Medai Shaholli : Ali Ahmeti dezezertor i çështjes shqiptare, që përfundimisht duhet shpallur hapur si një ”Rrahman Morinë” i shqiptarëve të NMK

Medai Shaholli

I vetëquajturi revelucionar Ali Qameti, pas publikimit të ”bombave” nga vëllai ynë El Cheka, ku në to dëgjohen ofendimet dhe sharjet në radhë të parë për argatët e tij nga DUI por dhe për shqiptarët në përgjithësi, shfaq hapur figurën e dezertorit dhe pseudorevolucionarit.

Tashmë delet shqiptare dhe gjithëshqiptarët e NMK, po dëgjojnë me veshët e tyre sesi i trajton ”reaksionari” Ali Qameti shqiptarët përmes bisedave telefonike dhe në praktikë në këto 18 vite të katapultimit të tij në pushtet me sllavo-maqedonët.

Ky është renegati shqiptar Ali Qameti me integristët e tij, që shan dhe i trajton gjithë shqiptarët e NMK si robër lufte.

Është koha për t’i zgjuar edhe ato dele shqiptare që i kanë besuar qorrazi këtij dezezertori të çështjes shqiptare, që përfundimisht duhet shpallur hapur si një ”Rrahman Morinë” i shqiptarëve të NMK.

Nga Merita HOXHA : ‘’Engjujt’’ vrasës të BDI-së!

Do të mjaftojnë disa “bomba”, të publikuara në rrjetet sociale, ku dëgjohen çka flasin Ali Ahmeti dhe Musa Xhaferi, për të kuptuar se shqiptarët në Iliridë, në dy dekadat e kaluara, kanë qenë dhe vazhdojnë të mbeten peng i një grupi të strukturuar kriminal. Për ato që kanë logjikë të shëndoshë, mjaftojnë edhe këto pak “bomba” të dëgjojnë për të kuptuar zemrën dhe shpirtin e zi të Ali Ahmetit dhe strukturës kriminele të BDI-së! Po, po, mjaftojnë vetëm disa “bomba” të dëgjohen për të kuptuar se struktura e BDI-së, përveç se kanë mbajtur peng shqiptarët dy dekadat e kaluara, janë të kapur peng edhe nga njëri tjetri si gjahu i merimangës në rrjetën e saj!

Shqiptarët duhet të kuptojnë njëherë e mirë se të gjitha tmerret nëpër të cilat kanë kaluar nga viti 2001 kanë qenë skenar i gatuar në qendra slave, në Moskë dhe Beograd. Tani s’ka asnjë dilemë se Ali Ahmeti, Musa Xhaferi,…, kanë qenë dhe janë pjesë e vendimarrjes për të gjitha aksionet policore dhe ushtarake kundër shqiptarëve. Nga këto aksione u dhunuan fëmijë, gra, pleq, u arrestuan dhe u vranë shumë shqiptarë, u dogjën dhe u shkatërruan vendbanime të tëra shqiptare. Pra, nga kjo strukturë e kalbura dhe antishqiptare, u sulmuan vendbanimet shqiptare nga Kumanova në Strugë, nga Tetova në Dibër.

Është koha e fundit që shqiptarët në Iliridë të marrin fatin në duart e tyre dhe të organizohen në mbrojtje të vetes dhe familjeve të tyre nga ky grup vrasës dhe kriminal. Them është koha e fundit e vetëdijshme se “ujku ndryshon kime por jo edhe veset”! Dhe Ali Ahmeti ka qenë dhe mbetet po ai që ishte në LPK, një gjakprishur dhe shpirtë zi, bashkëpunëtor i shërbimeve slave. Ai dhe grupi i LPK-së, Fazli Veliu, Xhavit Haliti, janë ideator dhe organizator i vrasjeve të veprimtarëve shqiptarë në diasporë, në Kosovë, Iliridë (Maqedoninë e Veriut), Luginë të Preshevës, Medvegjës dhe Bujanovcit, por dhe të shumë vrasjeve politike në Shqipëri!

Sikur nuk i kanë mjaftuar të gjitha këto krime dhe veprime antishqiptare, Ali Ahmeti vazhdoi të krijojë tmerre në Iliridë në vitin 2001, ku shkatërroi shumicën e vendbanimeve shqiptare atje, dhe, të gjitha këto, i ka bërë me qëllim të bëhet pjesë e pushtetit në Maqedoninë e Veriut dhe, nga pozita e pushtetit të vazhdojë dhunën, arrestimet dhe vrasjet ndaj shqiptarëve. Këtë edhe e realizoi! Dhe, nga viti 2002 u bë pjesë e pushtetit! Nga ajo kohë jeta e shqiptarëve po bëhet çdo ditë e më e vështirë. Vendbanimet shqiptare çdo ditë që po kalon shprazen. Po ik rinia, në rrugë pa kthim, dhe bashkë me ato edhe familje e tyre. Kjo që po ndodh gjatë dy dekadave në Iliridë (Maqedoninë e Veriut) nuk ka ndodhur as në kohën e komunizmit nga Rankoviqi, ndërsa nga viti 2002 realizohet nga Ali Ahmeti dhe struktura e BDI-së!

KUR ANALFABETIZMI POLITIK E DHUNON GJUHËN SHQIPE, ME KËTË E DHUNON INTELIGJENCËN E POPULLIT SHQIPTAR!

Shkruan: Akademik Prof. Abdullah Mehmeti,Ph.D

Përdorimi në formë të gabuar i emrit të shtetit, sipas rregullave të gjuhë shqipe, në vend se: Republika e Maqedonisë Veriore, apo Maqedonia Veriore; shkruhet: Republika e Maqedonisë së Veriut, apo Maqedonia e Veriut, e cila është formë jo e drejtë e përdorimit të emrave me përcaktim gjeografik, ndërsa kjo është sikur të shkruhen e përdoren gabimisht emrat personalë dhe mbiemrat, në vend se, Ali Aliu, apo Hasan Hasani, të shkruhen: Aliu i Aliut, apo Hasani i Hasanit, përderisa Aliu nuk është i Aliut, as Hasani i Hasanit, por këto i mbajnë për mbiemra të tyre!

Gjeneratat e ardhshme do të qeshin e tallen me ne, pa fajin tonë, si kemi toleruar të ndodhë një përdhosje e dhunim kaq i madh i gjuhës shqipe, në kohën kur në këtë shtet kanë ekzistuar së paku tre universitete me mësim në gjuhën shqipe, disa katedra të gjuhës shqipe, institute shkencore, shoqata dhe asociacione shkencore dhe profesionale, dhjetëra doktorë të shkencave të gjuhësisë, qindra profesorë, misimdhënës dhe mësues të gjuhës shqipe, si dhe dhjetëra medie në gjuhën shqipe!



Shumica e qyteterëve shqiptarë në Maqedoni për tri dekada me radhë kanë mendur se ka perënduar koha kur politika dhe pushteti kanë vendosur edhe për toponimet, emrat e qyteteve dhe vendbanimeve, si dhe emrat personal të njerëzve, sidomos të fëmijëve shqiptarë. Por, kjo siç duket edhe më tej po bartet në variante të ndryshme përmes individëve të frymëzuar, edukuar dhe rritur me atë mendësi destruktive, kur politika dhe shteti vulosin gjithçka mbi fatin e një populli.

Të mos çuditemi një ditë nëse kjo politikë qorre, me oponentët e saj analfabetë dhe injorantë, do t’ua imponojë shqiptarëve t’i ndryshojnë rregullat e gjuhës amtare të tyre dhe kështu, emrin e Evropës Perëndimore në të ardhmen do ta përdorin si „Evropa e Perëndimit“, të Ballkanit Perëndimor si „Ballkani i Perëndimit“, Universitetin e Evropës Juglindore si „Universiteti i Evropës së Juglindjes“, dhe logjikisht me këto rregulla gjuhësore të kësaj natyre, siç ua imponon politika dhe pushteti i sotëm qytetarëve shqiptarë, të ndryshohen sipas kësaj logjike destruktive edhe emrat personalë të qytetarëve, pse jo edhe të përfaqësuesve politik të tyre, përderisa ata sot heshtin sikur nuk ndodh asgjë, kinse kjo punë kështu duhet të jetë, pa i ditur pasoja e mëvonshme.

Sot, gati secili është në eufori, i entuziazmuar kur shkruhet një mbishkrim edhe në gjuhën shqipe, një tregues rruge, një tabelë, një emër institucioni, duke u mjaftuar që ato shkruhen edhe në gjuhën shqipe, por si shkruhen ato, kjo për momentin nuk u bën shumë përshtypje njerëzve. Është detyrë e intelektualëve, e studiuesve, e ekspertëve të gjuhës shqipe që ta thonë me kohë mendimin e tyre për përdorimin e gabuar të emrit të shtetit sot, në vend se në formë të drejtë: Republika e Maqedonisë Veriore, apo Maqedonia Veriore; në: Republika e Maqedonisë së Veriut, apo Maqedonia e Veriut.

Që ta kuptojnë këtë çështje drejtë, qartë dhe saktë, edhe pushteti e politikanët aktualë, ua përkujtojmë se kjo është njëjtë sikur emrat e tyre personalë dhe mbiemrat në gjuhën shqipe të shkruhen në formë të gabuar, jo të drejtë, të panatyrshme, jo sipas rregullave të gjuhës shqipe, në formën e bastardhur siç është bastardhuar emri i shtetit në gjuhën shqipe, dhe në vend se emrat dhe mbiemrat e tyre të shkruhen drejtë: Zoran Zaev, Stevo Pendarovski, Talat Xhaferi, Ali Ahmeti, Ziadin Sela, Bilall Kasami, Afrim Gashi, etj., këto emra të shkruhen në formën e re, sipas rregullave të gjuhës të shpikura nga politika, si: Zorani i Zaevit, Stevo i Pendarovskit, Talati i Xhaferit, Aliu i Ahmetit, Ziadini i Selës, Bilalli i Kasamit, Menduhi i Thaçit, Teuta e Arifit, Artani i Grubit, Bujari i Osmanit, etj.

Si t’u zihet fryma britmave shoviniste dhe thirrjeve raciste kundër shqiptarëve në Shkup !

Shkruan: Akademik Prof. Abdulla MEHMETI,Ph.D

(Kryetar i Akademisë së Shkencave dhe Arteve Shqiptaro-Amerikane ,New York-Dega në Shkup)

Çfarë lidhje ka një ndeshje sportive, gëzimi për fitoren e një ekipi sportiv nga Maqedonia, me ndjenjat kombëtare, identitetin dhe dinjitetin e popullit shqiptar?!

Këto veprime mund t’i bëjnë vetëm qeniet e mbetur në nivelin e egërsirave, njerëzit e pareformuar mendërisht, të sëmurë dhe frustruar shpirtërisht, të helmuar me urrejtje patologjike ndaj të tjerëve!

Si duhet të përgjigjen shqiptarët kundër këtij shfrenimi racist, sëmundje kolektive dhe deformimi shpirtëror patologjik të fqinjëve të tyre, me të cilët rrethanat i kanë detyruar të bashkëjetojnë në një shtet të përbashkët?

Me thirrje e britma të ngjashme kundër të atyre dhe të ngjashmëve? JO!

Me sharje dhe ofendime mbi baza kombëtare e fetare nëpër portale dhe rrjetet socila? JO!

Me kërkim të përgjegjësisë ndaj organizatorëve nga organet e rendit dhe institucionet e pushtetit të këtij vendi, të cilat asnjëherë nuk e kanë bërë këtë deri më sot, për dekada me radhë? Përfundimisht, JO!

Çfarë duhet të bëjnë shqiptarët në Maqedoni?

Përderisa me vite të tëra dhe dekada nuk po pushojnë këto britma nacionaliste, shoviniste dhe raciste kundër tyre, që kërkojnë vdekjen e tyre, dhoma gazi për ata; nga grupe tifozësh dhe jo vetëm, nga një masë e madhe njerëzish, banorë të këtij shteti, të helmuar me këtë propagandë, me këtë ideologji raciste, në familje, në shkollë, nga mediat, literatura, nga politikanë dhe ideologë të kësaj filozofie jodemokratike, nga parti politike me platforma dhe koncepte terroste, nga rrjete të tëra të agjenturave të huaja që lirshëm veprojnë në këtë shtet, dhe, ato nuk veprojnë vetëm kundër shqiptarëve vendës, por edhe kundër BE-së, SHBA-së NATO-s dhe kundër gjithçka që nuk përkon me interesin sllav dhe grek në këtë shtet?

Kjo duhet t’i vetëdijesojë shqiptarët, t’i mobilizojë dhe bashkojë, jo të humbin kohë në përplasen me këtë valë shovinizmi e racizmi, por duke e dëshmuar vetveten para tyre dhe para botës, si popull që e don lirinë e tij dhe lirinë e të tjerëve, e don demokracinë dhe qytetarinë, si popull i dinjitetshëm dhe me vlera që nuk i urren të tjerët, por din ta mbrojë vetveten dhe sigurojë RRUGËN E TIJ PËR TË ARDHMEN!

Nëse një qen e kafshon njeriun e pafajshëm në rrugë, vetëdija e tij nuk ia lejon t’i hakmerret qenit duke e kafshuar edhe ai në atë mënyrë.

SHOVINISTËT DHE RACISTËT, SI QENTË E TËRBUAR, DUHET TË IZOLOHEN, PËRFUNDIMISHT!

Këtë mundin dhe dinë ta bëjnë shqiptarët në Maqedoni, në mënyrë shumë të civilizuar dhe dinjitoze.

Sa për fillim, anëtarët shqiptarë në Akademinë e Shkencave dhe Arteve të Maqedonisë Veriore, duhet ta rishqyrtojnë qëndrimin e tyre të mëtejmë në këtë institucion, i cili është frymëzues dhe hartues i kësaj platforme shoviniste kundër shqiptarëve, përmes “Enciklopedisë maqedonase”, “Planit për ndarjen e Maqedonisë” dhe projekteve të tjera „shkencore“; përderisa kjo Akademi asnjëherë nuk është distancuar nga këto projekte dhe veprimtaria e saj në të kaluarën kundër shqiptarëve.

Politikanët shqiptarë, vendës dhe nga jashtë, ta harrojnë përgjithmonë mundësinë e bashkëpunimit dhe bashkëqeverisjes me partinë nacionalshoviniste OBRM-PDUKM, si organizatë terroriste e dëshmuar, frymëzues dhe organizatore e këtyre protestave me britma raciste kundër shqiptarëve, si bartëse dhe përçuese e interesave serbe dhe ruse në Maqedoninë Veriore, dje dhe sot, përderisa kjo parti nuk ndryshohet dhe reformohet thellësisht nga konceptet e vjetra, me frymë mesjetare!

Dashuri...Sot do të shkruaj për ty...

Ora shënon 08:00 ,date 1 qershor 2019.Dhe ne këto qaste dua të them shumeë fjalë për Ty. Ato fjalë që sot po i ndjejë dalin nga zemra.Ata fjalë janë flori dhe dalin nga thellësia e shpirtit tim. 47 vjetë me ty! Jetës time i ke dhënë një kuptim të çiltër si loti. Ditët mi ke kthyer e mi ke bërë të veçanta!

Mengjesët kur e filloja punën lexoja mesazhet tua ku me urojshe një ditë të bukur me mesazhe zërore që me lumturonte në ato momente…

Çdo gjë ishte ndryshe me Ty :ashtu siç ishte në rini dhe tash në pjekuri të rilindur…

Jo me ajo rutina e përditëshme dhe e merzitshme nganjëherë. Unë tash dhe atëherë te kisha ty.

 Flisnim shumë dhe bisedat tona dot nuk e gjejshin fundin…Dhe përseri tash dhe atëherë nuk ngopeshim …

 Na zinin orët e para të mengjesit apo dhe gdhinim shpesh të zgjuar …Ishim dhe jemi të rëndësishëm për njeri tjetrin …Të tillë jemi edhe sot!

Ti me bëre të besojë në dashuri. Në dashurinë platonike ashtu si në telenovela, lexoja në libra apo dëgjoja nga dikush tjetër. Por asnjëherë nuk besoja. 

Ti ishe ajo që me bere jo vetëm ta besojë por edhe ta përjetojë atë. Ta jetojë atë me ty dhe në ty!

Të dashurosh do të thotë të jetosh. E kjo dashuri , që është vetëm e jona ka vazhduar dhe po behet më e madhe sepse ajo qe ndjejmë ne është shumë e fortë.

E Dashura e ime ,Ti sot e ke ditëlindjen. Është dita e 23725 …një ditë e veçantë për ty dhe unë do të doja kaq shumë të jem i pranishëm edhe 23725 ditë tjera kështu siç jemi edhe sot…

Unë dua dhe urojë që dita e sotme, e 23725 të jetë me e veçantë se çdo ditë tjetër e kësaj date. 

Dua dhe urojë që të festojmë bashke të lumtur me familjën tone të shëndoshë dhe të lumtur !...

Dashuri. Sot të urojë çdo gjë dhe asgjë. Gjithëçka që të bënë të lumtur dhe asgjë që te falë trishtim...

Të urojë që çdo ditë e jotja të jetë me e bukur se ajo që e le sot pas. Çdo vit të jetë me i veçantë dhe i mbushur vetëm më gjera të bukura , që ty të bejnë të lumtur.

Dashuri. Sot do të doja shume të të shikoja se si buzeqeshë në këtë ditë me djem,mbesa dhe nip ...

Do të doja të ishim pjesë e kësaj lumturie më ty. Ta ndanim bashkë. Do të doja të të shikoja se sa e lumtur do jeshë… dhe fytyrën tende të buzeqeshur. 

Do të doja të te jepnin përqafime dhe puthje pafund mbesat dhe nipi yt. Sepse ti edhe e meriton.

Dashuri. Sot urimet për ty janë të pafund. Çdo ditë e ardhshme le të jetë me e mire se e sotmja…

 Po,po le të jenë të gjitha sipas dëshirave tona. Jeta e jote është e mbushur me burbuqe dhe vjollca …e ujitur me shiun e lumturisë i ngrohur nga dashuria. 

Dhe pjesë e sajë jemi ne –na të dy si dhe familja e jonë e madhe Bruqi.

Dashuri. Sot të dëshirojë edhe një gje. Që ta shohësh vetëvetën ashtu siç të shoh unë. Vetëm atëherë do ta kuptosh se sa e vecantë je ti për mua.

Urime ditëlindjen!

Torta që kam për ty janë rreshtat e këtyre pak fjaleëve të ndjera për ty.

Dashuri. Dashuria që kam për ty është e madhe sa Bjeshka. E bukur. Kaq...e veçantë. Të dua shumë … 

Pavarësisht se ku ndodhemi dhe si ndodhemi ti do të jeshë gjithëmonë ne zemrën time.

Të dua dashuri! Të dua!

Flori Bruqi

01.06.2019.

Presidenti i Serbisë, Aleksandar Vuçiq: Kosova do të shkojë drejt bashkimit me Shqipërinë

Presidenti i Serbisë, Aleksandar Vuçiq, tha se është absolutisht i bindur se gjërat do të zhvillohen në drejtimin, që, sipas tij, e ka paralajmëruar presidenti i Kosovës, Hashim Thaçi, kur ka folur për mundësinë e bashkimit të Kosovës me Shqipërinë.

“Jam absolutisht i bindur se gjërat do të zhvillohen në këtë dejtim. Ne do të reagojmë në mënyrë serioze dhe të përgjegjshme, por të ashpër dhe të vendosur”, tha Vuçiq, transmetojnë mediat serbe.

Ditë më parë, presidenti i Kosovës, Thaçi, tha se po krijohen rrethana të reja, të cilat, sipas tij, e ofrojnë bashkimin e Kosovës me Shqipërinë si zgjidhjen më të mirë.

Thaçi inkurajoi Parlamentin e Kosovës dhe atë të Shqipërisë të nxjerrin deklaratën e bashkimit.

Por Vuçiq tha se komuniteti ndërkombëtar e ka siguruar se një gjë e tillë nuk do të ndodhë.

“Para tri ditësh iu kam thënë përfaqësuesve evropianë për këtë që po më pyesni (bashkimin e Kosovës dhe Shqipërisë) dhe ata më kanë thënë: Aleksandar, kjo nuk do të ndodhë. Ne nuk do ta lejojmë kurrë”, tha Vuçiq, por shtoi se pikërisht këto deklarata janë arsyeja përse ai beson se një gjë e tillë do të ndodhë.

Kosova, qysh në vitin 2011, është në proces të bisedimeve për normalizimin e marrëdhënieve me Serbinë.

Por procesi ka ngecur qysh në fund të vitit të kaluar, për shkak të, siç është thënë, taksës që u ka vënë Kosova prodhimeve të importuara nga Serbia.

Adelheid Woelfl, Der Standard : Ditmir Bushati kritikon Edi Ramën : Mbështeti tezën serbe të shekullit të 19-të

Në një intervistë për gazetën e njohur austriake, Der Standard, Ish-ministri i Jashtëm Ditmir Bushati ka folur për shumë tema, po është ndalur në vecanti, në atë që e cilëson si “zgjidhje magjike”, ndryshimi i kufijve.

Sipas Bushatit, kjo është një ide e vjetër e shekullit të 19, e rrezikshme, me të cilën nuk mund të ecet në shekullin e 21.

Për më tepër, ai e konsideron se ajo shkon kundër frymës së integrimit europian dhe zgjerimit të BE. Lidhur me zhvillimet e brendshme dhe krizën në Shqipëri, Bushati shprehet se mazhoranca duhet të njohë të dy realitetet, atë të opozitës në Parlament, dhe të asaj jashtë.

Intervista:

Bisedoi: Adelheid Woelfl, Der Standard

Çfarë prisni ju, që tani të nisin negociatat e BE me Shqipërinë, të rekomanduara nga Komisioni?

Doi ishte mirë që kjo të ndodhte sa më shpejt të ishte e mundur, për shkak se do ushtronte më shumë presion tek procesi i demokratizimit. Nuk ka alternativë ndaj procesit të pranimit në BE për Shqipërinë dhe të gjithë Ballkanin Perëndimor. Në fund të fundit, ne po flasim vetëm për fillimin e negociatave dhe jo për anëtarësimin. Negociatat do të jenë sfiduese, madje edhe të dhimbshme. Por ato janë një fitore, qoftë për Shqipërinë, por edhe për BE-në.

Franca dhe Holanda nuk duan një zgjerim tani dhe kërcënojnë se do të vendosin veton për fillimin e negociatave të pranimit- si me Shqipërinë, ashtu edhe me Maqedoninë e Veriut. Çfarë do të thotë nëse në qershor nuk do jepet drita jeshile nga samiti i BE për nisjen e negociatave?

Ky do ishte një sinjal shumë i keq për BE-në, por edhe për rajonin. Në vitin 2018, ne ramë dakord për këtë plan kohor. Ne kemi filluar të krahasojmë përputhshmërinë e legjislacionit tonë me atë të BE-së. Procesi i anëtarësimit në BE është një dritë shprese. Por BE po konkurron edhe me lojtarë të tjerë gjeopolitikë. Nëse katër nga gjashtë vendet e Ballkanit Perëndimor do të ulen në tryezën e bisedimeve me BE, oborri i pasmë i BE do të bëhej një portë hyrje për atje.

A do të e dëmtonte besueshmërinë e politikës së kushtëzimit të BE, nëse, pavarësisht se sa bashkëpunues janë shtetet, BE nuk u përmbahet premtimeve? A do të thotë kjo se nuk ka më zgjerim?

Unë mund t’i kuptoj shqetësimet e Francës deri në një farë mase, sepse Franca është para së gjithash e shqetësuar për reformat e brendshme të BE. Por ne nuk duam të bashkohemi me BE-në tani menjëherë. Ne mund të përmirësojmë demokracinë, ekonominë dhe kushtet sociale në vend, nëse ekziston një perspektivë e prekshme europiane. Për pesë apo dhjetë vjet më pas, ne mund të jemi në gjendje për t’u bashkuar me BE-në dhe shpresoj që atëherë, i gjithë procesi i reformimit të BE të ketë përfunduar.

Vendimi i shteteve anëtare të BE mund të ndikohet gjithashtu nga zgjidhja e krizës së brendshme në Shqipëri. Opozita është larguar nga parlamenti dhe proteston çdo javë. A e shihni një mundësi që situata politike e brendshme të qetësohet?

Në të kaluarën, të gjitha partitë politike e kanë përdorur bojkotin e parlamentit si një levë kundër qeverisë. Por në të vërtetë, ky nuk ishte kurrë një ilaç efektiv. Ne tani kemi një opozitë ligjore, në parlament, dhe ata në rrugë. Ne duhet të njohim të dyja realitetet, por natyrisht duhet të ruajmë sundimin e ligjit. Për fat të keq, në Ballkan shpesh bëhet fjalë për mposhtjen e kundërshtarit sesa për kompromise.

A mendoni se Shqipërinë e ka dëmtuar për çështjen e negociatave të anëtarësimit, fakti që kryeministri Edi Rama ka mbështetur idenë e shkëmbimit të territoreve mes Kosovës dhe Serbisë?

Ballkani ka kaluar nëpër faza të ndryshme, ka pasur luftra dhe konflikte ndëretnike, kemi pasur Marrëveshjen e Dejtonit, ndërhyrjen e NATO-s në Kosovë, kemi qenë në gatishmëri për menaxhimin e krizave. Më pas, kemi njohur metodat dhe parimet europiane për shkak të angazhimit të BE dhe për shkak të bashkëpunimit rajonal. Por gjatë dy viteve të fundit, sidomos vitin e shkuar, na janë ofruar të ashtuquajturat ‘zgjidhje magjike’ nga shekulli i 19-të, për të zgjidhur sfidat e shekullit të 21-të. Dy dekadat e fundit kishin të bënin me bashkëpunimin rajonal dhe procesin e pranimit në BE të Ballkanit Perëndimor, mbi të gjitha që qytetarët të bëheshin qytetarë evropianë dhe armiqtë e dikurshëm të ktheheshin në fqinj të mirë, duke u përpjekur të zgjidhur të gjitha këto mosmarrëveshje. Megjithatë, fakti se ky shkëmbim territoresh po diskutohet tani në qendër të Europës në shekullin e 21-të, tregon një hap pas, një lloj ‘rruge të shkurtër’, që në mënyrë cinike po paraqitet si alternativë për pranimin në BE.

Çfarë do të thotë ky zhvillim për të gjithë Europën?

Para pak kohësh, dhjetë vende ish-komuniste kanë festuar 15-vjetorin e pranimit në BE si një tejkalimin i historisë dhe gjeografisë. Procesi i ribashkimit të kontinentit megjithatë nuk ka përfunduar akoma. Dhe me këtë retorikë të ndryshimeve kufitare në Ballkani, po përjetojmë të kundërtën. Sepse kjo ide ka të bëjë me rishkrimin e historisë përmes gjeografisë dhe hartografisë. Kjo është një situatë paradoksale, ku nga njëra anë Europa feston këtë 15-vjetor, por pastaj në vend që të shkojmë në atë drejtim, diskutimi kryesor në Ballkan është që të shkruajmë historinë me gjeografi. Imagjinojeni se çfarë mesazhi është ky për brezat e rinj në Ballkan.

A u mor kjo ide e shkëmbimit të territoreve në diskutim tani, për shkak se administrata amerikane e Donald Trump, në veçanti këshilltari për sigurinë, John Bolton, kërkoi një zgjidhje të tillë.

Është e vështirë të përcaktohet se kush është babai i kësaj ideje.

Eshtë një ide shumë e vjetër, e cila vjen nga nacionalisti serb, Dobrica Çosiç.

Po, e dimë se këto ide nuk vijnë nga forcat pro-evropiane, por nga forca të prapambetura në Serbi. Pati edhe një fushatë marketingu të menaxhuar keq për këtë çështje. Autoritetet në Serbi dhe Kosovë e bënë këtë temë të dialogut të normalizimit. Por vetë ideja nuk u diskutua kurrë zyrtarisht në formatin rajonal apo evropian. Kjo ide lundroi rreth…

… dhe pas saj qëndronin shumë lobistë.

Po, ka pasur shumë konfuzion. Por ka disa procese që nuk mund të injorohen: ka pasur ndërhyrje të NATO-s në Kosovë, më pas erdhi Procesi i Vjenës dhe Paketa e Ahtisaarit, më pas erdhi Deklarata e Pavarësisë së Kosovës dhe Gjykata Ndërkombëtare e Drejtësisë vendosi për shpalljen e pavarësisë. Ekzistojnë parimet e Grupit të Kontaktit që përjashtojnë ndryshimet kufitare. Dialogu i normalizimit u transferua më pas nga OKB drejt BE-së. Por tani ka mosmarrëveshje për këtë debatin e shkëmbimit të territoreve, që do të thotë mbi të gjitha normalizim.

Dhe retorika është bërë më e ashpër prej atëherë. Gazetat po përdorin gjuhën e urrejtjes ndaj grupit tjetër etnik.

Retorika është zhvendosur në mënyrë të rrezikshme nga qytetarët në drejtim të territoreve.

… dhe ju madje u desh të largoheni nga detyra juaj si ministër i Jashtëm sepse ishit kundër shkëmbimit të territoreve…

… dhe nuk ka një koordinim të qartë mes fuqive perëndimore.

A mendoni se ideja e shkëmbimit të territoreve tani është hequr nga tavolina, pasi kancelarja gjermane, Angela Merkel organizoi së fundmi një takim me politikanët ballkanikë në Berlin vetëm për këtë qëllim? Ideja e shkëmbimit të territoreve lidhet ngushtë me idenë e Serbisë së Madhe dhe Shqipërisë së Madhe, dhe disa politikanë në rajon vazhdojnë të lançojnë më tej këto ide.

Ka ende një hendek të madh mes dy palëve- Kosovës dhe Serbisë- sa i përket pyetjes se çfarë do të thotë në të vërtetë normalizim. Në çdo rast, normalizimi nuk duhet të çojë në një situatë të re në terren. Normalizim do të thotë, që të lehtësohen kontaktet mes njerëzve në terren, të fokusohesh më shumë tek të drejtat e qytetarëve, veçanërisht atyre që jetojnë në rajonet kufitare. Kjo do të thotë po ashtu që të thyesh pengesat dhe të zbatosh angazhimet për të cilat ke rënë dakord. Marrëveshjet e para janë arritur në vitin 2013 dhe prej atëherë janë rishkruar apo riinterpretuar nga aktorët, në varësi të axhendave të tyre të brendshme. Pyetja është, nëse palët e kanë seriozisht rrugën europiane. Kur, për shembull, presidenti serb Aleksandar Vuçiç thotë se po e dskuton këtë çështje me presidentin rus, Vladimir Putin dhe të tjera, pyes veten nëse ai e pranon Europën. Sepse kjo është një çështje politike, që duhet të shtrohet në Europë, dhe ai i njeh kushtet.

Si duhet të sillet Shqipëria? Në fund të fundit, edhe këtu ka ambicie për të krijuar një Shqipëri të Madhe.

Në këtë rajon është shpenzuar shumë kohë dhe energji me idetë e shteteve të mëdha, por në fund fare ne kemi nevojë për kohë dhe energji për zhvillimin ekonomik dhe social. Nuk ka plan B, pjesa tjetër janë vetëm mashtrme politike dhe retorikë, ndonjëherë të shoqëruar me frustrim.

A mendoni se miqësia e re mes Greqisë dhe Maqedonisë Veriore mund të shërbejë si model për mënyrën se si Shqipëria mund të zgjidhëçështjet e pazgjidhura me Greqinë?

Ky është një paradoks i ngjashëm. Kryeministri Edi Rama dhe unë jemi përfshirë për të kontribuar tek ‘fakti shqiptar’, që kryeministri maqedonas Zoran Zaev të bëjë një marrëveshje me Greqinë dhe tani na pyesin nëse Marrëveshja e Prespës është një model për marrëveshje mes Shqipërisë dhe Greqisë. Këto dy gjëra nuk janë të krahasueshme, por unë jam i sigurt se ne kemi krijuar një bazë solide për një marrëveshje dhe kemi paketuar gjithçka në një paketë zgjidhjeje.

Çfarë mungon?

Bëhet fjalë për gjendjen e luftës mes dy shteteve dhe kufijtë detarë.

A mund të vijë së shpejti zgjidhja?

Kjo është shumë e mundur. Por tani në Greqi ka zgjedhje dhe gjatë këtyre periudhave zgjedhore, është e vështirë.

Çfarë duhet të bëjë Komisioni i ri i BE dhe Komisioneri/ja e re e Politikës së Jashtme në lidhje me Ballkanin?

Parimet e sundimit të ligjit duhet të lidhen me kohezionin social dhe ekonomik. Për shkak se është e vështirë që të flitet për reformat e sundimit të ligjit në Ballkan pa një zhvillim të qëndrueshëm ekonomik. Nëse i shihni të dhënat e Bankës Botërore, do të duhen 5-6 dekada që Ballkani Perëndimor të arrijë nivelin e BE-së. Dhe ky dallim nuk do jetë i mirë nëse nuk marrim fonde shtesë për Ballkanin Perëndimor. Të gjashtë vendet e Ballkanit Perëndimor së bashku janë më të vegjël se Rumania dhe nuk përbëjmë ndonjë rrezik për BE-në. Ne kemi ofruar siguri për krizën e emigrantëve dhe kur bie fjala tek ekstremizmi i dhunshëm. Por tani është bërë e vështirë që të krijosh një narrativë bindëse për të mbështetur integrimin në BE. Personalisht e di se çfarë ndryshimi është të hapim një ose pesë kapituj të së drejtës komunitare, por fermerët dhe studentët nuk mund ta kuptojnë nëse nuk e ndjejnë ndryshimin në jetën e tyre të përditshme.

Lexoni : 

https://derstandard.at/2000103991276/Albaniens-Ex-Aussenminister-EU-Beitrittsgespraeche-muessen-bald-beginnen