Kabinetin e mundshëm të Trump II, kjo është pozita për të cilën po flitet Grenell

 

Gazeta amerikane “Politico” ka shkruar për emrat e mundshëm të cilët pritet të jenë pjesë e kabinetit të Donald Trump pas fitores në zgjedhjet presidenciale. Pozita më e përfolur është ajo e Sekretarit të Shtetit.

Sipas “Politico”, për këtë pozitë janë pesë emra të mundshëm, mes tyre Richard Grenell, ish-emisari për dialogun Kosovë-Serbi dhe Robert O’Brien ish-këshilltar i Trump për Siguri Kombëtare, i cili ka qenë gjithashtu i përfshirë në negociatat mes Kosovës dhe Serbisë.

Pëveç Grenell dhe O’Brien, për këtë pozitë përfolen edhe Bill Hagerty, Marco Rubio dhe Mike Waltz.

Gazeta amerikane shkruan se përzgjedhja e Trumpit për Serketarin e Shtetit do të shikohet me shumë vëmendje nga Evropa, pas deklaratave që ka dhënë për NATO-n dhe për çështjen e armatimit për Ukrainën.

Emri i ri i Sekretarit të Shtetit po pritet me shumë interes edhe nga klasa politike kosovare, pasi qeveria aktuale në krye me kryeministrin Albin Kurti kishte pasur përplasje të vazhdueshme me ish-administratën e Trump dhe ish-emsiarin Richard Grenell gjatë kohës sa ky i fundit ndërmjetësonte dialogun Kosovë-Serbi.

Sa i përket pozitës të Sekretarit të Thesarit, sipas Politicos emrat potencial janë: Howard Lutnic, Robert Lighthizer, Jay Clayton, Larry Kudloë, John Paulson, Scott Bessent dhe Bill Hagerty.

Për pozitën e Sekretarit të Mbrojtjes, post ky shumë i rëndësishëm, sipas gazetës amerikane do të jenë pretendent Mike Waltz, Tom Cotton dhe Mike Pompeo.

Presidenti i sapozgjedhur i SHBA-së, Donald Trump, para pak ditësh kishte thënë se do ta shkarkojë “brenda dy sekondave” prokurorin special, Jack Smith, në momentin kur merr postin e presidentit.

                         Shkruan : Flori Bruqi

Presidenti i sapozgjedhur i SHBA-së, Donald Trump, para pak ditësh kishte thënë se do ta shkarkojë “brenda dy sekondave” prokurorin special, Jack Smith, në momentin kur merr postin e presidentit. 

Donald Trump kishte thënë ndër të tjera se përpos shkarkimit, do ta dëbojë nga vendi prokurorin Jack Smith. 

 Jack Smith nuk e priti shkarkimin. Sipas CNN dhe FOX News, Departamenti i Drejtësisë e ka konfirmuar se Jack Smith po largohet nga pozita para se Donald  Trump të betohet si president.

 Ish-kryeprokurori Jack Smith ishte akuzuar nga njeriu i afërt i presidentit Trump, Richard Grenell, për sabotim të marrëveshjes së Uashingtonit ku ndërmjetës nga pala kosovare ishte ish-presidenti Hashim Thaçi. “Jack Smith nuk ka busull morale. Ai ka tentuar ta kapte Donald Trumpin qe një kohë – dhe nuk i intereson që gënjen për ta arritur këtë qellim. Ai e ka shkatërruar njëherë e përgjithmonë reputacionin e Hagës – dhe po, unë e kam një histori që kam për ta treguar për të”, kishte thënë Grenell. 

Presidenti i ri i SHBA-ve, Donald Trump, gjatë garës për zgjedhjet presidenciale, kishte deklaruar se urdhri i tij i parë i punës si president i ri, do të jetë shkarkimi i këshilltarit special, Jack Smith, që e paditi atë në dy raste. E ishte po i njëjti prokuror, që kishte ngritur edhe aktakuzën ndaj ish-presidentit të Kosovës, Hashim Thaçi në Dhomat e Specializuara në Hagë. 

Njohësit e drejtësisë në vend, tregojnë se a mund të ketë ndikim zgjedhja e Trumpit president, në rastin “ Hahim Thaçi dhe të tjerët”.

 Më 5 nëntor të vitit 2020 doli para gazetarëve. 

 Aty Hashim Thaçi njoftoi se ka dhënë dorëheqje nga pozita e të parit të shtetit. 

 “Jam informuar nga njerëzit kompetent, zyrtarisht se gjykatësi i procedurës paraprake i Dhomave të Specializuara, ka konfirmuar aktakuzën kundër meje”, ka deklaruar ai.

 Kjo aktakuzë, u ngrit nga Kryeprokurori në Dhomat e Specializuara, Jack Smith.

 E ky i fundit tri vjet më pas, ngriti aktakuzë edhe për një tjetër ish-president. Këtë herë akuzoi Donald Trump se ai mori dokumente të klasifikuara nga Shtëpia e Bardhë dhe po i mbante paligjshëm. Por, kjo çështje u hodh poshtë nga Gjykata e Qarkut të SHBA për Distriktin Jugor të Floridës. E pas kësaj, kandidati republikan për president, tregoi se cili do të jetë vendimi i tij i parë, nëse i fiton zgjedhjet presidenciale të vitit 2024. “Ne morëm imunitet në Gjykatën e Lartë. Është kaq e lehtë. Unë do ta pushoja (Jack Smithin) brenda dy sekondave. Ai do të jetë një nga gjërat e para që do të adresohen”, ka thënë Trump. E pas kësaj, kishte reaguar edhe ish-emisari i SHBA-së për dialogun Kosovë – Serbi, Richard Grenell. Ky kishte shkruar se radha për të triumfuar kundër Jack Smith, tani ishte e Hashim Thaçit. E të mërkurën, Donald Trump, zyrtarisht u zgjodh presidenti i 47 i Shteteve të Bashkuara të Amerikës. Por, a mund të ketë ndikim kjo në punën e Gjykatës Speciale? “Ajo (gjykata speciale) ka qenë politike dhe si e tillë vazhdon me qenë. 

Prandaj ardhja në pushtet e Republikanëve me theks të veçantë te presidentit Trump dhe Grenell, i cili ka qenë në vazhdimësi i kyçur në proceset e tilla, unë besoj dhe shpresoj që të ketë një dinamizmi më të madh të punës së kësaj gjykate me qëllim të arritjes së përfundimit të procesit sa më shpejt, për faktin se edhe vet Gjykata Speciale e ka konfirmuar që procesi është stërzgjatur”, ka thënë avokati, Ardian Bajraktari. Bajraktari shton se në të ardhmen, vet prokurori Jack Smith, mund të jetë subjekt i hetimeve. “Është një prokuror që është marrë gjatë me dy proceset, e sa i përket kredibilitetit të tij e aspekteve të tjera, ka pasur jo pak diskutime, nuk përjashtohet mundësia që të ketë edhe një proces hetimor për të parë nëse ka implikime të të njëjtit”. Kryeprokurori i Speciales, Jack Smith, kishte dhënë dorëheqje nga kjo pozitë në vitin 2022.

                         Kur presidenti i ri i SHBA-së, Joe Biden 

         e quante Hashim Thaçin ‘George Washington’-in e Kosovës

                                     https://www.youtube.com/watch?v=BiNuGeceiTE

LIDHJA E SHKRIMTARËVE E KOSOVËS (LSHK), SHËNOJ 15-VJETORIN E GAZETËS LETRARE DHE KULTURORE “NACIONAL”

Nga PHD Flori Bruqi

Sot më 6 nëntor 2024 , në Institutin Albanologjik të Prishtinës, në ora 11.00 LIDHJA E SHKRIMTARËVE E KOSOVËS (LSHK), SHËNOJË 15-VJETORIN E GAZETËS LETRARE DHE KULTURORE “NACIONAL” ,    nga Tirana.

 Veprimtaria letrare dhe shkencore për këtë revistë u  mbajtë  në sallën e  madhe të Institutit Albanologjik në Prishtinë, më 6 nëntor 2024, prej orës 11.00 – 13.00.

                                                                                          Editori i revistës letrare dhe kulturore    Profesor dr.Mujo Buçpapaj 

 LSHK dhe botuesi i gazetës letrare dhe kulturore “Nacional”,nga Tirana,  Prof.dr. Mujë Buçpapaj, u takuan dhe bashkë biseduan  më publikun letrar të Koosvës dhe trojeve tjera shqiptare ,për 15-vjetorin e udhëtimit të javores  tonë  kombëtare “Nacional”, për bashkëpunimin vëllazëror gjatë gjithë këtyre viteve, si dhe  në të ardhmen. 

                                  Kryetrai i LSHK-së Shyqri Galica

 Shkrimtarët, dhe të pranishmit tjerë   i përshendeti Kryetari i LSHK-së Prof. dr. Shyqri Galica, si dhe Editori i Gazetës "Nacional" prof.dr.Mujo Buçpapaj.

Profesor Dr.Mujo  Buçpapaj , foli gjerësisht  për historikun e kësaj reviste kombërae ,  letrare dhe kulturore.

Për kontributin e gazetës  në fjalë folen edhe shumë diskutantë,  tjerë si  historiani Isuf Buxhovi dhe disa  anëtarë të LSHK-së, si  dhe studiues të tjerë nga  trojet etnike  shqiptare...

Republikani Donald Trump, i cili u zgjodh presidenti i 47-të i Shteteve të Bashkuara, mori rreth 5 milionë vota më shumë se rivalja e tij, kandidatja presidenciale e Partisë Demokratike, Kamala Harris

Nga Flori Bruqi

Republikani Donald Trump, i cili u zgjodh presidenti i 47-të i Shteteve të Bashkuara, mori rreth 5 milionë vota më shumë se rivalja e tij, kandidatja presidenciale e Partisë Demokratike, Kamala Harris, transmeton Floripress. 

 Sipas të dhënave jozyrtare të publikuara nga Associated Press (AP), rezultatet janë shpallur në 45 nga 50 shtete, ndërsa Donald Trump ka marrë rreth 71 milionë vota. 

 Ndërkohë, numri i votave të marra nga rivalja e tij Kamara Harris, ka mbetur në rreth 66,1 milionë vota. Ndryshe nga sondazhet që tregojnë Harrisin përpara në numrin e përgjithshëm të votave në SHBA, Donald Trump arriti të fitojë kundër rivales së tij në 27 nga 50 shtete. Kamra  Harris fitoi zgjedhjet në 18 shtete, si dhe në rajonin e Washington DC. 

 Siç raportohet, norma e votave që Donald  Trump ka marrë është 51 për qind. Donald Trump është fitues i garës në "shtetet luhatëse" North Carolina, Georgia, Penssylvania, Wisconsin; gjithashtu në Indiana, Kentucky, West Virginia, Florida, Tennessee, South Carolina, Oklahoma, Mississippi, Alabama, Arkansas, North Dakota, South Dakota, Wyoming, Nebraska, Louisiana, Ohio, Texas, Missouri, Utah, Montana, Kansas, Iowa dhe Idaho.

Në zgjedhjet presidenciale në SHBA, votuesit votojnë kryesisht për delegatët e partisë që ata mbështesin. 

 Në këtë sistem të quajtur "Kolegji Zgjedhor", përcaktohen gjithsej 538 delegatë, të shpërndarë me pesha të ndryshme për çdo shtet. 

 Kandidati që arrin më shumë se gjysmën e këtij numri, pra 270 delegatë, fiton të drejtën të bëhet president.