Ka përfunduar seanca dëgjimore në rastin e Ramush Haradinajt, në Colmar të Francës, derisa vetë kreu i AAK-së, ish-kryeministri i Kosovës e ish-komandanti i Zonës Operative të Dukagjinit ka treguar se kur do të merret vendimi.
“Ka përfunduar seanca, është vendosur që vendimi të merret më 27 prill 2017 ”, ka thënë gjenerali i UÇK_së -Heroi i paqës Ramush Haradinaj, teksa ka falënderuar të gjithë ata që kishin dalë ta presin para gjykatës në Francë.
“Po presim edhe këto tri javë. Jemi të drejtë dhe e drejta ka për të fituar”, ka thënë gjnerali madhor Ramush Haradinaj.
Para Gjykatës së Apelit në Colmar të Francës shqiptarët kanë filluar që të grumbullohen për t’i dhënë mbështetje ish komandantit të UÇK-së dhe ish kryeministrit të Kosovës Ramush Haradinaj.Avokatja e Haradinajt, kundërshton ashpër Prokurorinë
Lideri i Aleancës për Ardhmërinë e Kosovës përderisa po zhvillohet seanca gjyqësore ndaj tij ka theksuar se gjyqësia franceze po i beson propagandës serbe.
Haradinaj ka filluar të deklarohet pas fjalës së palës mbrtojëse duke thënë se po besohet në propagandën serbe të cilët kanë bërë krime në Kosovë.
“Kanë bërë krime në Kosovë dhe m’i kanë fabrikuar mua. Vetë ish-preisndeit serb, Slobodan Millosheviq ka qenë kriminel. Ata kanë bërë vrasje, kanë kryer krime në Kosovë e po më akuzojnë mua”, ka thënë Haradinaj.
Avokatja: As Haga s`ka pasur prova, Haradinaj po mbahet pa të drejtë
Rachel Lindon, avokate e Ramush Haradinajt ka thënë para trupit gjykues se Haradinaj po mbahet pa të drejtë, për shkak se drejtësia franceze po bazohet vetëm në akuzat që ka thënë pala serbe, e për të cilat nuk qëndron asnjë e vërtetë.
Lindon ka shtuar se Gjykata e Hagës e ka liruar Haradinajn sepse nuk ka pasur prova, e të tilla sipas saj, nuk janë paraqitur as tash..
Seanca ndaj Haradinajt, ja për çka po akuzohet Ramushi
Po vazhdon seanca ndaj liderit të AAK-së, Ramush Haradinaj.
Avokatja e Haradinajt, Rachel Lindon, ka kundërshtuar provat e paraqitura nga ana e palës serbe në rastin Haradinaj.
Siç njofton media, avokatja Lindon ka kundërshtuar fuqishëm provat.
Madje, ajo më ton të lartë i ka kundërshtuar provat e paraqitura.
Në fjalën e prokurorit thuhet se Haradinaj dyshohet për vrasjen e disa romëve në Kosovë gjatë kohës së luftës.
Prokurori ka thënë se romët kanë jep emrat e viktimave dhe sipas tyre Haradinaj ka shtyrë njerëz për t’i kryer veprat.
Në provat e prokurorisë jepen edhe disa emra të viktimave.
Trupi gjykues ka arritur në sallën e Gjykatës ku edhe ka nisur seanca ndaj liderit të AAK-së,
Ramush Haradinaj.
Trupi Gjykues para vetes ka shumë dokumente të pranuara nga prokuroria e Serbisë dhe ende nuk dihet nëse të gjitha do të shqyrtohen në këtë seancë.
Gjykata e blinduar nga policia franceze, Ramush Haradinaj arrin në Gjykatë
Kanë mbetur edhe pak minuta deri në fillim të seancës gjyqësore të liderit të Aleancës për Ardhmërinë e Kosovës, Ramush Haradinaj, i cili tashmë ka arritur në Gjykatë.
Në sallën ku do të zhvillohet seanca tashmë kanë filluar të mblidhen edhe qytetarë të shumtë të cilët kanë shkuar për të përkrahur Haradinajn dhe për të përcjellur gjithë seancën gjyqësore.
Ndryshe kjo është seanca e tretë gjyqësore në drejtim të Haradinajn, por në të cilën nuk pritet të merret vendimi përfundimtar.
Gjykata e blinduar nga policia franceze
Kanë mbetur edhe pak minuta deri në fillimin e seancës së radhës gjyqësore ndaj liderit të AAK-së, Ramush Haradinaj.
Media nga vendi i ngjarjes ka treguar se tashmë gjykata e Colmarit të Francës ku do të mbahet seanca është rrethuar nga forca të shumta policore.
Derisa për ta mbështetur Haradinajn kanë shkuar edhe shumë shqiptarë, të cilët po kërkojnë lirimin e menjëhershëm të ish-kryeministrit Haradinaj.
Para Gjykatës së Apelit në Colmar të Francës shqiptarë nga të gjitha vendet e botës kanë filluar që të grumbullohen për t’i dhënë mbështetje ish komandantit të UÇK-së dhe ish kryeministrit të Kosovës Ramush Haradinaj.
Seanca për Ramush Haradinajn pritet të fillojë në orën 14:00 ku do të shqyrtohet kërkesa e Serbisë për ekstradim të tij.
Ramush Haradinaj është arrestuar më 4 janar nga Policia franceze në bazë të një fletarresti të Serbisë. Ai akuzohet për krime lufte.
Gjykata franceze në Colmar të enjten pritet të marrë një vendim në lidhje me rastin Ramush Haradinaj.
Flet Haradinaj: Po keqtrajtohem, ja çfarë vendimi pres sot
Sot në Colmar të Francës pritet të mbahet seanca ndaj liderit të Aleancës për Ardhmërinë e Kosovës, Ramush Haradinaj. Sipas mediave se seanca gjyqësore nda tij do të mbahet në ora 14:00.
Ish- kryeministri i Kosovës dhe kryetari i partisë politike, Aleanca për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte.
Nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi. Pas seancave gjyqësore më 9 shkurt dhe 2 mars, tani vendimi i ri për Haradinajn do të dihet me 6 prill.
Haradinaj nuk shprehet shumë optimist se në seancën e radhës mund të ketë ndonjë vendim pozitiv për të.
“Është seancë ballafaquese. Prokurori do të paraqes të gjeturat përfundimtare, pse janë përmbushur kriteret për ekstradim në Serbi, ndërsa ne, mbrojtja do të paraqesim argumentet që kjo kërkesë është e pa bazuar, e motivuar politikisht, s'ka bazë ligjore dhe duhet të hidhet poshtë”.
“Teorikisht ekziston mundësia e vendimit, por në bazë të praktikës së deritanishme të vonesave, pra, mund të pritet që vendimi të shtyhet edhe për ditë apo javë", tha Haradinaj.
Ai ka përsëritur se pafajësia e tij është vërtetuar dy herë me proceset gjyqësore ndaj tij të zhvilluara në Tribunalin e Hagës. Haradinaj mendon se ndalesa e tij nuk ka të bëjë me asgjë tjetër, por siç thotë ai, ‘krejt kjo çështje është politike’.
"Baza e ndalimit tim është krejtësisht politike. Do të thotë aktakuza burimin e ka në vitin 2014, një aktakuzë që është nisur para proceseve gjyqësore që i kam kaluar në Tribunalin e Hagës”.
“Në të vërtetë këto gjëra në Francë ndodhin, procesi është gjyqësor, por baza e këtij procesi është krejtësisht politik", tha Haradinaj.
Sidoqoftë, ai tha se respekton dhe beson në drejtësinë ndërkombëtare.
"Pra, respektoj ligjin ndërkombëtar, por nuk e njoh juridiksionin e Serbisë mbi mua. Këtë juridiksion të tashëm dhe të atëhershëm. Ne i kemi nda rrugët me të. Shikojeni absurdin, presidenti i qeverisë, i zgjedhuri ishte ministër i qeverisë së Millosheviqit në kohën kur ka ndodhur gjenocidi në Kosovë”, ka thënë Haradinaj.
Asnjëri na udhëheqit e shtetit serb, ka vijuar ai, nuk e ka kaluar ndonjë proces gjyqësor ku do të vërtetohej pastria e tyre dhe mospërfshirja në krime.
“Unë kam kaluar dy herë në instancën më të lartë të ligjit ndërkombëtar edhe sot vazhdon keqtrajtimi”, ka thënë ai.
“Kjo bjen në konflikt me kërkesën që i është bërë Kosovës për Gjykatën Speciale, për pastrim. Pra, ky nuk qenka pastrim, ligji ndërkombëtar. E vetmja mënyrë për t’u pastruar shqiptarët, sipas kësaj logjike, është të na gjykojë Serbia, Beogradi”, u shpreh Haradinaj.
Prishtina zyrtare, ka theksuar ai, duket të jetë e pafuqishme në rastin e tij.
Sipas Haradinajt, institucionet e Kosovës kanë marrë një pozicion inferior ndaj Beogradit edhe në dialog edhe në pozicione të tjera.
Ndërkaq, ekspertë të çështjeve penale, kanë deklaruar se ka ende gjasa që procesi të zvarritet, për shkak se organet kompetente të drejtësisë në Francë, nisur nga gjykatat, duhet të shqyrtojnë qëndrueshmërinë, vlefshmërinë dhe vërtetësinë e provave që Serbia i ka deponuar për këtë rast.
Kuvendi i Kosovës, javë më parë, miratoi një rezolutë me të cilën kërkoi pezullimin e dialogut me Serbinë, deri në lirimin e ish-kryeministrit Ramush Haradinaj. Vendimi i Kuvendit të Kosovës u përcoll menjëherë me respektim nga qeveria e vendit.
