Njerëz, lëreni Edi Ramën me maskën e skaduar 9 vjet më parë!

Nga Ylli Rakipi

Kryeministri i Republikës së Shqipërisë, Edi Rama, u shfaq sot përballë shqiptarëve dhe kabinetit të vet, me një maskë të skaduar, nëntë vjet më parë.

– Kjo është një maskë amerikane, e prodhuar në Kinë, – tha Edi Rama, – dhe po të mos ishin të sakta ato nuk do ta kalonin dot Amerikën dhe oqeanin.


Janë maska që përdoren gjerësisht, pas datës së skadencës, jashtë sallave kirurgjikale, që do të thotë, jo sepse në salla janë të rrezikshme, por që nuk kanë të gjithë efektshmërinë e tyre dhe janë maska që zëvendësojnë, disa herë më mirë facoletën, apo garzat që vendosen përpara fytyrës…

Kjo ligjëratë e lodhshme, cinike dhe e paturpshme, e Kryetarit të Qeverisë, erdhi fill pasi opozita, e kapi me pras në dorë, me 1.2 milionë maska të skaduara, nëntë vite më parë, të cilat në mënyrë kriminale, janë shpërndarë, për përdorim nga personelet mjekësore.

I gjithë shpjegimi i Edi Ramës, si në çdo dalje tjetër, ishte qesharak. Por, më qesharak ishte shpjegimi, se këto maska ishin amerikane?!

Po çfarë rëndësie ka fakti nëse maskat janë prodhim amerikan, aziatik, apo skandinav?! Si ka mundësi, që kryeministri ynë kërkon të mbrohet dhe të fshihet deri në vulgaritet me Amerikën dhe amerikanët?!

Fakti që këto 1.2 milionë maska, kanë nëntë vjet që kanë skaduar, nuk ka amerikan dhe bir nëne që t’i marrë në mbrojtje.

Ndoshta është koha që Edi Rama, jo vetëm duhet të na i kursejë këto lloj daljesh televizive, por edhe të fshihet.

Çdo dalje e tij në media, çdo fjalë që nxjerr nga goja, ai dhe qeveria e vet, tregojnë vetëm faktin e tmerrshëm, se sa të papërgatitur jemi përballë së keqes, që po pushton pjesën dërrmuese të botës.

Ka dy muaj, që autoritetet më të larta shëndetësore të Shqipërisë, kanë folur për një spital, vendndodhjen e të cilit e mbanin sekret, thjesht për faktin që ky spital nuk ekzistonte.

24 orët e fundit, kur koronavirusi sapo ka shpërthyer, u caktuan fonde që shtëpia e pushimit në Durrës, të kthehet në karantinë. Por, kur do të ndodhë kjo?

Të presësh deri në minutën e fundit, që Italia të mbyllë kufijtë e vet dhe pas kësaj të urdhërosh edhe ti mbylljen e kufijve të Shqipërisë me këtë vend, është jo vetëm e vonuar, por edhe kriminale.

Mijëra shqiptarë, të infektuar ose jo, braktisën zonat e kuqe, nga veriu i Italisë dhe u derdhën në Shqipëri, nga toka dhe nga ajri. Ç’kuptim ka të mbyllësh kufijtë, pasi virusi u importua?

Edi Rama, përpara qeverisë së vet, i shpalli sot luftë koronavirusit, me një maskë të skaduar nëntë vjet më parë, të vendosur në fytyrë.

Mos u mërzitni me gjeneralin tonë! Sot, ai deklaroi që jemi në luftë. Po me çfarë ushtrie do të luftojë kryeministri ynë dhe ne të gjithë bashkë me të?!

Lufta e sotme ndryshon shumë nga ajo e pak kohëve më parë, lufta me tërmetin. Në atë luftë, fatkeqësia ndodhi vetëm tek ne. Aty, Edi Rama zgjati dorën dhe bota, siç ndodh rëndom, jo vetëm për ata që lypin, por për shkak të fatkeqësisë, u solidarizua dhe vendosi të na ndihmojë.
Sot, është ndryshe. Sepse sot ne jemi vetëm dhe lufta me virusin, lufta me të keqen, ose ka hyrë, ose është në pragun e të gjithëve. Dhe Edi Rama, nuk mund të zgjasë më dorën.

Por, sot kryeministri ynë, erdhi një moment dhe u bë i sinqertë. Ja që ndodh edhe që Edi Rama të bëhet një herë i sinqertë. Sepse ai i ka sjellë punët e këtij vendi, kaq keq, duke harxhuar çdo qindarkë me koncesione kaq të çuditshme dhe të pavlera, sa sot nuk ka çfarë të bëjë.

Edhe po të dojë, nuk mundet, sepse Edi Rama dhe Shqipëria, janë një grimcë përpara Kinës, që ndërton spitale brenda 10 ditësh.

Edi Rama, në shtatë vite, në vend të qindra milionë dollarëve, të harxhuara për koncesione në shëndetësi, mund dhe duhet të kishte ndërtuar spitale të standarteve më të larta dhe sot ai mund të luftonte dhe ta vriste koronavirusin.

Por, siç pritej, po ndodh krejt ndryshe. Sot, shteti fasadë bashkë me Edi Ramën, janë në pikë të hallit.
Ndoshta, çdo gjë që të thuash sot, nuk ka asnjë vlerë. Për herë të parë, mu dhimbs vërtet Edi Rama…

Ndaj njerëz, lëreni atë në hallin e vet, me fytyrën e mbuluar me maskën e skaduar nëntë vite më parë. Edhe po të dojë vërtet, sot ai, s’mundet. Zoti na ndihmoftë!

Koronavirusi nuk është murtajë!

Nga Jusuf Buxhovi 

Si ndjehet autori në “luftë” me personazhet (kur ata e ndjekin), këtë më së miri na e tregon L. Shkrimtari L. Pirandeli në romanin e tij.
Por, si ndjehet autori i romanit “Shënimet e Gjon Nikollë Kazazit”, i botuar në vitin 1982, kur situatat tragjike përsëriten jashtë përshkrimeve metaforike, siç është e tanishmja e kërcënimit nga coronaviruesi?

Kjo, përafërsisht, mund të shpjegohet me atë se krijimtaria, ndonëse është imagjinatë, ndonëse përdorë figurat stilistike ndër më të ndryshmet, ndonëse përpiqet që realitetin ta kthejë në fantazi, megjithatë nuk mund të përjashtojë situatat jetësore mbi të cilat ndërtohet rrëfimi i caktuar i dramave të brendshme, të atyre që janë të përsëritshme dhe si të tilla i takojnë përvojës së gjithëmbarshme njerëzore në kohë dhe në hapësirë, të cilat përjetohen në mënyra të ndryshme në përputhje me rrethanat që i përcjellin ato.

Megjithatë, në këtë shtjellë, ka diçka që është e përbashkët, që dallimet e përjetimit, i kthen te instinktet më të thella dhe më të errëta të qenies, siç është frika, prej nga pastaj paniku ia zë vendin të tjerave deri aty saqë të krijohet përshtypja e defetizmit deri te pafuqia dhe hiqësia madje.

Natyrisht se situatat vis mayer, pra katastrofat e natyrës (veçmas tërmetet) si dhe epidemitë janë përjetuar si gjendje të pafuqisë, që jo rrallë u janë atribuuar “ndëshkimeve” nga “lart” nga shkaku i “mëkateve” dhe të tjerave, ndërkohë që është harruar se edhe sëmundjet qofshin ato edhe të përmasave shfarosëses (murtaja, kolera dhe të ngjashme), janë pjesë e ritmit të përgjithshëm jetësor, që situatat ose gjendjet e caktuara, i vejnë në veprim madje në përputhje edhe me interesat e caktuara (edhe morbide) edhe i përballojnë.

Te kjo e fundit, pra te përballimi, ndodhet edhe çelësi i çështjes, që ka të bëjë me sjelljen e njeriut, po edhe të shoqërisë në përputhje me atë se jeta është e pamposhtur përkundër kërcënimeve çfarëdo qofshin ato, dhe se për këtë, me vullnetin për veprim dhe fuqi, duhet përqendrim dhe organizim, që për parakusht ka shkarkimin nga çdo frikë e brendshme dhe e jashtme, sidomos e panikut kolektiv dhe të pranimit të gjendjeve të dorëzimit, qofshin atë të mbylljeve (karantinave).

Në këtë aspekt, autori i “Shënimeve të Gjon Nikollë Kazazit” përkujton se përballimi i murtajës së fundit, në vitin 1747 në pjesën e Gjakovës dhe të Malësisë, lidhet me një fakt historik, pra atë të vetëimunizimit me anën e mikrobit (grithjes), si pjesë e përvojës jetësore e konfirmuar edhe nga mjekësia, gjë që nuk është e rastit që edhe në Kinë, conoravirusi ka filluar të luftohet me futjen e antitrupave në formë të vaksinës, të fituara nga të mbijetuari e gripit.

Pra, përvoja kineze, që me siguri se edhe magnatët e fuqishëm të farmaceutikës botërore së shpejti do ta kthejnë në vaksinë, është pjesë e kësaj përvoje
jetësore dhe historike, e mbështetur mbi dijet e hershme, së cilës i janë referuar, intelektualët dhe të dijshmit, në rrethanat e kërcënimeve nga shfarosjet, siç ishte murtaja e vitit 1747, ku përsonazhi kryesor, Kazazi, shfaqet si bartës i kësaj elite dhe mendësie, së cilës, në rrethana të tilla ekzistenciale, i takon përgjegjësia e veprimit.

Imagjinata e autorit në këtë rrëfim letrar, e ndërlidhur me murtajën si metaforë të së keqes, që kërcënon përherë, do të ishte jashtë fuqisë motivuese pa atmosferën e panikut të përgjithshëm , që po qe së pranohet, shfaqet si sëmundje pa ilaç...

Coronavirusi trazon edhe Kosovën

Pak çaste pasi qeveria mori masa parandaluese ndaj Coronavirusit, politikanët ishin të parët që i shkelën ato. Zëvendëskryeministri Hoti publikoi në rrjete sociale, fotografi nga aktivitetet elektorale në Podujevë, me një masë të konsiderueshme njerëzish.

Kuvendi i Kosovës, gjithashtu, me dhjetëra deputetë dhe persona të të tjerë në sallën, vazhdoi deri pas mesnatës një debat, që rezultoi i kotë në fund. Edhe legjislativi bëri shkelje. Pas vendimit të qeverisë, tubimet publike, duhet të shmangen, deri në tejkalimin e rrezikut nga pandemia globale.

Presidenti duhet t’i shtyjë zgjedhjet për kryetar komune në Podujevë, sepse është e rrezikshme të lejohen më tej gjatë këtyre ditëve grumbullimet masive të njerëzve. Koalicioni “Demokracia në Veprim” u tërhoq nga misioni i vëzhgimit dhe të njëjtën gjë duhet ta bëjnë të gjithë të përfshirët në procesin zgjedhor.

Ndër tubimet më të mëdha, janë ato që organizohen nga Bashkësia Islame, e cila ka shkurtuar ligjëratat e hoxhallarëve, por nuk i ka pezulluar përkohësisht. Duke iu referuar edhe masave shtetërore, BI do të duhej të ndalte përkohësisht aktivitetet e saj me publik.

Kosova ende nuk ka të konfirmuar zyrtarisht asnjë rast të infektuar me Coronavirus, megjithatë të rrethuar nga shtete që kanë shënuar tashmë dhjetëra raste apo edhe viktima, nuk mund të jemi të paprekshëm.

Reagimi institucional pasi OBSH-ja e shpalli pandemi globale Coronavirusin, është i drejtë, i shpejtë dhe me efekt të fortë parandalues.

Me një sistem shëndetësor të dobët, pa kapacitete të mjaftueshme, është i pamundur përballimi i një fluksi pacientësh të infektuar me virusin e rrezikshëm. Prandaj qëndrimi në shtëpi, shmangia e tubimeve, kontakteve, higjiena e shtuar, masat dezinfektuese, e të gjitha këto, e zvogëlojnë mundësinë e shpërndarjes së Coronavirusit.

Të gjithë mund të japin kontributin e tyre, duke respektuar së pari me përpikmëri masat qeveritare dhe duke shpërndarë informacionet zyrtare e të dobishme për popullatën. Roli i medieve është i jashtëzakonshëm, pa rënë në grackën e lajmeve spekulative, që përhapin panik të panevojshëm.

Është për keqardhje që në këto rrethana krize, kur është çrregulluar jeta në përgjithësi, një kategori po fërkon duart nga gëzimi. Janë pikërisht tregtarët matrapazë, që për të rritur shitjet dhe fitimet, po abuzojnë me çmimet dhe po i lënë qëllimisht të zbrazura raftet e marketeve.

Nëse mësimi është ndëprerë, tregtia po vazhdon normalisht, me një kufizim të pjesshëm nga Kina. Furnizim ka të mjaftueshëm dhe është e turpshme kjo sjellje manipulative e kompanive kosovare.

Shumica e kosovarëve, jetojnë në varfëri dhe numërojnë centët kur shkojnë te blejnë diçka. Qytetarët duhet të raportojnë rastet në numrin e ATK-së 080080800, ndërsa secili manipulant të ballafaqohet me forcën e ligjit.

Gjithashtu, Qeveria do të duhej ta ndërpriste fare importin e çdo produkti nga Kina dhe Italia, si dy vende më të prekura, duke pasur parasysh rrezikun e shpërndarjes së virusit edhe përmes mallrave.

Është absurde, të shohësh radhë njerëzish për t’u furnizuar si të ishte kohë lufte, sidomos pas masave shtetërore. Ato masa u morën për të shtuar sigurinë dhe për të parandaluar rrezikun e jo për të përhapur panik te qytetarët.

Kosova, fatmirësisht është e vetmja në hartën evropiane ku nuk ka gjurmë Coronavirusi. Kjo mund të ndryshojë ditëve në vijim, megjithatë, reagimi parandalues pritet të japë frytet e veta.

Nga kjo situatë, shteti dhe shoqëria duhet të nxjerrin mësim, për pikat e dobëta që i kemi, në këto raste krizash. Shëndetësia duhet patjetër të marrë vëmendje serioze. Është skandaloze, që Qendrën më të madhe spitalore në Kosovë, të mos ketë as sapun për larjen e duarve. Nuk po flasim këtu për barna, shtretër, respiratorë etj, etj..

Higjena, pastërtia, ambienti, kanë rëndësi jetike, për t’i bërë ballë pandemive si kjo e Coronavirusit.

Mbi të gjitha, kjo situatë mund ta shtojë vetëdijësimin e secilit. Mos prisni t’ju shkojë temperatura 40 gradë, por lajmërojuni te mjeku.

Reagimi i shpejtë, shpëton shumë pacientë, nga një virus që ka aftësinë të shpërndahet rrufeshëm, e të godasë ata më në moshë apo të tjerët që kanë sëmundje të ndryshme.

Histerikët e grenellizmit, apo, pro serbët e pavetëdijshëm

Nga Nezir Kraki

Ajo që e tha kryeministri Kurti është 100% e vërtetë. Kosova, siç jam tranu duke e përsërit që sa kohë, është në rrezik të madh. Nëse nuk ndalet Thaqi në pazaret e tij, kurrë Kosovë në formë shteti normal s’do kemi. Serbia do ripozicionohet si aktori kryesor ne rajon me kontrolle dhe fuqi sabotimi mbi Kosovë, derisa Shqipëria e rivdekur do vazhdojë në agoninë e saj çoroditëse.

Si mendoni tash?

A ta heqim taksën dhe bashkë me të ta heqim edhe një copë tokë n’Veri si dhuratë për Serbinë duke i besu Hashim Thaqit i cili i ka tradhetu edhe shoket e luftes me gjykaten soeciale?

A t’i besojmë ministrit të Millosheviçit i cili ende mban peng qindra trupa civilësh shqiptarë të vrarë e masakruar barbarisht nga ata që sot festohen si heronj në Serbi?

Apo të presim pak sa ta izolojmë politikisht këtë zhbërës të Kosovës që ilegalisht bisedon skutave për fatin tonë? Hashim Thaqi duhet të përndiqet për tradhëti kombëtare dhe për tejkalim kompetencash kushtetuese sapo të ketë dështu plani e tij fatzi.

Ju që e merrni edhe djalin e Trumpit si reference strategjike të politikës së jashtme amerikane dhe ju që keni 4 javë që shpikni lajme frikësuese në favor të Serbisë, ju nuk bëni tradhëti kombëtare por e dëshmoni midiokritetin tuaj ose nga mosdija ose nga llogarite personale brenda bandave politike falë t cilave sot i keni edhe ato kravata të keqlidhura që na i shfaqni nga studio në studio.

As juve as Thaqit nuk ju konvenon një Kosovë me dinjitet shtetëror dhe me rregulla politike në interes të qytetarit. Ju sikur bandat që deri dje ishin në pushtet, keni halle tjera kur na lodhni me përralla proamerikane e antiamerikane. Une jua di hallet juve. Kosova nuk është ne ate liste.

Tash a të bëjmë diçka?

A po e mbyllni gojen deri në qershor të paktën e mos na lodhni përralla me amerikanin e gjermanin?

Ah! Po, gjermani. A ju ka shku ne mendje pse Gjermania, Franca, Anglia, Italia nuk po i bejne presion Kosoves as per takse as per marreveshje te shpejt?

Sepse, e dinë që kjo logjikë do na çojë të gjitjëve drejt nje lufte të re.

Mendoni pak! Provojeni edhe ju si është ndjesia kur ke dinjitet dhe integritet personal e intelektual. Nuk e pres këtë nga Thaqi i cili as fjalët dinjitet e integritet s’i merr vesh por nga ju që keni mend sa me e dallu të bardhen nga e zeza.

Virus i ri i Koronavirusëve 2019 Kina.

Nga Flori Bruqi 
Organizata Botërore e Shëndetësisë (OBSH) ta përkufizojë përhapjen e virusit Corona si pandemi. Por kjo nuk e ndryshon situatën. Rastet e të prekurve në botë jashtë Kinës janë shtuar 13 herë.

    

Përhapja globale e virusit Corona ka arritur tani në nivelin e një pandemie në përmasa të mëdha. Shefi i OBSH-së, Tedros Adhanom Ghebreyesus, deklaroi në Gjenevë, se organizata e tij e ka vlerësuar papushim 24 orë përhapjen dhe tani duhet bërë fjalë për një pandemi.

 "Ne jemi thellësisht të shqetësuar për përmasat alarmante të përhapjes, seriozitetin e gjendjes dhe nivelin alarmues të paaftësisë në luftën kundër virusit", tha ai.

 "Ne mendojmë, që në ditët e javët e ardhëshme numri mund të rritet", shtoi kreu i OBSH-së.

Rastet e të prekurve nga virusi janë shtuar 13 herë

Tedros tërhoqi vëmendjen, se në dy javët e shkuara numri i rasteve me COVID-19 jashtë epiqendrës, Kinës, janë 13-fishuar. 

Numri i vendeve të prekura është trefishuar. Në mbarë botën, sipas tij, deri tani janë regjistruar zyrtarisht mbi 118.000 raste në  115 vende.

 Kanë vdekur prej këtij virusi të ri që prek mushkëritë deri tani 4291 njerëz.

Gjeni, izoloni dhe testoni....

Të gjitha vendet mund ta ndryshojnë ecurinë e pandemisë, theksoi Tedros: "Gjeni, izoloni, testoni, trajtoni çdo rast dhe ndiqni çdo gjurmë të tij." Fakti që OBSH e përkufizon tani si pandemi situatën, nuk ndryshon asgjë lidhur me rrezikun nga ky virus, vuri në dukje Tedros.

Nuk ka kritere zyrtare se në ç'moment të ecurisë së sëmundjes OBSH e klasifikon si pandemi atë. Përkufizimi pandemi nënkupton një sëmundje, që përhapet në mënyrë të pakontrolluar në të gjitha kontinentet.

Virusi i ri Sars-CoV-2 u konstatua për herë të parë në metrololin milionësh të Kinës. Vuhan në një treg kafshësh. Në Kinë ndërkohë atje gjendja ka nisur të qetësohet. 

Ndryshe nga sa po ndodh në pjesën tjetër të botës. Veçanërisht rëndë është prekur Koreja e Jugut dhe Irani. 

Në Europë është prekur kryesisht Italia. Autoritetet kanë regjistruar ndërkohë 12.462 të infektuar dhe 827 viktima. 

Ekspertët dyshojnë se mund të ketë një shifër më të lartë të pa verifikuar.

Në Gjermani janë infektuar nga virusi Corona mbi 1800 vetë të diagnostifikuar. Tre pacientë kanë gjetur vdekjen nga kjo sëmundje e re e mushkërive.

Koronavirusët janë një familje e madhe e këtyre virusëve, nihen 6 grupe të mëdha të këtyre virusëve dhe që qarkullojnë në natyrë. Kryesisht jetojnë dhe infektojnë shtazët apo shpendët por aksidentalisht mund të vijnë edhe tek transmetimi i tyre tek njeriu.
Për këtë virusin e ri që është përhapur tanimë pothuaja në mbarë botën dihet që i përket kësaj familjes së Koronavirusëve dhe tani për tani autoritetet shëndetësore botërore e kanë emërtuar si virus i ri i Koronavirusëve 2019 Kina.

 Njerzimi dhe bota shkencore është përballur edhe më herët me familje të këtyre virusëve. 

Pra Koronavirusët në përgjithësi nihen si virusë zoonotik çka do të thotë që kanë mundësi të transmetohen nga kafshët tek njerzit .

Më 31 dhjetor 2019  autoritet kineze diagnostifikuan një person me pneumoni te ranë dhe shkatarët e së cilës nuk arritën ti gjenin derisa me 7 Janar  2020 izoluan këtë virus nga ai person.
Më vonë edhe Shtetet e Bashkuara të Amerikës izoloi këtë virus nga një person i infektuar dhe më pas u vërejt se është i ngjashëm me këtë virusin në Kinë.

 Nga gjenomi i përbërjes së virusit u vërejt se ky virus ka ngjashmëri të gjenomit diku deri 70% me virusin e SARS-it  dhe kjo na bën të shpresojmë se do të gjenden ilaqe të shpejta dhe virusi ndoshta nuk do të perhapet shumë. 



Sa i përket burimit të këtij virusi në fillim u tha se ishin gjarpërinjt apo lakuriqët e natës por tani për tani ende nuk ka të dhëna të sigurta se cili ka qenë burimi kryesor dhe prej cilës kafshë është përcjellë.

Outbreak	Virus type	Deaths
2003 severe acute respiratory syndrome outbreak	SARS-CoV	774
2012 Middle East respiratory syndrome coronavirus outbreak	MERS-CoV	Over 400
2015 Middle East respiratory syndrome outbreak in South Korea	MERS-CoV	36
2018 Middle East respiratory syndrome outbreak	MERS-CoV	41
2019–20 coronavirus pandemic	SARS-CoV-2	At least 4,717

Reziku i infektimit me virusin korona në Evropë - i "lartë"

Përhapja e virusit korona në Evropë po vazhdon. Numri i rasteve të infektimeve në Evropë është shtuar dukshëm ditët e fundit. Ndaj po shtohet edhe angazhimi kundër sëmundjes.


Nuk ka më asnjë kontinent në të cilin nuk janë regjistruar raste të sëmundjes me virusin korona. Organizata Botërore e Shëndetësisë pohon se ndërkohë nga kjo sëmundje kanë vdekur më shumë se 3000 vetë. Ndërsa në mbarë botën janë infektuar deri tani rreth 90.000 vetë me virusin koronas. Më së shumti në Kinë - me rreth 80.000 raste.

Agjencia e Bashkimit Evropian për Shëndetësi (ECDC) e ka ngritur nivelin e rrezikut nga kjo sëmundje nga ai "i moderuar" në shkallën "i lartë". Kështu kumtoi Presidentja e Komisionit Evropian Ursula von der Leyen në Bruksel. Kjo do të thotë se ekziston rreziku real i përhapjes së mëtejshme të virusit. Në BE janë regjistruar në përgjithësi deri tani rreth 2100 raste të infektimeve, në 18 vende të ndryshme të BE. 38 persona të vendeve të BE-së kanë vdekur deri tani si pasojë e sëmudjes me virusin COVID-19, theksoi komisionerja për Shëndetësinë, Stella Kyriakides. Situata po ndryshon nga dita në ditë, por nuk ka arsye për panik.

Instituti Robert Koch në Gjermani ka publikuar të dhënat e fundit, sipas së cilave, në Gjermani janë dëshmuar deri tani 150 raste të infektimeve me virusin Sars-CoV-2. Vetëm në landin Renani Veriore-Vestfali janë regjistruar deri në mëngjesin e ditës së hënë (02.03) 86 raste të infektimeve. Të dielën në mbrëmje u konfirmua një rast infektimi edhe në Berlin, që do të thotë se deri tani janë konfirmuar rastet e infektimeve në nëntë lande të Gjermanisë.

Instituti Robert-Koch (IRK) pohon se virusi në Gjermani ka qenë deri tani i një formë më të lehtë, përveç në një rast. Por rreziku i infektimeve në Gjermani cilësohet ndërkohë si "i mesëm", theksoi kryetari i IRK, Lothar Wieler në Berlin. Deri tani ky rrezik është cilësuar si "i ulët apo i mesëm", që do të thotë se rreziku është rritur. Wieler tha se situata është "dinamike" dhe se gjendja duhet të shihet nga dita në ditë. Lidhur me këtë sëmundje ende nuk ka informacione të mjaftueshme, që do të thotë se nuk mund të jepen as mendime përfundimtare për rrezikun nga ajo. Nisur nga numri i rasteve, Gjermania renditet në vendin e 10 në botë.

Ministri i Shëndetësisë Jens Spahn thotë se katër nga pesë raste të sëmundjes korona virusi kalon me pak apo aspak simptoma. Ministri mendon se mbyllja e kufirit gjerman për momentin nuk është e domosdoshme. Ai u deklarua e kundër ndalimit të fluturimeve të drejtpërdrejta me Kinën, sepse kjo do të thoshte se duhet të largohen nga ai vend rreth 30.000 gjermanë. Ministri Spahn u deklarua edhe kundër masave për ndalimin e tubimeve të mëdha apo për mbylljen e sipërmarrjeve ku paraqiten rastet e infektimeve.

Numri më i madh i rasteve të infektimeve në Evropë është regjistruar deri tani në Itali, me rreth 1700, 34 prej tyre kanë vdekur. Italia zë vendin e tretë në përmasat botërore, pas Kinës dhe Koresë së Jugut.


 Kosova është rrezikuar si çdo vend tjetër. nga Korona virusi Kinez.

Qytetarët të shqetësuar nga mundësia e përhapjes së virusit Korona-virusi i cili është duke u përhapur në Kinë dhe disa vende të tjera, ka ngritur alarmin e rrezikut edhe në Kosovë. Në Institutin Kombëtar të Shëndetit Publik pohojnë se nga ky virus është e rrezikuar edhe Kosova. Thonë se janë në  gjendje gatishmërie për ta menaxhuar këtë virus, por që për të mbërritur në Kosovë atij i duhen tre deri në gjashtë muaj. Simptomat e virusit që është përhapur në Kinë, janë të njëjta me gripin sezonal i cili aktualisht është i pranishëm në Kosovë.

Në Kosovë nuk ka asnjë të rast të konfirmuar me koronavirus. 

Këtë e ka bërë të ditur ministri i shëndetësisë, Dr. Arben Vitia në një konferencë për media. Dr Arben Vitia deklaroi se sipas OBSH-së, Kosova konsiderohet vend me rrezikshmëri të ulët për koronavirus. Mbrëmë Qeveria e Kosovës ka marrë vendimin për masat parandaluese në funksion të mbrojtjes nga Corona Virus COVID-19.

 Qeveria ka vendosur që të ndërpritet procesi mësimor në të gjitha nivelet e arsimit deri më 27 mars 2020. Po ashtu, është vendosur që të pezullohen linjat ajrore nga vendet me rrezik të mesëm dhe të lartë deri në një vendim tjetër, si dhe masa të tjera.

Shqipëria preket nga virusi Corona

Në Shqipëri u mbyllën shkollat për dy javë dhe u anuluan të gjitha aktivitetet masive, pa skonstatimit të dy rasteve të infeksionit me virusin Corona. Në Urgjencën Kombëtare 751 thirrje telefonike vetëm për virusin


Shqipëria konfirmoi të hënë (9.03.2020) dy rastet e para të infesksionit me virusin Corona. Drejtuesja e Departamentit të Sëmundjeve Infektive, në Institutin e Shëndetit Publik në Tiranë, Silva Bino, në një konferencë shtypi sqaroi, se " dy të infektuarit janë baba dhe bir, të moshës 54 dhe 28 vjeҫ".

Hyrja në Shqipëri e virusit përbën një rast të importuar. ”Sipas informacioneve zyrtare të Ministrisë së Shëndetësisë, 28 vjeҫari, ka ardhur nga Italia në Shqipëri në rrugë tokësore më 26 shkurt dhe ia ka transmetuar virusin babait të tij. Ai ka hyrë në Shqipëri pas mesnatës së 26 shkurtit, nga Muriqani, pika e kalimit kufitar Shqipëri - Mali i Zi, Sipas autoriteteve ai është kontrolluar në këtë pikë kufitare, por nuk ka pasur ende simptomat e infektimit që iu shfaqën nëntë ditë pas hyrjes në Shqipëri, të premten e kaluar, më 6 mars.

Ekipi i epidemiologëve, pas rezultatit të analizave të dy të infektuarve, ka kryer izolimin e kontateve të tyre të ngushta dhe po vijon me gjurmimin e kontakteve të dyta apo të treta, që mund të kenë marë virusin.

Dy të infektuarit ndodhen të shtruar në Spitalin Infektiv, në Qëndrën Spitalore Universitare "Nënë Tereza” në gjendje të stabilizuar dhe pa komplikacione, pohojnë burime zyrtare, Të afërmit e tyre janë në karantinë.

Qeveria merr masa urgjente

Qeveria vendosi mbylljen e të gjitha institucioneve arsimore publike dhe jo publike. Ajo urdhëroi pezullimin për dy javë të të gjitha fluturimeve ajrore nga aeroporti "Nënë Tereza " drejt qyteteve italiane Milano, Bergamo, Bolonjë, Firence, Xhenova, Perugia, Pisa, Rimini, Venecia dhe Verona si edhe prej këtyre qyteteve në Tiranë. Autoritetet italiane i kanë shpallur këto qytete të prekura në mënyrë masive nga infeksioni me Corona Virus.

Masa tjetër e marrë ka të bëjë me qëndrimin e detyrueshëm mbyllur në shtëpi, të paktën për dy javë, të të gjithë atyre që mbrrijnë në Shqëipëri nga qytetet e sipërpërmendura. Për këdo që nuk zbaton këtë masë do të ketë sanksione administrative.

Spitalet në strukturat shëndetësore publike dhe jopublike në nivel kombëtar janë urdhëruar të kufizojnë në maksimum hyrjen në mjediset e tyre të të afërmve të personave që ndodhen të shtruar. Me urdhër të qeverisë janë kufizuar në maksimum dhe ndaluar ndërhyrjet kirurgjikale përveҫ rasteve të tumoreve dhe patologjive malinjë. Për shërbimet kirurgjikale të urgjencave, në nivel kombëtar, nuk do të ketë asnjë ndalim.

Për dy javë qeveria ka urdhëruar anulimin e të gjitha organizimeve masive, aktiviteteve sportive, kulturore, koncerteve, konferencave që zhvillohen në mjedise të mbyllura dhe me shumë pjesëmarrës.

Fond shtesë prej rreth 4 milion eurosh

Kryeministri shqiptar Edi Rama bëri me dije (09.03)se për përballimin e rasteve potenciale të infektimit me Corona Virus, është vënë në dispozicion të Ministrisë së Shëndetësisë një fond shtesë prej afërsisht 4 milion euro. "Mjediset e përgatitura më parë për karantinën e përgjithshme janë në dispozicion. Dhomat e izolimit në Spitalin Infektiv janë funksionale dhe po punohet në vijimësi për stokun e materialeve për personelin”, tha kryemnistri Rama, pas mbledhjes urgjente të qeverisë. Ai i bëri thirrje qytetarëve të informohen nga burime zyrtare dhe të zbatojnë me rigorozitet rekomandimet e autoriteteve shëndetësore për t'u mbrojtur nga infektimi.

Urgjenca Kombëtare: Qindra qytetare kërkojnë analiza për virusin

Sipas burimeve zyrtare nga Urgjenca Kombëtare në Tiranë po shtohen nga ora në orë telefonatat e qytetarëve që kërkojnë ndihmë të verifikojnë dyshimet e tyre se mos janë të infektuar nga Corona Virus. Deri në orët e para të mesditës se sotme numri i telefonatave arriti në 751.

Drejtorja e Departamentit të Epidemiologjidsë, Silva Bino, tha në kongerencën për shtyp, se "Shqipëria mund të kryejë nga 200 deri në 500 analiza për virusin në ditë”.

Ndërkohë deri në pasdite ( 12.03.2020) autorutetet shëndetësore larguan nga Spitali Infektiv të gjithë pacientët dhe liruan dhomat e tij për t'u përdorur për trajtimin e personave që mund të konstatohen në vijim të infektuar me virusin Corona apo për t'u përdorur për karantinë: Policia ka vendosur shiritin e perimetrit të sigurisë për të moslejuar familiarët të afrojhen në mjediset spitalore pa leje nga Drejtoria e Qëndrës Spitalore Universitare "Nënë Tereza.”

Virusi i ri Corona, me emrin SARS-CoV-2 është një sfidë globale që kërkon nga çdo person përgjegjshmëri: Çdo qytetar, por edhe sipërmarrjet, institucionet, organizatat mund të marrin masa, për t'u mbrojtur nga virusi dhe të përgatiten në rast të një pandemie. Në një rast të tillë masat përqëndrohen tek ulja sa të jetë e mundur e numrit të infektuarve. Familjet duhet të jenë të gatshme për të pasur të gjithë artikujt e nevojshëm. Synimi: të mënjanohen kufizime të mëdha apo trazirat në shoqëri.

Çfarë mund të bëj gjithkush konkretisht? Çfarë të mbron nga një infeksion?

- Mbani distancë nga personat e sëmurë (1 deri në 2 metra)

- Lani rregullisht e me kujdes duart. Të paktën 20 sekonda me sapun, lani mes gishtërinjve, deri në lart në kyçin e dorës e rrotull gishtit të madh.

- Mos prekni me gishtërinj fytyrën apo sytë, veçanërisht mos prekni me gishtërinj mukozën e gojës apo hundës.

- Mënjanoni tokjen e duarve dhe përqafimet.

- Mos u kollitni në duar, por mënjanë në parakrah.

- Në rast nevoje përdorni dorashka. Lajini ose ndërrojini këto përditë.

- Mënjanoni vendet me shumë njerëz dhe aktivitete si koncerte apo grumbullime të tjera. Vendosni prioritete.

- Zhvilloni refleksin e mbrojtjes: Për shembull shtypni butonat e ashensorit jo me gisht por me bërryl ose krah.

- Hidhini shpejt facoletat e përdorura.

Virusi Korona përhapet përmes teshtimës. Shtrirjen e ka në grykë. Nga aty infeksioni përhapet më tej deri në mushkëri e mund të dalë sërish jashtë trupit përmes teshtimës, kollitjes duke u përhapur sërish në sipërfaqe të ndryshme e aty të ifnektojë persona të tjerë.

Italien Mailand Leere Regale im Supermarkt nach Coronavirus Ausbruch (Reuters/F. Lo Scalzo)
Rafte bosh në supermarketet në Milano

Si të përgatitem në rast të një pandemie?

Në rast të një vale përhapjeje mund të ketë me shumë gjasa kufizime apo probleme furnizimi. Kujdesuni që të keni rezerva, që në rast nevoje të mund të ushqeheni disa javë nëse duhet të mbylleni në shtëpi.

- Mbani ilaçe me recete gati për një muaj (në raste nevoje).

- Mbani rezerva me ushqime me afat të gjatë skadimi.

- Mendoni si mund të mbroni të afërmit e miqtë. Sidomos të moshuarit e personat e sëmurë me sistem imunitar të dobët kanë nevojë për ndihmën tuaj.

- Merrni masa, të dini si të veproni kur duhet të kujdeseni për anëtarë të sëmurë të familje.

- Punëdhënësit mund të ofrojnë mundësinë e punës nga shtëpia. Punonjësit e sëmurë duhet të largohen nga punonjësit e tjerë e të dërgohen në shtëpi. Në zyra duhet të bëhet më shpesh ajrosja. Edhe tastaturat e ambienti i punës duhet dezinfektuar rregullisht. Udhëtimet për shkaqe pune duhet të planifikohen me kujdes, kush sëmuret në udhëtim duhet të lajmërojë përgjegjësit.

Ngrohtë, ftohtë, lagështirë? Çfarë u duhet viruseve për mbijetesë

A do të zhduket virusi Korona me rritjen e temperaturave? Virologu Thomas Pietschmann shpjegon, se përse pranvera vërtetë na jep shpresë e përse gratë janë qartësisht në avantazh në luftën kundër sëmundjes prej virusit.


Shpresa është, që në pranverë gjithçka do të bëhet më mirë. Nëse shkon mirë, virusi i ri korona i njohur edhe me emrin SARS-CoV-2, do të ketë të njëjtin fat si edhe virusi i gripit. Pranvera me temperaturat në rritje do t'i jepte fund atij e kësisoj i gjithë ky tension do të kalojë. Sezoni i virusit korona do zbehej po ashtu si edhe vala e gripale, që çdo vit merr fund me mbarimin e dimrit.

Kaq përsa i përket shpresës. Por nëse virusi SARS-CoV-2 do të ketë të njëjtin mutacion sikurse dëshirohet, këtë nuk mund ta thonë me precizion të saktë as virologët sikurse thekson edhe Thomas Pietschmann "parë rreptësisht dhe për ta thënë sinqerisht nuk mund të parashikohet një gjë e tillë, sepse ne nuk e njohim këtë virus."

Pietschmann është virolog molekular dhe studion në qendrën për studimet eksperimentale dhe klinike të infeksioneve, e quajtur Twincore, në Hanover. Ai merret me të ashtuquajturat viruse RNA - tek të cilat bën pjesë p.sh. edhe virusi i hepatiti C. Edhe SARS-CoV-2 bën pjesë në këtë grup.

Virus? I panjohur!

"E veçanta në këtë virus është, që njeriu konfrontohet për herë të parë me të. Prej të dhënave, që kemi nga Kina, mund të arrish në konkluzionin, që virusi vetëm një herë ka kaluar nga një kafshë tek njeriu e është përhapur në këtë mënyrë ", thotë Pietschmann.

Me fjalë të tjera ndryshe nga viruset e influencës, me të cilat pothuajse kushdo ka kontaktuar një herë, sistemi ynë i imunitetit nuk është i përgatitur për një sulm prej virusit korona.

Kësaj i shtohet edha fakti, që hemisfersa veriore aktualisht është perfekte për përhapjen e shpejtë të viruseve. Nga njëra anë është temperatura. Viruset aspiratore, pra ato që përhapen përmes aparatit të frymëmarrjes, e kanë shumë të lehtë, kur është ftohtë. "Viruset kanë stabilitet të lartë kur temperaturat janë të ulëta. Ngjashëm si me ushqimet, që në frigorifer qendrojnë më gjatë", shpjegon Pietschmann.

Ftohtë dhe thatë, ju lutem!

Sa më ngrohtë bëhet, aq më të vështira bëhen kushtet për viruset. "Virusi korona është i rrethuar nga një shtresë ipide, pra yndyrore", thotë Pietschmann. Kjo shtresë nuk i reziston të nxehtit, ndaj virusi me rritjen e temperaturave do të ngordhë shpejt. "Viruse të tjera, si ai noro janë më të qendrueshëm, sepse ato përbëhen nga proteina dhe molekula trashëguese."

Për viruse të tjera temperatura luan gjithashtu rol sekondar. Viruse dengue shfaqen kryesisht në rajonet tropikale dhe subtropikale. Kjo nuk ka të bëjë aq me atë që ato preferojnë të nxehtit, por me faktin se zonat e ngrohta janë habitati i mushkonjave që e përçojnë këtë virus. "Rolin kryesor për përhapjen e këtij virusi në këtë rast nuk e luan temperatura, por insekti ose kafsha që e transmeton virusin", thotë Pietschmann.

Lagështia e ajrit luan gjithashtu rol në përçimin e viruseve të aparatit të frymëmarrjes. Nëse viruset dalin jashtë përmes një teshtime të fortë nga personi që është prekur prej tyre, ato qëndrojnë në ajër. "Në ditët me të fohtë të thatë bulëzat nga frymëmarrja me viruset që mbajnë brenda qëndrojnë më gjatë në ajër, se sa kur ajri është i lagësht", thotë Pietschmann.

Në këtë mënyrë viruset përhapen shumë shpejt. Sidoqoftë fillimisht ato përhapen në heshtje dhe fshehurazi. Nga kontakti i parë me virusin deri në shfaqjen e simptomave të para mund të kalojnë disa javë. Kohëzgjatja e inkubacionit varet nga tiparet dhe biologjia e virusit.

Kromozimi i dyfishtë X dhe estrogjenet

Temperaturë, dhimbje dhe dridhje janë simptomat tipike të një sëmundjeje virale dhe shenjat që trupi i lufton viruset që kanë depërtuar në të. Se sa e suksesshme është kjo luftë, varet jo vetëm nga mosha dhe gjendja shëndetësore e të infektuarit, por edhe nga seksi. Edhe në rastin e virusit korona shifrat flasin, që femrat kanë shanse më të mira për ta përballuar krahasuar me meshkujt. Kuota e vdekshmërisë tek burrat me 2,8 përqind është dukshëm më e lartë se tek gratë me 1,7 përqind.

"Kjo ka nga njëra anë arsye gjenetike", thotë Pietschmann, "sepse disa gjene relevante për imunitetin, p.sh. gjenet që janë përgjegjëse të njohin ngacmuesin, janë të koduara në kromozomin X." Meqënëse femrat kanë dy kromozome X dhe burrat vetëm një atëherë gjinia femërore është në avantazh të jetë më e mbrojtur.

Edhe hormoni femëror estrogjen i ndihmon gratë, që të mbrohen ndaj sëmundjeve virale. "Disa gjene relevante në aspektin imunologjik kanë edhe elementë lidhës për estrogjenet, atje ku aktivizohen këto gjene. Kjo do të thotë, që këto gjene komandohen edhe prej hormoneve", shpjegon Pietschmann.

Ndoshta sezoni i koronës do të mbyllet me fillimin e pranverës në hemisferën veriore. Sipas Organizatës Botërore të Shëndetësisë ndërkohë është regjistruar një rast me SARS-CoV-2 në Brazil, në hemisferën jugore, ku dimri pritet të fillojë.

A janë reale epidemitë e viruseve?

Këto viruset që shpërthejnë në mënyrë periodike, më shumë se sa punë zhapikësh dhe derrash, duken punë kompanish farmaceutike, që kur u bien xhirot shpikin edhe virusin edhe antivirusin.


Nuk është çudi që vaksina e këtyre viruseve shpiket vetëm disa javë pasi ka shpërthyer epidemia dhe qeveritë në gjithë botën harxhojnë miliarda Dollarë për ta blerë pastaj.

Koronavirusi, mesazhi kuptimplotë nga një infermiere italiane

Mesazhi i një infermiereje italiane po bën xhiron e rrjeteve sociale, pas përhapjes së koronavirusit në shtetin fqinj.

“Frikë të shkoni në supermarket? Të merrni turnin apo autobusin? Të shkoni në teatër, kinema apo restorant? Është normale. Po ne infermierët, mund të kemi frikë?

Jo për të shkuar në këto vende, jo. Por për të qenë në punë. Çdo ditë. Po, sepse sot e gjithë Italia është e terrorizuar nga koronavirusi. 

Kurse ne jemi gjithmonë kështu. Me meningjitin, tuberkulozin, HIV, HCV, H1N1…

 Me gjakun, urinën, të vjellat, vuajtjen.

Jemi aty gjithmonë, çdo ditë, të hënën, të martën… të shtunën dhe të dielën. Por edhe natën ndërsa ju flini rehat. Jemi dhe për festa. Lemë burrat, gratë, fëmijët, prindërit.

Ndonjëherë fshijmë lotët e më të vegjëlve, që duan të rrimë me ta dhe shkojmë se detyra na thërret. 

Edhe ne kemi dëshirë të festojmë. Të jemi të dielën në shtëpi me gjithë familjen. Edhe ne kemi frikë. 

Por nuk mundemi. Sepse detyra për ne është në plan të parë, gjithnjë pranë atyre që kanë nevojë. 

Dua t’iu bëj vetëm një pyetje: Sa prej jush do ta bënit tani punën që bëjmë ne? Sa prej jush do ta bënin me këtë rrogë që marrim ne? Pak besoj.

Ndaj përpiquni të paktën të keni respekt më të madh për të gjithë ne, infermierë, mjekë dhe çdo pjesëtar të stafeve mjekësore kudo jemi.