Programi READING BALKANS” mirëpret dhe bashkon në një platformë të vetme poetë, eseistë dhe dramaturgë nga Europa Juglindore (Shqipëria, Bosnjë-Hercegovina, Bullgaria, Kroacia, Kosova, Maqedonia, Mali i Zi, Rumania, Serbia dhe Sllovenia).

Lidija Dimkovska (Shkup, Maqedoni, 1971) është poete, romanciere, eseiste dhe përkthyese. Ajo ka botuar 6 libra me poezi dhe tre romane, të cilat janë përkthyer në më shumë se 20 gjuhë. Ka merituar çmimin për debutimin e poezisë maqedonase, çmimin gjerman poezia “Hubert Burda,” çmimet rumune poezi Poesis dhe “Tudor Arghezi”, Çmimin Europian për të Poezisë “Petru Krudu” (2016). Librat e saj poezi janë përzgjedhur deri në finale për çmimin gjerman letrar “Brücke Berlin,” për çmimin letrar amerikan “Çmimin libri më i mirë i përkthyer” dhe për për çmimin letrar polak “Poeti Europian i Lirisë”.

Të dy romanet e saj “Kamera e fshehur” (2004) dhe “A Spare Life” (2012) morën çmimin e Lidhjes së Shkrimtarëve të Maqedonisë si librat më të mirë të prozës të vitit. Romani “A Life Spare” marri gjithashtu Çmimin e Bashkimit Europian për Letërsinë (2013) si dhe çmimin për librin më të mirë të përkthyer në vitin 2017 (botuar në anglisht Two Lines Press, SF, 2016).


Romanet e shkrimtares Lidija Dimkovska kanë pasur shumë botime në anglisht, polonisht, sllovakisht, sllovenisht, serbisht, bullgarisht, italisht, çekisht dhe hungarisht. Ajo ka qenë editore e një antologjie të poezisë të ri të Maqedonisë, një antologji e poezisë bashkëkohore sllovene në gjuhën maqedonase dhe një antologjie të pakicave dhe emigrantëve në Slloveni. Në fushën akademike ajo ka Ph.D. mbi letërsinë rumune në Universitetin e Bukureshtit, ku punoi si pedagoge e gjuhës dhe letërsisë maqedonase. Tani jeton në Lubjanë, Slloveni dhe përkthen letërsi rumune dhe sllovene në gjuhën maqedonase.

Lidija Dimkovska ka marrë pjesë në festivale të shumta letrare ndërkombëtare dhe shkrimtare në rezidencë në Iowa, Londër, Berlin, Vjenë, Graz, Salzburg, Krems, Cortanovci, Split dhe së fundmi edhe në Tiranë.

P

Facebook po bën ndryshime drastike për botuesit dhe mediat online

Facebook po teston një tjetër ndryshim madhor i cili do t’i zhdukë tërëisht postimet e papaguara nga kryefaqja e përdoruesit të zakonshëm. Një ndryshim i tillë do të ishte katastrofik për gjithë botuesit dhe mediat online që gjejnë audiencë nga rrjeti social.

Sistemi i ri po provohet në gjashtë shtete duke përfshirë Sllovaki, Serbi dhe Sri Lanka, përcjellë indo kosova. Pothuajse gjithë postimet e papaguara janë hequr nga kryefaqja normale, duke e lënë atë të populluar vetëm me postimet e miqve dhe reklama.

Pra, më thjeshtë, do të thotë që një përdorues i zakontë do të shohë fotot dhe statuset që postojnë miqtë e tij, do të shohë reklama dhe linqe të promovuar. Por, nuk do të shohë përmbajtjet e faqeve të ndryshme, pavarësisht se i ka pëlqyer ato. Një kryefaqe pa lajme, si të themi.

Brenda natës, nga e mërkura të enjten, 60 faqet me më shumë ndjekës në Sllovaki pësuan një rënie drastike të reach-it organik. Thuajse dy të tretat deri në tre të katërtat e reach-it ra menjëherë.
*Reach, numri i personave që kanë parë një postim specifik.

Provat filluan të enjten dhe që tani ndihen pasojat që do të kishte një ndryshim i tillë. Nëse një faqe web-i nuk ka diversitet në mënyrën si gjeneron vizituesit, dhe mbështetet kryesisht tek audienca e Facebook-ut, do të vërë re një rënie katastrofike klikimesh.

Në një deklaratë, Facebook pranoi se po testonte dy lloje të ndryshme kryefaqesh, një me postimet e miqve dhe një me postimet e faqeve të pëlqyera, pasi sipas tyre, kjo është kërkuar me kohë nga përdoruesit. Sidoqoftë, tani për tani, nuk kanë në plan ta bëjnë këtë ndryshim botëror

Vera Sahatçiu, Nëna, si nëna, Rita Orën e thërreth shqip, O Rrush!

Komenti i lezetshëm shqip i nënës së Rita Orës në Instagram, ja si e quan ajo...

Gjatë ditës së sotme, Rita Ora ka publikuar disa imazhe ku shfaqet tejet joshëse.

Pëlqimet nga fansat nuk kanë munguar por edhe komentet e ndryshme i kemi parë të jenë prezente, shkruan lajmi.net

Pranë fotove ku Rita shihet me bikini të tejdukshme i ka lënë një koment edhe nëna e saj Vera Ora.

Ajo ka zgjedhur gjuhën shqipe për ta komplimentuar vajzën e saj të cilën e ka quajtur ”rrush”.

Ndryshe Rita po shijon suksesin e këngës ‘Girls’ dhe po vazhdon turneun e saj nëpër vendet e ndryshme të botë ku po e presin mjaft mirë.

Adriana Matoshi fiton çmimim “Aktorja më e mirë “ në SEEFF në Berlin

Aktorja kosovare Adriana Matoshi është shpërblyer me çmimin aktorja më e mirë në “South East European Film Festival, që është mbajtur së fundi në Berlin të Gjermanisë.
Në këtë festival ku janë prezantuar filma nga shtete të ndryshme, Adriana Matoshi është shpërblyer me këtë çmim, nga Juria Ndërkombëtare e të Rinjve, për rolin e saj në filmin “Unwanted” me regji të Edon Rizvanollit, film i cili tashmë është prezantuar në shumë festivale, duke përfshirë edhe disa çmime ndërkombëtare.

Adriana Matoshi është një ndër aktoret më të kërkuara në Kosovë, dhe ajo është aktorja me më së shumti role kryesore në filmat e xhiruar në vitet e fundit, duke përfshirë edhe shumë filma që janë në proces e sipër.

Promovohen në Bernë dy libra me rëndësi për historinë e shqiptarëve

Lobi Euro-Atlantik Shqiptar në bashkëpunim me Ambasadën e Republikës së Kosovës në Bernë të Zvicrës, ditë më parë organizuan promovimin e librave «Gjuha e Shkipëtarëve » dhe « Skenderbeu Mbreti i Epirit », përkthyer nga gjermanishtja e vjetër gotike e latinishtja nga Albert Gjoka dhe Frida Vokopola , studiues dhe përkthyes të shumë dokumenteve historike mbi shqiptarët të hulumtuara nëpër bibliotekat dhe arshivat e Europës.

Libri « Gjuha e Shkipëtarëve » është botuar në vitin 1835 në gjuhën gotike, në shumë pak ekzemplarë dhe tani përkthehet për herë të parë në gjuhën shqipe, kurse libri « Skënderbeu mbreti i Epirit » i vjetër 550 vjeçar përmban dokumente të panjohura gjer më tani për publikun. Të pranishmit vlerësuan lart këto dy libra që kishin një vlerë historike dhe kombëtare. Lobi Euro-Atlantik Shqiptar në vazhdën e realizimit të synimeve të përcaktuara në Platformën e saj mbetet i përkushtuar në promovimin e veprave me vlerë të madhe kombëtare.

Pas promovimit të librit, anëtarët e Kryesisë së Lobit Euro-Atlantik Shqiptar, në qytetin Bern të Zvicrës dhe Lörach të Gjermanisë, patën takime edhe me bashkatdhetarë, përfaqësues shoqatash, veprimtarë, biznesmenë dhe afaristë të ardhur nga shumë shtete të Europës.

Rita Ora : Tirana, Shqipëria, sonte pres me padurim t’ju shoh të gjithëve!!!

Këngëtarja shqiptare me famë botërore, Rita Ora do të performojë sonte në Tiranë. Tashmë kanë përfunduar të gjitha përgatitjet, ndërsa pritet që së shpejti këngëtarja të niset për në Shqipëri.

Në rrjete sociale, kryebashkiaku i Tiranës, Erion Veliaj ka bërë të ditur orën e fillimit të koncertit të Ritës në sheshin “Skënderbej” në Tiranë.

“Po ti, me kë do vish sot në orën 18:00 te sheshi Skënderbej për @ritaora”, ka shkruar ai në postimin e tij të fundit.

Kujtojmë që dy ditë më parë, në po të njëjtin vend ka performuar Ermal Meta.

Rita Ora sonte do të mbajë koncert madhështor në Tiranë. Këngëtarja e famshme shqiptare do të performojë në sheshin “Skënderbej”.

Fansat e saj nga të gjitha trojet shqiptare presin me padurim performancën e saj.

Pak orë para koncertit, këngëtarja ka shkruar në llogarinë e saj në Twitter, ku thekson se me padurim pret të performojë në Shqipëri.

“Tirana, Shqipëria, sonte pres me padurim t’ju shoh të gjithëve!!!”, ka shkruar ylli me famë botërore, duke i shtuar flamujt kombëtar statusit.

Në moshën 83 vjeçare ka ndërruar jetë shkrimtari, mbledhësi i pasionuar i folklorit dhe publicisti Halil (Veli) Kajtazi.

I lindur në Vitak të Drenicës (1935), pasi mbaroi normalen një kohë punoi mësues, e më pastaj u zhvendos në kryeqytet, ku punoi gazetar në Radio Prishtina dhe drejtori gazeta ndërmarrjesh.

Që në rininë e hershme iu kushtua krijimtarisë letrare dhe mbledhjes me pasion të folklorit, jo vetëm në Drenicë.

La pas mbi 35 vepra të botuara kryesisht në prozë dhe nga fusha e folklorit.

Varrimi i të ndjerit u bë më 1 qershor 2018, në varrezat e qytetit në Prishtinë.