Të gjithë të arrestuarit te dyshuar për vepra penale

Foto: BOTA SOT

Prokuroria: Të gjithë të arrestuarit te dyshuar për vepra penale

Shefqet Krasniqi

Fuad Ramiqi

Enes Goga

Ekrem Avdiu

Enis Rama

Sabahudin Selimi

Bedri Robaj

Leonard Ruli

Eroll Nesimi

Idriz Bilibani

Mazllam Mazllami

 Me kërkesë të Prokurorisë Speciale të Republikës së Kosovës për Urdhër bastisje dhe ndalim dhe pas vendimit të Gjyqtarit të procedues paraprake të Gjykatës Kompetente, sot është zhvilluar një aksion i Policisë së Kosovës, me ç’rast janë bastisur dhe janë arrestuar 15 persona.

Sipas Prokurorisë së Shtetit, të gjithë të arrestuarit janë të dyshuar për vepra penale kundër rendit kushtetues dhe të sigurisë të Republikës së Kosovës.

“Pas veprimeve të ndërmarra sot, Prokuroria Speciale e Republikës së Kosovës në koordinim me institucionet tjera kompetente, do të vazhdojë me procedurat tjera të parapara me ligj”, thuhet në njoftimin e Prokurorisë.

====

Kush janë 12 imamët e BIK'ut që u arrestuan sot

Policia e Kosovës ka kryer të mërkurën në orët e hershme të mëngjesit një aksion policor në tërë vendin, në ndjekje të personave të dyshuar për nxitje të urrejtjes ndërfetare dhe përçarjes kombëtare, që bie ndesh me rendin kushtetues të Republikës së Kosovës.
Derisa vazhdon aksioni policor, deri më tani janë arrestuar 13 persona, prej tyre përveç liderit të partisë islamike LISBA, Fuad Ramiqit, të tjerët janë hoxhallarë nëpër rajone të ndryshme të Kosovës.

Më poshtë lexoni emrat e të gjithë të arrestuarve deri në këto momente, të dyshuar për nxitje të ekstremizmit fetar dhe shkuarjes të të rinjve nga Kosova për të luftuar “në emër të Zotit” përkrahë organizatave terroriste ISIL dhe Al Nusra.

1. Sabahudin Selimi,

hoxhë nga Vitia.

2. Enes Goga,

kryeimam në Këshillin e Bashkësisë Islame (BIK) në Pejë.

3. Eroll Nesimi,

hoxhë dhe administrues i poratalit perkujtimi.net

4. Idriz Bilibani,

hoxhë i komunitetit boshnjak dhe administrator i portalit stazomislama.com

5. Leonard Ruli,

i vetëquajturi Ebu beker Ruli, hoxhë nga Prizreni.

6. Dardan Gjuka,

imam nga Peja, ligjërues në radio radio-udhezimi.com

7. Shefqet Krasniqi,

i lindur më 20.6.1966, në fshatin Sibovc të Obiliqit, ligjërues në Fakultetin e Studimeve Islame (FSI) në Prishtinë, njëherësh edhe imam në Xhaminë e Madhe në Prishtinë.

8. Shefki Koraçi,

imam në Kaçanik.

9. Mazllam Mazllami,

jeton në Prizren, imam në xhaminë e “Jeni Mahallës”.

10. Bedri Robaj,

imam në xhaminë e improvizuar në lagjen Dardani të Prishtinës.

Ajo është jashtë juridiksionit të BIK-ut. Xhamia pa emër e vetëm me mbi shkrimin “XHAMI”, gjendet në lokalet e Ndërmarrjes Shoqërore (NSh) “Auto-Prishtina”, ndërsa qiraja e hapësirës financohet nga Fatos Rizvanolli, biznesmen nga Peja.

11. Ekrem Avdiu,

i lindur më 18 Korrik të vitit 1971, në qytetin e Mitrovicës, aktualisht imam dhe ligjërues në xhaminë e lagjes 'Tavnik' dhe është anëtarë i Këshillit të Bashkësisë Islame të Mitrovicës.

12. Enis Rama,

i lindur më 12 Qershor 1976, në qytetin e Mitrovicës, jeton dhe vepron në Mitrovicë, ku mban edhe ligjërata të rregullta javore si imam në xhaminë 'Isa Beg' në Mitrovicë, si dhe është kryeredaktor në televizionin Peace TV Shqip.

13.Fuad Ramiqi,

i linduar më 26 mars 1960, në Pozharan komuna e Vitisë. Aktualisht kryetar i Lëvizjes Islame Bashkohu – LISBA.

Policia e Kosovës e ka konfirmuar se të mërkurën në orët e hershme të mëngjesit njësiti antiterrorist ka filluar operacione policore në tërë Kosovën, dhe se ka arrestuar disa persona të dyshuar për nxitje të ekstremizmit fetar dhe përçarjes kombëtare – vepra penale që bien ndesh me rendin kushtetues të Republikës së Kosovës.

Zëdhënësi i Policisë së Kosovës, Baki Kelani, ka thënë për lajmi.net se operacioni policor po ndodh në disa rajone të Kosovës, dhe se janë arrestuar disa të dyshuar për nxitje të ekstremizmit fetar. Ai ka thënë se derisa operacioni është ende duke vazhduar, Policia nuk mund të jep detaje të tjera rreth këtyre arrestimeve.

====

Të arrestuarit, Shefqet Krasniqi dhe Fuad Ramiqi, po intervistohen

Burime të Policisë së Kosovës, kanë konfirmuar arrestimin e Shefqet Krasniqit dhe Fuad Ramiqit. 

Poashtu, të njëjtat burime, pohojnë se Krasniqi dhe Ramiqi, janë duke u intervistuar.

====

Përpos imamit Shefqet Krasniqi nga Prishtina e Enes Goga nga Peja, arrestime imamësh ka pasur sot edhe në Mitrovicë.
Siç konfirmoi Policia e Kosovës, operacioni policor përfshin disa rajone në Kosovë.
Mësohet se arrestime të imamëve ka pasur mëngjesin e së mërkurës edhe në Mitrovicë.
Policia në këtë rajon ka arrestuar imamin Enis Rama, imam në xhaminë ‘Isa Beg’ në Mitrovicë dhe kryeredaktor i televizionit ‘Peace TV’ në shqip.
Një tjetër emër i njohur pos tij është edhe Ekrem Avdiu, që, aktualisht shërben si imam dhe ligjërues i xhamisë në lagjen Tavnik njëkohësisht është anëtar i BIK-ut në Mitrovicë.

====

Sot në mengjes është arrestuar në Mitrovicë nga Policia e Kosovës, hoxha Ekrem Avdiu.
Këto burime kanë treguar se arrestimi është bërë në shtepinë e tij.

Policia e Kosovës në aksionin e saj ka arrestuar edhe imamin e Pejës Enes Goga
Burime të lajmi.net nga Policia e Kosovës në rajonin e Pejës, kanë bërë të ditur se të mërkurën në mëngjes është arrestuar krye-imami i Pejës, Enes Goga.

Motivet e këtij arrestimi janë të njëjta me të Krasniqit; nxitja e urrejtjes ndërfetare dhe ekstremizmi Islam.

====

Imami i Xhamisë së Madhe në Prishtinë, Shefqet Krasniqi, është arrestuar të mërkurën në orët e hershme të mëngjesit nga Policia e Kosovës. Ndër të arrestuarit mësohet se është edhe drejtuesi i partisë LISBA, Fuad Ramiqi.
Sipas burimeve të lajmi.net, sot (e mërkure) para pak çastesh Policia e Kosovës ka vënën nën arrest imamin e Xhamisë së Madhe në Prishtinë, Shefqet Krasniqin.

Motivet e këtij arrestimi nga policia, kanë qenë nxitja e urrejtjes ndërfetare e ekstremizmi Islam.

Ndryshe, para një muaji, janë arrestuar 40 persona të dyshuar se kanë marrë pjesë në luftimet në Siri dhe Irak përkrahë organizatave të shpallura terroriste, ISIS dhe Al-Nusra, duke kryer me këtë vepra penale kundër rendit kushtetues dhe sigurisë kombëtare të Republikës së Kosovës.

Policia e Kosovës gjatë bastisjës tek shtëpia e Shefqet Krasniqit

Aktualisht Policia e Kosovës është duke e bastisur banesën e kryetarit të LISB’as Fuad Ramiqi që ndodhet afër parkut të qytetit në Prishtinë.

====

Imami i Xhamisë së Madhe në Prishtinë, Shefqet Krasniqi, i arrestuar sot si i dyshuar për nxitje të radikalizimit, në vitin 2004 ishte pajisur me letërnjoftim të Serbisë.
Përveç kësaj, Krasniqi në vitin 2008 ishte regjistruar si banorë i Preshevës, kurse një vit më vonë ai sërish ndërron vendbanim për t’u kthyer në Prishtinë, konkretisht në “Orloviq”.

Zeqir Gërvalla -Avdi Ibrahimi : Sfidë për mëmëdhenë

Recension nga Zeqir Gërvalla

Asgjë s’është vetëm e njërit, të gjitha janë të përbashkëta: edhe lindja edhe vdekja…edhe kënga, edhe vaji…edhe gëzimi, edhe hidhërimi…edhe të gjitha…Në përgjithësi ato që u thane më sipër sikur reflektohen në vëllimin me poezi Sfidë për mëmëdhenë të autorit të ri, Avdi Ibrahimi. Ky vëllim përbëhet nga 33 vjersha që datojnë nga viti 1989 e deri më 1993. Të gjitha poezitë radhiten sipas përmbajtjes e struktures tematike, e sipas kohës që janë shkruar, si një ditar rrëfimtar, të cilat paraqesin vërtet këtë kohë të rëndë e më të rëndë të robërisë, të dhunës e terrorit serbosllav mbi gjysmën e kombit tone, në këtë gjysmë Shqipërie, duke përfshirë të gjitha trojet tona etnike shqiptare, madje edhe Çamërinë tone të bukur, por mjerisht të asimiluar nga grekët, gati tërësisht.


Avdiu me vigjilencë vëren armikun tone shekullor, që parreshtur bënë përpjekje që të na dyfishohet robëria – të robërohemi për të dytën here edhe më zi në këtë fundshekull. Autori përveç dashurisë së madhe që ka ndaj Atëdheut dhe dhembjes së thellë për (Shqipërinë e përgjysmuar), ai qorton shqiptarët e ndarë e të përçarë në shumë parti e ide të pakordinuara mirë (sidomos kohëve të fundit), njëkohësisht me mllef akuzon-mallkon e lufton me vargjet e tija armiqtë shekullor, e veçanërisht shovenët serbosllavë që na sollën aq shumë të zeza:vuajtje mjerim, gjakderdhje e viktima të pafajshme në trojet tona etnike – stërgjyshore, e që po na sjellin edhe sot. Ndërsa me admirim përshkruan e paraqet QËNDRESËN E MADHE të shqiptarëve në tërësi, parreshtur nëpër kohë, duke mos kursyer djersë-gjakun as jetën për LIRI E – RIBASHKIM KOMBËTAR, për një Shqipëri etnike duke dashur t’i përfshijë të gjitha në një shtet, siç e thot në titullin e një vjershe “ NJOH VEÇ NËNËN SHQIPËRI”. Poashtu, thuajse në çdo vjershë derdh mllef e vrerë ndaj tradhëtarëve, spiunëve – hafijeve, demagogëve, dallkaukëve e kopukëve – shërbëtorëve të armikut, si për ata të djeshmit ( që sot nën maskën e demokracisë përpiqen të fshihen) si për ata të sotmit që haptas apo fshehtas janë në anë e armikut e i hapin plagë Atëdheut tone të bukur, që edhe ashtu është plot plagë mjerisht ende i ndarë e i copëtuar edhe në këtë fundshekull të fluturimit të njeriut në yje!

Në këtë kohë të rëndë, si e theksuam disa here, kur shumë poet të talentuar heshtin e s’gjejnë fjalë e frymzim për ta shprehur mllefin që u zien përbrenda, është për t’u admiruar guximi dhe angazhimi i Avdi Ibrahimit për t’u rrekur me tema kaq të mëdha e të rendësishme për kohën e rëndë që po përjetojmë. Që nga vjersha e parë Pak romantizëm e deri te vjersha e fundit Sjellje bizantine shihet angazhimi aktual mendor, shpirtëror, historik e kombëtar, politik e social i shoqërisë shqiptaree gjithënjerëzore të poetit të ri Avdi Ibrahimi.

Nga dorëshkrimi i mikut tim Zeqir Gërvalla për librin “Sfidë për mëmëdhenë!”

Mjafton vetëm nga mënyra kronologjike, nga kurreshtja, të them në formë eksperimentale t’i radhisim titujt e vëllimit, që nga vetë pagëzimi i veprës, duke i përmendur të gjitha poezitë dhe të na dali përmbajtja e tërë vëllimit si te Vargjet e lira të MIgjenit “Parathënia parathënieve”. Me kaq përfundoj këtë recension duke propozuar që të botohet ky vëllim me poezi : “Sfidë për mëmëdhenë”.Autorit Avdi Ibrahimit, në të ardhmën i dëshiroj suksese më të mëdha e të mirëfillta në poezi – në rrëfimet e tij, që të ketë kujdes më shumë në gjuhë, në stil,në artë, në përmbajtje sa më të thellë e komplekse, në atë fjalën e bukur artistike shpirtërore që e bën një vepër të jetojë sa më gjatë duke begatuar fondin e poezisë sonë në përgjithësi.



Prishtinë,Tetor, 1993.

P.S. për here të pare po e bëjë publike këtë vështrim libri nga poeti ynë i bashkimit kombëtar Zeqir Gërvalla.

55 qytetarë të Kosovës, janë arrestuar nga Polici e Kosovës, gjatë muajve të fundit nën akuza për “veprimtari terroriste”.

SHBA-të përgëzojnë Kosovën për arrestimin e imamëve


Ambasadorja amerikane iu është bashkuar atyre që i kanë përkrahur autoritetet e vendit gjatë operacioneve të fundit në luftën kundër ekstremizmit dhe radikalizmit fetar.

Tracey Ann Jacobson ka shkruar në profilin e saj në “Twitter” duke thënë:

“Edhe njëherë, e përgëzojë Kosovën për qasjen e saj proaktive kundër luftëtareve të huaj dhe ekstremizmit”.

Policia e Kosovës, me urdhër Prokurorisë Speciale të Republikës së Kosovës kanë arrestuar 13 persona, prej të cilëve 12 janë imam të Bashkësisë Islame të Kosovës.

Edhe Presidentja e Kosovës, Atifete Jahjaga ka reaguar lidhur me arrestimet e sotme, të disa imamëve të Kosovës. Lexoni më poshtë deklaratën e plotë të saj:

"Presidentja e Republikës së Kosovës, zonja Atifete Jahjaga shpreh përkushtimin e institucioneve të Republikës së Kosovës, mekanizmave të sigurisë dhe të drejtësisë, për ruajtjen dhe garantimin e rendit kushtetues të Republikës së Kosovës, sigurisë kombëtare të qytetarëve të saj dhe aleatëve tanë.

Presidentja Jahjaga vlerësoi se veprimet e mekanizmave të sigurisë - të cilat kanë për qëllim pengimin e veprimtarive ilegale, përfshirë nxitjen e urrejtjes ndërfetare dhe rreshtimin në kauza ekstremiste të qytetarëve të Kosovës - po bëhen që në vazhdimësi të sigurohet një Kosovë e lirë, e sigurt, e qetë dhe tolerante, e pakërcënuar nga dukuritë që kanë për qëllim cenimin e vlerave dhe idealeve mbi të cilat ndërtuam shtetin tone dhe traditën e gjatë të harmonisë fetare.

Presidentja Jahjaga tha se institucionet e Kosovës e kuptojnë seriozisht përgjegjësinë për të vepruar ndaj kësaj kanosjeje globale në përputhje me vullnetin dhe përcaktimin e qytetarëve të Kosovës për ndërtimin e një vendi tolerant dhe kontribuues të stabilitetit e sigurisë kolektive, një vend të pakompromis ndaj thirrjeve për rrënim të rendit kushtetues që garanton liritë dhe të drejtat e njeriut apo aktivitetet qe kërcënojnë paqen e stabilitetin".

Aksioni që nisi fillimisht me 11 gusht dhe që u ripërsërit edhe sot me 17 shtator, vendosi nën akuzë edhe 15 imam shumica e të cilëve ishin pjesë e Bashkësisë Islame të Kosovës.

Aksioni i parë, vendosi nën pranga 40 persona. Ata akuzoheshin nga Prokuroria e Kosovë për veprat penale të rekrutimit, organizimit dhe pjesëmarrjes në grupet terroriste. Nga atëherë e deri më sot, pjesa më e madhe e tyre gjenden në burg ndërsa një pjesë tjetër në burgim shtëpiak.

Sot gjatë ditës me urdhër të prokurorisë së Kosovës, policia arrestoi edhe 15 persona.

“Të gjithë të arrestuarit janë të dyshuar për vepra penale kundër rendit kushtetues dhe të sigurisë të Republikës së Kosovës”, njoftoi Prokuroria e Kosovës.



Në mesin e të arrestuarve kishe edhe hoxhallarë të “profilit” të lartë sikur: Shefqet Krasniqi, Enis Rama etj. Herët në mëngjesin e sotëm u arrestua edhe Fuad Ramiqi kryetari I LISBA, partisë së vetme islamike në Kosovë.

Hoxha kontrovers I Xhamisë së Madhe në Prishtinë, Shefqet Krasniqi ishte marrë në pyetje edhe para disa javës, por ai ishte liruar brenda ditës. Krasniqi, por jo vetëm ai është i njohur për gjuhën e tij të ashpër dhe fyese në ligjërime fetare.

Disa ditë më vonë, në ligjëratën e së premtes, ai ishte deklaruar se është I pafajshëm ndaj akuzave që I bëhen, por duke mos harruar të flet, sipas tij edhe “për pozitën e vështirë në të cilën gjinden myslimanët e Kosovës”.

Ka më shumë se dy vite që kur, institucione ndërkombëtare të sigurisë si dhe shumë politikanë kanë ngritur alarmin nga radikalizimi I disa qarqeve ekstreme islamike në Kosovë dhe rrezikun në të cilin po ndodhet vendi nga ky eskalim.

Institucionet, përfshirë këtu edhe Qeverinë që sot është në detyre, kanë qëndruar pasiv ndaj kësaj çështje, deri më sot kur në fakt nuk kemi më qeveri në funksionim të plotë.

Tash për tash flitet për një listë prej 150 të dyshuar.

Kjo do të jetë një luftë e gjatë- sepse gjatë është toleruar.

Emrat e 12 imamëve të arrestuar sot:

1. Sabahudin Selimi,hoxhë nga Vitia.

2. Enes Goga,kryeimam në Këshillin e Bashkësisë Islame (BIK) në Pejë.

3. Eroll Nesimi,hoxhë dhe administrues i poratalit perkujtimi.net

4. Idriz Bilibani,hoxhë i komunitetit boshnjak dhe administrator i portalit stazomislama.com

5. Leonard Ruli,i vetëquajturi Ebu beker Ruli, hoxhë nga Prizreni.

6. Dardan Gjuka,imam nga Peja, ligjërues në radio radio-udhezimi.com

7. Shefqet Krasniqi,i lindur më 20.6.1966, në fshatin Sibovc të Obiliqit, ligjërues në Fakultetin e Studimeve Islame (FSI) në Prishtinë, njëherësh edhe imam në Xhaminë e Madhe në Prishtinë.

8. Shefki Koraçi,imam në Kaçanik.

9. Mazllam Mazllami,jeton në Prizren, imam në xhaminë e “Jeni Mahallës”.

10. Bedri Robaj,imam në xhaminë e improvizuar në lagjen Dardani të Prishtinës.
Ajo është jashtë juridiksionit të BIK-ut. Xhamia pa emër e vetëm me mbi shkrimin “XHAMI”, gjendet në lokalet e Ndërmarrjes Shoqërore (NSh) “Auto-Prishtina”, ndërsa qiraja e hapësirës financohet nga Fatos Rizvanolli, biznesmen nga Peja.

11. Ekrem Avdiu,i lindur më 18 Korrik të vitit 1971, në qytetin e Mitrovicës, aktualisht imam dhe ligjërues në xhaminë e lagjes ‘Tavnik’ dhe është anëtarë i Këshillit të Bashkësisë Islame të Mitrovicës.

12. Enis Rama,i lindur më 12 Qershor 1976, në qytetin e Mitrovicës, jeton dhe vepron në Mitrovicë, ku mban edhe ligjërata të rregullta javore si imam në xhaminë ‘Isa Beg’ në Mitrovicë, si dhe është kryeredaktor në televizionin Peace TV Shqip.

13.Fuad Ramiqi, i lindur më 26 mars 1960, në Pozharan komuna e Vitisë. Aktualisht kryetar i Lëvizjes Islame Bashkohu – LISBA.



Emrat e 40 të arrestuarve të parë:

Të arrestuarit për vepra penale të terrorizmit janë:

Leutrim I. Raifi, 23-vjeçar me banim në Fushë Kosovë,

Armir A. Vuniqi, 23-vjeçar me banim në Lipjan,

Shaban R. Dumani, 52-vjeçar, nga fshati Miradi e Ulët e Fushë Kosovës,

Hadi I. Nura, 26-vjeçar, nga lagjja “Dardania” në Prishtinë,

Burim E. Konjuhi, 30-vjeçar, nga Prugovci i Prishtinës,

Kujtim A. Bllaca, 28-vjeçar, nga Ribari i Madh i Lipjanit,

Albert Berisha, 27-vjeçar, nga Prishtina,

Visar I. Kadriu, 29-vjeçar, nga Prishtina,

Egzon J. Latifi, 20-vjeçar, nga Gjilani,

Fatos I. Rexhepi, 36-vjeçar, nga fshati Ramjan i Vitisë,

Hajdin E. Elezi, 43-vjeçar, nga fshati Smirë i Vitisë,

Blerim Z. Syla, 22-vjeçar, nga fshati Debëllde i Vitisë,

Haviz M. Ahmeti, 20-vjeçar, nga Gjilani,

Kenan R. Rushiti, 25-vjeçar, nga Lubizhdi i Vitisë,

Irfan I. Haqifi, 20-vjeçar, nga Gjilani,

Bekim V. Halili, 37-vjeçar, nga Tankosiqi i Ferizajt,

Fitim D. Dema, 27-vjeçar, nga fshati Bob i Kaqanikut,

Zejadin H. Berisha, 30-vjeçar, nga Goranci i Hanit të Elezit,

Agron Lika, 32-vjeçar, nga fshati Strazhë i Kaçanikut,

Emri R. Bushi, 36-vjeçar, nga Hani i Elezit,

Fisnik R. Bushi, 31-vjeçar, nga Ferizaj,

Besim A. Shabani, 32-vjeçar, nga Shkupi por me banim në Ferizaj,

Adil Bushi, 26-vjeçar, nga Hani i Elezit,

Muxhahid Braha, 25-vjeçar, nga Hani i Elezit,

Jetmir Bushi, 24-vjeçar, nga Hani i Elezit,

Ilir Momqillo, 24-vjeçar, nga fshati Sllakovë i Gjilanit,

Samidin M. Halimi, 40-vjeçar, nga Dragashi,

boshnjaku Fikret J. Krco, 32-vjeçar,

Ibrahim Rashiti, 37-vjeçar, nga Opoja e Dragashit,

Mentor Bellaqa, 29-vjeçar, nga Prizreni,

Kujtim V. Bytyqi, 32-vjeçar, nga Shkoza e Malishevës,

Besim U. Lajqi, 35-vjeçar, nga Peja,

Betim R. Ibrahimaj, 26-vjeçar, nga Zhakova e Istogut,

Muhamed A. Hajrizaj, 52-vjeçar, nga Strellci i Deçanit,

Berat F. Këpuska, 26-vjeçar, nga Gjakova,

Arsim R. Istrefi, 36-vjeçar, nga Bajgora e Mitrovicës,

Sadat Kaqiku, 39-vjeçar, nga Shipoli i Mitrovicës,

Vehbi S. Gërgjaliu, 31-vjeçar, nga Studimja e Poshtme e Vushtrrisë,

Jeton A. Hajdini, 39-vjeçar, nga Kqiqi i Madh i Mitrovicës

Skender Syla, 33-vjeçar, nga Mitovica.

Analisti politik dhe drejtori i Fondacionit “Rockfeller Brothers” për Ballkanin Perëndimo,Haki Abazi për arrestimin e imamëve: Pushteti po synon të provokojë protesta

 No comments

Analisti politik dhe drejtori i Fondacionit “Rockfeller Brothers” për Ballkanin Perëndimor, Haki Abazi,në një prononcim për Telegrafin ka theksuar se arrestimet e imamëve, para seancës konstituive të Kuvendit të Kosovës, janë tendencë për ta kthyer vëmendjen e shteteve Perëndimore nga institucionet e Kosovës.

Abazi ka theksuar se arsyeja e vërtetë e arrestimeve është përfitimi i poenëve politik, duke shtuar se “sajimi i situatave të tilla, nga të cilat mund të përfitohet politikisht, janë metoda të cilat janë përdorur nga shërbimet shtetërore të ish – Jugosllavisë”.

Ai e ka ritheksuar prapë se përfshirja e të rinjve kosovarë në valën e luftërave në Lindjen e Afërt dhe të Mesme nuk është as religjioze as ideologjike.

“Pjesëmarrje e të rinjve në luftëra jashtë vendit është pasojë e mungesës së zhvillimit ekonomik, humbjes së përkrahjes nga familja dhe shoqëria, pastaj pasojë e traumave të së kaluarës dhe izolimit në burgun kolektiv (pamundësia e kosovarëve për të udhëtuar jashtë vendit pa viza). Izolimi (mungesa e liberalizimit të vizave për kosovarët) ka ardhur si rezultat i mospunës dhe kapjes së shtetit nga ana e Partisë Demokratike të Kosovës (PDK) dhe gardianëve të tyre”, ka thënë Abazi për Telegrafin.

Në anën tjetër, sipas Abazit, arrestimet e sotme të disa imamëve, “përveç që janë tendencë e pushtetit për të treguar muskujt, synojnë që të provokojnë protesta dhe reagime të dhunshme. Kjo do ta zhvendoste vëmendjen nga zhvillimet e rëndësishme, të cilat e presin vendin në ditët e ardhshme (seanca konstitutive e Kuvendit të Kosovës)”.

“Nuk besoj që shqiptarët e Kosovës do të dalin në mejdan – protestojnë nëpër rrugë për çështjen e arrestimeve – përballë strukturave të cilat po e mbajnë peng shtetin. Konsideroj se shqiptaret janë të vetëdijshëm se nuk duhet rënë pre e këtyre skenarëve të cilët janë të ngjashëm me metodat të cilat i ka përdorur regjimi i ish-Jugosllavë përmes krijimit të situatave të paqena”, ka thënë Abazi.

Nuk ka zgjidhje të ‘ngërçit’ politik pa ndërhyrje ndërkombëtare

 No comments

Analistët Muharrem Nitaj e Fidan Kalaja thotë npër Bota press se pa ndërhyrjen e faktorit ndërkombëtar nuk mund të presim që nesër në Kuvend të zgjidhet ngërçi politik 

Shqipe Osmani 

Data e 18 shtatorit do të jetë një ditë e rëndësishme për të ardhmen e vendit. Nesër i gjithë opinioni vendor e ndërkobmëtar në Kosovë por edhe jashtë vendit do të bëhet “sy e veshë” drejtuar kah Kuvendi i Kosovës.

Liderët politikë tashmë kanë dhënë deklarimet e tyre me premtimin se do të bëhet zgjidhja sipas vullnetit të tyre politik, varësisht sipas pozicionimeve, ndërkaq analistët politik nuk shpresojnë se nesër do të bëhet konstituimi i Kryesisë së Kuvendit dhe do të tejkalohet kriza dhe zgjedhjet e jashtëzakonshme.

           

 M. Nitaj: Nuk duhet paragjykuar mbledhja e nesërme

Muharrem Nitaj, analist, nuk dëshiron të paragjykojë se çfarë  zgjidhje do të  sjellë seanca konstituive e së enjtes, ndërsa thotë se ‘ngërçi’ politik i krijuar në vend duket se nuk mund të zgjidhet pa u përzier faktori ndërkombëtarë. “Nesër është një seancë ku pritet që PDK ta shfrytëzojë të drejtën e zgjedhjes së një kandidati të saj për kryetar Kuvendi. Mendoj që do të sqarohen shumë gjëra sepse është spekuluar shumë se kush i ka e kush nuk i ka numrat. Por, në rast të mos zgjedhjes së kandidatit të PDK, hapet një rrugë tjetër, ajo e rrugëzgjidhjes që mund ta kenë deputetët”, thotë Nitaj për Botapress.

Sipas tij është herët të spekulohet për zgjedhje të tjera. “ Është shumë herët që të spekulohet për zgjedhje të tjera. Por ngërçi i krijuar e krijon një situatë ku duket se s’do të ketë rrugëdalje pa u përzier faktori ndërkombëtar. Sidoqoftë nuk duhet paragjykuar mbledhja e nesërme. Është e mundur që të jetë më normale se sa që kujtojmë ne”, shprehet Nitaj.

    F.Kalaja: Zgjidhja e situatës   mund të vijë vetëm  ndërhyrja e bashkësisë ndërkombëtare 

Edhe Fidan Kalaja, përfaqësues i organizatës FOL , mendon se seanca e së enjtes nuk do të jap ndonjë zgjidhje të ‘ngërçit” politik, ndërsa  zgjidhja  sipas tij mbetet në ndërhyrjen e faktorit ndërkombëtarë.“Situata e krijuar pas zgjedhjeve të parakohshme, është shumë vështirë e ndoshta e pamundur që të zgjidhet në seancën e nesërme. Përpos pozicionimit të “pa-kompromis” të te dy blloqeve këtë pothuajse e ka bërë të pamundur edhe vet vendimi i fundit i Gjykatës Kushtetuese”, tha Kalaja, për të shtuar më pas se për tu zgjidhur kjo situatë  ideale do të ishte tërheqja e njëres palë. “Për tu zgjidhur kjo situatë në rrafshin ideal do duhej që njëra palë vullnetarisht të tërhiqet nga pozicioni i saj, gjë që është e pamundur aktualisht ose që të gjendet vullneti i të dy blloqeve që të takohen dhe të arrijnë marrëveshje paraprake për de bllokim të institucioneve, gjë e cila shihet që është e pamundur”, mendon Kalaja. Sipas tij, zgjidhja e situatës   mund të vijë vetëm  ndërhyrja e bashkësisë ndërkombëtare  apo edhe shkuarja në zgjedhje.” Janë dy skenar që potencialisht mund ta zgjidhin këtë situatë e është ndërmjetësimi ose ndërhyrja e bashkësisë ndërkombëtare në këtë proces ose si opsion i dytë shkuarja në zgjedhje të jashtëzakonshme. Përndryshe seanca konstituive mund të vazhdojë se zhvilluari në pafundësi dhe asnjëri bllok të mos mund të zgjedh kryeparlamentarin e tyre”, u shprehë Kalaja .

Shefqet Krasniqi do e kalojë natën në qeli- akuzohet edhe për pastrim parash!

Ka përfunduar seanca në rastin e imamit Prof.dr.Shefqet Krasniqit dhe të arrestuarve të tjerë. Atij i është caktuar masa e ndalimit policor, ndërsa prokuroria ka kërkuar që ndaj imamit Krasniqi të ketë masë të paraburgimit.

Krasniqi, pos veprës për nxitje të urrejtjes e mosdurim fetar, akuzohet edhe për pastrim parash.

Avokati i imamit  Prof.dr.Shefqet Krasniqi, Bajram Tmava, ka thënë se operacioni për arrestimin e imamit është non-sens dhe se akuzat e prokurorit për pastrim parash dhe nxitje të urrejtjes fetare janë plotësisht të pabaza.

“Ky është veç një spektakël”, ka thënë Tmava.

Hashim Thaçi kërkon dorëheqjen e Tërnavës



Eksperti i arsimit, Jusuf Thaçi, i ka quajtur hipokrizi të pështira, deklaratat e BIK-ut të Naim Tërnavës se askush nuk është mbi ligjin.

Në vend të deklaratave që ai i quan hipokrizi të pështira, ai i bën thirrje Tërnavës të japë dorëheqje, duke i thënë se heshtja, neutraliteti e strukja janë cilësi e qyqarëve, ndërsa dorëheqja është cilësi e të guximshmëve dhe të ndershmëve.

Këto komente ai i ka bërë përmes një postimi në profilin e tij në Facebook.

“Me gjithë sugjerimet e shumë miqve që për shkak të ndjeshmërisë së temës të mos shprehem publikisht, megjithatë nuk po më zë vendi-vend pa e thënë qëndrimin tim në lidhje me zhvillimet e sotme rreth arrestimit të disa imamëve e zyrtarëve të Bashkësisë Islame të Kosovës (BIK) dhe qëndrimit të BIK-ut në lidhje me këtë.

Andaj po i drejtohem publikisht kryetarit të BIK-ut, z. Naim Tërnava.

Z. Tërnava, sot u arrestuan më shumë se 10 imamë të xhamive (kryesore) e zyrtarë të BIK-ut, pra punëtorë dhe vartës tuaj. Qëndrimi zyrtar neutral i BIK-ut me fraza demagogjike “askush mbi ligjin” shpërfaqë një hipokrizi të pështirë që nuk i ka hije një institucioni, që para së gjithash do të duhej të ishte institucion moral.

Jo ore zotëri, merrni kurajon dhe:

– Nëse besoni në pafajësinë e vartësve tuaj të arrestuar, atëherë dilni e mbroni publikisht dhe mobilizoni të gjitha burimet profesionale e financiare të BIK-ut për t’i mbrojtur ligjërisht të arrestuarit, pavarësisht presionit publik, medial e politik.
– Nëse besoni në fajësinë e vartësve tuaj të arrestuar, atëherë dilni e denonconi publikisht dhe jepni dorëheqje në shenjë të pranimit të paaftësisë tuaj për të parandaluar kryerjen e veprave ligjërisht të dënueshme nga vartësit tuaj.
– Nëse nuk keni qëndrim (nuk besoni as në fajësinë e as në pafajësinë e vartësve tuaj të arrestuar), atëherë jepni dorëheqje në shenjë të pranimit të papërgjegjshmërisë tuaj, si person që e udhëhiqni BIK-un për gati një dekadë e nuk i njihni ende vartësit tuaj.

Z. Tërnava, heshtja, neutraliteti e strukja janë cilësi e qyqarëve! Dorëheqja është cilësi e të guximshmëve dhe të ndershmëve!

P.S: Për shkak të ndjeshmërisë së temës dhe mundësisë së shtrembërimit të mesazhit tim, nuk do të lejoj komente emocionale në këtë postim, as pro as kundër askujt!” ka shkruar Thaçi në Facebook.

Rasti ‘Kleçka’ rikthehet në gjykim

Një vit më parë, Gjykata Themelore e Prishtinë shpalli të pafajshëm Fatmir Limajn dhe bashkëluftëtarët e tij, të akuzuar për krime lufte me rastin “Kleçka”, sot ai prapë u paraqit në sallën e Gjykatës së Apelit në Prishtinë në të cilën u vendos që të rikthehet në gjykim rasti “Kleçka”.

Procesi filloi me dëshmitarin e parë që ishte Afrim Zogaj, vëllau i dëshmitarit X në procesin e kaluar, Agim Zogaj. Procesi po udhëhiqet nga një kolegj gjyqësor i Gjykatë së Apelit, e të pranishëm ishin të akuzuarit bashkë me mbrojtjen e tyre, ku avokati i Fatmir Limajt është Karim Khan.

Gjatë seancës dëshmitari nuk japi shumë detaje në përgjigjet e tij. Për shumicën e rasteve thoshte se gjendej në Gjermani e për këtë arsye nuk din shumë për veprimet e të kaluarat e vëllait.

Ai tha se vëllai i tij për kohën sa ka qenë në Kosovë ka qenë i kërcënuar. E përsëriti atë që edhe babai i tij e ka thënë në deklaratën e tij, se Agim Zogaj një herë edhe është qëlluar.

E, për kohën që vëllai i tij, Agim Zogaj, gjendej në një spitali psikiatrik, dëshmitari tha se ai nuk ka pasur problem mendore dhe nuk ka qenë rast për të qëndruar aty. Madje për faktin se i vëllai mbante shkrime për çdo lëvizje që bënte e çdo telefonatë që merrte, ai tha se nuk i duket asgjë e çuditshme dhe se kur kishte pyetur atë se përse mban ditar, Agim Zogaj i kishte thënë se ‘dokumenti është diçka që asnjëherë nuk vdes’.

Megjithë pyetjet që iu shtruan nga kolegji gjyqësor, dëshmitari nuk dha dot ndonjë arsye të qartë se përse i kishte dorëzuar policisë dokumentacionin e vëllait të ndjerë.

Derisa pritej që Gjykata e Apelit të merrte vendimin për fillimin e këtij procesi, mbrojtja e Limajt tha se kërkesa e prokurorisë për kthimin e këtij rasti në gjykatë ishte pa asnjë meritë.

Avokati i Limajt, Karim Khan tha se këtu vetëm po rizbulohet diçka. Sipas tij, nëse Gjykata e Apelit thërret më shumë dëshmitarë sesa aq sa janë pajtuar, në këtë mënyrë ajo e kthen mbrapsht balancin midis Gjykatës së Apelit dhe Gjykatës Themelore.

“Ne kemi thënë se ky është një vendim i pastër dhe është ndoshta njeri nga vendimet më të mira që gjykatat e Kosovës, Gjykata Supreme, Gjykata e Apelit, Gjykata Themelore dhe gjykatat tjera kanë marrë… Ata kanë kaluar njëzëri një vendim 250 faqesh me kujdes. Ne themi që kërkesa e prokurorisë është e pavlerë dhe themi që duhet të tërhiqet, por edhe nëse Gjykata e Apelit thonë ndryshe nga ne, nuk kam pse të kem frike, ne faktet i paraqesim para gjykatësve, edhe prokuroria nuk dëshiron të kthehet mbrapa sepse 6 gjykatës janë njëzëri kundër tij dhe themi që kjo nuk është arsye që ta mbajnë atë larg gjykatësve të EULEX-it që i kanë shpallur që të gjithë të akuzuarit të pafajshëm, por tani është Gjykata e Apelit që vendos”, ka thënë ai, transmeton Kosovapress.

Sipas tij, Gjykata Themelore është shumë me kompetente për këtë çështje, dhe ai propozoi që seanca e sotme të mos mbahej si e tillë, por t’i kthehej shkallës së parë.

Krahas kësaj, Gjykata e Apelit deklaroi se ka kompetence për këtë çështje dhe ka autoritet të pjesshëm që të dëgjojë deklaratat e dëshmitarëve.

E pasdite shpalli të hapur vazhdimin e këtij procesi gjyqësor dhe ftoi dëshmitarin e parë që të deklarohet.

Pas përfundimit të seancës foli avokati i Limajt Tomë Gashi, për të cilën dëshmia e Afrim Zogajt nuk i dëmton aspak të akuzuarit.

“Unë besoj se ai vetëm ka dhënë një përsëritje të deklaratës së tij, nuk ka dhënë asgjë të re për të cilën ne nuk e kemi ditur, shpresojmë që të kalojnë këto séance dhe që Gjykata e Apelit ta sjellë vendimin përfundimtar, në këtë rast do të sjellë aktgjykim me të cilin një herë e përgjithmonë do të mbyllet rasti ‘Kleçka’, meqenëse ky rast është i tejzgjatur pa kurrfarë arsye por prap se prap kolegji ka pasur të drejtë ligjore që ta hap këtë shqyrtim dhe ka paraparë një mori të dëshmisë që përsëri t’i vlerësoj”, ka thënë ai.

Gashi dëshmitarin e sotëm nuk e konsideron aspak të dëmshëm.

“Këtë dëshmi mbrojtja nuk e konsideron fare të dëmshme dhe pres që në përfundimin e të gjitha seancave që janë caktuar edhe për javën e ardhshme, të konfirmohet aktgjykimi i gjyqtari që është dhënë saktësisht para një viti”, ka thënë ai.

A do të mund të marrë pjesë Limaj në seancën e nesërme konstituive të Kuvendit të Kosovës akoma nuk dihet, pasi që në të njëjtën kohë ajo duhej të jetë i pranishëm në Gjykatën e Apelit.

“Është shumë e qartë se unë nuk mund të përgjigjem në emër të Fatmir Limajt se a do të jetë ai nesër në seancën konstituive të parlamentit të Republikës së Kosovës, por e di saktësisht që Fatmir Limaj do të duhet që nesër në ora 10:00 të jetë në këtë gjykatë sepse është obligim ligjor dhe ai do të respektojë”, ka thënë ai.

Seanca e dytë gjyqësore për rastin “Kleçka” do të mbahet nesër prej orës 10:00 ku të pranishëm do të jenë tre dëshmitarë.

Në verën e 2012-ës, Fatmir Limaj dhe nëntë prestarë tjerë të UÇK-së u akuzuan për krime lufte kundër popullatës civile dhe krime lufte kundër të burgosurve të luftës që siç thuhet, supozohet të jenë kryer nga fillimi I vitit 1999 deri në mesin e qershorit të atij viti në një qendër të improvizuar paraburgimi nga UÇK-së, e që ndodhej në fshatin Kleçkë të Kosovës.

E më 17 shtator 2013, procesi u shpall i përmbyllur me pafajësinë e të akuzuarve. Ishte hera e dytë që Fatmir Limaj shpallet i pafajshëm nën akuzat për krime lufte. Më 30 nëntor të vitit 2005 Gjykata Ndërkombëtare për Krime lufte në Hagë shpalli të pafajshëm Fatmir Limajn i njohur me emrin e luftës si komandant Çeliku, i cili në shkurt të vitit 2003 qe akuzuar për përfshirje në krime kundër civilëve shqiptarë dhe serbë gjatë luftës së vitit 1998.