Abdullah Troshupa lindi më 26 nëntor 1953 në Ribar të Madh të Lipjanit.
Shkollën fillore e kreu në vendlindje, ndërsa të mesmen dhe Fakultetin e Filologjisë, Dega Letërsi dhe Gjuhë Shqipe, në Unversitetin e Prishtinës.
Me krijimtari letrare ka filluar të merret që nga viti 1972.
Shumicën e vjershave i ka botuar në gazeta dhe revista të Republikës së Kosovës dhe të asaj të Shqipërisë.
Ka botuar këto vepra:
1.“Porosia e vëllait”, poezi për fëmijë dhe të rinj, Prishtinë, 1995
2.“Dallgët e shpresës”, 2006
3.“Cigareshitësja”, dramë për fëmijë, 2008
4.“Kush më solli në jetë”, 2011
5.“Një det kujtimesh”, 2016
6.“Ora e gjyshit”, poezi për fëmijë e të rinj, 2017
Është kryetar i klubit letrar “Fazli Grajçevci” të Lipjanit.
Është redaktor i revistës letrarer “Aurora”. Është profesor i gjuhës dhe i letërsisë shqipe në SHFMU “Hasan Prishtina” të Llugaxhisë së Lipjanit.
