Tërmeti i dytë godet gjatë transmetimit direkt në Turqi teksa gazetarët vrapojnë për të shpëtuar

 HUazuar nga TCH 

1,651 të vdekur në Turqi dhe më shumë se 968 në Siri, ky është bilanci tragjik i tërmetit të fuqishëm 7.8 ballë të shkallës Rihter që goditi dy vendet këtë të hënë gjatë orëve të para të mëngjesit, duke sjellë pasoja katastrofike.

Qindra persona të tjerë raportohet se janë plagosur në të dy shtetet. Turqia gjendet mbi një nga linjat më të mëdha sizmike dhe shpesh goditet nga tërmetet, ndërsa epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep.

Ka pasur edhe tërmete pasuese, përfshirë edhe në shkallë prej 7.7, 6.7 apo 6 Rihter. Në të dy shtetet po zhvillohen operacione për të shpëtuar njerëzit e bllokuar nën rrënoja pas rrëzimit të ndërtesave, ndërsa në dy anët e kufirit, banorët ishin në gjumë kur goditi tërmeti. Në banor i qytetit turk, Adana, tha se tri ndërtesa pranë shtëpisë së tij ranë.

“Nuk kam fuqi më”, është dëgjuar të ketë thënë një prej të mbijetuarve, i bllokuar nën rrënoja, teksa ekipet e shpëtimit kanë bërë përpjekje që ta shpëtojnë, tha banori i Adanit, Muhammet Faith Yavus.

Në anën siriane të kufirit, tërmeti goditi rajonet e kontrolluara nga opozita, që jetojnë afër 4 milionë të zhvendosur nga pjesë të tjera të Sirisë, për shkak të luftës civile në vend. Shumica prej tyre jetojnë në kushte të rënda dhe pa përkujdesje shëndetësore, teksa territoret ku gjenden ata janë të rrethuara nga forcat siriane. Turqia, ku ishte epiqendra e tërmetit, shpesh goditet nga tërmete të fuqishme. Afërsisht 18.000 persona janë vrarë nga tërmetet e fuqishme që kanë goditur shtetin në vitin 1999.

Kahramanmaraş’ta 7,4 büyüklüğünde deprem meydana geldi. Depreme ilişkin son bilgiler TRT Haber’de. https://t.co/LVC7JGOyyP

— TRT Haber Canlı (@trthabercanli) February 6, 2023

17:23  Mbi 800 viktima nga tërmeti në Siri/ Apeli i ekipeve të shpëtimit: Na ndihmoni të shpëtojmë njerëzit tanë

Dhjetëra njerëz janë ende nën rrënojat e ndërtesave të shkatërruara nga tërmeti në Siri, teksa ekipet e shpëtimit janë në luftë me kohën për të shpëtuar sa më shumë të mbijetuar. Ekipet e shpëtimit që po punojnë në terren nuk janë mjaftueshëm për të kërkuar në çdo ndërtesë. Ismail Alabdallah, pjesë e skuadrave të shpëtimit apelon për ndihmë.

17:22  Mbi 2 mijë viktima nga tërmeti në Turqi/ I ftohti vështirëson situatën, ekipet e shpëtimit në luftë me kohën

Ekipet e kërkim-shpëtimit në Turqi dhe në Siri janë në luftë me kohën për personat e mbetur nën rrënoja ka tërmeti, teksa situate ka marrë përmasa katastrofike me 2,361 viktima. Pothuajse 1,500 njerëz janë konfirmuar të vdekur në Turqi dhe më shumë se 800 në Sirinë fqinje, ndërsa numri ka gjasa të rritet. Këshilltari i Erdogan, lnur Cevik thotë se ekipet janë në luftë me kohën për nxjerrjen e trupave dhe nuk janë aspak të favorizuar nga moti i ftohtë.

 16:43 Izraeli do të dërgojë ekipe shpëtimi në Turqi dhe Siri

Izraeli do të dërgojë ekipe kërkim-shpëtimi dhe ndihmë mjekësore në Turqi dhe Siri. “Kjo është ajo që ne mund të bëjmë në ndihmë të fqinjëve tanë,” tha kryeministri Benjamin Netanyahu. Netanyahu tha se ndihma ishte në përgjigje të një kërkese nga qeveria turke dhe një kërkesë për viktimat në Siri, pa specifikuar burimin. Siria nuk e njeh Izraelin dhe të dy vendet janë në gjendje lufte që nga viti 1948. Izraeli dhe Turqia rivendosën marrëdhëniet diplomatike vetëm në gusht pasi Turqia i ndërpreu marrëdhëniet pas një incidenti vdekjeprurës në 2010.

14:32 Babi e përqafon mes lotëve, 5-vjeçarja nxirret e gjallë nga rrënojat pas 7 orëve

5-vjeçarja Ajshe, e cila ishte nën rrënoja në Kahramanmaraş, u shpëtua nga tërmeti pas 7 orëve., Ndërtesa 6-katëshe, e vendosur në qendrën e qarkut Kahramanmaraş, Pazarcık, u shemb nga tërmeti me magnitudë 7.7 që ndodhi në mëngjes. Nën rrënoja mbeti edhe familja Güneş me 4 anëtarë që jetonte në ndërtesë. Disa orë më vonë, zëri i Ajshes, vajzës së vogël të familjes, u dëgjua.

14:24 “Mund të ketë deformuar bregdetin”/ Sizmologu tregon dinamikën e tërmetit: Ndodhi në pikën e takimit të tre pllakave

Tërmeti me magnitudë 7.8 që ndodhi mëngjesin e sotëm në Turqi dhe goditjet e shumta pasuese, u shkaktuan nga një prej dy çarjeve kryesore të pranishme në Turqi, ai i Anadollit Lindor. “Tërmeti ndodhi në thyerjen e Anadollit Lindor, në pikën e trefishtë ku bashkohen blloqet e Anadollit, Arabisë dhe Afrikës” , tha sizmologu Alessandro Amato , i Institutit Kombëtar të Gjeofizikës dhe Vullkanologjisë ( Ingv ).

14:19 “Do të ngrijnë”, e moshuara qan mes rrënojave, pret me pikëllim shenja jete nga nipërit dhe mbesat

Një grua e moshuar qan mes rrënojave, duke pritur që të kuptojë nëse mbesat dhe nipërit e saj që kanë mbetur nën rrënoja janë ende gjallë.

13:29 Para dhe pas! Shkalla e rëndë e dëmit në Turqi nga tërmeti vdekjeprurës

Shkalla e dëmit të shkaktuar në ndërtesat në zonën përreth epiqendrës së tërmetit në Turqi, në qytetet Iskenderun dhe Gazantiep është shumë e madhe. Më poshtë janë një pjesë e vendeve se si kanë qenë para tërmetit dhe pas tërmetit.

13:02 Ishte parashikuar tërmeti vdekjeprurës në Turqi? Çfarë postoi studiuesi sizmik tre ditë më parë

Një studiues sizmik, Frank Hoogerbeets duket se e kishte parashikuar tri ditë më parë tërmetin e fuqishëm në Turqi. Një tërmet i fuqishëm goditi sot Turqinë dhe Sirinë duke shkaktuar mbi 1 mijë të vdekur dhe qindra të plagosur.

13:00 “Goditja zgjati 100 sekonda”/ Sizmologu britanik: Mund të ketë pasgoditje më të madhe se kryesorja, ishte lloji më i keq

Sizmologu britanik Stephen Hicks ka paralajmëruar se Turqia dhe Siria mund të presin mijëra pasgoditje për javët apo muajt e ardhshëm. Teksa ka folur pak para goditjes së tërmetit të dytë, 7.5 ballë, Stephen Hicks, nga University College London, ai shpjegoi se 11 minuta pas tërmetit me magnitudë 7.8 të mëngjesit të sotëm, u regjistrua një pasgoditje prej vetëm një njësie me magnitudë më pak.

12:34 Lot, dhimbje dhe rrënoja/ Momentet tragjike në Turqi përmes fotove

Turqia dhe Siria po përballen me një prej ngjarjeve më të rënda këtë të hënë, pasi u goditën nga një tërmet me magnitudë 7.8 dhe paslëkundje të fuqishme. Qindra persona të tjerë raportohet se janë plagosur në të dy shtetet. Turqia gjendet mbi një nga pllakat më të mëdha sizmike dhe shpesh goditet nga tërmetet, ndërsa epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep.

12:03 Lëkundjet në Turqi, Erdogan: Katastrofa më e madhe që nga tërmeti i vitit 1939

Presidenti i Turqisë, Recep Tayyip Erdoğan e cilësoi si katastrofën më të madhe që nga tërmeti i vitit 1939 në Erzincan, tërmetin me magnitudë 7.8 në orët e para të mëngjesit.

Erdogan: Mëngjesin e sotëm në ora 04:17 na ka tronditur katastrofa më e madhe që nga tërmeti i vitit 1939 në Erzincan. Institucionet shtetërore me të gjitha shërbimet janë mobilizuar në rajonin e prekur nga tërmeti. Nga tërmeti në Turqinë kanë humbur jetën 912 persona ndërsa 5.385 janë plagosur. Vazhdojnë aktivitetet e kërkim-shpëtimit të qytetarëve tanë që kanë mbetur nën rrënoja në rajonet e goditura nga tërmeti. Më shumë se 900 shpëtimtarë aktualisht janë duke kërkuar të zhdukurit pas tërmetit, numri i shpëtimtarëve vazhdimisht po rritet. Deri më tani nga rrënojat janë shpëtuar 2.470 persona ndërsa numri i ndërtesave të rrënuara ka shkuar në 2.818. Ka filluar vendosja e kontakteve me vendin tonë me qëllim të ndihmës ndërkombëtare. NATO, BE dhe 45 vende kanë ofruar ndihmë për Turqinë.

11:04 Greqia përkrah Turqisë, Micotakis: Greqia po mobilizon burimet e saj për ndihmë

Në një mesazh në llogarinë e tij në Twitter kryeministri grek Kyriakos Mitsotakis ka theksuar se Greqia ndodhet në krah të Turqisë dhe Sirisë pas katastrofës biblike dhe qindra viktimave që ka shkaktuar tërmeti i fuqishëm në këto dy shtete. Në postimin e tij, nga të parët e udhëheqësve të huaj që kanë shprehur mbështetjen e tyre ndaj dy vendeve , Mitsotakis shkruan: “I trishtuar thellësisht nga fatkeqësia shkatërruese e tërmetit në Turqi dhe Siri. Ngushëllimet tona të përzemërta shkojnë për familjet e viktimave dhe mendimet tona janë me të gjithë njerëzit që janë prekur. Greqia po mobilizon burimet e saj dhe do të ndihmojë menjëherë”, tha ai.

11:00 Epiqendra e tërmetit që goditi Turqinë dhe Sirinë, Gaziantepi me numrin më të lartë të viktimave

Epiqendra e tërmetit që goditi Turqinë dhe Sirinë këtë mëngjes ishte afër qytetit të Gaziantep, ndërsa qytetarët në të gjithë Turqinë, Sirinë, Libanin, Qipron dhe Izraelin ndjenë lëvizjen e tokës nga tërmeti me magnitudë 7.8 ballë. Qyteti i madh turk Gaziantep ka numrin më të lartë të vdekjeve deri më tani, me 80. Gaziantep ndodhet rreth 90 km nga kufiri sirian dhe i njohur historikisht si Antep. Disa tërmete të tjera goditën qytetin pas tërmetit të fuqishëm 7.8 ballë, duke përfshirë një me magnitudë 6.4 dhe një tjetër me magnitudë 6.5.

10:54 Tërmeti në Turqi/ Shkollat pezullohen për një javë në zonat e prekura

Shkollat në 10 qytetet dhe provincat në të gjithë Turqinë të goditura nga tërmeti do të mbyllen për një javë, tha zëvendëspresidenti i vendit, Fuat Oktay. Qytetet dhe provincat janë Kahramanmaraş, Hatay, Gaziantep, Osmaniye, Adıyaman, Malatya, Şanlıurfa, Adana, Diyarbakır, Kilis.

10:52 Ende ka shpresë! Një grup fëmijësh nxirren të gjallë nga rrënojat e tërmetit të rëndë në Turqi 

Moment children pulled out from under rubble in southern Türkiye after powerful quakehttps://t.co/9gUWdy1LiZ pic.twitter.com/AIHdz3cHi3

— Yeni Şafak English (@yenisafakEN) February 6, 2023

10:42 Gjermania e gatshme të ndihmojë Turqinë dhe Sirinë pas tërmetit

Gjermania është e gatshme të ofrojë ndihmë për Turqinë dhe Sirinë pas një tërmeti të fuqishëm që tronditi rajonin herët të hënën, tha ministri i jashtëm i Gjermanisë. “Mendimet e mia janë me familjet e atyre që humbën jetën në këta #tërmete të tmerrshme dhe me ata që ende kanë frikë për të afërmit, miqtë apo fqinjët e tyre”, shkroi Annalena Baerbock në Twitter. “Së bashku me partnerët tanë, ne jemi të gatshëm të ofrojmë ndihmë.”

10:33 “U zgjova i tmerruar”, banorët e Turqisë ende të frikësuar nga lëkundjet e tërmetit

Banorët e Turqisë kanë përjetuar tmerrin gjatë orëve të para të mëngjesit, pasi tërmeti me magnitudë 7.8 goditi zonën jugore. “Pikturat ranë nga muret e shtëpisë”, tha Samer, një banor i kryeqytetit sirian Damaskut për Reuters. “U zgjova i tmerruar. Tani jemi të gjithë të veshur dhe qëndrojmë te dera.” Në qytetin turk të Gaziantepit, Erdem përshkroi ndjenjën e tronditjes:  Unë kurrë nuk kam ndjerë diçka të tillë në 40 vitet që kam jetuar.

09:46 Tragjedia në Turqi/ Qytetarët e mbetur jashtë nuk favorizohen as nga moti, zona pritet të përfshihet nga dëbora

Qytetarët e Turqisë përveç tmerrit të përjetuar nga tërmeti po përjetojnë edhe temperaturat ekstreme. Temperaturat pak mbi pikën e ngrirjes po ndodhin në provincën Gaziantep të Turqisë, me reshje shiu dhe bore që parashikohen të hënën dhe të martën. Reshjet e borës do të jenë më të përhapura gjatë ditës së hënë dhe do të zgjasin deri të martën. Bora do të jetë më e madhe në lartësitë më të larta, por mund të bjerë deri në kufirin me Sirinë.

FOTO GALERI

1/73

  

Në pamje të shpërndara nga mediat vendase, shiheshin sot momentet rënda kur tërmeti i dytë godet vendin e katastrofës teksa grupet televizive po raportonin nga vendi në jug të Turqisë.

Video tregon sesi grupi i xhirimit nisin të vrapojnë në panik teksa një ndërtesë shembet në Malatya, teksa ata ishin në lidhje të drejtpërdrejtë nga vendi.

Katastrofa e rëndë ka shkaktuar deri tani rreth 2000 të vdekur ndërsa të tjerë janë ende të bllokuar nën rrënoja.

1/2

Video tregon sesi grupi i xhirimit nisin të vrapojnë në panik teksa një ndërtesë shembet para tyre në Malatya

Plani gjermano-francez e çon Kosovën në NATO

 

Albin Kurti thotë se dialogu nuk duhet të shërbejë vetëm për menaxhim të krizave. Dialogu duhet të jetë për marrëveshje. Presidenti Vuçiq flet për një dokument gjermano-francez.

    

Kryeministri i Kosovës, Albin Kurti thotë se "është optimist që në muajt e ardhshëm do të mund të arrihet një marrëveshje për përmirësimin e marrëdhënieve me Serbinë, marrëveshje kjo ligjërisht obliguese". Sipas Kurtit, në dialogun mes Kosovës dhe Serbisë, që lehtësohet nga Bashkimi Evropian, është krijuar një qasje e re. Kurti tha se "dialogu nuk duhet të shërbejë vetëm për menaxhim të krizave, por dialogu duhet të jetë për marrëveshje”. Këto  deklarata, kryeministri i Kosovës i bëri në seminarit të 102-të Rose-Roth të Asamblesë Parlamentare të NATO-s që këtë herë është mbajtur në Prishtinë.

Faza e re e dialogut

"Tani jemi futur në një fazë të re, prej 18 gushtit të këtij viti. Kjo është fazë e re sepse tema e parë në zyrën e Josep Borrell në Bruksel, ishte korniza e përgjithshme e marrëveshjes. Pra, dialogim për marrëveshje. Tani unë jam shumë më optimist, sepse, krahasuar me të kaluarën, kur njohja e pavarësisë ishte në fund të procesit, dhe po shndërronte këtë çështje në motivim për zvarritje të procesit, tani njohja e ndërsjellë nuk është në fund, por në qendër të marrëveshjes”, tha Kurti.

Vuçiq flet për propozimin gjermano-francez

Në anën tjetër, Presidenti i Serbisë, Aleksandar Vuçiq, tha në një konferencë për medie në Beograd se Franca dhe Gjermania kanë paraqitur një dokument me të cilin kërkojnë që Serbia të lejojë anëtarësimin e Kosovës në Organizatën e Kombeve të Bashkuara dhe në organizatat e tjera ndërkombëtare, por pa e njohur pavarësinë e saj. "Pozicioni i Serbisë po bëhet gjithnjë e më i ndërlikuar, sepse Perëndimi po përpiqet të zgjidhë çështjen e Kosovës me anëtarësimin e saj në OKB. Perëndimi mendon se me këtë do t'i marrë argumentet nga duart presidentit rus Vladimir Putin”, tha Vuçiq. Presidenti Vuçiq, tha se propozimi i Gjermanisë dhe Francës është një çështje për të cilën duhet biseduar dhe menduar”.

"Nuk mund ta hidhni nga dritarja propozimin që vjen nga dy nga vendet më të fuqishme, por nuk jam i sigurt që mund ta pranojmë”, tha Vuçiq. Sipas tij, "thelbi i dokumentit është që Serbia të lejojë anëtarësimin e Kosovës në të gjitha institucionet dhe organizatat ndërkombëtare, përfshirë edhe Kombet e Bashkuara”. Serbisë, "do t'i përshpejtohej anëtarësimi në Bashkimin Evropian dhe do t'i ofroheshin përfitime të rëndësishme ekonomike”, tha Vuçiq. Ai ritheksoi se për Serbinë është e papranueshme që Kosova të jetë në OKB. Autoritetet në Kosovë nuk e konfirmuan ekzistimin e një dokumenti të tillë. Ato thonë  se zgjidhja e vetme është njohja e ndërsjellë.

Angazhimi i këshilltarëve

Kancelari i Gjermanisë Olaf Scholz dhe presidenti i Francës Emmanel Macron, dy muaj më parë angazhuan këshilltarët për politikë të jashtme, Jenns Plettner dhe Emmanuel Beaune, që të shtyjnë përpara procesin e dialogut Kosovë-Serbi me qëllim arritjen e një marrëveshje përfundimtare për përmirësimin e raporteve. Të dytë u bënë thirrje kryeministrit Albin Kurti dhe presidentit Aleksandar Vuçiq që "të tregojnë vendosmëri dhe gatishmëri maksimale për të marrë vendime të vështira, të cilat çojnë në përparim në dialogun ndërmjet Kosovës dhe Serbisë”.

Kancelari gjerman Olaf Scholz dhe presidenti francez Emmanuel Macron, i takuan ndarazi të enjten në Pragë presidenten e Kosovës Vjosa Osmani-Sadriu dhe presidentin serb Vuçiq. Presidentja Osmani-Sadriu, tha se për dialogun me Serbinë "ka kërkuar të mbyllet sa më shpejt, me njohje të ndërsjellë", ku nuk do të prekej integriteti territorial dhe rendi kushtetues i Kosovës.

"Para presidentit Macron dhe kancelarit Scholz kam paraqitur vijat tona të kuqe, që kanë të bëjnë me mbrojtjen e integritetit territorial, sovranitetin e vendit, kushtetutshmërinë e vendit, dhe parimin e unitaritetit të shtetit. Dhe po ashtu, potencova rëndësinë e jashtëzakonshme që Kosova të mbetet shtet funksional, pra mos të lejojmë zgjidhje të cilat më shumë shkaktojnë probleme sesa që sjellin më shumë paqe e stabilitet në rajon", deklaroi presidentja Osmani-Sadriu pas takimit me Scholz dhe Macron në Pragë të Çekisë. 

“S’kam asnjë lidhje me oligarkun rus”, Rama: Nuk kam folur kurrë me zyrtarin e FBI për atë person! Opozita nuk meriton përgjigjen time

 

  

Kyeministri Edi Rama ka mohuar që ai personalisht apo qeveria të ketë pasur lidhje me oligarkun rus Oleg Deripaska, i cili është i përfshirë në çështjen “McGonigal”.  

Në një lidhje direkte sonte në “Top Story” me Grida Dumën ku mohoi akuzat e vazhdueshme të opozitës, Rama tha se në takimet e tij me ish-zyrtarin e lartë të FBI nuk ka pasur komunikime për oligarkun rus dhe vetë ai nuk ka asnjë lidhje me hetimin e SHBA-ve.

Rama: Me oligarkun rus Shqipëria s’ka asnjë lidhje, qeveria jo, unë jo e jo. Asnjë rast nuk është folur për këtë personazh, përveçse tani së fundmi kur opozitat së bashku me mediat e tyre të propagandës, nxorën lidhje të kapjes së veshit mbrapsh fjalës me aktivit në Shqipëri të kompanisë më të rëndësishme të flamurit austriak në botë që është kompania ‘Strabak’. Mësova që Oleg Deripaska paska pasur aksione, puna e tyre, nga e cila është larguar menjëherë pasi janë vendosur sanksione. Është njësoj si të them për shkak se ‘Strabak’ ka marrë miliona euro nga qeveria e mëparshme,e atyre që sot akuzojnë, atëherë ata kanë qenë të lidhur me oligarkun në fjalë, këtë s’mund ta them se është qesharake.

Kryeministri dha edhe një shpjegim për njohjet me dy shqiptarët Agron Neza dhe Dorian Ducka të cilët kanë lidhje me zyrtarin e FBI nën akuzë nga ShBA.

Grida Duma: Oligarku shfaqet bashkë me kompaninë te Shushica, fonde, investitor strategjik në Divjak etj. Ju nuk keni ditur që ka qen një oligark rus, nuk keni ditur që Agron Neza është biznesmen, që Duçka që fiton nga tenderimet shqiptare. Këta nuk kanë fituar?

Rama: Nga cili tenderim ka fituar Duçka, unë skam dijeni por ju duhet të më provoni të kundërtën. Në rastin e personit tjetër, ai ka ardhur këtu me ish zyrtarin e lartë të FBI, skam pasur njohje më parë. Në aktakuzë flitet për një borxh të marrë mes të dyve dhe asgjë tjetër nga ato që thuhen këtu prej ditësh. Kjo është mbarsja e një mali të madh do të pjellë një bisht miu.

Duma: Në atë që Zëri i Amerikës thotë, që nuk dihet pse kryeministri është takuar me një zyrtar të lartë të FBI në prani të personave privatë, në faktin që këta individë, zoti Nezaj thuhet se informacionet për partinë tjetër i ka marrë në zyrën tuaj.

Rama: Unë nuk komentoj komentatorët, Zëri i Amerikës është komentar, në aktakuzë nuk thuhet asgjë e tillë. Është interesant si pikturohet kjo panoramë gënjeshtrash. Duke aluduar se ajo ç’ka ka ndodhur me hetimin dhe skandalin e marrjes së parave ruse për të rrëzuar qeverinë këtu është një sajesë që lidhet me takimin tim me ish-zyrtarin e lartë të FBI-së. Së pari, unë atë skandal e kam marrë vesh në publikimin e BIRN. Edhe në aktakuzë nëse e shihni, datat e përmendjes së këtij fakti janë në atë periudhë kur këtu në Shqipëri bëhej nami në media për atë skandal. Po e them troç dhe copë, nuk kam pasur asnjë lloj dokumenti më shumë dhe ne këtu nuk kemi pasur ndonjë gjë tjetër se që ka zbuluar BIRN. Po ta kishim do t’ja jepja zyrtarit të lartë të FBI-së, apo nëse do më thoshin kjo nuk është për mua, do thoja për kë është kjo dhe ku duhet ta çoj. Bëhet fjalë për iinfluencë ruse përmes PD për të rrëzuar qeverinë. Nuk e kam bërë se nuk kam pasur asnjë informacion më shumë sesa kanë dalë nëpër media

Duma: Pra ajo që thuhet në aktakuzë, nuk ka lidhje me çështjen Muzinë dhe me atë që opozita ju thotë juve që nongrata është financuar nga ju?

Rama: Nuk ka lidhje me mua apo me qeverinë që un drejtoj, se kush ka lobuar, kjo nuk është çështja ime ta trajtoj dhe ta adresoj. Asnjë herë nuk i kam kërkuar ndonjë shtysë në këtë proces zotërisë në fjalë se nuk kam pasur, po ta kisha do e bëja.

Duma: Ju thatë që s’është diskutuar kurrë me zyrtarin e FBi dhe prezencë të këtyre personave për çështje biznesi, ndërkohë në aktakuzë thuhet që ju ka thënë kujdes me dhënë koncesione me biznese ruse se është e rrezikshme.

Rama: Kemi folur për influencën ruse, por nuk ka folur ai me mua për asnjë lloj biznesi në favor të personave të tjerë.

I pyetur nga Grida Duma për përfshirjen e emrit të tij ë aktakuzë, Rama tha se në të nuk përfshihet asnjë implikim apo akt korruptiv. Rama tha se do vazhdojë të takojë zyrtarë të lartë të FBI-së edhe nëse i vjen një emër tjetër.

Duma: Si ndiheni që një rrjet merimange ju shfaq në aktakuzë të përmendur 14 herë?

Rama: Unë kam takuar presidentin Trump të cilit FBI i hyri në shtëpi para ca kohësh, edhe Biden dhe kjo është një punë e drejtësisë amerikane. Unë zyrtarin e lartë të FBI, edhe nëse me vjen me një emër tjetër do e takoj prap, nëse më krijohen kushtet të pi kafe dhe ha darke me të, do e bëj prap. Së çfarë bën ai me jetën e tij nuk është puna ime

Duma: Nëse iu është kthyer në kosto sot, e quani mik?

Rama: Aktakuza nuk thotë asgjë lidhur me ndonjë implikim tim jo e jo, por korruptiv. Asnjë lloj korrupsioni të askujt, as për atë vet. Fler për mos deklarim e mashtrim. Nuk kam asnjë lloj arsye, un ndihem keq në çfarë katandie është opozita. Deri ku shkon paturpësia për të marrë zvarrë elektroratin.

Rama u shpreh i prerë sa i takon insistimit të opozitës që të marrë pjesë në një mocion debat në seancat plenar, duke thënë se ata nuk e meritojnë përgjigjen e tij.

Duma: Nëse s’do kishte qenë kaç hiç, duhet tju kishe dhënë përgjigje.

Rama: Ata nuk meritojnë përgjigjen time. Kam rënë shpesh herë ne nivelin e tyre dhe jam bërë kontirbutor për neveritjen dhe helmimin e njerëzve nga debatin politik. Ata nga unë kanë marrë gjithçka që mund të merrnin dhe unë nuk kam më gjë për ta.

Kompanitë ruse në çështjen “McGonigal”, a ndihet i rrezikuar Rama? Kryeministri: Kanë marrë peshqeshe nga qeveria e mëparshme, jo e jona

 

  

Kryeministri Edi Rama ka folur mbrëmjen e sotme me anë të një lidhje live në “Top Story”, rreth akuzave për përfshirje në çështjen McGonigal.

I pyetur nëse ndihet i rrezikuar nga përfshirja e kompanive ruse në këtë çështje, ai është përgjigjur se ka të dhëna se këto kompani ruse janë favorizuar nga qeveria e mëparshme dhe se nuk ka asnjë implikim të tijin apo qeverisë aktuale.

Përse në aktakuzë përmendet Edi Rama kryeministër dhe jo figurat e tjera që McGonigal ka takuar?

Për arsyen e thjeshtë që ai dhe unë jemi takuar.

Ka takuar edhe të tjerë.

Për këtë duhet të pyesni ata për të cilët kanë preferuar të ndalen këtu. Në fund fare rasti është si rast mosdeklarimi të një borxhi dhe takimeve që ka kryer në Ballkan.

Ka dalë në rrjet se kjo çështje është kuti pandore sepse shfaqet e lidhur më një oligark rus. Ju ndiheni në kurth?

Ajo që mund të them unë është shumë e thjeshtë, kompanitë ruse për të cilat flitet janë kompani që kanë marrë peshqeshe dhe kontrata nga qeveria e mëparshme dhe që në rastin e qeverisë tonë nuk kanë marrë asnjë lloj kontrate, qeveria jonë nuk ka bërë asnjë peshqesh duke dhënë fusha nafte pa garë. Kjo është një flluskë e jashtëzakonshme shumë e madhe. Ato kompani kanë marrë peshqeshe pa garë nga qeveria e mëparshme. E vërteta e thjeshtë është që nuk ka asnjë implikim të asnjë natyre jo timin pore të asnjë zyrtar shqiptar se po të kishte do të ishte në aktakuzë.