Ja kush është Uran Ismaili, ministër i shëndetësisë

Uran Ismaili pas kryerjes së masterit në Universitetin prestigjioz të Harvardit i është rikthyer ekipit të ngushtë të kryetarit të Kuvendit, Z. Kadri Veseli.

Që nga viti 2007 ka qenë i angazhuar direkt në Partinë Demokratike të Kosovës. Gjatë kësaj kohe Uran Ismaili ka qenë anëtar i Kryesisë së Degës së Prishtinës dhe ka marrë pjesë në të gjitha fushatat lokale ashtu edhe në ato nacionale që nga viti 2007. Ka qenë pjesë e konceptimeve të ideve për fushatat e PDK-së, si në sferën e kampanjave digjitale apo për organizimin në terren.

Ismaili ka qenë bashkëpunëtor i ngushtë i Z. Veseli duke punuar prej vitit 2013 si shef i stafit të tij ndërkohë që  më herët gjatë mandatit të parë dhe të dytë të qeverisjes së PDK-së, ka qenë shef kabineti dhe këshilltar në Ministrinë e Bujqësisë dhe atë të Transportit.

Gjatë punës së tij në institucione të vendit, përpos politikave zhvillimore ai është shquar si iniciator i programeve të ndryshme me USAD-in si dhe duke qenë përfaqësues i Qeverisë në negociata me Bankën Botërore për marrjen e kredisë zhvillimore.

Uran Ismaili gjatë të kaluarës gjithashtu ka punuar me organizata ndërkombëtare dhe projekte të rëndësishme me DIFID, OSBE dhe Physicians for Human Rights.

Gjatë qëndrimit të tij në SHBA në vitin e fundit i është dhënë rasti të punoj në rekomandime të politikave me emra eminent si Michael Ignatieff apo të organizoj projekte në terren me Marshal, Ganz veteranin e organizimeve në Harvard.

Studimet universitare i ka kryer në Universitetin Graceland të Shteteve të Bashkuara të Amerikës për psikologji ndërsa së fundmi kreu Masterin në Administratë Publike në Universitetin e Harvardit.

Uran Ismaili është i martuar me Arizona Berdynaj dhe janë prind të dy fëmijëve.

Bac u krye:Ramushi premier i Kosovës!

Nga Flori Bruqi-Prishtinë

Pas shumë peripetive, më në fund votohet Qeveria e Ramush Haradinajt me 61 vota për.

Deputetet e LDK dhe Vetëvendosje e kanë lëshuar sallën e Kuvendit.

Këta janë ministrat e Qeverisë së re:
Ministër i FSK: Rrustem Berisha

Ministria e Infrastrukturës: Pal Lekaj

Ministria e Financave: Bedri Hamza

Ministria e Shendetësisë: Uran Ismaili

Ministria e Kulturës, Rinisë dhe Sportit: Kujtim Gashi

Ministria e Integrimeve Evropiane: Dhurata Hoxha

Ministrja e Drejtësisë: Abelard Tahir

Ministria e Inovacion dhe Ndërmarrësisë: Besim Beqaj

Ministria e Punës dhe Mirëqenies Sociale: Skender Reçica

Ministria e Arsimit: Shyqeri Bytyqi

Ministria e Tregtisë dhe Industrisë: Bajram Hasani

Ministrja e Zhvillimit Ekonomik: Valdrin Lluka

Ministria e Ambientit dhe Planifikimit Hapësinor: Albena Reshitaj

Ministria e Diaspora dhe Investimeve: Dardan Gashi

Ministria e Bujqësisë: Nenad Rikalo

Ministria e Zhvillimit Rural: Rasim Demir

Ministria e Administratës Publike: Mahir Jagxhillar

I mandatuari për kryeministër të Kosovës, Ramush Haradinaj, ka prezantuar anëtarët e kabinetit të tij qeveritar.

Fillimisht është votuar për kandidatët për ministra që nuk janë deputetë.

Pas kësaj, është kërkuar të votohet për kabinetin qeveritar në tërësi, ku është parë se deputeti i Nismës, Zafir Berisha, ka abstenuar.

Megjithatë, kryetari i Kuvendit, Kadri Veseli, e ka quajtur votimin absolut, duke konstatuar se nuk ka asnjë votë kundër e asnjë abstenim, duke e legjitimuar Haradinajn kryeministër të Kosovës, për herë të dytë.


*****


Nis në Prishtinë festa me fishekzjarrë për Haradinajn, VV kërkon të festohet edhe në Beograd

Në Prishtinë, me t’u zyrtarizuar Ramush Haradinaj kryeministër i Kosovës, kanë nisur të festojnë duke hedhur fishekzjarrë.

Ndërkaq, deputetja e Lëvizjes Vetëvendosje, Albulena Haxhiu, ka kërkuar që festa të zhvillohet edhe në Beograd.

“Fishekzjarrët le t'i lëshojnë edhe në Beograd”, ka shkruar Haxhiu në Facebook.


*****

Presidenti i Kosovës zt.Hashim Thaçi uron zt.Ramush Haradinajn për postin e kryeministrit

Presidenti i vendit Hashim Thaçi, ka uruar Ramush Haradinajn pas zgjedhjes kryeministër i vendit.

Urimi i Thaçit për Haradinajn, në Facebook:

Urime për Qeverinë e re të Republikës së Kosovës.

Kryeministrit Ramush Haradinaj dhe kabinetit të ri qeveritar i uroj suksese në vazhdimin e reformave dhe në zhvillimin e vendit.


*****

Ramush Haradinaj: Nuk e di se me çfarë kushti më ka votuar Lista Serbe

Kryeministri i Kosovës, Ramush Haradinaj, në paraqitjen e tij të parë para mediave pas zgjedhjes, duke i falënderuar këto të fundit, i ka falënderuar edhe deputetët që e kanë votuar.

“Besoj se do t’u dalim në ballë problemeve që i ka vendi. Pres nga ju që të jenë të pamëshirshëm ndaj çdo veprimi që mund ta konsideroni se bie ndesh me të mirën e vendit”, theksoi Haradinaj.

Ai tha se do të ketë një gjendje të re qeverisjeje, dhe “jo vetëm se do t’i vijë era qeverisje, por do të shkojë te secili qytetar”.

“Shumicën e deputetëve i kam kolegë, por është zgjidhje e tyre. Pres edhe prej VV-së edhe prej LDK-së e Alternativës të janë ata kush janë në Parlament”.

“Nuk e di se me çfarë kushtesh më ka votuar Lista Serbe, nuk kam parë ndonjë kusht”, theksoi ai.
Deputetja e Vetëvendosjes, Donika Kadaj, që kohë më parë ishte pjesë e Aleancës për Ardhmërinë e Kosovës, ka hedhur kritika në drejtim të Ramush Haradinajt.

“Nga Ramushi komandant i UÇK'së në Ramushin e Veselit dhe Veselinoviqit, Srpskas dhe Vuqiqit! Andaj sonte le të urohet vetëm Beogradi!”, ka shkruar në Facebook Donika Kadaj.

****

Lëvizja vetëvendosje LDK-ja dhe Alternativa kanë vendosur që ditën e hënë të mbledhin nënshkrimet për seancë të jashtëzakonshme.

Pas lëshimit të sallës nga VV-LA kur Ramush Haradinaj doli para deputetëve që të propozojë përbërjen e Qeverisë, Avdullah Hoti nga LA, njoftoi se do të mbledhin nënshkrime për seancë të jashtëzakonshme.

Ministrja e sapo zgjedhur e Mjedisit, Albena Reshitaj ka thënë se do të punojë me gjithë qenien dhe që dikasteri i saj të jetë shembull i suksesit.

Ajo ka folur edhe për vendimin e Behgjet Pacollit që t’i bashkohej PAN-it.


“U pa që nuk ishte e mundur një qeveri gjithëpërfshirëse dhe nuk kishte interes për bashkim të shumicës shqiptare, prandaj zotri Pacolli bëri hapin e duhur drejt zhbllokimit të gjendjes politike në vend”, ka shtuar ajo.

Ky është postimi i plotë i saj:

“Të nderuar qytetarë të Republikës së Kosovës, po ju drejtohem me sinqeritetin më të madh.

Vendit i nevojitej një qeveri sepse po humbnim shumë në çdo sferë, çdo ditë e më teper.

Qytetaret nuk e meritonin që për inate individuale të dikuj, deputetët të merrnin paga, e në të njejtën kohë kuvendi të mbetej i bllokuar, që ministrat e kryeministri në ikje të merrnin paga e në të njejtën kohë të ishin pa fuqi vendimmarrëse…

U pa që nuk ishte e mundur një qeveri gjithëpërfshirëse dhe nuk kishte interes për bashkim të shumicës shqiptare, prandaj zotri Pacolli bëri hapin e duhur drejt çbllokimit të gjendjes politike në vend.

Ne, spektri shqiptar së bashku me komunitetet e të gjitha pakicave do të qeverisim vendin, gjithmon duke respektuar kushtetuten dhe shtetësinë e Republikës së Kosovës. Në asnjë mënyrë nuk e lejojmë askënd që të shantazhoj institucionet e Republikës sonë.

Unë sot pranova një detyrë jashtëzakonisht të rëndësishme në qeverinë e Kosovës, atë të ministres së Mjedisit dhe Planifikimit Hapësinor.
Përulem para juve qytetarë të dashur dhe ju garantoj se do të punoj me gjithë qenien time që dikasteri që unë drejtoj të jetë shembull i suksesit.

Ju faleminderit.
Albena Reshitaj, Ministre e Mjedisit dhe Planifikimit Hapësinor”

Urime Kosovë Qeveria e re!

https://www.rtvslo.si/svet/novi-kosovski-premier-bo-ramush-haradinaj/431761

Jahja Lluka: Ikja e kosovarëve, bashkë me propagandat qëllimkeqe duhet të ndalen menjëherë

Jahja Lluka, Udhëheqës i Departamentit të Diasporës në AAK ka thënë se pamjet shqetësuese që vijnë nga stacioni i autobusëve në Prishtinë, vazhdojnë të jenë shqetësim për të gjithë.


Në këtë drejtim, ai u ka bërë thirrje qytetarëve të Kosovës që të dinë se ta dinë se kufiri mes shteteve të Bashkimit Evropian është e pamundur të kalohet në mënyrë ilegale.

Sipas tij, sidomos ata që po “i fryjnë” kësaj dukurie duhet të mendojnë mirë, duke paralajmëruar se të gjithë ata “trafikantë, matrapazë të ndryshëm edhe qarqe politike”, se kjo nuk do të kaloj pa u ndëshkuar.

“E kaluara na ka treguar se shumë trafikantë, matrapazë e përfitues kanë qenë të lidhur, të yshtur nga shteti serb për të bërë “punën e dreqit”, zbrazjen e Kosovës nga aseti ynë më i çmuar, rinia”.

“Kosova po kalon në një fazë tjetër të rëndësishme, perspektiva evropiane, zhvillimore dhe mundësia për të jetuar dinjitetshëm, bashkë me shpresën për të ardhme do t’i kthehet shpejt, prandaj kjo ikje bashkë me propagandat qëllimkeqe duhet të ndalen menjëherë”.

“Kosovës nuk i duhet edhe ndonjë lajm tjetër për ndonjë tragjedi të mundshme që mund të ndodh në kufijtë e shteteve të BE-së, prandaj secili që është pjesë në njërën apo format tjera të kësaj dukurie, duhet të mendoj mirë para se të veproj”, ka thënë Lluka.

Në këtë drejtim, ai ka shtuar se AAK është duke e përcjellë me vëmendje të plotë dhe në vendin e ngjarjes të gjithë këtë dukuri por edhe propagandën që po e bëjnë të njëjtat fytyra çdo natë.


“Përveç apelit për qytetarët, i ftojmë edhe institucionet e Kosovës, që urgjentisht të ndërmarrin hapa konkret kundër trafikantëve dhe matrapazëve të ndryshëm. Gjithashtu ftojmë institucionet relevante të organizojnë urgjentisht një takim me kompanitë transportuese dhe tu bëhet me dije se trafikimi është krim, e krimi ndëshkohet”, ka thënë Jahja Lluka.

Presidenti i Rusisë Vladimir Putin nuk e lëviz krahun e djathtë gjatë ecjes

Vladimir Vladimiroviç Putin (rusisht: Владимир Владимирович Путин),lindi në Shën Petersburg(7.10.1952). Putini  u diplomua në Universitetin Publik të Leningrad'it, në degën e Juridikës në vitin 1975. Pas diplomimit filloi të punojë në Shërbimin Sekret të Bashkimit Sovjetik-KGB. Një kohë jetoi në Gjermani dhe pasi u kthye në Leningrad ishte anëtari i Administratës së Universitetit.


 Putin në vitet 1991-92 ishte ndihmëskryetari i Kryetarit tē Komunës, dhe po ashtu Kryetari i Komitetit për Mardhëniet Ndërkombëtare të Këshillit të Kuvendit. Gjatë viteve 1998-99 ishte kryetari i Shërbimeve Sekrete të Federatës Ruse - FSB, në të njejtën kohë ishte edhe Sekretari i Përgjithshëm i Këshillit të Sigurimit të Rusisë.

Në 16 gusht 1999 filloi të punojë si Kryeministri i Rusisë. Me dorëheqjen e Boris Jeltsinit më 31 dhjetor 1999, në bazë të Kushtetutës u bë Kryetari i vendit për tre muaj, deri tek zgjedhjet presidenciale. Në zgjedhjet presidenciale Putin fitoi më shumë se 50% të votave, dhe u zgjodh Kryetari i Rusisë. Më 7 maj 2008 vendin e mori Dimitri Medvediev.

Në vetën e parë, të shtypura për fushatën presidenciale të vitit 2000) fëmijëri të varfër, kaloi në një shtëpi të përbashkët.Gjyshi nga babai, Spiridon Putin, ka punuar si kuzhinier në një dacha në shërbim të Stalinit dhe Leninit . Nëna e tij, Maria Ivanovna Putina (1911-1998), ishte një punëtor dhe babai i tij, Vladimir Putin Spiridonovič (1911-1999), vitet tridhjetë e hershme ishte në submariner marinës sovjetike. Gjatë Luftës së Dytë Botërore, i ati i tij u hartua nga NKVD në një grup sabotazhi .

 Dy vëllezërit e vjetra kanë lindur në vitet tridhjetë, dhe një vdiq në muajt e parë të jetës, i dyti vdiq nga difteria gjatë rrethimit të Leningradit.


 Putin ka një diplomë në të Drejtën Ndërkombëtare në Fakultetin Juridik të Universitetin Shtetëror të Leningradit në vitin 1975. Anëtar i Partisë Komuniste të Bashkimit Sovjetik , ai është hartuar në fund të KGB në studimet .


Gjatë karrierës së tij si anëtar dhe më pas udhëheqës të organizatës së fshehtë, e cila zgjati nga 1975 deri më 1991, ai kaloi pesë vjet në Dresden, Republika Demokratike Gjermane .

Pas rënies së regjimit të Gjermanisë Lindore, Putin u thirr në Bashkimin Sovjetik dhe u kthye në Leningrad, ku, që nga qershori i vitit 1991, u hyjnë në Seksionin Çështjeve Ndërkombëtare të Universitetit të Shtetit, të dorëzuar në Molčanov Zëvendës Drejtori Juri.

Në pozitën e tij të ri, rinsaldò Anatolj marrëdhëniet Sobčak me e kryetarit të atëhershëm të Leningradit me: Sobčak kishte punuar si Asistent Profesor gjatë viteve të Putinit universitare dhe ishte mbikqyrësi i tij.

Presidenti i ardhshëm dha dorëheqjen nga shërbimet e sigurisë gusht 20, 1991 gjatë grushtit të shtetit të dështuar, i mbështetur nga KGB kundër Gorbaçovit....


Vladimir Putin është president i Rusisë që prej 7 majit 2012. Para se të ngjitej në hierarkinë politike, Putin ka qenë anëtar dhe shef i shërbimit sekret rus, FSB, organizatës pasardhëse të KGB-së.

Këtë pozitë ai e kishte marrë nga Presidenti Boris Yeltsin më 1998 dhe e kishte mbajtur për një vit. Duke qenë se Putin i ishte nënshtruar edhe personalisht trajnimeve të spiunazhit në KGB, disa prej shprehive ai nuk i ka harruar dhe i kanë mbetur që atëherë.

Një detaj i tillë ka dalë tashmë, ku thuhet që Putin ndërsa ecën, nuk e lëviz fare krahun e djathtë, por vetëm atë të majtin.

Kjo, sipas ekspertëve të gjuhës së trupit, ka të bëjë me shprehinë që i ka mbetur atij që prej kohës së KGB-së, kur agjentët ishin trajnuar për të mbajtur dorën e djathtë afër brezit, pra afër armës, për të reaguar më shpejtë në rast rreziku.

Putin llogaritet si një prej njerëzve më të fuqishëm në botë. Ai kontrollon gati të gjitha asset e shtetit të tij, qoftë në nivelin publik apo atë privat, përmes rrjetit të zgjeruar të bashkëpunëtorëve.

https://www.youtube.com/watch?time_continue=4&v=AFrA5Iz5YDA

https://www.youtube.com/watch?v=lxMWSmKieuc

https://www.youtube.com/watch?v=xDBfoSq-l3U

Themeluesi dhe CEO i Facebokut ,Mark Zuckerberg zotohet për ndryshime në Facebook, pasi lajmi i rremë i ka tejkaluar lajmet e vërteta

Zuckerberg zotohet për ndryshime në Facebook, pasi lajmi i rremë i ka tejkaluar lajmet e vërteta

Disa ditë pas ngritjes së çështjes së lajmeve të pavërteta në Facebook, Media Matters for America ka nisur një peticion duke i kërkuar themluesit të Facebook që të marrë masa për ndalimin e kësaj dukurie që është popullarizuar nga vetë rrjeti social Facebook.


Themeluesi dhe CEO i Facebook, Mark Zuckerberg ka thënë se është angazhuar për të punuar mbi problemin për lajmet e rreme në Facebook, duke shkruar në një postim se “unë dua që ju të dini se ne e kemi marrë gjithmonë këtë çështje shumë seriozisht.”

Ka dëshmi në rritje në lidhje me krijimin dhe shpërndarjen e lajmeve të rreme në Facebook. Së fundmi u tha se disa adoleshentë në Maqedoni kishin krijuan ferma përmbajtjesh me lajme të rreme gjatë zgjedhjeve presidenciale që më pas kanë gjeneruar qindra e mijëra shpërndarje në Facebook. Më pas lajmet krejtësisht të pavërteta u bën trend në mënyrë të përsëritur dhe u shpërndanë nëpër Facebook. Një analizë e BuzzFeed ka gjetur edhe se një lajm i rremë ka tejkaluar lajmet e vërteta gjatë tre muajve të fundit të zgjedhjeve në SHBA.

Facebook ka qenë i ngadalshëm për të trajtuar problemin. Ata kanë hequr vetëm faqet e rreme të internetit pasi Google e bëri të njëjtën gjë. Ish-punëtorët e shumtë të Facebook kanë folur për këtë gjë dhe e kanë konfirmuar se Facebook në të vërtetë e ka mundësinë për të trajtuar këtë problem, por nuk kishte zgjedhur të merrej me këtë çështje.

Shkaku i Trumpit, nacionalizmit dhe lajmeve të rrejshme, shkencëtarët ndryshuan “Orën e Fundit të Botës”

” Shkencëtarët thonë se bota nga sot është më afër apokalipsit. “Buletini i Shkencëtarëve Atomikë” (BPA), fundin simbolik të botës e zhvendosi për 30 sekonda: nga tre minuta në dy minuta e gjysmë para mesnatës.


Rachel Bronson nga BPA u apelon udhëheqësve botërorë të qetësohen, në vend se të shtojnë tensionet që mund të çojnë në luftë, raporton BBC.

BPA në raport ka shkruar se deklaratat e Trumpit për ndryshimet klimatike, përhapja e arsenalit bërthamor amerikan dhe marrja në pyetje e agjencive të zbulimit, kanë kontribuar në rritjen e rrezikut global.



Kjo paraqet momentin më të afërt të “fundit të botës”, që nga viti 1953, kur akrepi lëvizi për dy minuta – pas testimit amerikan e sovjetik të bombave të hidrogjenit.

Akrepi që shfaq minutat në këtë orë është metafora për dobësinë botërore ndaj fatkeqësive. Kjo pajisje simbolike është krijuar nga shkencëtarët në vitin 1947. BPA është themeluar në Universitetin e Çikagos më 1945. Ajo u themelua nga shkencëtarët që ndihmuan të zhvillohen armët e para atomike. Sot ky grup përfshin fizikanë dhe ekologë nga e gjithë bota. Ata vendosin për kohën në këtë orë simbolike.

Në dy vitet e fundit, akrepi që shfaq minutat në orë qëndroi për tre minuta para mesnate. BPA beson se rreziku i një katastrofe globale në vitin 2017 është i madh ndaj e lëvizën kohën për 30 sekonda.

“Komentet shqetësuese në lidhje me përdorimin e armëve bërthamore nga Donald Trumpi, deklaratat e tij për ndryshimet klimatike dhe nacionalizmi në gjithë botën kanë ndikuar në vendimin tonë”, thonë nga BPA.

Një faktor tjetër përcaktues ishte dyshimi ndaj të ardhmes së marrëveshjes bërthamore për Iranin, kërcënimi i sigurisë kibernetike, si dhe rritja e lajmeve të rrejshme.

Kur ora u krijua në vitin 1947, ishte shtatë minuta para mesnatës. Që atëherë u zhvendos 22 herë. Ora ishte caktuar së fundi më 2015 kur lëvizi nga pesë në tre minuta deri në mesnatë – për shkak të kërcënimeve të atëhershme globale.

Lajmet e rreme e disinformimi

Lajmet sajuara, propaganda dhe dizinformimi kanë ekzistuar gjithmonë. Por ajo që vërehet në ditët tona është një përhapje e shpejtë dhe me përmasa globale e këtyre informatave të manipuluara.Shqetësimi për përhapjen në kohë reale të lajmeve të rreme në epokën dixhitale dhe ndikimi negativ që ka dizinformimi tek besueshmëria dhe pavarësia e gazetarisë profesionale, tek vlerat demokratike dhe të drejtat e njeriut ishin në fokusin e një analize të një grupi ekspertësh të mbledhur ditët e fundit në Këshillin e OKB-së për të Drejtat e Njeriut.”Interesant është fakti si ka evoluar perceptimi i termit “lajme të rreme” pasi ky term tani nënkupton informacion të sajuar, që krijon tensione dhe që shpesh përhapet përmes medias sociale,” tha Ambasadori austriak në OKB, Thomas Hajnoczi.

Ai tha se kjo prirje përfaqëson kërcënim pasi “në epokën tonë dixhitale, çdo individ ka qasje në internet ku lajmet e rreme mund të lexohen nga miliona vetë në të gjithë globin dhe është vështirë të kuptohet ku qëndron e vërteta”.Eileen Donahoe, Drejtore Ekzekutive për Qeverisjen Ndërkombëtare pranë Universitetit Stanford dhe ish-ambasadore në Këshillin për të Drejtat e Njeriut e cilësoi epokën dixhitale një forcë në të mirë të njerëzimit.Ajo tha se epoka dixhitale ka luajtur “një rol shumë pozitiv në mundësimin e shkëmbimit të lirë të informacionit, qasjes tek informacioni dhe lirinë e shprehjes në rang global”.“Procesi ka mundësuar edhe demokratizimin e mjeteve për përhajen e informacionit. Dhe ka qenë në përgjithësi një forcë pozitive për lëvizjen e të drejtave të njeriut”.Por zonja Donahoe paralajmëroi se kishte shumë forca të tjera që punojnë kundër kësaj prirjeje dhe se nuk ka garanci që rezultantja neto e teknologjisë dixhitale do të jetë pozitive.Ajo foli për rreziqet nga manipulimi i informacionit në proceset që shoqëruan Brexit-in apo zgjedhjet presidenciale amerikane.“Teknologjia dixhitale mund të shërbejë si një forcë shumë e fuqishme për të minuar proceset demokratike dhe lajmet e rreme shkatërrojnë cilësinë e diskutimit në demokraci dhe marrëdhëniet e qytetarëve me qeverinë”.Rasha Abdulla, Profesore e Gazetarisë në Universitetin Amerikan në Kairo, thotë se gjatë javëve të fundit qeveria egjiptiane ka bllokuar faqe interneti, sidomos portale informative:“Për momentin përllogarisim se 53-57 site elektronike, kryesisht portale lajmesh janë bllokuar”.“Nëse bllokohen portale të mirëfillta të gazetarisë së pavarur, informacioni i vetëm që mbetet janë lajmet e rreme,” thotë zonja Abdulla.Media sociale si Facebook, Twitter dhe Google janë bërë objekt kritikash pasi kanë shërbyer si platforma për fabrikimin dhe përhapjen e lajmeve të rreme.Peter Cunliffe-Jones, Kryetar i Rrjetit Ndërkombëtar për Verifikimin e Fakteve, një organizatë që mbulon aktivitetin e shumë grupeve për verifikimin e informacionit, thotë se sidomos pas zgjedhjeve presidenciale në SHBA, kompanitë teknologjike janë nën presion për t’u prerë rrugën lajmeve të rreme:“Që nga ajo kohë kemi parë që Google, Twitter, Facebook dhe të tjerë po punojnë për të hartuar strategji që luftojnë lajmet e rreme”.Për shembull, thotë ai, Facebook-u ka rënë dakord të punojë në shumë vende me organizata të pavarura për mbledhjen e fakteve për të analizuar njoftimet për lajme të rreme nga përdorues të Facebook-ut.“Ne jetojmë në një epokë që e shoh si histeri informimi,” thotë David Kaye, Raportues Special për OKB lidhur me nxitjen dhe mbrojtjen e lirisë së shprehjes dhe informimit.“Mënyra më e lehtë për t’iu përgjigjur informatave që nuk na pëlqejnë është duke i censuruar, duke bllokuar një faqe interneti”.Ai e quan censurën një “mënyrë dembele për t’iu përgjigur këtij rreziku”.“Mendoj se po shfaqet një farë pakënaqësie ndaj lirisë së shprehjes. Nuk po them se lajmet e rreme, dizinformimi dhe propaganda nuk janë problem. Por nuk duhet të gjejmë zgjidhje që bazohen tek censura apo bllokimi,” thotë zoti Kaye.