Përballja me sfidat e jetës

,, E gjora vajzë më herët u bë nënë se sa grua ‘’

                                                Jakov Xoxa

Nga  Remzije J.Zekolli 

 Pa dashur e mendoi veten si një vajzë 12 vjecare, kur  si në ëndërr iu shfaq ngjarja që kishte përjetuar atëbotë si fëmijë. Shpeshherë mbylli sytë dhe përpiqem që ta kthej kohën prapa. Lotët qetas më rrjedhin faqeve kur mendoj se si do të rridhte jeta ime po të mos sëmurej rëndë nëna, e cila ishte mjaft e re në moshë, sapo kishte shkelur të dyzetat. 

Iu kujtua një peisazh pranë pusit, në oborr ku ishim mbledhur vëllezër e motra,  me sy të përlotur, qëndronim si drenusha të trembura tek shihnim nënën që s’po mundej të ngrihej dot, për të na përqafuar, megjithëse e ishte përmalluar shumë për ne. Motra e vogël dëneste pa u ndalur, i mungonte shumë kujdesi dhe  përqafimi i ngohtë i nënës, kërkonte gjurmët e saj  ndër stinë, e mora pranë vetës ia përkëdhelja flokët. Nëna ishte nën hijen e ftoit në një shtrat të improvizuar, sapo i pa babai fëmijët e shqetësuar, për një moment e la nënë vetëm, u ofrua pranë tyre i përqafoi të gjithë dhe iu tha:

Ejani më afër, nëna dëshiron tju shohë, ndonëse është ë sëmurë ajo ju do, këtu babait iu dridh zëri dhe lotët e tradhëtuan. Cka të bëjmë ky qenka fati ynë. Babai na ndihmonte shumë rreth punëve të shtëpisë, madje edhe bukën e  gatuante.

Në sytë e saj të lodhur nga dhimbjet pash dashurinë e saj amnore për ne. Mjekët kishin bërë ndërhyrje kirurgjikale për të konstatuar se a do mund të ngrihej prap në këmbë, për fat të keq shpresat se do të ngrihej përsëri  në këmbë ishin të vogla. Në trup kishte  pesë plagë jo edhe  aq të vogla. Vitet kalonin dhe jeta në spital largë fëmijëve dhe burrit të saj  iu kishte bërë monotone.

-Dua të kthehem tek fëmijët e mi, shërim s’po kam pse të qëndroj kot këtu ,- i kishte thënë një ditë babait.

Përfundimisht u kthye në shtëpi, në një cep të dhomës zuri vendin shtrati i saj të cilin cdo ditë ia rregulloja me përkushtim dhe dashuri. Një ditë tek po ia rregulloja shtratin  vërejta plagët e saj, u pikëllova shumë. Thashë me vete: si do t’ia shëroj unë këto plagë?

 Ashtu si një infermiere e sporvuar fillova t’ia pastoja plagët tri herë në ditë,  më të dashurës sime. Aty për aty i thash babait:  Nga sot s’do të shkoj më në shkollë. Kjo bisedë e pa këndshme për te, nuk i pëlqeu fare, e vërejta në vetullat e tija të ngrysura.

Vendimi im  ishte i vështirë, i rëndë, i dhimbshëm. Një arsye e vetme, një obligim moral ndaj nënës i mundi të gjitha qëllimet e tjera. Ajo në ato momente të rënda të jetës së saj, pati nevojë për mua. Dhashë çdo gjë nga jeta ime që t’ia lehtësoja dhimbjen.

Ashtu e mbyllur në shtëpi, më dukej vetja si ndonjë personazh i vuajtur, i ndonjë romani kaherë të lexuar.Unë edhe pse qëndroja larg bankave shkollore, prapë se prapë lexoja libra të ndryshëm,  kur gjeja kohë të lirë, të cilat sapo vinte dikush te ne i fshehja nën tavolinë. Ky veprim i imi nuk i kishte shpëtuar pa e vrejtur babait. Tek lexoja librin  “Procesi” të  Jusuf  Gërvallës, të cilën babai e solli fshehurazi, më tha: Qysh nesër prap të shkosh në shkollë! Po nëna?!- i thashë unë e habitur.

 Ky është urdhër dhe kësaj radhe duhet ta zbatosh atë!

Nuk mund ta kundërshtoja, e doja nënën shumë, por edhe  shkollën e doja tepër, mirë pra kësaj radhe po dorëzohem baba. Iu hodha në përqafim me lotë gëzimi për këtë mbështëtje morale që mora nga ai. Nga ky vendim i tij u rilinda, rifillimi i shkollës më dha vullnet e forcë në jetë që të përballoj sfidat që sjell ajo. Ashtu e shtrirë edhe nëna më ndihmonte me këshillat e saja të arta, të cilat i dëgjoja me kujdes. Përvec kujdesit ndaj saj, shpeshëherë i lexoja ndonjë poezi, tregim apo legjendë që i dëgjonte me përkushtimin më të madh, madje ndonjëherë edhe ajo më rrëfente ndonjë të tillë. Pastrimi i carcafëve ishte bërë segment i zakonshëm i  përditshmërisë  në të  katër stinët e vitit. Nëna ishte  bërë si një foshnje,  të cilën aq shumë e doja, e cila mbeti e dergjur me dekada në shtrat. Cdo ditë e përkëdhelja dhe atëherë kur ishte më e pikëlluar dhe shumë e mërzitur nga sëmundja u mundoja t’ia ndalja vajin në buzë. Një ditë teksa kujdesesha për te, se c’më zuri ngushtë me pytjen e saj që se prisja.

-Qika jem a s’po ka Kosova djalë për ty,  që s’po martohesh. E habitur dhe e zënë ngushtë me këtë bisedë të pa pritur  të saj, me një buzëqeshje i thashë.

-Jo besa moj nënë, s’po ka Kosova djem, kanë ikur jashtë sikurse që kanë ikur edhe djemtë e tu.

Kurrë nuk e diti që unë për hirë të  saj, sakrifikova rininë dhe ëmbëlsinë që sjellë jeta. Kurrë nuk mendova të gjeja asnjë djalë, megjithëse kisha shumë oferta,  nuk dëshiroja ta lija nënën për asnjë castë vetëm. Dashuria për mua  u bë themër e Akilit dhe i gjasonte një molle të ndaluar.

Filmi për “Oscars” 'Shok', prezantim dinjitoz i Kosovës

Filmit me titullin“Shok”, i nominuar për çmimin prestigjioz “Oscar” , të cilin e ndan Akademia e Filmit, Pikturës, Arteve dhe Shkencave në Hollywood, pavarësisht se nuk u kurorëzua me këtë çmim, ai përcolli një mesazh mjaft pozitiv nga Kosova dhe për Kosovën, vlerësojnë përfaqësuesit e komunitetit të artistëve të filmit në vend.

Filmi “Shok”, me regji dhe skenar të regjisorit britanik Jamie Donoughue, i luajtur nga aktorë të Kosovës, i xhiruar në Kosovë, është filmi i parë i cili e përfaqëson kinematografinë e vendit për çmimin Oscar.

Regjisori Isa Qosja, profesor në Fakultetin e Arteve në Universitetin e Prishtinës, duke folur për Radon Evropa e Lirë, shpreh mendimin se prezenca e filmit “Shok” në një festë të filmit siç është ndarja e çmimit Oscar, ka rëndësi të jashtëzakonshme për Kosovën, në disa aspekte.

“Gjithsesi që është jashtëzakonisht e rëndësishme për Kosovën - unë do të thosha më tepër për Kosovën politike -prezenca e filmit ‘Shok’ atje, për faktin e përmbajtjes. Për faktin që kemi një përmbajtje nga lufta, të cilën aq e kemi kërkuar në kinematografi".

"Natyrisht, ajo përmbajtje e shikuar, e trajtuar dhe e vizualizuar nga kënd-shikimi i një anglezi, është aq më e rëndësishme. Kosova është ‘klikuar’ me qindra herë, pikërisht për atë që është promovuar ideja që një film nga Kosova flet për Kosovën dhe sjellë vlera artistike”.

Regjisorja Blerta Zeqiri, e cila i takon brezit të ri të regjisorëve në Kosovë, vlerëson se pjesëmarrja e filmit “Shok” në ndarjen e çmimeve Oscar, ka qenë ngjarja më e madhe që ka të bëjë me kinematografinë në vend.

“Thjeshtë, ka qenë një nderë shumë i madh për krejt ne dhe për Kosovën, sepse kemi garuar në Oscar. Të gjithë e dimë se është hera e parë për ne. Sa i përket filmit, mund të them se ishte shumë i mirë dhe që në mënyrë shumë dinjitoze na ka prezantuar në Oscar".

"Përveç asaj se si prezantohet është me rëndësi edhe rrëfimi që është treguar dhe ky ka qenë një rrëfim nga Kosova dhe mendoj që njerëzit, Hollywood-i ka me ditë pak më shumë për Kosovën. Është një gjë shumë e mirë për kinematografinë kosovare në përgjithësi”.

Regjisori Qosja, thotë se, marrë në përgjithësi, nominimi i filmit Shok” për çmimin Oscar, pavarësisht se filmi nuk e mori këtë çmim, ka krijuar euforinë por edhe energjinë pozitive në vend.

Por, sipas tij, kur kihet parasysh që për krijimin e filmave në Kosovë nuk ka pasur asnjëherë buxhet të mjaftueshëm, atëherë do të vihet pikëpyetja, se çfarë tutje në këtë drejtim.

“Do të vazhdojmë me të njëjtin ritëm. Nuk jam unë i bindur që do ta kenë njerëzit përkushtimin që i duhet kinematografisë. Kurrë nuk kanë hyrë në seleksionim të ngushtë, jo një, por disa shtete të rajonit, këtu afër".

"Jam i bindur që e kanë shikuar me mjaft xhelozi këtë prani të Kosovës në atë seleksionim të ngushtë. E kjo do të ishte dashur që të çonte një porosi për të gjithë ne dhe të theksonte kërkesën për tu angazhuar në kulturë, sepse e keni parë që për disa ditë Kosova ka qenë në fokus përmes kësaj, përmes kulturës”.

Filmin Shok,të plotë - mund ta shikoni këtu:

Filmi SHOK FULL HD

YOUTUBE.COM

https://www.youtube.com/watch?v=ZRIstJpW_FY&feature=share

Regjisorja Zeqiri, shpreh besimin që çdo arritje në kinematografi, por edhe në fushat tjera, gjithmonë hapë dyer edhe për arritje të tjera të mëdha. Në këtë prizëm ajo e sheh edhe arritjen e filmit “Shok”.

“Mendoj që, sikur që në fillim - sa i përket filmit, për herë të parë, të paktën prej Kosovës - ka qenë Arta Dobroshi (aktore nga Kosova) e cila është prezantuar nëpër arenat ndërkombëtare me aktrimin e saj dhe ka bërë që të hapen paka shumë sytë kah Kosova. Pastaj, kanë ardhur edhe plot filma tjerë, të shkurtë dhe të gjatë, të cilët kanë nisur të prezantohen. Mendoj se ka ndihuar (filmi ‘Shok’), dalëngadalë, tashmë që bota t’i kthej sytë kah Kosova dhe kinematografia e saj. Ky është një plus i madh”, tha Zeqiri.

Filmi “Shok” është mbështetur nga Qendra Kinematografike e Kosovës dhe është prodhim i shtëpisë filmike Eagle Eye Films Kosova

Agjencioni Floripress

Kanë mbetë edhe pak orë që filmi kosovar ‘’Shok’’ po konsiderohet si më favoriti për të qenë fitues i çmimit ‘’Oscar’’

http://floripress.blogspot.com/2016/02/kane-mbete-edhe-pak-ore-qe-filmi.html

Lista e plotë e fituesve të ceremonisë së 88 të “Oscars”

"Spotlight" zgjidhet si filmi më i mirë, DiCaprio dhe Brie Larson marrin çmimet si aktorët më të mirë.
Regjia më e mirë: Alejandro G. Inarritu (The Revenant)
Aktorja më e mirë: Brie Larson (ROOM)
Aktori më i mirë: Leonardo DiCaprio (The Revenant)
Filmi më i mirë: Spotlight

Aktorja më e mirë në rol dytësor: Alicia Vikander – The Danish Girl
Aktori më i mirë në rol dytësor: Mark Rylance – Bridge of Spies
Skenari më i mirë origjinal: Spotlight
Skenari më i mirë i adaptuar: The Big Short
Kostumografia më e mirë: Mad Max: Fury Road
Produksioni më i mirë: Mad Max: Fury Road
Grimi dhe stilimi më i mirë i flokëve: Mad Max: Fury Road
Kinematografia më e mirë: The Revenant – Emmanuel Lubezski
Editimi më i mirë: Mad Max: Fury Road
Editimi i zërit: Mad Max: Fury Road
Miksimi i zërit: Mad Max: Fury Road
Efektet vizuele: Ex Machina
Filmi më i mirë i shkurtër – i animuar: Bear Story
Filmi më i mirë i animuar: Inside Out
Dokumentari më i mirë i shkurtër: A girl in the river: The Price of forgiveness
Dokumentari më i mirë: AMY
Filmi më i mirë i shkurtër: Stutterer
Filmi më i mirë i huaj: Son of Saul
Muzika më e mirë origjinale: Ennio Morricone – The Hateful Eight
Kënga më e mirë: Writtings on the wall – Sam Smith (James Bond: Spectre)
Regjisori i filmit “The Revenant” është fitues për herë të dytë me radhë i këtij çmimi,pasi vitin e kaluar ka ftuar për “Birdman”.

“Writtings on the walls” është kënga e dytë nga filmat James Bond që fiton çmim Oscar.

Inside Out është filmi i tetë i animuar nga Pixar që fiton çmim ‘Oscar’ si filmi më i mirë i vitit.

Mad Max: Fury Road fiton edhe çmimin e gjashtë këtë mbrëmje!

Emmanuel Lumbezki fiton për kinematografinë më të mirë për “The Revenant”, duke u bërë kështu fitues për tri vite me radhë, i pari në histori!

“Stutterer” është filmi që i mori nga dora filmit kosovar “Shok” çmimin për filmin më të mirë të metrazhit të shkurtë në Oscar.

Por, çka është veçantia e këtij filmi mund të lexoni një analizë nga Eric Jukes, të cilën e ka publikuar në “Close-upfilm”

Filmi 13 minutësh, irlandez, paraqet jetën e një memeci, i cili është në kërkim të dashurisë, të cilën nuk mund ta shpreh me fjalë.

Matthew Needham portretizon Greenwoodin, një memec, i cili ka shumë vështirësi që t’i nxjerr fjalët, por që ka “zë të brendshëm” që është elokuent dhe i mprehtë, transmeton Koha.net.

Çdo natë, shpesh herë me orë të tëra, ai shkëmben mesazhe përmes rrjeteve sociale me Ellie, e portretizuar nga Chloe Pirrie. Në prag të përvjetorit të tyre të gjashtë, Ellie i dërgon një mesazh Greenwoodit lajmin befasues se ka udhëtuar drejt Londrës dhe do të qëndrojë atje për disa ditë, ndërsa e pyet nëse do të dëshironte që të mos fliste online, dhe të dilte me të takohej për herë të parë fizikisht.

Dhe këtu është momenti kur gjërat fillojnë të marrin një kahe tjetër. Për një memec, i cili jeton dhe punon vetëm, “pothuajse i padukshëm për syrin e lirë” në “artin e vetë-keqardhjes” dhe me “zero aftësi komunikimi” propozimi për t’u takuar ballëpërballë me Ellien është me të vërtetë i frikshëm për të.

Për realizimin e filmit ka folur edhe një njeri me këtë “paaftësi”, Anthony Davis, që vuan që nga mosha 7 vjeçare. Ai thotë se, “filmi është shumë bindës, poetik, një portretizim fantastik i sjelljes së një memeci”.

Realiteti, Davis thotë, është se kjo paaftësi është një problem që nuk mund të fshihet, as të maskohet, as të shmanget, pa marrë parasysh se sa mundoheni ta bëni një gjë të tillë. Greenwood paraqitet duke u munduar ta bëjë një gjë të tillë, duke mësuar gjuhën e shenjave, por që është mjaft problematike. “Askush nuk dëshiron të perceptohet si i shurdhër, apo me paaftësinë që të flasë rrjedhshëm”, është shprehur ai.

“Stutterer” është krijuar nga regjisori Benjamin Cleary, me producent Shan Christopher Ogilvie dhe Serena Armitage është bërë me një buxhet prej vetëm 6300 eurove.

https://www.youtube.com/watch?v=C1mbNMsJ6Xo

STUTTERER - Short film 2016

Nga Flori Bruqi : Historia e “Rambos” së Dukagjinit, nga emigracioni, lufta në UÇK dhe politika aktive

Mobilizimi i popullit shqiptar të Kosovës për të filluar luftën kundër okupatorit serb, kishte filluar me organizimin e grupeve të vogla mes njerëzve që kishin besim të madh tek njëri - tjetri. Rreziku ishte i madh, andaj nuk mund t’i besohej gjithkujt.
 Kështu, grupet e para guerile u formuan mes shokësh dhe familjarësh. Një gjë e tillë ndodhi edhe me vëllezërit Haradinaj të Gllogjanit. Ishin Luani e Shkëlzeni ata që nisën rrugëtimin drejtë lirisë së Kosovës dhe u pasuan edhe nga vëllezërit tjerë, Ramushi, Dauti e Enveri. Luani njihej për çiltërsinë e tij më shokët dhe guximin për tu përballë me armikun.


 Ndonëse shumë i ri në moshë, ai kishte krijuar miqësi e besim me shumë persona që ndër vite kishin punuar për të larguar një herë e përgjithmonë nga tokat shqiptare, thundrën serbe. Vëllezërit Haradinaj u bën shpejt të dashur e të besueshëm për të gjithë.

Ata mblodhën rreth vetes shumë shokë e miq nga të gjitha trevat e Kosovës e më gjerë e po ashtu edhe mërgimtarë që lanë punën dhe qëndrimin jashtë vendit dhe iu bashkuan Ushtrisë Çlirimtare të Kosovës.

 Vëllezërit Haradinaj, ishin ndër shembujt më të mirë se si luftohet e vdiset për atdhe. Haradinajt nuk u ndalën për asnjë çast edhe pse në betejat e ashpra me armikun kishin rënë dëshmorë Luani e Shkëlzeni.

Rapsodi i ktheu në këngë e poeti u shkroi poezi. Trimëria dhe guximi i tyre pasuruan faqet e historisë shqiptare. “vëllai mbi supe të vëllait, i peshohet hapit” thoshte poeti për Ramushin, vëllai i madh që kishte bartur maleve me borë trupin e pajetë të vëllait të tij Luanit.

Pesë vëllezërit Haradinaj, të mbështetur edhe nga prindërit dhe shokët, i dhanë shpresë e besim popullatës së Dukagjinit.

Në sajë të drejtimit me sukses të betejave, Shtabi i përgjithshëm i UCK e kishte emëruar Ramush Haradinajn, komandant për Zonën Operative të Dukagjinit.

Djemtë e Gllogjanit u bënë më të dashurit për bashkëvendësit e tyre. Populli i deshi dhe i mbështeti sepse ata ishin në ballë të betejave duke treguar se për atdheun nuk duhet të kursehet askush.

Familja Haradinaj dha shumë për Kosovën dhe popullin shqiptar. Populli do i kujtoj me pietet dëshmorët e kombit dhe do nderojë përjetësisht veprën madhore të gjeneralëve që me gjithë rreziqet nëpër të cilat kaluan, patën fatin të mbijetojnë.

Historia e “Rambos” së Dukagjinit, nga emigracioni, lufta në UÇK dhe politika aktive

Ish-kryeministri Ramush Haradinaj iu drejtua qytetarëve të shumtë, të cilët ishin mbledhur në sheshin “Nënë Terezë” në Prishtinë, duke i falënderuar të gjithë për mbështetjen.

Haradinaj deklaroi se ai do të punojë për ngritjen e qeverisjes, demokracisë dhe zhvillimit ekonomik. “E di që nuk jemi parë moti dhe kemi shumëçka të flasim, por unë si gjithmonë do të kursej fjalët, por jo edhe punën”, tha Haradinaj. Fjalimi i Haradinajt u përcoll gjatë me duartrokitje, brohoritje dhe fishekzjarrë.

Në sheshin “Nëna Terezë” foli edhe avokati mbrojtës i Haradinajt, Ben Emerson, i cili tha se i ka kërkuar ish-kryeprokurores së Gjykatës në Hagë, Karla Del Ponte, që t’i kërkojë falje Ramush Haradinajt dhe Kosovës. “Del Ponte më është përgjigjur vetëm me të qeshur”, tha Emerson dhe shtoi se kjo tregon se me sa përgjegjësi e merr ajo një çështje në Tribunalin e Hagës.

Ai njoftoi se do të fillojë një hetim për punën e saj, në mënyrë që ajo të mos mund ta vazhdojë punën në Gjykatën për Krimet në Siri dhe se do të kërkojë nga Këshilli për të Drejtat e Njeriut që ajo të suspendohet. Ramush Haradinaj arriti në aeroportin ndërkombëtar të Prishtinës “Adem Jashari”, ku u prit nga Kryeministri Thaçi, Garda e FSK-së dhe qytetarë të shumtë.

Në një konferencë të shkurtër të mbajtur menjëherë pas zbritjes nga aeroplani special, Kryeministri Hashim Thaçi e përshëndeti verdiktin e lirimit të Ramush Haradinajt nga Tribunali i Hagës dhe e quajti atë ish-kryeministër. Ish-kryeministri dhe kreu i AAK-së e falënderoi Thaçin dhe Gardën e FSK-së për këtë mikpritje dhe premtoi se do të punojë shumë në proceset që e presin vendin në periudhën e ardhshme.

Floripress: Nga Ferri në Parajsë – nga burgu, në drejtim të qeverisë.



Fati thuajse ka qenë i shkruar në Heroin  e gjallë shqiptar  Ramush Haradinajn nga Gllogjani i Rrafshit të Dukagjinit, i cili ka vrapuar shumë dje sapo mori “vulën e thatë” nga Gjykata Ndërkombëtare e Hagës. 

Ramush Haradinaj u shpall sërish i pafajshëm për akuzat e krimeve të luftës dhe rinisi udhëtimin e tij, i pritur si një hero, në tapet të kuq në Aeroportin e Prishtinës nga ish-rivali i tij politik, Kryeministri Thaçi, i cili prej kohësh i ka hapur rrugën kreut të AAK-së për një koalicion të përbashkët të të gjithë ish-komandantëve të UÇK-së në qeverinë e Kosovës. 

Po kush është politikani kontraversal, që hyri në politikë pasi “vari në gozhdë” uniformën ushtarake, të cilën e mbajti gjatë luftës si komandant i Zonës Operative të Dukagjinit, një nga njësitë më të rëndësishme gjatë përplasjes me makinën ushtarake serbe?

 Ramush Haradanaj lindi më 3 korrik të vitit 1968 në një familje të madhe e të njohur të zonës së Dukagjinit në Kosovën Perëndimore, pranë kufirit me Shqipërinë. Në rininë e hershme, pasi kreu një vit ushtri në armatën jugosllave, Ramushi emigroi në Zvicër, ku falë fizikut dhe karakterit të tij punoi si truprojë në lokalet e natës. 

Gjatë kësaj kohe ai u trajnua për artin luftarak, armët dhe strategjinë ushtarake. Ka zhvilluar stërvitje të rënda dhe ai ka thënë se ka notuar për 27 orë në det të hapur vetëm për të provuar rezistencën e trupit të tij. 

Gjatë vitit 1995, Ramushi rikthehet shpesh në Kosovë, duke u ndalur në Shqipëri, ku gjen lidhjet me rezistencën e nisur dhe ka drejtuar operacione për transportimin e armatimit. Rikthehet në vendlindje ku bashkë me vëllezërit e tij dhe familjen e madhe në Gllogjan nis rezistencën ndaj serbëve. 

Krijon struktura të forta ushtarake me një disiplinë të hekurt dhe kreu operacionet e para të përballjes luftarake me njësitë ushtarako-policore serbe. Suksesi në fushëbetejë ishte i menjëhershëm dhe fama iu rrit në reaksion zinxhir. Ishte kjo kohë kur Haradinaj mori nofkën “Rambo”, pikërisht nga mënyra e luftimit dhe trimëria e treguar ndaj serbëve. 

Drejtoi Zonën Operative të Dukagjinit dhe u bë një nga krerët më të rëndësishëm të Ushtrisë Çlirimtare të Kosovës, që kreu një dendësi lufte të madhe, pasi në kufirin me Shqipërinë ndodhej pjesë e konsiderueshme e ushtrisë serbe, pasi edhe furnizimet për luftën i merrte dhe i dorëzonte njësia e Ramushit.

Reputacioni i tij ishte i madh, kryesisht në Rrafshin e Dukagjinit, ku ai nisi udhëtimin e tij politik pas ndarjes me Hashim Thaçin në vitin 1991. 

Nuk pranoi të marrë pjesë në PDK, u largua nga Trupat Mbrojtëse të Kosovës, dorëzoi uniformën dhe krijoi Aleancën për Ardhmërinë e Kosovës, një parti që mblodhi drejt vetes të pakënaqurit e pushtetit që ndanë ish-krerët e UÇK-së kryesisht nga zona e Drenicës dhe shfrytëzoi reputacionin e tij për të marrë vota nga zona e Dukagjinit. 

Për pak vite AAK-ja kthehet një parti e tretë e Kosovës, në pozita dominuese në qytetet e Pejës dhe Gjakovës. Në vitin 2004 bën një lëvizje të fuqishme politike dhe lidh koalicion me ish-kundërshtarin, Ibrahim Rugova dhe krijon koalicionin me LDK-në. 

Më 3 dhjetor 2004 emërohet Kryeministër. Krijon një qeverisje energjike, por Karla Del Ponte ngre akuza ndaj tij për krime lufte. 

Në mars të vitit 2005, Haradinaj vetëdorëzohet në Hagë dhe pret gjykimin. Në vitin 2008 rrëzohen akuzat ndaj tij, por prokuroria ndërkombëtare kërkon rigjykimin e pjesshëm të çështjes, duke hedhur pretendimin se janë kërcënuar dëshmitarët. 

Gjykata Ndërkombëtare e shpalli përfundimisht të pafajshëm, duke i rikthyer lirinë dhe mundësinë për t’u marrë me politikë. 

Prej vitit 2008, partia e Haradinaj ka qenë në një periudhë të vështirë qëndrimi në opozitë, por tani që kryetari i AAK-së është i lirë, një nga drejtuesit e saj, 

Kosova pa Ramushin dot nuk mund të mbahët,ngase ai nuk luftoi për karierë por për Kosovën  e lirë dhe demokratike .

S’ndalet Nertila Marku, ja mesazhi paralajmërues për Mero Bazen

Motra e këngëtares Gugu, Nertila Marku, nuk ka ndërmend të ndalet edhe pas përballjes me kryeministrin Edi Rama. Marku vazhdon betejenë, por këtë radhë me Mero Bazen. Në rrjetin sociale Facebook, ajo ka shkruar diçka pikërisht për Bazen.

Për më tepër lexoni se çfarë i shkruan Nertila Mero Bazes:
“Mi çoni fjale Mero Bazes, gazeta e te cilit m’ka qujt ‘kengtare anonime”te Sali Berishes, ta përshëndes gazetën kudo që ndodhet me kangën teme: “Do të të knoj në besë të Zotit, se jam bija e malsorit! E m’ja preket nerin venit, bahem Nora e Kelmenit. Marr dhe pushkën e dal malit, se jam bije në shpi t’Prek Calit”….
Kur të merrni vesh se s’jam kengtare e deklarume, atehere do ta përshendes gazetën tane e gjithë gazetat muzikdashëse politike, edhe si mbesë zadrimorësh e nuse mirditorësh!” shkruan Marku në profilin e saj në Facebook.

Ardit Gjebrea hyn në burg, ish agjenti pranon vrasjen e gruas dhe nënës së saj

Këngëtari dhe moderatori i njohur shqiptar, Ardit Gjebrea, ka kaluar natën në burg. I dënuar më burgim të përjetshëm. 



Një djalë i ri, dikur punonjës i SHIK-ut dhe ish-student i shkëlqyer i fizikës, qëllon me pistoletën e punës për vdekje, në mes të Tiranës, një vajzë dhe nënën e saj.
Pas 15 vjetësh Marin Rroku, për herë të parë pranon vrasjen, përpara kamerave tek “E diela shqiptare”, përpara Ardit Gjebreas, që ka kaluar 24 orë me të burgosurin në qelitë e burgut të Fushë Krujës.

I dënuar më burgim të përjetshëm. Një djalë i ri, dikur punonjës i SHIK-ut dhe ish-student i shkëlqyer i fizikës, qëllon me pistoletën e punës për vdekje, në mes të Tiranës, një vajzë dhe nënën e saj.

Pas 15 vjetësh Marin Rroku, për herë të parë pranon vrasjen, përpara kamerave tek “E diela shqiptare”, përpara Ardit Gjebreas, që ka kaluar 24 orë me të burgosurin në qelitë e burgut të Fushë Krujës.

Marian Rroku, ka treguar se ai ka qëlluar mbi Alda Canaj dhe nënën e saj Mbarime, në një moment të humbjes së kontrollit.

Ai ka mohuar që mes tij dhe vajzës të ketë patur një raport intim, sikurse është folur në kohën kur ndodhi ngjarja. Marian Rroku ka treguar se me Aldën dhe motrën e saj Ornela e lidhte thjesht një marrëdhënie miqësie, ndërsa ai kishte shfaqur interes për një shoqen e tyre.

Por duke qenë se ky raport është keqkuptuar nga vetë vajza dhe prindërit e saj, sipas Marian Rrokut, në një moment konflikti në rrugë, teksa nëna e ka qëlluar me çantë, ai ka nxjerrë armën e punës dhe i ka vrarë të dyja.

Rusët dhe amerikanët kanë përdorur fushëbetejën në Siri për matje të forcave, në fakt të armëve me të cilat furnizohen palët ndërluftuese, raporton Daily Mail

Rusët dhe amerikanët kanë përdorur fushëbetejën në Siri për matje të forcave, në fakt të armëve me të cilat furnizohen palët ndërluftuese, raporton Daily Mail

Në internet është publikuar xhirimi ku shihet se si kryengritësit sirianë gjuajnë tankun modern rus, me projektilin amerikan TOW. Menjëherë pas kësaj, dolën teoritë nëse kjo është një luftë në mes të amerikanëve dhe rusëve?

Videoja u publikua nga “Brigada e sokolave të maleve”, që luftojnë në afërsi të Alepos, raporton Daily Mail.

Pas kësaj, në video shihen kryengritësit që drejtojnë armët antitank të prodhimit amerikan që kushtojnë 60 mijë dollarë.


Në anën tjetër, tanku rus T-90 kushton 4.5 milionë dollarë.



 Pasi është goditur, nga aty nxirren ushtarët, por ende nuk dihet nëse janë të forcave të presidentit sirian, Bashar al-Assad.

Tanket ruse në Siri janë vërejtur për herë të parë në shtator të vitit të kaluar. Ndërkohë, amerikanët kanë mbështetur grupet e kryengritëse që luftojnë kundër Assadit dhe Shteti Islamik me sistemin raketor TOW.

لواء صقور الجبل||تدمير دبابة من طراز t90 بصاروخ تاو ريف حلب الغربي جبهة الشيخ عقيل

Gjetja e Erjon Veliajt për rritjen e taksave: Ngacmohen vajzat mes tavolinave!

Erjon Veliaj i gjeti vetes një arsye më shumë për rritjen e taksave për tavolinat e lokaleve. Kur qindra tregtarë dhe pronarë lokalesh, mbushën sheshin para Bashkisë, Veliaj i tha gazetarëve se i rriti taksat, për shkak të ngacmimeve që i bëhen vajzave të Tiranës. Në momentin që kalojnë mes tavolinave të lokaleve, vajzat fyhen dhe komentohen, sipas Kryetarit të Bashkisë. 

“Pyesni të gjitha vajzat e Tiranës! Eshtë bërë sot një mision fyerjeje, kalimi nëpër Tiranë, ku secila komentohet kur shkon mes përmes tavolinave” tha Veliaj. 

Me kete deklarate ai tregoi edhe njëherë sa largpamës kishte qenë vendimi, për të rritur me dhjetë herë taksën e hapësirave publike. Gjithashtu, Veliaj quajti pijanecë ata që ulen në tavolinat jashtë lokaleve dhe që sipas tij, i fishkëllejnë zonjave nga tavolinat.

“Ky është i vetmi vend kur një zonjë duhet të kalojë midis gjithë pijanecëve nëpër lokale, ku të gjithë e fishkëllejnë. Në 21 qershor qytetarët që janë pronarët e hapësirës publike zgjodhën kryetar bashkie dhe thanë: Na administro punën publike. Dhe unë po e administroj”-tha kryetari i Bashkisë.

Protesta kundër ndërtimit te Parku/ Veliaj nxjerr fëmijët në koncert si anti-protestë

Bashkia e Tiranës ka çuar forca të shumta të policisë së saj për të ruajtur zonën ku po ndërtohet këndi i lojërave. Shërbimet ishin përforcuar pas lajmërimit të shoqërisë civile se do të mbillte pemë. Dhjetëra qytetarë me lopata dhe fidanë pemësh në duar mbërritën në orën 11 në këtë zonë dhe nisën mbjelljen e pemëve. Policia bashkiake nuk bëri rrezistencë, ndërsa protestuesit thanë se pemët do t'i mbjellin vetëm në pjesët ku bashkia ka hedhru zhavorr për të ndërtuar këndin e lojërave.

Nuk kanë të sosur protestat e shoqërisë civile kundër Erion Veliajt. Edhe sot qytetarët janë mbledhur në parkun Rinia për të marshuar më pas drejt Parkut të Liqenit Artificial për të protestuar kundër betonizimit të tij, me ndërtimin e këndit të lojërave për fëmijë. Shoqëria civile ka deklaruar se do të zëvendësojë pemët e mbjella nga bashkia, ndërsa i kanë kërkuar kryebashkiakut Veliaj të ndalojë punimet derisa të bëjë transparancën e plotë të projektit.

Prej disa ditësh, shoqëria civile ka bërë thirrje për organizimin e protestës tek Parku i Liqenit. Këtë të dielë, protesta është konceptuar në formën e një marshimi. Nisja do të bëhet në orën 10:30 nga Monumenti i 100 vjetorit ne Parkun Rinia, per te marshur me pas drejt vendit te betonizimit ne Kodrat e Liqenit. Rreth orës 11:00, protestuesit do te mbjellin pemë dhe do të protestojnë kundër ndërtimeve në Parkun e Liqenit. Një javë më parë protestuesit u përplasën me policinë, në përpjekje për të prishur rrethimin e ndërtimit.  

Por duket se në të njëjtin vend, në të njëjtën orë, Bashkia ka organizuar një koncert me fëmijë. Në program parashikohet të ketë një koncert, teatër për fëmijë, këngë dhe balet në Park.

PROGRAMI I AKTIVITETIT TË BASHKISË

Pjesa I – 10:00 – 11:30:
– Premiera e shfaqjes me kukulla ”Ëndrra e Bufit” (koordinuar nga APR me Q.K.K.Femije)
– Këngë fituese nga Festivalet e Fëmijëve në vite (koordinuar nga APR me Q.K.K.Femije)
– Balet klasik, pjesë nga kryevepra koreografike (koordinuar nga APR me Q.K.K.Femije dhe Shkolla Kombetare e Koreografise)
– Kërcime Karakteri (koordinuar nga APR me Q.K.K.Femije)
– Personazhe të përrallave sëbashku me ju në skenën natyrale të Parkut të Liqenit (koordinuar nga APR me Q.K.K.Femije)

Pjesa II – 12:00 – 13:00:
– Program nga Cirku i Tiranes (numra shpejtesie dhe kllounet)

Në një reagim në rrjetet sociale, përfaqësuesit e shoqërisë civile e quajtën çnjerëzor, përdorimin e fëmijëve kundër tyre:

“Duan te perdorin femijet e vegjel si mjet anti-proteste, keta nuk jane njerez. Shikoni deri ku shkon ligësia! Para 4 orësh Bashkia ka hapur një event ku njoftohet për një festë me fëmijë të vegjël nesër në orën 10, fiks tek zona ku do të protestohet. Po perdorin femijet si mjet anti proteste. I bëjmë thirrje Z. Veliaj, të mos bej tentativa të natyrave çnjerëzore duke sjellë femijë nëpër protesta për ti bëre urë kalimi midis tijë dhe protestuesve. Ajo çka është shkruar nuk ështe e tjetërsueshme, mundesia e dialogut realizohet vetëm nëpërmjet kushteve të parashtruara më parë:

1. Të kërkohet ndjesë publike për emërtimin vandalët.
2. Dialogu të bëhet publikisht në media dhe me prani të publikut, në ambjent publik tek Parku i Liqenit.( I paracaktuar)
3. Përgjatë kësaj kohe të ndalohen punimet në kantier.
4. Të ketë një debat dhe në nivel ekspertësh, me axhendë të negociuar.

Manovra të poshtërta si kjo e sotmja e vështirësojnë akoma më tej situaten”

Ndërkohë në Parkun e Liqenit vazhdon hedhja e zhavorrit dhe betonizimi.

Fotot u publikuan në rrjetet sociale nga qytetarët që protestojnë kundër punimeve te Parku i Liqenit. Kanalet ku do të jetë rrugica mbi 350 metër katror në park kanë nisur të mbushen me zhavorr.