Ku po mbetet misioni i shenjtë, arsimi?

 

Akademik prof.d.Nijazi Halili 

Të nderuar miq pa dashje që të nënvlerësoj askend por realiteti duhet të thuhet kur është në pyetje drejtësia dhe interesi kombëtar.
Deri sot  në një farë mënyre isha  kundër grevës dhe mbylljes së shkollave shqipe, por  në rastësi sot në një portal kuptova se paga e një gjyqtari ishte në lartësi mbi  3000,00 euro, ashtu njejtë edhe në disa dikastere të tjera, sinqerisht mbeta i shokuar dhe nuk i besoja syve të mi a është kjo realitet apo po më bëjnë sytë, që një gjyqtar të ketë një pagë të nivelit aq të lartë, që për mua është e pajustifikuar, mos të flas për dikasteret tjera, tani i shtroja vetës pyetje ku po mbetet misioni i shenjtë arsimi, kur mirëfilli dihet se arsimi është shtylla kryesore e një kombi.

Edhe sa kohë duhet që arsimi të mbetet i anashkaluar dhe i nëpërkëmbur?

Jo rastësisht kemi ngecur si shtet mbrapa në të gjitha aspektet.

Mirëfilli dihet se fuqia e një shteti matet me nivelin e arsimit.

Arsimi është shtylla e popullit, është shtylla e çdo kombi…

Të gjithë e dim dhe e pranojmë se kombi ynë shqiptar ka ngecur pak mbrapa dhe nuk është zhvilluar për të arritur atje ku duhet të ishte sot.

E kaluara e hidhur ka ndikuar më shumë se çdo gjë tjetër në mos zhvillimin e vendit,robëria shekullore ka pasur dhe vazhdon të ketë akoma pasoja të rënda për shoqërinë tonë.

Por sot duhet të kemi një qasje ndryshe ndaj arsimit, sepse mjaft është orkestruar me punonjësit e arsimit duke i llogaritur si punëtorë krahu, apo çoban lopësh, e në anën tjetër kërkohet cilësi dhe kritere ndaj mësmdhënëseve, kur dihet se të gjitha profesionet me paga marramendëse burojnë nga arsimi.

Non-pejpëri i rremë serb, dokumenti origjinal franko-gjerman dhe rruga njëkalimëshe e njohjes së Kosovës

NGA: SHABAN MURATI 

Shaban Murati

Duke demostruar vetinë tipike gjenetike serbe, të pohuar nga ish-presidenti dhe shkrimtari serb Çosiç se “rrena është virtut i serbëve”, presidenti i Serbisë Vuçiç po insinuon formatim të ri, arkitekturë të re dhe kuadrim të ri të dialogut Serbi-Kosovë, me qëllim që të shtyjë ose të shmangë orën finale shtetërore, që po vjen e pashmangëshme për zgjidhjen përfundimtare të dialogut me njohje reciproke.

Në datën 10 shtator, një ditë pas  bisedimeve të tij në Beograd me dy këshilltarët diplomatikë të presidentit francez dhe të kancelarit gjerman, Vuçiç deklaroi se ai mori një propozim për një “kuadër të ri të bisedimeve të Brukselit, i cili duhet të çojë te një zgjidhje finale me Kosovën”. Ngrefosja personale e presidentit serb mori fund shpejt dhe ai iu drejtua rrenës diplomatike dhe propagandistike për vetëngushëllim.

Menjeherë e gjithë diplomacia dhe propaganda serbe ngriti konstruksionin fals propagandistik të të ashtuquajturit “kuadër të ri apo kornizë të re” të dialogut midis Serbisë dhe Kosovës, jo ashtu siç ia kishin kërkuar dy këshilltarët diplomatikë të Francës dhe të Gjermanisë, por ashtu siç do ta dëshironte presidenti serb.

Ky konstruksin propagandistik serb po mbështetet në dy shtylla demagogjike.

E para, që Vuçiç po tregohet trim mbi trimat dhe po u kundërvihet presioneve të Francës dhe të Gjermanisë, madje në 19 shtator në Nju Jork u mburr se e ka refuzuar ta marrë letrën e BE për “kuadrin e ri” të dialogut.

E dyta, propaganda serbe me nxitim hodhi në qarkullim një të ashtuquajtur projekt-marrëveshje gjoja të propozuar nga Franca dhe Gjermania, një non pejpër të ri “fake”, i cili përmban dëshirat, tezat dhe interesat e Serbisë. Portali i njohur proqeveritar serb “B92” shkruante në 19 shtator se “Kuadri i ri është propozim i ri, që erdhi direkt nga përfshirja e Makronit dhe e Sholcit në procesin e dialogut, sepse sipas dokumentit Kosova dhe Serbia vetë nuk do të jenë kurrë në gjendje ta zgjidhin problemin dhe Serbisë nuk do t’i kërkohet të njohë legalisht Kosovën”.

Është interesant, se ashtu si non-pejpëri serb i prillit të vitit të kaluar për marrëdhëniet Serbi-Kosovë, edhe ky i tanishmi zgjodhi Prishtinën të shpërndahej në 19 shtator. Madje presidenti serb Vuçiç u bë qesharak në 20 shtator kur në Nujork iu referua mediave shqiptare për “kuadrin e ri” të projekt-marrëveshjes, në një kohë që ai e ka në zyrën e tij projekt-marrëveshjen e vërtetë, që i lanë në tavolinë këshilltari diplomatik i Francës dhe i Gjermanisë.

Por presidenti serb don ta fshehë projekt-marrëveshjen  reale që ka marrë, dhe tenton të shesë non-pejpërin e shpikur serb, që u shpërnda në 19 shtator nga vetë serbët. Presidentit serb i duket se rrena serbe bëhet më e besueshme nëse shpërndahet nga shqiptarët.

Madje një portal perëndimor “reddit.com” në 19 shtator tërhiqte vëmendjen se “një portal në Shqipëri, i afërt me kryeministrin Edi Rama, publikoi “kuadrin e ri” të dialogut midis Serbisë dhe Kosovës”.

Çuditërisht non-pejpëri i tanishëm serb, ashtu si tre non-pejpërat e vjetshëm, përmban ide dhe teza, që përputhen me interesat e Serbisë. Kështu përfshihen zvarritja e dialogut për marrëveshjen e tretë të normalizimit të marrëdhënieve deri në vitin 2033, kur o gomari o i zoti do të kenë ngordhur. Përfshihet kushti i habitshëm proserb që “Serbisë nuk do t’i kërkohet që të njohë Kosovën”. Pastaj del oferta alogjike për të anëtarësuar në fazën e tretë Kosovën në NATO, sikur anëtarësimi në NATO përcaktohet nga BE dhe jo nga SHBA. Dhe në fund non-pejpëri proserb ka një kërcënim të çuditshëm drejtuar Kosovës që nëse nuk pranon “marrëveshjen” e mësipërme me idetë proserbe, do të organizohet “izolim komplet i qeverisë Kurti, që do të çojë në rënien e saj”.

Taktika dinake diplomatike e presidentit Vuçiç, për të mos komprometuar autorësinë serbe të non-pejpërit të ri,  është të shtiret sikur ka refuzuar ta marrë në dorëzim këtë non-pejpër. Tenton të krijojë situatën virtuale sikur ai mund të detyrohet ta pranojë me zor non-pejpërin, që e ka gatuar vetë, nën presionin e diplomacisë europiane. Kemi një intrigë të vogël meskine bizantine të presidentit serb dhe të diplomacisë serbe.

Cila është e vërteta e realitetit diplomatik lidhur me këtë temë?

Së pari, theksojmë se askush në BE, as Franca, as Gjermania dhe as diplomacia e BE, nuk kanë përmendur dhe as kanë folur për ndonjë “kuadër të ri”, “kornizë të re” apo “arkitekturë të re” të dialogut Serbi-Kosovë, për të cilat po zhurmon këto ditë presidenti serb dhe diplomacia e propaganda serbe. Flet vetëm Vuçiçi.

I dërguari i posaçëm i BE për dialogun Serbi-Kosovë, Miroslav Lajçak, i cili ishte i pranishëm në bisedimet, që dy këshilltarët diplomatikë të presidentit francez dhe të kancelarit gjerman zhvilluan në 9 shtator në Prishtinë me kryeministrin Albin Kurti dhe në Beograd me presidentin Vuçiç, e përgënjeshtroi në 15 shtator se ka një “kuadër të ri” të dialogut”.

Lajcak deklaroi se u habit, që po flitet për  një “kuadër të ri” të dialogut Serbi-Kosovë. Stacioni i njohur televiziv serb “n1TV” shkruante në portalin e  tij në 19 shtator se “Burime diplomatike të BE deklaruan se nuk kanë dijeni për ndonjë dokument me një “kuadër të ri” të dialogut. Burimet e BE theksuan se disa herë ndodh që i paraqiten publikut dokumenta anonime për keqinformim”. Stacioni televiziv serb pohon se dokumenti i qarkulluar në mediat serbe dhe shqiptare është një keqinformim.

E vërteta diplomatike e bisedimeve të fundit të dy këshilltarëve diplomatikë të presidentit francez dhe të kancelarit Sholc në Begrad dhe në Prishtinë është krejt ndryshe dhe lidhet me një aksion diplomatik të dyshes më të fuqishme europiane për t’i shtërguar rripat Serbisë që të shkëputet nga Rusia, të bashkohet me sanksionet e BE ndaj Rusisë dhe të njohë Kosovën.

Një diplomat perëndimor në Bruksel vuri në dispozicion të gazetës “Dita” dokumentin e projekt-marrëveshjes së vërtetë, që u është dorëzuar presidentit serb dhe kryeministrit të Kosovës nga dy këshilltarët diplomatikë francez dhe gjerman. Projekt-marrëveshja origjinale ka vetëm dy faqe, dhe jo katër siç pretendon propaganda serbe për non-pejpërin e rremë të shpërndarë nga propaganda serbe.

Dokumenti orgjinal mban titullin “Marrëveshje bazike midis Kosovës dhe Serbisë” dhe ka gjithsej 10 nene. Projektmarrëveshja origjinale franko-gjermane e dorëzuar kërkon që në preambul konkretisht “respektin reciprok për integritetin territorial dhe sovranitetin”.

Në nenin 1 thekson angazhimin e të dy palëve “për marrëdhënie të fqinjësisë së mirë me njeri-tjetrin mbi bazën e të drejtave të barabarta”. Po në atë nen thuhet se “të dy palët do te njohin reciprokisht dokumentat respektive të njeri-tjetrit dhe simbolet kombëtare, përfshirë pasaportat, diplomat, targat e makinave dhe pullat doganore”. Në nenin 4 thuhet se “të dy palët do të procedojnë me qendrimin që asnjeri prej të dyve nuk mund të përfaqësojë palën tjetër në sferën ndërkombëtare ose të veprojë në emër të saj”. Po në atë nen thuhet se ”Serbia dhe Kosova nuk do të kundërshtojnë anëtarësimin e njera-tjetrës në ndonjë organizatë ndërkombëtare”.

Në nenin 5 thuhet se të dy palët do të mbështesin aspiratat respektive per t’u bërë anëtarë të BE.

Në nenin 6 thuhet se “të dy palët do të vazhdojnë me një forcë të re procesin e dialogut të udhëhequr nga BE, i cili duhet të çojë te një marrëveshje legalisht detyruese për normalizimin e plotë të marrëdhënieve të tyre të qendërzuar në njohjen reciproke”.

Në nenin 8 thuhet se të dy palët do të shkëmbejnë misione permanente.

Ky është dokumenti i vërtetë që dy këshilltarët diplomatikë të presidentit francez dhe të kancelarit gjerman i kanë lënë në tryezë presidentit serb dhe kryeministrit të Kosovës. Ky sanksionon rrugën njëkalimëshe të njohjes së Kosovës, nëpër të cilën do të detyrohet të kalojë Serbia. Ky dokument përputhet me kërkesën e qartë kategorike të njohjes së Kosovës, që ia parashtroi presidentit serb Vuçiç kancelari gjerman Olaf Sholc në vizitën e tij në Beograd në 10 qershor 2022.

Vendosmëria për një zgjidhje të shpejtë finale të dialogut Serbi-Kosovë, e ndërmarrë nga krerët e dy shteteve kryesore të BE, e ka tërbuar presidentin serb. Ndaj ai ngriti menjëherë alarmin shtetëror duke thirrur me urgjencë Këshillin e Sigurimit Kombëtar dhe një sesion të posaçëm të parlamentit të Serbisë.

Për të maskuar alarmin Vuçiç hodhi në qarkullim ballkanik non-pejpërin e rremë serb, që cituam në fillim të shkrimit, ku kushdo e sheh se non-pejpëri nu ka asgjë që të alarmohet Serbia, sepse ai është në favor të Serbisë. Presidentin serb e ka nxjerrë nga binarët përmbajtja e dokumentit origjinal, që i lanë në tavolinë dy këshilltarët diplomatikë franko-gjermanë me kërkesat, që e detyrojnë Serbinë për njohjen e Kosovës si shtet fqinjë i barabartë.

Dokumenti origjinal franko-gjerman e ka bërë presidentin serb të humbë ekuilibrin dhe të kërcënojë pa logjikë nga Njujorku ku ndodhet, se Serbia nuk do të lejojë kurrë që Kosova të bëhet anëtare e OKB, një absurditet diplomatik sikur varet nga Serbia nëse një shtet hyn apo jo në OKB. Ai bëri thirrje absurde që Serbia duhet të rimbështetet në mitet e saj mesjetare për Kosovën, sikur mitet do ia zgjidhin çeshtjen e detyrimit për të njohur shtetin e pavarur fqinj. Humbjen e ekuilibrit të udhëheqjes serbe e dëshmoi edhe aleati i tij kryesor në qeveritë e mëparshme dhe në qeverinë e re, filorusi radikal Ivica Daçiç.

Në 14 shtator në sesionin e posaçëm të parlamentit Daçiç deklaroi se serbët kanë bërë gabim të madh që kanë vrarë sulltan Muratin në betejën e Kosovës në 1389 dhe duhet ta kishim lejuar atë që të hynte në Vienë dhe në Budapest, sepse ata që ne mbrojtëm atëhere kanë njohur sot Kosovën si shtet i pavarur. “Serbët ishin mbrojtja e fundit e Europës dhe ajo nuk na e ktheu nderin”-ka thënë Daçiç, ish-kryeministër, ish-ministër i jashtëm dhe ish-kryetar parlamenti i Serbisë.

A e shikoni se në çfarë niveli mendor janë udhëheqësit e sotëm të Serbisë, dhe se sa janë çekuilibruar nga dokumenti origjinal franko-gjerman?

Aq keq janë, sa që presidenti i Rusisë Puti nxitoi në 20 shtator t’u jepte zemër me deklaratën se “Rusia do të vazhdojë t’i japë mbështetje Serbise si aleat strategjik, një mbështetje të gjthëanëshme miqve serbë në mbrojtjen e interesave legjitime të Serbisë”. Presidenti rus e ndërmerr këtë përçapje të re personale si kundërveprim ndaj aksionit të përbashkët diplomatik të presidentit francez dhe të kancelarit gjerman, dhe për ta lidhur më fort Serbinë pas aleancës strategjike me Rusinë.

Presidenti Vuçiç e dëshmoi përsëri rreshtimin e tij me agresionin e Rusisë në Ukrainë, kur në 22 shtator Serbia refuzoi të bashkohej me vendimin e  ri të Këshillit Europian të BE lidhur me masat restriktive ndaj personave dhe veprimeve, që cënojnë dhe kërcënojnë integritetin territorial, sovranitetin dhe pavarësinë e Ukrainës.

Presidenti serb dhe Serbia po kërkojnë të autosugjestionojnë veten se do të arrijnë ta mbajnë të pazgjidhur dhe të hapur pafundësisht çeshtjen e normalizimit përfundimtar të marrëdhënieve me Kosovën dhe të njohjes së saj si shtet i pavarur. Ne këtë klimë iluzionesh Beogradi prodhoi edhe non-pejpërin e rremë për të gënjyer më shume veten se të tjerët. Serbia si shtet, si diplomaci dhe si propagandë, ka ekzistuar gjenetikisht me rrenën. Por efektiviteti i rrenës shtetërore serbe tashmë i përket së kaluarës.

As Ballkani, as Europa dhe as bota, nuk ecin sipas modeleve të rrejshme serbe, por i nënshtrohen ligjësive të marrëdhënieve ndërkombëtare të realiteteve objektive, me ose pa dëshirën e Serbisë. Presidenti amerikan ia ka treguar rrugën e duhur. Kancelari gjerman ia ka treguar rrugën e duhur. Tani edhe nisma e përbashkët e presidentit francez dhe e kancelarit gjerman po ia tregon rrugën, që duhet të ndjekë. Është rruga njëkalimëshe e njohjes së Kosovës./Dita

SHBA, BE, Kosova dhe Korniza e re e dialogut, është lancuar nga Putini, Vuçiqi dhe Edi Rama

NGA: REXHEP TORTE 

Autori Rexhep Torte

-Kosova martire dhe shqiptarët fisnikë dhe paqedashës janë në trojet e tyre dhe në të drejtë e tyte.

-Kosova dhe shqiptarët e meritojnë rrugën më të shkurtër, më të lehtë për një të ardhme të lumtur pas tërë atyre përjetimeve të tmerrshme, sepse askujt nuk ia kanë bërë as edhe më të voglën të keqe.

Serbia agresore gjenocidale dhe krimineli Aleksandër Vuçiq jetojnë vetë me demagogji dhe mashtrime.

Korniza e re për dialogun Kosovë- serbi e cila gjoja u faturohet Emanuel Macronit dhe Olaf Scholzit e që përflitet këtyre ditëve, është kurth i përgatitur nga Vladimir Putin, Aleksandër Vuçiq dhe Edi Rama dhe përbën balon provues për ta matur pulsin e SHBA-ve, BE-së dhe Kosovës.

Kjo u dëshmua edhe në fjalimin e Kriminelit Aleksandër Vuçiq në sesionin e 77 të Asamblesë së Përgjithshme të OKB-së më 21 shtator 2021, ku veç tjerash deklaroi se, “Serbia mbështet tërësinë territoriale të Ukrainës, dhe kritikoi shtetet anëtare të OKB-së që e kanë njohur pavarësinë e Kosovës, duke e shkelur tërësinë territoriale të Serbisë. Ai shoi se, “ U bëj pyetje bashkëbiseduesve të mi udhëheqësve të shumë vendeve – cili është ndryshimi midis sovranitetit dhe tërësisë tokësore të Ukrainës dhe sovranitetit dhe tërësisë tokësore të Serbisë, që është shkelur rëndë dhe që shumë prej jush i jepni njohje dhe legjitimitet ndërkombëtar? Unë kurrë nuk kam marrë përgjigje racionale nga askush, tha ai, duke e cilësuat ndërhyrjen e NATO-s në virin 1999, për t’i dhënë fund shtypjes së shqiptarëve nga Serbia”. “Serbia me durim dhe vullnet të mirë është vënë në kërkim të një kompromisi për Kosovën”, në kuadër të dialogut Kosovë-Serbi me ndërmjetësim të BE-së, tha Vuçiq.

Krimineli Aleksandër Vuçiq, bashkëpunëtori i ngushtë i kriminrlit Sllobodan Millosheviq harron qëllimisht se Serbia dhe serbët në Kosovë ishin okupatorë dhe se sovranitetin dhe tërësinë tokësore serbe duhet ta kërkojnë në Karpate, nga ku erdhën si hordhi të egra.

Siç përshkruhet në media, Korniza e re për dialogun Kosovë- Serbi që ndërmjetësohet nga BE-ja ka tri pika që Kosova nuk mund t’i pranojë qoftë edhe me jetë.

-Status special për Veriun e Kosovës. -Serbia të behet fuqi rajonale ekonomike dhe financiare pas ndihmës gjigande që mendohet t’i jepet.- Serbia garantohet për dhjete vite se askush nuk do t’ia kërkojë njohjen e Kosovës.

Sipas kësaj Kornize të re të supozuar, marrëveshja për normalizimin e raporteve ndërmjet Kosovës dhe Serbisë parashihet të nënshkruhet deri në mesin e vitit 2023.

Në fazën e parë Serbia nuk do ta njeh pavarësinë e Kosovës, por do ta pranojë realitetin. Njohja e ndërsjellë do të vjen në rend pas 10 viteve, kur do të shqyrtohet pranimi në BE.

Sipas kësaj Kornize të re, Serbia nuk do ta bllokonte anëtarësimin e Kosovës në organizata ndërkombëtare përfshirë edhe në OKB-në. Pranimi i kësaj marrëveshje Serbisë do t’i sillte ndihmë ekonomike e financiare për ta bërë lidere në Ballkan.

Ndërsa Kosova sipas kësaj Kornize të re do të pranohej nga pesë shtetet që ende nuk e kanë pranuar.

Kjo Kornize e re, i shkon për shtati vetëm Serbisë kriminale, e cila është ngjitur për muri dhe e ka nuhatur se u ka ardhur fundi shantazheve, përkëdheljeve e nazeve të Serbisë agresore gjenocidale ndaj Kosovës viktimë.

Kjo Kornizë e re, paraqet kompromis maksimal ndaj Serbisë kriminale, atë që po e kërkon në vazhdimësi Serbia kriminale, kompromis që e nënshtron, dëmton dhe e shkatërron shtetin e Kosovës viktimë e agresionit gjenocidal.

Kjo Kornizë e re, në mënyrë tinëzare do ta rehabilitonte Serbinë agresore gjenocidale për krimet e kryera në Kosovë, dhe do ta mundësonte mbulimin, harrimin e krimeve, gjë të cilën e kërkon edhe Edi Rama-Kryeministri i Shqipërisë vëllaçkoja i Aleksandër Vuçiq, i cili deklaron në vazhdimësi që krimet e Serbisë në Kosovë duhet t’ia lëmë të kaluarës, ndërsa Serbia kriminale thotë se gjoja krimet në Kosovë janë të sajuara dhe se Serbia nuk ka bërë krime në Kosovë.

Kjo Kornizë e re, do t’ia humbte Kosovës të drejtën të kërkojë që Serbia t’i paguajë reparacionet e dëmeve të shkaktuara në Kosovë, kur e bëri shkrumb e hi Kosovën.

Kjo Kornizë e re, do t’i krijonte mundësinë Serbisë kriminale, edhe pse ishte agresore gjenocidale në Kosovë, në të ardhmen të mund të kërkonte nga SHBA-të dhe NATO-ja dëmshpërblim për sulmet e NATO-s ndaj caqeve serbe, të cilat i provokoi vetë Serbia, dhe që kishin për qëllim ndalimin e dëbimit dhe të spastrimit etnik të shqiptarëve autoktonë në Kosovë.

Kjo Kornizë e re, që përflitet e tëra kundërmon tradhti dhe hile maksimale ndaj Kosovës viktimë e agresionit gjenocidal që Serbia kriminale e kreu në vitet 1998/99, nga njëra anë, dhe nga ana tjetër, krijon favore të cilat aspak nuk i meriton dhe që i jepen Serbisë agresore gjenocidale, e cila i ka duart e lara gjer në bërryl me gjakun e shqiptarëve të Kosovës.

Kjo Kornizë e re për realizimin e së cilës lypset një periudhë e gjatë kohore, nuk është gjë tjetër veçse një kurth i rrezikshëm dhe manipulim diplomatik që Vladimir Putini, Alekandëtr Vuçiqi dhe Edi Rama, synojnë t’i bëhet Kosovës, dhe një favorizim maksimal që synohet t’i bëhet Serbisë kriminale, për ta bërë Serbinë Perandori të Ballkanit, gjë të cilën e kërkon edhe Edi Rama nëpërmjet “Ballkani i Hapur” dhe pazaret e pista që i bën për ta bërë Serbinë pronare edhe të portit të Durrësit.

Kosova shpreson që në të drejtën e saj ta ndihmojnë SHBA-të dhe BE-ja, por Kosovën do ta do ta ndihmojë edhe Zoti i Madhërishëm, i cili e ka në pëllëmbë të dorës tërë botën.

Puna e parë që është dashur ta bëjë Kosova e që nuk e ka bërë tashmë 22 vite, është aktpadia e Kosovës ndaj Serbisë në Gjykatën Ndërkombëtare të Drejtësisë për gjenocidin që Serbia e kreu në Kosovë në vitet 19989/99.

Albin Kurti dhe Qeveria e Kosovës këtë aktpadi ndaj Serbisë duhet ta paraqesin sa më parë, sepse kjo aktpadi e shqetëson, denigron dhe e frenon Serbinë kriminale ndërkombëtarisht në shumë aspekte.

Siç e kam thënë edhe më parë në një shkrim timin, kjo aktpadi e ven Serbinë kriminale në situatën sikur qengjit t’ia vendosësh ujkun te dera e stallës.

Kosova ka nevojë për miq të sinqertë e besnikë të dëshmuar si Bill Clinton, Madlen Olbrajt, Vesli Clark dhe Riçard Holbruk.

Kanë kaluar 24 vite nga agresioni gjenocidal i Serbisë kriminale, por edhe sa vite duhet të kalojnë që Serbia kriminale ta merr ndëshkimin e merituar.

Shqiptarët që janë kombi më besnik dhe më i sinqertë ndaj SHBA-ve dhe ndaj BE-së, megjithatë edhe sot po nëpërkëmben dhe po kërcënohen padrejtësisht.

Dialogu Kosovë-Serbi duhet përfunduar sa më shpejt dhe pa i bërë lëshime, kompromise dhe lazdrime Serbisë kriminale.

Po qe se kjo Kornizë e re eventualisht do të përkrahej nga BE-ja dhe SHBA-të, kjo do të ishte një fatkeqësi e madhe e demokracisë botërore për zgjidhjen e një problemi të pastër si loti, ku në njërën anë e kemi Serbinë agresore gjenocidale dhe në anën tjetër Kosovën viktimë.

Kjo Kornizë e re për dialogun Kosovë – Serbi, e lansuar nga Vladimir Putin, Aleksandër Vuçiq dhe Edi Rama, ka për qëllim zhbërjen e shtetit të Kosovës, dobësimin e Shqipërisë dhe shtrirjen e ndikimit të Rusisë më Ballkan.

Kjo do të thotë përsëritje e Kongresit të Berlinit 1878, e Konferencës së Ambasadorëve në Londër 1913 dhe e Konferencës së paqes në Paris 1920, ku më shumë se gjysma e trojeve dhe e kombit shqiptar mbetën të jetojnë pa dëshirën e tyre, në trojet e veta por në pesë shtete fqinje.

Korniza e re është rezultat i sjelljeve arrogante dhe mospërfillëse të Serbisë kriminale ndaj SHBA-ve dhe BE-së, i kërcënimeve të vazhdueshme ndaj Kosovës, i pozicionimit të Serbisë pro Rusisë në agresionin e Rusisë ndaj Ukrainës, i mos vendosjes së sanksioneve të Serbisë ndaj Rusisë, i protestave pro Rusisë në Beograd duke kënduar himnin serb dhe himnin rus, i valëvitjes së flamujve të përbashkët serb dhe rus, i brohoritjeve “Ukraina është Rusi dhe Kosova është Serbi”, “Serbët dhe rusët janë vëllezër të përjetshëm” e “Jo NATO”, që dëshmojnë aspiratat serbe dhe ruse Serbe ndaj Kosovës.

Albin Kurti dhe Qeveria e tij dhe Vjosa Osmani Presidente e Kosovës, janë e vetmja shpresë, se do të dinë që me argumente bindëse t’i dalin zot Kosovës dhe ta kundërshtojnë po qe nevoja edhe këtë Kornizë të re tejet të dëmshme për Kosovën.

Lëvizjet islamiste dhe karakteri i tyre radikal, po e degradon kombin dhe kulturën tonë!

NGA: OSMAN FERIZI 

FOTO GALERI

Autori Osman Ferizi

Lëvizja apo kryengritja e parë terroriste e islamiste në trojet shqiptare ishte ajo e filoturqve Haxhi Qamili dhe myftiu Musa Qazimi, i cili ishte marionetë e pashallarëve të Stambollit, ai kishte qëllim kthimin e kalifatit islamik që në vitin 1914, e hoqën flamurin kombëtar.Hoxhallarët që propagandojnë fenë para kombit, që nxisin urrejtje ndaj femrave përparimtare e që kërcënojnë me ndëshkim, duhet të hetohen nga prokurorët e shtetit.

Unë nuk jam studiues e as predikues fetar, por si një qytetar laik i këtij vendi që quhet Dardani më dhemb zemra dhe shpirti për këtë degradim shpirtërorë dhe njerëzor që nga pas lufta e deri më sot. Qe 30-vite nuk jetoj në atdhe, por në një shtet të krishterë dhe me ekonomi të zhvilluar (Gjermania), ku afër një milion shqiptar sot jetojnë, punojnë pa asnjë paragjykim nga gjermanët edhe pse shumica jemi shqiptarë të besimit islam.

Nga mundi dhe djersa i mbajtëm familjet tona dhe investuam në kauzën kombëtare për liri. Atëherë edhe kur rrezikohej qenia jonë kombëtare shqiptare, këto shtete të krishtera na u gjetën në momentet më të vështira të historisë sonë dhe na njohën si shtet nga të parët, dhe sot bijtë e tyre qëndrojnë në Dardani për të siguruar kufijtë e shtetit tonë.

Dihet që gadishulli Ilirik (Ballkani sot) ka qenë dhe është një territor ku janë takuar dhe ndarë civilizimet, në mes të trojeve shqiptare u bën vija ndarëse, kulturore, fetare e politike, siç njihet “Vija e Teodosit”, ku puqeshin më pas civilizimi i krishterë (latin-perëndimor) dhe ai ortodoks (lindor apo bizantin). Në këto kryqëzime kulturore, fetare, kanë qenë dhe mbeten interesa gjeostrategjike për rajonin, por edhe më gjerë. E për rrjedhojë të kësaj u krijuan rivalitete mes besimeve, kulturave. Në kuadër të kësaj më së keqi e pësoj populli autokton në trojet e veta, shqiptarët. Të huajt ushtruan dhunën mbi ne ku ndodhën dyndje popujsh, avar, hun, sllavë, bullgarë etj., si pasojë edhe më shumë luftëra, konvertime të dhunshme, eksode.

Përkundër asaj që ne kemi tri besime, e që nga gjuha dhe gjaku jemi një popull, u krijua një shembull model, tashmë tradicional mbi besimet, ku mbizotëroi harmonia, toleranca dhe respekti ndër-vëllazërorë.

Duhet potencuar që sundimi dhe pushtimi gati pesë shekullor otoman la vragë të mëdha shpirtërore; degradim kulturor, analfabetizëm, mohimin e gjuhës shqipe, humbje dhe dhurim territoresh nga Rusia dhe fuqitë e mëdha, ortodoksëve të Serbisë, Malit të Zi, Maqedonisë e Greqisë. Roli i xhamive ishte regrutimi i të rinjve në luftëra për interesa të Perandorisë Otomane, pastaj konvertimi i dhunshëm dhe tragjik në bisedimin islam. Ata “Hoxhallarë” që shërbenin më.

Shumë kishin rolin e komisarëve politik që për interesa të tyre dhe të perandorisë bënin çmos që populli mos të shkollohet dhe ashtu më lehtë ishte të manipulohet. Ju kujtoj se sulltani Mehmet Fatihu gjatë pushtimit të tij në tokat shqiptare masakroi mijëra gra e fëmijë, dhe sot për ironi një xhami në Prishtinë e mbanë emrin e atij krimineli.

Lëvizja apo kryengritja e parë terroriste e islamiste në trojet shqiptare ishte ajo e filo-turqve Haxhi Qamili dhe myftiu Musa Qazimi, i cili ishte marionetë e pashallarëve të Stambollit, ai kishte qëllim kthimin e kalifatit islamik që në vitin 1914, e hoqën flamurin kombëtar dhe e vendosen flamurin islam të Kalifatit. Këto vegla, të shitura me detyrë antikombëtare vranë edhe mësues që ju mësonin fëmijëve gjuhen shqipe dhe shqiptarët e krishterë qenë të parët në shënjestër asgjësimi.

Luftëtari dhe veprimtari Osman Ferizi me presidentin Rugova

FOTO GALERI

Sot në shek. XXI, kohën e globalizmit ku ballafaqohemi me kriza, sfida, ekstremitete deformuese politike, amoralitet e pasiguri, popujt rrezikohen nga ekstremizmat dhe radikalizmat fetarë ku fare lehtë konfliktet fetare mund ta zëvendësojnë luftën, sepse qendra të caktuara fare lehtë po shfrytëzojnë krizat ekonomike, vetëdijen e ulët shoqërore e që financojnë militantët ekstremist primitiv, tru lesh e reptil, që thirren në “din” e “dovlet” të cilët ia marrin lirinë, e të menduarit dhe të besuarit të të tjerëve dhe verbërisht ndihen të rehatshëm nën robërinë e tyre ideologjike e dogmatike fetare duke përqafuar versionin e islamit politik, doktrinën ekstremiste, duke e mohuar të kaluarën tonë historike, identitetin, kulturën dhe traditën. Kjo është doktrinë, e cila mohon Kombin shqiptar.

Dardania dhe Shqipëria me Kushtetuta laike e sekulare, edhe me popullsi dominonte laike dhe lidhje të forta shpirtërore me perëndimin dhe SHBA-të, kanë qenë pagan dhe më pas katolik dhe ortodoks. Botës i dhamë, pushtuesit, perandorët dhe gjeneralët më të mëdhenjë Iliro-Dardan (Aleksandrin e Madh, Teodosin, Dioklecianin, Konstandinin e Madh, Justinianin), përkthyesin e Biblës Shën Jeronimin, Niketë Dardanin, Skënderbeun, disa Papë në Vatikan, Shën Terezën, çka nuk i dhamë botës. Por,thuaja që kur jemi islamizuar, asgjë as për vete e as për të tjerët, sepse islamizimi u bë me dhunë dhe me metoda jonjerëzore dhe mu për këtë formalisht jemi të regjistruar si mysliman, fatkeqësisht. Ne, ndër shekuj treguam një traditë model të bashkëjetesës në diversitet dhe tolerancës fetare, në vëllezëri, i kemi gjithë ata Shqiptarë ortodoks e katolik në Greqi, Maqedoni, Turqi, Itali, Berat, Lezhë, Shkodër e Malësi, pra kudo që flasin SHQIP. Vini re, pas luftës shumë individ dhe organizata “Bamirëse”, nga Turqia dhe Katari që kinse na ndihmuan, ndërtuan vetëm xhami, në ndonjë mëhallë edhe dy, më vonë u identifikuan si financuese të terrorizmit. Investuan miliona për të ndërtuar infrastrukturën propaganduese, indoktrinimin e rinisë, ndërtimin e shumë xhamive qëllim këqija duke futur farën e përçarjes dhe urrejtjes, rekrutuan grupe terroristesh në Siri, e që ky ishte qëllimi i tyre djallëzor por u realizua edhe përmes politikës serbe në Dardani me qëllim krejtësisht të njohur, shpalljen e Dardanisë shtet islamik terrorist e talibanist. E gjithë kjo pati fatkeqësi kombëtare, e si shkas i fanatizmit islamik nuk u ndërtua asnjë çerdhe për fëmijët apo shkollë e vetme, e mos të flasim për fabrika.

Kjo krizë identiteti duhet ndaluar nga shteti mekanizmat e tij. Hoxhallarët (Sh. Krasniqi, Irfan Salihu, Sadullah Bajrami, Ahmed Kalaja, Armand Ali..…), që propagandojnë fenë para kombit, që nxisin urrejtje ndaj femrave përparimtare e që kërkojnë vendosjen e shamive, që kërcënojnë me ndëshkim, kërcënim të gjinisë femërore, kërkojnë të na kthejnë ligjet arkaike të mesjetës të para 1400 vite, më parë kur femra mbytej me gurë.

Sot duhet të hiqni shamitë e mbulesat, flakni errësirën. E këta imamë duhet hetuar prokurorët e shtetit. Një nga qindra shembujt të platformave, metodave të regjimeve të Serbisë, që i përdornin kundër shqiptarëve, është ai i vitit 1908. Kur shqiptarët filluan të mobilizohen kundër perandorisë Osmane, këtë tendencë të unifikimit të shqiptarëve pa dallime fetare, e heton ish-konsulli serb në Prishtinë, i cili i njofton udhëheqësit në Beograd, të cilët e autorizojnë që të inskenoj provokim dhe konflikt mes shqiptarëve të besimit mysliman e katolik. Konsulli serb angazhon një serb (Andrea Saviq) nga Gjakova që natën e festes së Bajramit të vendosë koka derrash të prerë në disa xhami (Smolic, Prizren), që pati pasoja revolte e keqtrajtimi të klerikëve katolik. Pra, kjo përçarje ju konvenon armiqve historik të shqiptarëve.

Këto veprime nuk mund të bëhen pa mbështetje dhe partneritet të heshtur politik.

Ngatërresën me shaminë sot po e bënë Lëvizja Vetëvendosje për interesa elektorale. Si lejohet nga Shteti ynë laik që sot në disa institucione të lejohet kryerja e ritualeve fetare (në FSK, në Policin e Kosovës, në konvikte të studentëve, në disa kopshte fëmijësh…), ka edhe shumë dëshmi dhe prova që Serbia në forma të ndryshme financon islamizmin ekstremist në Kosovë, për të krijuar një imazh të keq në Bashkimin Europian, se ne jemi anti të krishterë, ky edhe është mision i tyre që shumë imam në përpikëri po e zbatojnë.

Vëllezër shqiptar të qëndrojmë bashkë në themel të ruajtjes së identitetit Kombëtar. Gjuhen, traditën, kulturën tonë të bukur- SHQIPEN e Orakujve e Rilindësve tanë, të korifenjve të kombit dhe gjuhës (Teodor Shkodranit, Gjon Buzukut, Bogdanit, Budit, Negovanit, Aristidh Kolë, Koto Hoxhit, Anastas Kulluriotit, Pandeli Sotirit, Don Zef Ashtës, Sami Frashërit, Gjergj Fishtës etj.) mos bini pre e politikave antikombëtare e servilëve islam.

Vëllezër shqiptar mos u vorrosni si arab, turq e latin, varrosuni si Shqiptarë të mbuluar me flamur kombëtar.

Gjuha shqipe është si flaka, edhe kur e ndanë prap mbetet FLAKË!

Osman Ferizi, rikujton rrugëtimin e grupeve të para guerile, të stërvitura në Shqipëri, pjesë e të cilave ishte edhe vet. 30 vjet pas (foto e bërë, më 2021)