Më urtësi dhe diplomaci Kryeministri i Kosovës Akademik Prof.Dr.Isa Mustafa mbrëmë i përgjigjet çetnikut serb Aleksandër Vuçiqit në Sarajevë

Kryeministri i Serbisë, Aleksandër Vuçiq ka thënë nga Samiti i Kryeministrave të Ballkanit Perëndimor që po mbahet në Saravejë se ky samit do të sjell një deklarim tjetër, por se ka thënë se ka frikë se pas tij do të shpërthejnë grindjet dhe konfliktet.

Vuçiq gjatë një fjalimit ka thënë se nuk do t’i ftonte të gjitha vendet që janë të pranishme në këtë samit, kjo sepse ai do kështu, shkruan Tanjug.

Pasi Mustafa atje po merr pjesë si përfaqësues i shtetit të Kosovës dhe që nuk ka simbole si flamuri i Kosovës, Vuçiq ka thënë se nuk dëshiron të flas për “vende” të tjera.

Ai u ka kërkuar vendeve pjesëmarrëse se të jenë më sensitiv ndaj Serbisë.

Liderët e rajonit u mblodhën në Sarajevë në një Samit, por darka e organizuar është shoqëruar nga tensione, madje thuhet se ka pasur edhe një incident.

Në darkën ku ishte i ftuar kryeministri Edi Rama, homologu i tij nga Kosova, Isa Mustafa dhe ai serb, Aleksandar Vuçiç, ka pasur një përplasje mes këtyre të fundit.

“Përplasje e ashpër në Sarajevë. Vuçiç sulmon kryeministrin kosovar në restorant. Darkë në prag të një incidenti: Përse po plaçkisni pronat serbe,” është titulli i gazetës kroate, Jutarnji List.

“Takimi mes kryeministrave Vuçiç, Mustafa dhe Rama është i pari i këtij lloji pas tensionit të ndjeshëm të marrëdhënieve mes Serbisë dhe Kroacisë,” shkruan faqja kroate.

Index shkruan se “Vuçiç i ulëriu kryeministrit kosovar”.

Sipas shkrimit, atmosfera ka qenë e tensionuar, e pakëndshme, aq sa dukej se pjesëmarrësit do e linin restorantin shumë shpejt.

Sipas Tanjug, Vuçiç i ka kërkuar Mustafës që të shpjegojë vendimin për sekuestrimin e pronave serbe në Kosovë.

“E ke marrë vetë vendimin apo me miratimin e dikujt tjetër,” ka thënë Vuçiç.

Në Sarajevë po zhvillohet samiti i kryeministrave të Ballkanit Perëndimor.

Mikpritës është Denis Zvizdiç, kryetar i Këshillit të Ministrave në Bosnje-Hercegovinë.


Lexo të radhës
Vuçiq u frikësohet grindjeve dhe konflikteve me MustafënMinistri Demolli priti në një takim ambasadorin e Kanadasë në Kosovë11 të burgosur në Dubravë tentuan të vetëvritenFJALË KYÇEMUSTAFAVUCICDARKARESTORANTIN


Çështja e regjistrimit të pronave të RSFJ-së si prona të Kosovës ka nxitur tensione gjatë një darke në Sarajevë ku protagonistë kanë qenë Isa Mustafa dhe Aleksandar Vuçiq.

Në tavolinë me ta ka qenë edhe kryeministri Rama dhe kryesuesi i Presidencës boshnjake si nikoqir. Kryeministri serb, Aleksandar Vuçiq, ka ngritur tonet derisa ka debatuar me homologun e tij kosovar, Isa Mustafa. Por, si i është përgjigjur Mustafa Vuçiqit, media sjell detaje...

Zyrtarë të Qeverisë së Kosovës, që po e shoqërojnë kryeministrin Akademik Prof.Dr.Isa Mustafa në Samitin e Kryeministrave të Ballkanit Perëndimor, që po mbahet në Sarajevë, kanë konfirmuar se Aleksandar Vuçiq ka ngritur tonet gjatë të mërkurës mbrëma gjatë një darke në një restorant të kryeqytetit boshnjak.

Në tavolinë përveç Akademik  Prof.Dr.Isa  Mustafës dhe  çetnikut serb Aleksandër Vuçiqit, në restorantin "Libertas" kanë qenë të ulur dhe kryeministri Edi Rama dhe kryesuesi i Presidencës Boshnjake.

Çetniku Aleksandër Vuçiq është çartur për shkak të vendimit të Isa  Mustafës që të gjitha pronat e Serbisë dhe RSFJ-së të regjistrohen si të Kosovës. Isa Mustafa këtë vendim e ka marrë një ditë para se të shkonte në Sarajevë.

Por çfarë ka ndodhur në restorant?

Sipas zyrtarëve të Kosovës, të pranishëm në Sarajevë, Isa Mustafa i është përgjigjur toneve tensionuese të  Aleksandër Vuçiqit me “thumbime duke ruajtur qetësinë”.

“Serbia nuk pyetet për Kosovën prej vitit 1999”, dhe “Këto janë vendime sovrane të një shteti të pavarur”, tregojnë zyrtarë të Kosovës, t'u ketë përgjigjur Akademiku shqiptar Isa Mustafa kundërshtimeve të çetnikut Aleksandër  Vuçiqit, rreth vendimit të Qeverisë për pronat, që Aleksandër  Vuçiq e kishte cilësuar si plaçkitje, dhe themelimin e ushtrisë.

Skandali i ëetnikut Aleksandër  Vuçiqit gjatë kësaj darke mori jehonë të madhe në të gjitha mediat e Ballkanit, një natë më parë, pak orë pasi kishte ndodhur.

Ndryshe, sot kryeministrat e 5 vendeve të rajonit dhe zyrtarë të BE-së kanë mbajtur pjesën formale të Samitit në Sarajevë.

Ndërsa, Komisioni Europian vlerëson se çështja e pronës në Kosovë duhet të zgjidhet bazuar në një proces transparent ku do të përfshiheshin të gjitha komunitetet.

Maja Kocijançiq, zëdhënësja e Komisionit Europian ka thënë se çështjet e pronave janë të ndjeshme dhe mund të zgjidhen vetëm në këtë mënyrë.

Kocijançi ka thënë kështu duke iu referuara deklaratave kundërthënëse të Kosovës dhe Serbisë sa i përket çështjes së pronave.

Reagimet e shumta sidomos nga Serbia kanë ardhur pas vendimit, të marrë nga Qeveria e Kosovës, me 1 mars ku thuhet se të gjitha patundshmëritë në emër të ish-Republikës Socialiste Federative të Jugosllavisë, përkatësisht të ish-Republikës Socialiste të Serbisë, të regjistrohen si prona të Republikës së Kosovës.

Komple

SHBA mbështet Fatmir Xhafajn/ Ambasadori Lu: Bashkë në luftën ndaj krimit!

Ardit Rada: Ajo që Donald Lu nuk tha në mesazhin për ministrin Fatmir Xhafaj

Ambasadori Donald Lu nuk ka pritur që presidenti Nishani të “verifikojë” figurën e ministrave të rinj, për të çuar mesazhet e para të urimit. Më së pari të ministrit të Brendshëm Fatmir Xhafaj. Duke folur për “VOA”, kryediplomati nga Uashingtoni ka evokuar faktin që Xhafaj ka qenë në krye të procesit të reformës në Drejtësi, duke uruar më pas që ai të forcojë luftën kundër krimit të organizuar dhe narkotikëve.

Emërimi i Fatmir Xhafajt në krye të Ministrisë së Punëve të Brendshme ndezi një seri sulmesh nga opozita, sulme këto që bazohen në akuzat e bera ndër vite nga Berisha. Në fakt, Donald Lu e ka cilësuar sot Xhafajn si një energji të re në krye të MPB dhe që vjen nga një eksperiencë reformash, siç është ajo më kryesorja.

Por mesazhi i ambasadorit të SHBA ka brenda edhe disa elemente indirekte, të cilat i tejkalojnë muret e ministrisë së Brendshme dhe që duket se drejtohen nga një pjesë tjetër e bulevardit qëndror të Tiranës. Aty ku qëndron e ngritur prej rreth një muaji çadra e opozitës, që kërkon qeveri teknike.

Mesazhi i Donald Lu është në fakt një përgjigje e tërthortë edhe për pretendimin në fjalë të Lulzim Bashës. Urimet dhe ftesa për bashkëpunim ndaj ministrit është diçka e kundërt në thelb, me kërkesën për ta parë të rrëzuar Ramën, Xhafajn dhe anëtarët e tjerë të kabinetit. Së dyti, mesazhi i ambasadorit amerikan është edhe një pranim e përkrahje formale e ndryshimit që ndodhi në një dikaster me peshë si ministria e Brendshme.

Duke e njohur formalisht Xhafajn si ministër të Brendshëm, Lu ka ‘pagëzuar’ kështu emërimin më të rëndësishëm të orëve të fundit. Por me një kusht, të cilin Lu e thotë hapur dhe qartë: Rezultate të tjera, më të dukshme dhe të prekshme në drejtimet më delikate të punës së ministrisë së Brendshme. Narkotikëve dhe krimit.

Si mund të mbeshtes Ambasadori i Shteteve të Bashkuara në Tiranë Donald Lu ministrin e Brendshëm, Fatmir Xhafaj

Ambasadori i Shteteve të Bashkuara në Tiranë Donald Lu tha sot se pret që ministri i ri i Brendshëm, Fatmir Xhafaj, i emëruar pak ditë më parë, “të luftojë në mënyrë aktive krimin e organizuar dhe të veprojë në mënyrë të paanshme teksa vendi përgatitet për zgjedhjet”.

I pyetur nga Zëri i Amerikës, për lëvizjet në qeveri dhe kryesisht për ndryshimin e kreut të Ministrisë së Brendshme një institucion kyç dhe i gjendur shpesh në qendër të sulmeve veçanërisht nga opozita, ambasadori amerikan theksoi se “që lufta kundër krimit të organizuar dhe narkotikëve në Shqipëri të ketë sukses, ka nevojë për energji të reja. Nëse zoti Xhafaj punon në mënyrë agresive kundër narkotikëve dhe krimit të organizuar, ai do të ketë mbështetjen tonë të plotë”, thekson ambasadori Lu duke vënë në dukje bashkëpunimin e mëparshëm më zotin Xhafaj, kryesisht në procesin e reformës në Drejtësi. “Ne kemi punuar ngushtë me zotin Xhafaj si kreu i komisionit të ligjeve të kuvendit dhe për reformën në drejtësi”, përfundon deklarata e ambasadorit amerikan.


**********

Agjencioni Floripress: 3.14.2017

Luaje macë kryet e buallit :Dokumentet autentike, vëllai i ministrit të ri të Brendshëm, trafikant droge në Itali

Agron Xhafaj, vëllai i Fatmir Xhafës, është në pritje të dënimit nga Gjykata e Leçes në Itali, e cila po gjykon një grup kriminal shqiptarësh, të përfshirë në trafik ndërkombëtar dhe shpërndarje e shitje lëndësh narkotike.

Hetimet për këtë grup kriminal janë zhvilluar në periudhën 2000-2001 nga Drejtoria e Antimafias në Leçe dhe janë zbuluar të paktën 7 raste kur Agron Xhafaj është përfshirë me veprime aktive në furnizimin dhe shpërndarjen e lëndëve narkotike marijuanë, heroinë dhe kokainë në tregun italian.
Sipas hetimeve të Antimafias italiane, Agron Xhafaj vepronte në Bolonja. Ai ishte pjesë e një grupi që siguronte drogën kryesisht në Shqipëri dhe më pas e shpërndanin në qytete si Salento, Firenze, Bologna, Parma, etj.
Në këtë hetim ka qenë i përfshirë edhe Drejtoria e Antidrogës Amerikane (DEA), pasi grupi i shqiptarëve, ku Agron Xhafaj kishte rol kryesor, kryente trafik lëndësh narkotike nga Italia në Amerikë.
Rezulton se Agron Xhafaj është përfshirë drejtëpërdrejtë në një linjë trafiku lënde narkotike nga Italia për në Poloni. Por, kjo linjë nuk rezultoi produktive, pasi Agron Xhafaj siguroi një sasi lënde narkotike të cilësisë së dobët, e cila nuk i pëlqeu pritësve polakë.
Në vijim janë 7 rastet e evidentuara nga Antimafia Italiane, ku është përfshirë drejtpërdrejtë Agron Xhafaj në importimin, furnizimin, shpërndarjen dhe shitjen e lëndës narkotike në zona të ndryshme të Italisë.
Raste të konstatuara deri në Dhjetor 2001.
RASTI I PARË
Zonat e veprimtarisë kriminale: Në Leçe, Venezia, Bologna, Firenze dhe lokalitete të tjera
Vepra penale: “Pjesëmarrje në një organizatë trafiku dhe shpërndarje lëndësh narkotike (heroinë, marijuanë dhe hashash)”; Shtetasi shqiptar Fadil Papa siguronte lëndë narkotike në Shqipëri, duke realizuar edhe transportimin e saj për në Salento (Itali). Pas qëndrimit të përkohshëm në zona të paidentifikuara salentine, lënda narkotike ndahej dhe shpërndahej tek persona të tjerë; në Venezia vepronte Besnik Murataj, i cili, në bashkëpunim me Tomasz Piekarniak i jepte vazhdimisht lëndë narkotike Rino Gerardit dhe Ervin Qezit, të cilët zhvillonin më tej aktivitetin e tyre në zonat e Venezias dhe Trevisos; në Bolonja vepronte Agron Xhafaj (i cili administronte një rrjet në tijin shpërndarësish, në bashkëpunim me Orges Seferaj); në Parma vepronte Altin Maci dhe në Imperia vepronte Edison Sali;
RASTI I DYTË
Zonat e veprimtarisë kriminale: Në Leçe, Venezia, Bologna, Treviso dhe lokalitete të tjera, të konstatuara deri në Dhjetor 2001.
Vepra penale: Pjesëmarrje në bashkëpunim ndërmjet tyre dhe me persona të tjerë në organizatë për mbajtje, importim në territorin e Shtetit (Itali) dhe transportim të një sasie të papërcaktuar marijuane; konkretisht, Fadil Papa siguronte dhe importonte lëndë narkotike deri në brigjet e Salentos, ndërsa Agron Xhafaj ishte ngarkuar ta tërhiqte menjëherë, duke kërkuar bashkëpunimin e Besnik Murataj.
RASTI I TRETË
Në provincën e Leçes, dt. 10.09.2000;
Besnik Murataj zotëronte dhe i jepte Agron Xhafaj, nëpërmjet Tomasz Piekarniak, sasi prej 125 gramë heroinë, për shpërndarje të menjëhershme;
RASTI I KATËRT
Në Bologna, dt 3.11.2000;
Besnik Murataj zotëronte dhe i jepte Agron Xhafaj, nëpërmjet Tomasz Piekarniak, sasi prej 40 gramë heroinë, për shpërndarje të menjëhershme;
RASTI I PESTË
Në Bologna, dt 13.11.2000;
Besnik Murataj zotëronte dhe i jepte Agron Xhafaj, nëpërmjet Tomasz Piekarniak, një sasi të papërcaktuar hashashi, për shpërndarje të menjëhershme;
RASTI I GJASHTË
Në Bologna, dt. 13.11.2000;
Besnik Murataj, në bazë të kërkesës së Paolo Lo Sasso, siguroi lëndën narkotike nga Agron Xhafaj dhe Orges Seferaj, që më pas iu dha një agjenti të DEA-s (agjent i infiltruar, i cili i ishte atashuar grupi amerikan që bashkëpunonte me personat e mësipërm)
RASTI I SHTATE
Në Firenze dhe lokalitete të tjera, dt. 13.06.2001;
Besnik Murataj dhe Agron Xhafaj kanë pasur në posedim dhe kanë tentuar t’i japin Rino Gerardi dy kg lëndë narkotike hashash, e cila transportohej nga Orges Seferaj. Por, dorëzimi nuk u realizua, pasi Seferaj u arrestua në flagrancë, në Venezia, dt. 1.7.2001;
IMPORTIMI I DROGËS TË DATËS 14.10.2000 DHE FURNIZIMI ME HEROINË I ALTIN MACIT
Në vjeshtën e vitit 2000, u regjistruan shumë telefonata në gjuhën shqipe, në bazë të cilave kuptohej se Besnik Murataj, krahas faktit që furnizonte me lëndë narkotike Paolo Lo Sasson, ai kishte ngritur dhe drejtonte një rrjet të tijin, të përbërë nga bashkëkombës të tij, për shpërndarjen e drogës në Itali dhe Poloni.
Hetimet treguan se Besnik Murataj, pasi kishte dërguar në fillim të shtatorit sasi të ndryshme lëndësh narkotike marijuanë dhe hashash për në Poloni, nëpërmjet Tomasz Piekarniak, ai kishte vendosur që, në bashkëpunim me këtë të fundit, të angazhohej në shpërndarjen e hashashit dhe heroinës në zonën e Venetos dhe Emilia Romagna, në Itali.
Në 14.10.2000, në bazë të përgjimeve, u dokumentua importimi në Salento i një sasie droge nga ana e Fadil Papa, i cili do ia dorëzonte Besnik Murataj nëpërmjet Agron Xhafaj. Nga ana tjetër, Besniku priste të furnizohej nga Altin Maci, i cili vepronte në Parma, nëpërmjet Edison Salit. Në vijim të përgjimeve, u arrit të kuptohej se bisedat ndërmjet tyre i referoheshin lëndës narkotike heroinë.
Në orën 06.45 të dt. 14.10.2000, Fadil Papa (i njohur edhe si CIMI), mbërriti në bregun e Salentos dhe kontaktoi me kunatin e tij, Besnik Murataj, të cilit i kërkoi të dërgonte një korrier:
Besnik: Arrite?
Cimi: Eh!... Çfarë duhet të bëj tani? Kush do të vijë?
Besnik: Ja, t’i them Agronit
(tel.n.944 dt. 14.10.2000).
Pasdite, Besnik Murataj telefonoi Agron Xhafaj. Ky i fundit i thotë që nuk mund të shkonte të merrte drogën, pasi kishte probleme me makinën. Kjo telefonatë i shërbeu policisë italiane për të identifikuar plotësisht Agron Xhafaj. Dhe në fakt, ashtu rezultoi, pasi Besnik Murataj në atë rast (si edhe në shumë raste të tjera) e kontantonte në nr. e 0338/1015650, i cili ishte në përdorim nga Agron Xhafaj (dokument i kompanisë telefonike, TIM):
Besnik: Oh, Goni!...Ka ardhur Çimi. Si t’ia bëjmë?
Goni: Po çfarë të them, nuk e di. Unë po vazhdoj të kërkoj, se mbeta kështu, pa makinë...Çfarë të të them unë?
(tel.n.997, dt. 14.10.2000, ora 16.21).
Një orë më vonë, Besnik Murataj i telefonon kunatit të tij, Fadil Papa (në të njëjtin numër, me të cilin kishin komunikuar në mëngjes), ku i shpjegon se takimi duhet të shtyhet, pasi Agron Xhafaj kishte një problem me makinën.
Komunikimi telefonik vijon me një bashkëpunëtor të Fadil Papa, me emrin Bledi, i cili sqaronte se “CIMI” (Fadil Papa) kishte sjellë në Itali një sasi droge, e cila duhej dorëzuar:
Besnik: Do të nisesh sot?
Bledi: Eh!... Nuk e di nëse Cimi do të vij sot apo jo
Besnik: Po atë muhabetin…atë muhabetin, e ka fshehur në ndonjë vend?
Bledi: Eh!..Është akoma këtu!
Besnik: Po mirë atëherë, le të iki ai. Kur të vij prapë, në mënyrë që....edhe unë të organizohem më mirë, pasi....nuk ka makinë ky miku, kështu që...i thuaj që të mos presë...miku është në Bologna
(tel.n.1013 dt. 14.10.2000, ora 17.30).
Në 29.10.2000, nga një komunikim telefonik i përgjuar, ndërmjet Besnik Murataj dhe Agron Xhafaj, kuptohet që, gjatë një takimi të zhvilluar në Parma, Besniku kishte rënë dakord me Altin Macin që droga të dërgohej në datë 30 tetor.
Në vijim të bisedave telefonike lidhur me këtë transportim, Besnik Murataj i kërkon ndihmë Agron Xhafaj për të ndarë sasinë e heroinës që do të merrnin.
Besnik: Dje isha në Parma...takova një mik...për atë muhabetin që të kam folur...Çdo gjë është në rregull.
Goni: Dakord...Ti...unë nuk e di se si e ke bërë muhabetin
Besnik: Është djalë i mirë....i vitit 1985....më kupton?
Goni: E cilit vit është makina?
Besnik: 1985
Goni: 85
Besnik: Eh!...Është e vitit 1985, por unë nuk e di nëse mund të marr një makinë kështu...Makina duhet rregulluar disi...më kupton?
Goni: Të kuptoj…
Besnik: A merr vesh Gesi (Orges Seferaj)?
Goni: Marr vesh unë
Besnik: Unë nesër do të shkoj deri atje. Nesër do e mbaroj atë muhabet
Goni: Nesër do e marrësh atë makinën…?
Besnik: Eh!
Goni: Nesër është e hënë. Të martën në darkë jam aty
(tel.n.1295, dt. 29.10.2000, ore 15,51).
TRAFIKIM HEROINË E HASHASHI NDËRMJET BESNIK MURATAJ DHE AGRON XHAFAJ DHE SHPËRNDARJA NË TREGUN E TREVINOS
Disa sasi heroine të siguruara nga Altin Maci në dt. 30.10.2000 i jepen Besnik Murataj dhe Agron Xhafaj në Verona: një sasi prej 125 gramësh iu dhanë në dt. 3.11.2000 dhe 40 gramë të tjera iu dhanë në dt. 13.11.2000. Në të dy rastet, dorëzimi i lëndës narkotike realizohej nga korrieri polak, Tomasz Piekarkian.
Disa telefonata të përgjuara në 3.11.2000 dokumentojnë qartësisht qëllimin e udhëtimit të Tomasz Piekarniak në Bolonja. Në orën 10.17, Besniku njoftonte Agron Xhafaj që”ai” sapo ishte nisur; në orën 13.16 qartësohet që personi që po vinte ishte Tomasz Piekarniak, pasi ky I fundit, pasi kishte mbërritur në Bologna, informon Besnik Murataj se kishte takuar mikun dhe ishte gati për t’u kthyer; në orën 17.10, edhe Agron Xhafaj njofton bashkëkombasin e tij që korrieri sapo ishte nisur për t’u kthyer; në orën 18.19, Tomasz Piekarniak siguron Besnik Murataj se kishte mbërritur në shtëpi.
Në të njëjtën mbrëmje, Agron Xhafaj i ankohet Besnik Murataj se përse sasia që kishte mbërritur nuk korrespondonte me atë për të cilën kishin rënë dakord. Agron thotë që sasia e sjellë nga Tomasz ishte 125 gramë (heroinë).
Goni: Sa....ishte… ai numri që më kishe nisur?
Besnik: njëqind e tridhjetë
Goni: Jo...është më pak. Është njëqind e njëzet e pesë
Besnik: Jo, nuk është e mundur
(tel.n.1421 dt. 3.11.2000, ora 20,24).
Pak më vonë, pasi kishin bërë biseda të tjera
Goni: Unë e peshova vetë me saktësi
Besnik: Edhe unë me saktësi vëlla (e pakuptueshme). E pashë vetë në gazetë, dy herë, që ishte njëmijë e nëntëqind e tridhjetë. Ndoshta një ose dy, edhe mund....
Goni: Çfarë të bëj. Ta lëj apo ta prek?
Besnik: Është djalë i mirë…
Goni: Unë nuk e di. Unë sa e hapa, e hapa sapo e takova.
Besnik: Dëgjo...vazhdo bëj punën tënde.
(tel.n.1424 dt 3.11.2000, ora 20.35)
Besnik Murataj, ndërkohë që furnizonte Agron Xhafaj në Bologna, merrte nga bashkëpunëtorë shqiptarë sasi të llojeve të ndryshme narkotikësh, të cilat i shpërndante në tregun trevinjian, nëpërmjet bashkëkombasit të tij, Ervin Qezi
Ndërkohë, më 13.11.2000, në bazë të disa telefonatave, Besnik Murataj i dërgon edhe 40 gramë heroinë Agron Xhafajt, nëpërmjet Tomasz Piekarniak dhe, njëkohësisht, tërhiqte një sasi hashashi, të cilën një ditë më pas ia dorëzon “Vinit”, identifikuar si Ervin Qezi.
Në dt. 12.11.2000 janë regjistruar bisedat e marrëveshjes paraprake ndërmjet Besnik Murataj dhe Agron Xhafaj:
Goni: A do e dërgosh ti atë?
Besnik: Po, do e dërgoj nesër...
Goni: Rreth 40 mijë lireta mund t’i (..e pakuptueshme) Gesi
Besnik: Sa?
Goni: Dyzetmijë lireta për tre ose katër ditë. Më pas nuk ka problem, se do të vij vetë aty
(tel.n.1693 dt 12.11.2000).
ARRESTIMI I ORGES SEFERAJ DHE SEKUESTRIMI I DY KG HASHASH,
DT. 1.7.2001
Në vijim të bashkëpunimit ndërmjet personave të hetuar, në dt. 1.7.2001, Agron Xhafaj, nëpërmjet korrierit të tij, Orges Seferaj, do i dërgonte Besnik Muratajt 2 kg hashash, e cila do i dorëzohej Rino Gerardit, njeri i besuar i Muratajt në furnizimin me heroinë. Pas mbërritjes në Venezia (nga Vlora) të Seferajt, ai u arrestua në flagrancë, pasi ishte në ndjekje nga punonjësit e policisë. Në momentin e arrestimit, atij iu gjet sasia e lëndës narkotike (Raporti Informativ i Skuadrës Operative të Venezias, nga nr. 11 te nr. 11/A)
Në dt. 30.06.2001 janë regjistruara telefonatat e kryera për këtë ngarkesë,
Fillimisht, Besnik Murataj diskutonte me Agron Xhafaj:
BESNIK: Do vish të shohësh ti për punën?
Goni: Ëhë, ëhë.
BESNIK: Që të shohesh se për çfarë pune bëhet fjalë dhe për të shkuar te pronarët, kupton?
Goni: Të kuptova. A të marr edhe Gesin (Orges Seferaj)?
BESNIK: Eh…
Goni: Të nisem unë?
BESNIK: Eh, eh!!
Goni: Në rregull, Ku do të takohemi më pas?
BESNIK: Mbaj shënim diku, që të të them se ku është restoranti
Goni: Prit një minutë
BESNIK: Ke ndonjë laps aty?
Goni: Prit sa të gjej një. Alo...
BESNIK: Hum..
Goni: A të niset Gesi sot për andej?
BESNIK: Eh?
Goni: Gesi, Gesi, po të them
BESNIK: Eh..
Goni: Mund të vijë sot.
BESNIK: Mirë, të vijë.
Goni: Ai duhet të shkoj pak deri në Firenze
BESNIK: Ai do që të vij nesër, thua ti?
Goni: Jo, jo. Ai duhet të takojë atë djalin në Firenze, për atë makinën
BESNIK: Hum..
Goni: Pastaj, ti e di mirë.
BESNIK: Tani, ai e ka parasysh. Ai mund të jetë atje pasdite, rreth orës 4-5. Kupton?
GONI: Hum, hum.
BESNIK: Në 6.
GONI: Në rregull. Më thuaj atëherë
BESNIK: Ajo...po të them ku është Restorant “Rialto”
GONI: Ku?
BESNIK: Në Rialto.
GONI: Ri…
BESNIK: Rialto.
GONI: Alto.
BESNIK: Rialto, aty është edhe një tabakeri. Është fiks aty. E ka numrin? Se ia kam dhënë unë numrin e restorantit.
GONI: Po, e ka!
BESNIK: Para se të mbërrij aty, t’i thotë që “për një minutë jam aty”. Ai do të jetë aty dhe do t’i thotë “për një sekondë jam aty”. Pastaj, aty është edhe pronari, kupton?
GONI: Në rregull!
BESNIK: ky do të shkoj dhe do t’i thotë që jam te tabakeria, kupton?
GONI: Po, po
BESNIK: Dhe ky do të presë afër tabakerisë, kupton?
GONI: Po…
Pasdite, Besnik Murataj njoftoi Rino Gerardin lidhur me korrierin:
BESNIK: Do të shihemi nesër..
RINO: Joo! Pra jo sot?
BESNIK: Po, po, nesër. Do të shihemi nesër. Kur të vij unë atje, do të jem te tabakeria...më kupton?
RINO: Po!
BESNIK: Sa të të telefonoj unë, ti vjen për 10 minuta, aq të duhet deri te tabakeria, kupton?
RINO: Mirë! Por...
BESNIK: Më pas do të shkojmë te restoranti për të folur për atë punën, kupton?
RINO: Po!!
BESNIK: Në rregull!
RINO: Po për nesër, a është në rregull puna?
BESNIK: Po, po
RINO: A është çdo gjë në rregull? Në çfarë orë?
BESNIK: Në rregull janë gjërat. Nuk e di në cilën orë, po nga dreka, nga pasditja mendoj, rreth orës një, orës dy. Kupton? Në atë orë do të takohemi, në rregull?
RINO: Në rregull!!
BESNIK: Në rregull atëherë!
RINO: Ki kujdes!
BESNIK: Mos u shqetëso!
RINO: Ciao!
BESNIK: Ciao!
(Tel. n.166 dt. 30.6.2001, ora 17,23):
Të nesërmen në mëngjes, Murataj informon Gerardin për orarin e mbërritjes së korrierit, si edhe i shpjegon disa karakteristika fizike të tij. Në raportin e Skuadrës Speciale, i bëhet një përmbledhje e telefonatës dt. 1.7.2001, ora 10.50
“Besniku informon Rinon se kushëriri i tij mbërrin pas dy ose tre orësh dhe ai duhet ta shoqërojë deri te restoranti. Do të takohen pranë Tabakerisë. Kushëriri i tij është rreth 1 metër e 80, ka një vësh, është i dobët. Rino i thotë që kuptoi dhe po e pret”.
Në orarin e caktuar, Gerardi nuk po takonte korrierin dhe i kërkon në mënyrë të vazhdueshme të dhëna shqiptarit.
“Rino i kërkon Besnikut që ta telefonojë sa më shpejtë. Pas 8 minutash, i kërkon sërish ta telefonojë. Besniku i thotë që të presë edhe pak se po vjen”. Këto telefonata zhvillohen ndërmjet orës 13.10-13.18 të dt. 01.07.2001.
Në orën 16.38, Besniku e pyet Gerardin nëse e ka takuar Orges Seferajn, meqë nuk ka marrë asnjë lajm prej tij. Rino Gerardi i jep përgjigje negative.
Në orën 17.39, Besnik Murataj i thotë Gerardit që të largohet, pasi diçka duhet të ketë shkuar keq.
Dhe në fakt, Orges Seferaj kishte mbërritur në Venezia, ashtu siç e kishte njoftuar Besnikun në sekretarinë telefonike (ora 14.30). Por, menjëherë ishte arrestuar në flagrancë nga policia në Venezia, pasi iu gjetën në posedim 2 kg hashash (ndarë në 8 pjesë) dhe 3 gramë marijuanë. Gjithashtu, Seferajt iu gjet edhe një telefon celular me nr. 0333/7528189. Bëhej fjalë për të njëjtin numër, me të cilin ai kishte komunikuar me Agron Xhafaj dhe Besnik Murataj një ditë më parë.
Sapo kanë mësuar se Orgesi u arrestua, Besnik Murataj dhe Agron Xhafaj janë përgjuar, nga ku ka rezultuar se ata po bëjnë përpjekje që t’i gjejnë një avokat Seferajt.

Lajmi i fundit : Presidenti shqiptar Bujar Nishani nuk u “beson” ministrave të rinj të Edi Ramës / Dekretimi pas verifikimeve

Presidenti i Republikës do të verifikojë 4 ministrat e rinj dhe më pas do t’i dekretojë ata.

Sipas të njëjtave burime thuhet se kryeministri i vendit Edi Rama i ka çuar tashmë emrat e ministrave në Presidencë për dekretim, ku kreu i shtetit sipas kushtetutës ka afat 7 ditë për të kryer verifikimet e nevojshme për të kaluar më tej në fazën e dekretimit.

Duhet thënë se, dekretimi i ministrave të rinj nga Kreu i Shtetit është një proces rutinë.

Pas dekretimit, ministrat dërgohen në Parlament për t’u miratuar dhe më pas bëjnë betimin para kreut të Shtetit për të filluar zyrtarisht detyrën.

Katër ministrat e rinj janë: Fatmir Xhafaj në postin e ministrit të Brendshëm i cili zëvendëson Saimir Tahirin, Olta Xhaçka, ministre e Mirëqenies Sociale dhe Rinisë në vend të Blendi Klosit, Ogerta Manastirliu është emëruar ministre e Shëndetësisë duke zëvendësuar Ilir Beqajn dhe Eduart Shalsi është emëruar ministër i Pushtetit Vendor në vend të Bledi Çuçit.


*****

Burime nga zyra e Presidentit të Republikës, pohuan  se të katër kandidaturat e ministrave të rinj do t’i nënshtrohen një procesi verifikimi të figurës dhe personalitetit të secilit.

Verifikim që do të kryhet nga institucionet e inteligjencës. Vetëm pasi të ketë marrë informacionin përkatës për secilin kandidat, Presidenti i Republikës do te vendose nese do t’i dekretoje apo jo si ministra.



Në CV-­te e tyre apo në formularët e dekriminializimit, asnjë prej katër kandidateve të përzgjedhur si ministra të ardhshëm nuk kanë shënuar të kenë patur probleme me drejtësinë shqiptare apo të huaj.

Por verifikimi nga ana e presidentit konsiderohet tepër e nevojshme për secilin anëtar të qeverisë, dhe qe është brenda tagrit të Presidentit të Republikës për ta bërë.

EMËRIMET E MINISTRAVE TË RINJ, NË DORË TË PRESIDENTIT SHQIPTAR BUJAR NISHANIT

Kreu i Shtetit iu ka kërkuar institucioneve ligjzbatuese informacion mbi 4 ministrat e propozuar nga Rama. Miratimi i ndryshimeve në Kuvend shtyhet për javën tjetër. Presidenti ka pretenduar më parë se ka të drejtë që të shqyrtojë kandidaturat jo vetëm formalisht

Përveç pakënaqësisë që ngjalli te ministrat që largoi nga kabineti, vendimi i kryeministrit Edi Rama për të bërë ndryshime në qeveri, për të marrë fuqi ligjore do duhet të kalojë të paktën edhe dy pengesa të tjera. E para është ajo që ka të bëjë me dekretimin e këtyre ndryshimeve nga ana e Presidentit të Republikës dhe e dyta ka të bëjë me votimin e dekreteve më pas në Kuvend. Ndërsa kalimi i pengesës së dytë varet nga marrëdhënia që kanë dy aleatët në qeverisje dhe pëlqimin apo rezervat që mund të ketë LSI ndaj ndonjë emri të veçantë, në rastin e pengesës së parë kemi të bëjmë me vijimin e një konflikti institucional mes Presidentit të Republikës së ekzekutivit. Kështu, burime nga Presidenca deklaruan dje se Presidenti i Republikës do të marrë kohën e duhur për të shqyrtuar kandidaturat e paraqitura jo vetëm në mënyrë formale, por edhe substanciale nëse ata plotësojnë ose kriteret ligjore formale dhe morale për të qenë në këto pozicione kaq të rëndësishme.




Dekretimi

Propozimet e kryeministrit për shkarkimin e 4 ministrave: Saimir Tahiri, Blendi Klosi, Ilir Beqaj dhe Blendi Çuçi dhe ato të emërimeve të Fatmir Xhafës, Ogerta Manastirliut, Olta Xhaçkës dhe Eduard Shalsit mësohet se kanë mbërritur në Presidencë të hënën pasdite. Por pavarësisht se ka pasur kohën e duhur për t’u shprehur mbi këto propozime, Presidenti i Republikës, Bujar Nishani, ka parë të arsyeshme që të mos nxitojë dhe të marrë të gjithë kohën ligjore prej një jave që i jep Kushtetuta për t’u shprehur me dekret. Megjithëse Kushtetuta nuk i njeh atij të drejtën për ta refuzuar një propozim të kryeministrit, Presidenti edhe kësaj here ka vendosur që të mos bëjë një dekretim thjesht formal mbi kandidaturat e propozuara, por të shqyrtojë të gjithë të shkuarën e tyre nëse ata i përmbushin kriteret formale ashtu edhe ato morale. Burime nga zyra e Presidentit të Republikës, pohuan dje për “Klan” se të katër kandidaturat e ministrave të rinj do t’i nënshtrohen një procesi verifikimi të figurës dhe personalitetit të secilit. Për këtë mësohet se Presidenti menjëherë sapo kanë mbërritur zyrtarisht këto propozime iu ka kërkuar institucioneve të zbatimit të ligjit përfshi ato inteligjente, informacion për të shkuarën apo lidhje të dyshimta që emrat e propozuar mund të kenë dhe që mund të cenojnë sigurinë ligjore por edhe morale të ministrave të rinj. Të njëjtat burime kanë theksuar se vetëm pasi të ketë marrë informacionin përkatës për secilin kandidat, Presidenti i Republikës do të vendosë nëse do t’i dekretojë apo jo si ministra, megjithëse Kushtetuta nuk ia njeh të drejtën e refuzimit të një propozimi për ministër. Por duhet theksuar se në formularët e dekriminalizimit asnjë prej 4 ministrave të propozuar nuk ka deklaruar se ka qenë i dënuar apo në ndonjë proces ligjor që mund të komprometonte figurën dhe emërimin e tyre. Por nuk përjashtohet mundësia që Presidenti Nishani të mund ta shfrytëzojë këtë kohë për të refuzuar ndoshta kandidaturën e Fatmir Xhafajt, i cili është akuzuar nga opozita si hetues i kohës së komunizmit, por pa paraqitur asnjë fakt për këtë. E vetmja provë mbi të cilën ajo ka mbështetur këto akuza është një foto që qarkullon në rrjetet sociale, ku Xhafaj në rininë e tij ka dalë bashkë me diktatorin Enver Hoxha.

Debati

Por kjo është vetëm njëra anë e debatit që Presidenti i Republikës ka me kreun e qeverisë sa i përket emërimit të ministrave. Edhe në një rast të mëparshëm ai ka refuzuar të dekretojë të paktën për një kohë të caktuar propozimet e Ramës për ndryshime në qeveri. Bëhet fjalë për rastin e dekretimit të ministrit të Financave, Arben Ahmetaj dhe asaj të Ekonomisë, Milva Ekonomi. Pothuajse një vit më parë, Presidenti refuzoi të nxjerrë në të njëjtën kohë dekretin e shkarkimit të ministrit me atë të emërimit të ministrit zëvendësues. Atëherë kreu i shtetit pretendoi se nëse ai i dekretonte të dyja në të njëjtën kohë ai në këtë mënyrë paragjykonte vendimmarrjen e Parlamentit dhe se mund të sillte një ngërç ligjor. Për këtë arsye, Presidenti i Republikës i dërgoi atëherë edhe një kërkesë Gjykatës Kushtetuese që të bënte interpretimin e Kushtetutës, sa i përket procesit të dekretimit të ministrave të shkarkuar dhe të emëruar. “Në kushtet që Kuvendi nuk ka shqyrtuar Dekretet e shkarkimit të Ministrave, Presidenti është i detyruar që për të respektuar Kushtetutën, me qëllim që të mos krijohet një precedent i rrezikshëm për funksionimin e shtetit dhe qeverisjen e vendit, të bëjë emërime formale, të dy ministrave të rinj”, –shprehej Nishani në atë kërkesë drejtuar Kushtetueses. Duke pretenduar se Kushtetuta është e paqartë në këtë drejtim, kreu i shtetit i kërkonte Gjykatës Kushtetuese që t’iu përgjigjej disa pyetjeve. “A mund të kërkohet në të njëjtën kohë nga ana e Kryeministrit, shkarkimi dhe emërimi i një ministri, ndërkohë që nevojitet një afat i caktuar kohor referuar Kushtetutës që të realizohet procedura e shkarkimit e një ministri? A mundet Presidenti i Republikës të emërojë një ministër të propozuar nga Kryeministri, ndërkohë që Kuvendi nuk i ka dhënë fuqi dekretit të shkarkimit të ministrit paraardhës? Çfarë natyre kanë dekretet e Presidentit të Republikës sa i takon shkarkimit dhe emërimit të ministrave? A quhet i rrëzuar apo i pranuar propozimi i Kryeministrit, për emërim apo shkarkim ministri, në rast se Presidenti nuk dekreton atë brenda afatit 7-ditor? Sa kohë që dekreti për emërimin e Ministrit është detyrim kushtetues për Presidentin, a ekziston mundësia që Presidenti të kërkojë verifikim të kandidatit të propozuar, nëse ky i fundit i plotëson kriteret kushtetuese dhe ligjore dhe nëse jo, a mund t’i kërkohet Kryeministrit rishikimi i kandidaturës?”, thuhej në kërkesën që Presidenti i drejtoi në atë kohë Gjykatës dhe për të cilin duket se nuk ka ende një interpretim nga kjo e fundit. Ndaj nuk dihet nëse edhe në këtë rast Presidenti do të veprojë njësojë si në rastin e dekreteve të Ahmetajt dhe Ekonomit, për të pretenduar që më parë Kuvendi të miratojë dekretin e shkarkimit dhe më pas atë të emërimit. Por duhet theksuar se Kushtetuta në Nenin 98 të saj i jep Presidentit vetëm 1 javë kohë, ndaj brenda të hënës tjetër ai duhet të ketë vendosur për vendimin që duhet të marrë. Por ky nen i cili është i vetmi që flet për dekretimin e ministrave, nuk i jep të drejtë Presidentit që të refuzojë dekretimin.





Kush janë katër ministrat e rinj

Kryeministri Edi Rama i ka propozuar Presidentit dekretimin e 4 ministrave: Fatmir Xhafaj në pozicionin e ministrit të Brendshëm, Ogerta Manastirliu në pozicionin e ministrit të Shëndetësisë, Olta Xhaçka në pozicionin e ministrit të Mirëqenies Sociale dhe Rinisë dhe Eduard Shalsin si ministër i Pushtetit Vendor. Ndërsa Fatmir Xhafaj vjen nga brezi i nanoistëve, tre ministrat e katapultuar në kabinet janë prurje të epokës “Rama”. Dy ish-bashkëpunëtorë nga koha kur drejtonte Bashkinë e Tiranës, Shalsi e Manastirliu, dhe Xhaçka, ish-aktiviste e lëvizjes “Mjaft”.

Fatmir Xhafaj emërohet për herë të tretë ministër në kohë të ndryshme të qeverisjes së PS-së. Në qeverisjen “Rama”, ai emërohet për herë të parë si ministër i Brendshëm, ndërsa karriera e tij në PS ka filluar kur Fatos Nano ishte kryeministër. Xhafaj ka gëzuar marrëdhënie të mira dhe asnjëherë problematike edhe me kryetarin aktual të partisë, Edi Rama. Ai kryesoi Reformën në Drejtësi, për të cilën demokratët kanë rezerva dhe kritika, e po aq edhe Lëvizja Socialiste për Integrim.

Emërimi i dytë i rëndësishëm është ai në krye të ministrisë së Shëndetësisë. Ajo nuk ka profil politik dhe ka drejtuar deri dje Qendrën Spitalore Universitare “Nënë Tereza”. Ogerta Manastirliu nuk është pjesë e grupit parlamentar të PS-së, por një nga anëtaret e stafit të ngushtë të Edi Ramës në kohën kur ky i fundit drejtonte Bashkinë e Tiranës. Manastirliu ka mbajtur postin e drejtores së Shërbimit të Strehimit në Bashkinë e Tiranës dhe dha dorëheqjen kur Basha erdhi në krye të këtij institucioni.

Olta Xhaçka është kryetare e Forumit të Gruas Socialiste, dhe për çështje ditësh ajo do të jetë zyrtarisht në krye të Ministrisë së Mirëqenies Sociale dhe Rinisë. Olta Xhaçka nuk ka mbajtur më parë një post ministror, megjithatë ajo është ndër të paktat politikane femra në PS që ka fituar pjekuri politike me kalimin e viteve. Shalsi është përfshirë në PS vonë. Më herët, ai ka qenë një nga bashkëpunëtorët e ngushtë të kryeministrit në kohën kur Rama drejtonte Bashkinë e Tiranës. Shalsi, fillimisht (2004) ka mbajtur postin e Drejtorit të Kabinetit të Ramës dhe më pas nënkryetar i Bashkisë. Aktualisht ai është deputet i Partisë Socialiste dhe kryetar i Komisionit për Veprimtarinë Prodhuese, Tregtinë dhe Mjedisin.

Ish-kryeministri  Prof.Dr. Sali Berisha ‘tallet’ me ministrat e rinj të  Edi Ramës

Ish-kryeministri Sali Berisha ka komentuar emërimet më të fundit në qeverinë e kryeministrit Edi Rama.

Përmes një postimi në profilin e tij në ‘Facebook’, Berisha i ka marrë më radhë ministrat e rinj të Ramës, duke i cilësuar si ministra të lidhur me krimin dhe të korruptuar.

Statusi i Berishës:

Emerimet e reja ne qeverine e Kanabistanit!

Te dashur miq, mediat njoftojne se: -Ministria e droges i besohet Fatmir Droges, qe me vellain e tij kryekspert, trafikant nderkombetar droge, Arianin te denuar ne Itali, Venezuele dhe Ekuador, do siguroje trafikun e drogave te forta ne Shqiperi. Vella Ariani kontrollon per llogari te familjes trafikun e droges ne Vlore,Fier!Fatmiri si minister drejtesie e lehtesoj para drejtesise italiane duke mashtruar dhe paraqitur vllaçkon si te infiltruarin e antidroges shqiptare!

-Shendetesia ju besua ndrikulles Manastirliu, asistentes me çizme ne te gjitha vjedhjet te famozit Beqaj.

-Ministria e meshires dhe perdellimit i besohet ndrikull Oltes, e cila thuajse eshte rritur ne strehen varfnore te humanistes se famshme Shemsie Kadrise por qe ngrihet ne pergjegjesi sepse mami Neta e ka si dy here çupen e saj!!

-Ministria e pushtetit vendor i besohet Shalsit, hajnit te betuar me ze dhe figure se ne pushtet do vjedhim me lezet. Per kujtese, Shalsi perjetoi nje depresoin te thelle, thuhet me tentativa suicidale sepse krushka e pare nuk i dha asnjerin nga 8 apartamentet qe Shalsi nenkryetar bashkie i kishte marre me lezet si dhurata por qe i kishte vendosur ne emra te krushkes dhe rrethit te saj. Shalsi eshte serioz, do te vjedhe me lezet! sb

STEPHEN HAWKING: JASHTËTOKËSORËT EKZISTOJNË

Njerëzit janë të ndarë në dy grupe sa i përket besimit në ekzistencën e jashtëtokësorëve. Megjithatë, edhe disa që besojnë se jashtëtokësorët ekzistojnë, si puna e fizikanit të shquar, Stephen Hawking, mendojnë që realizimi i kontaktit me ta nuk do të ndodhë shpejt.

Këto pretendime Hawking i ka bërë në një takim me miliarderin rus, Yuri Milner, dhe shefit ekzekutiv të ‘Facebook’-ut Mark Zuckerberg, ku edhe është prezantuar misioni më ambicioz për kërkimin e jetës jashtëtokësore. Projekti në fjalë do të kushtojë mbi 100 milionë dollarë, para këto që do të shpenzohen kryesisht në teknologjinë e sofistikuar të nano-anijeve kozmike, që do të dërgohen në galaksi të ndryshme në përpjekje të gjetjes së provave për ekzistencën e jashtëtokësorëve.

SHKARAZI : ÇKA THA FATOS NANO PËR PS: DUHET KATARSIS NË PS, PARA SE ‘RILINDJA’ TË SHTRIJË VDEKJEN

Ish-kryeministri dhe kryetari i Partisë Socialiste, Fatos Nano, ka uruar forcën politike që ai drejtoi prej 15 vitesh, në 25-vjetorin e themelimit të saj. Në një mesazh drejtuar të gjithë socialistëve, Nano thekson se PS duhet të mobilizohet për t’u ringjallur përpara se Rilindja të shtrijë vdekjen mbi gjithçka. Nano i rikthehet idesë së “katharsisit”, i përdorur nga vetë ai në vitet 2000.

Në një mesazh nga vet Fatos  Nano shkruan se: “Ky është një përvjetor kuptimplotë për të vlerësuar pjekurinë e një partie të madhe politike, të madhe për nga vlerat dhe kontributet në 25 vjet demokraci pluripartiake në Shqipëri dhe në rajon.

Sot jetojmë në kohë krizash, në vend dhe në botën që na rrethon. Në krizë është dhe politika, edhe partitë tradicionale në Shqipëri. Për fat të keq edhe PS. Them për fat të keq, sepse vitaliteti i qëndrueshëm i PSSH në vitet e pluralizmit ushqehej dhe mbahej nga aftësitë dhe përvoja e fituar nga lidershipi i saj për të menaxhuar dhe kapërcyer krizat e tranzicionit (objektive apo të krijuara nga Berisha), pa rënë vetë në krizë.

Edhe në 1991, edhe në 1997, edhe në 1998-1999, edhe në kaosin e rënies së shtetit të piramidave në Shqipëri, edhe në gjëmimet e lindjes së shtetit të pavarur të Kosovës etj., PSSH bëri detyrën ndaj kombit dhe historisë pa humbur vitalitetin dhe vlerat e saj demokratike.

Sot nuk është më kështu! Krizat kanë kërrusur jo vetëm Shqipërinë dhe rajonin, por edhe vetë PS-në! Diçka thelbësore është thyer dhe nuk funksionon në organizmin e saj demokratik. Në këtë ditë të shënuar dhe kryelartë për socialistët dhe të majtën e re shqiptare në tërësi, nuk është e dobishme të stigmatizohet sëmundja e rëndë, nga e cila po gulçon PS-ja dhe demokracia shqiptare. Por, është momenti i mobilizimit të gjithë aftësive, përvojave dhe brezave përfaqësues të tyre në PS, për t’u ringjallur, përpara se “rilindja” të shtrijë vdekjen mbi gjithçka të mirë të krijuar me solidaritet shembullor në 25 vite!

Unë kam besim se socialistët e vërtetë mund ta bëjnë dhe do ta bëjnë këtë “katharsis” të së majtës, jo vetëm në dobi të “gjeneratës tjetër”, por në dobi edhe të brezave të sotëm, të prindërve e të fëmijëve, të gjyshërve e të nipërve e mbesave socialiste, që e kanë mbajtur vitale dhe fituese Partinë Socialiste të Shqipërisë deri më sot. ...

ZGJEDHJET NË HOLANDË TË PAPARASHIKUESHME

Sondazhet tregojnë se partia e qendrës së djathtë e kryeministri në detyrë Mark Rutte gëzon një epërsi të vogël ndaj Partisë për Liri të Geert Wildersit, me qëndrime të ashpra kundër fesë islame dhe Bashkimit Evropian. Analistët e kanë të vështirë të parashikojnë rezultatin e këtyrë zgjedhjeve, nisur dhe nga pasiguritë e mëdha që kanë treguar holandezët gjatë fushatës zgjedhore.


Votuesit në Holandë i janë drejtuar sot kutive të votimit për të zgjedhur parlamentin e ri. Janë zgjedhje që ekspertët i cilësojnë si plotësisht të paparashikueshme.

1114 kandidatë nga 28 parti garojnë për 150 vende të Dhomës së Përfaqësuesve. Sipas sondazheve të fundit “Partia e Lirisë” që drejtohet nga politikani i krahut të ekstremit të djathtë Geert Wilders renditet e dyta me një diferencë të vogël, pas “Partisë Popullore për Liri dhe Demokraci” të kryeministrit në detyrë Mark Rutte.

Ish zëvëndës guvernatorja e provincës jugore të Holandës, Lenie Dwarshuis thotë se rezultati i këtij viti është i paparashikueshëm përsa kohë që votuesit janë të paqartë se kë do të mbështesin.

“Rezultatet janë të paparashikueshme sepse votuesit më shumë se çdo herë tjetër në historinë e vendit janë në mëdyshje se çfarë të mbështesin, pasi bota ka ndryshuar shumë në 10 apo 12 vitet e fundit. Kjo i bën shumë njerëz të pasigurtë në Holandë, por edhe në Evropë ose edhe në Shtetet e Bashkuara. Ata janë në mëdyshje se çfarë është më e mirë për ta, se çfarë është më e mirë për vendin.

Zoti Wilders, fushata populiste e të cilit tërhoqi shumë votues në Holandë, shpreson që partia e tij do të largojë nga parlamenti koalicionin qeverisës. Megjithatë Floris Vermeulen, ekspert për çështje të imigracionit në universitetin e Amsterdamit thotë se edhe nëse Wilders fiton, partia e tij mund të mos jetë pjesë e qeverisë së re.

“Shumë prej partive në Holandë në këto zgjedhje me shumë gjasë nuk do të marrin më shumë se 50 për qind të votave. Atyre do t’u duhet të formojnë një koalicion qeverisës. Pothuaj të gjitha partitë kanë deklaruar se nuk e duan bashkëpunimin me Partinë e Lirisë së Geert Wildersit. Pra në këtë kuptim, me shumë gjasë, ai nuk do të jetë pjesë e qeverisë së re”.

Eksperti shton se sa më shumë mbështje të fitojë partia e Wildersit aq më shumë ndikim do të ketë në çështje të rëndësishme si imigracioni dhe ato që lidhen me Bashkimin Evropian.

Wilders ka bërë një fushatë ku është zotuar se do të ndalojë imigrantët myslimanë, do të mbyllë xhamitë, do të ndalë shitjen e kuranit si dhe se do të largojë vendin nga Bashkimi Evropian.

Veç Holandës, në muajt e ardhshëm do të zhvillohen zgjedhjet presidenciale në Francë, në prill dhe zgjedhjet e përgjithshme në Gjermani në muajin shtator, ku garojnë një sërë kandidatësh nacionalistë të së djathtës ekstreme.