Kadal beg , se ka hendek !?

Xhavit Haliti: PDK brenda dy ditëve mund ta çojë vendin në zgjedhje

Nëse vlerësohet se zgjedhjet e parakohshme parlamentare janë në interes të vendit, atëherë Partia Demokratike e Kosovës (PDK) brenda dy ditësh mund ta zgjedhë një opsion të tillë. Kështu ka deklaruar gjatë një interviste për “Zërin” nënkryetari i Kuvendit të Kosovës, Xhavit Haliti.

Haliti, i cili është deputet i PDK-së në Kuvend, thotë se kërkesat e opozitës për zgjedhje janë legjitime.

“Kërkesat për zgjedhje janë legjitime. Rregullat që dihen në demokraci, që nëse ka kërkesa të tilla, nëse bëhet kuorumi për rrëzim të Qeverisë, atëherë Qeveria bie. Deri tash çdoherë kur ka rënë Qeveria në secilin variant kemi shkuar në zgjedhje të reja. Nëse ne vlerësojmë se interes i vendit janë zgjedhjet, atëherë ne e çojmë vendin në zgjedhje për dy ditë”, ka theksuar Haliti.

Mirëpo pavarësisht mospajtimeve brenda partnerëve të koalicionit qeverisës, sidomos për shkak të taksës 100% ndaj mallrave serbe dhe boshnjake, Haliti thotë se ky koalicion është funksional, i cili po diskuton për harmonizimin e çështjeve me rëndësi për vendin.

****

Dr.Pal Lekaj-serbëve: Nëse prisni seancën për rrëzimin e qeverisë, pritja do zgjasë deri në fund të mandatit

Ministri i Infrastrukturës, Pal Lekaj i është kundërpërgjigjur “planeve” të Listës Serbe për rrëzimin e Qeverisë Haradinaj.

Ai ka thënë se nëse deputetët e Listës Serbe kanë vendosur ta presin seancën për rrëzimin e Qeverisë Haradinaj, atëherë pritja do të zgjasë deri në përfundim të këtij mandati.

“Prandaj, unë u bëj thirrje që ta trajtojnë me seriozitet detyrën e deputetit dhe t’i lënë anash kërcënimet”, shkruan Lekaj në Facebook.

Lista Serbe ka paralajmëruar sot se do të kthehej në Kuvendin e Kosovës, nëse opozita i bën 51 vota për rrëzimin e Qeverisë Haradinaj.

'Sivjet do të ketë zgjedhje të reja'

Në LDK janë të bindur se sivjet do të ketë zgjedhje të parakohshme parlamentare. Kështu të paktën është shprehur në një intervistë për Telegrafin me gazetarin Muhamet Hajrullahu, nënkryetari i kësaj partie, Lutfi Haziri.

Sipas tij, LDK-ja favorizon një marrëveshje politike, ndërmjet partive politike, për caktimin e datës së zgjedhjeve.

Haziri bëri të ditur se zgjedhjet e reja mund të organizohen 30 deri në 60 ditë, pas dialogut me Serbinë.

“Ky vit është fillimisht viti i zgjedhjeve nacionale. 30-60 ditë pas fundit të dialogut do të ketë zgjedhje. Ne jemi të përgatitur që zgjedhje të ketë para marrëveshjes finale me Serbinë. Por, me ose pa marrëveshje, zgjedhje parlamentare do të ketë”, deklaroi Haziri për Telegrafin.

Kryetari i Gjilanit foli edhe për zgjedhjet që së shpejti pritet të organizohen brenda Lidhjes Demokratike të Kosovës.


Haziri nuk pranoi të komentojë nëse do të jetë kandidat për kryetar, por tha se duhet të ketë marrëveshje brenda partisë.

“Favorizoj marrëveshje politike, e cila në një mandat të ardhshëm zgjedhë lidership, i cili edhe mund ta çojë LDK-në drejt partisë së parë. Vazhdoj të bëj apel, që të shkohet drejt një marrëveshje të madhe politike brenda partisë”, u shpreh Haziri.

Të moshuarit që studiojnë akoma, 3.5% e 55-64 vjeçarëve pjesëmarrës në arsim

Astriti, edhe pse ka dalë në pension vijon ta ushtrojë profesionin e ekonomistit. Ai ishte mësuar që të mbante llogaritë kontabël në mënyrë manuale, megjithatë iu desh që të mësonte kompjuterin dhe mënyrën se si funksiononin softuerët për mbajtjen e llogarive kontabël në një moshë relativisht të madhe.

Të mësuarit është një aktivitet që nuk duhet të kufizohet nga mosha e individit. Me zhvillimin e shpejtë të teknologjisë, dhe jo vetëm, të gjithë duhet të jenë të përditësuar me ndryshimet më të fundit në fushat e interesit, pavarësisht nga mosha.

Përfitimet e të mësuarit përgjatë gjithë jetës janë të shumta. Të mësuarit në mënyrë të vazhdueshme përmirëson aftësitë profesionale të individëve. Pjesa më e madhe e profesioneve, si p.sh. mjekët apo IT, vazhdojnë përditësojnë njohuritë dhe aftësitë, prej të cilave varet edhe vendi i punës.

Në Shqipëri, rreth 3.5% e individëve (rreth 12,800) që i përkasin grupmoshës 55-64 vjeç marrin pjesë në arsimin zyrtar ose jo zyrtar.

Për grupmoshën 45-55, rreth 6.1% morën pjesë në arsimin zyrtar dhe jo-zyrtar, ndërsa për grupmoshën 35-44 vjeç rreth 8.6%

Përqindjen më të lartë të të mësuarit e ka grupmosha 25-34 vjeç, ku sipas INSTAT rreth 17.3% e tyre morën pjesë në arsim.

Meshkujt mësojnë më pak

Shkencëtarët janë përpjekur ndër vite që të gjejnë se cila nga dy gjinitë është më inteligjente, të dhënat nga INSTAT tregojnë se gratë harxhojnë më shumë kohë duke studiuar.

Në raport me gjininë janë gratë ato që priren që të marrin pjesë në arsim më tepër se sa burrat. Sipas të dhënave të publikuara nga INSTAT në statistikat mbi “të mësuarit gjatë jetës” rreth 8.8% e burrave dhe 9.5% e grave të grupmoshës 24-65 vjeç kishin marrë pjesë në arsimin zyrtar ose jo zyrtar.

Edi Rama taksë në Kalimash për Kosovën, por kërkon heqjen e taksës Haradinaj për Serbinë!

Prof.Dr. Enver Bytyçi

Para një muaji Edi Rama u shfaq në një pritje në pallatin e ri presidencial alla Erdogan të Hashim Thaçit në Prishtinë. Ai shkoi në vilën luksoze të presidentit të Kosovës, jo për urimin e madh të hyrjes së mikut të tij në këtë vilë, sesa për t’i bërë presion Ramush Haradinajt që ta heqë taksën për mallrat serbe që hyjnë në Kosovë.

Ishte ky një organizim në formën e një kurthi i tre arkitektëve të ndarjes së Kosovës, përkatësisht Edi Ramës, Hashim Thaçit dhe Baton Haxhiut. Batoni bëri fotografitëë e famshme në tavolinën e bollshme të Hashim Thaçit me Edi Ramën në krye të “sofrës”, dhe Kadri Veselin, Behgjet Pahcolllin, Baton Haxhiun dhe Ramush Haradinajn në të majtë e të djathtë të kryeministrit të Shqipërisë. Regjia ia la Ramës në atë darkë rolin e të zotit të shtëpisë në vilën e Hashim Thaçit.

Ishin në atë tavolinë 5 me 1. Pesë veta kishin programuar që darka e “Zanzibarit” në vilën luksoze të Hashim Thaçit të shërbente si “pikë kthese” në marrëdhëniet me Serbinë. Pra që kryeministri Haradinaj të vihej nën presionin e pesëshëes dhe të tërhiqej sa i përket taksës për mallrat dhe që Rama e Thaçi të vijonin të qetë zbatimin e projektit serbo-rus të ndarjes së Kosovës. Se kjo pesëshe poiI kundërvihej një personi, Haradinajt, u provua dhe dje në mëngjes kur Thaçi, Haradinaj dhe Veseli u takuan me ndihmëssekretarin e Shtetit Amerikan, David Hale, ku dy përfaqësueti e partisë më të madhe në qeverisje, PDK-së, i bënë presion të pandërprerë zotit Haradinaj në lidhje me taksën.

Eshtë interesant fakti se publikisht Thaçi flet për “presion serb në dialogun me Prishtinën”! Ndërkaq Rama, Hashimi e Kadriu po bëjnë të gjitha presionet e mundëshme në darka, dreka e në prezencën e autoriteteve më të larta të vendeve mike, me qëllim që ta thyejnë Ramush Haradinajn. Haradinaj qëndron. Qëndron fort deri më tani. Nëse nuk do të qëndrojë, do të fundoset me gjithçka. Vendimi i tij për vendosjen e taksës 100 përqind për mallrat serbe që hyjnë në Kosovë e ka vënë para alternativës: “Ose duhet të qëndrojë, ose duhet të harrohet në politikën e Kosovës”! Alternativë tjetër nuk ka për Ramush Haradinajn.

Po Edi Rama, i cili i bashkohet korit të sorrave serbe për heqjen e taksave, çfarë halli ka?! Pse nuk e shqetëson atë taksa në rrugën e Kombit, por e shetëson taksa e Kosovës ndaj mallrave të Serbisë?! Angazhimi i kryeministrit të Shqipërisë kundër taksës Haradinaj nukështë parimor, as në interes të Kosovës dhe kombit shqiptar . Atëherë çfarë e shtyu Edi Ramën të vendosë taksën kundër Kosovës në Rrugën e Kombit dhe ndërkohë të insistojë e të ngrejë kurthe e intriga për ta detyruar Ramush Haradinajn të heqë taksën për Serbinë dhe mallrat e saj që hyjnë në Kosovë?!

Ka vetëm një shpjegim: Lidhja e ngushtëe e madje e dyshimtë e Edi Ramës me Beogradin dhe presidentin e Serbisë, Aleksandë Vuçiq. Nëse Edi Rama do të mendonte shumë pak për interesat e Kosovës e të Shqipërisë në krahasim me atë që mendon e punon për, punët tona nuk do të kishin shkuar kaq keq. Së paku nuk do të kishin mbërrit deri në këtë pikë sa të vihej në diskutim sovraniteti dhe integriteti territorial o Kosovës!

Eshtë kaq e vërtetë kjo, sa duket edhe në sjelljet e palëve: Le t’I përmendim disa detaje:

Edi Rama në kërkim të zbatimit të idesë serbe të ndryshimit të kufijve midis Kosovës dhe Serbisë, i tha nëntorin e vitit të kaluar Haradinajt se “Kush i thotë Hashim Thaçit tradhëtar, ai është gomar”, duke aluduar në vetë kryeministrin e Kosovës. Por nuk i tha asnjëherë Aleksandër Vuçiq ose Ivica Daçiq se projekti i tyre për ndarjen e Kosovës është i gabuar, i papranueshëm dhe i rrezikshëm!

Edi Rama i kërkon me ngulm Ramush Haradinajt të heqë taksën për Serbinë, por nuk pranon ta heqë taksën që ai i ka vënë Kosovës në Kalimash! Kryeministri i Shqipërisë shqetëshet kur dikush i kundërvihet politikave destruktive të Sëerbisë në Kosovë, por nuk shqetësohet pse ua vështirëson lëvizjen e lirë qytetarëve të Kosovës. Edi Rama kërkon lëvizjetë lirë në kufirin midis Kosovës dhe Serbisë, por vendos një kufi tjetër kontrolli midis Shqipërisë dhe Kosovës! Edi Rama konfliktohet 24 herë në 24 orë me shqiptarët e të gjitha kategorive, por asnjë sekondë me politikat serbe të obstruksionit në Kosovë!

Ky standard i dyfishtë i kryeministrit të Shqipërisë duhet lexuar si shërbim i radhës ndaj politikave serbe e ruse në Kosovë dhe territoret shqiptare. Sepse është i tillë. Në vend që kryeministri i Shqipërisë politikave të agresionit serb në Kosovë, ai kërcënon Hamush Haradinajn pse kryeministri I Kosovës e mbron vendin e tij nga projekti serbo-rus I mbaështetur nga Rama-Thaçi për ndarjen e Kosovës!

O njerëz! Vendoseni gishtin e madh te veshi dhe thirrni me ulërime: - Si ta mbrojmë Kosovën prej Edi Ramës dhe Hashim Thaçit! Ky është misioni e çdo shqiptari sot. Kush dëshmohet në këto kohë naiv dhe e nuk e sheh rrezikun te këta dy liderë shqiptarë, ai nesër do të zhgënjehet!

Në Parlamentin Evropian u mblodhën për të kërkuar mbështetje për mbrojtjen e lumenjve nga i gjithë Ballkani.

Në mbështetje të grupit të së Majtës Evropiane dhe të së Gjelbrës Nordike në Parlamentin Evropian, në Bruksel u mblodhën për të kërkuar mbështetje për agjendën e tyre aktivistë për mbrojtjen e lumenjve nga i gjithë Ballkani.

Personazhe të filmave dokumentarë dhe reportazheve televizive që kanë mbuluar rezistencën popullore kundër HEC-eve nga i tërë Ballkani u bashkuan në një sallë të Parlamentit Evropian. Këtu përfaqësuesit e komuniteteve dhe gazetarët bënin foto së bashku dhe këmbenin përvojat e tyre në ndaljen e HEC-eve në vendet e veta.

Maida Bilali qëndronte pranë flamurit shqiptar me pankartën e saj nga Bosnja, ku shihej mbishkrimi i vendlindjes së vet Krusica, fshati ku banorët e ndalën ndërtimin e hidrocentralit me trupat e tyre. Bilali me bashkëvendaset e veta e bllokuan rrugën për në pikën e ndërtimit 505 ditë me radhë, 24 orë në ditë. Në këtë mënyrë ato kishin ndalur ndërtimin e HEC-eve ne fahstin e tyre. Mirëpo tregon Maida "beteja nuk ka përfunduar, pasi ende nuk është tërhequr kontrata e koncesionit”.

"Këtu kemi pasur një takim të rëndësishëm me Komisionin Evropian, ku kemi përcjellë rëndësinë e ruajtjes se resurseve natyrore, pasi vizioni im është që këtë pasuri ta ruaj për gjeneratat e ardhme”, thotë ajo.

Në Bruksel është edhe guida turistike dhe aktivisti ekologjik nga Shqipëria Alben Kola, i cili me vete kishte posterin ikonik të protestës së fundit në Kosovë kundër ndërtimit të HEC-eve ne shtratin e lumit Lumbradh të Pejës. Posteri me grusht të mbyllur, flamuri kuq e zi dhe simbolet boshnjake kishin mbuluar koridorin e Parlamentit Evropian. Në sallë u shfaq filmi dokumentar i Elton Baxhakut "Free Flow", ku u shpjeguan detajisht shumë probleme që janë shkaktuar nga HEC-et dhe procesi i ndërtimit të tyre.

Pse qeveritë e Ballkanit ua japin burimet e veta të tjerëve

Pas filmit, eurodeputeti Thomas Waitz, nga të Gjelbrit e Austrisë tha se HEC-et sjellin përfitim për disa, por shkatërrojnë potencialin për zhvillim të turizmit për tërë zonën. "Pse për të ardhurat e një kompanie energjetike austriake duhet të shkatërrohet një vend?”, pyeti austriaku. "Si është e mundur që qeveritë e vendeve si Bosnja e Hercegovina, Serbia, Shqipëria, Mali i Zi, Kosova janë të gatshme të shkatërrojnë vendin e tyre për llogari të të tjerëve? Është korrupsion”, tha Waitz.

"Është Dhoma Ekonomike e Austrisë, që është po lobon për këto hidrocentrale. Unë kam biseduar me disa ambasadorë të Austrisë dhe ata janë mjaft kritikë për këto praktika. Por është edhe qeveria që lobon për këto kompani, pasi kompanitë janë të afërta me partitë në pushtet”, tha ai.

Në pyetjen nëse hidrocentralet mund të ndalen dhe a ka shpresë, Waitz tha se "disa nga ato janë ndalur”.

Kush i financon HEC-et

Igor Vejnoviq nga Bankwatch, një OJQ ndërkombëtare ka hulumtuar se kush i financon këto hidrocentrale dhe se kush përfiton prej tyre në Ballkan. Për ndryshim prej Evropës Perëndimore ku kompanitë shtetërore apo lokale i kanë ndërtuar hidrocentralet, në Ballkan të gjitha projektet janë të bëra nga kompanitë e huaja.

Ai tregoi më tej se institucionet e BE-së duhen bërë përgjegjëse për financimin e hidrocentraleve në Balkan. Ai veçoi Bankën Evropiane për Zhvillim dhe Rindërtim, Bankën Evropiane për Investime si banka publike, të cilat shpesh i financojnë këto projekte përmes bankave lokale si Unikredit nga Italia dhe Erste nga Austria.

Nga ana e tij Besar Likmeta, tregoi përvojat e tij si gazetar që ka mbuluar çështjet e lidhura me HEC-et. Ai tregoi se në Shqipëri opinioni publik është plotësisht kundër HEC-eve, mirëpo te to vazhdohet të investohet, dhe arsye kryesore janë paratë. Për të vënë vulën se hidrocentralet nuk kanë të bëjnë fare me të Gjelbrën dhe mbrojtjen e ambjentit, përfaqësuesja e ëF, Adria Irma Popovic-Dujmovic, tha: "Këto nuk janë projekte të gjelbra dhe nuk duhet të financohen”.

Ja ku i djeg Serbisë

Nga Bardhyl Mahmuti

Përveç heqjes së taksës Serbia vë kusht heqjen e Platformës së Kosovës për vazhdimin e dialogut!

Përveç ankesave që Presidenti i Serbisë Aleksandar Vuçiq i shprehu në takimin me nënsekretarin për Çështje Politike në Departamentin e Shtetit, David Hale, ai, në një fjalim para rreth 6000 qytetarëve në Mitrovicë të Sremit të Vojvodinës volli vrer kundër miratimit të Platformës për dialog të miratuar nga Kuvendi i Kosovës.

Mediat në gjuhën shqipe raportuan për fyerjet që presidenti i Serbisë u adresoi politikanëve shqiptarë të Kosovës dhe atyre të BE-së. Megjithatë, revolta e Aleksandar Vuçiçit lidhur me platformën që miratoi Kuvendi i Kosovës del hapur në fjalimin e tij të mbajtur në Mitrovicë të Sremit.

E shoh me interes që lexuesi shqiptar të njoftohet më gjerësisht rreth këtij fjalimi. Për këtë arsye kam bërë përkthimin e pjesëve që më janë dukur më domethënës dhe që nxjerrin në shesh se ku i djeg Serbisë!

Ndër të tjera ë këtë fjalim Presidenti i Serbisë Aleksandar Vuçiq thotë:

“Të dashur miq. Dje ka ndodhur diçka e rëndë; shqiptarët kanë sjellë platformë! Ju lus që të dëgjoni se çka shkruhet në atë platformë. Kanë sjellë Platformë... Kam menduar se pafytyrësia ka kufij, por dje kam kuptuar se pafytyrësia nuk ka fund!

Në atë platformë kanë shkruar se ne duhet të njohim pavarësinë e tyre, ta njohim menjëherë! Madje as kjo nuk u mjafton! Ta njohim në kufijtë e sotëm të Kosovës që ata të mund të na njohin një ditë dhe të na i falin një ditë të gjitha mëkatet. Ky është vetëm parakusht, që ne të tregojmë shenja besueshmërie që ata të kenë më shumë besim te ne, që të mund ta pranojnë Serbinë! Paramendoni veprojnë sikur ne të mos ishim shtet dhe sikur na ka mbetur që ata të na njohin! Dhe për këtë arsye flasin për njohje reciproke. Sikur të mos ishte e pikëlluese do të kishte qenë qesharake. Kjo i bie sikur ne presim që ata të na njohin neve, që na njeh krejt bota, neve që jemi themelues të Organizatës së Kombeve të Bashkuara. Na flasin se si është mirë që të ketë njohje reciproke!

Dhe kjo është cikërrimë në krahasim me atë që vijon.

Ata thonë se Serbia duhet të përgjigjet për krimet seksuale të kryera ndaj shqiptareve! Pastaj thonë se Serbia dhe serbët duhet të përgjigjen për të gjitha krimet tjera që janë kryer ndaj shqiptarëve, dhe ne me të gjithë këto kërkesa duhet vullnetarisht të pajtohemi! Të krijohet një gjykatë e veçantë për krimet që kanë kryer serbët. Edhe kjo nuk është e mjaftueshme! O njerëz, do të duhet t’u paguajmë dëmshpërblimet e luftës, ndoshta për arsye se kanë bërë ndarjen e dhunshme të një pjese të territorit tonë përmes agresionit që ka kryer Pakti NATO; ndoshta për këtë do të duhet t’u paguajmë dëmshpërblime lufte.Dhe e gjithë kjo nuk është e mjaftueshme! Do të duhet të plotësojmë edhe pesë kushte të tjera që ata, të “mëdhenjtë e kësaj bote”, jo ta harrojnë, por të na e falin, dhe ata të na njohin në një moment të caktuar! Dhe kur i shihni të gjitha këto ju e kuptoni se shqiptarët kanë sjellë vendim që të mos ketë dialog! Kanë sjellë vendim që të mos ketë kurrfarë bisedimesh! Dëshira e tyre është ta ulin sa më pushtë Serbinë!

Kemi dashur kompromisin dhe gjithmonë e kemi kërkuar. Edhe sot themi se dëshirojmë kompromis, por për atë që të shkatërroni Serbinë, ta asgjësoni Serbinë, ta shkelni Serbinë nuk do të mundni as ju, siç nuk kanë mundur edhe shumë më të fortë se ata të Prishtinës që janë përpjekur në qindra vjet para tyre...Po u them se nuk ka më “Oluja”! Nuk ka më “Blesak”! (Këtu aludohet në ofensivat kroate që çliruan përfundimisht çdo pjesë të Kroacisë që mbahej nën okupimin serb). Dhe e di mirë se çka ju them kur shqiptoj këto fjalë! Dhe ju bëni llogaritë mirë! Bëni llogarit mirë dhe përpiquni të luani! Ne nuk do ta ngucim askënd! Asnjëherë nuk do të provokojmë asnjë konflikt! Por do të kërkojmë paqe dhe do të kërkojmë bisedime! Ndërsa ju kur të hiqni platformën tuaj dhe kur do të hiqni taksat e juaja, atëherë mirë se vini në bisedime, pa marrë parasysh se çfarë rrenacakësh jeni!”

Mendoj se ky fjalim e nxjerr sheshit pse Serbia nuk është e gatshme të hapë një kapitull të ri në raport me shqiptarët në përgjithësi dhe atë të Kosovës në veçanti!

Për të interesuarit që të dëgjojnë fjalimin në tërësi:

Perëndia do të fshijë çdo lot nga sytë e tyre

Nga Aurel Dasareti, USA, ekspert i shkencave ushtarake-psikologjike (dasaretiaurel@yahoo.com.au)

Vuajtjet më të mëdha të të gjitha vuajtjeve njerëzore janë vuajtjet e fëmijëve që vdesin nga uria. A do të përfundojnë ndonjëherë vuajtjet e fëmijëve të shqiptarëve të varfër? Perëndia do të fshijë çdo lot nga sytë e tyre. Edhe hidhërimi, britmat dhe dhimbja gjithashtu do të zhduken.
***
Nuk është Perëndia që po shkakton vuajtjet, asgjësimin, shfarosjen, zhdukjen gjithëpërfshirëse të shqiptarisë (kombit dhe vendit)por qeveritarët, para së gjithash Kryeministri i Shqipërisë (Kazani) dhe Presidenti i Kosovës (spiuni dhe gënjeshtari kronik). Këta të dyjanë të denjë për urrejtje, sepse në bashkëpunim me njëri-tjetrin, para së gjithash punojnë për realizimin e projektit serbo-rus përcopëtimin e mëtejmë të Kosovës shqiptare. Mos pritni që këta dylberë do të largohen vullnetarisht, sepse ata nuk janë vetëm por të rrethuar nga kalbësirat tjera, të cilët bashkarish bëjnë gjithçka të mbeten në pushtet deri sa të ngordhin. Sikur mos të ishte kështu, deputetët e Kuvendit të Shqipërisë dhe Kosovës do t`i shkarkonin menjëherë nga detyra.
Errësira e brendshme e politik-bërësve kriminelë, tradhtarë dhe injorantë, është origjina e vuajtjes së juaj. Sa më shumë dritë e brendshme që vjen nga ana e juaj, aq më shumë do të largohet errësira.
***
Njeriu i arsyeshëm synon pushtetin, qoftë edhe vetëm për të bërë “mirë”. Rreziku më i madh për të qëndron pikërisht këtu, tek dëshira për të ardhur në pushtet, tek shpërdorimi i tij, tek dëshira për të urdhëruar, tek terrori.
***
Kazani i shtetit amë ka një problem vesi për t`u droguar, kjo e detyron që edhe të rrezitet cullak në plazhet e stërmbushura me pushues. Dhe, natyrisht, kur hartojmë ligje që e bëjnë drogën (kanabisin) ilegale, atëherë është edhe problem kriminaliteti.
Këto janë problemet ku konceptimet e shtrembëta të politik-bërësve kriminel dhe mungesa e mirëkuptimit ndaj atyre që vuajnë për një kafshatë buke luajnë një rol jashtëzakonisht të rëndësishëm, ku veprime të parashikuara mirë mund të kenë rrjedhoja të paparashikuara. Ilaçi shpesh është më i keq se sëmundja.
***
Shqiptarë, për çështjen e Atdheut merrni përgjegjësinë vetë, ju dhe vetëm ju!

BE-ja raciste, ndaj shqiptarëve logjikon kështu: Këtyre (shqiptarëve) duhet t`u hiqet ajo që ata kanë (çfarë u ka mbetur kur i copëtuam), dhe këtyre të përkëdhelurve tanë (serbëve) duhet t`u shtohet edhe ajo çfarë nuk kanë (çfarë nuk u kemi dhënë nga tokat e shqiptarëve).
***
Vendi im i njerëzve të trishtuar- Ka një vend në Gadishullin Ilirik, i cili nga të gjitha anët kufizohet me veten dhe ku jetosh vetëm për të vdekur. Ku jetojnë gratë më të bukura dhe shkalla e lindjeve zvogëlohet. Ku të papunët punojnë më shumë, ku në tokën më të begatshme jetojnë njerëzit që vdesin nga uria. Ku të gjithë po nguten për në punë, dhe askush nuk arrin në kohë. Ku burrat e shëndetshëm po plaken nëpër kafene dhe çajtore të tymosura. Ku shëndetësia është falas, por trajtimi mjekësor është i shtrenjtë. Ku gazetarët janë të lirë të shkruajnë çfarëdo që u urdhërohet. Ku prokurimet publike janë sekrete dhe sekretet shtetërore janë publike. Ku luftërat kurrë nuk përfundojnë. Ku tradhtia e shitësve të atdheut lulëzon. Ku vend-copëtimi kurrë nuk mbaron. Ku braktisja e vendlindjes me hapa të shpejta vazhdon. Ku historia përsëritet çdo ditë. Ku njerëzit më të pasur janë ata që nuk kanë punuar kurrë dhe i kanë hyrë politikës me shallvaret e lidhura me ushkur. Ku të mençurit i shpallin njerëz të çmendur, dhe të çmendurit të mençur. Ku shakaxhinjtë shkruajnë historinë. Ku analfabetët vet-shpallen gjeneralë e pastaj udhëheqin politikën. Ku prona shoqërore trajtohet si pronë private. Ku servilëve dhe tradhtarëve u qëndisen këngë patriotike. Ku të „devotshmit“ gjithë natën bëjnë mëkate e gjithë ditën në kisha e xhamia i luten Zotit për falje. Ku askush nuk e di ku duhet të shkoj kufiri. Ku ligjet janë të paligjshme, dhe anarkia është një gjendje normale. Ku autoritetet i përçmojnë qytetarët si dëshmitarë të padëshiruar. Ku jetohet nga e ardhmja, sepse nuk kanë të drejtë për të tashmen. Ku secili i buzëqeshën secilit, por askush nuk i dëshiron asnjërit një të mirë. Ku ata mendojnë se vendi do të bëjë më shumë përparim sa më tepër që të shkoje prapa. Ku nuk je normal, nëse nuk çmendesh. Ku koha është e pafundme, dhe budallallëku është i pavdekshëm.Ku zjarrfikësve u digjet shtëpia...
***
I urrej duart që vrasin të pafajshmit.
Këshillë kriminelëve - Të nderuar kriminelë!Mos pikturoni retë e së nesërmes në qiellin e sotëm. Ju as që mund të paramendoni se a do të përbëhen nga pikat e vogla të ujit, copa akulli ose një kombinim i të dyjave. Forma, lartësia dhe pamja e reve thonë diçka rreth kushteve të stabilitetit ku ato formohen dhe shpesh do të jetë një tregues i zhvillimeve të motit të ardhshëm.
***
Nuk mund të ekzistojë një jetë fisnike dhe e lartësuar pa njohur djajtë e demonët si dhe pa luftuar paprerë kundër tyre!
***
Shpejt duhet të vijë një ditë e nesërme
Nëse jo nesër
Atëherë një ditë tjetër.

https://www.youtube.com/watch?v=Bo3bTtJAI88
https://www.youtube.com/watch?v=iLXmxhnaEx0

Peticioni i Amerikanëve: Presidentit Trump i kërkohet arrestimi i George Soros

Në Amerikën kërkohet burgosja e biznismenit George Soros !

 Athua në vendin tonë a do të ndodhë burgosja e Sorosisteve Kosovarë ?

F.B

Organizata Change.org i ka dërguar një peticion Presidentit të zgjedhur të Shteteve të Bashkuara ku kërkon që të ndalojë nga çdo biznes në Shtetet e Bashkuara, George Soros dhe anëtarët e familjes së tij. Ata i kërkojnë Presidentit që të ndalojë George Soros dhe familjen e tij që të pranohet si kontribues në fondacione, në politikë, etj., me qëllim që ky njeri “të mos ketë më influencë për të manipuluar politikanët tanë të korruptuar”- thuhet në Peticion.

Ne konsiderojmë se do të ishte “krim” sikur të pranohej qoftë edhe një para prej tij- thuhet më tej

Peticioni i kërkon Presidentit Trump që lëshojë një kërkesë për “arrestimin” e George Soros, për krimin e “marrjes peng të njerëzve” për protesta, rrëmujë dhe agresion, që po plagos njerëz dhe po dëmton ekonominë.

Më tej, peticioni vazhdon: “I kërkojmë Presidentit të SHBA që menjëherë të mbyllë” organizatën e Soros me emër “Move on Org”, e cila ka blerë protestues dhe po rrënon paqen e njerëzve në Amerikë.

Nënshkruesit e peticionit përmendin se si Soros në vitin 2003 ka shkruar lajtmotivin e tij: “Ta shpojmë flluskën e supermacisë Amerikane”.


 Soros- thuhet në peticion, – në mënyrë të vazhdueshme vazhdon të punojë që ta arrijë këtë qëllim, duke blerë qeverinë, duke manipuluar monedhën tonë, duke blerë politikanë, duke blerë influencë mbi vlerat e Perëndimit.

Sipas Peticionit, Soros ka financuar të drejtën për abortin, ateizmin, legalizimin e drogës, edukimin me seks, eutanazinë, feminizmin, kontrollin e armëve, globalizimin, emigrimin në masë, dhe eksperimente të tjerë të inxhinieringut të shoqërisë.

Ai (Soros) u përpoq që të dërgonte refugjatë për të falimentuar dhe për të destabilizuar vendin tonë. Ai vazhdon të ndërhyjë dhe manipulojë qeverinë tonë me pagesat e tij për politikanë të korruptuar, duke përfshirë edhe rinumërimin e votave, duke u përpjekur që të largojë edhe presidentin e zgjedhur në shtetet e Bashkuara.

Soros vazhdon të financojë grupe të dhunëshme si psh., “Black Lives Matter”, t’i paguajë ata me qëllim që të kryejnë krime kundër amerikanëve të pafajshëm- thuhet në Peticion.



Në moshën e tij të thyer, tani ka futur të birin, Alex Soros me qëllim që të vazhdojë axhendën familjare të takimeve me politikanë dhe media.

Ky duhet të ndalohet tani!- shkruajnë pjesëtarët e Peticionit.- Ne, populli, nuk e tolerojmë më George Soros. 

Ai është i betuar që të shkatërrojë vendin tonë, prandaj pengesa duhet të vendoset menjëherë në rrugën e tij djallëzore, kundër tij dhe familjes së Soros në Amerikë…

Kështu përfundon Peticioni, me fjalët : “Ju faleminderit President Trump!”

*****

Rreziqet e marrëveshjes Rama-Thaçi-Vuçiç

Shkurtimisht për marrëveshjen për ndryshimin e kufijve mes Kosovës e Serbisë mund të thuhet:

Marrëveshja Rama-Thaçi-Vuçiç është me origjinë serbe dhe e ideuar nga Vuçiç…

Rama është guruja dhe nxitës i saj… Thaçi nismëtar me detyrim i bisedimeve…

Mogherini dhe Hahn kanë qenë mbështetës të kësaj marrëveshjeje…

Marrëveshja është kritikuar nga të gjithë vendet e Ballkanit Perëndimor, veçanërisht nga Gjermania…

Marrëveshja është konsideruar jo transparente dhe është kundërshtuar masivisht, nga politika, shqoëria civile dhe media, në Shqipëri, Kosovë e Serbi…

Marrëveshja është kundërshtuar fuqimisht nga Kryeministri i Kosovës Ramush Haradinaj dhe të gjithë forcat politike kryesore në Kosovë si dhe nga Presidenti i Shqipërisë, Ilir Meta, ish-Presidenti i Shqipërisë Sali Berisha dhe të gjithë forcat politike kryesore të Shqipërisë…

Dokumenti i përpunuar me titull “Standstill in the Normalization of Relations betëeen Serbia and Kosovo - Implications for the Western Balkans, EU and

NATO” (https://www.ceas-serbia.org/images/2018/CEAS_Study_-West_Side_Story.pdf) , është publikuar nga OJQ serbe CAES, në qershor 2018 (një OJQ e financuar nga Soros)

Kanë punuar intensivisht për hartimin dhe realizimin e kësaj marrëveshjeje, George e Alexandër Soros dhe Tony Blair…

Ekzistojnë të dhëna se janë paguar shuma të konsiderueshme nga qeveria e Tiranës dhe Presidenti i Kosovës, për kompanitë lobuese të Ramës,

Thaçit, por edhe të Republikës Serbe të BiH që janë të angazhuara intensivisht pranë administratës Trump dhe kancelarisë gjermane për përmbylljen e kësaj marrëveshjeje…

E kanë kundërshtuar fuqimisht këtë marrëveshje kancelarja gjermane Merkel dhe shumë figura të rëndësishme europiane, ish-kryeministra, ish-ministra të jashtëm të vendeve të BE dhe politologë që kanë mbështetur fuqimisht çlirimin dhe pavarësinë e Kosovës

Nuk ka shprehur ende mosdakordësi këshilltari i sigurisë i SHBA, John Bolton…

Disa nga hilet që fshihen pas kësaj marrëveshjeje janë:

Hile 1: Marrëveshja Thaci-Vucic s’do të quhet për ndarjen e Kosovës por për delimitimin e kufirit

Hile 2: Fillimisht Mitrovica nuk do të ndahet në dy pjesë, veriu – Serbisë dhe Jugu-Kosovës por do ti jepet një status i veçantë, i ngjashëm me atë të

Bosnjes; ndarja do të ndodhë disa muaj më vonë. Kjo bëhet për të ulur reagimin negative të kosovarëve për ndarjen e Mitrovicës;

Hile 3: Trepca, fillimisht nuk do ti jepet Serbisë por do të thuhet se “kjo çështje do të zgjidhet më vonë”, në mënyrë që kosovarët të mos reagojnë negativisht;

Hile 4: Do të deklarohet se Presheva do ti jepet Kosovës për të qetësuar reagimet negative në Kosovës ndërkohë që serbëve do t’ju thuhet se ky veprim do të pasohet më vonë me kalimin e Mitrovicës veriore nën autoritetin e Serbisë;

Hile 4: Do të deklarohet se Serbia e njeh pavarësinë e Kosovës, por në realitet kjo nuk do të thotë anëtarësim automatik i Kosovës në OKB sepse duhet marrë vendimi në Këshillin e Sigurisë së OKB ku deri më sot kanë qenë kundër Rusia dhe Kina.

Hile 5: Rama fillimisht do të heshtë dhe do të hidhet në sulm vetëm nëse marrëveshja Thaci-Vucic nënshkruhet, duke deklaruar se tani do të hiqet kufiri mes Ksovës e Shqipërisë; duke shpallur “armiq” të gjithë ata që kanë qënë kundër marrëveshjes.

Kurse disa nga rreziqet do të ishin:

Rreziku 1: Serbia do të deklaronte njohjen e pavarësisë së Kosovës, por Rusia dhe Kina mund të vazhdonin të mbanin të njëjtin qëndrim si më parë dhe cështja e pavarësisë së Kosovës të shënonte hapa prapa se edhe disa vënde të tjera, tashmë të deklaruara kundër marrëveshjes Thaci-Vucic të tërhiqnin mbështetjen ndaj pavarësisë së Kosovës;

Rreziku 2: Mitrovica veriore të shpallte menjëherë shkëputjen dhe të bashkohej me Serbinë;

Rreziku 3: Bashkësia e Komunave serbe të shpallnin bashkimin me Serbinë;

Rreziku 4: Shqiptarët në Maqedoninë Veriore dhe në Malin e Zit ë fillonin lëvizjen për shkëputjen reciprokisht nga këto shtete, por këto kërkesa të kundërshtoheshin ashpërsisht nga BE e NATO;

Rreziku 5: Vëndet kryesore të BE duke dënuar marrëveshjen Thaci-Vuciv të hiqnin mbështetjen për pavarësinë e Kosovës dhe të pezullonin projektin e integrimit të Shqipërisë e Kosovës në BE. Madje shqiptarve tju pezollohej liberalizimi i vizave për në BE.

Rreziku 6: Serbia, në vijim të veprimeve Rama-Vucic për prishjen e kufirit Kosovë(e ndarë)-Shqipëri, të miratonte një “marrëveshje mirëkuptimi” për krijimin e një Konfederate Serbi-BiH, e cila do të kishte po ashtu reagime të forta negative nga BE.

Rreziku 7: Kosova dhe Shqipëria të stigmatizoheshin negativisht si destabilizuese të rajonit nga të gjithë shtetet e Ballkanit Perëndimor dhe për rrjedhojë të pezulloheshin nga të gjithë forumet dhe aktivitet rajonale.