Njihuni me përbërësin që mbron shëndetin e zemrës, ushqimet ku gjendet

  

Sipas një studimi të kryer nga Universiteti Loma Linda në Shtetet e Bashkuara dhe Instituti Kombëtar i Kërkimeve Agronomike në Francë, proteinat e arrorëve dhe farave janë mirëbërëse për zemrën.

Studimi ku morën pjesë plot 81.000 vetë, nxori në pah rrezikun në rritje nga sëmundjet e zemrës si pasojë e konsumit të proteinës me bazë shtazore. Shkencëtarët thanë se njerëzit që konsumojnë sasi të mëdha të proteinës me bazë shtazore ishin 60% më shumë të rrezikuar nga sëmundjet kardiovaskulare.

Arrorët Dhe Farat Kundër Sëmundjeve Të Zemrës
Sipas tyre, njerëzit që konsumojnë proteinë nga arrorët dhe farat ishin 40% më pak të rrezikuar nga këto sëmundje. Në mesin e shkencëtarëve ka lindur prej kohësh idea se arrorët dhe farat janë të mrekullueshëm për shëndetin e zemrës. Ata kanë qenë dhe mbeten të mendimit se proteina e mishit të kuq e dëmton dhe e dobëson atë. Mishi i kuq, thanë ata, rrit rrezikun e prekjes nga sëmundjet kardiovaskulare ndaj duhet konsumuar rrallë ose aspak.

Cilët Janë Arrorët Me Më Shumë Proteina?
Në një racion të vetëm (një grusht ose rreth 100 gramë), shumica e arrorëve ofrojnë 8-18 përqind të proteinës.
Farat dhe arrorët me më shumë proteinë janë:
-Farat e kungullit
-Kikirikët
-Bajamet
-Fistikët
-Farat e lulediellit
-Farat e linit
-Farat e susamit
-Farat chia,
-Shqemet.

Për më tepër, arrorët dhe farat ofrojnë ushqyes të tjerë të dobishëm jo vetëm për zemrën por edhe për imunitetin. Shkencëtarët shprehen se arrorët dhe farat janë të pasur me fibër, minerale, vitaminë E dhe acide yndyrore omega-3. Sipas tyre, farat dhe arrorët duhen konsumuar në gjendjen e tyre natyrale, pra pa kripë dhe vaj të shtuar. Këto ushqime të shëndetshme mund të përfshihen në receta të ndryshme dhe janë lehtësisht të kombinueshme me barishte dhe në sallata. Arrorët dhe farat janë një zëvendësues i shëndetshëm i patatinave të kriposura dhe me yndyrë që dëmtojnë organizmin dhe në veçanti zemrën.

Beatrix nuk mban dot lotët, ndihet në siklet për eliminimin(shyqyr zoti qe del Beatrix nga BB)

 

  

Pak orë na ndajnë nga spektakli i mbrëmjes së sotme të Big Brother VIP dhe banorët kanë nisur të ndjejnë ethet e eliminimit. Donald, Beatrix ose Einxhel do të lërë sonte shtëpinë më të famshme në Shqipëri.

Gjatë një bisede me Donaldin, Beatrix u përlot dhe shprehej se kishte shumë siklet derisa vendosi të hynte në dhomën e rrëfimit e të tregonte se si ndihej.

Beatrix: Jam në siklet.

Donald: Çfarë për nesër? Lëre këtë siklet.

Beatrix: Emocion është.

Donald: Po normal.

Beatrix: Kam shumë frikë si do të jetë jashtë me ndryshimin, me ambientimin. Dua të tregoj se si ndihem sepse nuk është mirë kur e mbaj brenda.

1/8

Pasdite mbërrin i ftohti polar, temperatura nën zero deri në mesin e javës që vjen

 

  

Reshjet e dëborës që kanë nisur mëngjesin e kësaj të premteje  duke çuar në  mbylljen e rrugës së Arbrit pasi kalimi në Bypasin e Murrizit bëhet i rrezikshëm.

Reshjet e dëborës kanë mbuluar qytetin e Peshkopisë dhe zonat malore, ku trashësia shkon deri në 40 cm.

Kalimi në aksin Peshkopi-Kala, i Peshkopi-Draj Reç-Kukës, e Dodës-Kukës duhet të bëhet me zinxhirë.

Edhe në Bulqizë termometri ka shënuar -7 grade Celsius dhe dëbora ka sjellë problem në rrugët kryesisht rurale. Në shumë shkolla mungojnë nxënësit për shkak të reshjeve të dëborës që vijojnë me intensitet të lartë. disa fshatra  janë pa energji elektrike,si pasoje e dëmtimit te linjave të transmetimit te ulet dhe ate te mesëm.

Dëborë ka në të gjithë gjithë territorin e Qarkut Kukës ku lartësia në Shishtavec deri në mesditë ishte 40 cm, në Valbonë 15 cm dhe në Qafë Prushi Has 10 cm.

Reshje nisen edhe në Stëblevë të Librazhdit dhe për qarkullimin pasdite kërkohen zinxhirë në akset e këtij qarku.

Jo vetëm verilindja por dhe juglindja u përfshi nga dëbora pas mesdite me reshje të dendura në qytetin e Pogradecit si dhe në Korçë brenda në qytet si dhe në Qafë Thanë e Qafë Plloçë.

Anton Quni: Do të votoja pro rrëzimit të Albin Kurtit

Anton Quni

Intervistë ekskluzive me nënkryetarin e LDK-së, deputetin Anton QuniQuni: Në asnjë moment, formë dhe rrethanë nuk jam kontaktuar nga gjykata speciale. Jam i gatshëm t’i përgjigjem kurdo që është e nevojshme.

Në zgjedhjet nacionale të 14 shkurtit të vitit 2021, Lidhja Demokratike e Kosovës shënoi rezultatin më të keq zgjedhor në historinë e saj. LDK-ja mori vetëm 12% të votave, dhe kjo bëri që në krye të LDK-së të vinte Lumir Abdixhiku pas dorëheqjes së Isa Mustafës nga pozita e kryetarit të LDK-së. Lumir Abdixhiku fitoi në garën partiake duke pasur për kundërshtarë Lutfi Hazirin dhe Besian Mustafën, ndërsa Anton Quni, që e kishte shpallur kandidaturën, u tërhoq për ta mbështetur Abdixhikun.

E ky ndryshim duket se ndikoi tek votuesit. LDK-ja u rikthye si parti e parë në zgjedhjet lokale të 17 tetorit të vitit 2021, ku doli fituese në 8 komuna, duke përfshirë edhe kryeqytetin, Prishtinën.

Për të folur për rikthimin e LDK-së, koalicionin e dështuar me Vetëvendosjen, gjykatën speciale, gjendjen aktuale dhe të ardhmen e LDK-së, në një intervistë ekskluzive dhënë gazetës “Bota sot”, flet nënkryetari i LDK-së, deputeti Anton Quni.

Po ashtu, ndër të tjera Quni në intervistë ka folur edhe për një mocion të mundshëm ndaj Qeverisë Kurti, punën e Vjosa Osmanit, e akuzat e Agim Veliut për Lumir Abdixhikun.

Për më shumë, lexojeni intervistën e plotë:

“Bota sot”: Zotëri Quni, si e shihni gjendjen e LDK-së pas zgjedhjeve lokale, është rikthyer LDK pas debaklit që pësoi me 14 shkurt?

Anton Quni: Numri i komunave të fituara, numri total i kuvendarëve të LDK-së dhe totali i votave në tërë territorin e Kosovës janë tregues empirik se LDK-ja po e rikthen fuqishëm besueshmërinë tek qytetarët.

“Bota sot”: Cilat ishin arsyet që sipas jush, LDK-ja pësoi humbje të thellë me 14 shkurt?

Quni: Mosfunksionimi i koalicionit LDK-VV, largimi i zonjës Osmani nga LDK-ja, krijimi i Listës Guxo dhe rreshtimi i saj në krah me VV-në, rezultoi që një numër i konsiderueshëm i elektoratit të LDK-së ta riorientojnë votën.

“Bota sot”: Për rikthimin e LDK-së në zgjedhjet e tetorit si parti e parë, cilat janë arsyet që ndikuan në këtë?

Quni: Lidershipi i ri i LDK-së, reformat e brendshme përkundër kufizimeve kohore, artikulimi i qartë i programit politik të LDK-së, por edhe zhgënjimet e qytetarëve me qeverinë aktuale, e binden një numër të konsiderueshëm të qytetarëve që besimin ta adresojnë tek kandidatët e LDK-së.

“Bota sot”: Ishit njëri ndër të parët që shpallet kandidaturën për kryetar të LDK-së, pse u tërhoqët nga gara?

Quni: Në momentin që e kam vlerësuar se të gjithë kandidatët e tjerë janë të profilit të lartë moral dhe profesional dhe se i tërë procesi ishte në nivelin më të lartë demokratik, kam vendosur që të tërhiqem. Isha i bindur që me lidership të ri LDK-së do t’i rikthehet vitaliteti, e që u dëshmua edhe në zgjedhjet e tetorit.

“Bota sot”: Po ashtu, dhatë dorëheqje edhe nga kryetari i LDK-së në Prizren. Pse erdhi tek kjo dhe pse LDK-ja e humbi garën në Prizren sipas jush?

Quni: Drejtimin e degës së LDK-së në Prizren e kam pranuar në kohëra të vështira për degën. Po e njëjta degë u dëmtua më së shumti në zgjedhjet e 14 shkurtit. Po ashtu për shkaqet e mija shëndetësore deri në rikuperimin tim, ne u vonuam me paraqitjen e programit tonë qeverisës. Me të gjitha këto vështirësi ne arritëm ngritje të theksuar në krahasim me zgjedhjet nacionale dhe numrin më të madh të kuvendarëve krahasuar me mandatin e kaluar. Sidoqoftë, ne nuk arritëm të kualifikohemi për raundin e dytë të zgjedhjeve. Mendoj se përkundër arsyetimeve objektive dhe subjektive duhet të vendoset si standard përgjegjësia morale kur nuk arrihen synimet dhe qëllimet.

“Bota sot”: Jeni të kënaqur me punën e kryetarit të ri, Lumir Abdixhikut?

Quni: Përfaqësimi kompetent, llogaridhënia, transparenca, puna ekipore, racionaliteti, etj, si veçori të theksuara të zotit Abdixhiku më bindin për perspektiven e mirë të LDK-së. Rezultatet e mira në zgjedhjet lokale në masë të madhe e bartin vulën e angazhimit të z. Abdixhiku. Me këtë kulturë komunikimi dhe pune jam i bindur për rezultatet edhe më të mira në zgjedhjet e radhës.

“Bota sot”: Cilat janë sfidat që sipas jush e presin LDK-në?

Quni: Vazhdimi i reformave, stabilizimi i strukturave në tërë organizimin e LDK-së, hartimi i programit qeverisës që i përgjigjet nevojave dhe kohës dhe ngritja e besueshmërisë janë çështjet që do ta sfidojnë LDK-në dhe lidershipin e saj. Besoj se me këtë kulturë dhe dinamikë të punës, ne do të arrijmë të bindim qytetarët se ne jemi më afër nevojave të tyre dhe garantuesi më i fuqishëm i forcimit të shtetit të Kosovës.

“Bota sot”: Zotëri Quni, ish nënkryetari i LDK-së, Agim Veliu shpeshherë ka hedhur akuza në drejtim të kryetarit aktual të LDK-së. Si e shihni ju këtë? Keni ndonjë mesazh për Veliun?

Quni: Tanimë LDK-ja e ka të ndërtuar një demokraci të brendshme, autorizimet e kryetarit dhe organeve të partisë, procesin e vendimmarrjes, ndarjen e përgjegjësive, llogaridhënien, etj. Të gjitha këto së bashku përbëjnë natyrën dhe kulturën e LDK-së ku ndër të tjera mundësohet edhe debati dhe gërshetimi i qëndrimeve dhe vlerësimeve të ndryshme. Sidoqoftë, nuk shoh asnjë arsye që në LDK të mos vazhdohet me rigjenerimin e kuadrove, si një proces i natyrshëm tek partitë me traditë shumëvjeçare, me të cilin sigurohet ngritja e forcës politike.

“Bota sot”: Zotëri Quni, kthehemi pak prapa në kohë. Mendoni se LDK-ja gaboi që hyri në koalicion me Vetëvendosjen?

Quni: Unë isha shumë i interesuar për jetësimin e koalicionit LDK-VV. Mendoj se ishte koalicion, që po që se do të vazhdonte sot do të jetonim në një ambient më të qëndrueshëm politiko-ekonomik.

“Bota sot”: A mund të ketë përsëri një koalicion LDK-VV, dhe në cilat kushte?

Quni: Çdo koalicion, i cili arrihet brenda kulturës politike dhe ngritët mbi një partneritet të sinqertë dhe me respekt të ndësjelltë, i krijohen parakushtet që të jetë funksional. Mendoj se, të gjithë, nga e kaluara dhe përvojat kemi mësuar se sa është e rëndësishme që marrëveshjet e partneritetit të respektohen në plotni.

“Bota sot”: Si e shihni qeverisjen e deritashme të Vetëvendosjes dhe kryeministrit Kurti?

Quni: Asnjë njohje e re e shtetësisë së Kosovës, marrëdhëniet e zbehta me partnerët strategjik, asnjë investim kapital nga jashtë, kriza në sektorin e energjetikes, rëndimi i jetës së qytetarëve, rëndimi i gjendjes në sektorin e shëndetësisë dhe arsimit, dhe shumë çështje të tjera, janë brengë jo vetëm e politikbërësve, por edhe e qytetarëve në përgjegjësi. Ne po e jetojmë realitetin i cili është në shpërputhje me premtimet elektorale dhe pritjeve të qytetarëve.

“Bota sot”: Po punën e Ministrit të Mbrojtjes, Armend Mehaj?

Quni: Realizimi i Planit Gjithëpërfshirës të Tranzicionit duhet të jetë prioriteti dhe fokusi kryesor i çdo ministri. Besoj se ministri Mehaj vazhdon t’i përmbahet dinamikes së PGjT-së, për të cilin është siguruar miratimi dhe asistenca e partnerëve strategjik.

“Bota sot”: A prisni që VV-ja ta fus në fuqi vendimin për shërbimin e detyruar ushtarak, vendim të cilin e keni pasur plan edhe ju sa ishit ministër?

Quni: Me aq informata që janë afruar nga autoritetet e qeverisë, nuk vërehet se ka ndonjë plan konkret për këtë çështje.

“Bota sot”: Zotëri deputet, ka pasur zëra se në mars apo në muajt në vijim, mund të bie qeveria Kurti. Ka diçka të vërtetë në këtë sipas jush?

Quni: Ne tani përvoja na mëson se nuk duhet të befasohemi prej situatave të reja që munden me rezultu me kriza deri tek rënia e qeverive. Sidoqoftë, këtë çështje nuk do ta lidhi specifikisht për ndonjë moment kalendarik.

“Bota sot”: A do të votonit pro mocionit për rrëzimin e Kurtit, nëse një i tillë vije në Kuvend?

Quni: Për një mocion i cili buron nga vendimet e organeve të LDK-së, natyrisht që do ta ketë edhe votën time.

“Bota sot”: Zotëri Quni, tashmë kanë nisur gjykimet në gjykatën speciale. Si e shihi ju këtë?

Quni: Besoj se gjykata speciale do të arrijë të përcaktoj përgjegjësinë (fajësinë apo pafajësinë) individuale të çdo të akuzuari, kurse lufta e drejtë e UÇK-së të ruhet e panjollosur. Është me rëndësi që gjykimi të jetë profesional dhe i padiktueshëm nga politikat ditore, provat e fabrikuara, propagandat e ndryshme etj.

“Bota sot”: Besoni se kjo gjykatë do t’i zbardhë vrasjet e anëtarëve të LDK-së?

Quni: Disa nga vrasjet e supozuara me motive politike kanë ndodhur jashtë periudhës për të cilën është autorizuar gjykata speciale. Prandaj të mos shpresojmë se çdo vrasje enigmatike do të merr epilogun nga gjykata speciale. Por, kjo nuk duhet të na dekurajoj që këto vrasje të mos trajtohen nga organet e drejtësisë në Kosovë.

“Bota sot”: A jeni ftuar, apo a jeni i gatshëm që t’i përgjigjeni një ftese eventuale nga gjykata speciale?

Quni: Në asnjë moment, formë dhe rrethanë nuk jam kontaktuar nga gjykata speciale. Jam i gatshëm t’i përgjigjem kurdo që është e nevojshme.

“Bota sot”: Për fund, Zotëri Quni, si e shihni punën e deritashme të presidentes Vjosa Osmani?

Quni: Do të doja që zonja Osmani si Presidente e Kosovës të jetë zë më i fuqishëm i unitetit politik, përfaqësimit të Kosovës në arenën ndërkombëtare, fuqizimit të marrëdhënieve me SHBA-të, BE-në dhe NATO-n. Po ashtu nga pozita e saj të punohet më shumë në ngritjen e rolit të gruas në shoqëri dhe vendimmarrje.

Bota sot.

Autobusi me 29 pasagjerë nga Kosova përplaset në Bullgari me një kamionin

 

  

Një aksident i rëndë ka ndodhur në Bullgari. Një autobus me 29 pasagjerë nga Kosova, 6 prej të cilëve janë fëmijë, u përplas me një kamion të ndaluar që po transportonte dru.

Sipas struma.bg, ngjarja ka ndodhur në qytetin e Kyustendilit rreth orës 04:30. Drejtuesi i kamionit po përpiqej t’u bënte sinjal përdoruesve të tjerë të rrugës se kishte rënë një pemë. Autobusi goditi kamionin dhe kamioni doli nga rruga.

Shoferi i autobusit ka pësuar lëndime të lehta dhe është dërguar në Qendrën Mjekësore Qendrore në Kyustendil për të  marrë trajtim mjekësor. Ndërsa  29 pasagjerët janë dërguar në një dhomë të ngrohtë, por nuk dihet se cili ishte destinacioni i tyre dhe kur do të nisen sërish për udhëtim.

Në vendin e ngjarjes ka mbërritur policia për të mësuar detajet e aksidentit.

1/5

Komandanti Fatmir Sopi në Hagë: Salih Mustafa nuk ka ushtruar dhunë ndaj askujt, ai ka përjetuar tortura nga pushteti serb

  

Ish-pjesëtari i Ushtrisë Çlirimtare të Kosovës(UÇK), Fatmir Sopi i cili po dëshmon në gjykimin ndaj Salih Mustafës në Hagë, ka thënë se në shtëpitë në Zllash ku kanë qëndruar ushtarët e UÇK-së nuk është maltretuar askush.

Ai ka thënë se Salih Mustafa nuk ka trajtuar asnjë njëri mizorisht dhe se nuk ka dëgjuar diçka të tillë për ish-bashkëluftëtarin e tij.

Në ditën e dytë të dëshmisë së tij para Dhomave të Specializuara të Kosovës në Hagë, Sopi ka thënë se gjatë luftës nuk ka qenë asnjëherë pengesë orientimi politik i ushtarëve të UÇK-së.

“Nuk ka mundur të ndodh kjo kurrë. E njoh edhe para luftës, e kam njohur si ish i burgosur politik dhe njëri i cili i ka përjetuar torturat më çnjerëzore nga pushteti serb dhe nuk e besoj kurrë që i njëjti mund të ushtrojë dhunë ndaj dikujt për asnjë arsye dhe për asnjë rast[…] Kurrë në jetën time nuk kam dëgjuar diçka të tillë për bashkëluftëtarin tim zotëri Salih Mustafa”, ka thënë Sopi.

Sopi ka thënë se qëllimi i luftës së UÇK-së ka qenë vetëm çlirimi i vendit nga forcat serbe.

“Në asnjë rrethanë dhe në asnjë formë nuk ka qenë pengesë orientimi politik i ushtarit të UÇK-së, qëllimi i luftës ka enë çlirimi i vendit ndërsa për bindjet politike neve në atë kohë nuk na ka interesuar”, ka thënë ai.

Sopi është përgjigjur në pyetjet e avokatit mbrojtës së Salih Mustafës, Julius Von Bone, të cilit i ka thënë se UÇK nuk ka qenë ushtri e rregullt andaj edhe nuk ka pasur uniforma për të gjithë ushtarët.

Por, ai ka shtuar se uniforma e UÇK-së është keqpërdorur nga forcat paramilitare serbe.

“Uniforma e UÇK-së në shumë raste edhe është keqpërdorur, është keqpërdorur sidomos nga forcat ushtarake paramilitare dhe militare serbe të cilët nën uniformën e UÇK-së kanë kryer masakra të llahtarshme. Po ua përmend vetëm një rast të cilin e kam në mendje kur pjesëtarët e njësiteve serbe në uniform të UÇK-së në Pejë hynë në një lokal të të rinjve dhe i vrasin që të gjithë ata pjesëtarë të kombit të vet, pjesëtar serb, në mënyrë që të fajësohej UÇK-ja dhe opinion ndërkombëtar ta dënonte si organizatë terroriste sepse po kryen terror, krime. Ndërsa sa i përket uniformës që ne kemi mbajtur nuk kemi qenë krejt të kompletuar”, ka thënë Sopi.

Gjatë dëshmisë tij, Sopi ka thënë ushtarët e UÇK-së kanë bërë roje para ndërtesave në të cilat vendoseshin shtabe apo njësi të UÇK-së dhe se u kërkoheshin mjete identifikimi apo prezantim personave të panjohur që mund të hynin aty.

Derisa është pyetur për periudhën e prillit të vitit 1999. Sopi ka thënë se as ai dhe as Salih Mustafa nuk kanë mundur të qëndrojnë në një vend meqë sipas tij është dashur të merren me pozicionimet dhe përgatitjet për operacionet luftarake.

Ai ka thënë se nuk i kujtohet që Mustafa të ketë dërguar staf mjekësor në Zllash në prill të vitit 1999.

Sopi ka thënë se që prej 7 prillit 1999 ka qenë i angazhuar me detyrën e komandantit të operacioneve luftarake në Zonën e Prapashticës dhe se deri në ofensivën e dytë që ishte më 18 prill ai rrallë herë është kthyer në fshatin Zllash.

Fatmir Sopi është dëshmitari i 11 i cili po dëgjohet në procesin gjyqësor ndaj Salih Mustafës dhe seanca po zhvillohet e hapur për publikun.

Ai ka thënë se i ishte bashkuar UÇK-së që prej fillimeve të saj në vitin 1998 dhe ka kryer detyrën e organizatorit në rajonin e Gollakut ndërsa sot është kryetari i Organizatës së Veteranëve të Luftës së UÇK-së në Prishtinë.

Gjykimi i cili ka filluar më 15 shtator 2021 është i pari në Dhomat e Specializuara të Kosovës në Hagë, ndërsa deri tani janë dëgjuar dhjetë dëshmitarë të mbrojtur të Zyrës së Prokurorit të Specializuar.

Aktakuza ndaj Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.