Festivali i Letërsisë në Nju Jork, mbi drogën e refugjatët

Shkrimtarët më të mirë të Meksikës dhe Kubës po ashtu do të jenë pjesë e festivalit, ndërsa Salman Rushdie – shkrimtari i famshëm i “Vargjeve Satanike” do të jetë në një natë të veçantë ku do t`u përgjigjet pyetjeve të lexuesve.

Me datë 25 prill e deri me 1 maj, në Nju Jork të Amerikës vjen Festivali i Letërsisë i organizuar nga PEN Qendra. Edicioni i 12-të vjen me një diversitet temash, që nisin në ditën e parë mbi diskutimin rreth drogës dhe substancave që individët e ndryshëm marrin për të krijuar, mes tjerash, dhe për të jetuar.

Shkrimtarët më të mirë të Meksikës dhe Kubës po ashtu do të jenë pjesë e festivalit, ndërsa Salman Rushdie – shkrimtari i famshëm i “Vargjeve Satanike” do të jetë në një natë të veçantë ku do t`u përgjigjet pyetjeve të lexuesve. Autoret femra do të kenë hapësirën e tyre të veçantë të diskutimit, sidomos mbi letërsinë evropiane dhe nocionet e ndryshme të realitetit.

PEN World Voices Festival of International Literature vit për vit mbledhë shkrimtarët më të mëdhenj nga e mbarë bota për një festival që ofron ligjërata, panele, promovime librash në diskutime të thella mbi tema që preokupojnë aktualisht njerëzimin.