Konferencë e përbashkët për shtyp mes Kryeministrit Edi Rama dhe Presidentes së Komisionit Europian, Ursula von der Leyen. Presidentja e Komisionit Evropian ka theksuar se Shqipëria po bën hapa të mëdhenj drejt BE-së dhe se vizioni e durimi po shpërblehen.
https://www.youtube.com/watch?v=jgxrvoIF3LY
https://www.youtube.com/watch?v=1NfituqXBTg
Një javë pas arrestimit, ish presidenti shqiptar zt.Ilir Meta reagon nga burgu: U rrëmbeva nga mafia në pushtet!
Me deklarimin e pasurisë dhe shpenzimet shëndetësore merrej ish-gruaja ime.
Nga burgu Ilir Meta ka shkruar një letër të gjatë ku i drejtohet më së pari anëtarëve të Partisë së Lirisë, duke theksuar edhe një herë tjetër se rasti i tij është rasti i rrëmbimit të një personi nga mafia në pushtet.
Ilir Meta prej ditës është një i burgosur politik, dhe për shkak të drejtësisë së kapur dhe në shërbim të kryeministrit Edi Rama.
Blushi tha se opozita do të intensifikojë aksionin politik dhe shtoi se nëse Metës i ndodh gjë në burg Edi Rama do të mbajë përgjegjësi personale.
“Vendimi politik i kamikazëve të GJKKO për të lënë në arrest me burg, pa prova, fakte, presidentin e PL, Ilir Meta, i diktuar nga mafia antishqiptare dhe i urdhëruar nga Rama është një akt i rëndë që konfirmon rënin e shtetit ligjor, kapjen për fyti të drejtësisë, të vendosur në shërbim të narkoshtetit.
Ky vendim i turpshëm i neveritshëm i Gjykatës Kombëtares Kundër Opozitës konfirmon rrëshqitjen e Shqipërisë në diktaturë, nuk është gjë tjetër veçse vijim i agresionit të pastër terrorist të narkoshtetit kundër Ilir Metës, PL, pluralizmit dhe demokracisë që u konsumua nga Altin Dumani dhe ish hetuesi i diktatorës Arben Kraja.
Akti i burgosjes së Metës vjen pas skenarit për eliminim e tij fizik provon kapjen e institucioneve të drejtësisë, që janë kthyer në vrasës me pagesë të opozitës. Ilir Meta është sot i burgosur politik për shkak të qëndrimeve të tij në mbrojtje të interesit kombëtar.
Edi Rama ka kaluar çdo vijë të kuqe. E vetmja rrugë është përballja dhëmb për dhëmb”, tha Blushi.
Arrestimi i Ilir Metës do të jetë objekt i hetimit administrativ nga institucioni i Avokatit të Popullit.
Avokati i Popullit ka regjistruar rastin për të hetuar administrativisht veprimet e Policisë së Shtetit në zbatimin e urdhrit të ekzekutimit të masës, nga Forcat Operacionale më 20 tetor 2024 teksa po udhëtonte me makinë në drejtim të Tiranës. Hetimi do të vlerësojë nëse janë marrë masat e përshtatshme për të garantuar të drejtat e subjekteve gjatë procedurave të arrestimit. Hetimi nuk ka të bëjë me faktin penal apo me domosdoshmërinë e masës, pasi kjo nuk është brenda mandatit tonë mëson shqiptarja.com.
Arrestimi i tij u krye në vendin e quajtur ‘Kthesa e Kamzës’, në zonën e Laprakës.
Nga dritarja e apartamentit të tij ku ndodhet në 'arrest shtëpie' kryetari i PD-së Sali Berisha akuzoi sot Monika Kryemadhin, se i ka dorëzuar Edi Ramës 460 mijë euro.
Berisha pati një thirrje për deputeten e Partisë së Lirisë, që të sqarojë këtë shumë parash.
Sot personi të cilin e kemi quajtur gjithnjë ‘ladro utile’, hajdut i dobishëm, Lefter Kokës i erdhën dy pare mend. Iu rikthye edhe guximi. Sot, në sallën e gjyqit, ai deklaroi se nuk jam unë autori i djegësve, se ‘peshku i madh’ është në telefonin e zonjës Kryemadhi. Miq, Lefter Koka deklaroi me përgjegjësi para gjyqit se ‘peshku i madh’ është vetëm një dhe e ka emrin Edi Rama.
i bëj thirrje zonjës Kryemadhi, e cila deklaroi se Edi Rama ka urdhëruar Dumanin të fshijë të gjthë komunikimet e saj me Edi Ramën, t’ju bëjë të ditur shqiptarëve, të informojë shqiptarët për ‘peshkun e madh’, të informojë shqiptarët me ç’rast i dorëzove Edi Ramës 460 mijë euro. Të informojë shqiptarët gjithçka di për këtë kryehajdut të të gjitha kohërave. Unë e kuptoj se çdo deklaratë që bëni, e bllokon mercenar Altin Dumani, që është shndërruar në galloshen e Edi Ramës. Por, çdo politikan dhe çdo qytetar ka detyrim madhor t’u rrëfejë të vërtetën qytetarëve të tyre.
Dhe kur prokuroria është shndërruar në organ kriminal, është shndërruar në organizatë kriminale, atëherë është detyrë që ajo të zëvendësohet me prokurorinë publike, me denoncimin publik, me gjyqin publik ndaj shqiptarëve' tha Berisha.
Një javë pas arrestimit, Meta reagon nga burgu: U rrëmbeva nga mafia në pushtet! Me deklarimin e pasurisë dhe shpenzimet shëndetësore merrej ish-gruaja ime
Nga burgu Ilir Meta ka shkruar një letër të gjatë ku i drejtohet më së pari anëtarëve të Partisë së Lirisë, duke theksuar edhe një herë tjetër se rasti i tij është rasti i rrëmbimit të një personi nga mafia në pushtet.
Kallëzimin, atëkohë, e mori në dorë Prokuroria e Krimeve të Rënda, e cila më vonë, për shkak të reformës në drejtësi, u shkri.
Me krijimin e Strukturës së Posaçme Kundër Korrupsionit dhe Krimit të Organizuar (SPAK) në vitin 2019, dosja i kaloi asaj.
Në atë kallëzim pretendohej për akte korruptive nga ana e Metës, derisa mbante postin e ministrit të Jashtëm, e më pas të Ekonomisë, mes viteve 2009-2013.
Si president shteti, Meta shërbeu nga korriku i vitit 2017 deri në korrik të vitit 2022.
Kara bëri kallëzim jo vetëm ndaj Metës, por edhe Sali Berishës si kryeministër i asaj kohe.
Teksa mësohet se kreu i Partisë së Lirisë Ilir Meta është arrestuar për dosjen e Lobimit në SHBA, në dy fraksione të saj dhe masën “arrest me burg”, kurse bashkëshortja Monika Kryemadhi ndodhet me masën “detyrim paraqitjeje”, këto nuk janë të vetmet çështje për të cilat ai është denoncuar dhe po hetohet.
Bëhet fjalë për dy nga dosjet e ndjeshme dhe për të cilat gjithashtu është pyetur. Bëhet fjalë për aferën e CEZ-DIA dhe dosja e kunatit te SGS. Për të parën ai është marrë në pyetje dhe ende nuk ka një reagim zyrtar nga SPAK për çështjet konkrete dhe detajet.
Dëshmia e Dritan Priftit në dosjen e Ilir Metës: Më ftoi për darkë me gruan, më kërkoi të takoja Kastriot Ismailajn! Dyshohet se u dhanë 500 mijë euro për anëtarët e ERE të ulin çmimin
Afera CEZ-DIA
Në prill të vitit 2022, SPAK ka rihapur dosjen e CEZ-DIA të vjedhjes së parave publike. Drejtuesi i SPAK Arben Kraja dhe prokurori Altin Dumani po ndjekin këtë hetim, ndërsa kanë pyetur një ndër kryesorët e kësaj afere, Kastriot Ismailajn, i dënuar me 11 vite burg. Vetëm në një rast, 1 ditë para zgjedhjeve të 28 qershorit 2019, Meta dyshohet se i kërkon Kastriot Ismailajt, bashkëshortit të Vojsavës (i dënuar me 11 vite burg), 200 mijë (besohet euro) me urgjencë. Jozef Hejsek, ish-shefi ekzekutiv i CEZ, ka deklaruar Ilir Meta ka rekomanduar Kastriot Ismailajn me kompaninë DIA si “njeriun e tij të besuar” për mbledhjen e borxheve të vjetra për llogari të CEZ. Dritan Prifti, një nga njerëzit më të afërt të Ilir Metës, ka rrëfyer se Meta pati udhëtuar në Çeki për të negociuar kontratën për Kastriot Ismailajn, të cilin e konsideronte si një person me dosje. Gruaja e Kastriot Ismailajt, Vojsava, ka rrëfyer lidhjet e forta mes Ilir Metës dhe bashkëshortit të saj. Ajo ka treguar për vizitat familje dhe SMS-të që Meta i niste Kastriot Ismailajt duke i kërkuar para. Në dosjen e dënimit të Kastriot Ismailaj me 11 vite burg, dënim i konfirmuar nga të gjitha shkallët e gjykatave, prokuroria zbuloi se qëllimi i Kastriot Ismailaj nuk ka qenë mbledhja e borxhit të për llogari të CEZ dhe as kryerja e ndonjë pune reale, por vjedhja e parave tё CEZ, sigurisht në bashkëpunim me CEZ, pasi CEZ nuk humbiste asgjë, por xhepat e shqiptarëve.
Dosja e kunatit me SGS
Në 25 korrik, SPAK ka regjistruar një tjetër procedim penal ka regjistruar një tjetër procedim penal nr. 137, për shpërdorim detyre, korrupsion dhe pastrim parash. Të kallëzuar janë Ilir Meta, Monika Kryemadhi, vëllai i Monikës, Drini Kryemadhi dhe vjehrri i Drinit, Nuri Peti. Drini Kryemadhi dyshohet për rreth 360 mijë USD nga kompania e kolaudimit SGS, në formë pagash, gjatë periudhës 2013-2020, me funksionin inxhinier mekanik. Drini Kryemadhi e kishte pagën më të lartë se sa CEO i SGS, në dhjetor të 2020 ka marrë edhe një shpërblim me vlerë 30 mijë USD, ndërsa dyshohet se nuk ka shkuar fare në punë. Një pjesë të parave, Drini Kryemadhi dyshohet se ia ka kaluar LSI-së dhe Monikës. Ka dyshime të forta se SGS-ja i ka dhënë paratë Drini Kryemadhit në këmbim të heshtjes së Ministrisë së Transporteve që kontrollohej nga Meta, për moszbatimin e kontratës sa i takon investimeve në pikat e kolaudimit të automjeteve.
Fjalori i Metës ndaj kreut të SPAK, Dumani ka shokuar jo pak opinionin publik. Disa e gjejnë shkakun te gjendja mendore e rënduar sipas tyre e Metës, por duket se sjellja e tij ka të bëjë drejtpërdrejt më procesin e hetimeve dhe mundësinë e arrestimit.
Një ish-zyrtar afër Metës i tha gazetës DITA se dalja publike e tij ka patur për qëllim të frikësojë dëshmitarët dhe ata që kanë dijeni mbi aferat për të cilat po heton SPAK.
“Iu drejtua Dumanit, por nuk e kishte me Dumanin. Thjesht e përdori për tu treguar atyre që janë lëkundur dhe atyre që kanë dëshmuar kundër tij, të tërhiqen. Duke goditur Dumanin tenton t’u heq atyre sigurinë që do shpëtojnë pa pasoja dhe se Dumani sot është, nesër nuk është pasi ky “e shkrin edhe nga burgu”. Ndaj e tha shprehjen; që ata të kenë frikë edhe nëse arrestohet, pra të mos thellohen dëshmitë kundër tij, por të frenohen. Duhet të jepte një provë publike force, për t’u mbyllur gojën dëshmitarëve” – tha burimi në fjalë.
Në maj 2022 gazeta më e madhe në Austri, “Kronen Zeitung” publikoi një artikull mjaft kompromentues për çiftin Meta. Artikulli nis me dëshminë e një personi të cilin gazeta nuk e identifikon, por e përshkruan si një ish-person afër Metës, që aktualisht është fshehur në Vjenë, ku ka kërkuar mbrojtje.
Artikulli flet për financimin e një lobimi në Shtetet e Bashkuara të Amerikës dhe ngre pikëpyetje për një vizitë të Metës në Uashington, veçanërisht për burimin e parave.
Artikulli përmend edhe shumat e mëdha të paguara për disa ndërhyrje kirurgjikale estetike që ka bërë bashkëshortja e Metës, Monika Kryemadhi.
Pjesë nga artikulli i “Kronen Zeitung”:
“Lotët i rrjedhin nëpër faqe, duart i dridhen, zëri i dridhet. Frika e tij është e dukshme, gjatë një takimi me “Krone” në një vend sekret. Ai erdhi në Austri për shkak të frikës së një atentati. Ajo që tregon në prani të disa avokatëve të njohur vjenezë, të bën të ndalesh dhe të mendosh. Provat që ai ka, mund të tronditin peizazhin politik të Shqipërisë.
Presidenti Ilir Meta ka mbajtur jo pak poste në karrierën e tij. Ai themeloi partinë Lëvizja Socialiste për Integrim, të cilën e drejtoi deri në vitin 2017. Ka qenë kryetar i Parlamentit për disa vite dhe është President i Republikës që nga viti 2017.
Përgjatë viteve qarkulluan flukse parash, burimin e të cilave dëshmitari e përshkruan nga veprime “thellësisht të korruptuara”.
Më 20 janar 2017, Meta ndau një foto të tij dhe një kolegeje partiake në inaugurimin e Donald Trump. Për të fituar akses në inaugurimin dhe zyrtarët republikanë, ata lobuan me zell përmes një kompanie guaskë qipriote. Kostoja: 700,000 dollarë.
Deri më sot, është e paqartë se kush e ka paguar këtë shumë. Vetë Meta pretendon se është ftuar nga republikanët. Por sipas disa dokumenteve hetimore amerikane, 700,000 dollarët kaluan nga një jurist i afërt me Metën përmes kompanisë offshore “Dorelita Limited”.
Pak javë para inaugurimit u lidh një kontratë mes palës LSI dhe kompanisë, e cila parashikonte pjesëmarrjen në inaugurim. Pas kësaj, Meta u bë, president. Duke qenë se lobimi me pagesë është i vështirë për t’u menazhuar në një pozicion si ky, kontrata u ndërpre.
Por u lidh menjëherë një kontratë të re me “Dorelitën”, e cila nuk ka asnjë aktivitet biznesi. Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhin, e cila mori kryesimin e LSI-së nga bashkëshorti i saj. Në çdo rast, akuzat rëndojnë dhe prezumimi i pafajësisë vlen për çiftin politik…”
Kush është “dëshmitarja e Vjenës”
Po kush është “dëshmitari që ka kërkuar strehim në Vjenë dhe di shumë për Metën dhe bashkëshorten” që ka folur me gazetën austriake? Në fakt nuk është mashkull. Bëhet fjalë për një femër.
“Dëshmitari me të cilin ka folur gazeta e madhe austriake KRONE është bashkëshortja e ish-kreut të DIA, Kastriot Ismailaj, aktualisht në burg” – i tha redaksisë së gazetës DITA në kohën e publikimit austriak, një burim afër studios ligjore të përfshirë në procesin e Arbitrazhit në Vjenë.
Znj.Vojsava Ismailaj, ka qenë të paktën dy herë në qendër të vëmendjes publike në Shqipëri dhe në një intervistë në 2019 ajo tha se ndihej e kërcënuar nga z.Meta, të cilin e akuzon si personin që nxiti burgosjen e bashkëshortit të saj.
Arrestimi dhe dënimi i Kastriot Ismailaj lidhet me atë që njihet në publik si skandali CEZ-DIA, por Ismailaj është gjithashtu personi i përgjimit të denoncuar kohë më parë, ku dyshohet se Meta kërkonte 200 mijë euro për fushatë.
Vojsava Ismailaj, e cila është larguar tashmë nga Shqipëria, është marrë gjithashtu në pyetje nga Prokuroria, në kuadër të një hetimi të hapur pas deklaratave të ashpra publike mes Ilir Metës dhe Tom Doshit mbi një “komplot për vrasje”.
Vojsava dhe Kastrioti kanë qenë miq të ngushtë familjarë me Ilirin dhe Monikën, më pas nisën armiqësitë dhe komplotet.
Në maj 2019, pas largimit nga Shqipëria ajo dha një intervistë, në të cilën ndër të tjera thoshte:
-Zonja Vojsava përse keni vendosur të largoheni jashtë Shqipërisë?
Jam larguar nga Shqipëria, sepse pas arrestimit të bashkëshortit tim, Kastriotit, jam ndjerë e kërcënuar dhe e rrezikuar nga pushteti, d.m.th njerëz të veshur me pushtet. Çështjet për të cilat ai po hetohet janë madhore, janë çështje ku janë përfshirë dhe përfolur emra shumë të pushtetshëm të politikës shqiptare dhe unë si bashkëshortja e tij kam ndjerë se ne si familje mund të jemi të rrezikuar nga presione të njerëzve të pushtetshëm që nuk do të dëshironin që Kastrioti të sqaronte shumë detaje gjatë hetimeve që po kryhen ndaj tij.
Ka pasur direkt dhe indirekt kërcënime. Persona të njohur të mi dhe të Kastriotit, më kanë thënë: Kastrioti të tërhiqet nga Arbitrazhi që të lirohet. Ky është kërcënimi që ka ardhur në mënyrë indirekte, direkt më kanë kërcënuar persona të panjohur për jetën time dhe të djalit tim, më kanë ndjekur dhe ruajtur gjatë gjithë kohës persona të ndryshëm, kudo ku unë shkoja, para shtëpisë etj.
Në dijeninë tuaj, cila është arsyeja që prokuroria rinisi hetime, të cilat i kishte pushuar më parë?
Për Kastriotin, por edhe për mua, ishte e qartë se ngritja e këtyre akuzave dhe rifillimi i hetimeve ndaj Kastriotit, pasi hetimet ndaj tij ishin pushuar 3 herë në të shkuarën, kishin si qëllim vetëm ta sulmonin, për shkak të arbitrazhit të filluar në Vjenë.
Pra, Kastrioti duhej penguar me çdo kusht në vijimin e arbitrazhit, jo vetëm për shkak të shumës së kërkuar, por kryesisht për shkak të informacioneve që po dilnin gjithmonë e më shumë gjatë procesit të arbitrazhit. Avokatët e të dyja palëve kishin filluar të paraqisnin gjithmonë e më shumë detaje para Gjykatës së Arbitrazhit dhe me sa duket kjo duhej të ndalonte, pasi përfshiheshin persona të pushtetshëm.
Kur flisni për persona të pushtetshëm, siç e keni përmendur edhe më parë, për kë e keni fjalën konkretisht? A mund të përmendni ndonjë emër?
Mund të përmend Presidentin e Shqipërisë zotin Ilir Meta, i cili ishte një ndër personat e interesuar drejtpërdrejtë që zhurma rreth të ashtuquajturës “afera CEZ” në Shqipëri, të shuhej. Kjo e lidhur me aktivitetin e tij kur ka qenë ministër i Jashtëm apo edhe ministër i Ekonomisë.
Kastrioti për shkak të aktivitetit të tij të hershëm, jashtë Shqipërisë kishte lidhje dhe miq në të gjitha anët e botës. Ilir Meta, por edhe të tjerë janë përpjekur vazhdimisht t’i shfrytëzojnë këto lidhje për të nxjerrë përfitime. P.sh lidhja e Kastriotit me CEZ në Pragë, është krijuar falë lidhjeve të tij dhe jo ndikimit të politikanëve shqiptarë.
Këta të fundit kanë qenë ata, Ilir Meta në mënyrë të veçantë, që kanë shfrytëzuar lidhjet e Kastriotit, për të krijuar ata më pas lidhje me persona të rëndësishëm të biznesit apo edhe të politikës. Kështu ka ndodhur edhe me rastin e CEZ-it.
Kastrioti e kishte mik Ilir Metën dhe deri në fund të vitit 2012 marrëdhëniet e tij me Ilir Metën kanë qenë tepër të ngushta. Qysh në kohën para se të bëhej Kryeministër apo dhe person i rëndësishëm në politikë, Ilir Meta dhe bashkëshortja e tij, Monika, shpesh herë vinin në shtëpinë tonë.
Kemi kaluar shumë dreka dhe darka së bashku: Ilir Meta i kishte forcuar lidhjet me Kastriotin që në kohën e krijimit të FRESH-it. Kastrioti kishte ndërmjetësuar edhe pajtimin e Ilir Metës me Fatos Nanon dhe ky është një fakt i njohur publikisht.
Për t’ju rikthyer historisë së CEZ-it, po sjell vetëm një shembull: ka qenë pikërisht Ilir Meta, që pasi kishte realizuar uljen e çmimit të energjisë, i kërkonte Kastriotit që t’u kërkonte çekëve që ta shpërblenin atë, pra Ilirin, me pretendimin se ai i kishte bërë të fitonin miliona euro.
Gjyqi që nuk ndodhi kurrë
Pas artikullit në gazetën austriake “Krone Zeitung”, Meta doli në një konferencë për media, ku tha se akuzat janë të pavërteta dhe se do hidhte gazetën në gjyq.
“E kam parë atë shkrim pa emër për presidentin e një vendi, që nuk është gjë tjetër por një ripërtypje në publik e disa shpifjeve në publik dhe të bëra nga revista Father Jonson. Pasi kam marrë pjesë si kryetar i Kuvendit, bashkë me Vasilin, me ftesë. Gjithçka është e verifikueshme dhe për shkak të kamerave. S’kemi asnjë lidhje me atë mashtrim. Ata thonë ka qenë Ilir Meta atje dhe ka paguar 700 mijë dollarë, për të bërë foto me Trump.
Kemi njoftuar ambasadën austriake këtu, kam njoftuar dhe ambasadorin tonë në Vjenë. Po të mos isha President i Republikës nuk do t’i padisja, sepse shpifje të tilla ju dëgjoni çdo ditë. Por ata do të shkojnë në gjyq dhe ka garë të madhe mes avokatëve të ndryshëm në Vjenë për të më përfaqësuar në këtë gjyq. Do keni mundësi të ndiqni etapat. Do t’i nxjerrë me emër të gjithë ata që kanë mashtruar jo thjesht gazetën. Do ta bëj për dinjitetin e postit që përfaqësoj. Siç kemi fituar gjyqe në Itali, do ta fitoj dhe në Austri”, deklaroi Meta.
Por asnjë padi nuk u bë dhe asnjë gjyq nuk u zhvillua.
Vojsava Ismailaj, ndër tre dëshmitë kryesorë të SPAK ndaj Metës
SPAK ka administruar tre dëshmi shumë të rëndësishme që implikojnë Ilir Metën në aferën CEZ-DIA, të cilën e ka hetuar vetë Dumani. Kreu i SPAK ka shkuar personalisht në burgun e Fierit për ti marrë dëshminë Kastriot Ismailajt, ish-mik dhe bashkëpunëtor i Metës, më pas akuzatori kryesor i tij, bashkë me gruan, që tashmë është larguar nga Shqipëria, pasi ka deklaruar se është kërcënuar nga Meta.
Sipas medias, tre dëshmitë kryesore kundër janë të Elvis Matës, drejtor ekzekutiv e kompanisë DIA, me pronar Kastriot Ismailaj, një nga ish-njerëzit më të besuar të Ilir Metës. Dëshmia tjetër është Vojsava Ismailajt, gruaja e Kastriot Ismailaj, e cila ka rrëfyer se pas kësaj afere fshihet Meta dhe Kryemadhi. Dëshmia tjetër është e Jozef Hisekut, ish shef i CEZ në Pragë për Shqipërinë.
Këto dëshmi implikojnë Ilir Metën dhe tek këto është bazuar një urdhër arresti i pritshëm ndaj Ilir Metës.
Një test mjekësor për Ilir Metën s’do ishte fundi i botës! Eshtë dakord dhe vetë Presidenti
Presidenti i Republikës Ilir Meta nuk është një qenie e epërme që të mos preket nga sëmundjet, pasi frymor është dhe ai, pavarësisht që shumicën e kohës e harxhon me përgatitje fizike, ngjitje të mal apo dhe në vilën e tij në Gjirin e Lalzit.
Në ato momente ku gjendet në zyrën e tij apo në krye të punëve të Presidencës, tonalitetet e larta që ka përdorur në përballjen me miqtë tanë ndërkombëtarë, kanë lënë një shije të hidhur tek qytetarët shqiptarë që besojnë në masën 99% tek SHBA dhe BE.
As Berisha kur ka qënë President nuk ka arritur kaq larg në akuzat ndaj SHBA, siç ka arritur presidenti aktual që akuzon SHBA se është përzier në përpunimin dhe trafikun e kokainës në Xibrakë, akuzon BE me çfarë i del përpara, madje dhe e shantazhon ambasadorin me video.
Nuk mund të kalohet pa përmendur dhe etiketimi i ambasadorëve dhe zyrtarëve të lartë të Uashingtonit dhe Brukselit si “palaço” e “vagabondë” dhe kërcënuar se do të kërkojë hetim ndërkombëtar për ta, me argumentin se po shkelin Kushtetutën, sovranitetin dhe pavarësinë e Shqipërisë.
“Gabimi” që kanë bërë partnerët tanë ndërkombëtarë sipas Presidentit Ilir Meta fillon me njohjen e 30 qershorit dhe rrëzimin e dekreteve të tij, për këtë shpalli “non grata” ambasadorin e OSBE Bern Borchardt, dhe guxuan e sygjeruan që ngërçin e Kushtetueses ta zgjidhim në “Venecia”.
Këto sollën acarimin e Metës, i cili në një mënyrë të ngjashme me liderin e një kohe të shkuar që nuk duam ta kujtojmë, bëri thirrje për të marrë vetë shqiptarët, pa partnerët, fatin e vendit në dorë, për të mbrojtur sovranitetin nga ambasadorët.
Askush të mos mendojë se në momentet kur zëdhënësi i tij del dhe mban qëndrim në emër të Presidencës, flet me fjalët e tij apo me kokën e tij, por vetëm me urdhër dhe diktim të Metës.
Ndërkohë që ditën e sotme Meta ka kërcënuar se nëse mazhoranca prek Kushtetutën për të ndryshuar institucionin ku do të bëhet betimi i anëtarëve të Gjykatës Kushtetuese dhe më gjërë, në përpjekje për të shmangur bllokimin e institucioneve, Presidenti do të hyjë në Parlament, bashkë me popullin për ta bllokuar këtë proces.
Nuk do të ishte aspak dinjitoze që shqiptarët ta përjetonin një moment të tillë, për të parë Presidentin të mbuluar nga gazi lotsjellës apo larg qoftë pas qelive të burgut si një keqbërës i rëndomtë. Ka plot akuza të tjera që mund ta bëjnë një të gjykuar më dinjitoz Metën.
Duke mbajtur shënim këto qëndrime radikale, që pavarësisht se të gjithë kanë mirësinë të mos i marrin seriozisht, por që dalë nga goja e Presidentit, dhe shoqëruar me gjeste aspak frymëzuese për shqiptarët, si përshëndetja “alla Duçe”, nderimi ushtarakisht i një gardisti, fotot në pozicione aspak të përshtatshme, ia vlen të mendojmë se duhet një test mjekësor.
Fundja nuk është fundi i botës nëse kërkohet që shëndeti i i Presidentit të “skanohet” nga koka e deri te këmbët, pasi dhe ndërkombëtarët që na kanë ndihmuar më gjithfarlloj ekspertësh për reformën në drejtësi dhe kudo, do të na e gjejnë një “treshe” mjekësore sa për te kaluar në test Ilir Metën.
Madje dhe vetë Ilir Meta ka deklaruar se është gati t’i nën shtrohet një testi të tillë, në përpjekje për të sifiduar Edi Ramën, deklaratë e bërë një muaj e gjysmë më parë.
“Duhet të jemi të qartë se presidenti vetëm e ka mbrojtur Kushtetutën. Le të thotë dikush se cilin nen ka shkelur presidenti. Unë nuk ndaloj as Komisionin e Venecias, as Kushtetuesen dhe as OKB-në që të çmendet, por të jeni të sigurt se jam i gatshëm kurdoherë që të kontrollohem në çdo raport mjekësor dhe çdo kontrolli tjetër nëse mendoni se përdor ndonjë doping apo tjetër gjë.
Kjo histori ka mbaruar dhe Kushtetuta e Shqipërisë ia jep të drejtën për datën e zgjedhjeve vetëm presidentit. A është anulimi i zgjedhjeve një akt normal. Jo nuk është. Situata ka qenë alarmante, ju e dini me gaz, keni parë demonstrues të plagosur, keni parë policë të plagosur”, ka thënë Meta më 8 tetor të këtij viti.
Do të qetësoheshin të gjithë nëse do të shpjegoheshin dhe shkencërisht dhe me terma mjekësore të gjitha lëvizjet më të fundit të Ilir Metës, nga pozicioni i Presidenti të Republikës
