REPUBLIKA E KOSOVËS PËRBALLË SHTRIRJES SË INTERESAVE STRATEGJIKE TË RUSISË

Analistët vlerësojnë se faktori ndërkombëtar po i zbeh këto ndikime

Alarmi është ndezur, me konstatimin se elementet ruse synojnë ta destabilizojnë rajonin e Ballkanit, për të shtrirë sferën e ndikimit në këtë pjesë të Evropës, dhe tani kërkohet edhe nga politika kosovare të jetë syçelë dhe vigjilente ndaj ndikimeve të tilla të shfaqura, sa haptas, po aq edhe në mënyrë sekrete

Mundësia e shtrirjes dhe ndikimit të interesave strategjike të Rusisë në Ballkan, e në këtë rrafsh edhe në Kosovë, ka kohë që është bërë temë e nxehtë debati në mesin e partive të ndryshme politike dhe analistëve. Por, sa janë të përgatitura institucionet kosovare dhe politika që të mos lejohet ndikimi i politikës shtetërore ruse në Kosovë, e cila, sipas analistëve të ndryshëm, ka marrë hov në vendet e rajonit, si në Mal të Zi, Serbi e së fundi edhe në Maqedoni. Alarmi është ndezur, me konstatimin se elementet ruse synojnë të destabilizojnë rajonin e Ballkanit për të shtrirë sferën e ndikimit në këtë pjesë të Evropës, dhe tani kërkohet edhe nga politika kosovare të jetë syçelë dhe vigjilente ndaj ndikimeve të tilla të shfaqura, sa haptas, po aq edhe në mënyrë sekrete. Sipas prof. universitar dhe njohës i fushës së zhvillimeve politike, Muhamet Kelmendi, çështja e paraqitur tani si temë e interesave strategjike ka rëndësi vitale jo vetëm për Kosovën, por edhe për tërë rajonin, deri edhe për vetë sigurinë në Evropë. "Kam besim se ndikimi rus do të hasë në rezistence. Kjo jo shumë nga organet e Kosovës, për faktin se janë të papërcaktuara, si dhe me një kapacitet të vogël, që të parandalojnë ndikimet dhe veprimet kriminale serbo-ruse, që ato të hetohen dhe të kapen, por mburoja është më e sigurt nga mekanizmat ndërkombëtarë, si BE-ja dhe SHBA-ja, që kanë po ashtu interes vital të ndalojnë këtë ndikim armiqësor", theksoi ai, shkruan gazeta Kosova Sot.

Presidenti i kapur

Sipas Kelmendit, në Kosovë gjithashtu akoma nuk kemi një vullnet të mirë dhe një gatishmëri të organeve vendore që të merren me çështjet e tilla. "Ne nuk po shohim asnjë veprim nga Qeveria, policia dhe Shërbimi i Inteligjencës së Kosovës- AKI, të cilët mund të dëshmojnë se kanë bërë ndonjë përgatitje dhe kanë ndërmarrë masa adekuate kundër ndikimit të klikës serbo-ruse në Kosovë", tha prof. Kelmendi. Ai thotë se aktualisht ka të dhëna se në veri të Kosovës janë njësitë e veçanta serbo-ruse që veprojnë, disa të futura në administratë, disa në ekonomi dhe disa edhe zyrtarisht po shëtisin nëpër veri, duke u paraqitur si grupe sportive, kulturore etj. Por, edhe në Policinë e Kosovës me shumicë serbe në veri të Kosovës ndaj veprimit të të cilave po heshtin institucionet e Kosovës. "Kemi deri në Policinë e Kosovës në veri, me uniformë të shtetit tonë, kriminelë serbe dhe rusë, të shitur si serbë, të cilët po veprojnë. Tëra këto veç dihen. Po policia e Kosovës hesht. Ministri i Brendshëm kurrë nuk dha ndonjë deklaratë. Kryeministri vepron sikurse mos të ndodhte asgjë. Atë e ka kapur frika e koalicionit dhe po bënë çmos që të kalojë Demarkacioni, në mënyrë që koalicioni të jetojë. Ndërsa, presidenti paraqitet si person i madh. Ka dëshirë të shitet si i tillë, edhe pse shumica nuk e njohin", tha Muhamet Kelmendi. Ai ka pohuar se presidenti e di që Kosova rrezikohet nga ndikimi rus, por nuk reagon, edhe kjo e ka një shpjegim, sipas tij. "Presidenti është i kapur dhe i kërcënuar nga disa drejtime, në njërën anë, Gjykata Speciale, e në anën tjetër, akuzat e mosformimin të ushtrisë, presioni për veprimtari kriminale dhe për korrupsion. Tëra këto e kanë frikësuar këtë njeri dhe tash e ka vetëm këtë temë Kosovën dhe Hashimin. Njëra duhet të humbë dhe tjetra duhet të fitojë", u shpreh Kelmendi...

Nga Flori Bruqi : Në Qeverin e Kosovës fyhen e kërcënohen kundërshtarët e demarkacionit

Demarkacioni me Malin e Zi, hartat dhe kontestimet 

Marrëveshja midis Kosovës e Malit të Zi për përcaktimin e vijës kufitare midis dy vendeve, si një prej kushteve për vazhdimin e udhëtimit drejt BE-së, tashmë është nënshkruar në Vjenë (më 26 gusht 2015). Por, ndërsa nga opinioni malazias lajmi për këtë është mirëpritur, në Kosovë ka shkaktuar shqetësime shtesë, si një tkurrje e re e territorit të Republikës, padrejtësi e radhës.

Ndërsa institucionet e vendit ende nuk i kanë për publike dokumentet e as procedurat rreth kësaj marrëveshjeje që duhet të ketë rëndësi historike, burime të tjera i kanë vënë ato në dispozicion Floripress.

Në raportet mbi negociatat (të filluara në nëntor të vitit 2012) rreth përcaktimit të kufirit shtetëror me Kosovën në veçanti përmenden mospajtimet e Komisionit të Kosovës për vijën kufitare në segmentin e Haxhajve të Rugovës dhe të Kullës, për të cilat edhe opinioni kundërshtues i demarkacionit në Kosovë ka vërejtje.

 Pala malazeze disa herësh i ka prezantuar dhe propozuar Komisionit të Kosovës harmonizimin e segmenteve kufitare të diskutueshme në bazë të vijës kufitare të vitit 1929, 1952 e 1974, sipas tij – në të gjitha këto vite identike, si argument për validiteti, ky i fundit kërkonte kohë për të analizuar situatën, duke theksuar se kishte hyrje në territorin e Kosovës të njohur me kufijtë kushtetues të vitit 1974.

Pala malazeze ndërkohë për territorin nga Çakorri deri afër Kuqishtës, ku kontestohej kufiri nga pala e Kosovës, konfirmoi pronësinë e 34 familjeve shtetase të Kosovës, por që si territor i përket Malit të Zi.

Pronarë tokash të shtetasve të Kosovës që shtrihen në territorin e Malit të Zi në fakt ka edhe në segmente të tjera të kufirit midis dy vendeve. Por, çështja e pronësisë rregullohet me marrëveshje të tjera.

Përfundimisht në bazë të dokumentacionit kadastral të të dy palëve dhe dokumentacionit tjetër përkatës përcaktohen kufijtë mes dy vendeve, që rezultoi me Marrëveshjen e nënshkruar në Vjenë nga përfaqësues të autorizuar të të dy vendeve.

Koha.net ka në dispozicion edhe hartat mbi kufirin mes dy shteteve, të cilat flasin me gjuhën e vet.

I tërë kufiri shtetërore në mes Malit të Zi dhe Republikës së Kosovës (në gjatësi 75.6 kilometra) është vijëzuar në gjashtë harta topografike, në përputhje me dokumentacionin kadastral, me koordinatat e pikave ndarëse kufitare që nga trekufiri Mali i Zi, Republika e Kosovës dhe Republika e Shqipërisë, deri në trekufirin Mali i Zi, Republika e Kosovës dhe Republika e Serbisë.

Në Qeverin e Kosovës  fyhen e kërcënohen kundërshtarët e demarkacionit

Nga Qeveria e Kosovës janë lansuar të premten kërcënime, fyerje e ofendime për të gjithë ata që janë duke e kundërshtuar Marrëveshjen e demarkacionit me Malin e Zi. Populli është etiketuar si hajdut e profesionistët janë paralajmëruar me pasoja ligjore.

Është vepruar kësisoj, ani se ekzekutivi kishte thirrur mbledhjen për të shqyrtuar raportin e një komisioni të cilin e kishte themeluar vetë për matjen e territorit të Kosovës.

Komisioni kishte për detyrë ta maste territorin konform kufijve që parasheh Marrëveshja e demarkacionit e parafuar gati dy vjet më parë me fqinjin perëndimor, por e cila ende nuk është ratifikuar shkaku se ajo kundërshtohet gjerësisht. Dhe, në mbledhjen e Qeverisë ku është miratuar raporti i këtij komisioni ka pasur një shfryrje ndaj kundërshtarëve të versionit aktual të caktimit të vijës kufitare me Malin e Zi.

Opozita do t’ia shprehë Federica Mogherinit kundërshtitë për Asociacionin e Demarkacionin më Malin e Zi 

Edhe liderët e subjekteve politike opozitare do të takohen me përfaqësuesen e lartë e Bashkimit Evropian për Punë të Jashtme dhe Politika të Sigurisë, Federica Mogherini, gjatë vizitës që të shtunën ajo do ta realizojë në Kosovë. Asaj do t’i paraqiten kundërshtitë për Asociacionin e Demarkacionin.

Mogherini, e cila është edhe zëvendëspresidente e Komisionit Evropian, do të ndodhet në Prishtinë në kuadër të turit që është duke e zhvilluar në rajon. Ajo do të takohet me autoritetet politike, duke përfshirë presidentin Hashim Thaçi, kryetarin e Kuvendit, Kadri Veseli, si dhe kryeministrin Isa Mustafa. Do të vizitojë edhe urën qendrore në Mitrovicë që prej pasluftës ka simbolizuar ndarjen e qytetit që në jug të Ibrit banohet nga shqiptarët e në veri nga serbët.

Midis porosive që ajo pritet t’i lërë në Prishtinë, është zbatimi i të gjitha marrëveshjeve të arritura ndërmjet Kosovës e Serbisë, dhe të ndërmjetësuara nga vetë ajo. Midis tyre është edhe Marrëveshja për Asociacionin e komunave me shumicë serbe, e cila është konfirmuar të jetë jokushtetuese në shumë pika të saj. Veç kësaj, pritet të kërkojë edhe ratifikimin e Marrëveshjes së demarkacionit me Malin e Zi, si një nga dy kushtet e vetme për liberalizim të vizave që i kanë mbetur Kosovës.

Me Haradinajn, Franca po dështon në drejtësi

Harry Bajraktari

Shtyrja e vendimit për herë të dytë për lirimin e liderit të AAK-së, z. Ramush Haradinaj dhe ndalja e tij edhe më tej në Francë nga një gjykatë lokale e Colmarit për shkak të një flet-arresti të Serbisë, lëshuar shumë vite më parë, është e pa drejtë dhe ka ngjyrim politik, një absurd që nuk mund të arsyetohet në asnjë mënyrë.

Ish kryeministri i Kosovës z. Haradinaj ka dalë i pafajshëm nga dy gjykime të gjata në Tribunalin e Hagës dhe ishte i vetmi që u gjykua dy herë për pretendime të krimeve të luftës që nuk i ka bërë.

Pas gjithë kësaj, ai sot po mbahet peng në Francë pa asnjë argument të mundshëm. Është e habitshme sesi drejtësia franceze, e cila ka një demokraci të gjatë, të jetë ndikuar nga farsat e politikës sheveniste serbe, duke pritur gjoja" fakte" shtesë të pa qena dhe të falisifikuara.

E tërë bota e di se krime masive kryen serbët kundër shqiptarëve, e jo luftëtarët e lirisë ndaj civilëve serb. E drejta nuk mund të gjykohet.

Shtetet tona, Kosova dhe Shqipëria, duhet të bëjë shumë më shumë për kthimin e z. Haradinajt në atdhe.

Tendenca për të ndjellë re të zeza në qiellin e trazuar të Kosovës

Ajet Avdyli

Kosova me Ramushin në Francë A do të ja dal Kosova ta mbaj vetën, të përballet me këto probleme të shumta, që besoj shumë se, edhe një shtet si Gjermania e Turqia do ta kishin të vështir të i`a dilnin me këto probleme. Na mbetet të shohim në ditët në vijim, të shohim se ; çfarë do të sjellin këto re të zeza që e kanë mbulue qiellin e Kosovën. Ramush Haradinaj i cili po mbahet padrejtësisht në Kolmar të Francës, me aktakuzë të vitit 2004, të lëshuar nga Sërbija, apo ka diçka tjetër për tej kësaj mbetet të shifet në ditët në vijim, të presim edhe datën 06.04.2017, e të shofim se a do të marrë epilog ky problem që goxha shifet të jetë hijerëndë për Kosovën, duke e parë se jemi në krizë, në rrugëtimin e një identiteti politikë.

Qeveria e Kosovës e institucionet e saja, ishin në rrugë të mbarë drejt kërkesave të tyre për lirimin e Ramush Harandinat, kishte fakte e veprime konkrete të Ministrisë së Drejtësisë, por edhe të Ministrisë së punëve të brendshme, këtë e dëshmoi edhe vllau i Ramushit Dauti në një emision.

 Por përpjekjet institucionale sikur nuk po ja arrijnë ta qetësojnë masën, por edhe disa lider tashmë të kërkuara nga Gjykata Speciale, e cila tani shumë shpejt pritet të filloj me ngritjen e aktakuzave të para. Grat thonë ra kjo dekë e u pamë, rasti Haradinaj në Francë sikur ka nxjerrë probleme të mëdha që priten të lëvizin tani e tutje. Pikrisht dje në Parlamentin e Kosovës kishte disa përfaqësues të dalur nga lufta, nuk e di a kanë qenë të ftuar apo të paftuar, por sigurisht se të ftuar, me që miku i paftur është jo i mirëseardhur.

Tani që shefi i Paralmentit të Kosovës Kadri Veseli që është përgjegjësi kryesor, për drejtimin e Paralementi, por edhe për rregull e qetësi, si duket ka ndrruar mëndje tani, dihet se Vv, me disa përfaqësue të sajë e thanë publikisht se kanë qenë të furnizuar me gazë lotësjellës kryesisht prej tijë, e tani kemi kërcnime të drejtperdrejta edhe ate, duke u ngjitur në foltoren e Kuvendit, të një grupi që kryesisht thirren të jenë përfaqësuesit e shoqatave të dalura nga lufta.

 A është ky një alarm për Bashkimin Evropjan, se Gjykata Speciale mund ta destabilizoj situatën në Kosovë dhe më gjërë, mendoj se po, pikrisht nga Z. Veseli. Kush i pregaditi e kush i orkestroi grupet e perfaqësuesit e dalur nga luft të futen në Paralamentin e Kosovës?, mendoj se kjo pytje kërkon pergjegjje në të ardhmen.

Ne kemi ndëgjuar se, ka kërkesa e zëra në Kosovë, të subjekteve të ndryshme, kryesisht të atyre që po kërkojn « Rishikimin e ligjith mbi Gjykatën Speciale », në këtë temë i gjenë të bashkuar, disa subjekte politike, por edhe disa lider që janë koxha të fuqishëm në institucionet e shtetit të Kosovës.

Mbrëm në emisionin Click të TV 21, Bilall Sherifi e pranoi publikisht se pajtohet me kërkesat e popullit siq e quan ai, për rishikimin e Ligjit per Gjykatën Speciale, por edhe ka një tendencë të hapur për anulimin e të njejtit. Tani po shifet shumë qart se Demarkacioni, Asociacioni, e të gjitha kërkesat e Opozitës dhe një pjese të disa deputetëve të Pozitës, janë kërkesa të sajuara, e nuk u han palla atyre as për kufirin e as për Asociacionin, por qëllimi është te Gjykata Speciale.

AAK, me veprimet e saja po e dëmton rëndë Ramushin në Francë, nuk e di por të gjitha veprimet e liderve të AAK, por edhe të disa partive tjera politike po e dëmtojn shumë Ramush Haradinajn, kryesisht me sjelljet e tyre, me zhurmën, me deklaratat e tyre kunder Francës, me shamatën, me protestat në rrugë dhe shumë marifetllëqe që në një shtet demokratik nuk ndodhin këto gjëra, por u lihen institucioneve të shtetit të bëjnë punën e tyre. Dje vonë morrëm vesh se edhe VV ju ka bashkue protestës të ditës së shtunë, ku do të kërkohet lirimi i Ramush Haradinajt.

Nuk e di, por po më duket se dalja në rrugë e disave tani në këto momentie, nuk bëhet per Ramushin, por qëllimi i tyre është; mbrojtja e vetës së tyre, destabilizimi i Kosovës, tani po shifet qart. AAK po shifet se është një parti, që nuk ka njerëz për të drejtuar me partinë.

Si mund të akuzohet Franca, kur Ramushi është në mbajtje pikrisht në Francë, kur dihet se akoma nuk është punë e kryer. A mund të ndikojn dekleratat e disa liderve të AAK por edhe partive të tjera te proceset që po kalon Ramushi në Francë, besoj se po, nuk do të hasin në veshin e shurdhur. Sikur e kam kryejue pershtypjen se disave nuk ju intereson fare Ramushi, por u intereson diçka tjetër!!!!!

Deri tani ishte problem rasti i Astrit Deharit, tani u hesht nga Albini, u hesht edhe Muri në Mitrovicë me që u rrxue me vendosmërinë e kryeministrit Mustafa, Dardan Molliqaj deklaroi të nesermen se filloi ndertimi i një muri tjeter, u ndal Treni provokues i Sërbisë.

 E tani uroj që sa më parë të marrë epilog rasti Haradinaj, por prap do të kemi kërkesa të tjera, të sajuara sepse tani na janë bërfë perditshmëri të kësaj opozite por edhe të një pjese të pozitës.

A është Ivanovi pro Maqedonisë, apo vetëm antishqiptar?

Islam Fejzullahu 

Nuk i mjafton Ivanovit të shprehë armiqësi kunder popullit shqipëtar shtetformues i republikes së Maqedonisë,sepse shqipëtaret nuk janë fajtor pse Maqedonija është shpikje artificiale si republikë e Titos sapër të permbushur apetitet serbomadhe per kolonizimin e trojeve shqipëtare dhe shkëputjen e tyre nga toka ëmë Ilire-Shqipërija e sotme!

Një fjalë e urtë popullore thot:Nëse dy vetë qe i takon ne rrugë të thonë qenke i dehur(i pitë),ndalu mbahu për banderi sepse diqka nuk është ne rregull me ty?

Ivanovit edhe në një artikull të më hershem për opinion ia patem perkujtuar se ai është president pion i një shteti artificial i formuar ne kohën e Titos me prapavija te rënda dhe qellime serbosllave për ndarjen dhe kolonizimin e trojeve shqipëtare dhe shkëputjen e tyre nga toka ëmë Ilire- Shqipëria e sotme londineze,është pion pikërisht dorë e zgjatur sllavoruse e cila qyshe heret e ka perfitue Gruevskin(ish kryeministrin) dhe pastaj Ivanovi është dashur definitivisht të jet ne sherbim të tij dhe politikës sllavoruse.Sa është ai pro Maqedon në aspektin kombëtar apo intelektual ai gjithëherë e ka deshmuar qe nga zgjedhja e tij ne atë post ne bazë të dekleratave te tij publike te cilat as konsumi i mbrendshem politik e shtetëror nuk i ka përkrah asnjëherë dhe automatikisht pa kalue 24 orëshi ai është tërhjekë nga deklerata te tilla përmes zëdhënsëve të vet,sepse si duket kapaciteti i tij apo diapazoni i tij intelektual është i kufizuar,i manget,i ceket?

Me keqardhje po e them se kohëzgjatjen e tij ne pushtet e kanë ndihmuar ne një menyrë edhe partitë politike shqipëtare si thot një fjalë popullore për të mos dëmtuar kumarinë e tyre me presidentin e vendit.Se a është anti shqipëtar mendoj se as ai vet nuk e din por ket e shef si rrjedhoj e politikës ditore kryesisht të shperndarë pikërisht nga Gruevski i cili ka mbetur jashtë loje per pushtet dhe dihet qka e pret nese bie nga pushteti sepse sllavoruset se mbrojnë dot të xhveshur nga pushteti sepse nuk iu duhet me tej,e për atë qfarë i ka sjellë vendit dhe popullit i kerkohet llogari?

Politika ditore e diktuar nga i tërë spektri nacionalist,hegjemonist e shovenist Maqedon e ka sjellë Maqedoninë ne ket situatë qe tani po perballet me pasoja politike,spikama ehapur e nacionalshovenizmit sllavomaqedon kunder shqipëtarve dhe te drejtave të tyre ka degradue edhe vënë ne pikëpyetje tani egzistencen apo jo të vet shtetit maqedon,por ne një formë edhe lideret shqipëtar i kanë bërë argat asaj politike te cilen do ta vuajnë edhe ata vet por ma teper populli sepse popullin e kanë perqa e shpartallue per interesa partiake vet lideret shqipëtar?

Se qfar ofron BE per Maqedoninë nete ardhmen sigurisht se jo ndonjë shperblim apo perkrahje jo pse ata eksponohen hapur qe nga presidenti e deri edhe teka ta cullaket mbeturina antishqipëtar,por sepse BE është deklaruar se nuk deshiron ndarje të reja dhe kufij të ri në ballkan.Mendoj se lideret shqipëtar po e viktimizojnë fillimisht popullin (elektoratin e vet shqipëtar dhe të tjerë) e pastaj edhe veten e vet duke i shkuar për shtati planit sllavorus ( perqaj e sundo-copto) sikur edhe Millosheviqi ne kohen e tij ne Kosovë.Do duhej qe ata pikërisht të jen unik ne keto zgjedhje qe i paten dhe te ken orijentim të perbashket me te vetmen alternativë të drejtata dhe liritë e popullit shqipëtar ne maqedoni siq janë arsimi,shëndetësija gjuha zhvillimi prosperiteti i tij,punësimi i përpjestuar i garantuar me kushtetutë e shum tjera,por si duket i ka kap edhe ata lakmija shum e madhe sikurse edhe lideret politik Kosovar per pushtet?

Tani si të veprojnë keta lider:Të heshtin para botes qe hapur sulmohen nga falangat sllavoruse te percjellura ne opinion nga Ivanovet,Gruevskat e Mialkovat e tjerë te cilet urrejtjen e shendrrojnë ne retorike politike per kapje të pushtetit gjoja se po mbrojnë kauzen shtetrore?Po sikur neser te deshmohen shqipëtaret dhe te perkrahen per ti ikur shtetformimit të Maqedonisë sikur edhe po kerkojnë sllavomaqedonet,ata e dijnë shum mirë se Maqedonija nuk do të ekzistoj ma tej.Mendoj se lideret politik shqipëtar të bashkohen dhe ti qasen politikes proeuropiane dhe kombëtare dhe te hejkin nga mendja lakminë per pushtet te jenë të sinqert para popullit te gjithë, ekanë një shembull të paster ne trojet tona mbarë shqipëtare,një kryetar komune siq është i nderuari dhe shum i respektuari Rufki Suma,kryetari i komunës së Hanit të Elezit, i pavarur A partiak me një qellim të caktuar:Qlirimi i Kosovës dhe zhvillimi i sajë! Fatkeqësisht edhe ai shum pak gëzon perkrahjen e institucioneve të Kosoves por me forcat e veta dhe te popullit po ia del,prandaj te gjithë lideret politik nete gjitha trojet etnike mendoj se kjo kohë deshmon qe iu duhet uniteti A partiak si bazë parimore shtetin dhe kombin

Heshtja, zoti Rama, për ju si Kryeministër i Shqipërisë, është “Kapak floriri”

Nga Beqir Sina

Shqiptarët, sot kan shumë halle dhe probleme të tjera, bile shumë më të rëndësishme se urimet dhe faleminderimet, e tua, mbasi :"Jeni i vetmi Kryeministër dhe i vetmi politikan në botë, që 4 muaj mbas zgjedhjes së Presidenti të SHBA, merresh ende me urime dhe faleminderime......!"
Besojë, se nuk ka shqiptarë në botë, të mos i gëzohet këtij mesazhi - dhe është i pritur dhe dihej se do të bëhej, heret ose vonë, nga Presideit i 45 -të i SHBA, Donald J. Trump.

Që, megjithse, është një praktik zyrtare, një rutinë e ndjekur nga Shtëpia e Bardhë, dhe u shpërndahet të gjithë, Prisedenteve, Kryeministërave, Mbretërve dhe udhëheqësve të lart, nëpër botë, që i kan dërguar një urim Presidentit të ri të Shteteve të Bashkuara të Amerikës, në zgjedhjen e tij.

Në se u kujtohet, zgjedhja e Presidentit Barak Obama, në 2008, dhë mënyra se si u përgjegjë, ish Presidenti i Venezuelës, i ndjeri Hygo Chavez, dhe, në se do ti paralelizonim ato, ajo është identike më këtë të Kryeministrit të Shqipërisë, Edi Rama, dhe ndoshta më e rëndë.

Pra, çfarë tha Hugo Chavez për Obamën, dhe më pas Obama, jo vetëm që e faleminderojë, për urimin e tij - por ata u takuan të dy, në një takim me liderit e Amerikës së Jugut, kohën kur u zgjodhë Presidenti Obama, dhe, ai me shumë diplomaci dhe kortezi, pranojë edhe peshqeshin e “armikut” të perbetuar tê SHBA, një libër….ky me nëshkrimin e tij.

Ngjarja, bëri bujë të madhe, jo vetëm në SHBA, por në mbarë botën, se “Hugo Chavez, dikur i hedhur në sulme të ashpëra anti Amerikane, dhe duke e quajtur SHBA - "Imperializmi Amerikan rrezik për gjithë Botën", i pari dhe i forti Venezuelës, erdhi duke “zbutur” tonin, dhe duke u bërë i “dashur e miqësor” me një dhuratë, për Presidentin e ri në Shtëpinë e Bardhë, Barack Obama”. Duke u bër nga "ujk" në 'dele"!

Chavez, madje i kishte paraqitur si dhurat Presidentit të SHBA, Barack Obama, një kopje të një libri të titulluar, "Venat e hapura të Amerikës Latine: Pesë Shekujt e plaçkitjes së një Kontinenti", pasi të dy presidentët, u takuan mjaft miqësisht në Samitin vjetor të Amerikave në Trinidad dhe Tobago.

Libri, u tha se është quajtur si “traktat” i shënimeve të një gazetari të famshëm uruguajan -Eduardo Galeano, dhe tregon mbi shfrytëzimin e jashtme të rajonit, nga SHBA.
Chavez, tha se ai vet e nënshkroi atë, me shenimin: "Për Obamën, me një faleminderim dhe miqësi të ngrohtë".

Megjithse, ai :”Është, një libër i jashtëzakonshëm, që e ka ndihmuar të kuptoj Amerikën Latine, kur Chavez, ishte i ri, me historin e Kontinetit, dhe realitetin e tyre", Chavez, mesa duket i dha Obamës, një kopje të librit në spanjisht - një gjuhë, që ai nuk flet, per të treguar pak diplomaci, si ndodh në raste të tilla me politikanët e mëdhenjë - burrshtetasit, liderit boteror.

Marrëdhëniet e SHBA-Venezuelës, dihet se kanë qenë të tendosura, her te mira dhe her te veshtira, prej se kur një lider Marksist Leninist si Hugo Chavez, erdhi në krye të vendit, ato u perkeqesuan edhe me shume,sidoms, kur Chavez, tha se “George W. Bush, është Satanit- Djall”, në një fjalim në Kombet e Bashkuara, sapo Hugo Chavez fitoi zgjedhjet ne vendin e tij.

Ndërkohë, që ai e quajti më pasë Obamën, kur ai ishte kandidat, për t’u bër President, një "Injorant të varfër.”

Ose, kur Barack Obama, erdhi në Shtëpinë e Bardhë, i ndjeri Presidenti Chavez, ka thënë për Obamën, se : ”Ju jeni një turp për të gjithë njerëzit Zi" - "Chavez i Venezuelës, e ka quajtur Obamën" Injorant "dhe një" turp për Amerikën "“- Hugo Chávez, ishte ai që sulmoi presidentin Barack Obama, si një" Klloun, i cili i kishte kthyer Shtetet e Bashkuara në një "katastrofë", pasi Obama, kritikoi lidhjet Venezuelës me Iranin dhe Kubën.

Por, çfarë ndodhi, deri sa Hugo Chavez, vdiq nga një sëmundje e rëndë, :“Marrëdhëniet, e tyre, instutucionale kan qënë, në çdo takim shumë “miqësore”, me më shumë buzëqeshje, dhe shume shtrëngime duarsh", kështu të paktën ka deklaruar, edhe ish zëdhënsi i Obamës, Summers.

Kurse, komentaorët dhe analistët politik , por edhe vetë politikanët, ka thënë se :“Personalitetet e larta politike, dhe udhëheqësit e mëdhënjë, burrështetasit, liderit botëror janë ata : “Që dinë të lënë mënjanë,”amiqësit”, mes tyre dhe të tregohen politikan, duke e bërë atë në më të mirën e vendeve të tyre”.

Por, a është dhe a diti Kryeministri i Shqipërisë Edi Rama, të tregojë, dhe të bëj fare pak pak veten, në këtë rast, si një :” Personalitetet i lartë politikë, Kryeministri i një vendi, apo si edhe udhëheqësit e mëdhënjë, burrështetasit, liderit botëror, mbasi atij po i thon në Tiranë, edhe “Lider i Ballkanit”, ashtu si e “fryjnë” zëdhënsit e tij( shtypi partizan i Ramës në Tiranë, ai militant), dhe disa analistë në Shqipëri e Kosovë.

Ngaqë, Jo! mendojë se Kryeministri i Shqipërisë, as sot ai nuk duhej ta publikonte atë mesazh elektronik., sepse :"Shqiptarët, sot kan shumë halle dhe probleme të tjera, bile shumë më të rëndësishme se urimet dhe faleminderimet, e tua, mbasi :"Jeni i vetmi Kryeministër dhe i vetmi politikan në botë, që 4 muaj mbas zgjedhjes së Presidenti të SHBA, merresh ende me urime dhe faleminderime......!"

Por, edhe Jo! se nuk është mirë për të treguar se miqësia dhe lidhja e Shqipërisë - e popullit shqiptar me SHBA, popullin Amerikan,egzitojne dhe janë shumë të mira - dhe më të mirat në historinë e tyre!?

Por se : “Kryeminstri i Shqipërisë, Edi Rama, duhej të tregohej pak diplomat dhe pak politikan, dhe jo ta “nxirrte” këtë mesazh elektronik, të Presidentit të 45-të, të SHBA, Donald J. Trump, mbasi, po me vones “TemA dhe Top Chanel” - Mero Baze dhe Sokol Balla, i zbuluan atij të parët, mesazhin e urimit të dërguar prej tij, para dias javeve.
Dhe, më keq, që vet Rama, në llogarinë e tij në rrjetin social Fb, tani në kohë fushate, dhe pikërisht kur dje tek e ashtuquajtura “Çadra e Lirisë”, ishte me mesazhe të forta i pranishëm në çadrën e protestës së opozitës , edhe Jason Emert, i cili është kryetari i Bashkimit të Forumeve Rinore të partive të Djathta si dhe Sekretar i Pergjithshem i Forumit Rinor Republikan në ShBA, dhe anëtar kabineti i Presidentit Trump.

Kryeministri i Shqipërisë, Edi Rama, pra tani nga që dha ato deklerata, dhe ai është po ai që po u “mburret” demokratëve dhe opozites, eshte po ai që po u “kundërvihet” atyre, duke bërë edhe fushat, me Shtepine e Bardhe, duek shfrytezuar urimet e faleminderimet e tija.

Saqë, nuk duhet ti besosh syve dhe mremorjes,”Sepse, a nuk është, ai pikërisht, që kur gjithë bota, ia urojë zgjedhjen e Presidentit SHBA, në kohë dhe momentin e duhur, dhe Kryeministri i Shqiperise, nuk e bëri atë, deri sa opozita e ngriti zerin e saj në Parlament, me pyetjen “si mundet që Kryeministri Rama, nuk po i dërgonte një mesazh zyrtar urimi në emër të Qeverisë të Shqipërisë, Presidentit Trump”.

Por, Edi Rama, i shquar me mëndjen e tij, sjellet si “arbitërare” si “arrogante” si “mospërfillëse" si Kryeministër, që ka injoruar të gjithë ata që mendojnë jo si ai.
“Jo vetëm në këtë rast, por disa her prej kur është bër Kryeministër, heren e parë zgjodhi gazetarët dhe medien afër tij, që të dalin ataTemaA, Top Chanel, me lajmin se "zbuluan” letërn e Ramës, për Presidentin Donald Trump, për të treguar veten sa se është “krenar”, dhe jo i “penduar” sado pak, që kishte bërë një gabim shumë të madh në politik…..që edhe mund t’i “kushtonte” karjeren e tij në politik, por në asnjë mënyrë marredheniet me Shtetet e Bashkuara të Amerikës.

Sepse, Edi Rama, ishte ai, i cili ka deklaruar se nëse Donald Trump, do të zgjidhet President i Shteteve të Bashkuara të Amerikës, Shqipëria, do të prishë marrëdhëniet, që ka me SHBA , pasi ai është kërcënim për vetë SHBA-të dhe marrëdhënien e Shqipërisë me to, dhe se, “Trump është fatkeqësi për SHBA-në”.

“Mos e dashtë Zoti që Amerika ta zgjedhë Trump për president”. Ai ka thënë se nëse ndodh që Trump, të zgjidhet si i pari i SHBA-së, atëherë do të përkeqë-soheshin marrëdhëniet diplomatike, mes shqiptarëve dhe amerikanëve. -

Mirëpo, si do të shohësh dhe ti bësh një “këndëshikim” këtij mesazhi elektronik presidencial të Shtëpisë së Bardhë, sot je apo nuk je, me Edi Ramën, “Mesazhi i Trump, është shumë domethënës, dhe, më e pakta per vet zotin Rama, që gjej kohe dhe menyre të reflektojë në heshtje, të shtrëngojë, neser publikisht doren me Presidentin e SHBA, dhe të buzëqesh dhe të jet miqësor” sikur nuk ka ndodhur asgje, ashtu si dhe besojë dhe se vë në dyshim që është ai vet me SHBA, "por ja që gabimet politike janë gabime…"

Rama, nuk është as i pari dhe as i fundit që bën gabime të tilla, me Donald Trump, por të tjeret, jane nga të medhenjet e vendeve dhe politikes dhe dine, ti mbyllin keto gjera me Ameriken.

Sakaq, askush nuk ka pse të personalizojë, ose bëjë “pronë” të tij, lidhjet dhe marrdhënjet tona me Washingtonin, SHBA dhe popullin Amerikan, ose, të ngrej dhe të bëj fushat mbi qëndrimet personale dhe miqësit e Amerikanëve, me shqiptarët qoftë edhe në nivel shtetror e institucional, nuk ka të drejt dhe nuk duhet të shfrytëzojë, raste të tilla dhe takime, as pozita as opozita, dhe as kushdo qoftë, si në Shqiperi, Kosovë, e trojet shqiptare.

Sepse, të gjithë e dimë dhe jemi kontribues, së bashku me udhëheqësit tanë, politikanët, dhe përfaqësuesit tanë, në Shqipëri, Kosovë, e trojet shqiptare, duke mos përjashtuar në mënyrë të veçantë, shqiptarët e Amerikës, të cilët, jan ata që jo vetëm se i kan mbajtur gjallë, kur për 50 vjet regjimi i Enver Hoxhës, i prishi lidhjet dhe marrëdhëniet më Amerikën, por, edhe sot ku i kan çuar ato, deri aty ne kulmin e tyre, sa që:“Marrëdhëniet e SHBA, me Shqipërinë, Kosovën dhe Shqiptarët, kudo që jan, të jenë të shkëlqyera dhe më të mirat në historë e tyre”

Por, Kryeministrit të Shqipërisë, Edi Rama( ska përse ti bjer hunda), dhe më parë se shkruante këto dy rreshta, “Faleminderimi drejtuar Presidentit Trump”, për mesazhin e tij të ngrohtë, dhe të mbetej i sinqert me Shtëpinë e Bardhë, dhe Presidentin Donald Trump, dhe gjithë shqiptarët, le të tregonte në mënyrë pak më diplomatike, tamam si ndonjë personalitet dhe burrështetas, se përse e bëri ato deklerata me “insistim”, me gjithse, ai e pa se përse po i “tërhiqej vrejtja” nga gazetarët - kurse ai me “fodullek” tha se “ Unë jam ky që jam”.

Pra, para se të bëhej President Donald Trump, dhe ishte kandidat me Hillary Clinton, Rama, ishte ai që kishte marr “guximin”, dhe u tha të gjithë shqiptarëve, dhe nëpërmjet CNN dhe NYT, të gjithë ndërkombëtarve, dhe po ai vet e argumentojë se përse, i bëri ato deklerata, që në asnjë mënyrë s’duhet të bënte, tani pse Jo!.

Pavarësisht, se kush i besojë, dhe kush nuk i besojë Ramës, Kush e “duartrokiti” dhe i thoshte i “Madh je! Lider i madh i Ballkanit”, Ramës, apo kush e sulmoi rëndë, ato tani i përkasin së “kaluarës”. Ngase, ato jan komentuar e stër-komentuar, deri sa kan kaluar edhe kufijtë e komenteve,dhe jan "pllak e mbyllyr gramafonit"...!

Mbasi edhe vet Mesazhi i Shtëpisë së Bardhë - Presidentit Donald Trump, sot i mbyllte të gjitha, për të i treguar Ramës, se me dekleratat e politikanve, duhet ber më shumë diplomaci, pavarësisht se je politikan, i një vendi t? vogël apo të madh, a kan të bëjnë deklerata të tilla më lidhjet e SHBA, dhe Presidentin e saj, Mesazhi, sot është për të filluar, një erë e re në vetkuptimin Kryeminsitrit Rama, me Presidentit e SHBA, Donald Trump, dhe Rama, të bëhet një her “politikan”.

Dhe aspak që tani Kryeministri Edi Rama, të dalë e të “mburret”, dhe të kërkojë me këtë rast, që ta “hedh gurin” më larg, dhe të nisë e të bëjë një fushat, gjë, që nuk është aspak , e sinqert , politike, apo diplomatike, si do ta shikojnë të gjithë pozitë dhe opozitë.

Do të ishte më mirë, që këtë mesazh, nga :”Presidentii Donald Trump, që i ka shkruar Ramës - mesazhin e tij të ngrohtë ku shkruhet :
“I dashur Kryeministër,

Unë e mirëpres ngrohtësisht mesazhin tuaj të urimit për betimin tim si President i Shteteve të Bashkuara dhe e vlerësoj lart mendimin, mbështetjen e inkurajimin tuaj.

Ne kemi përpara sfida të cilat jam i bindur se do t’i kapërcejmë, mbi themelet e përbashkëta dhe në partneritet me njëri-tjetrin. Ne po ashtu kemi mundësira të jashtëzakonshme për përparimin e qëllimeve që ndajmë, për promovimin e stabilitetit global e për arritjen e paqes e të prosperitetit. Sinqerisht i Juaji, Donald J.Trump”, ta mbante në protokollet e Kryeministrisë.

Urimi i Edi Ramës, dhe faleminderimi i tij, për Presidentin e SHBA, Donald Trump, të gjithë e din se jo vetëm jan të vona, por tani tregojnë se Edi Ramën nuk eshte aspak politikan, dhe se ai po bie nga një “gabim”, në nji “gabimin” tjetër, sikur këta Amerikanët të mos jenë politikan, dhe të mos i kuptojnë udhëheqësit e botës, dhe politiken e botes.

Heshtja, për ato deklerata dhe qëndrime, qe ishin të “pa-përrgjegjëshëme” dhe jo reale, që ndoshta nuk jan as të vet Kryeministrit të Shqipërisë, Edi Rama, të bëra në fushatën Presidenciale 2016, kundrejt ish kanditatit Republikan për President të SHBA, Donald J. Trump, dhe perkrahje ndaj mikes së madhe të Shqiptarve, ish kanditates Demokrate Hillary Clinton, dhe jo një her,…. por në mënyrë të ripërsëritur, deri sa kulmojë në CNN - veçse dy javë më parë se Donald Trump, si për “inat” dhe shpërfytyruar vet “politikanin’ Kryeministrin e Shqiperise Edi Rama, do të ishte mire tani mbasi Daonald Trump është President i SHBA( i mire apo i keq per Amerikanet) si i thonë shqip, të heshtë Rama, se edhe “ Heshtja, është Kapak floriri”.

Sepse, ai nuk është dasht ti bëj ato deklerata dhe mbaj ato qendrime me Presidentin e SHBA, cilido qoftë ai, dhe se tani ska përse të tregojë me kaq të madhe se ka bër një urim dhe një faleminderim, ka plot kohë që me Donald Turmp, Rama të takohet dhe ta shprehi miqësin dhe lidhjet…

Racizmi i Ivanovit, izolon Maqedoninë nga BE-ja, nga NATO-ja dhe nga Amerika!

Prof.dr.Mehdi Hysen

Barometri diplomatik

*** 

Fashistët, racistët, ekstremistët dhe terroristët nuk kanë vend as në Amerikë, as në BE e as në NATO! Këtë të vërtetë, duhet ta mbajnë parasysh si Ivanovi, si Gruevski, si Zaevi, si Ahmeti, si dhe të gjithë shtetasit e tjerë në Maqedoni dhe kudo tjetër në Ballkan. Për Maqedoninë nuk do të ketë NATO, as BE e as Amerikë, duke shtypur dhe mohuar lirinë dhe të drejtat historike dhe legjitime të shqiptarëve (1945-2017).

*** Pa shqiptarë të barabnartë me sllavomaqedonët nuk mund të ketë Maqedoni multietnike, pluraliste evropiane demokratike e as amerikane, por vetëm incidente, konflikte, krizë dhe paqëndrueshmëri të vazhdueshme deri në zhbërjen përfundimtare të saj.

Këtë, me të drejtë e ka pohuar edhe kryeministri aktual i qeverisë së Republikës së Shqipërisë, Edi Rama: “ Zotëri Ivanov, gjuha shqipe nuk është gjuhë e armikut, por e kombit shtetformues të Maqedonisë. Pa shqiptarët nuk ka Maqedoni i dashur president”. (http://flaka.info/sq/rama-mesazh-ivanovit-pa-shqiptaret-nuk-ka-maqedoni-i-dashur-president/).

Prandaj, Ivanovët, Gruevskit dhe Zaevët, duhet ta mbajnë parasysh faktin se, pa njohjen e plotë të të gjitha të drejtave të shqiptarëve, nuk do të kenë kurrfarë gjase reale, që të integrohen në NATO, në BE, e as të kenë marrëdhënie të mira me Shtetet e Bashkuara të Amerikës.

Presidenti Ivanov, të mos ndjekë rrugën dhe shembullin nacional-scialist dhe fashist të Slobodan Milosheviqit!

-Sepse thirrja e sllavomaqedonëve në këmbë për t’i sulmuar shqiptarët dhe për t’u mohuar gjuhën shqipe kinëse në emër të mbrojtjes së Kushtetutës dhe të sovranitetit të Maqedonisë, është kopje origjinale e politikës çetnike fashistoide dhe raciste e Slobodan Milosheviqit, i cili përmes organizimit dhe mbajtjes së mitingjeve populiste serbe që nga Kosova deri në Kroaci gjoja në emër të mbrojtjes së interitetit të Jugosllavisë së Titos, ishin gënjeshtër, manipulim dhe mashtrim sui generis, sepse prapavija e tyre, emërues të përbashkët kishte ushtrimin e gjenocidit mbi popullin kroat, mbi mysliman boshnjak dhe mbi popullin shqiptar në Kosovë, me qëllim të zgjerimit të kufijve territorial të Serbisë së Madhe të Ilia Garashaninit (1844) në kurriz të territoreve të huaja (kroate, myslimane boshnjake dhe shqiptare).

-Vetëm Hitleri, Musolini dhe Milosheviqi urrenin, vrsinin dhe shfarosnin popuj të racave, të etnive, të kulturave dhe të religjioneve të ndryshme, me qëllim që t’i pushtonin dhe shfarosnin dhe t’i tjetërsonin tokat, identitetin, të drejtat dhe liritë e tyre.

Mirëpo, ajo “matemaikë” e fashiszmit dhe e racizmit të tyre me të drejtë u ndëshkua nga Koalicioni Antifashist Antihitlerian me Amerikën dhe me Bashkimin Sovjetik në krye. Ndërkaq, Slobodan Milosheviqi (1999) u ndëshkua, po ashtu, nga Amerika dhe nga aleatët e saj evro-perëndimorë (NATO dhe BE-ja) për tri (3) gjenocidet e tij në ish-hapësirat e Jugosllavisë (Kroaci, Bosnjë dhe Kosovë).

Prandaj, presidenti i Maqedonisë, Gjorgji Ivanov nuk duhet ta ndjekë shembullin shovinist, fashist dhe racist të Musolinit, të Hitlerit dhe të Milosheviqit kundër shqiptarëve dhe gjuhës shqipe, sepse ajo rrugë, tanimë, u provua e gabueshme dhe fataliste (1990-1999), jo vetëm për viktimat e shkaktuara të pafajshme të 3 gjenocideve të Serbisë, por edhe për vetë serbët, sepse asgjë nuk kanë fituar veç turpërimit, urrjetjes, aversionit dhe përçmimit në sy të botës, si dhe rrudhjes dhe izolimit në kufijtë e dikurshëm të Pashallukut të Beogradit.

Nëse presidenti Gjorgji Ivanov nuk e do gjuhën zyrtare shqipe dhe shqiptarët e as NDRYSHIMIN e Kushtetutës, atëherë e do ndarjen-Republikën e Iliridës, secili në shtëpinë e vet.Kjo do të ishte zgjidhja më e drejtë dhe më racionale si për shqiptarët, ashtu edhe për sllavomaqedonët. Mirëpo, meqë Evropa po kërkon dhe po mbështet një Maqedoni multietnike dhe pluraliste, atëherë, Ivanov, duhe t’u bindet sugjerimeve dhe ndërhyrjes qëllimmirë të BE-së, në mënyrë që të zgjidhet kriza institucionale dhe të shmanget shpërthimi i konflitkit të armatosur ndëretnik, që pa dyshim, do të çonte në copëtimin e Maqedonisë.

Mirëpo, klasa politike shqiptare me kërkesat e saj nuk po kërkon ndarjen e Maqedonisë së Titos, por po kërkon minimumin e minimumit, kompromis politik reciprok, koekzistnecë me sllavomaqedonë në një shtet të përbashkët, por vetëm të barabrtë me ta, si element shtetformues. Kjo është formula më e kapshme dhe më e pranueshme për palën sllavomaqedone për ta rujatur pushtetin e tyre nën “ombrellën” e Maqedonisë së Titos. -Vërtet, vetëm në këtë mënyrë, do të kultivohej dhe jetësohej “parulla” e përbashkësisë multietnike dhe pluraliste në atë Maqedoni të brishtë dhe të pakuptimtë për interesat jetike të shqiptarëve, të cilët, sipas Kushtetutës së racistit dhe shovenistit Ivanvon, janë minoritet-qytetarë të rendit të dytë, ashtu sikurse dikur në kohën e regjimit komunist të Jugosllavisë së Titos (1945-1991).

Kërkesa e palës shqiptare është minimale-barazimi ligjor dhe kushtetues me sllavomaqedonët dhe me maqedonishten zyrtare!

Kjo është garancia e vetme për të mbijetuar Republika multietnike e Maqedonisë, si dhe realizimi i ëndrrave të saj për t’u integruar në NATO dhe në BE.

Pra, o të barabartë me statusin kushtetues të maqedonëve, o secili në shtëpinë e vet! Nuk ekziston tjetër opsion politik dhe kushtetues për zgjidhjen e konfliktit ndëretnik në Maqedoni. Këtë e kam pohuar dhe shkruar që nga vitit 2001, kur doli në skenë Ushtria Çlirimtare Kombëtare(UÇK).

Mirëpo, që atëherë, e, edhe sot, një zgjidhije e tillë nuk është arritur, edhe për fajin e qeverisë sllavomaqedone, edhe për fajin e partive politike shqiptare në pushtet (PD dhe BDI) për shkak se flertonin dhe manipulonin me Marrëveshjen e Ohrit ( 13.08.2003) gjoja se ajo ishte zgjidhja më oportune e problemit ndëretnik shqiptaro-maqedon. Mirëpo, ipso facto ajo pati vetëm efektin pozitiv të përmbylljes së konfliktit të armatosur. Asgjë tjetër.

Këtë e dëshmoi edhe koha e pastajme (2003-2017) e marrëdhënieve të këqia dhe konfliktuoze mes shqiptarëve dhe qeverisë sllavomaqedone, e cila plot 14 vjet nuk pranoi që të ndryshonte Kushtetutën e vitit 1991, në mënyrë që edhe shqiptarët sikurse maqedonët të ishin të barabartë si element shtetformues, duke qenë se janë komb, jo minoritet, ashtu si i sannksionoi juridikisht kjo Kushtetutë diskriminuese antishqiptare.

Jo shqiptarët, por vetë presidenti i Republikës së Maqedonisë, Gjorgji Ivanov, do të duhej të kërkonte ndryshimin e Kushtetutës, ku do të përfshinte edhe shqiptarët si komb dhe shtetas të barabartë me maqedonët, sepse vetëm në këtë mënyrë, mund të ruhet kjo Maqedoni-ngrehinë artificiale e Jugosllavisë së Titos (1945-1991).

Ndryshe, çdo opsion tjetër politik (me shiptarët si minoritet jashtë Kushtetutës së Maqedonisë), do të përshpejtonte copëtimin e Maqedonisë së Titos. Në thelb, kjo zgjidhje (ndarja), do të ishte në favorin e kërkesës së drejtë dhe legjitime të shqiptarëve, që të formonin shtetin e tyre Iliridën, sepse çdo kompromis tjetër politik me palën sllavomaqedone, është vetëm përmbushje e kërkesës minimale të palës shqiptare në favorin e ruajtjes së Republikës sllavomaqedone të Titos. Pra, në afat të gjatë, kjo nuk mund të quhet zgjidhje e drejtë përfundimtare për të dy palët, por vetëm një lloj “ngrirjeje” e përkohshme e problemit të pazgjidhur ndëretnik. Asgjë më tepër, sepse pa njohjen e së drejtës së vetëvendosjes së plotë, shqiptarët në Maqedoni, do të jenë vetëm “një lodër” dhe një dekor i dëshirueshëm dhe i justifikueshëm i politikës shtypëse dhe të aparteidit të pushtetit sllavomaqedon.

Pala shqiptare, asnjë koncesion politik Ivanovit dhe Gruevskit!

Përfaqësuesit e partitve politike shqiptare, që kanë fituar votat në zgjedhjet parlamentare të fundit, duhet të jenë këmbëngulës në përmubushjen e kërkesave të parashtruara të Platformës së tyre strategjike, O NDRYSHIM TE KUSHTETUTËS ( shqiptarët të barabartë, si komb dhe si shtetas me sllavomaqedonët), o NDARJE-SHTET ME VETE!

-Çdo kompromis tjetër i keq, do të jetë në dobi të sllavomaqedonëve dhe të bishtave e larove të tyre shqipfolës.

Ivanovi t’i pranojë kërkesat e drejta të shqiptarëve dhe instruksionet e Federica Mogherinit (prëfaqësuese e lartë e politikës së jashtme dhe e sigurisë së BE-së), që ta ruajë Maqedoninë multietnike, e cila po pretedon të hyjë në NATO dhe në BE. Ndryshe, presidentit Gjorgji Ivanov nuk i mbetet tjetër veçse të vete në Bullgari ose në Serbi, nëse gjuha zyrtare shqipe ia verbon sytë! Mirëpo, shqiptarët autoktonë nuk kanë ku të shkojnë jashtë Iliridës së Shqipërisë Etnike!

Nëse Ivanovi dëshiron që edhe më tej, të jetë president i Maqedonisë së Titos, Ai, para të gjithë liderëve politikë sllavomaqedonë (Gruevski dhe Zaev), do të duhej të propozonte dhe të votonte për NDRYSHIMIN e Kushtetutës, ku edhe shqiptarët, ashtu sikurse sllavomaqedonët, do t’i realizonin të drejtat dhe liritë e tyre politike, juridike dhe kushtetuese.

Ky do të ishte shpëtimi i përkohshëm i Maqedonisë së Titos, ndryshe s’ka opsion tjetër veç ndarjes së Maqedonisë në dy shtete të pavarura.

Mirëpo, në këtë rast, do të rrezikoheshin interesat strategjike të axhendës së integrimit të BE-së dhe të NATO-s në Ballkan.

Prandaj, në interesin naconal dhe shtetëror të Maqedonisë, do të ishte që presidenti Gjorgji Ivanov të rishqyrtonte vendimin e tij të gabuar, që Zoran Zaevit, kryeliderit të LSDM-së, t’ia besonte mandatin ligjor dhe kushtetues për formin e qeverisë, i cili në zgjedhjet parlamentare ka fituar shumicën parlamentare të votave, jo të deklarohej kundër Zaevit, se gjoja “ Platforma e tij politike është në funksion të shembjes së shtetësisë dhe të sovranitetit unitar të Maqedonisë”.

Ky konstatim i presidentit maqedonas, është gënjeshtër dhe manipulim sui generis, sepse është në kundërshtim flagrant me Kushtetutën në fuqi (1991), sipas së cilës, është i detyruar, që të përfill rezultatin e dalë nga zgjedhjet parlamentare në Maqedoni (11 dhjetor 2016), të cilat i ka fituar LSDM-ja e Zoran Zaevit.