Dashuria vajton mbi gurë....

Poezi nga Arqile V Gjata

LETRA E ËNDRRËS

                       

 “Ëndrrat janë pishtarët paralajmërues të dëshirave.”

                                                                                          
 Margarit Jurst

...Ndjej fëshfërimën e pranverës!

Po vjen e dashura ime,

më tund dorën me letrën

që i dërgova mbrëmë në ëndërr.

Rrobat i ka të bardha,

feksin në ngjyrën e luleve

me gjinjtë si dy pëllumba të porsa fluturuar.

Është e bukur, lindur brenda meje,

si pemë stine ngarkuar...

E lehtë si zogu,

fluturon, vjen e malluar

dora i dridhet

kur lexon letrën e ëndrrës time!

Athinë , prag pranvere

 NGJYRA E VERDHË E JETËS

                                                              
  “ Gjej shumë realitete te fantazia.”

                                                                                                              
    F.Franklin

Çdo çast ndeshem  me qytetin e verdhë.

I verdhë dhe ajri.

Jeta e magjepsur nga kujtesa

pikat e shiut i japin madhështinë.

Shpendët të verdhë fluturojnë

të verdhës ngjyrë i ngjajnë

edhe puthjet nën pemën e portokalles.

Fryma e jetës

luhet nëpër skena të verdha.

Dhe kur qan qyteti,

hëna në vetminë e saj ia shton verdhësinë!

Të gjithë këmbësorët vdesin të verdhë,

dhe dielli

i verdhë lind e perëndon në këtë qytet...

Qershor 13-2013

            NJË DITË FESTE ME TË ÇMENDURIT

                                             
  ‘’Kush jeton pa çmenduri nuk është aq i urtë sa e pandehim’’

                                                                                                                                 
  La Roshefuko

Unë e di...

ku e kanë derën e mendjes të çmendurit.

Ata,

janë kalimtarë të ëndrrave, shtratin e kanë të thyer,

brohorasin,

si epshor tundin mendjen e tyre!

Janë apo nuk janë të dhunshëm,

me kokë poshtë e shikojnë kohën dhe botën,

kujtesën e kanë të ngujuar në nervin ireal!

Të çmendurit numërojnë kokërrizat e rërës,

nuk ndjejnë uri, as ngopje

festë kanë çdo çast në mendjen e tyre.

Një ditë...

më ftuan,.

më gostitën me fjalë çmëndurisht të bukura...

Ju betohem, kanë fantazi e trillime reale!

Janë të besueshëm

e kanë njohur botën pa mëkate e dëshira seksuale!

Në kopsht,

aty ku dëfrehen, nuk shajnë

veç përgjërohen  për dashurinë.

Në gji,

mbajnë të palosur një letër

a fotografi të heronjve të tyre.

Qajnë e qajnë deri sa qeshin me  veten, e të thonë:

-Nuk jemi të çmendur!...

Ju jeni të tillë, vidhni dashuri,

  fëlliqni biblioteka e shtëpi publike!

Më dhanë shumë kartolina e letra,

më dhuruan buzëqeshje pa maska!

Rroj në botën e tyre delire...

2 Nëntor 2012                                                  

EGOIZMI, KËNGA IME!

Ngrehu, eja…
Vishu bukur egoizmi im i dashur!
Ti je “vëllai” im,
shëmbëlltyra bashkëkohore
veshur me urtësinë e një burri të pashëm!

Mos u trëmb!
Dhe zotat egoiste kanë qenë,
gjigandët lavdi kërkuan.

Eja egoizmi im, më hudhëhiq
rrezet e diellit kthej mbrapsht!

Ngashërehem kur ai më afrohet pranë.
Edhe kur ka shumë mjegull,
më duket si vajzë e ëmbël!

Nuk ka çudi…
kufoma ime e mbart përhera mbi supe.
Egoizmi është shpresa e vetme
e zjarrit të zemrës…
Egoizmi është kënga ime!

29 Gusht 2013-Vlorë

E HAROJ VDEKJEN!

...Atë mëngjes

shikimi i saj ishte i guximshëm

dhe pse e përlotur

vdekjen e rrëmbeu në krahët e saj, vrapoj

e mbështolli me dashuri

i dha jetë rrugëve të haresës...

e me pamjen e një të sëmuri shpirtëror

u mallëngjye nga një shikim egërsie,

prej egoizmit e haroj vdekjen!

Me flokë të thurura  gërshetë

me gjoks të hapur e çakardisur me një rreze dielli

kërkonte moshën e saj,

të pastronte sytë nga vetmia!

                                                                                

Vlorë 30 Gusht 2013 

...ËSHTË KAPITALIZËM I DASHUR IDJOT!

Kam vite që e jetoj kapitalizmin...

Ai është i veshur

 me bluza me ngjyra e vija te zeza

përkdhelur nga sëmundjet psiqike e shpirtërore

si  gjithëmon  skicofrenik...

është kapitalizëm i dashur idjot!

Sa shumë zhurmë që ka,

deri në qiell bubullimat e armëve kërcejnë!

Ende jetojmë në forma të zbrazta, jemi vdekja

dhe fabula e kapitalit,

është kapitalizëm i dashur idjot!

Fjala “rrevolucion” vijon e varur në trekëmbësh,

nëpër plantancionet e mjerimit ritet i shëndetshëm

bima antike e kapitalizmit

dhe pse kufomë...

duan ta rrëmbejnë, ta mbyllin

në dhomën e akullt të vdekjes ...ai  po jeton akoma

është kapitalizëm i dashur idjot!

Kur koha do zgjedh një vendbanim të ri

midis  jetës dhe vdekjes,

vetëm atëhere njeriu  do kaloj në mbretërinë  e “Lirisë”

o i dashur idjot!

                                                                                      

Shtator 2013-Athinë

PUTHJA E PARË...

                            
    “Bukuria u pëlqen syve, butësia magjeps shpirtin.”

                                                                                                          
  Voltaire

Lajna...

Ishte bukur kur më puthe

pak e çmendur kur mbylle sytë

e përsëri më puthe si një nuse e re,

unë të pëlqeva dhe pse dashuria jote

e rrezikshme ishte,

u trondita pak kur syrin ma shkele!...

Fytyra tënde,

ashtu si atëhere rrend buzagaz

rrënjosur brenda meje, lule çelur në rrugëtim

i lumtur jam brenda puthjes tënde...

Në këtë mbrëmje verore,

kur dhe flokët janë më gri

lexoj dritën e atij çasti,

e mbaj mend puthjen e parë!

         Gusht 2013 

                                      

PËRSËRI PËR HESHTJEN

                                            
  “Arti është pasqyrë e jetës.”

                                                                                     
  Bjelinski

Kur lindi heshtja

njeriu ndjeu shumëngjyrshmërinë e jetës!

Aty,

tek heshtja gjithëçka ngec

dhe pse nuk e prekim dot,

ajo na mësoi të mendojmë!

Tek heshtja

të gjithë shpëtim kërkojnë...

dhe malet

dhe pyjet dhe deti

kanë mënyrën e tyre të heshtjes!

Heshtja ime

është enigma e lotit,

vetëm ajri e ndjenë bukurinë e heshtjes!

Një Prill 2013

DRITËROI I DEVOLLIT...

Mes erërave, e bukura jetë

lindi poetin e panjohur

 atje...

ku Devolli

nën qiellin e tij jetonte gri!

Në gjirin e Devollit

filloi të shkruajë letra…

me ngjyra të kuqe, të gjelbërta

mes fjollave të duhanit e qejfit  të ponçit!

Ai  devolliti

e mori jetën ndër duar

e veten e la diku... shtegëtar,

shokë e mik me Maton e Mekon,

me Zylon e turkeshën u miqësua.

Dritëro e quajnë!

Është mëkat t’ia prekësh flokët

pasi, plisi thërrmohet

e bilbili këngës ia merr,

‘’Devoll, Devoll, i tillë qenkam unë...!’’

Prill 2013

...LUMENJTË JANË TË VJETËR

                  
 “Lumennjtë nuk qëndrojnë kurrë në këmbë dhe as ne mënyrë të  qëndrueshme!”

Lumenjtë janë të vjetër,

rrjedhin së bashku me gjumin

dhe jetën absurde.

Tani,

shteruan

kanë ikur në fusha të tjera.

Çdo natë dëgjohet vetëm kënga e ngjirur

e shtretërve të thatë.

Akoma gjenden vijat e trasha

ndër  ura e gurë

të etura për një pikë ujë

ku,

gjelbërimi i drurëve

veshur me gjethe e fruta pemësh

ngurtësuar në gri, pa jetë!

Lumenjtë kërkojnë buzëqeshjen e rrjedhjeve,

s’dinë se ku fshihen!

NË VIGJILJE TË PRANVERËS

Në vigjilje të pranverës

zbrita në qiellin e hapur

për të dëgjuar muzikë poetike!

Ata,

me shpresë

tek muzika e vargjeve

donin të zbukuroheshin...

Tek ai copë qiell

nuk kishte rrugë për emocionet e vargjeve,

kishte vetëm hapa, gjurmë

mbetur nga  kalimtarë.

Me shpirtin  thatësirë,

këndonin këngën

e moçme të kukuvajkës.

***

Më tej,

në një vend me dritë

këndonte një zog... me shumë ëmbëlsi,

ajo këndonte çdo ditë e çdo të diel pa gëdhirë!

Prill 2013

 Ç’FAJ KAM UNË PSE DASHUROJ!

                                                                            
  “Nuk ka ligj që mos të thyhet para së bukurës.”

                                                                                                                                                         
    Bethoven

Ç’faj kam unë...

Pse ti je buzëqeshja ime e munguar.

Nuk është faji im që sytë e tu

në shpirtin tim kanë rënë.

Mëkatari nuk jam unë,

pse  ti je ëndrra ime e përnatëshme.

Për buzët e tua  plot ëmbëlsi,

më drithërohet shpirti!

Ç’faj kam ...

kur mbi gjoksin tënd

dhe ëngjëjt  kryqëzohen,

për gushën tënde aromë ndjellëse,

dhe paskam faj, pse dashuroj!?

 MË DËRGO NJË COPË LETËR TË BARDHË!

                                                                                                                 
    “..pa fantazi nuk ka poezi!”

E di...

Ti tani je pranë detit!

Unë, si përditë të kujtoj.

-Kërko nëpër shpirtin tënd,

më dërgo një copë letër të bardhë

të shkruaj vargje për dashurinë tonë!

Dërgoma sonte me karvanin e yjeve,

mos harro, puthjet varja hënës në gushë!

Kam merak...

Pse kaq shumë u vonua!?...

Mos ka humbur rrugën, apo ka ngatërruar adresën

letra e bardhë!?

 15-Korrik 2013

E MBANI MËND MIGJENIN?

                                                                

      “Poet si Migjeni janë stoli e Kombit!”

E mbani mend Migjenin...

mbetur nën heshtjen e mjerimit?

E varrosën nën gurë,

si kujtim i lanë kostumin e melankolisë!

Të mallëngjyer deri në lot

t’i zgjasim duart  drejt Poetit,

të mallohemi me lahutën e kohës

me “dashuri epshore”!

Thonë se...

Migjeni ende merrë frymë

me fytyrë të ëmbël, të dashur

vargjet e tij tretur në shpirtin krenar!

Tek guri i varrit dëgjohet zëri i tij

braktisur nëpër kishat e dëshpërimit

zhele, zhele!

  26 Mars-2013

 VARGJE PREJ GURI                                   

                                                     

“Nuk e dua ëndrrën, më jepni realitetin.”                                                                                                                         

                                                                                                    

    Gabriele D’ Annunzio

Atje,

tek bregu i erës,

seç mu kujtua një emër...

Guri i Vashës!

Prej racës së gurit jemi,

veshur me kostum guri,të rëndë, të fort.

Qielli me gurët është në armiqësi!...

Nga prind prej guri u lindëm,

 guri na dha jetë

deri tek rasa e varrit,

me një gur mbi kokë!...

Gurët gëdhenden, kanë gjuhën e tyre nëpër shtëpira,

avlli, porta e sofata,

shpirti na thahet mbi gurë.

Ah...gurët,

bashkëvuajtës të jetës tonë!

Nëpër qelit e gurta zgjohen muzgjet,

dhe zogjtë e mardhur nëpër gurë e fshehin folenë.

Mbi gurin e varrit poeti shpirtin gdhënd!

Dashuria  vajton mbi gurë,

nëpër copëra jete pëllcet guri nga syri i keq

gure i latuar shpirti i Nenes!

 Aty

tek bregu i erës,  mbi gurë..të Vashës

 këndohen këngët e dashurisë!

   30 Korrik 2013

Në Mëngjes

Në sheshin me qiparisa
mes të vdekurve
lëkunden kryqet nga era e lehtë.

Aty nëna dhe ime mbesë
nga avllia e tyre kundrojnë kalimtarët.


Më poshtë, nëpër bar e lule
pi kafe me raki im at.

Ata ikën në të kaltërtën pjesë të qiellit
në prag të shpërthimit të sytheve.


Në orët e ditës

Lypësi i butë...
Me të brendshmen e dorës fshin mermerin
e vendbanimit të tim eti.

Dhe fryma ime përpëlitet
duke admiruar fotografinë e qelqtë
mbi kokën e babait tim.

Natën

Gjatë natës, në sheshin me qiparisa
nga hapësira e detit hynë me forcë era,
të strehoet, të dremis
bashkë me të vdekurit nën gurë
a mermer ngjyrë çokollate...
Për tu larguar në orët më të vona.
11-4-2010


Të dashuruarit e vetes

Të dashuruarit e vetes
ditë-natë të mbetur pezull.
Kureshtar që kumtojnë dashuri të urryer,
të papërgatitur për krahët e erës

Si njerëz hiç
vuajnë në pozicione keqësuese.
Zik-zak në ndjenja,
në humbje imazhesh
hidhërim e fyerje shpirti u shungullon.

 Athinë,11-4-2010


Ai...

Ai lehtësisht në dorën e majtë
mbanë dëshirën e tij
drejt ngjitjes së një kodre.

Në të djathtë diçka femërore shijon
e shumë të virtytshme.

Me të dy krahët luan shpejtë
pjesë argëtuese
mishërim i shijes të ringjallur përsëri
nga jeta e tij ironike,
që ende nuk është e mrekullueshme.


Anxhelina

Anxhelina kalon orë intime
me poezinë.
Këtë e thotë autografi im
për librin që kam në mendje.

Zgjas dorën të mbledh shkronjat,
të josh Anxhelinën me lotin tim,
ti them:
- Kjo është fytyra ime!


Për Kohën

Ata flasin për Kohën...
Nga mënyra e rrëfimit
e kapërcejnë monotoninë e këthjellsisë.

E tërheqin me litar
deri te vendi i ngujimit,
tek një shtëpi publike.

Pështjellur nga brishtësia
digjet Koha
në të ndritshmin ngushëllim
me shirit të zi në gjoks dhe në krah.


Njeriu

Për njeriun,
si pasuri e mjaftueshme janë varret
dhe një të tillë e ka dhuratë.

Njeriu ka diell e qiell,
pak tokë dhe pluhur kujtese.

Pa moshë të caktuar,
njeriu hipotekon veten
në qilarin e historisë turbulluese.

I sipëruar nga trishtimi
njeriun e largon koha
si divorc i pa besueshmërisë

14-4-2010

Arqile V Gjata

Arqile V Gjata ka lindur më 24-6-1942 në qytetin e Vlorës-Shqipëri.Aty mbaroj shkollën 7 vjeçare dhe shkollën e mesme(Gjimnazin ‘’Ali Demi’’)

Në vitet 1972-75 vazhdoj Institutin e lartë tre vjeçar në Shkodër për Gjuhë-Letërsi Shqipe.

Nga viti 1995 jeton dhe punon në Athinë familjarisht. Ka bashkëpunuar dhe bashkëpunon ngushtë me shtypin Shqiptarë në Athinë ku ka botuar shumë artikuj problemor për emigracionin, reportazhe, skica, poezi, tregime dhe mendime estetike.

Ai ka botuar këto libra:

-‘’Arvanitas me shumë emër’’Monografi për Aristidh Kolia në vitin 2000.

-‘’Kur trazohet jeta’’ vëllim poetik viti 2005.

-‘’Kurorë me ngjyra’’ vëllim poetik 2006

-‘Qyteti që kërkon muzikë’’ vëllim me tregime më 2007

-‘’Gratë e poetëve’’ vëllim me poezi  2009

-‘’Një ese për jetën’’ vëllim me ese dhe mendime kritike më 2010 botuar nga Shtëpia Botuese ‘’LULU’’ në SH.B.A

-‘’ Jeta më vjen si poezi’’ vëllim me poezi botuar nga Shtëpia Botuese ‘’LULU’’ në SH.B. të Amerikës Tetor 2010.

-Vëllimi  me poezi të zgjedhura ‘’Kur Thinje Deti’’ Maj 2012

A.Gjata është bashkautor në disa Antologji dhe Revista Letrare si: Revista Letrare numër 38-të ‘’Mehr Lict’’, Në Antologjinë e studiuesit dhe kritikut F.Terziu ‘’Vëzhgim në brendësi të prozës dhe poezisë Shqiptare’’, Në disa numra tek Revistën letrare ‘’Haemus’’si tregime, esse dhe poezi që botohet mha Akademiku Ardian Kyçyku në Bukuresht, ‘’Pelegrini’’, ‘’Pegasi’’, ‘’Çelësi i shpirtit’’ në Rumanisht, ‘’Qiejt e shpirtit’’ si dhe bashkautor në Antologjinë’’EAGLE’S VOICES’’ në Anglisht, që sot është pronë e Biblotekës  Mbretërore të Anglisë. Në Revistën ‘’Obelisk’’.

Ai është pasqyruar në Antologjinë me autorë vlonjat ‘’Mendime estetike mbi letërsinë bashkëkohore’’ nga Eqerem Canaj

Bashkautor në Antologjinë e krijuesve emigrant ‘’As i gjallë dhe as i vdekur’’ botuar në Suedi nga Shkrimtari dhe poeti Bahtir Latifi.

Bashkëautor në vëllimin me kujtime të Lavdie Bisha ‘’Ti je Lulja më e Bukur e Jetës’’ Nëntor 2011.

Së fundi ai është bashkautor në Antologjinë poetike ‘’LOTËT E VIRGJËR’’ Mars 2012 përgatitur nga Agim Mato dhe Dr. Fatmir Terziu botuar nga Shtëpia Botuese LULU në SH.B.Amerikës.

Ai ka disa cikle poetike të përkthyera të botuara në Anglisht, greqisht, rumanisht dhe rusisht.

Ai është prezantuar me cikle poetike dhe në shumë gazeta të ndryshme elektronike dhe jo elektronike në botën Shqiptare. etje.

                                                                                                                    

                                                                                      

Komiteti i Marrëdhënieve me Jashtë miraton sulmet ndaj Sirisë

Presidenti amerikan, Barack Obama ka përsëritur se komuniteti nderkombetar “nuk mund të qëndrojë me i heshtur” përballë asaj që ai e quajti “barbarizmi” i armëve kimike në Siri.
Obama e ka bërë këtë deklaratë në Stokholm, pas konferences se perbashket per mediat me kryeministrin suedez, Frederik Reinfeldt.


Kreu i Shtepise se Bardhe tha se nese nuk nderhyhet per te frenuar regjimin e Asadit, shtohet mundesia per te tjera sulme me arme kimike si ai i 21 gushtit.
Presidenti amerikan u shpreh optimist per mbeshtetjen e kongresit gjate votimit javen e ardhshme te vendimit per nderhyrje ne Siri

“Une besoj se kongresi do te na e jap perkrahjen e tij sepse Amerika tashme po bindet dhe duhet ta pranoje se komuniteti nderkombetar deri deri me sot ka deshtuar ne ruajtjen e normave dhe standardeve te pergjithshme. Njerezit po ndergjegjesohen se kjo bote po behet cdo dite e me pak e sigurt”

Obama u pyet në Stokholm nëse vendimi për të pyetur Kongresin para se të ndërmerrte veprime ushtarake, te cilin nhuk e kishte detyrim kushtetues, e kishte vënë në rrezik besueshmërinë e tij. Shefi I shtepise se bardhe u pergjigje qartë:

"Kredibiliteti ime nuk është në dyshim. Në dyshim është kredibiliteti i bashkësisë ndërkombëtare”

Presidenti amerikan ka deklaruar se reagimi I shpejte ne Siri, eshte I nevosjhem për të vënë në vend drejtësinë, pasi është shkelur një e drejtë ndërkombëtare, janë përdorur armët kimike.

Një komisioni i rëndësishëm i Senatit amerikan votoi në favor të një goditjeje të mundshme ushtarake kundër Sirisë.

Komisioni i Marrëdhënieve me Jashtë votoi me 10 vota pro dhe 7 kundër lidhur me një rezolutë që i jep Presidentit Barak Obama autoritetin për të ndërmarrë veprime ushtarake kundër Sirisë pas përdorimit prej saj të armëve kimike ndaj civilëve.

Rezoluta e Senatit bën thirrje për veprime të kufizuara prej jo më shumë se 90 ditësh dhe thotë se nuk do të ketë dërgim trupash amerikane në terren.
Rezoluta do t'i kalojë tani Senatit në seancë të plotë për miratim. Ajo do të duhet të hidhet në votë edhe në Dhomën e Përfaqësuesve.

JOHN KERRY, CHUCH HAGEL DHE  MARTIN 

DEMPSEY DËSHMOJNË NË KONGRES

Sekretari amerikan i Shtetit John Kerry, Sekretari i Mbrojtjes Chuch Hagel dhe shefi i shtatmadhorisë Martin Dempsey dëshmuan sot për të dytën ditë në Kongres për të bindur ligjvenësit të miratojnë kërkesën e presidentit Obama për një ndërhyrje të kufizuar, me objektiva të qarta dhe pa trupa tokësore në Siri.

Pas përpjekjeve intensive në Kongres deri tani administrata duket se ka siguruar mbështetje nga ligjvënës të rëndësishëm. Sekretari i Shtetit i paralajmëroi ligjvënësit se mosveprimi do të dërgonte një mesazh shumë të gabuar.

"Nëse Shtetet e Bashkuara dhe aleatët tërhiqen e nuk veprojnë, atëherë cili do të ishte mesazhi për Asadin dhe despotët e atij rajoni? Mesazhi është se ai do të shpëtojë i pandëshkuar.”

Protestuesit kundër ndërhyrjes amerikane ndërprenë seancën në Senat. Kryetari i Komisionit për Marrëdhëniet me Jashtë, Robert Menendez tha se amerikanët janë të lodhur nga lufta por shtoi:

“Ne, ose do t’i dërgojmë meazh Sirisë, Iranit, Koresë së Veriut, Hezbollahut, al Qaidës dhe të tjerëve se bota nuk do të tolerojë përdorimin e armëve kimike nga kushdo, ose do të zgjedhim heshtjen përballë vuajtjeve të tmerrshme njerëzore.”

Disa senatorë duan kufizime të rrepta për veprimet ushtarake në Siri. Republikani Bob Corker:
“Nuk besoj se ka mes nesh mbështetje rreth mundësisë së dërgimit të trupave në atë vend.”
Zoti Kerry tha se nuk do të ketë ndërhyrje me trupa tokësore në luftën civile në Siri. Ligjvënës të tjerë shtrojnë pyetjen se çfarë mund të arrihet me veprime të kufizuara ushtarake. Senatori republikan James Risch sugjeroi një skenar të turbullt.

“Nëse shkojmë me goditje të kufizuara, dhe pas këtyre veprimeve ushtarake, Asadi del nga vrima e miut dhe thotë....shikoni i qendrova fuqisë më të madhe dhe fitova.”
Sekretari Kerry argumenton se nuk ka mundësi që goditjet amerikane mund të forcojnë presidentin sirian. 

Të martën, presidenti Barack Obama u përpoq të tregojë ndryshimin mes përdorimit të forcës në Siri dhe fushatave të gjata pa mbarim amerikane në të kaluarën.
“Nuk është Iraku dhe as Afganistani. Kjo është një përgjigje e kufizuar, proporcionale që do të dërgojë një mesazh të qartë.”

Udhëheqës të rëndësishëm të Kongresit dolën nga takimi në Shtëpinë e Bardhë duke shprehur mbështetje. Kryetari i Dhomës së Përfaqësuesve:
“Do të mbështes thirrjen e presidentit për veprim. Ne kemi armiq në botë që duhet të kuptojnë që ne nuk do të tolerojmë këtë lloj sjelljeje.”

Udhëheqësja e pakicës në Dhomën e Përfaqësuesve Nancy Pelosi:
“Populli amerikan ka nevojë të dëgjojë më shumë rreth të dhënave që mbështesin këtë veprim.”

Një raport i eskpertëve rusë tregon për një armë të improvizuar që është përdorur në një sulm kimik në afërsi të qytetit sirian, Aleppo në muajin mars, armë kjo që është e ngjajshme me atë që është krijuar nga rebelët.

Lajmi është bërë i ditur nga ministria e jashtme ruse, të mërkurën.

Përmes një deklarate, ministria ka sygjeruar se të gjeturat ruse po injorohen dhe në të gjithashtu thuhet se shtetet po e fajësojnë qeverinë siriane për sulm kimik në afërsi të Damaskut ndërsa po i injorojnë dëshmitë që flasin për të kundërtën.

Kryeministri francez, Jean Marc Ayrault, ka paralajmëruar se nëse nuk realizohet asnjë reagim kundër përdorimit të armëve kimike në Siri, kjo do të vë në rrezik paqen dhe sigurnë në të gjithë rajonin.

Duke ju drejtuar parlamentit të mërkurën për të siguruar përkrahje për një intervenim ushtarak në Siri, Ayrault ka thënë se të mos veprosh do të thotë t’iu dërgohs Iranit dhe Koresë së Veriut mesazhin e gabuar për programet e tyre bërthamore.

Presidenti Francois Hollande ka thënë se vendi i tij është i gatshëm për sulm ushtarak kundër regjimit të Bashar al Assadit si përgjigje ndaj dyshimit të përdorimit të armëve kimike.

Të hënën, qeveria e këtij vendi ju ka dorëzuar ligjvënësve atë që i ka quajtur dëshmi se regjimi i Assadit është përgjegjës për sulm kimik “masiv dhe të koordinuar” në zonat që po mbahen nga rebelët në periferi të Damaskut, më 21 gusht.