Ivica Dacic, sygjeron Musliun: Paraqite në Bruksel kërkesën për bashkimin e Luginës me Kosovën…

Musliu po e shqyen Serbinë (“Musliju cepa Srbiju”) është ky titulli i shkrimit të gazetës serbe V.Novosti e cila sjellë disa prononcime të shefit të diplomacisë serbe Ivica Dacici dhe ministri Aleksander Vucic rreth deklaratave të kryetarit të KKSH-së Jonuz Musliut për bashkimin e Medvegjës, Bujanocit dhe Preshevës me Kosovën, bazuar tek vullnetit i popullit të shprehur në referendimin e 1-2 marsit e vitit 1992.

Kampioni shqiptar që kërkon bashkimin e Preshevës, Medvegjës dhe Bujanocit me Kosovën është Jonuz Musliut , ish-drejtor i SHP të UCKB-së, njërit kryetari i Kuvendit e Bujanocit. Rreth kësaj dije në mënyrë ironike duket se minsitri Daçiq i është përgjigjur Musliu me fjalët “Ai le ta paraqet këtë ide në Bruksel, e shohim çfarë përgjigje do të merrte”, kurse Vulin konsideron se këto janë kërcënime për rendin kushtetues.

Sipas gazetës serbe “Kryetari i Këshillit Kombëtare shqiptar Jonuz Musliu ka kërkuar bashkimin e Bujanovcit, Preshevës dhe Medvegjës Kosovës, në bazë të një referendumi ilegal të mbajtur në këto komuna në vitin 1992!”

Kjo ide e tij separatiste paraqitura të martën për “Novosti”, kur ne e ftoi atë për të sqaruar atë se ka mirëpritur propozimin e Rexhep Qosjes i cili ka lansuar idenë tashmë të njohur për shkëmbim, e territoresh të Kosovës me Serbinë, veriu andej , kurse Lugina e Preshevës këndej.


Media serbe në vazhdim shkruan se “Musliu madje thotë se Serbia i ka grabitur Bujanocin, Preshevën dhe Medvegjën dhe se këto komuna tani duhet t’i kthehen Kosovës”

“Ne kishim një referendum mbi këtë temë në vitin 1992, çoi në luftë dhe këto territore i takojnë Kosovës. Është koha për të zgjidhur…” ka thëne Musliu për gazetën serbe.

Ai hodhi poshtë akuzat se ishte një provokim dhe shkelje të rendit kushtetues dhe se përpjekjet e tilla mund të kenë pasoja të rënda dhe madje edhe të shkaktojë konflikt të ri, percjell "Presheva jonë".

“Unë nuk shoh ndonjë problem në faktin se ai mbrojti ndarjen e një pjese të territorit të vendit me pozitën e Kryetarit të Këshillit Kombëtar, i cili është një institucion shtetëror i financuar nga buxheti” shprehet Musliu.

Musliu mendon se është koha të zgjidhen këto mosmarrëveshje, prandaj nuk bën thirrje për luftë dhe dhunë, por kjo duhet zgjidhur përmes dialogut dhe mjeteve paqësore.

Ndrësa media serbe thotë se kjo deklaratë e Musliut i ka zemëruar dhe provokuar zyrtarët serbë, duke pasur reagime të ashpra.

Zëvendëskryeministri i parë dhe ministri i jashtëm Ivica Dacic thotë se Musliu me bashkëpunëtorë janë të lirë për të shprehur këtë ide.

“Musliu me bashkëpunëtorë janë të lirë për të shprehur këtë ide. Në ditët e ardhshme le ta paraqesin edhe Bruksel dhe unë jam i sigurt se do të jetë mjaft e bukur për t’u pranuar.” ka thënë Dacic ne mënyre ironike (“Ivica Dacic, za “Novosti”, porucuje:Neka Muslijuovi sunarodnici slobodno iznesu tu ideju u narednim danima u Briselu i siguran sam da ce tamo baš lepo biti prihvacena.“)

Ministri i Punës, Aleksandar Vulin thotë se kjo është një deklaratë e rrezikshme dhe për këtë arsye do të duhej të reagonin autoritetet kombëtare. Madje sipas këtij ministri kjo është kërcënim për rendin kushtetues të Serbisë.

“Kjo nuk është një deklaratë politike, por një kërcënim për rendin kushtetues të Serbisë dhe ajo duhet të zgjidhet në mënyrë të ligjshme. Kjo nuk është një çështje e politikës, por e ligjit” ka thënë ai.


*******

Musliju cepa Srbiju

V. M. - S. J. M. | 25. januar 2017. 09:01

http://www.novosti.rs/vesti/naslovna/politika/aktuelno.289.html:646402-Musliju-cepa-Srbiju

Albanski prvak traži pripajanje Preševa, Medveđe i Bujanovca Kosovu. Dačić: Neka to predloži u Briselu. Vulin: Pretnja ustavnom poretku



PREDSEDNIK Saveta albanske nacionalne manjine Jonuz Musliju zatražio je pripajanje Bujanovca, Preševa i Medveđe Kosovu, i to na osnovu nelegalnog referenduma održanog u ovim opštinama 1992. godine!



Ovu svoju separatističku ideju izneo je u utorak za "Novosti", kada smo ga pozvali da nam pojasni to što je pozdravio predlog kosovskog akademika Redžepa Ćosje da sever Kosova treba razmeniti za Preševsku dolinu.

On je, dakle, otišao korak dalje i založio se za otcepljenje tri opštine sa juga?! Musliju čak tvrdi da je Srbija "anektirala Bujanovac, Preševo i Medveđu" i da te opštine "sada treba da se vrate Kosovu":

- Imali smo referendum na tu temu 1992. godine, vodio se i rat i te teritorije pripadaju Kosovu. Vreme je da se to reši.

On odbacuje navode da je reč o provokaciji i ugrožavanju ustavnog poretka, kao i da bi takvo nastojanje moglo da ima ozbiljne posledice pa čak i da izazove novi sukob. Ne vidi problem ni u činjenici da se zalaže za odvajanje dela državne teritorije sa pozicije predsednika Nacionalnog saveta koji je državna institucija finansirana iz budžeta:

- Mislim da to nije sporno. Ne pozivam na rat i nasilje, već na rešenje mirnim putem.

Izjave Muslijua izazvale su oštre reakcije naših zvaničnika.

Prvi potpredsednik Vlade i šef diplomatije Ivica Dačić, za "Novosti", poručuje:

- Neka Muslijuovi sunarodnici slobodno iznesu tu ideju u narednim danima u Briselu i siguran sam da će tamo baš lepo biti prihvaćena.

Ministar za rad Aleksandar Vulin kaže da je reč o opasnoj izjavi i da bi zbog toga morali da reaguju državni organi:

- To nije politička izjava, već pretnja ustavnom poretku Srbije, a to se mora rešavati zakonski. Ovo nije stvar politike, već prava.

Presidenti i Kosovës zt.Hashim Thaçi : “Dialogu s’ka alternativë, pajtimi cak i tij”

Presidenti i Kosovës, Hashim  Thaçi, ka thënë se dialogu ka arritur që të ulë tensionet, por se duhet që ai të ketë një cak të qartë, dhe ai të jetë paqja në rajon dhe pajtimi mes dy shteteve.

“Jam i kënaqur që qëllimi kryesor i takimit për uljen e tensioneve është arritur. Por na mbetet shumë të punojmë për normalizimin e raporteve ndërshtetërore. Është e rëndësishme që të kërkojmë ndalimin e veprimeve nga Serbia që qëllim kishin destabilizimin e situatës në Kosovë. Këtu përfshihen të gjitha veprimet e ndodhur në periudhën e fundit. Të dy palët jemi dakorduar se dialogu nuk ka alternativë”, ka thënë ai.

“Në këtë fazë përfundimtare të dialogut shpresoj se me ndihmën e ndërmjetësueses në fund të negociojmë marrëveshjen politike përfundimtare për normalizim të marrëdhënieve të plota dhe pajtim të plotë të Kosovës dhe Serbisë dhe popujve tanë. Vetëm një marrëveshje e tillë është paqe për rajonin. Kjo është garancë e anëtarësimit në Bashkimin Evropian dhe në NATO”

Presidenti ka deklaruar se pala kosovare do të respektojë zotimet nga takimi i së martës mbrëma me atë serbe.

Më tujtje  Thaçi ka theksuar se shpreson që edhe fqinji verior i Kosovës ta bëjë të njëjtën dhe të përmbahet nga veprimet provokuese.

“Pala kosovare do t’i respektojë në tërësi zotimet nga takimi i brendshëm. Shpresoj që një gjë të tillë ta bëjë edhe Beogradi. Përmbajtja nga mesazhet që ngrisin tensionet është në të mirë të të gjithëve”.

“Zotimi ynë është dërgimi i mesazheve për uljen e tensioneve. Në të njëjtën kohë besoj që Serbia do të respektojë zotimin për mosprovokim”.

Sa i përket rrëzimit të murit, zt.Hashim Thaçi ka thënë se ende fuqishëm është prapa fjalëve të tij se ai duhet rrëzuar.

“Të gjitha deklaratave që kam dhënë deri sot, nuk u heq asnjë pikë. Autoritet kosovare duhet të respektojnë në tërësi Kushtetutën e Kosovës. Por do të ishte mirë që ata që e kanë ndërtuar murin, ta heqin atë”.

Kryeministri serb Aleksandër Vuçiq kërkoi nga shefja për politikë të jashtme Federica  Mogherini që ta dënojë sjelljen e Prishtinës

Nërsa Kryeministri serb, Aleksandar Vuçiq i ka kërkuar shefes për politikë të jashtme të BE-së, Federica Mogherini që të reagojë publikisht dhe të dënojë për siç thuhet “sjelljen joprofesionale dhe të papërgjegjshme të palës shqiptare, dhe në qoftë se kjo nuk ndodhë, do të jetë një shenjë e qartë se shqiptarët nuk duan bisedime , por ata duan me çdo kusht që të rrezikojnë paqen e brishtë dhe stabilitetin”.

Kështu raporton Radio Televizioni i Serbisë duke iu referuar burimeve jozyrtare.

Në Bruksel mbrëmë në një takim të delegacioneve të Prishtinës dhe Beogradit është arritur pajtim për të ulur tensionet mes palëve, për të vazhduar dialogun, si dhe për atë që të dyja palët të përqendrohen në punët që i presin.

“Veriu është bombë e kurdisur, të themelohet ushtria e Kosovës”

Institucionet e Kosovës duhet që në mënyrë urgjente të transformojnë FSK-në në mision të ri ushtarak dhe të mbrojtjes, si dhe të ndërtojnë kapacitetet e plota në mënyrë të mos realizohet projekti i Serbisë për dështimin e shtetit të Kosovës.

Kështu u tha sot në Tryezën e Rrumbullakët me titull “Sfidat e Sigurisë së Kosovës 2017”, të organizuar nga Qendra Kërkimore për Politika të Sigurisë (SPRC) dhe Friedrich Ebert Stiftung (FES) në Prishtinë.

Përballja me Serbinë, veriu i Kosovës, projekti i Serbisë që Kosova të del ‘shtet i dështuar’, synimi i Serbisë që të ndikojë në juridiksionin e Gjykatës Speciale, tentimi i Rusisë për ndikimin në Ballkan, pakënaqësitë qytetare, korrupsioni dhe krimi i organizuar, rreziqet sociale e ekonomike, ekstremizmi i dhunshëm që shpie në terrorizëm, dhe zhvillimet globale që mund të ndikojnë në sigurinë rajonale janë sfidat dhe kërcënimet e sigurisë kombëtare të Kosovës gjatë vitit 2017, u vlerësua në këtë tryezë, shkruan KP.

Burim Ramadani nga SPRC-ja theksoi se viti 2017 është vit i rëndë për sigurinë e Kosovës dhe qëllimi i tryezës është të identifikojë sfidat e sigurisë dhe të rekomandojë politika të institucioneve të Kosovës në çështje të sigurisë.

Zëvendësministri i Punëve të Brendshme, Nehat Mustafa, përmendi katër kërcënime të sigurisë së Kosovës.

“Tensioni me Serbinë, ekstremizmi i dhunshëm që shpie në terrorizëm, krimi i organizuar dhe, më i rëndësishmi, shtrirja e ndikimit rus në Kosovë përmes mekanizmave që ajo i kontrollon”, tha ai.

“Veriu i Kosovës është bombë e kurdisur, por kjo situatë është duke u monitoruar në vazhdimësi”, tha zëvendësministri Mustafa.

Deputeti Nuredin Ibishi theksoi rëndësinë e mbikëqyrjes parlamentare mbi sektorin e sigurisë gjatë kësaj periudhe dhe për strategjinë e re të sigurisë kombëtare që duhet të hartohet.

“Me ndryshimin e Ligjit për FSK-në të bëhet i mundur ndryshimi i misionit të FSK-së, që të ecën rrugës së vet të ngritjes së kapaciteteve”, tha deputeti Ibishi.

Ish-komandanti i FSK-së, Gjeneral Kadri Kastrati, theksoi domosdoshmërinë e transformimit të FSK-së në Forca të Armatosura, duke shprehur bindjen e tij se çështjet e mbrojtjes duhet të trajtohen seriozisht.

“Nuk është e ndaluar që FSK-ja të ketë armatim të mbrojtjes. Qeveria dhe Parlamenti në mënyrë urgjente duhet t’i bëjnë ndryshimet ligjore për t’i hapur rrugë FSK-së në modernimin, armatimin dhe misionin e ri ushtarak”, tha Gjeneral Kastrati.

Avokati dhe analisti politik, Dastid Pallaska, tha se janë tri grupe kërcënimesh ndaj sigurisë kombëtare të Kosovës.

“Kërcënimi i parë është ndryshimi i rendit botëror, produkt i të cilit rend para disa vitesh ka qenë edhe shpallja e pavarësisë së Kosovës. Kërcënimi i dytë është procesi i delegjitimit të shtetësisë së Kosovës, përmes përpjekjeve të Serbisë dhe përmes diskursit politik të disa partive të papërgjegjshme dhe të papërgjegjësisë së Qeverisë. Kërcënimi i tretë është nocioni i shtetit të dështuar, ku përfshihet krimi e korrupsioni, keqqeverisja, paaftësia për krijimin e institucioneve që dalin nga zgjedhjet e të ngjashme”, tha Pallaska.

Ish-kryeministri i Kosovës, deputeti Agim Çeku përmendi gjatë Tryezës se Kosova në vitin 2017 përballet me pakënaqësinë qytetare, projektin e Serbisë që Kosova të jetë shtet i dështuar, si dhe ndryshimi i rendit botëror.

“Faktorë të jashtëm që ndikojnë në sigurinë e Kosovës janë edhe ekstremizmi i dhunshëm që shpe në terrorizëm dhe kriza e emigracionit”, tha Çeku.

Cikël poetik nga Mentor Thaqi

MË FAL TË LUTEM, 
I DASHUR PRESIDENT

Më fal të lutem, më fal i dashur President,
m´duhet t´flas, po n´fyt m´është zënë fjala,
sa s´po pëlcas, stërkeqja më ka pushtuar vend,
nga hardalla, shikista dhe qënie t´përdala!
Eh! Sapo ike Ti dhe shkove në Amshim,
ne mbetëm më keq t´varur se pika në lis,
vërshuan në kafshim hijenat, o Presidenti im,
secili më surratpërlyer se tjetri … zi … pis!
E, iu turrën Dardanisë me thika e sëpata,
po Ti e din … njësoj donin edhe n´kohën Tënde,
por, jo qebesa, Ti nuk lejove t´na mbulon lëngata,
e tash nuk ka kush t´na e lehtëson dhëmbjen!
A të kujtohet, Ti i mbroje t´burgosurit tonë n´Hagë,
thoshte Millosheviq çetniku, ata donin t´vrisnin Ty,
ti me krenari: Jo, s´më vrasin kurrë shqiptar´të!
Por, ai i njihte kriminelët që ishin dorë e zezë e tij!
E tash, tash po del hesapi prej tyre përledinë,
i ka rrokur keq sikleti nga Gjykataspeciale,
dhe shumë mirë se ku do të shkojnë, po e dijnë,
njëri tjetrin e akuzojnë me shantazhim fjale!
Po thuhet dhe shkruhet, i dashur President,
se disa nga ata paskan kjenë agjentë shtatë fish,
të KGB, UDB … hon e don, den baba den,
por edhe Grek, Françez, SHIK dhe dy herë SHISH!
Dhimbja na mbërtheu, na pushtuan Shpinë,
LDK-në tënde, të dashurën LDK-në tonë,
tashmë të dy “sojet” në një kallëp u shkrinë,
Filozofinë Rugoviane e bënë që të lëngon!
E di … do t´më hidhërohen pak do vëllëzër të mi,
që po e quaj PUÇ Proletar-Kominternist …
ata harruan, si e quanin më heret, unë mirë e di,
e sot s´po pranojnë se kemi Hyqymet bashk-shikist!
Pasha Epoken tënde të Nderit Rugovian,
e ka marrë thiu pushken, nuk dijm kah ia shkrepë,
pikërisht ata që ta plasen zemrën për të gjallë,
tash manipulojnë me Emrin Tënd! Medet!!!
Eh, Ty të mori Zoti, i dashur President,
ne mbetëm jetima në “përkujdesje” të dreqit,
qenka shumë vështirë, shpirti po na dhëmb,
të durojmë “mirësinë” nga soji i të keqit!!!
Më fal të lutem, më fal i dashur President,
nuk mund u qetësova pa të të shkruar k´të letër,
për një grimë identitet e dinjitet, s´na lanë vend,
askund më ta gjejmë atë krenarinë e vjetër!

MËSUESIT MESHTAR

　

(mbi t´gjitha, Shqiptar)

　

- At Shtjefën Gjeçovit -

Imzot,

Madhështinë Njerëzore,

pash, kut as hapa,

të masin nuk munden.

Bëmave, sfidat e pengesat,

pritën s´ua zënë dot,

e pusitë e pabesa

në bumerang iu kthehen.

Ka diçka njerëzore

dhe mbinjerëzore,

gjykimit, rrugë i japë!

　

Po, a ka tingëllimë më të këndshme

se cicërima shqipe?!

Shqip mes vete,

shqip, zë jete,

shqip në kishë, në shkollë,

me njeriun si me Zotin,

meshë, kuvend, rregull, rend,

gjuha jote, gjuhë e Kombit!

　

Bud, Bogdan, Tahir Bej, Tarabolluz, ...

At, një Rrugë, një Shkollë, Mësues,

o në Stubëll, o në Zym,

gjuhë për lutje, për shenjtërim,

si me shkrim e me këndim,

për pesë vaktet, gjuhë për meshë,

mbanë gjallë zemrat, Shpirtin peshë!

Po, pusia, ah, t´pa besët,

prapa shpine na qëllojnë,

as errësira, as mëngjeset,

nuk ta ndalën atë Mision!

As aty e as atje,

as këtu ashtu si dje,

Njeri i Zotit, Burrë i Kombit,

Djal i Lokes, Mësues i Popullit,

Martir Shkolle, Dëshmor Lirie,

n´sakrificë për dritë e dije,

n´Rrugë sublime, Shkolla ime,

n´Dardaninë e plagosur,

plaga ime, plaga jote,

n´teh ndërgjegjeje të k´saj Bote.

Në therror o Shenjtor,

fyt për fyt me terror,

ishim n´hall e ishim n´zor,

se erdh dreqi Revizor!

　

Rënia jote n´Fushë të Nderit,

pritave t´pista në pusi.

- Po kush vret Njeriun e Klerit?!

Ai gjak prishur e derëzi!

N´sakrificë, ashtu si Krishti,

në shërbim të Dritës s´Diellit,

pabesinë, shkjaut ia grishi,

At Gjeçov, Rrugës drejt Qiellit!!!

　

10.03.2011

N´KUVENDIM ME PRIZRENIN

(Një kuvendim poetik pak më ndryshe)

"Heu, të shtatë krajlat e rrehin telin,

...kenkan mbledhë krejt te Perzereni..."!

Oshëtimë,

nga Kalaja ke Kazaja!

Col Deli hë marakli,

telat akodrim

me krismen e kohës,

vet mbete e Pashai shkoi qebesa,

atje ku nuk lakmon kush,

emër e hise shkymur,

me turpin e pabesisë kalistrok!

Po, telin le ta rrahin

jo shtatë a shtatëdhjetë,

por, krejt sa të ketë,

se pasha tokë e qiellë,

ne tonën,

e tham vetë,

e do mbes përjetë,

se sot vramë robërinë,

frikën dhe osmanllinë!

Eh, Kalaja po thot,

e tha dje si sot:

- O Përzereni jem,

ma ruaj Ison e Giuhës së Bogdanit,

qysh fliste Agroni e Batoni,

e jo të Sulltanit as të Ballabanit,

pa murtat e pa hudut të huaj,

se fjalen e dhënë,

ska më kush ta luaj!

Ev ev,

kënga e një Malsoreje,

e asaj Hasjanes sime,

që të merr gjak mbi vetull

e nuk rrin, jo, palë si petull,

nuk mbathë kurr

kundra-nallane,

veç den baba den, gogishte hasjane,

po m´ja thot si Kanarinë,

ah, t´lumtë goja ori Rinë:

"Në Prizren o në t´bukurin vend,

mblidhen burrat o në Kuvend, ..."!

As Tusun as Tullusum,

jo, me turq o shkja s´ke punë,

as Magjar e as Mehmet,

as tradhëtar e as ibret,

se tash puntë tona i kçyrim vet!

Eh, pashë n´jat gjak që dha Toplica,

e pashë n´jat plagë që ka Konica,

mos të lëmë hudut n´mes veti,

se mallkim na japë Mileti!

Ah, o i urti Ymer Prizren,

o lum burri, fjala t´zën vend,

se sot ke Parinë n´Konak,

e t´ka ardh dhe lufta n´prag,

o t´jetojm t´lirë n´dinjitet,

o t´na humbë emri përjetë?!!!

10.06.2011

　

Kush s´don plis, le t´vëj kapicën!

Në Prizrenin mbi Lumbardh,

Historia, shumë flet,

është e Lidhjes, Shtëpia e Bardhë,

Legjendë e gjallë, përjetë!

Kem një Pllakë me pak fjalë,

një Histori e jonë,

një lajm tërmeti, sot ka dalë,

se dikënd po e pengon!

Kush guxon Pllakën ta prekë,

ka luajtur me zjarrë,

mos ti shkon mendja ta hekë,

se do bëhet varr!

Për ne është Nderi Kombëtar,

dikush luan me të,

nuk besoj që ka Shqiptarë,

që do duroj më!

Nuk ka lojë me sakrificën,

e popullit tonë,

kush s´don plis, le t´vëj kapicën,

kështu do t´jetë gjithmonë!

Jo, për hatër të dikuj,

nuk nd´rrojmë Identitet,

jo për ca vite a pak muaj,

ne kemi bërë Shtet!

Jem një Komb, kem një çëndrim!

Dhe, një Histori!

Ska lëshime n´këtë drejtim,

secili le ta dijë!

Ka këtu gjëra të Shenjëta:

Liria, Gjuha, Kombi!

T´kenë kujdes, janë tepër t´shtrenjëta,

ky farë model Zombi!!!

Ajo Pllakë, është e shenjtë,

me bekim të Zotit!

Aty e ka vendin e vetë,

Shekujve mot pas moti!

 28.04.2010　

　

AI VET!

　

(Dëshmorit të Kombit - Tahir Sinani)

　

Përtej Çafë Prushit,

tej-përtej Korabit,

në Konçull

a në Kallavaja t´Junikut,

i Madh në Hapa,

fjala zjarr,

shkreptëtimë plumbi,

AI vet, i Madhi

e hija pas tij

Tahir Sinan Shqipnia!

　

Po cili s´ía dëgjoi fjalën

e kush s´i dha brkimin,

Malsorit Kreshnik?!

　

Ah, Shqipnia ime

në ballë prej veri,

si flakë vetëtime,

nxjerrë dy fjalë nderi:

- E rrita për Tokën,

për Tokën e të parëve,

po, ai më nderoi Votrën,

Ai vet, Legjenda Shqiptare!

　

03.05.2011 

　

　

　VËLLAUT TIM LUFTËTAR

　

Rrugët, itinerar përditshmërie,

ti Ushtar i Lirisë

dhe helm ushqim-shpirti,

në emër të sedrës krenare!

Në fjalëkryqin tënd,

e panjohura enigmë:

Çështë Liria?!

Përgjegja e shkurtër të del,

zhgënjimi yt sot,

shpresojmë, jo dhe nesër!

Të dashurit të ranë,

cytësit dhe nxitësit

i sheh vetëm në TV

e strofullat-pallatet, çdo ditë,

me mure e kangjela

për qetësinë e tyre në relaks,

larg teje e lypsave!

E ti, cili je?!

Ai që zjarrin nga goja nxirrte,

para se ti villte pushka,

e që për emrin e Lirisë,

as dy fjalë s´i bëje

e drejt në gjoks shkelësit!

Sot, kokëulur, i zhgënjyer,

me shpirtë të gërryer, jo i thyer,

pëllëmbët, akoma të forta

qoftë edhe për një fytrrokje,

se Liria në zhgënjim

(s)guxon të kthehet!

Po, mate mirë veten,

për edhe një hap,

në shpëtim sedre,

kthim Identiteti!

25.03.2011

　LABES SIME!

　

Këmbëzbathur, bregut t´detit,

Shtatëhedhura lozonjare,

dridhet Joni prej sikletit,

don t´përgëdhelë me valë tinzare!

　

Jo, nuk ka faj Joni shkretë,

vapë e verës, përcëllon,

kur t´sheh gjoksin, ah medet,

nga meraku, ujin e vlon!

　

Këmbëgjatë moj, si sorkadhe,

lëkurëhollë si mazë e qepës,

ah medet, bela e madhe,

si ti gjejë unë derman vetes?!

Buza jote si qershitë,

kur më piqen në Gjirokastër,

dhëmbtë e bardhë, natën bëjnë dritë,

si ingji, bilur të pastër!

　

Në Sarandë, në Orikum,

t´kam zënë pritë, vendit nuk luaj,

si Hyjneshë moj në Butrothum,

qesh një herë, sa t´duash t´paguaj!

　

N´Kala t´Borshit o në Fterrë,

t´lë takim, aty më ke,

o më vrit moj, o më merr,

n´gjirin tënd një natë të fle!

　

Shkrumb u dogja prej sevdasë,

Labja ime, shpirtë o xhan,

jo as Flladi i Llogarasë,

s´më flladitë, ti m´bën derman!

　

Jo qebesa, as Syri i Kaltër,

Syrit tënd s´i del përballë,

t´puthë një herë moj, marrsha malet,

seç më shkoi koka vërdallë!!!

　

15.04.2011

　

　MOLLAT E RAMËSEFËVE

　

Në fund të bahçes sonë,

bahçja e Ramësefëve,

Nune, vet mezhda në mes,

hije më hije

ndejat bekoi!

　

Molla Gjyle nga Nëna Gjylë,

pshtjellakun plot

nga dorëlirësia,

se "gjymerte e madhe është",

thoshte Nëna ime.

　

Eh, syri i uritur

në shpoti përtej tarabave shelgjeje,

Kopshti i Kaçorrëve

pikësynim i fshehtë,

për një trangull

të "hajnisë" fëmijërore,

e që pas shamate

rrypi nga dorë e nënës,

vija-rrugë të skuqura

n´prapanicë na linte, qebesa!

　

Ev, Dynja e rrejshme!

Plakat në mes bahçeve,

me nga tri orë bisedash

pas përshëndetjeve në largim

për tematikat Shkup e Shkodër,

pa qenë kurr në to,

se p´veç Lamës së Grave në Pejë,

sheher tjetër rrallë panë!

　

Ah, i Madhi Zot,

të falem për mallin e pashuar,

dy pika loti, shpirtit shpëtim!

Po po, malli në ëndërr,

e ëndërra në mallëngjim,

një rrotacion dhëmbshurie

për kohën që në teh pret

e nuk na pret

në ikje pa ne!

Eh, Lluka ime

me atë fëmijëri të humbur,

diku pas 7 Palë skamjesh,

që me mallë dynjaje

shpirti s´e ndrron,

se skamja p´veç trishtimit

ka dhe bukurinë e vobeksisë

që vulë jetës i japë!

Fundja, "shyhreti i Jabllanit", thoshte Jevgu.

"Koliba jeme, por... jeme, shlirë!".

25.04.2011

　

　VOJSA E POETIT

　

(përgjigje poetike poetit - s. rr.)

　

Poet,

mos dil në atë koder,

të lutem,

po nuk ia more njëherë

majekrahçe,

po nuk i kërkove

falje e ndjesë

Plepit të tharë

nga malli për njerëzit,

e ai me shushurimë heshtjeje

ndoshta, do na falë mëkatet,

se qebesa

as Dora e as Ora

nuk i dhanë kujdesin!

Eh,

njeriu i penës,

sa ke Vojsa e sa ke Çepuri,

Unit e Muzës

respekt borxhi

nga ai që din e mundet

se tevona

Jeta grumbullon

Koren e vet të Bereqetit

e Tymirëmbetç

veç Përjetësisë i thuhet!

Gjallë sa të jemi,

gjallëri, vetes i falim

me dorën dhe mendjen tonë!

Nderim vetes që të ta mbajnë ison

brezat

shpatieve mbi lugina!

　

23.04.2011

　

　

FATI

　

Nuk i dihet fatit,

ësht një fjalë e vjeter,

e kem nisur mirë

dhe mbaron shumë keq,

dhe mua të ngratit

më doli diq tjetër,

jeta pa dëshirë

na ndau veç e veç.

Tash, jemi të vuajtur,

jemi të përhitur,

ishim kapriqioz,

plot inatë ndaj vetes,

me ndjenja kem luajtur,

ah, se paskem ditur,

si lojë në bixhoz

ësht dhe fati i jetës.

　

S´pari duhet pri,

ai pastaj të ndjekë,

të jesh stoik

ndaj tallaseve t´kohës,

ngritesh përsëri,

barren e tepërt hjekë,

shpesh tragjikomik

në vallen e botës.

　

01.06.2006

URIMLUTJE E DREJTË

　

Na udhëzo o Zot,

n´Rrugën tënde t´drejtë,

siç na ke udhëzuar,

shekujve me radhë,

kemi Pashkët sot,

k´të Ringjallje t´shenjtë,

Kombi im, Gëzuar,

në Paqë k´të Ditë t´bardhë!

　

Kemi Festë YnëZot,

jemi të gëzuar,

kemi hapur zemrat,

kemi shtruar sofrat,

t´lutem, na e falë sot,

Buken e Bekuar,

ti fisnikërojmë ndjenjat,

ti rigjallërojmë Votrat!

　

Na beko o Zot,

jemi t´gjithë bijtë tu,

t´krishterë, muslimanë,

budistë e hindu,

dhe të lutem sot,

n´çdo vend e çdo ku,

Ty që Boten mbanë,

t´përulem nga këtu!

　

Jo, me vëllaun tim,

s´kam fare dallim,

ai të beson Ty

njësoj sikur unë,

mund të kem ndryshim,

veç n´interpretim,

t´bëj be n´kta dy sy,

është gjë e bukur shumë!

　

Me Bekimin tënd o Zot,

unë do bëj Urimin,

për motra e vëllëzër,

të mi të Krishterë,

jam si ata unë sot,

njësoj ndjej gëzimin,

i dua me zemër

dhe sot si gjithëherë!

　

Dhe, më ndje o Zot,

po ta thëm me shpirtë,

pasha Nënën Terezë

dhe katër Librat e Shenjtë,

sa jam i Krishterë sot,

aq dhe musliman i mirë,

se zemrën, mbanë ndezë,

Rruga Jote e Drejtë!

　

Ju uroj nga zemra,

ju uroj nga shpirti:

Urime dhe Gëzuar,

për gjithëjetë e mot,

mos iu ndaltë kurr kënga,

mirëqënia e gëzimi,

qofshi të Bekuar,

nga i Madhi Zot!!!

　

19.04.2011

　　

　

ULQINI

　

Në një mbrëmje të ngrohtë Gushti,

rreth e rreth Kalasë i rashë,

nuk ka n´Botë si (Ulqini) Dulcinumi,

vetmevete t´madhe thashë.

Kulla e Balshajve mbi atë koder,

qindra vjet rrin karshi,

i bën hije Plazhit t´vogël,

ballë-përballë me qesëndi.

Valdanozi si n´përrallë

me nëmijë trupa ulliri,

në breg t´Detit zbret shkallë-shkallë,

zalli tijë në botë më i miri.

Prej Gryk´s t´Bunës, në Tivar,

Anamal, Shas e Shestan,

vend më t´bukur për beqarë,

në tërë botën gjetur s´kam.

　

29.11.2005

Agjencitë e lajmeve botërore, Reuters, AP, AFP, DPA e APA shkruajnë se takimi shërbeu për uljen e tensioneve edhepse tensione thuhet të ketë patur gjatë tërë kohës.

Në Bruksel përfundoi mbrëmë vonë një raund i ri i dialogut mes delegacioneve të Kosovës dhe Serbisë. Në këtë takim morën pjesë delegacionet në nivelin më të lartë, por marrëveshje konkrete nuk ka.
Agjencitë e lajmeve botërore, Reuters, AP, AFP, DPA e APA shkruajnë se takimi shërbeu për uljen e tensioneve edhepse tensione thuhet të ketë patur gjatë tërë kohës.

Takimi i delegacioneve të Kosovës, të përfaqësuar nga presidenti Hashim Thaçi dhe kryeministri Isa Mustafa dhe homologëve të tyre nga Beogradi Tomisllav Nikoliq dhe Aleksandar Vuçiq, u cilësua si shumë i rëndë. Delegacionet ishin shumë të kujdesshme në deklaratat e tyre pas takimit në nivelin më të lartë dhe shikuar nga paraqitja e delegacioneve, marrëveshja e vetme serioze ishte që të vazhdohet me përpjekjet për zgjidhjen e problemeve.

Ndërkohë, që takimi u mbajt pas tensioneve shumë serioze të kohëve të fundit me ngritjen e murit në veri të Mitrovicës, arrestimin e ish-kryeministrit të Kosovës Ramush Haradinaj në Francë, përpjekjen e Serbisë për të futur në Kosovë një tren me mbishkrimet "Kosova është Serbi” dhe reagimin e Kosovës me dërgimin e njësisë speciale, raportojnë mediat ndërkombëtare.

"Ka qenë një takim jo i lehtë, por i nevojshëm dhe domosdoshëm për uljen e tensioneve mes shtetit të Kosovës dhe Serbisë, por dhe për të biseduar hapat e mëtutjeshëm për normalizimin e raporteve mes Kosovës dhe Serbisë si dy shtete”, theksoi presidenti i Kosovës, Hashim Thaçi, duke shtuar se ai shpreson "që Serbia pas këtij takimi do të ulë pretendimet e saj për të cënuar integritetin territorial dhe sovranitetin e Kosovës".

“Serbia duhet ta njohë Kosovën”

Sipas presidentit Thaçi, "Serbia do të duhej ta njeh Kosovën sa më parë që është e mundur”. Por presidenti Thaçi nuk konfirmoi nëse takimet do të vazhdojnë së shpejti dhe kur. “Thirrjeve të Serbisë për luftë, ne i përgjigjemi me angazhimet për paqë dhe me proces për dialog dhe fqinjësi të mirë”, tha ai, duke shtuar se Kosova gjithmonë do të veprojë si shtet sovran dhe konform ligjeve të veta, për të mbrojtur integritetin territorial dhe sovranitetin.

Delegacioni i Kosovës ka kërkuar që muri të rrënohet sa më parë në Mitrovicë, që është në kompetencat e institucioneve të Kosovës. “Por vazhdimi i veprimit të strukturave paralele në veri, dhe prezenca e trupave serbe atje, paraqet rrezik për Kosovën. Shteti i Serbisë në rast cënimi të sovranitetit, do ta marrë përgjigjen në përputhje me ligjin”.

Presidenti Thaçi tha se ata kanë hapur shumë çështje të rëndësishme në këtë takim, ndër to edhe çështja e fleëtëarresteve dhe mbrojtja e shqiptarëve në Luginën e Preshevës. Për dallim prej delegacionit të Kosovës, kryeministri serb Aleksandar Vuçiq nuk lejoi asnjë pyetje.

Vuçiq nuk lejon pyetje

“Kemi pasur një takim jashtëzakonisht të vështirë. Vështirë që mund të kujtoj ndonjë takim më të rëndë se ky”, theksoi Vuçiq. Palët kanë konstatuar se pozicionet mes tyre janë diametralisht të kundërta. „Me mbështetjen e Bashkimit Evropian, kemi arritur marrëveshje të vazhdojmë takimet, një seri takimesh të tjera të dialogut në nivelin më të lartë. Ne do të përpiqemi që të ulim tensionet dhe të sillemi në mënyrë të përgjegjshme për zhvillimet, duke mos folur keq për palën tjetër”, tha Vuçiq. Ai tha se do të kërkojë prej ministrave në Beograd që të sillet mbi bazën e kësaj marrëveshjeje. Vuçiq ishte „i sigurt se nesër dhe ditëve të ardhshme nuk do të ndodhin gjëra të cilat kanë ndodhur ditëve të kaluara”. Besoj se dialogu është mënyra e vetme dhe më e mirë për zgjidhjen e problemeve, theksoi Vuçiq, i cili dukej jashtëzakonisht i deprimuar gjatë paraqitjes para gazetarëve në Bruksel.

„Bisedimet janë të domosdoshme, sepse në këtë mënyrë ruajmë njerëzit në rajon, pavarësisht a janë shqiptarë apo serbë. Kështu dëshmojmë se nuk duhet të dëmtojmë palën tjetër”, tha Vuçiq duke konstatuar se „paqa dhe stabiliteti janë gjërat më të rëndësishme për të gjithë popujt në Ballkan”.

Nikoliq: Çdo serb do të luftonte për Kosovën

Për dallim prej Vuçiqit, presidenti Nikoliq u përgjigj gjërë e gjatë në pyetjet e gazetarëve, para takimit. Ai bëri të qartë edhe njëherë se Serbia kurrë nuk do ta njohë Kosovën dhe se “ai dhe çdo serb tjetër do të shkonte në Kosovë për të luftuar, në rast se cënohet jeta e serbëve të Kosovës”.

Thomas E. Ricks, profesor i Harvardit: Në mars mund të ketë trazira në Kosovë, kjo është mënyra e madhe që Vladimir Putin ta testojë Donald Trumpin ?

Thomas E. Ricks

https://en.wikipedia.org/wiki/Thomas_E._Ricks_(journalist)

Thomas E. Ricks, profesor i Harvardit, dhe ish gazetar i mediave më prestigjioze në botë, si “Wall Street Journal” dhe “Washington Post”, ka shkruar një opinion për revistën Foreign Policy, ku ai tregon, pse beson se në mars Kosova do të përballet me trazira. Kjo sipas tij do të ndodhë shkaku se është forma më e mirë që Putini ta testojë Tumpin.

Ricks, i cili e ka përcjell Ushtrinë Amerikane për “Washinton Post”, që nga viti 2000 deri në vitin 2008, thotë se dëshira e Trumpit për të shmangur konfrontimin me Rusinë do të ketë pasoja për disa vende e sidomos për Kosovën.


Ky gazetar amerikan i specializuar për politikat e mbrojtjes, pasi spjeson tensionet e fundit në mes të Kosovës, sidomos ato me trenin, thotë se ugjedhja e Trumpit si president i SHBA’së, ka vënë në pikëpyetje mbrojtjen e Amerikës ndaj Kosovës.

“Duke u bazuar në komentet e Trumpit për NATO-n si dhe afërsia me Rusinë kanë bërë që të vihet në pikëpyetje mbrojtja e Amerikës nda Kosovës. Veprimet e fundit të Serbisë në prag të zgjedhjeve të Trumpit vështirë së mund të jenë rastësi. Duke e ditur se Rusia ka më shumë përparësi tash pasi që Trump është zgjedhur president, Serbia mund të bëjë kalkulimet e saj që Rusia do ta përkrahë në “mbrojtjen e serbëve” që jetojnë në veri të Kosovës”, ka shkruar Ricks.

Ai shkruan se a do të jetë i gatshëm Trump ta braktis Kosovën, për të mos i rrezikuar marrëdhëniet me Rusinë?

“A do të jetë i gatshëm Trump të rrezikojë marrëdhëniet me Rusinë në mënyrë që trupat serbe të hyjnë në veriun e Kosovës? Kjo gjë është me siguri e mundshme, që administrata e Trump të jenë të gatshëm të braktisin Kosovën”.

“Nëse trupat serbe do të hynin në Kosovë pa ndonjë cenzur nga SHBA-të, kjo do të shkaktojë kaos në NATO dhe frikë tek shqiptarët e Kosovës për shkak se ata do të ndjehen se janë “pushtuar” nga Serbia si dhe që janë braktisur nga komuniteti internacional”, thotë Ricks, duke shtuar se kjo gjë mund të qojë deri në dhunën e cila ka ndodhur në mars të vitit 2004.

Dhe më pas sipas tij, ky jo stabilitet në Kosovë ka gjasa të përhapet dhe në këtë mënyrë të ketë pasoja të rënda për rajonin, veçanërisht në Maqedoni dhe Bosnje si dhe paqja në Ballkan të jetë jo e balancuar.

Hajt medet , çka na ka gjetë ?!

Propozimi i Akademikut Rexhep Qosja: 

Veriu i Kosovës t’i jepet Serbisë për Preshevën

Akademiku Rexhep Qosja ka propozuar shkëmbim territoresh mes Kosovës dhe Serbisë. I ftuar në ‘Zona e Debatit’ në Klan Kosova, Qosja tha veriu i Kosovës duhet t’i jepet Serbisë në këmbim të Luginës së Preshevës, ndërsa është shprehur i gatshëm të bisedojë me serbët për çështjen e kufijve.

Qosja ka deklaruar se e vetmja rrugë për të arritur tek një zgjidhje e qëndrueshme është që të ketë shkëmbim territoresh me Serbinë.

“Çështja serbe mund të zgjidhet duke u shkëputur një pjesë e Kosovës, veriut, dhe duke u bashkuar Lugina e Preshevës me Kosovën. Kjo nuk është e lehtë dhe ne mund të mendojmë se Serbia nuk do të pajtohet lehtë. Por, është koncept të cilin ne duhet ta kemi përpara gjithnjë”- ka thënë ai.

Sipas tij, tani për tani pajtimi i shqiptarëve dhe serbëve është utopik dhe i pamundshëm.

“Ata nuk e heqin mendjen nga një koncept i para 300-400 vjetëve. Serbia sundohet nga njerëz që jetojnë me mitologji”, ka thënë ai. “Shqipëria dhe Kosova do të bashkohen. Si do të zgjidhet problemi i veriut dhe Luginës së Preshevës varet nga ne dhe këmbëngulja e mençuria jonë. Por, ne do të bashkohemi”- tha Qosja.

Nga Rexhep Qosja : Kritikëve të propozimit tim për shkëmbim territoresh me Serbinë

Kam këtë përgjigje për ju që po e kritikoni aq emocionalisht propozimin tim të botuar disa herë, edhe para 30 vjetësh, për shkëmbimin e Mitrovicës Veriore të banuar me serbë me Luginën e Preshevës – me Preshevën, Bujanocin, Medvegjën e fshatrat përreth të banuara me shqiptarë.

Me dallim prej meje që do të doja ta shpëtoja Kosovën prej shtetit të quajtur Bashkësi e Komunave Serbe, domethënë prej shteteve të vogla serbe nëpër Kosovë, dhe t’i jepet Serbisë një pjesë e vogël e Kosovës Veriore e banuar me serbë dhe e sunduar edhe tani prej Serbisë, të cilëve do të mund t’u bashkoheshin edhe serbët e viseve të tjera të Kosovës, e t’i jepeshin Kosovës Presheva, Bujanoci e Medvegja me fshatrat përreth të banuara me shqiptarë, ju në realitet do t’ia dhuroni Serbisë të dyja: Mitrovicën Veriore, e cila që tani po bëhet qendër administrative, ekonomike, arsimore e kulturore serbe nën sundimin e Serbisë dhe Luginën e Preshevës, e cila do të shpopullohet prej shqiptarëve e do të popullohet prej serbëve!

E këtillë, mjerisht, është e ardhmja e çështjes ende të pazgjidhur plotësisht shqiptaro-serbe, që na e dhurojnë mendjet që mendojnë vetëm sot për sot dhe që shohin vetëm deri te kthesa e parë: vetëm deri te muri i rrënuar buzë Ibrit dhe vetëm deri te treni i dekoruar i kthyer pas Beograd-Mitrovicë! Dhe të gatshëm – që të na pagëzoni kombi kosovar!

Nuk dua të mendoj që kjo politikë është e frymëzuar më parë prej propagandës së atyre që gëzojnë frytet e tregtisë së zezë të mafisë serbe dhe të mafisë shqiptare në Mitrovicën Veriore sesa të mendjepakësisë e të padijes.

Pandeli Majko e konsideron të gabuar propozimin e akademikut Rexhep Qosja për shkëmbim territoresh mes Serbisë dhe Kosovës

Deputeti Pandeli Majko e konsideron të gabuar propozimin e akademikut Rexhep Qosja për shkëmbim territoresh mes Serbisë dhe Kosovës, i cili u shpreh para pak ditësh në një emision televiziv se Serbisë duhet t’i jepet veriu i Kosovës në këmbim të Luginës së Preshevës, ndërsa bashkimi me Shqipërinë do të ndodhë. Përmes një statusi në Facebook, Majko shprehet se historia e re dhe e vjetër i kanë mësuar kombet se kufijtë nuk vendosen mbi dëshira kombëtare, ndërsa hapja e diskutimeve të tilla pas krizës së “trenit” të provokimit serb nuk është i dobishëm.

Postimi i Pandeli Majkos:


Rexhep Qosja padyshim është një cilësi e pandryshueshme kombëtare.
Propozimin e tij për shkëmbim të territoreve midis Kosovës dhe Serbisë e konsideroj të gabuar.
Historia e re dhe e vjetër i kanë mësuar kombet se kufijtë nuk vendosen mbi dëshira kombëtare. Ato janë dhe mbartin garancitë ndërkombëtare. Kufiri është serioziteti i cdo shteti për të respektuar fqinjin. Ai shpreh vullnetin për të respektuar rregullat ndërkombëtare që e bëjnë atë anëtar të Organizatës së Kombeve të Bashkuara.
Hapja e diskutimeve të tilla pas krizës së “trenit” të provokimit serb nuk është i dobishëm. Tashmë ka një vullnet ndërkombëtar të shprehur për sovranitetin territorial të Kosovës. Dëshirat janë njerëzore. Shteti ka qëllime. Nuk është e nevojshme që, pikërisht tani, të ngrihet nga ata që i duan dhe nuk i duan shqiptarët pyetja “Cfarë duan shqiptarët!?”
Pasiguria në marrëdhëniet ndërkombëtare nxjerr të humbur palën që e nxit atë.
Me respektin maksimal për Rexhep Qosen, për një mik që koha nuk e ndryshon… Nga ai kam mësuar se serbët njohin vetëm ato kontrata që nuk e nxjerrin humbës.

Ish-ministri i Mbrojtjes për shkëmbimin e territorëve:Akademik rexhe  Qosja ka të drejtë, duhet parë si një mundësi

Ish-ministri i Mbrojtjes, Sabit Brokaj, mbështet tezën e akademikut Rexhep Qosja për shkëmbimet e territoreve me Serbinë duke argumentuar se ky mendim duhet parë me mençuri dhe objektivitet.

Brokaj thekson se faktori ndërkombëtar po toleron më shumë veprimet e serbëve në Kosovë, sesa vetë shqiptarët.

“Pa e analizuar, në shikim të parë të duket si një gjë e papranueshme. Por e thënë nga një mendimtar i thellë dhe një patriot i madh, siç është Rexhep Qosja, politika duhet ta mendojë mirë. Unë mendoj se ky propozim duhet të jetë në tavolinën e bisedimeve të politikës shqiptare”- thotë Brokaj për “Panorama”.

Duke analizuar përsenë e këtij qëndrimi, Brokaj akuzon ndërkombëtarët se po tolerojnë serbët, ndërkohë që “flitet dhe pranohet nga të gjithë se jemi për bashkimin e shqiptarëve në BE. Por ne shohim që sikur nuk po ecën integrimi europian”.

Në kushte të tilla, përballë një propozimi të një mendimtari si Qosja, “politika nuk duhet të ngutet dhe të kthejë përgjigje. Patjetër duhet parë si probabilitet i këtij realiteti se si vlerësohen shqiptarët”.

Ai kritikon qëndrimin e socialistit Pandeli Majko, duke thënë se ai po merret me slogane, në një kohë kur vendi sa i takon integrimit nuk po ecën.

Gazeta Express u përgjigjet akuzave

 të Rexhep Qoses

Qosja shndërrohet në revolucionar vetëm në momentin kur pushojnë se ekzistuari arsyet financiare. Është normale që të pikëllohesh nga vdekja e Astrit Deharit, por si është e mundur që nuk të kishte penguar vrasja e Xhemail Mustafës dhe dhjetëra zyrtarëve të tjerë të vrarë pas luftës?
Atëherë kur ishte koha për gjak, Rexhep Qosja e kishte rruar mjekrën dhe ishte përvjedhur me masën për të ikur deri në Maqedoni. Por fillimisht kishte qëndruar në llucën e Bllacës pa pikën e dinjitetit.

Nuk kishte vonuar shumë dhe çdo gjë kishte përfunduar. Falë ndërhyrjes së trupave të NATO-s, të nxitura nga lufta e UÇK-së, edhe Qosja, bashkë me gra e me fëmijë, ishte kthyer në shtëpinë e tij në Prishtinës, siç i thonë fjalës, pa therë në këmbë.

Sikur të mos kishte ndodhur asgjë, sikur të mos kishte qenë ky i pari që e kishte braktisur vendin e tij, Qosja u kthye nga refugjatllëku më trim se kurrë.

Pas luftës, de fakto, erdhën në pushtet të dashurit e tij, krahu i luftës, që besonin që ideologu i “Revolucionit të vonuar demokratik” ishte shkrimtar i përmasave ndërkombëtare. Ata po e dëgjonin Qosen duke kërkuar koka. Po shpallte tradhtarë në të majtë dhe në të djathtë. Po miratonte vrasjet e shkrimtarëve. Po heshtte kur po vriteshin ata. Nuk po e drejtonte gishtin në asnjë drejtim. Kështu për shembull kur u vra Xhemail Mustafa as nuk e akuzoi shtetin e as pushtetin, siç po bën tash për Astrit Deharin. Nuk bëri kështu as kur u vranë me dhjetëra të tjerë zyrtarë të LDK-së. Përkundrazi, ai po e kërkonte kokën kryesore, atë që e la Qosen në margjina, kokën e Ibrahim Rugovës. Sepse Qosja mendonte që pushtetin duhet ta marrin, edhe de jure, ata që e fituan luftën.

Kush?

Forcat e KFOR-it?

I mundur në të gjitha drejtimet, Qosja u ngujua në shtëpinë e tij në “Kodër të Diellit”, duke e pritur momentin e tij politik. Jo të tijin, sepse ai kishte mbaruar, por të shokëve të tij, gjë e cila edhe ndodhi, për turpin e tij. Qosja pastaj u shndërrua në shkrimtar të oborrit, rol të cilin ai e kishte kryer edhe në kohën e Josip Broz Titos. Sikur në kohën e Titos, edhe në kohën e Thaçit, Qosja u shpërblye për shërbimin e tij. Për librat e tij ai mori qindra mijëra euro. Për çfarë librash? Ato që edhe më tutje synim të vetëm kanë vetëm një treg – atë shqiptar. Sigurisht që për tirazh nuk vlen të flitet.

Në këtë mënyrë, për disa vite me radhë, Qosja po kujdesej për reputacionin e Thaçit, kurse Thaçi për mirëqenien e Qoses. Në momentin e parë kur përfundoi tagjia, Qosja iu kthye revolucionit. Filloi ta godiste Qeverinë. Në fakt jo gjithë Qeverinë. Vetëm njërën pjesë, atë të LDK-së. Shih ironinë! Sulmon Isa Mustafën për kohën e Jugosllavisë. Në anën tjetër në gazetën “Rilindja” qëndron monumenti i tij i turpit, elozhi që ai i thur një diktatori, Josip Broz Titos, kur ky i fundit kishte vdekur.

Pra, Qosja është revolucionar vetëm në momentin kur nuk ka arsye financiare për të qenë me pushtetin. Nuk ka lidhje çfarë është pushteti. Ai u është përkulur të gjitha pushteteve. Tek e fundit, a keni dëgjuar që ndonjëherë Qosja është arrestuar, burgosur, ose keqtrajtuar, prej cilitdo pushtet?

Tash së fundmi, dje, sikur Veton Surroi pardje, Qosja, në mes tjerash, duke folur për vdekjen e dyshimtë të Astrit Deharit, kishte sulmuar “Gazetën Express”, që, sipas tij, është një medie e kriminalizuar, vegël e pushtetit, që vret.

Madje, çfarë qyqarllëku, Qosja në mënyrë të përveçme e përmend vetëm “Gazetën Express” si pjesëmarrëse në krim. Sepse ai nuk guxon, për arsye të kuptueshme, që të lëshohet me emra konkretë politikanësh, që mund të kanë përgjegjësi në këtë vrasje. A e ka dëgjuar dikush prej jush Qosen duke akuzuar në mënyrë konkrete Hashim Thaçin? Po Kadri Veselin? Po Xhavit Halitin? Nuk e keni dëgjuar pra! Sepse ndaj tyre ka borxhe të shumëfishta. Ai godet vetëm atje ku është më lehtë, dhe më pa pasoja.

Sido që të jetë, “Gazeta Express”, edhe po të donte, nuk do të mundë ta ndëshkonte Qosen më shumë dhe më rëndë sesa e ka ndëshkuar qytetari i Kosovës. Ai kurrë nuk kishte arritur që të merrte pëlqimin e më shumë se 2 për qind të tyre.

Po ashtu, “Gazeta Express” edhe po të donte nuk do të mundë t’ia nxinte jetën më shumë sesa çmimet në letërsi të Ismail Kadaresë. Këtë të fundit Kadare e ka shpallur rival në mënyrë të njëanshme.

“Gazeta Express”, duke e konsideruar Qosen shkrimtar të përmasave komunale, i dëshiron këtij të fundit pleqëri të lehtë dhe jetë të gjatë. Sigurisht në Shqipëri kanë ngelur edhe më tutje bashki, ose komuna, që do të mundë ta nderonin edhe më tutje shkrimtarin tonë të madh. Kanë ngelur edhe më tutje çmime që do të mundë t’i rrëmbejë, por asnjëherë përtej rajoneve ku nuk flitet shqip.

Ideja e Rexhep Qosjes që rrezikon Kosovën!


“Çështja serbe mund të zgjidhet duke u shkëputur një pjesë e Kosovës dhe duke u bashkuar Lugina e Preshevës me Kosovën. Kjo nuk është e lehtë dhe ne mund të mendojmë se Serbia nuk do të pajtohet lehtë. Por, është koncept të cilin ne duhet ta kemi përpara gjithnjë. Çështja serbe për shqiptarët për mendimin tim mund të zgjidhet vetëm në këtë mënyrë”, ka thënë Qosja, duke shtuan se kjo do ishte zgjidhja më e mirë e cështjes ndërmjet shqiptarëve dhe serbëve.

Por kjo ide e paraqitur nga Rexhep Qosja po konsiderohet e gabuar dhe po kritikohet ashpër.

Publicisti Skënder Zogaj, i ka quajtur të turpshme deklaratat e fundit të Rexhep Qosjes për shkëmbimin e territoreve.

“Rexhep Qosja i mirënjohur si krye kërmilli irritues, që sa herë që gjen rastin të nxjerrë kokën nga gëzhoja e tij, lëshon këlbazën kutërbuese që e fëlliq ambientin rreth rrotull tij, por edhe më gjërë sepse, ky mjeran flet gjëra të rrezikshme kundër interesit të popullit dhe të vendit të quajtur Kosovë, ku, ky mjeran është i importuar. Qosja nuk ka lënë të zezë pa bërë në Kosovës, kështu që, deklaratat e tij të fundit për këmbimin e territoreve shqiptare është një turp më shumë, një fëlliqje e tij e radhës, që kapërcen çdo kufi, sepse kësaj radhe, tyxhari nga Mali i Zi, shfaqet si një kriminel ordiner që i jep vetes të drejtë të tentojë, të bëjë pazare me tokat e Kosovës. Kjo dëshmon se Qosja në Kosovë ka ardhur me mision të caktuar, mirëpo, me gjasë është senilosur dhe, nuk është kah e kupton se, nuk është më komisari i kuq i titizmit, dhe se Kosova është shtet i lirë dhe i pavarur, prandaj për fatin e saj vendosin kuadrot etnike, e jo çetnike të Jutbinës së Carnagorës!” ka thënë Zogaj.

Këto deklarata, publicistin Skënder Zogaj, e kanë bërë të dyshoj se Qosja mund të ketë hile edhe tek problemi i demarkacionit me Malin e zi.

“Hyrja në çështjen e Danjollit të Sherkës nëpër vrimën e bravës së derës, më bën të dyshoj se ka hile te problemi i Demarkacionit me Malin e Zi, që është problem krejtësisht tjetër, shumë e shumë më i lehtë se apetiti i Qosjes, i cili mbi 20 për qind të territorit të Kosovës është i gatshëm t’ia japë Serbisë, në këmbim me Luginën e Preshevës, që nuk është as 5-6 për qind i territorit të Kosovës. Emri i tij po na irriton dhe, nuk ka dyshim se edhe krijimtaria e tij ka helmin përbrenda, kështu që, shqiptarët e pastër të Kosovës, them se, duhet të qëndrojnë sa më larg këtij burimi infektues. Është për keqardhje që disa media, rrezikojnë reputacionin e tyre duke u marrë me këtë kërmill të zi, që terrin e ka ushqim të shpirtit dhe keq bërjen virtyt”, është shprehur Zogaj.

“Modeli i Qosjes, rrezikon Kosovën”

Edhe publicisti Fadil Lepaja, është shprehur për gazetën “Bota sot”, se modeli i propozuar i Qosjes rrezikon të gjitha komunat e banuara me serbë.

“Problemi me propozimin e vjetër të ri z.Qosja nuk është me përmbajtjen sa për formën. Në fakt, modeli i propozuar i zgjidhjes së "nyjey" të quajtur Kosovë, rrezikon jo vetëm veriun por edhe krejt komunat e banuara me serb në Kosovë. Problemi të cilin z. Qosja nuk e kupton, ose e kupton por e bën qëllimshëm, është se me këtë propozim thyhet parimi mbi të cilin është ndërtuar gjithçka pas rrënimit të ish-Jugosllavisë dhe ky është, parimi për kufijtë e pandryshueshëm të njësive federale në ish-Jigosllavi”, ka thënë Lepaja.

Sipas tij, nëse kufijtë, lëvizin, ata i rivendosë vetëm forca.

“Kjo është një përpjekje e ngjashme, për t’u arritur. Ajo që nuk u arrit me demarkacionin e kufirit me Malin e zi, ku qëllimshëm u vizatua një vijë e gabuar kufitare, e cila u aprovua, dhe pastaj lindën lëvizjet për t`a korrigjuar atë. Kjo, po ashtu ishte lojë e dizajnuar në kuzhinat luftënxitëse, të cilat përpos që vunë në dyshim kufijtë, po mbajnë peng edhe anëtarësinë e Malit të Zi në NATO. Lehtë mund të kuptohet se lojë e kujt ishte kjo”, ka deklaruar ai.

Ndërsa, Artur Roshi nga Balli Kombëtar Demokrat, ka thënë për gazetën “Bota sot”, se “atdheu nuk mund të jetë çështje biznesi siç e paraqitt Qosja”. “

Qosja e sheh si plaçkë atdheun dhe jo si një gjë që thotë shumë dhe përtej jetëve tona. Atdheu është i lënë nga të parët tanë për ne dhe ne duhet ta lëmë për brezat që vijnë ashtu si e morëm. Atdheu nuk mund të jetë çështje biznesi siç e paraqiti Qosja. Ai është e vetmja gjë që konstante që ngelet për pasardhësit tanë dhe ne kemi të drejtë vetëm ta zhvillojmë dhe ta bëjmë më të banueshëm për një cilësi jete më të lartë. Mendimi i Qoses njehsohet me mendimin e një marksisti pa fe dhe pa atdhe”, ka thënë ai.

“Vdekja më vjen prej pisllëkut tim”

Ndërkaq, analisti Xhevat Rexhaj, ka përmendur debatet e shumta që Qosja i ka pasur me disa nga figurat e njohura të politikës shqiptare.

“Rexhep Qosja, një akademik i mjerë i kohës së titizmit, një njeri që shkroi me lot në sy për vdekjen e Titos, që ujiti letrat e tija me lot kur i vdiq Enver Hoxha, që ngriti lart ish komunistët e Kosovës së Titos, eh ky Qosja që kudo dhe kurdo ndillte vrer kundër 90% të shqiptarëve të Kosovës, kundër Presidentit të Kosovës, kundër Ismail Kadares, kundër Sali Berishës, Ahmet Zogut e shumë të tjerëve që ishin, dhe mbesin krenaria shqiptare, por jo për Qosjen ata ishin po si tradhtar”, ka thënë Rexhaj.

Kështu, Rexhaj, ka përmendur edhe rivalitetin ndërmjet Qosjes dhe ish Presidentit Rugova.

“Virusi i shtytjes vëllavrasëse ndër shqiptarë ishte me dekada Qosja. Ai mbetët edhe sot virus, por me dobësim e rënie, ngase shumica shqiptare e konsideron një maskara intelektualiteti. Qosja ashtë më se e sigurta edhe sot ndihet i vdekur për së gjalli karshi Ibrahim Rugovës, sepse Rugova është i gjallë në zemrat e shumicës shqiptare. Dikur Qosja kishte shkruar librin” Vdekja më vjen prej syve të tillë”...në praktikë ai sot do duhej librit të tij të ia ndërroi titullin kështu: Vdekja më vjen prej pisllëkut tim”, ka përfunduar ai.

Në valle me Qosjen edhe Akademik Nexhat Daci ?

Akademik Prof.dr. Nexhat Daci, ish-kryetar i Kuvendit te Kosovës, thotë se ky lidership politik shqiptar nuk mund ta jetësojë ëndrrën e shqiptarëve për bashkim.

Daci, duke komentuar idenë e  Akademik Prof.Dr.Rexhep Qosjes, për shkëmbim të territoreve ka thënë se ky është një realitet i së kaluarës, “por kësaj radhe duhet parë më shumë relacionet mes Washingtonit e Moskës ngase Pekini veç ka depërtuar në Ballkan”.

Sa i përket idesë së shkëmbimit të territoreve ai ka thëne se nuk e din në detaje idenë e  Akademik Prof.Dr. Ibrahim Rugovës, por thotë se ai ka pasur një vullnet të tillë më herët, që t’i japë tri komunat e veriut për Luginën e Preshevës.

Sipas tij, opinioni shqiptar nuk është i përgatitur për një shkëmbim të tillë.

Daci këto komente i ka bërë në emisionin “Rrokum Roll” në Televizionin Rrokum.



*****