Nga Flori Bruqi : Përse meshkujt dhe femrat tradhtojnë?

Edhe pse arsyet për tradhti janë shumë komplekse, po jua japim disa më të shpeshta përse meshkujt tradhtojnë.

Paaftësia të thonë ‘Jo’
Nëse do t’u jepet rasti të takojnë një femër joshëse, thjesht e kanë të vështirë të thonë ‘Jo’.

E bëjnë për të ushqyer egon
Tradhtia është gjë e shkëlqyeshme për ngritjen e egos së meshkujve, transmeton Telegrafi.

Në mënyrë që të përshtaten me shoqërinë
Nëse në qarqet shoqërore të tij apo në punë është gjë e zakonshme tradhtia, nën presionin e kolektivit në ndonjë udhëtim zyrtar atë do të mund ta bënte edhe ai si sjellje të pranueshme.

Në mënyrë që të ndërpresë lidhjen
Ndonjëherë mashkulli i cili është në lidhje dashurore do të bëjë atë që quhet “aferë e rreme”: nuk përpiqet edhe aq shumë të fshehë aferën, në mënyrë që partnerja të ikë nga ai.

Dashnoren e konsideron si simbol statusi
Të kesh dashnore për disa meshkuj thjesht është imponuese.

Që t’i rikujtohet se si është të bësh dashuri me ndonjë tjetër
Meshkujt të cilët janë të martuar të rinj apo kanë pak përvojë seksuale dëshirojnë që të mësojnë se çka kanë mundur të bënin para martesës.

E di se do të ketë sukses të tërhiqet
Tashmë ka tradhtuar të dashurën dhe nuk është hetuar. Me siguri tradhtinë do ta përsërisë.

E do stilin e tillë të jetës
Thjesht, e do stilin e tillë të jetës. Kënaqet kur ka shumë femra, kur i bën xheloze. Për të kjo është vetëm një lojë.

Është dashuruar
Disa tradhtojnë sepse thjesht sërish janë dashuruar. Mbase afera ka lindur si miqësi e sinqertë.

Që të mësojë se a është akoma joshës
Meshkujt tradhtojnë edhe për t’u bindur për seksualitetin e tyre dhe për të qenë të sigurt që akoma janë tërheqës.

Pabesia e burrave mund të tërheqë më shumë vëmendje, por kur është fjala për mashtrimin as gratë nuk janë imune. Burrat tradhtojnë dhe po ashtu edhe gratë. Në vijim ua sjellim disa nga arsyet se pse gratë tradhtojnë.

Kur jemi te tradhtia, ka një numër të madh mitesh dhe keqkuptimesh. Pikë së pari, pabesia nuk lidhet vetëm me seksin apo kontaktin fizik. Dhe së dyti jo vetëm meshkujt tradhtojnë.

Edhe femrat gjejnë komfort dhe kënaqësi jashtë martesës së tyre. Madje edhe aq shpesh sa e bëjnë burrat, thotë terapistja e familjes dhe e martesave Sarah Cook Ruggera nga San Diego. Rreth 66 përqind e burrave tradhtojnë por edhe 55 përqind e grave poashtu. Këto janë shifra shumë të përafarta me njëra tjetrën.

Cyber-Tradhtia

Cyber tradhtia ka të bëjë me tradhtitë që nuk e përfshijnë dhomën e gjumit apo kontaktin fizik. Bisedat online, pa bërë seks ose pa e parë personin tjetër, janë një akt tradhtie dhe pabesie. Studimet e bëra te çiftet që kanë pasur problemin e tradhtisë online, kanë arritur në përfundimin se definitivisht edhe bisedat online me një partner tjetër konsiderohen tradhti.

Gratë tradhtojnë sikurse edhe burrat. Ja 4 arsye se pse gratë e kryejnë aktin e tradhtisë.

Që të dalin nga një lidhje e keqe

Femrat që tradhtojnë duan që të dalin nga lidhja e keqe që e kanë, në të cilën nuk gjejnë më kënaqësi, por nuk dinë se si ta bëjnë. Nganjëherë është shumë e vështirë të thuash se e dëshiron ndarjen prandaj ato zgjedhin tradhtinë. Pabesia është një mënyrë me të cilën femrat e sabotojnë lidhjen e tyre, për shkak se janë të palumtura dhe të pakënaqura.

Që të gjejnë shkëndija

Problemet financiare, faturat, lodhja dhe fëmijët shpesh janë shkaktarët që e thyejnë një martesë. Romanca humbet ditë pas dite nga rutina. Edhe pse nuk duan të përfshihen në një aferë jashtë-martesore, tundimi nga një lidhje e re që ndez shkëndija është shumë i madh.

Pakënaqësia seksuale

Nëse seksi nuk është i kënaqshëm, një femër nuk ndihet e përmbushur emocionalisht nga lidhja e saj. Interesin e saj seksual mund ta zgjojë një mashkull tjetër. Kur nuk ka seks mjaftueshëm femra fillon të ndihet jo atraktive për partnerin e saj dhe fillon të mendojë se ai nuk e dëshiron më. Dhe kjo e largon nga partneri.

Hakmarrja

Nëse burri apo i dashuri i saj e ka tradhtuar, femrat tradhtojnë që të hakmerren. Kjo është një përpjekje për ta bërë partnerin e saj të ndjejë dhimbjen, zemërimin dhe xhelozinë që e kishte ndier ajo.

Ja pse tradhtojnë femrat e martuara!

Shumë femra po tundohen prej netëve pasionante, por terrorizohen ndaj mendimit për t’u divorcuar nga bashkëshortët e tyre. Pra, ato që tradhtojnë partnerët e bëjnë për çështje seksi dhe nuk e mendojnë aspak divorcin prej tyre.

Universi femëror nuk e ëndërron më princin e kaltër i cili e merr me një kalë të bardhë vezullues. Ka gjithnjë e më shumë raste gjatë të cilave femrat e moshës së mesme – të mërzitura nga rutina e përditshme e martesës – kërkojnë net pasionante me një tjetër mashkull, i cili nuk është bashkëshorti i tyre.

Mosha nuk ka rëndësi, po ashtu edhe puna apo çdo gjë tjetër rreth tij: e rëndësishme është që ai t’u dhurojë atyre ndonjë orë “mësimi” emocionesh seksuale.

Kjo, sipas një studimi të fundit, i cili ka arritur të tregojë se 67% e grave të martuara janë në kërkim të marrëdhënieve jashtëmartesore për të pasur ditë të veçanta romantike me pasion që përfshijnë padyshim edhe seksin.

Sipas Eric Anderson, ekspertit të seksologjisë nga Universiteti i Winchester (UK), deklarimi i kënaqësisë nga një martesë është shumë i ndryshëm nga deklarimi i lumturisë prej seksit me partnerin.

Në bazë të të dhënave të studimit, femrat janë shprehur të bindura se kërkimi i një partneri të përkohshëm ishte përtej mendimit se ato janë të pakënaqura nga bashkëshorti i tyre. Përkundrazi, ato e dashuronin burrin e tyre si në fillim dhe se kurrë nuk do t’i kërkonin divorcin.

Rezultatet pra, nuk janë absolutisht tregues i mosmarrëveshjeve dhe i mosharmonisë bashkëshortore, por i monotonisë seksuale, tipike e marrëdhënieve monogame për një kohë të gjatë.

Në veçanti, me kalimin e kohës, marrëdhëniet seksuale bëhen të mërzitshme dhe të parashikueshme, ndërsa cilësia dhe frekuenca e raporteve zbehet shumë. E gjithë kjo është thënë nga femrat e moshës së mesme, ndoshta sepse me kalimin e ditëve, të dy partnerët mërziten prej “trupit” të njëjtë.

Anderon e ka kryer studimin e tij te 100 femra të martuara të moshës mes 35 deri 45 vjeç, të regjistruara në sajtin AshleyMadison.com, një uebsajt me sa duket popullor për personat e interesuar për pasjen e raporteve jashtë martese.

Anderson thotë se, dallimi mes meshkujve dhe femrave në kërkim të lidhjeve jashtëmartesore duket se shkaktohet nga mendimi që mashkullin e sheh si një “hamshor” dhe femrën si një të “përdalë”, për të njëjtën sjellje.

Jo pa qëllim meshkujt të cilët njihen se kanë shumë femra pas vetes shihen si “super meshkujt”, ndërsa femrat që kanë shumë meshkuj penalizohen nga shoqëria duke u konsideruar si më pak serioze.

Në fund, gjëja e vetme e qartë është se për femrat që kanë marrë pjesë në studim, zgjedhja për të bërë seks me të njëjtin mashkull për të gjithë jetën ishte një dështim i madh.

E në këtë mënyrë, ky studim duket se ka hedhur poshtë mendimet e shumta e të mëparshme rreth tradhtisë së femrave, të cilat theksonin se këto të fundit tradhtojnë veçanërisht me “zemër” dhe jo prej nevojave të veçanta seksuale.

Studimi tashmë ka zbuluar një të vërtetë të madhe rreth faktit se përse femrat që njihen si tradhtare nuk ndahen nga bashkëshortët aktualë!

Arsyet se pse femrat tradhtojnë më shumë se meshkujt


Agjencia martesore “Coffee and Company” ka zbuluar rezultatet e një sondazhi mbi tradhtinë. Me sa duket, femrat tradhtojnë më shumë sesa meshkujt dhe arsyet janë të shumta


Couple caught in bed with feet hanging out the covers
Duket se meshkujt nuk janë të vetmit të cilët humbasin “rrugën e drejtë”. Sondazhi u krye mbi 3000 persona dhe 20% e femrave ka rrëfyer se e kanë tradhtuar partnerin e tyre, kundër vetëm 9% të meshkujve. Por cilat janë arsyet do të thoshit ju? Sajti iVillage paraqet 10.

Për hakmarrje

Gratë tradhtojnë prej inatit. Edhe pse realisht nuk është kjo gjë që duan, ato tradhtojnë thjesht për hakmarrje në mënyrë që partnerin e tyre ta vënë në të njëjtat pozita, për t’i bërë të kuptueshme dhimbjen që shkakton kjo sjellje pabesie. Doktoresha Bonny Weil thekson se mashkulli nuk është aq i ndjeshëm sa femra dhe të keqen që mund t’i ketë bërë partneres së tij e kupton vetëm duke jetuar një eksperiencë të ngjashme.


Për emocion të fortë

Pasja e një të dashuri (përveç të fejuarit), eliminon stresin. Doktoresha Weil thotë se femra sfidon veten e saj; ajo dëshiron të shohë nëse arrin të qëndrojë me këmbën në dy këpucë dhe të menaxhojë situatën. Ndërkohë, eksperti i tradhtisë, Ruth Houston, thotë ndryshe: femra ka tendencë të flasë me partnerin e saj nëse ka mendime, nëse është e stresuar, por nëse partneri i saj e injoron kërkesën e vëmendjes, atëherë ajo e tradhton atë.

Për të kënaqur egon

Edhe në këtë rast, gjithçka vjen nga mungesa e vëmendjes nga ana e partnerit. Eksperti i marrëdhënieve, Ruth Meyers, thekson se një i dashur plus e bën një femër të ndihet seksi, sepse natyra e saj është e ndërtuar në mënyrë të tillë ku komplimentet që i referohen duhet të jenë të shpeshta.

Për “fluturat” në bark

Magjia në fillim të çdo marrëdhënieje është mbresëlënëse, ndaj dhe femrat janë më të prirura për të shkuar drejt saj kur e ndiejnë të nevojshme. Ato nuk duan që t’ju mungojë kjo lloj magjie. Ndaj nëse partneri aktual nuk e kupton këtë gjë, ato me siguri shkojnë te një tjetër.

Për t’u kapur në flagrancë

Kur një grua dëshiron të lërë burrin e saj, sidomos nëse çifti ka fëmijë, ajo shpeshherë ajo tradhton për t’u zbuluar. Dhe kështu, një mashkull, zor se do ta falë bashkëshorten e tij: Houston këtë lloj tradhtie e quan “marrëdhënie daljeje”.

Prej mërzisë

Femra mund të tradhtojë edhe sepse jeta e saj është e pakënaqshme ose më keq, e mërzitshme. Në sondazhin e iVillage, 80% e femrave të intervistuara ka deklaruar se, jeta e tyre seksuale është e parashikueshme. Ashtu si meshkujt, edhe femrat dëshirojnë të kryejnë marrëdhënie seksuale të shpeshta, ose të eksperimentojnë gjëra të ndryshme.

Prej vetmisë

Kur një burrë dhe një grua nuk kanë asgjë të përbashkët, gruaja mund të gjejë kënaqësi te një tjetër mashkull, apo te një shok i besuar. Por problemi më pas është që ai shumë lehtë mund të bëhet i dashuri i saj. Weil thotë se tradhtia heq vetminë.

Duan të ringjallin të kaluarën

Të pasurit një histori me një ish nuk do të thotë medoemos dashuri. Më shumë, mund të tregojë një periudhë të jetës që nuk është më, rininë e shkuar, të qenët të lumtura dhe tërheqëse. Pra edhe nostalgjia i shtyn femrat drejtë tradhtisë.

Për një eksperiencë afër vdekjes

Nëse një grua merr vesh se jeta e saj do të jetë e shkurtër (për shkak të një sëmundjeje), ajo fillon ta vërë në diskutim jetën e saj. Dhe kjo e bën të vetëdijshme fatkeqësisht për vdekjen. Nëse partneri i saj nuk është edhe aq prezent në jetën e saj, kalimi drejt aktit të tradhtisë bëhet shumë i shpejtë.

Për vëmendje ose aventurë

Një grua do që vlerat e saj të njihet gjithmonë nga mashkulli që ka pranë, thotë doktoresha Weil. Nëse nuk ndodh kështu, femra këtë njohje do ta kërkojë te një mashkull tjetër. Ose, nëse mërzitet prej marrëdhënies monotone ajo do të hidhet në krahët e një “djali të keq”.

Shprehja se femrat tradhtojnë me mendje ndërsa meshkujt me trup, duket se i ka trembur për shumë gjatë këta të fundit. A ka rëndësi ndryshimi midis këtyre dy lloj tradhtish? A nuk dhembin të dyja njëlloj? Apo ndoshta tradhtia është një monopol mashkullor? Ndiqni rastet e mëposhtme të femrave që tregojnë arsyen e tyre për tradhtinë.

Rrëfimi 1

“Një herë shkova me shokun e dhomës së të dashurit tim, kur ky doli të na sillte mëngjesin. Kishte shumë tërheqje mes nesh dhe gjithçka ndodhi shumë shpejt. U ndjeva shumë keq kur ai u kthye. Ia tregova muaj më vonë dhe i dashuri nuk mundi të më falte. Nuk i vë faj.” W.W.


Rrëfimi 2

“I dashuri im aktual ishte jashtë qytetit gjatë fundjavës dhe unë u takova papritur me një ish të dashur teksa bëja blerje. Folëm në makinën e tij për orë të tëra dhe nuk mund të them se jam krenare për gjërat që ndodhën më pas. Nuk i kam treguar njeriu, por ka ndodhur.” T.S.


Rrëfimi 3

“E tradhtova bashkëshortin, sepse u lodha prej faktit që ai shikonte më shumë materiale porno sesa veprimet që bëja unë. Ai preferonte pornon përpara meje në atë kohë, ndaj edhe unë gjeta diçka që ta doja më shumë se të. I dhashë fund lidhjes jashtëmartesore dhe tani jemi shumë mirë. Nuk besoj se ai dyshon për ndonjë gjë, por tradhtia do të më rëndojë gjithnjë në zemër.” A.L.


Rrëfimi 4

“Zgjodha ta tradhtoj të dashurin, sepse nuk po më jepte vëmendjen e duhur në atë kohë. Takova një tjetër që më pëlqeu që në çastin e parë. Tani jemi bashkë, por pendohem për gjithçka ka ndodhur atëherë. Më vonë ai e zbuloi se e kisha tradhtuar.” C.H.

Rrëfimi 5

“E tradhtova ish të dashurin, sepse ai ishte një tradhtar po ashtu. Tani jemi barabar. Por gjërat përfunduan shumë keq. Ai desh më vrau kur e mori vesh, ndaj m’u desh të ndahesha prej tij.” S.W.



Rrëfimi 6

“Më duhet ta pranoj se kam tradhtuar më parë. Takova një burrë që u duk ideali për mua. Ai kishte gjithçka që partnerit tim i mungonte, ndaj fillova të dal me të. Më vonë zbulova se ai ishte i martuar, por ndërkohë kisha rënë në dashuri me të. U ndava nga partneri dhe u bëra dashnorja e ‘burrit ideal’ për dy vjet. Më vonë zbulova se ai më tradhtonte edhe mua edhe gruan. U ndava prej tij dhe u ktheva tek i dashuri që kisha në fillim.” A.F.


Femrat që kanë më shumë gjasa të tradhtojnë

Ato që kanë shumë meshkuj pranë

Ato që kanë shoqe që tradhtojnë

Ato që kanë nevojë për vëmendje

Ato që janë materialiste

Ato që e shohin seksin si shprehje e feminilitetit

Ato që janë në kërkim të rrezikut

Ato që mërziten shpejt

Ato që janë tradhtuar nga partneri

Ato që pëlqejnë të jenë në qendër të vëmendjes

Ato që janë të varura nga droga ose alkooli

Ato që pëlqejnë shumë festat

Ato që janë të varura nga seksi

Ato që kanë shumë eksperiencë seksuale

Ato që kanë tradhtuar më parë pa u lagur

Ato që kanë shumë ego

Ato që e shohin seksin si lojë

Ato që kanë pak vlerësim për veten[