout (2018)

Kritikë:

Parabola postmoderne (2010)

Paradigma e Proteut (2012).Libri më i mirë kritik i vitit nga Ministria e Kulturës (Kosovë), për librin “Paradigma e Proteut”(2013)

Koferi i Konicës (2016)

Non-fiction:

Mesjeta ime (2019)

Flori Bruqi

Muhamet Rogova(1944-)

Muhamet Rogova u lind në vitin 1944 në Gjakovë. 

Arsimin fillor, të mesëm dhe Shkollën e Lartë Pedagogjike i kreu në Gjakovë.

 Pastaj ka kryer studimet në Fakultetin Filozofik, dega e albanologjisë në Prishtinë dhe studime pasuniversitare në degën e gjuhësisë, mori mori titullin “Magjistër i shkencave filologjike”.

Në maj të vitit 1981, për shkak të veprimtarisë së tij atdhetare, arrestohet dhe denohet me nëntë vjet burg.

Pas lirimit nga burgu, me inisjativën e tij formohet Shoqata e Intelektualëve në Gjakovë e më vonë Forumi i Intelektualëve Shqiptar.

Ka punuar mësimdhënës i gjuhës dhe letërsisë, në Gjimnazin “Hajdar Dushi” të Gjakovë.

Deri më tash ka botuar këto libra:

“Kujtime nga Burgu”,

“Lojërat popullore të Gjakovës (Etnologji),

“Aromë Gjakove” dhe si bashkëautor me Prof. Migena Arllatin

“Toponimet në Gjakovë (Mbiemrat-emrat familjar)

Demir Reshiti(1963-)

Demir Reshiti, lindi më 24 qershor 1963 në fshatin Bresanë të komunës së Sharrit (Dragash, Kosovë). Shkollën fillore e kreu në vendlindje, të mesmen në Sharr dhe Skenderaj, ndërsa Fakultetin Ekonomik, Fakultetin e Gazetarisë dhe studimet postdiplomike për gazetari në Universitetin e Prishtinës.

Shkruan kryesisht poezi, prozë dhe publicistikë.

Është anëtar i Lidhjes së Shkrimtarëve të Kosovës.

Laureat i çmimeve të para për poezi për fëmijë në “Takimet e Gjeçovit” dhe në manifestimin tradicional “Ora e Tahir Deskut”.
Libri i tij “Abetaka” është ribotuar nëntë herë.
Aktualisht, punon në Radio Kosova.

Veprat:

Trung i ndarë, 1992
Ofshamë,1995
Abetaka, 1995
Reshje nën Pikëllimë, koautor, 1996
Ngutëm ta kapërcej kohën, 2000
Libri i Mrekullive, 2001
Libri i Gjeneratës, monografi, 2009
Mik me Diellin, 2012
Luleborë Sharri, monografi - koautor, 2016
Libri i Mrekullive, vjershave të zgjedhura për fëmijë, 2017
Endje, kritikë letrare, 2019

Petraq Zoto(1937-2015)

Petraq Zoto lindi në Ziçisht të Devollit më 20 dhjetor 1937. Kreu studimet e larta për gjuhë-histori dhe gjuhë-letërsi. Afro 10 vjet punoi mësues në Devoll e në Korçë. Në mars të vitit 1969 u emërua drejtor i pallatit të kulturës të Korçës, më pas drejtor i teatrit “Andon Zako Çajupi”. Për 10 vjet kryesoi edhe degën e Korçës të Lidhjes së Shkrimtarëve dhe të Artistëve të Shqipërisë
Nga viti 2000 jetoj në Tiranë. Në vitet 2001-2005 punoi në shtëpinë botuese “Mësonjëtorja”, redaktor i botimeve letrare.
Ndërroj jetë më 6 shtator 2015.


Veprat

Tregime:

Tirka, botuar në dy vëllime, SHB "Naim Frashëri, Tiranë 1966
Mësuesi im i parë, SHB "Naim Frashëri", Tiranë 1966
Ndërgjegjja, SHB "Naim Frashëri", Tiranë 1967
Dritat nuk u shuan, SHB "Naim Frashëri", Tiranë 1967
Tregimet e një nxënësi, SHB "Naim Frashëri", Tiranë 1968
Taksia u ndal te kthesa, SHB "Naim Frashëri", Tiranë 1968
Mëngjesi i Fuklakur, SHB "Naim Frashëri", Tiranë 1971
Tregime të zgjedhura, SHB "Naim Frashëri", Tiranë 1975
Kumbimi i një krisme, SHB "Naim Frashëri", Tiranë 1975
Dy buzëqeshje, SHB "Naim Frashëri", Tiranë 1981
Bredhi i gjelbër, SHB "Naim Frashëri", Tiranë 1981
Gjahu i dielës, SHB "Naim Frashëri", Tiranë 1984
Nesër bëhet vonë, SHB "Naim Frashëri", Tiranë 1986
Universi man, SHB "Mësonjëtorja", Tiranë 2007
Enigma e një ftese, tregime të zgjedhura, SHB "Naimi", Tiranë 2014


Novela:

Verka, SHB "Naim Frashëri", Tiranë 1971
Sot erdhi dita, SHB "Naim Frashëri", Tiranë 1978
Kali fluturues, SHB "Mësonjëtorja", Tiranë 2001.
Bishti i dhelprës, SHB "Mësonjëtorja", Tiranë 2003
Burimi i drerit, SHB "Mësonjëtorja", Tiranë 2001
Genta, SHB "Mësonjëtorja", Tiranë 2004
Vetja tjetër, SHB "Uegen", Tiranë 2010

Sotir Andoni (1925 -2003)

Sotir Andoni ka lindur në vitin 1925 në Ziçisht të Devollit, në familjen e një tregtari të mesëm dhe patriot. Mësimet e para i mori në vendlindje nga një mësues me origjinë nga Kosova . Më pas vazhdoi shkollën qytetse dhe teknike në Korcë. Në vitin 1943, si shumë studentë, ndërpreu studimet sepse u bashkua me rezistencën antifashiste.Në fillim me cetën e Moraves dhe më pas në batalionin “Fuat Babani" dhe Brigadën e IX.
Ai ka filluar të shkruajë qysh në radhët e partizanëve, kur bashkë me traktet dhe komunikatat komuniste, shkruante dhe skica te vogla artistike.
Pas lufte punoi si Drejtor i Shtëpisë së Kulturës në Korçë dhe kryeredaktor i gazetës lokale "Përpara".Por ai do të zhgënjehej keq në idealet e tij liberale dhe demokratike pas clirimit dhe menjëherë u vu në pozita opozitare me pushtetin komunist: Në verë të vitit 1948,u arrestua për “agjitacion -propagandë dhe tentativë arratisje” dhe dënohet me 5 vjet burg.
Pas lirimit nga burgu, ai u dënua gjithë jetën me punë të rëndomta. Tani, jeta e tij shkon si një kalvar i vërtetë midis harresës dhe ngritjes së përkohshme, përndjekjes dhe luftes me të pamundurën për t’u afirmuar si shkrimtar. I hoqën të drejtën e krijimtarisë, e lanë pa punë, “e dëbuan” nga antologjitë, gjithfarësoj. Por ai megjithatë shkëlqeu me tregimet dhe novelat e rralla, plot jetë e të vërteta. Si vitet e tij.
Periudhën pas viteve 90, Sotiri e jetoi aktivisht, duke u zgjedhur anëtar i Këshillit Bashkiak të Korcës, ku dha ndihmesë si demokrat i formuar e me kulturë.
Për disa vjet kryesoi Degën e Korcës të Lidhjes së Shkrimtarëve dhe Artistëve të Shqipërisë.
Pas emigrimit ne SHBA me 1997, apartamenti i tij ne “Illyrian Gardens”, u bë studioja ku vazhdoi krijimtarinë letrare dhe publicistike.
Në krijimtarinë e tij letrare vlerësohet si një vazhdues i denjë i shkollës Kuteliane.
Shumë prej botimeve të tij janë vlerësuar me cmime letrare Kombëtare.
Në vitin 2004 është shpallur “Qytetar nderi” i qytetit të Korcës.
Ndërroj jetë më 19 korrik 2003 në Worcester - SHBA.

Veprat:

Maleve ne Shenendre, tregime
Lufta partizane, tregime
Tregime nga Morava, tregime
Dasme e çuditeshme, tregime
Kur merrnim fluturim, tregime
Shenime te shkruara naten, roman
Gugucja, tregime
I vogli e mund te madhin, tregime
Tregime nga Voskopoja, tregime
Trokthet e kuajve neper nate, tregime
Flete te kuqe qershije, tregime
I fundmi i kavalioteve, tregime
Tregime te zgjedhura, tregime
Hena kishte marre tatepjeten, tregime
Hije, flake dhe drite, tregime
Pranvera e madhe, tregime
Milingonat e verdha, tregime
Tri novela, novela
Kandili i shuar, roman
Kohe e larget, skenar filmi

Latif Berisha(1931- 1999)

Latif Berisha lindi më 18 qershor 1931 në Smrekonicë të Vushtrrisë. Mësimet fillore i kreu në vendlindje, ndërsa ato të mesme në Vushtrri e Prishtinë. Fillimisht më 1949, punoi mësues në shkollën fillore në Pantinë. Këtu filloi të shkruajë poezi e disa prej tyre edhe t'i botojë në revistën letrare "Jeta e Re". Më 1951 punoi inspektor në Sekretariatin për Arsim Kulturë dhe Shëndetësi. Në ato vite qe edhe anëtar i Kryesisë së Shoqatës së Arsimtarëve.

Më 1954, Latif Berisha punoi mësimdhënës i Gjuhës dhe letërsisë shqipe në Gjimnazin e ulët të Vushtrrisë, ndërsa më 1955 regjistrohet student i rregullt i Albanologjisë në Fakultetin Filozofik në Beograd. Gjatë kohës së studimeve, më 1957 boti përmbledhjen e poezive"TUFA". Aktiviteti i tij u dallua edhe në formimin e Shoqërisë letrare "Përpjekja" të studentëve shqiptarë që studionin në Universitetin e Beogradit. Në qershor të vitit 1959, diplomoi në degën e Albanologjisë dhe pastaj punoi mësimdhënës në Gjimnazin e Mitrovicës.

Më 1963, Latif Berisha i vazhdoi studimet pasuniversitare, Drejtimi i Letërsisë, në Fakultetin Filologjik të Beogradit dhe punoi temën e magjistraturës "Skëndërbeu në letërsinë e shkruar shqipe".

Më 1965 u zgjodh asistent në Degën e Albanologjisë në Fakultetin Filozofik të Prishtinës, ndërsa më 1968 u zgjodh ligjërues i Historisë së letërsisë shqipe (Romantizmi).

Që nga viti 1984, punoi në projektin "Skëndërbeu në letërsinë shqipe" të cilin nuk e mbaroi.

Në vitin 1991, si dhe shumë mësimdhënës të tjerë, edhe Latif Berishën, regjimi serb e largoi nga puna.

Gjatë viteve '90, Latif Berisha u angazhua në lëvizjen e intelektualëve dhe të popullit shqiptar për mbrojtjen e çështjes kombëtare.

Kontributi i Latif Berishës në fushën e arsimit, shkencës, kulturës etj., qe shumë i madh. Vepra e tij poetike e shkencore zë vend të rëndësishëm në letërsinë dhe shkencën shqiptare të filologjisë.



Latif Berisha ka botuar vëllimin me poezi "Tufa"(1957), studimet e vështrimet: Ali Asllani dhe krijimtaria e tij poetike"(1963), Skëndërbeu në poemën "Kënga e sprasme e Balës" (1968), Skëndërbeu në disa krijime të letërsisë shqipe në Jugosllavi (1968), Vepra "Lulet e Verës" dhe disa nga dimensionet e saj kuptimore (1972), Poema "Bagëti e Bujqësi" (vlera ideoartistike) (1972), Hil Mosi dhe krijimtaria e tij poetike (1972), Andria Kaçiq Mioshiq dhe shqiptarët (1974), Një tufëz vjershash autografe të Zef Serembes (1974), Mistifikimi letrar dhe letërsia shqiptare e Rilindjes (1976), Jehona e Lidhjes Shqiptare të Prizrenit në katër poezitë e atyre viteve (1978), Zef de Rada,poet pak i njohur arbëresh (1978),Pikëpamjet e Luigj Gurakuqit mbi poezinë (1978), Në gjurmë krijuese të Jeronim de Radës (1978), Pikëpjekje të Letërsisë së Rilindjes me jetën dhe letërsinë e sllavëve të jugut (1982), Poezia e De Radës në suaza botërore (1984), Gjendje aktuale e kulturës shqiptare në Kosovë dhe kahet e zhvillimit të saj (1995), Vepra letrare "Dora d'Istrias, Shqiptarët (1995) etj.

Për kontributin e dhënë për lirinë dhe pavarësinë e Kosovës, në vitin 2004, është dekoruar me Medaljen e Artë të Pavarësisë.

Ishte antarë i Lidhjës së Shkrimtarëve të Kosovës.

Pas luftës, Biblioteka e qytetit në Mitrovicë e mori emrin emrin e tij.

Profesor Latif Berisha, është vrarë më 24 mars 1999 nga forcat kriminale serbe.

Ferdinand Laholli(1960-)

Ferdinand Laholli u lind në Gradishtë të Lushnjës më 16 qershor 1960, pak javë pasi që i ati, për t'i shpëtuar riburgosjes, u detyrua të arratisej për në Greqi, prej nga kalon në SHBA, ku edhe vdes pas 11 vjetësh.

 Menjëherë pas lindjes së Ferdinandit, familjen e tij e transferojnë në një tjetër kamp internimi, Savër, ku autori jeton një kohë të gjatë.

Laholli një kohë të gjatë u muar me përkthime nga shqipja në gjermanisht. 

Në vitin 2003 botoi librin "Antologji e poezisë moderne shqipe" ku përfshihen poezitë e më se 95 krijuesve shqiptar me përkthim në gjuhën gjermane. 

Ferdinandin në këtë antologji e ndihmuan edhe Mag.Dr. Carla Kraus autore dhe përkthyese vieneze si dhe Dr. Thomas Krause prozator, lirik, kritik letrar, profesor letërsie në Universitetin Teknik në Chemnitz.

Poezitë që po publikojmë, janë marrë nga libri i Ferdinandit "NË ISHULLIN E VETMISË", botuar më 1993 në Tiranë. Ky libër është botuar në dy gjuhë shqip - gjermanisht. Përkthimin në gjermanisht e ka bërë Robert Schwartz.

Ferdinand Laholli jeton dhe punon një kohë të gjatë në Gjermani.

Veprat:

Mjaft ky paradoks i hidhur, Tirane 1992.

Në ishullin e vetmisë, shqip - gjermanisht, Tiranë 1993. Përkthimi në gjermanisht nga Robert Schwarz

Libri i dëshirave. Tiranë 1994.

Kjo vajzë e përgjakur / Në këtë vajzë të plagosur me gjak. 

Dygjuhësh, Tiranë 1994. Përkthimi në gjermanisht nga Robert Schwarz

Vetëvrasje e gjetheve, shqip - italisht, Frosinone 1995. Përkthimi në italisht nga Noé

Shtrigani i ëndrrës (Një magjistar në gjumin tim). Tiranë 1996

Urrejtja nuk është dashuria ime, Prishtinë 1997

Bie shi në Bückeburg, Tiranë 2000

Antologji e poezisë moderne shqipe / antologjia e lirisë moderne shqiptare, shqip dhe gjerman, Holzminden 2003

Linda. Prishtinë / Holzminden, 2005

Kur ikën ti (sa herë që shkoni). Prishtina / Hannover, 2006.

Etj.

Vaid Hyzoti(1960-)

Vaid Hyzoti, lindi më 10 mars 1960 në Ishëm të Durrësit. Në vitin 1982 mbaroi  fakultetin e Historisë dhe Filologjisë për gjuhë dhe letërsi shqipe, kurse më pas një specializim pasuniversitar për kritikë letrare, më 1987.
Ka punuar mësues dhe gazetar, pa iu ndarë kurrë letrave. Artikujt kritikë dhe shkrimet tjera i ka botuar në revista e gazeta, si “Nëntori”, “Drita” etj.

Më 1986 botoi vëllim e parë poetik, “Zërat e ditës së re”, për të cilin thuhet se vetëm 70% ishte i tij, pasi dorëshkrimi u qeth dhe u rrumbullakua nga botuesit, nën shijen e censurës tematike të kohës.

Në vitin 2000 emigroj në Amerikë dhe tash jeton në New York. Si duket, në kurbet iu shtuan frymëzimet. 

Kësisoj, ai vazhdon të shkruaj dhe t'i gëzoj lexuesit me libra tjerë.

Disa nga librat e botuara:

“Zërat e ditës së re”, poezi, 1986

“Thashethemet e vërteta” - skica, profile dhe tregime humoristike, 2002

"Qyteti i të marrëve”, poezi, 2006

“Fëmijë i vjedhur”, tregime dhe novelë, 2007

“I denuar të qesh”. poezi. 2011

“Kafe me djallin”, poezi, 2013

“Dita ime - një cigare”, poezi, 2017

Kurse romani "Parfum të vdekurish, është botuar fillimisht si teegim tek revista letrare “Mehr light” në Tiranë dhe më pas si trajtë novele tek vëllimi "Femijë i vjedhur".

Muhamet Mjeku(1943-)

Muhamet Mjeku ka ardhur në jetë me 12 prill 1943, në Shipitullë të Prishtinës. Shkollën fillore e kreu në vendlindje, ndërsa Gjimnazin dhe Fakultetin Filozofik, në Prishtinë.
Fillimisht ka punuar si profesor në Shkollën Ekonomike në Prishtinë, pastaj në Shkollën e Mesme të Mjeksisë, ku jipte dy lëndë, shqip e latinisht. Dhe mëpastaj, në Gjimnazin “Ivo Llolla Ribar”, tash “Sami Frashëri”, aty ku më 1960/61 e kishte regjistruar klasën e parë. Aty Muhameti takoj edhe disa profesorë të kohës kur ishte nxënës, dhe nuk mund t’i besonte vetes se tash do të bëhesha kolegë me ta.
Ndërkohë atij iu shfaq dëshira qe të bëhej gazetar, sepse qysh si gjimnazist dhe më pas student në gazetën “Rilindja” kishte botuar disa shkrime dhe poezi në faqen e kulturës dhe në “Zanin e Rinisë”; ndërsa më herët në revistën “Pioneri”. Muhamet kishte besim në vete se mund ta kryente si duhet profesionin e gazetarit, që në atë kohe lakmohej nga shumëkush.
I bindur në këtë, në qershor të vitit 1971, pas një testi provues, filloi punë në të përditshmen “Rilindja”. Këtu punoj deri në maj të vitit 1974 prej nga kaloi në Televizionin e Prishtinës. Ndoshta për opinionin e sotëm është interesant se në rubrikën e kulturës të gazetës "Rilindja" në atë kohë punonte një elitë intelektualesh, si: Vehap Shita, Anton Pashku, Musa Ramadani, Gani Bobi, Mensur Raifi, Ali Podrimja,  Dedë Mirdita, Nexhat Halimi, Sylë Osamani, Mensur Pozhegu ,Muhamet Mjeku etj.. Në Televizionin e Prishtinës ka punuar si gazetar, redaktor i lajmeve dhe udhëheqës i rubrikës së brendshme. Afro një vjet e gjysmë, derisa u adaptua ndërtesa e Televizionit të Prishtinës, ka përgatitur tri herë në javë ditarin (lajmet) nga studio e Televizionit në Beograd, prej nga emitoheshin lajmet në gjuhën shqipe.
Ka sajuar një numër të emisioneve dokumentare në Kosovë dhe jashtë saj. Ka realizuar disa dokumentarë nga një udhëtim atraktiv shumëditësh (45) në Afrikë, bashkë me gjiruesin e TVP- Urim Ukimerin. Po ashtu, ka realizuar edhe një deokumentar në Berlin në vitin 1975 me rastin e 30 vjetorit të ngadhnjimit mbi fashizmin.
Për shkak të “lëshimeve ideo-politike”, përballë konceptit të politikës së atëhershme serbe, është suspendur disa herë. Gjatë grevës së minatorëve të “Trepçës” është larguar nga procesi i punës për një vit bashkë me disa kolegë, dhe më pas është marrë gjashtë herë në biseda informative nga organet e sigurimit shtetëror të Federatës, Serbisë dhe Kosovës. Kur Sllobodan Millosheviq erdhi në Fushë-Kosovë në vitin 1989, për shkak të përgatitjes së një emisioni special kontestues që u emitua për tërë rrjetin jugosllav, u suspendua dhe iu ndalua hyrja për një kohë të caktuar në lokalet e televizionit, bashkë me kolegun Nuhi Bytyqi, me të cilin e kishin përcjellë ngjarjen. Shtypi serb dhe politika serbe këtë emision e anatemoi si diverzion kundër sistemit jugosllav, me theks të veçantë sulm mbi politikën e popullistit, Sllobodan Millosheviq.
Në Televizionin e Prishtinës ka punuar deri më 5 korrik 1990, kur ky institucion u okupua nga policia serbe dhe u nxorën dhunshëm të gjithë punëtorët shqiptarë, me përjashtim të ndonjë shqiptari të “ndershëm”, siç e shpiku këtë term asaj kohe politika në Beograd. Muhameti ka qenë redaktori i parë i ditarit të Televizionit të pavarur në Prishtinë, 1975 dhe redaktori i fundit i ditarit të orës 7:30 (lajmeve), 5 korrik 1990 kur policia serbe mbylli këtë institucion iformtivo-kulturor.
Pas mbylljes së televizionit botoi librin “Shaban Polluzha dhe Lufta e Drenicës”, që ishte libri i parë për një temë tabu. Ky libër u botua në 10.000 ekzemplarë. Më parë po në këtë temë kisha botuar një fejton në 13 vazhdime në revistën “ Zëri i Rinisë”. Libri është botuar dhe është shpërndarë fshehtas në Kosovë, Zvicër, Gjermani etj.
Pas botimit të këtij libri dhe mbylljes së Televizionit të Prishtinës, iu përgjigj thirrjes së veprimtarit dhe biznismenit të njohur, Harry Bajraktari për nxjerrjen e gazetës “Illyria” në New York, ku punoj si editor i parë i saj.
Përpos librave, ka botuar një seri artikujsh publicistik dhe disa fejtone me karakter politiko-historik. Njëherit, ka qenë pjesëmarrës në projektin “Kombi-rrugët e bashkimit kombëtar”, New York 1997. Ka në dorshkrim librin "Ditari i Luftës”.
Jeton në SHBA.

Disa nga librat e botuara

"Lufta e Drenicës - Shaban Polluzha", Prishtinë 1991,
"Vdekja në Bunker", Prishtinë 1996,
"Pse sulmohet Drenica?", New York 1998
"Kosova në dimrin e vitit 1945”, Prishtinë, 2003,
"Shqiptarët 120 vjet pas Lidhjes së Prizerenit”, New York 1997,
"Një jetë mes Kosovës dhe Amerikës”, New York 2008,
"Binak Alia dhe Brezat pas tij", New York 2016.
"Familja Mjeku-rrugëtimi i saj historik", 2019.

Etj.


Florio Bruqi

Vera Istrefaj(1975-)

Vera Istrefaj është lindur në Kukës më 1 nëntor 1975. Që në vegjëli ka botuar vjersha dhe skica në shtypin e kohës.

 Në vitin 1991 është paraqitur në një Almanak të krijuesve me 76 poezi dhe me një skicë. 

Që prej asaj kohe ka botuar herë pas here brenda dhe jashtë Shqipërisë në shumë media të shkruara. Ka qenë pjesëmarrëse në shumë konkurse letrare ku edhe është nderuar me çmime.

Eshtë juriste në profesion dhe është aktiviste e shoqërisë civile, avokate e të drejtave të njeriut me nje experience 20- vjecare.

Eshte koordinatore e rrjetit “ Barazi ne vendimmarje” per Qarkun Kukes.

Në vitin 2009 është nderuar me “Mirënjohje për kontributin e dhënë në komunitet” dhe është përzgjedhur një ndër 10 personat më aktivë në rang kombëtar.

Është e martuar dhe është nënë e dy djemve. Punon e jeton në Kukës, ku eshte kryetare e “Lidhjes se Shkrimtareve dhe Artisteve te Shqiperise” – Dega Kukes.



Ka botuar librat:

"Shiu i fundit",
"Nënqeshja e ëmbël",
"Në akuj digjem",
“U jepem udhëve" ,
“Qielli I shpirtit tim”,
“Vese shpirti” dhe
“Lirikat e Pikellimes”

Majlinda Kelmendi(1991-)

Majlinda Kelmendi lindi më 9 maj 1991, është një xhudiste shqiptare nga Peja, Kosovë . 

Kelmendi filloi të praktikonte artin e xhudos në vitin 1999, në qytetin e saj. Trajneri i saj aktual është Driton Kuka. Në vitin 2009, Kelmendi fitoi medaljen e artë në Kampionatin Botëror për të rinj në Paris, Francë .

 Në vitin 2010, ajo arriti vendin e 5-të në Kampionatin Botëror për të rinj në Maroko  dhe përfundoi e 9-a në kategorinë 52 kg në World Judo 2010 Championships në Tokio, Japoni.

Në Kampionatin Botëror të Xhudos 2013, Kelmendi i dha Kosovës titullin e parë botëror në xhudo kur ajo mundi kandidaten e Brazilit Erika Miranda në ndeshjen e -52 kg për medaljen e artë në Rio de Janeiro.

 Fitorja e 22 vjeçares, e cila ishte kosovarja e parë lojtare e xhudos që fiton një medalje në një kampionat që prej Deklaratës së Pavarësisë së Kosovës në 2008-ën – nuk ishte një fitore e papritur pasi Kelmendi erdhi në Rio de Janeiro e renditur si "numri një" në kategorinë e saj pasi kishte fituar eventin prestigjioz të Masterave.

Në vitin 2009, Kelmendi fitoi medaljen e artë në Kampionatin Botëror për të rinj në Paris, Francë .

Kelmendi ruajti titullin botërë në 2014-ën. 

Ajo humbi vetëm dy herë në 2013-ën dhe kishte arritur ti mundte të gjithë në përballjet e tjera. Ajo nuk arriti ta mbronte titullin e saj vitin pasardhës për shkak të një lëndimi.

Në vitin 2014, Majlinda u shpall xhudistja më e mirë në botë në të gjitha kategoritë nga presidenti i FNXH, Marius Vizer .

 Më 24 dhjetor 2014, ajo u dekorua nga Presidentja e Kosovës, Atifete Jahjaga me titullin "Medalja Presidenciale e Meritave".



Në shkurt të 2016-ës, ajo fitoi medaljen e artë në Grand Slam Paris, duke e bërë këtë titulin e tretë rradhazi pasi kishte fituar në 2014-ën dhe 2015-ën.

Dy muaj më vonë, ajo fitoi një medalje të artë në Kampjonatin Europian të Judo në Kazan, Rusi.

 Në Lojrat Olimpike 2016 ajo u bë atletja e parë Kosovare që fitoj një medalje të artë, ose edhe thjeshtë një medalje, për Kosovën në Lojërat Olimpike.

Kontradikta u ngritën kur raportet shfaqën se ajo nuk kishte pranuar të bënte një test kontrolli të dopingut të paskeduluar në qershor, në Francë ; trajneri i saj insistoi se ajo ishte e pastër dhe refuzimi kishte ardhur si pasojë e faktit që testuesi nuk kishte pasur një formë autorizimi nga WADA.


Sukseset në Lojërat Olimpike:

Medalja e Artë, Lojërat Olimpike Rio de Janeiro Brazil 2016

Kampionati botëror:

World Championships Rio de Janeiro 2013
World Championships Chelyabinsk 2014 

Lojërat Evropiane:

European Games Minsk 2019

Kampionati Evropian:

European Championships Budapest 2013 (Vendin e tretë)
European Championships Montpellier 2014
European Championships Kazan 2016

European Championships Warsaw 2017



Grand Prix:

Grand Prix Abu Dhabi 2012
Grand Prix Samsun 2013, 2014

Grand Prix Budapest 2014, 2016

Grand Prix Tashkent 2018

Grand Prix Dusseldorf 2013, 2019


Grand Prix Tel Aviv 2019

Grand Slam:

Grand Slam Abu Dhabi 2014
Grand Slam Paris 2014, 2015, 2016, 2017

World Cup:


World Cup Istanbul 2012
World Cup Rome 2012

Masters:

Masters Tyumen 2013

Etj.

Kohë më parë , Fakulteti i Edukimit Fizik dhe Sportit  në Prishtinë  ka shënuar 40 vjetorin e themelimit, me ç’rast ka organizuar konferencën e dytë shkencore. Dekani i Fakultetit të Edukimit Fizik dhe Sportit, Prof.Dr.Musa Selimi ka thënë se  janë mbushur gjithsej 40 vite udhëtim që nga themelimi i këtij fakulteti.

 Sipas tij, për të gjithë studentët, pedagogët si dhe për Universitetin e Prishtinës është një ditë krenarie... 

Profesoresha nga Universiteti i Vjenës, Barbara Wesner ka thënë se në këtë 40 vjetor ky fakultet duhet të jetë shumë krenar për të arriturat e studentëve sepse po e ngrisin lartë flamurin e Kosovës në garat ndërkombëtare. “Po e shijoj me të vërtetë faktin që studentët e Universitetit të Prishtinës po dalin jashtë shtetit dhe ju duhet të jeni shumë krenarë me studentët e juaj”, është shprehur Wesner. Kampionia olimpike e xhudos, Majlinda Kelmendi ka uruar 40 vjetorin e themelimit të Fakultetit të Edukimit Fizik dhe Sportit në emër të të gjithë sportistëve. Ajo ka dhënë një mesazh për gjininë femërorë duke iu udhëzuar që të merren sa më shumë me sport. 

“Një eksperiencë që e kam pasur këtu në një universitet privat në Kosovë e kam vërejtur që numri i gjinisë femërorë në krahasim me gjininë mashkullore në fakultetin e kulturës fizike është mjaft i vogël. Nuk do të thotë që duhet me qenë sportist që me qenë pjesë e këtij fakulteti, kështu që mesazhi im për femrat është që nëse kjo është ajo që ju pëlqen të mos hezitojnë aspak”, ka thënë Kelmendi. Ndërsa trajneri i saj, Driton Kuka ka thënë se shpreson që ky fakultet të vazhdojë me punën e deritanishme, pasi sipas tij sukseset nuk do të mungojnë. "...


Flori Bruqi

Fadil Maloku(1958-)

Fadil Maloku, lindi  më 6 prill 1958 në Besianë.

Studimet bazike  (katërvjeçare)i kreu në Universitetin e  Prishtinë , në Departamentin  Filozofi-Sociologji, 1984/1986).

Studimet pasuniversitare i kreu në Universitetin e Zagrebit (Sveuciliste u Zagreb) në Departamentin  për  Sociologji , të Fakultettit Filozofik / Tema e magjistraturës :" Struktura i stratifikacija Jugoslovenskog –Ruskog i Americkog drustva (1984/1986).".




Studimet e doktoraturës ( PhD) i kreu me sukse në Universitetin e Prishtinës (Departamenti i Sociologjisë pranë  Fakultetit Filozofik (2000 -2003).

Është Profesor i Sociologjisë së Globalizimit, Integrimeve dhe Globalizimit, Krimi dhe Devijimi Social, Hyrje në Komunikimin Politik (UP, Departamenti i Gazetarisë), Kultura dhe Politika (niveli master, në Universitetin Shtetëror të Tiranes) në Universitetin “Hasan Prishtina”, të Prishtinës (Departamenti i Sociologjisë).

Mësimdhënës në lëndët:

Metodat Hulumtimit Empirik, (bachelor);Metodat Kuantitative (bachelor);Sociologji e Globalizimit (bachelor);Transformimeve Globale, (bachelor);Krimi dhe Devijimi Social, (bachelor)
Sjelljet Devijante, (bachelor);Sociologji e Varfërisë, (master);
Sociologji e Familjes, (master);Integrimet dhe Globalizmi, (master);Kultura dhe Politika (master – Dep. i Shkencave Sociale ne Tirane);Hyrje ne komunkimi Politik (doktorature- Dep.Gazetari ne Prishtine);Metodologji Shkencore (doktorature- Dep.Sociologji ne Prishtine);Transformimet Globale (doktorature- Dep.Sociologji ne Prishtine).

Ligjërues në Kolegjin “Victory”, në Departamentin e Shkencave Politike, (niveli: Bachelor dhe Master, Lënda: Metodologjia e Kërkimit Shkencor, dhe Kultura dhe Politika e Diplomacisë globale).;Ligjërues në Universitetin Shtetërorë të Tiranës (2013-2014), në Fakultetin e Shkencave Sociale, Departamenti i Filozofisë, (niveli: Master, Lënda: Kultura dhe Politika).;Ligjërues i lendes: Hyrje ne Komunikimin Politik ne Departamentin e Gazetarisë, për Doktorantët e vitit 2015/2016.;Ligjërues i dy lendeve (Metodologji Shkencore dhe Transformimet Globale) ne Departamenin e Sociologjisë, për Doktorantët e vitit 2016/2017.; Ligjërues i lendes Hyrje ne Komunikimin Politik ne Departamentin e Gazetarisë, per Doktorantet e vitit 2016/2017.


Tekste të botuara:

1. Veç Zoti na shpëtoi (ditar eseistike-sociologjik) , Shtëpia Botuese “Gjurmët”, Prishtinë, Viti: 2009, 500 copë, 186 fq. CIP-ISNB- 978-9951-427-32-6.

2. Refleksioni sociologjike mbi Islamin, Shtëpia botuese“Zëri Ynë” Prishtinë, Viti: 2011),, 500 copë,180 fq. ISBN-978 -9951-433-22-8.

3. Tekst Universitar: Refleksione Sociologjike mbi shtetësinë dhe raportet ndëretnike, Shtëpia Botuese, “Zëri Ynë” Promovim publik në UET (Universitetin Evropianë Tiranes, Viti:, 2011, 500 copë 270 fq. ISBN, 978- 9951-433-22-8. (Teksti ne fjalë është futur si literaturë obligative në Universitetin Evropian të Tiranës, për nivelin bachelor dhe atë master, për vitin 2012/2013).

4. Tekst Universitar: Refleksione Sociologjike mbi joviolencën dhe zgjedhjet, Shtëpia Botuese, “Zëri Ynë” Promovim publik në UET (Universitetin Evropianë Tiranes, Viti: 2011, 500, 270 fq. (Teksti ne fjalë është futur si literaturë obligative në Universitetin Evropian të Tiranës, për nivelin bachelor dhe atë master, për vitin 2012/2013).

5. Tekst Universitar: Paradigmat Sociologjike të tranzicionit shqiptar, Shtëpia Botuese, Logos_A, Tekst Universitar. ISBN 978-9989-58-525-8, Copyright@Logos-A, 2014, - 264 faqe; 25 cm.- Biblioteka Lexo. COBISS. MK-ID96048394 (Teksti ne fjalë, është futur si literaturë obligative në Universitetin “Hasan Prishtina, Departamenti i Sociologjisë, për lëndën: Sjellje Deviant dhe Kontrolli Social(niveli bachelor), dhe lenden: Krimi dhe Devijimi (niveli master)Evropian të Tiranës, për nivelin bachelor dhe atë master, për vitin 2012/2013).

6. Tekst Universitar: Globalizmi, Integrimi dhe identiteti i Kosovës, Shtëpia Botuese, Logos_A, Tekst Universitar, (në botim) 2017.

Elvira Dones(1960-)

Elvira Dones lindi  në Durrës në vitin 1960 dhe është diplomuar në Letërsi Shqipe dhe Letërsi Angleze në Universitetin Shtetëror të Tiranës. 

Në vitin 1988 ajo u punësuar nga Televizioni Shtetëror Shqiptar dhe në këtë cilësi udhëtoi në Zvicër, ku ajo u largua përfundimisht. U akuzua për tradhti në Shqipëri (në mungesë), u dënua me burg dhe iu mohua takimi me djalin e saj deri pas rënies së komunizmit në Shqipëri në vitin 1992.

 Nga 1988 deri në 2004 Dones jetoi në Zvicër ku punonte si shkrimtar dhe gazetare në televizor , duke shkruar, drejtuar, dhe duke prodhuar disa dokumentarë.

 Që nga viti 2004 ka jetuar në Shtetet e Bashkuara. Pjesa më e madhe e shkrimit të saj është në italisht ose shqip, por disa prej filmave të saj dokumentarë janë nëntitulluar në gjuhën angleze. Disa prej këtyre filmave kanë fituar ose janë emëruar për çmime të ndryshme.

 Dokumentari i saj më i fundit, Virgjëra e Betuar, tregon historinë e grave në Shqipërinë e veriut që betohen për nderin e vazhdueshme në vitet e tyre të adoleshencës dhe bëhen burra në shoqërinë e tyre - jo gratë që veprojnë si burra apo gra që kanë ri-përcaktim gjinor, por thjesht gra që tani janë burra .

 Ky film u cilësua si dokumentari më i mirë në Festivalin e Filmit të Grave në Baltimore në vitin 2007. Nga tetori i vitit 1988 jeton dhe punon në Zvicër.

Romane

Në gjuhën shqipe ka publikuar këto romaneː

Dashuri e huaj, roman, Tiranë, 1997 (Botuar në italisht, në vitin 1998, me titullin Senza Bagagli)

Kardigan, roman, Tiranë, 1998

Lule të gabuara, vëllim me tregime, Tiranë, 1999

Yjete nuk vishen kështu, roman, Elbasan, 2000 (Botuar në italisht me titullin  Sole Bruciato , Milano, 2001

Ditë e bardhë e fyer , roman, Elbasan, 2001

I  love Tom Hanks , tregime, Elbasan, 2002

Më pas heshtja , roman, 2004

Vergine giurata. Milano: Feltrinelli,2007

Piccola guerra perfetta. Torino: Einaudi(2011)

Sworn Virgin. London: And Other Stories.(2014)

Romanet Yjet nuk vishen kështu, Ditë e bardhë e fyer dhe Më pas heshtja, janë pjesë të trilogjisë “Trilogjia e dhimbjes”.

Elvira Dones është anëtare e Shoqatës Zvicerane të Shkrimtarëve (SSV-SSE-SSS).

Filma

Brunilda (2003)

I ngujuar (Nailed) (2004)

Sworn Virgin (2015)


Etj.

Flori Bruqi 

Dauti Dauti (1960-)

Dauti Dauti është lindur më 1960 në Kokaj të Gjilanit. 

Shkollën fillore e kreu në Prishtinë kurse të mesmen, gjimnazin, në Gjilan. Ka kryer fakultetin juridik në Universitetin e Prishtinës, kurse studimet post diplomike i kreu në Thames Valley University të Londrës – në degën e Unionit Evropian.

Shkrimet e para i ka botuar në Bota e Re, pastaj ka vazhduar të shkruaj në revistën javore Zëri, për të cilën, nga viti 1994 e deri më 1999 ka qenë korrespondent nga Londra.

Gjatë vitit 1999-2001 ka punuar redaktor në IWPR (Institute for War and Peace Reporting) në Londër, dhe ka themeluar zyrën e këtij instituti në Prishtinë. 

Nga viti 2000 deri në fillim të vitit 2002 ka shërbyer si Sekretar i Përgjithshëm i SHGK (Shoqata e Gazetarëve të Kosovës), organizatës së parë të pavarur të gazetarëve në Kosovë. Gjatë kësaj kohe (2000 – 2002) ka qenë edhe anëtarë i pavarur në KQZ (Komisioni Qendror i Zgjedhjeve). 

Gjatë vitit 2002 ka qëndruar në Dayton, në Kettering Foundation, ku ka bërë hulumtime shkencor në lidhje me medien dhe demokracinë. 

Që nga kjo kohë, duke qenë anëtar shkencor (International Fellow) i këtij instituti të rëndësishëm amerikan, ka hulumtuar dhe botuar një varg studimesh në fushën e gazetarisë, politikës dhe atë të shkencave juridike.

Gjatë vitit 2005 ka punuar si këshilltar për media i kryeministrit të Kosovës, Bajram Kosumit dhe zëdhënës i kësaj qeverie.

Kohëve të fundit ka punuar në zyrën për informim të IOM (International Organisation for Migration) në Londër. 

Poashtu, gjatë këtyre viteve, në Londër ka vazhduar të paraqitet me shkrime dhe ka debatuar për çështjen e Kosovës në forume dhe media të ndryshme britanike dhe në media tjera botërore. 

Poashtu, është angazhuar edhe si këshilltar për informim dhe çështje të Ballkanit për organizata dhe institucione të ndryshme ndërkombëtare.

Kohëve të fundit, në medien e Kosovës, është paraqitur edhe si analist – kritik i procesit politik në Kosovë.

Daut Dauti është i angazhuar në programin e hulumtimeve në University of Leeds në Britani të Madhe. 

Në Shkollën e Historisë të këtij universiteti, mbrojti disertacionin PhD me temën: The British Foreign Policy and the Albanian Question 1876 – 1914 (Politika e jashtme britanike dhe çështja shqiptare 1876 – 1914).

Daut Dauti është autor i këtyre librave:

Reflektime Shqiptaro-Britanike;

Lufta për Trepçën;

Unioni Evropian – Nga Ideja në Realitet;

Building an Independent Media in Kosova - Ngritja e mediave të pavarura në Kosovë

Assamblies and Ancient Deliberation According to Code of Lek Dukagjini;


“Çështja shqiptare në diplomacinë britanike, 1877 – 1880”. 2012, Shkup, shtëpia botuese Logos-A, 

Daut Dauti ka botuar një numër të konsiderueshëm të artikujve dhe punimeve shkencore në gazeta dhe revista  me impaktmë  faktorëndërkombëtar në  vende të ndryshme anglosaksone dhe më gjërë në Evropë dhe botë.

Flori Bruqi