Më një lule n'dorë!

 FLORI BRUQI

ME NJĒ LULE N’DORË

Me një lule në dorë 

Vajza e Astrit Deharit 

Që s’e njohu babanë 

Pos n’homazhe t’varrit

Astritin s’e pa kurrë 

Me sytë e saj engjëllor 

Që shkëlqejn si rrezë 

Me shumë se hyjnor

Engjëlleshë e vogël

Mbesë ë Dakagjinit 

Buzëqeshjen e ngrirë 

N’Foton e trishtimit 

Pranë varrit t’Astritit 

Ku vunë shumë kurora 

Njerëzve u ndahej fryma 

U dridhej shpirti e dora 

Arsa s’di për urrejtje 

Shpirti i saj i dlirë 

Por s’pajtohet dot 

Me vrasësin e lirë! 

Ajo s’kupton dot 

Si bëjnë gjumë të qetë 

Me duar të përgjakura 

A ka drejtësi n’jetë?!