Pse krijuesit e artit dixhital duan të qëndrojnë të fshehur?

 

 

Dy miqtë e përjetshëm nga Florida nuk kërkuan kurrë vëmendjen, por më pas ata ndërtuan një perandori shumë milionëshe që shiste artin dixhital dhe njerëzit donin të dinin se kush ishin ata. Nën pseudonimet “Gargamel” dhe “Gordon Goner”, ata krijuan “Bored Ape Yacht Club”, një koleksion prej 10.000 karikaturash majmunësh me modele flokësh dhe veshje të ndryshme.

Ata i shesin këto imazhe si tokena-jo të këmbyeshëm dixhital (NFT) dhe tani është e vështirë të marrësh një për më pak se 280,000 dollarë, pjesërisht falë mbështetjeve të personazheve të famshëm nga Paris Hilton te Serena Ëilliams.

Gazeta amerikane e lajmeve BuzzFeed bëri disa zbulime në fillim të këtij muaji dhe zbuloi identitetin e tyre të vërtetë – duke shkaktuar një shpërthim zemërimi mes fansave në mediat sociale.

“Ky veprim  është i çuditshëm, duke i vënë njerëzit në rrezik,” shkroi një përdorues i Tëitter, duke përdorur zhargonin e internetit për të identifikuar dikë kundër vullnetit të tyre.

Historia ka ripërqendruar vëmendjen te anonimiteti në botën e kriptomonedhave.

Ndërsa krijuesit e “Majmunëve të mërzitur” mund të pëlqejnë të fshihen në botën e kriptove, ata janë pronarë të një biznesi të quajtur Yuga Labs, kështu që duhet të ndjekin të gjitha rregullat e zakonshme të dosjeve të kompanisë, duke përfshirë ofrimin e përfituesve të emëruar.

“Përdorimi i një pseudonimi nuk ju bën anonim,” thotë Alexander Stachtenko, një ekspert i kriptomonedhave për firmën KPMG.

– Rreziku i grabitjes –

Është e paqartë pse themeluesit e “Majmunëve të mërzitur ” donin të qëndronin anonimë.Kritikët thonë se kushdo që fiton para nga NFT-të do të ishte i mençur të kërkonte anonimitetin pasi ajo që po shesin është e pavlerë.Ndonëse fansat kënaqen duke qenë pjesë e një komuniteti ku pronësia e NFT është shpesh një portë për lojëra dhe përfitime të tjera.Sido që të jetë, kushdo që bën pasuri serioze në këtë fushë ka arsye të dukshme për të qëndruar larg opinionit publik.

Lexo edhe: Kompania italiane do të ofrojë makinat me certifikata NFT: “Rritet vlera e automjetit”

“Nuk kam nevojë që publiku të dijë se kush jam, si dukem, origjinën time”, thotë një krijues që quhet “Owl of Moistness. Nuk dua të rrezikoj që njerëzit të më grabisin apo të dëmtojnë familjen time”.

Ai bashkëthemeloi Yield Guild Games, një startup i fokusuar në videolojërat NFT në Filipine, ku mania NFT është përhapur në të gjithë popullsinë. Ai thekson se teknologjia që mbështet kriptomonedha dhe NFT – blockchain – është një libër ku çdokush mund të gjurmojë transaksionet.Pra, lidhja e identitetit të tij të kriptos dhe botës reale do të lejonte këdo të zbulonte pasurinë e tij.Por sa më i madh bëhet një projekt, aq më i ndërlikuar është të mbetet i panjohur.

“Bëhet më e vështirë nëse do të zgjeroni ekipin tuaj,” thotë Soona Amhaz nga Volt Capital, një fond i fokusuar në kriptomonedha.

– “Mënyra më e drejtë” –

Një nga mënyrat e favorizuara për të mbetur anonim në botën e kriptove është formimi i një DAO (organizatë autonome e decentralizuar).

DAO-të i lejojnë njerëzit të bashkëpunojnë dhe të veprojnë ashtu si mundet një kompani, në thelb duke vepruar si aksionarë, por pa status ligjor formal ose pronarë të emërtuar.

Kushdo që nxjerr fitim do të duhet ende të paguajë taksa, por lidhja e individëve të botës reale me këto entitete është një detyrë shumë më e ndërlikuar sesa, të themi, kërkimi i të dhënave publike për të zbuluar themeluesit e majmunëve të mërzitur.

Lexo edhe: Facebook dhe Instagram mund t’ju ndihmojnë të krijoni dhe shisni NFT

Ky model u ka shërbyer shumë sipërmarrësve anonimë, megjithatë, shumë njerëz përdorin pritjen e anonimitetit për qëllime të liga.DAO dhe entitete të tjera të decentralizuara janë veçanërisht të prekshme ndaj mashtrimit, sipas firmës së analizës Chainalysis.AnubisDAO ishte një entitet i tillë, i krijuar nga programues pseudonimë tetorin e kaluar me pak më shumë se një llogari në Twitter dhe një logo.

Ajo u zhduk më pak se një ditë pasi u lançua, duke marrë pothuajse 60 milionë dollarë nga paratë e investitorëve, sipas Chainalysis.Dhe duket se batica po kthehet kundër anonimitetit në botën e kriptove.Shumica e shkëmbimeve më të mëdha të kriptomonedhave tani kërkojnë kontrolle identiteti për të luftuar këtë lloj mashtrimi.Por Soona Amhaz beson se ka ende gjëra pozitive në idenë e DAO, duke argumentuar se ato kontrollohen nga zinxhiri bllokues.Çdokush mund të gjurmojë transaksionet e një DAO të veçantë dhe të zbulojë nëse ato janë të ligjshme ose të dyshimta.

Mashtrimi Nigerian, ose mashtrim i bukur i parapaguar i trashëgimisë

 

 

Shkruar nga Enald Dragoti

Gjithnjë mendojmë edhe veprojmë me parimin universal të ndërveprimit në jetë.

Kudo vërejmë shkatërrim, degradim si pasojë e një mashtrimi të thjeshtë dhe të bukur, por që pasohet me veprime të ndryshme. Për pasojë, edhe inxhinieria sociale ka si kryefjalë të fillesës së cdo veprimi fjalën mashtrim. Ndaj, tani do përshkruaj një mashtrim të bukur dhe interesant që, sipas një studimi, ka krijuar një dëm në rang botëror prej rreth 2 milionë $ në një vit.

Ky është mashtrimi Nigerian i parapaguar ose ndryshe mashtrimi 419

Mashtrimi në internet, i cili përfshin mashtrues të zakonshëm ose jo, duke kryer nje sulm personal mashtrimi ose në grup, duke pretenduar se është dikush në nevojë.

Mashtrimet nigeriane janë ndër të këqiat më të shpeshta të mashtrimit në internet, ku njerëzit ende diskutojnë për këtë rrezik, por prapë arrijnë të mashtrohen. Por pse? Sepse mashtruesit përdorin teknika të ndryshme komunikimi si dhe taktika të inxhinierisë sociale për t’i bërë situatat sa më të besueshme edhe më koncize për viktimën. Shumica e njerëzve, miqve, familjarëve që kanë një smartphone, ku kanë një email kanë gjasa që të kenë marrë të tilla mesazhesh të ccuditshme, herë-herë mashtruesit të shkruajnë edhe në Shqip, pavarsisht sa kuptimplotë mund të jetë ky email.

Ky lloj specifik i mashtrimit zakonisht quhet si mashtrimi nigerian për shkak të përhapjes së tij në vend, veçanërisht gjatë viteve 1990. Ekziston edhe një pjesë në Kodit Penal Nigerian, Seksioni 419 që e bën këtë lloj mashtrimi të paligjshëm. Sidoqoftë, ky mashtrim nuk është i kufizuar vetëm në Nigeri. Ai kryhet nga shumë organizata në shumë vende të ndryshme të botës.

Origjina e këtij mashtrimi thuhet se nisi në Nigeri gjatë fillimit të internetit (rreth 1970). Mashtrimi 419 fillon me një email, mesazh të drejtëpërdrejt, DM, tekst mesazh nga Nigeria, i cili pretendon se ka nevojë për ndihmë. Mashtruesi arrin të vendosë besimin, pastaj vendos faktorin mungesë, pas kësaj vazhdohet me kërkesa në para shuma të vogla dhe në fund zhvillohen kerkesa për shuma të mëdha parash nëse viktima i ndjek të gjitha stadet e këtij mashtrimi.

Lexo: Edhe Shqipëria në “ethet” e kriptovalutave, rreziku i pastrimit të parave

Mashtruesit më pas kërkojnë që të dërgohen para për të paguar disa nga kostot që lidhen me transferimin. Nëse paratë u dërgohen mashtruesve, ata ose do të zhduken menjëherë ose do të përpiqen të marrin më shumë para me pretendime për probleme të vazhdueshme me transferimin.

Mashtruesit preferojnë metoda transferimi që zakonisht nuk mbështesin rimbursime ose të bëjnë ato të vështirë për t’u indetifikuar. Zakonisht ata përdorin të njëtën strukturë mashtrimi në situata të ndryshme. Kanë një pasuri tepër të lartë të trashëguar nga një person që ka vdekur së fundi dhe për t’u shfrytëzuar kjo pasuri duhet një i tretë nga vendi i huaj ku të bëjë të mundur transferimin, duke ju dërguar foto me vendimet që e mbështesin ato që ai thotë. Deri këtu jemi në rregull.

Si i gjejnë viktimat ?

Nuk është e prerë se cila është grupmosha që synohet prej këtij lloj mashtrimi. Por, gjatë një studimi të këtij lloj mashtrimi thuhet se viktimat e këtij lloj mashtrimi janë zakonisht burra dhe gra mbi 18 vjeç. Por, kushdo që ka një smartphone dhe përdor një email ka gjasa të ketë një email të tillë. Kështu që është e paqartë nëse mashtruesit synojnë grupe specifike apo jo. Duke pasur parasysh lehtësinë me të cilën individët dhe grupet aktualisht mund të dërgojnë me email dhe të dërgojnë mesazhe në shumë njerëz në të njëjtën kohë, ka të ngjarë që mashtrimi 419 thjesht të fillojë me biseda me sa më shumë njerëz të jetë e mundur dhe më pas komunikojnë personalisht me ata që përgjigjen, duke përdorur taktika të ndryshme komunikimi si inxhinierinë sociale.

Adresat e emailit dhe numrat e telefonit shpesh mblidhen nga robotët që kërkojnë në Internet për informacione personale të kontaktit ose skanojnë të dhëna nga një shkelje e sistemit ose shkelje e sigurisë.

Raste nëe vendin tonë:

Personalisht, emailin e parë e kam marrë rreth moshës 15 vjec (2009-2010). Mashtruesi apo mashtruesit arritën të më bindin që t’u ofroja ndihmë. Më dërguan foto se kush ishin, më treguan ndodhinë apo “fatkeqësinë” që u ka rënë duke thënë se kishin një pasuri të ngrirë nga shteti, ishte kohë lufte dhe nuk mund t’i tërhiqnin paratë. Kaluam fazat e njohjes pas të cilës vinte faza e transfertës së parave. Kam shpëtuar nga ky mashtrim për faktit se në atë moshë prindërit nuk më jepnin shuma të mëdha parash, por nga ana tjetër edhe unë nuk kam qenë i shkathët të nxirrja para në forma të tjera, pavarësisht se sa shumë kërkoja e dëshiroja.

Kjo mungesë informacioni më ka bërë që për 5 vite këto lloje mesazhesh i vecoja si telebingo derisa kopjova mesazhin e plotë dhe bëra kërkim në Google, ku më dolën forma të ndryshme të këtij mashtrimi. Menjëherë kam ndryshuar pajisjet, emailet, kam rritur më shumë sigurinë, etj.

Rasti tjetër po këtu në Shqipëri pak javë më parë ishte kur një grua 45 vjecare ra pre e mashtrimit Nigerian. Mashtruesit arritën t’i merrnin 1800 euro. Ajo ua dërgoi paratë me MoneyGram.

Si mund të shmangësh pjesëmarrjen në këtë mashtrim?

Mënyra më e lehtë për të shmangur përfshirjen në një mashtrim është thjesht të mos u përgjigjeni postave elektronike ose mesazheve që merrni nga të huajt që kërkojnë ndihmë nga një vend tjetër, ashtu si edhe adresat që nuk i njeh. Edhe nëse mesazhet duken profesionale, është gjithmonë më mirë të supozoni se është një mashtrim, pasi mashtruesit 419 janë socializuar me rrjetin dhe gjatë bisedave me personat target (viktimat), arrijnë të njohin, kuptojnë dëshirat dhe nevojat e tyre. Ata japin informacione në dukje të vërteta, ku me anë të një kërkimi të thjesht viktima e konfirmon si të mirëqënë edhe beson tek mashtruesi. Nëse nuk e njihni kompaninë ose personin nga i cili është dërguar mesazhi, mos u përgjigjni.

Nëse një mik apo anëtar i familjes ju dërgon një mesazh në Facebook, Twitter ose në një aplikacion tjetër dhe ju kërkon para, gjithmonë duhet t’i telefononi për të verifikuar identitetin e tyre, pasi llogaria e tyre në rrjetet sociale mund të jetë hakuar dhe mund të flisni me një mashtrues.

Unë tashmë jam viktimë. Cfarë duhet të bëj?

Të biesh viktimë e një sulmi ose mashtrimi ndodh për disa arsye dhe të paktën njëherë në jetë. Mungesa e informacionit, dëshira për të ndihmuar, si dhe tundimi që mund të kesh gjithë ato para që mund të zotërosh në fund të procesit, të nxisin drejt gabimit. Mashtruesit dinë ta përdorin mirë inxhinierinë sociale.

Nëse zbuloni se keni qenë viktimë e një mashtrimi, gjëja e parë që duhet të bëni është të kontaktoni bankën tuaj dhe të përpiqeni të ktheni të gjitha fondet që keni dërguar mbrapsht. Nëse i keni dërguar para dikujt përmes PayPal, mund të merrni një rimbursim duke ndjekur hapat e saktë. Të gjitha pagesat e kriptovalutave janë fatkeqësisht të pakthyeshme për shkak të natyrës së teknologjisë blockchain prapa Bitcoin dhe monedhave të tjera kriptomonedhë.

Në varësi të informacionit që i keni dhënë mashtruesit, mund t’ju duhet të ndryshoni të gjithë emrat e përdoruesit dhe fjalëkalimet e lidhura dhe të anuloni kartën tuaj të kreditit, duke telefonuar institucionin tuaj financiar ose kompaninë e kartës së kreditit.

Ju mund të paraqisni raporte të ndara përmes faqes në internet në policinë e shtetit të degës së kibernetikës ose të bëni denoncim që jeni mashtruar në internet dhe policia që merret me mbledhjen e denoncimeve do ia kalojë seksionit të kibernetikës. Por, kjo nuk ju garanton marrjen e parave mbrapsh. Sigurohuni që të mbani shënime për të gjitha komunikimet tuaja me mashtruesin 419 në rast se ato janë të nevojshme për hetime të ardhshme ose veprime ligjore.

Si mund të shmang rënien në mashtrimin 419?

Për të zvogëluar rrezikun e mashtruesve nigerian apo edhe mashtrimet e tjera ne internet, të cilët mbledhin informacionin tuaj të kontaktit dhe mashtrimet, rekomandohet që të përpiqeni të mos përfshini numrin tuaj të telefonit dhe adresën e postës elektronike në email, DM dhe postimet e mediave sociale, përveç nëse është absolutisht e nevojshme. Ju gjithashtu duhet të siguroheni që të gjitha llogaritë tuaja kanë fjalëkalime të forta dhe krejtësisht të ndryshme dhe të mundësojnë vërtetimin me dy faktorë në të gjitha shërbimet që e mbështesin atë.

Ushtarët e Forcës së Sigurisë së Kosovës po vazhdojnë përgatitjet në stërvitjen shumëkombëshe të NATO dhe partnerëve të saj “Vigorous Warrior 2022”.

 

Mehaj: Të gatshëm për përballje me çdo kërcënim ndaj sigurisë rajonale, kontinentale dhe globale

---

Ministri i Mbrojtjes, Armend Mehaj ka thënë se “ne jemi dhe do të jemi së bashku me NATO-n, të udhëhequr nga SHBA, të përgatitur dhe të gatshëm për përballje me çdo kërcënim ndaj sigurisë rajonale, kontinentale dhe globale.”

/GazetaSinjali/

Sipas njoftimit të Minstrit të Mbrojtjes, Armend Kadri Mehaj, stërvitja do të mbahet në Gjermani dhe do të udhëhiqet nga Ushtria Amerikane në Evropë

 

---

Kjo stërvitje është e projektuar për të përmirësuar aftësinë e vendeve aleate dhe partnere për të përmirësuar dhe avancuar aftësinë e zjarrit me rreze të gjatë.

“Vazhdojmë së bashku me forcat amerikane dhe aleatët tjerë, të bashkuar dhe të vendosur, për mbrojtjen e paqes , sigurisë dhe stabilitetit kontinental dhe global”, ka shkruar Mehaj në një postim në Facebook.

Miratohet në parim Projektligji për policinë ushtarake,Armend Kadri Mehaj: Kosova më afër NATO-s

 

---

Kuvendi i Kosovës me mbështetje të deputetëve të opozitës dhe pozitës, me 61 vota pro ka votuar në parim Projektligjin për policinë ushtarake në Forcën e Sigurisë së Kosovës.

Arsyetimin e këtij projektligji e ka bërë, ministri i Mbrojtjes, Armend Mehaj, i cili tha se rregullimi i misionit dhe statusit të policisë ushtarake me ligj është një hap drejt anëtarësimit në NATO.

“Është hera e parë që statusi dhe misioni i policisë ushtarake rregullohet me ligj të veçantë. Duke marrë parasysh se synimi Kosovës është anëtarësimi në NATO, rregullimi i misionit dhe statusit të policisë ushtarake me ligj është një hap drejt realizimit të këtij synimi strategjik të Republikës së Kosovës… Prandaj kërkoj që policia ushtarake të ketë autorizime specifike ligjore në mbështetje të misionit. Andaj, Ministria e Mbrojtjes kërkon shqyrtimin dhe miratimin e këtij projektligji”, tha ai.

Për votimin e këtij projektligji është dashur të pritet të bëhet kuorumi, por kryeparlamentari Glauk Konjufca përmendi edhe masat që duhet të merren ndaj deputetëve për të funksionuar si duhet Kuvendi i Kosovës.

“Po më duket pa e bërë si në shkollë fillore me tri mungesa nuk funksionon ky Kuvend. Mirë, 61 me ‘mezi’”, theksoi Konjufca.

Ndërsa, shqyrtimi i parë i Projektligjit për Arkivat Shtetërore është shtyrë për një seancë tjetër, për shkak të mungesës së ministrit të Kulturës, Hajrullah Çeku.

Dmitry Medvedev, ish-kryeministri i Rusisë ka shkruar në llogarinë e tij në Twitter, pas vendimit të Gjermanisë për ndalimin e certifikimit të gazsjellësit Nord Stream 2.

 

Medvedev ka paralajmëruar se evropianët së shpejti do të paguajnë nga 2 mijë euro për 1 mijë metra kub të gazit natyror.

“Mirë se vini në botën e re guximtare ku evropianët së shpejti do të paguajnë 2 mijë euro për 1 mijë metra kub të gazit natyror”, shkroi Medvedev, zv. presidenti i Këshillit të Sigurisë Kombëtare në Rusi.

Kancelari i Gjermanisë, Olaf Scholz, sot ka njoftuar se vendi i tij do ta pezullojë për një periudhë të caktuar vënien në punë të gazsjellësit Nord Stream 2 për shkak të aktiviteteve të fundit të Rusisë në Ukrainën lindore.

Millorad Dodik: Bosnja duhet të qëndrojë krejtësisht neutrale ndaj zhvillimeve në Ukrainë

 

Anëtari serb i Presidencës trepalëshe të Bosnje dhe Hercegovinës, Millorad Dodik, tha më 22 shkurt se ky shtet duhet të qëndrojë “krejtësisht neutral” sa i përket zhvillimeve në Ukrainë.

Më 21 shkurt, presidenti rus, Vladimir Putin njohu pavarësinë e dy rajoneve separatiste Donjeck dhe Luhansk në lindje të Ukrainës, dhe miratoi dërgimin e trupave ruse në atë zonë.

Dodik komentoi deklaratat e dy anëtarëve të tjerë të Presidencës të Bosnje dhe Hercegovinës, Zhelko Komshiq dhe Shefiq Xhaferoviq që dënuan sulmin rus ndaj sovranitetit dhe integritetit territorial të Ukrainës. Dodik tha se ata kanë keqpërdorur situatën.

“Ky nuk është qëndrimi i Bosnje e Hercegovinës. Presidenca është përgjegjëse për drejtimin e politikës së jashtme. Ata në këtë mënyrë po vazhdojnë ta përçajnë Bosnjën, të dalin nga organet zyrtare. Qëndrimi i tyre mund të konsiderohet si qëndrim privat”, tha Dodik.

Sipas tij, gjëja më realiste që mund të pritet nga Bosnje e Hercegovina në këto momente është që të qëndrojë neutrale.

“Që të gjithë kemi simpatitë tona, nëse dëshironi unë mund të flas për simpatitë e mia personale, por mendoj se është e panevojshme që ta bëj tani. Fakti që Komshiq dhe Xhaferoviq u rreshtuan flet se nuk iu intereson Bosnje e Hercegovina dhe nuk e përfaqësojnë atë”.