Prej 8 muajsh në arrest shtëpie, Sali Berisha nuk ndal sulmet ndaj kreut të SPAK:Altin Dumani, palaço që përgjon opozitën dhe i raporton Edi Ramën

 

  

Pas 8 muajsh në arrest shtëpie, kreu i Partisë Demokratike, Sali Berisha nuk i ndal sulmet nga kreut të SPAK, Altin Dumani.

Duke folur nga ballkoni i banesës së tij, Berisha e ka quajtur “palaço që përgjon opozitën dhe i raporton Ramës”.

Kreu i PD ka hedhur akuza të forta, duke e cilësuar Prokurorinë e Posaçme si “organin e akuzës më kriminal, më të korruptuar, më antishqiptar, më antikushtetues”.

“Kryesohet nga Altin Dumani, kjo vegël e ndyrë, e keqpërdorur në shkallë ekstreme që qëndron në krye të Skapit pa mandat kushtetues.Ky kriminel që përdor si justifikim amnistrinë e vjedhjes së shekullit, se qenka krim intelektual edhe është i vështirë për t’u zbërthyer. More hajdut, Nuredini është dhjetë herë më i mirë se ti. Hajdut i pështirë”, tha Berisha.

Nuk është mjaftuar me kaq, por ofendimet kanë vazhduar ndaj Dumanit, të cilit i thotë: “Or hajdut, i pafytyrë, i pa nderë, i pa karakter, që qëndron në karrige si një horr i kushtetutës, në kundërshtim me kushtetutën”, duke përmendur ish-ministrin Ilir Beqaj, që Berisha thotë se duhet dënuar për vjedhjet që i ka bërë shqiptarëve.

“Por mbahesh aty, sepse regjistron, sepse përgjon si palaço eksponentë të PS dhe opozitën dhe i raporton Edi Ramës, duke shkelmuar çdo ditë detyrën. Sigurisht do të ishte e pafalshme, do të ishte naive që demokratet dhe demokratët të prisnin zgjidhjen nga mercenarë dumanër”, deklaroi Berisha nga ballkoni.

Të sëmurit psiqik operojn╒ më sih Serbinë(titulli i redaksisë)!

 

Nga Skënder MULLIQI

Pas 25 vitesh të përfundimit të luftës në ish-Jugosllavi, nga e cila ngrehinë komuniste dolën disa minishtete, e rrugës dhe e logjikshme do të ishte të flasim dhe të shkruajmë më shumë për temat që lidhen më jetën, për temat e zhvillimit ekonomik , social e kulturor, e në Ballkan nuk po zbret që shumë kohë si temë qendrore tema e luftës, e sponsorizuar nga Serbia e Vuqiqit, për qëllime serbomëdha .Dhe, kjo politikë fashizoide për fat të keq ka depërtuar në Mal të Zi me regjimin e Millatoviqit e Mandiqit, dhe BH ne Republika Serpska ,përmes Millorad Dodikut. Vallen e kësaj politike e cila mund të sjellë luftë të re, është duke e luajtur më zell presidenti I Serbisë, Aleksander Vuqiqi, i cili ka kaluar në luftënxitës , duke bërë thirrje për vrasjen e kombeve të tjerë, nga krimineli i luftës që ishte gjatë viteve të 90-ta , kur qindra mijëra njerëz vdiqën në luftën më të përgjakshme pas Luftës së Dytë Boterore.Kjo temë nuk mund të vjetërohet kurrë. E cila do të jetë aktuale derisa Serbia për president të saj të këtë , Aleksander Vuqiqin. Jo vetëm kaq, Serbia më parë duhet të dezanifikohet nga logjika e vjetër për pushtimin e tokave shqiptare, e cila më së shumti i pretendon në rajon. Presidenti serb, jo vetëm verbalisht, por edhe me veprime , është duke kërcënuar me ushtri dhe sulm ndaj Kosovës.

Ky i sëmurë është një njeri që u rritë politikisht me Vojisllav Sheshelin, Tomisllav Nikoliqin dhe Ivica Daciqin.BE-ja të zgjohet, sa nuk ka plasur lufta. Serbia po drejtohet nga një diktator mizor dhe po aq mizor është edhe rusi, Putin që e ka përkrahjen e tij. Administrata e Brukselit I ka njëmijë argumente të injorojë dhe izolojë autoritarizmin e Vuqiqit, që po mendojnë së do tu sjellë dobi. Ata po sillën dhe po veprojnë sikur gjithçka të ishte normale në Serbi. Brukseli në fakt e dinë mirë së shteti serb është kalbur në brendi, dhe për çudi e përkrahin diktatorin Vuqiq. BE duhet të jetë e vetëdijshme se sot në Ballkan po mbrohen vlerat evropiane nga shumica e qytetarëve të rajonit, e në Serbi shumë pak. Historia është e trishtë, u krye gjenocid ndaj myslimanëve në BH dhe ndaj shqiptarëve të Kosovës. Bishat Sllobodan Millosheviq , Vojisllav Sheshel e Aleksander Vuqiqi morën veprime mizore e më të turpshmet pas Luftës se Dytë Boterore. Krijuan varre masive në qdo cep të Kosovës.Në pushtet kemi klikën ogurzezë si Alekasander Vuqiq, Ivica Daciq, Sheshel , Vulin dhe Nikoliq.Dhe këta të gjithë në vendet kryesore të vendit.

Kjo nomenklaturë kriminale në pushtetin e Serbisë po mohojnë gjenocidin dhe po i glorifikojnë vrastarët e shekullit të kaluar. Gjenocidi në Srebrenicë është krimi më i madh i luftës pas Luftës së Dytë Botërore në Evropë. Kujtojmë gjithashtu se shteti i Serbisë është shpallur përgjegjës për shkeljen e Konventës për Parandalimin dhe Dënimin e Krimit të Gjenocidit me aktgjykim të Gjykatës Ndërkombëtare të Drejtësisë në të njëjtin vit 2007. Këta vepruan dhe po veprojnë në frymën e realizimit të projektit territorial të Serbisë të Madhe, ku pjese e këtij projekti ishte edhe Masakra e Srebernicë, dhe të gjithë masakrat e tjera në BH dhe në Kosovë. Kemi sjelljen e turpshme të Presidentit të Serbisë në Kombet e Bashkuara, teksa del në pah i mbështjellë me flamuri, ndërsa shpreh neverinë e tij për më shumë se tetë mijë boshnjakë të vrarë në vetëm tre ditë nga formacionet ushtarake dhe parimilitare të Milosheviqit, Mlladiqit dhe Karagjiqit, të cilët masakra makabre kryen edhe në Kosovë.

Ky i poshtër politik edhe 35 vite pas përfundimit të luftës n ë ish-Jugosllavi, neveritshem, po frymëzon vdekjen e popujve jo serb në marshimi e idese të bashkimit të gjithë serbëve në një shtet. Vuqiq i kapardiset dhe sfidon të vrarët, viktimat e politikës së tij me disa dokumente të Kuvendit Gjithëserb në Bograd, duke thelluar ëndrrat e tij për rizgjerim territoresh. Duke e bazuar në urrejtjen , duke përhapur intolerancën, frikën dhe duke mbajtur vazhdimisht gjallë dhimbjen dhe plagët e së kaluarës . Evropa dhe Amerika nuk ishte dashur ti lënë hapësirë tufës të kriminelëve të luftës në Serbi, të ndihmuar nga krimineli rus, Vladimir Putin, që ti përsërisin krimet nga e kaluara në Evropë dhe në Ballkan.

Kryeministri i vendit Albin Kurti deklaroi se ura e Ibrit është dashur të hapet që nga çlirimi i Kosovës.

Ai tha se vërejtjet e ndërkombëtarëve për hapjen e urës, po i dëgjojnë me vëmendje, por se ura duhet hapur sa më parë.

Kryeministri Kurti në një intervistë për Zërin e Amerikës tha se Evropa i ka shembur të gjitha muret, prandaj duhet hapur edhe ura e Ibrit.

“… Duam që këtë ta bëjmë sa më parë, mirëpo as nuk do t’i befasojmë partnerët tanë e aleatët evropianë e amerikanë, por as nuk do të mund të lejojmë që kjo çështje të zvarritet pafundësisht. Vullnetin dhe qëllimin e kemi të mirë, është e dobishme për të gjithë hapja e kësaj ure”, u shpreh Kurti kur u pyet për kohën se kur pritet hapja e saj.

Kurti deklaroi se jemi vonë si shtet me hapjen e urës mbi lumin Ibër.

“Në këtë rast kemi një situatë të ngjashme, Ura mbi lumin Ibër është dashur të hapet atëherë kur është çliruar Kosova para 25 viteve, ajo nuk është dashur të jetë e mbyllur atëherë kur u pavarësua Kosova para 16 viteve e ajo është dashur të jetë e hapur edhe para 8 viteve në bazë të marrëveshjes së Brukselit dhe planit të zbatimit. Kësisoj ne jemi trefish të vonuar për shumë vite dhe ajo çfarë duam të bëjmë është veçse lëvizje e lirë për të gjithë qytetarët, mallrat dhe kapitalin. Në të dy anët e lumit Ibër të ketë sundim të Ligjit që nuk e përjashton asnjë dhe kjo paraqet vetë frymëmarrjen e shtetit demokratik”, tha Kurti.

I pyetur për vërejtet që i kanë ndërkombëtarët lidhur me paralajmërimin për hapjen e urës ai tha: Jemi duke i dëgjuar me vëmendje të gjitha vërejtjet dhe sugjerimet, kurrë nuk ka pasur më shumë konsultime dhe koordinim dhe jam optimist se do ta kemi edhe sundimin e ligjit e lirinë e lëvizjes në njërën anë dhe paqen sigurinë e qetësinë në anën tjetër. Hapja e urës nuk është kundër askujt ajo është për komunitetin serb për shqiptarë, për boshnjakë dhe të gjitha pakicat, për të gjithë qytetarët e Republikës demokratike.

“Evropa i ka shmebur të gjitha muret, ne jemi në Evropë dhe duhet të hapim edhe këtë urë”, tha ai.

“Ne jemi të interesuar që hapjen e urës ta bëjmë në bazë të planit të cilin e kemi ndarë së bashku me partnerët amerikanë dhe evropianë, kemi zhvilluar konsultime me komunitetin serb në veri të Kosovës edhe në jug, edhe me shqiptarët e komunën veriore e jugore të Mitrovicës. E kemi testuar qëndrueshmërinë fizike dhe teknike të urës mbi Ibër dhe po e bëjmë një dizajnim, zbukurim, sepse duhet të kujdesemi edhe për pamjen vizuele të kësaj ure. Duam që këtë ta bëjmë sa më parë, mirëpo as nuk do t’i befasojmë partnerët tanë e aleatët evropianë e amerikanë, por as nuk do të mund të lejojmë që kjo çështje të zvarritet pafundësisht. Vullnetin dhe qëllimin e kemi të mirë, është e dobishme për të gjithë hapja e kësaj ure”, u shpreh Kurti.

Operacioni Hakmarrja.

 

Kështu do ta kishte pagëzuar Vladimir Putin reagimin e shumë paralajmëruar dhe të kërcënuar ndaj ofensivës ukrainase që po mban nën kontroll ushtrinë ruse dhe që mund të ndryshojë fatin e luftës.

Në Ukrainë të gjithë presin që “hakmarrja” e premtuar nga Kremlini do të materializohet me bastisjet në qytete, por ndërkohë – në ditën e 11-të të ofensivës së Kievit në rajonet Kursk dhe Belgorod – rusët po gërmojnë.

Ata gërmojnë me nxitim llogore të reja, larg vijës origjinale të fortifikimit, të shkatërruar më 6 gusht nga përparimi ukrainas, dhe thellë – madje 45 kilometra përtej kufirit.

Një shenjë se shtabi i përgjithshëm rus nuk është aq i sigurt se do të jetë në gjendje të dëbojë lehtë ukrainasit dhe, mbi të gjitha, se ka frikë se trupat speciale të Kievit, të cilat nuk janë të interesuara për të pushtuar territorin, mund të përfundojnë duke goditur hekurudhën dhe autostradën.

Rrjetin ndërmjet Kursk, Belgorod dhe Rylsk, nyje logjistike themelore për mbështetjen e frontit verior (kundër Kharkivit) dhe, nëse komprometohet, në kaskadë, edhe të atij jugor.

Nxitimi me të cilin Moska po lëviz për të ndërtuar fortifikimet e reja, të identifikuara falë imazheve satelitore, dëshmohet edhe nga shfaqja e dhjetëra shpalljeve të punës “për gërmuesit e kanaleve dhe punëtorët e ndërtimit në rajonin e Kurskut”.

Moscow Times raportoi se kishte gjetur të paktën 30 reklama në faqen Avito, duke ofruar deri në 371 mijë rubla për një periudhë të pacaktuar pune dhe raporton fjalët e një rekrutuesi nga një kompani ndërtimi, i cili konfirmon se “shumë njerëz nevojiten urgjentisht”, të paktën 500, dhe njeh natyrën e rrezikshme të punës gjatë “regjimit anti-terrorizëm”, të prezantuar nga Putin javën e kaluar për të ndaluar përleshjet kufitare.

“Ka një rrezik, padyshim, dhe të gjithë do të mbulohen nga sigurimet”, thotë ai dhe shton se mund të negociohet në punë gjatë fundjavës.

Kësaj radhe, nuk funksionon në favor të Putinit, i cili nuk ka thënë asnjë fjalë që nga fillimi i ofensivës, duke u besuar besnikëve të tij komunikime zyrtare, “paralajmërime” dhe akuza, më të fundit dje: një ditë pas presidentit ukrainas, Volodymyr. Zelensky, njoftoi kontrollin e plotë të qytetit rus të Suxha nga trupat e Kievit, ndihmësi i presidentit rus, Nikolai Patrushev, drejtoi gishtin drejt NATO-s dhe shërbimeve sekrete perëndimore, fajtorë se “ndihmuan Ukrainën të planifikonte inkursionin”.

Që nga fillimi i operacionit në rajonet ruse, sipas shefit të shtabit ukrainas Syrskyi, trupat ukrainase kanë avancuar 35 kilometra dhe kanë marrë nën kontroll 1 mijë e 150 metra katrorë territor, duke kontrolluar 82 vendndodhje.

Dhe që nga dje Kievi ka vendosur të krijojë një zyrë komanduese që i është besuar gjeneralit Eduard Moskalyov “për të ruajtur rendin dhe për të siguruar nevojat e popullsisë”.

Në të njëjtën kohë, u shpreh disponueshmëria për shkëmbim të të burgosurve dhe krijimi i një korridori humanitar për civilët e bllokuar në luftime.

Për momentin, qëllimi strategjik i Kievit për të “bindur Moskën për t’u përfshirë në bisedime të drejta”, siç tha këshilltari presidencial Mykhailo Podolyak, ka qenë i suksesshëm.

“Ne duhet t’i shkaktojmë humbje të rëndësishme taktike Rusisë. Në rajonin e Kurskut, ne shohim qartë se si instrumenti ushtarak përdoret objektivisht për të bindur Federatën Ruse që të hyjë në një proces të drejtë negocimi”.

Kievi e ka rikthyer konfliktin në një situatë simetrike, ku edhe Moska ka diçka për të humbur.

Nuk është rastësi që nga 6 gushti askush në Rusi nuk ka kërkuar “ngrirjen e konfliktit” duke mbajtur “parasysh situatën në terren”, siç donte Cari.

Ndërkohë, në Moskë, ku Putin u takua me Këshillin e Sigurimit për të diskutuar “zgjidhjet e reja teknike”, mbërrijnë lajmet se Kanadaja i ka dhënë dritën jeshile përdorimit të armëve që i furnizohen Ukrainës “pa kufizime”.

Moska vazhdon të ketë si objektiv prioritar pushtimin e territorit të mëtejshëm në Donetsk, Donbas.

Këtu, autoritetet ushtarake ukrainase në Pokrovsk u kanë bërë thirrje civilëve që të shpejtojnë evakuimin e tyre nga qyteti, sepse ushtria ruse po afrohet me shpejtësi./ Marrë nga “La Stampa”, përktheu “Albanian Post”

NASA: Rriten shanset që asteroidi gjigant të godasë tokën

 

Agjencia Amerikane e Hapësirës dhe Aeronautikës (NASA) thotë se tani toka është më e rrezikuar që të goditet nga asteroid “Bennu”. Më parë, sipas NASA-s mundësitë ishin 1 në 2 700, kurse tani pas ndjekjes së trajektores së këtij asteroid, shanset janë ulur në 1 në 1 759.

Por, gjithsesi mundësia reale që një gjë e tillë të ndodhë, sërish mbeten të pakta. Përditësimi bazohet në të dhënat që NASA ka mbledhur nga anija Osiris-Rex që po vëzhgon asteroidin që prej 2018.

Në tetor të vitit të kaluar, Osiris-Rex u ul në sipërfaqen e asteroidit dhe mori një pjesë shkëmbi nga sipërfaqja e “Bennu”. Nga të dhënat e mbledhura gjatë dy vit e gjysmë pritet që shkencëtarët që arrijnë të bëjnë një parashikim mbi rrugën që do të ndjekë asteroidi në të ardhmen.

Tokën po e ndjek një asteroid Trojan

Një asteroid rreth 1.2 km i gjerë u zbulua duke lëvizur përgjatë orbitës së Tokës dhe mund të qëndrojë pranë planetit tonë për të paktën 4.000 vjet të tjera thonë shkencëtarët, por nuk do të përbëjë sipas tyre, asnjë rrezik.

Duke përdorur vëzhgimet nga teleskopët në Kili, Arizona dhe Ishujt Kanarie, studiuesit dhanë përshkrimin më gjithëpërfshirës të asteroidit të pagëzuar si 2020 XL5, i cili u diskutua për herë të parë vetëm përpara dy vjetësh.

Ata konfirmuan se ai është një prej dy të ashtuquajturve asteroid Trojanë, që udhëtojnë si bashkëshoqërues me Tokën.

“2020 XL5, që ne arritëm ta pikasim vetëm në dhjetor të 2020-tës, mund të ketë filluar të tërhiqet nga forca e gravitetit të Tokës diku rreth 500 apo 1000 vjet më parë. Por është i parrezikshëm për planetin”, tha Toni Santana-Ros, shkencëtar i Universitetit Alicantes.

Asteroidët trojanë mund të jenë endacakë në sistemin diellor – siç duket të jetë rasti edhe i trupit qiellor që i është afruar Tokës, ose materiale të mbetura nga formimi i planetit të tyre.

Ata futen në kurth nga mbërthimi gravitacional planetar dhe më pas rrotullohen rreth diellit në të njëjtën rrugë me atë të planetit që i ka tërhequr.

Ky duket të jetë i ashtuquajturi asteroid i tipit C – një nga llojet më të zakonshme në sistemin diellor. Ata kanë përgjithësisht ngjyrë të errët dhe përmbajnë shumë karbon së bashku me shkëmbinj dhe minerale.

Shkencëtarët: Rritja e temperaturave po ndikon edhe në rrotullimin e Tokës

 

Shkencëtarët thonë se rritja e temperaturave globale ka filluar të ndikojë në mënyrën se si Toka rrotullohet. Një artikull nga Interesting Engineering raportoi gjetje të reja në lidhje me rrotullimin e Tokës dhe se si po ndikohet ajo nga mbinxehja e planetit.

Rrotullimi i Tokës realizohet kryesisht “nga tërheqja gravitacionale e Hënës dhe proceset e brendshme në bërthamën dhe mantelin e saj”, sipas Interesting Engineering.

Megjithatë, shkencëtarët po gjejnë prova se shkrirja e kapakëve të akullit në pole, për shkak të mbinxehjes së planetit tonë, po bën që uji i shkrirë të lëvizë drejt ekuatorit të Tokës, duke ndikuar në ekuilibrin e saj.

Ndryshimet klimatike po bëjnë që boshti i rrotullimit të Tokës të lëvizë dhe duket se po ndryshojnë gjithashtu dinamikën e bërthamës së Tokës, u shprehën studiuesit.

Ndryshimi i rrotullimit të Tokës po bën që ditët tona të jenë pak më të gjata. Për periudhën nga viti 2000 deri në 2018, shkalla e rritjes së gjatësisë së ditës për shkak të lëvizjes së akullit dhe ujërave nëntokësore ishte 1.33 milisekonda në shekull – më e shpejtë se në çdo periudhë në 100 vjetët e mëparshme, thuhet në një raport të NASA-s.

Raporti shpjegoi se rritja e lehtë e gjatësisë sonë të një dite është e padukshme për njerëzit. Megjithatë, nëse planeti ynë vazhdon të ngrohet dhe për këtë arsye të zgjasë më tej ditët tona, ai mund të kapërcejë tërheqjen gravitacionale të Hënës, e cila e ka mbajtur klimën e Tokës relativisht të qëndrueshme për miliarda vjet.

Pavarësisht mbinxehjes së planetit tonë, ekziston një listë e pafundme mjetesh, teknologjish, veprimesh kolektive, politikash që po bëhen për të rikthyer temperaturat në normalitet. Përdorimi ose investimi në energjinë e rinovueshme është një mënyrë e shkëlqyer për të ndërmarrë veprime.

Rritja e temperaturave globale është shkaktuar nga energjia e ndotur nga burime të tilla, si qymyri dhe nafta. Reduktimi i përdorimit dhe nevojave për këto burime të energjisë do të zvogëlojë ndikimin e tyre në temperaturat globale.