Alarm në BE

ftë!

 Kurt Farka on April 9, 2024

Shefi i Politikës së Jashtme të BE, Josep Borrell, ka paralajmëruar se lufta në Evropë është në horizont.

“Evropa duhet të përgatitet për një luftë të mundshme. Një konflikt në shkallë të plotë në kontinentin përtej Ukrainës, nuk është më një fantazi”, ka paralajmëruar kryediplomati i BE-së.

Ai ka shtuar se Rusia kërcënon Evropën përmes luftës së saj të vazhdueshme në Ukrainë ashtu edhe sulmeve hibride ndaj vendeve anëtare të BE-së.

“Lufta sigurisht që po afrohet rreth nesh. Një luftë me intensitet të lartë, konvencionale në Evropë nuk është më një fantazi”, tha ai.

Shefi i politikës së jashtme të BE shtoi se Union

Më shumë municion, më shumë prodhim armësh, më shumë investime dhe koordinim në aftësitë mbrojtëse. Evropa po shkon drejt luftës luftës. Shtetet anëtare të BE-së po rrisin shpenzimet e tyre në mbrojtje dhe Bashkimi Evropian, një projekt që synon ruajtjen e paqes pa një komponent ushtarak, tani po shndërrohet katërcipërisht në një model me fokus të fortë në mbrojtje, pasi synon të mbrohet nga kërcënimet e jashtme në kohë të trazuara. Rruga e kësaj metamorfoze shënohet nga lufta e Rusisë kundër Ukrainës, e cila ka hyrë në vitin e tretë. Trupat e Kievit po luftojnë për shkak të mungesës së municioneve dhe paralizës së ndihmës amerikane, Kremlini po tregohet më elastik se sa pritej, Kina është gjithnjë e më e sigurt dhe ka shqetësime në rritje se çfarë do të ndodhë me mbështetjen e SHBA-së nëse Donald Trump kthehet në Bardhë ose nëse Uashingtoni i përqendron përpjekjet e tij në një fushë tjetër të interesit: gjigantin aziatik. Kontinenti i Vjetër e ka njohur pozicionin e tij të brishtë dhe mungesën e mjeteve nëse do të lindte një konflikt tjetër.

Alarm në BE

Mesazhi më i përsëritur është se Perëndimi po shkon drejt luftës me Rusinë. Tani po i bashkohen edhe politikanët kësaj rryme. Presidenti i Këshillit Evropian, Charles Michel, ka qenë shumë i drejtpërdrejtë në këtë pikë. Presidenti francez Emmanuel Macron i ka bërë jehonë kohët e fundit. Kancelari i Gjermanisë Olaf Scholz është “i frikësuar” nga provokimi i Rusisë. Dhe Evropa është e papërgatitur ushtarakisht. I fundit në listë është kryediplomati i BE-së, Josep Borrell.  “Europa duhet të përgatitet për një luftë të mundshme, pasi një konflikt në shkallë të plotë në kontinentin përtej Ukrainës nuk është më një fantazi, ka paralajmëruar ai së fundmi.  “Për të frenuar armikun duhet të kemi mjetet për ta bërë këtë”, nënvizoi Borrell teksa iu referuar Rusisë si kërcënimi më i madh për kontinentin, që pas nisjes së konfliktit në Ukrainë. “Rusia kërcënon Europën, si përmes luftës së saj të vazhdueshme në Ukrainë ashtu edhe sulmeve hibride ndaj vendeve anëtare të BE-së. Lufta sigurisht që po afrohet rreth nesh. Një luftë me intensitet të lartë, konvencionale në Evropë nuk është më një fantazi”, tha Borrell. Është hera e parë që ish-ministri i Jashtëm spanjoll ka paraqitur kërcënimin rus në mënyrë kaq të qartë.

Dokumenti sekret

Media italiane “Il Foglio”shkruan për një dokument sekret “të përbërë nga tre kolona. E para rendit numrin e ushtarëve që shërbejnë aktualisht në çdo vend anëtar të Bashkimit Evropian. Kolona e dytë rendit numrin e rezervave ushtarake, të cilat mund të përdoren nëse është e nevojshme. Kolona e tretë tregon numrat në lidhje me forcat e përgjithshme ushtarake që çdo vend duhet të ketë në dispozicion në rast se Evropa thirrej për të mbështetur një përpjekje lufte”. Gjithsej janë 1.368.510 ushtarë në detyrë aktive, 1.277.980 rezervistë. Duke bërë një shumë të shpejtë, arrijmë në forcën e përgjithshme ushtarake që mund të përdoret në rast konflikti: 2,646,440 ushtarë. Një shifër larg nga 3,154,000, përfshirë edhe 3,708,000 paraushtarakë në Rusi.  Dhe gazeta e drejtuar nga Claudio Cerasa e analizon situatën në dritën e dokumentit sekret si më poshtë: “Vendet evropiane, me disa përjashtime, kanë zgjedhur të nënvlerësojnë alarmin e lëshuar nga NATO në lidhje me mundësinë se kërcënimi ligji rus mund të shtrihet me kalimin e kohës edhe në vende të tjera përveç Ukrainës. nuk ndodh. Por nëse ndodh, po sikur të mos jemi gati?”.

Lufta “tek dera”

Pra, a ka kohë për të vepruar, apo Evropa tashmë ka “ecur në gjumë” në një pikë pa kthim ku një luftë më e gjerë është e pashmangshme?Megjithëse lufta mund të duket e pashmangshme, një fillim i shpejtë dhe një vendosmëri e vendosur në riarmatim do të dërgonte një sinjal të fortë për kundërshtarët e mundshëm. Do të kërkojë gjithashtu një mirëkuptim midis qeverive me Berlinin dhe Parisin në thelb, me vendet e tjera që do të bashkohen. Deri më tani, rreziku më i madh është se një agresor i mundshëm beson, jo pa arsye, se disa kombe evropiane jo vetëm që nuk janë në gjendje, por edhe nuk dëshirojnë të mbrohen.

Tonin Gjini hyri në ujërat e Adriatikut në fshatin verior të Velipojës me mikun e tij më të mirë, Pjerin Gjeka.

 

Në vitin 1987, një notar profesionist 22-vjeçar i quajtur Tonin Gjini hyri në ujërat e Adriatikut në fshatin verior të Velipojës me mikun e tij më të mirë, Pjerin Gjeka.

Tetëmbëdhjetë orë më vonë, Gjini doli 18 kilometra përgjatë bregut në qytetin malazez të Ulqinit, në atë kohë pjesë e Jugosllavisë. Gjeka u mbyt, 100 metra larg bregut. Gjini e tërhoqi trupin e shokut të tij deri në tokë.

Me të mbërritur në Ulqin, katër persona me uniforma e çuan Gjinin dhe trupin e Gjekës në Podgoricë, i njohur atëherë si Titograd. Nga aty, Gjini u dërgua në burg në qytetin bregdetar të Kotorrit për një muaj për kalim të paligjshëm të kufirit.

Nga Kotorri, Gjini u dërgua në Beograd, ku u intervistua në ambasadën e Shteteve të Bashkuara të Amerikës.

Gjini u lejua të hynte në SHBA, por familja e tij në Shqipëri u internua  në një fshat të largët në veri të Shqipërisë.

Kur u kthye për herë të parë, në vitin 1992 pas rënies së komunizmit, të afërmit e mikut të tij të vdekur, Gjekës, e pyetën se çfarë kishte ndodhur me të.

“Ata nuk dinin asgjë”, tha ai. Ai u tregoi se jugosllavët e kishin marrë trupin e Gjekës dhe ua kishin kthyer autoriteteve shqiptare, të cilët e varrosën atë në veri të Shqipërisë, “por familja nuk dinte asgjë”.

“Më pas familjarët nëpërmjet një të njohuri të tyre e gjetën. Ata morën një ekskavator, gërmuan dhe e gjetën.”

Historia e dy të rinjve ka frymezuar filmin dokumentar “Freestyle to Montenegro” i cili është shfaqur në rreth 10 festivale filmi.

“Dush i ftohë” në Paris, presidentit serb Aleksandër Vuçiçit

 Flori Bruqi, PHD

Pavarësisht njoftimeve madhështore në prag të vizitës së tij në Paris, presidenti serb Aleksandër Vuçiç ka marrë një “dush të ftohtë” në takimin me presidentin francez Emmanuel Macron, shkruan media serbe “Nova.rs”.

Rasti i Banjskës dhe Milan Radoiçiqit “e përshëndeti” menjëherë Vuçiçin, sepse Macron tha se pret që të gjithë ata që morën pjesë në këtë sulm të armatosur të ndiqen penalisht. Pavarësisht se Serbia e refuzon me këmbëngulje këtë dhe organizatori kryesor i aksionit në të cilin u vra një polic i Kosovës dhe tre serbë, Milan Radoiçiç ende është i lirë. Ndonëse kanë kaluar më shumë se shtatë muaj nga Banjska dhe konflikti i armatosur në veri të Kosovës, opinioni ndërkombëtar nuk e ka harruar.

“E ndërsa presidenti i Serbisë dëshiron që Banjska të bëhet vetëm një e kaluar e shëmtuar që nuk do t’i rëndojë marrëdhëniet e Serbisë me botën, “skeleti” i atij konflikti të armatosur bie nga dollapi herë pas here”, shkruan media serbe.

“Dush i ftohë” në Paris

Në ceremoninë dhe fjalimin e përbashkët të Vuçiçit dhe Macronit në Paris, presidenti francez thuajse në hyrje të fjalimit deklaroi se pret që të gjithë ata që kanë lidhje me Banjskën të ndiqen penalisht. “Në anën tjetër, duhet t’i tejkalojmë tensionet që u ngritën si rezultat i vendimeve të autoriteteve të Kosovës në lidhje me komunat me popullatë serbe, ne i dimë kushtet e atyre marrëveshjeve”, tha shkurt Macron. Duke qenë se Macron është në krye të vendit të dytë më të fuqishëm në BE, qëndrimi ndaj konflikteve të armatosura ka peshë të madhe, siç thekson “Nova.rs”. Priten përgjigjet, hetimet janë në vazhdim e sipër, ndërsa Milan Radoiçiçit i mungon vetëm vila në veri të Kosovës. Siç shkruan media serbe, ai lëviz lirshëm dhe kamerat e kanë regjistruar në Serbi, madje duke rrahur njerëz.

Paralajmërimi i ri

Analisti i politikës së jashtme Boshko Jakshiç thekson se deklarata e Macron është dëshmi dhe konfirmim i rëndësisë që Franca i kushton incidentit në veri të Kosovës. “Ishte e qartë për të gjithë të përfshirët në politikë se Banjska do të regjistrohej si një incident i rëndë me potencial zhvillimi për sigurinë e rajonit. Ishte krejt e logjikshme që të mos thuhej ‘ad acta’, siç dëgjojmë nga përkujtimet e shpeshta të Milan Radoiçiçit. Ky është një paralajmërim i ri dhe pritej që të përmendej në biseda private, por fakti që Macron e përdori për ta përmendur në konferencën për shtyp është vetëm një konfirmim se sa rëndësi i kushtojnë atij incidenti si Franca ashtu edhe BE-ja”, shpjegon Jakshiç për “Nova.rs”.

Rasti i Radoiçiç

“Ai insistoi që të përmbushen dispozitat e marrëveshjes së Brukselit dhe Ohrit. Kjo është krejtësisht në kundërshtim me atë që është thënë, që është se Macron do të ndihmojë në mbajtjen e Kosovës jashtë Këshillit të Evropës. Agjendat janë krejt të ndryshme”, thotë Jakshiç. Bëhet e ditur se në Serbi, ku ai banon rregullisht, organet kompetente nuk duan të zhvillojnë procedura gjyqësore ndaj ish-nënkryetarit të Listës Serbe, Milan Radoiçiç. Prokuroria po e procedon zyrtarisht si organizator i konfliktit të armatosur në Banjskë të Kosovës, por rasti “ka rënë” në ujë. Gjatë asaj kohe “Komandanti Milan”, siç e thërrasin shokët, rreh njerëzit, prehet në hotelin e tij në Kopaonik dhe gëzon lirinë që institucionet nuk duan t’ia mohojnë, edhe pse ia bënë studentëve protestues.

Kërkesat e BE-së

“Presidenti na siguron se institucionet po bëjnë punën e tyre dhe se hetimi është duke u përgatitur plotësisht. Të huajt prisnin që hetimi të përparonte, por tani për tani rasti ‘Banjska’, në të cilin emri kryesor është Radoiçiç, është ulur në një nga sirtarët e Prokurorisë së Lartë Publike në Beograd”, shkruan “Nova.rs”, duke shtuar se shumë janë në pritje të hapjes së sirtarit dhe dyshimet janë të shumta. I dërguari special i SHBA-së për Ballkanin Perëndimor, Gabriel Escobar, tha se SHBA-të besojnë se ka lidhje financiare dhe organizative mes organizatorëve të çështjes dhe Serbisë. “Ministri i Jashtëm britanik, David Cameron, tha se konflikti mund të kishte çuar në një situatë të rrezikshme dhe e gjithë BE-ja pret një reagim”, përfundon “Nova.rs”.

Pse heshtë Evropa dhe USA : Arrin shpejtësinë 1900 km/h, çfarë është “shpërthimi i zjarrit” që Serbia do të marrë nga Franca? Ja urdhri i Vuçiç për ushtrinë serbe

 Flori Bruqi,PHD

Prej vitit 2021, Serbia po kërkon me ngulm të blejë nga Franca 12 avionë luftarakë shumëfunksional të emërtuar “Rafale” ose siç njihen ndryshe “Shpërthimi i zjarrit”.

Këtë herë marrëveshja duket se është finalizuar në Paris. Mediat serbe shkruajnë se kabineti i presidentit serb, Aleksandër Vuçiç është takuar me prodhuesin francez të avionëve për të diskutuar rreth blerjes së tyre.

 

Vlera e përllogaritur e 12 avionëve luftarakë shkon deri në 3 miliardë euro. Bëhet fjalë për avionin më modern të gjeneratës së katërt e gjysmë, një prej platformat më modern që mund të ofrojë Evropa Perëndimore.“Do të kemi edhe nënshkrimin e një kontrate që do të përmirësojë ndjeshëm sigurinë e vendit tonë”, tha Vuçiç i cili shtoi se kontrata mund të nënshkruhet në dy muajt e ardhshëm. Marrëveshja për këto avionë luftarakë vjen në momentin kur Vuçiç ka urdhëruar ushtrinë të nisë stërvitjen më të madhe të parë ndonjëherë në Serbi.

Karakteristikat e avionëve “Rafale”, ose “Shpërthimit të zjarrit”:

I pajisur me një gamë të gjerë armësh, rreth 20 të tilla, përfshirë raketa, Rafale synon të kryejë misione të epërsisë ajrore, ndalimit, zbulimit ajror, mbështetjes tokësore, goditjes së thellë, goditjes kundër anijeve dhe misione të parandalimit bërthamor.

Mjeti ajror ushtarak francez, që kap një shpejtësi mbi 1900 kilometra në orë, ka një hapje krahësh prej 11 metrash dhe gjatësi 15 metra, është përfshirë në luftime mbi Afganistanin, Libinë, Malin, Irakun dhe Sirinë.

Arresti ndaj Ervin Muçës për kopjimin e të dhënave të sistemit “TIMS”

Shkruan Flori Bruqi,PHD

Drejtori i IT Ervin Muço, u vu në “Arrest shtëpie” të martën, pasi dyshohet të ketë ndërhyrë verën e shkuar në sistemin TIMS. 

 Arrestimi përkon me nisjen e punës së Komisionit hetimor pikërisht për ngjarjen për të cilën u arrestua drejtori Muço. Prokuroria e Tiranës e cila nisi hetimet, pas kallëzimit të vetë strukturave të policisë, bëri të ditur se drejtori i IT-së, dyshohet për “Hyrje të Paautorizuar Kompjuterike”.

 “Në 2 gusht te vitit 2023, në bazën e të dhënave të Policisë, ka pasur hyrje dhe eksportim të të dhënave të paautorizuara, nga Drejtori Ervin Muco. Veprimet janë kryer në orët e vona të natës, ku persona të paautorizuar janë futur në godinë me pin-in personal të një punonjësi tjetër jo prezent, duke ngritur dyshime të arsyeshme për veprime jo korrekte dhe në kundërshtim me ligjin”. 

 Prokurori bëri të ditur se hetimet janë shtrirë në marrjen në pyetje të të gjithë personave të përfshirë në ditën e ngjarjes, ndërkohë që verifikimet e mëtejshme mbi drejtorin Muço, kanë nxjerrë në dritë probleme dhe me të kaluarën e tij. 

 “Rezulton se në.2007 në Itali është raportuar si përgjegjes për veprat penale të dokumenteve false. Në 2008 Ervin Muços, i është njoftuar vendimi për refuzimin e rinovimit të lejes së ne Bari Itali..

 Po ashtu, ka rezultuar se Muço “është këshilltar i jashtëm i Drejtores së Agjencisë Shtetërore të Kadastrës, ndërkohë që është edhe Drejtor i Departamentit për Teknologjinë dhe Informacionit në Policinë e shtetit. 

Ligji për policinë e shtetit, ndalon veprimtari të dyta përveç mësimdhënies. Muço nuk e ka deklaruar këtë veprimtari të dytë në dokumentet aplikues për pozicionin e Drejtorit në Policinë e Shtetit.” 

 Procedimi penal për ngjarjen, është regjistruar që në shtator të vitit të kaluar dhe Muço, ka qenë person nën hetim. Në Prokurori ka patur fillimisht një referim nga Agjencia e Mbikëqyrjes Policore, në 8 gusht, dhe më pas, në fund të po atij muaji nga Drejtoria e Përgjithshme e Policisë. 

 Në gusht të vitit 2023, ngjarja mori vëmendje pasi i Ngarkuari me punë në ambasadën amerikane Martin McDowell, vuri në dukje shqetësimin e SHBA-së, në lidhje me ndërhyrjen e raportuar në sistemin TIMS në Policinë e Shtetit.

 Ai nxiti një hetim të shpejtë dhe të gjithanshëm dhe theksoi rëndësinë që ka mbrojtja e të dhënave vetjake/sensitive, përfshirë dhe të qytetarëve amerikanë në Shqipëri, bënte të ditur në atë kohë një postim i ambasadës amerikane mbi takimin e zotit McDowell më 17 gusht me ministrin e Brendshëm Taulant Balla. Ndërhyrja në sistemin TIMS është bërë nga persona që nuk kanë fare lidhje me Policinë e Shtetit, sipas profesorit të kriminalistikës, Ervin Karamuço, Teksa foli në “Top Talk” për arrestimin e drejtorit të IT-së Ervin Muço, Karamuço u shpreh se në TIMS kanë ndërhyrë persona që janë futur në institucionin e Policisë së Shtetit pa asnjë autorizim. 

 “Kur u përhap lajmi në gusht, na shkruajtën, na thanë fshijeni se nuk është e vërtetë. Në ato të dhëna janë edhe shtetas amerikanë. Nuk janë marrë pa dashje. Ka ardhur përgjigja nga laboratori. Doli që një person kalimtar që njeh një drejtor aty, kalon natën me drejtorin në zyrë dhe thotë a futemi brenda. Dhe futen. Madje jo një, po dy e tre, që s’kanë lidhje fare me policinë. Hyjnë në servera me usb me vete dhe futen në sistemin TIMS, por nuk dihet çfarë kanë bërë. 

 Pra, nga rruga kanë hyrë në Policinë e Shtetit. Vijnë 2-3 punonjës të autorizuar dhe thonë çfarë po bëni këtu. Ata bënë kallëzim, por policët që e kanë denoncuar sot nuk janë në punë. I kanë intimiduar derisa i kanë nxjerrë mes katër rrugëve”. 

 Sipas profesorit të kriminalistikës, ky është një skandal që ka cenuar strukturat bazë të sigurisë kombëtare. Madje, thotë ai, policët që denoncuan rastin u hoqën nga puna. 

 “Ka ndodhur brenda në zyrën e shtetit. Si bëhet kjo, t’i shkoj unë sot p.sh. në zyrë Rrumbullakut. Dhe ky grup u emërua në detyrë për të parandaluar mundësinë e hakërrimit në të ardhmen nga iranianët. 

Por, me veprimet e tyre, na ngjajnë si iranianë. Amerikanët e kishin thënë që herën e parë me iranianët, kush e la derën herën.

 Skandali tjetër është që AMP merr dokumentet por nuk e referon”. Deputeti demokrat, Flamur Noka ka reaguar për pezullimin dhe masën e arrestit shtëpiak ndaj Ervin Muçës, drejtorit të IT-së në policinë e shtetit, i cili dyshohet se kopjoi të dhënat e sistemit “TIMS” pa pasur autorizim. 

 Noka akuzoi ministrin e Brendshëm Taulant Balla se e kishte emëruar për këtë qëllim Muçën, ndërsa tha se çështja e të dhënave të sistemit “TIMS” duhet të hetohet nga SPAK. 

 “Ervin Muça është i njëjti hajdut me çizme i Rilindjes që vodhi edhe sistemin e pagave nga Drejtoria e Tatimeve kur punonte aty dhe i bëri publike. Emërimi i tij nga Taulant Balla, porosia që të merrte të dhënat e sistemit TIMS, duket sërish edhe te pezullimi i tij dhe urdhri i arrestit shtëpiak nga Prokuroria e Tiranës.

 Vepra e kryer prej tij dhe porositësve të tij është qartësisht nën juridiksionin e SPAK. Jo vetëm si përfshirje e lartë shtetërore, por edhe për objektin e hetimit, që janë të dhënat sensitive të sigurisë kombëtare”- tha Noka. Sistemi TIMS nuk ka nevojë për backup dhe as për kopjim të dhënash, mbasi vet rregullohet pa ndërhyrje mekanike nga jashtë. 

  

Kjo përgjigje e laboratorit të SPAK dërguar prokurores Anisa Qilimi, i ka vënë pikat mbi i për pozicionin dhe veprimet e dyshimta të Ervin Muçës, drejtor i teknologjisë dhe informacionit në policinë e shtetit ndaj të cilit gjykata me kërkesë të prokurorisë shpalli masë sigurie arrest shtëpi dhe pezullim nga detyra. Një burim i sigurt tha për Top Channel se prokuroria e Tiranës kërkoi asistencën e SPAK duke shmangur policinë shkencore në Tiranë, jo vetëm për shkak të laboratorit të sofistikuar që ka Prokuroria e Posaçme por edhe për evituar dyshimet për dekonspirimin të hetimeve. 

Një hard disk i sekuestruar, serverat dhe një kompjuter që i përket një nëpunëseje të identifikuar janë këqyrur e së bashku me to edhe pamjet filmike që tregojnë çfarë ndodhi tetë muaj më parë. Bëhet me dije se Muça u asistua nga një punonjës i AKSH , ndërkohë që përdori kredencialet e vartësit të tij për ndërhyrjen e paligjshme që solli kopjimin e TIMS.

 I pyetur nga prokuroria e Tiranës, i dyshuari këmbëngul se sapo kishte marrë detyrën dhe e kreu backup për të garantuar sistemin, një version qe hidhet poshtë shkencërisht nga këqyrjet dhe aktekspertizat dhe për këtë arsye ish-zyrtari u vendos nën hetim për ndërhyrje të paautorizuar në sistem. Hetimet provojnë se ndërhyrja ndodhi mesnatën e dy gushtit 2023. 

Në 17 gusht 2023 i ngarkuari me punë i SHBA mbajti takim me ministrin e Brendshëm duke inkurajuar një hetim të shpejtë shprehu shqetësimin e amerikanëve. 

 Sistemi TIMS grumbullon dhe ruan të dhënat e shtetasve jo vetëm mbi hyrje daljet në kufi, por edhe fotografitë e tyre dhe të dhënat personale si mëmësia, atësia, vitlindja por dhe nëse ka patur jo rekorde në të kaluarën Menjëherë mbas masës kufizuese për ish-zyrtarin, Policia e Shtetit dhe Agjencia e Mbikëqyrjes reaguan duke e larguar nga detyra, ndërkohë qw aktualisht për rrjedhjen e të dhënave nga TIMS-i dhe administrimin e tyre ka hapur siparin në fillim të prillit një komision hetimor. Sipas ligjit verifikimi i masës duhet të ndodhe brenda tre ditëve para gjyqtarit Edvan Velçani.