IKSHP-ja kërkon mbylljen e kufijve me vendet fqinje

Ministri i Shëndetësisë, Arben Vitia, në mbledhjen e komisionit të posaçëm për parandalimin e koronavirusit në Kosovë ka thënë se Instituti Kombëtar i Shëndetësisë Publike ka rekomanduar mbylljen e kufijve me vendet fqinje.

Sipas tij, IKSHP-ja thekson se akoma nuk ka vend për panik, por që ka kërkuar kujdes të shtuar.

Shkencëtarët kinezë japin njoftimin që e dëshirojmë të gjithë për koronavirusin COVID-19

Alarmi për përhapjen e koronavirusit po përhapet në çdo vend të botës, numri i viktimave vazhdon të rritet, po ashtu edhe personat e infektuar kanë arritur në shifra të larta. Akoma nuk ka një vaksinë përfundimtare, zyrtarët kinezë thonë se ata do të mund të kenë gati për muajin tjetër një vaksinë për koronavirusin, sapo ajo të kryejë edhe provat e nevojshme klinike.

Tetë institucione në vend janë duke punuar në pesë versione të ndryshme vaksinash për COVID-19, ndërkohë që deri më tani pandemia ka infektuar 118,000 persona dhe ka vrarë të paktën 4,200 persona në të gjithë botën.
“Sipas vlerësimeve tona, ne kemi shpresë se në prill disa nga vaksina do të përdoren në situata emergjente,”-tha Zheng Zhongwei, drejtor i Qendrës së Shkencës dhe Teknologjisë së Komisionit Kombëtar të Shëndetit.

Edhe pse do të duheshin të paktën 12-18 muaj për të siguruar që vaksinat janë të sigurta për publikun e gjerë, sipas ligjit kinez, ato mund të vendosen më herët në përdorim urgjent në rast të ndonjë emergjence shëndetësore.


Ndërkohë puna po vijon edhe në SHBA, ku kompania e bioteknologjisë me bazë në Massachusetts Moderna Inc. dërgoi vaksinën e saj pranë Institutit Kombëtar të Alergjisë dhe Sëmundjeve Infektive për të filluar eksperimentet.

Me Amerikën dhe pikë!

Nga Flurim Arifi

Duke i përcjell këtyre ditëve zhvillimet politike që e kanë kapluar vendin tonë të vogël (por disa do të thonin me zëmër të madhe). Njeriu normal nuk ka se si të mos shqetësohet për të ardhmen e këtij vendi të vogël ballkanas e për besë që ju ka "rrit" mendja dhe ju ka "rrit" trimëria karshi aleatit tonë kryesorë Shteteve të Bashkuara të Amerikës.

Kurr ne jetën time nuk kisha besuar që do të vjen kohë që shqiptarët dotë proklamonin ide që SHBA-të janë duke e kërcënuar ekzistencës e shteti që vet ata e kanë krijuar. Këta të kuqit që janë frymëzuar ngado dhe kushdo që të urrejnë imperializmin e SHBA-ve, nuk është për t'u çuditur, por që nuk ju dëgjohet zëri kësaj shoqërie civile (e di që nuk e kanë lehtë, se kalkulimet pozitat etj.) në mbrojtën apo ngritjen e zërit karshi kësaj epidemi që është duke u ngritur nga të kuqit moderne (që nuk ju pengon shfrytëzimi i të mirave shtetërore) e që janë duke e kërcënuar ekzistencën e shteti dhe gjithë neve është teje shqetësuese ky mos reagim i tyre. Në fund i kuptoj edhe ata. Të tillë kanë qenë gjithmonë.


Përgjegjësia kryesore për ndaljen e kësaj epidemi antiamerikane bie së pari mbi LDK-në, gjegjësisht Isa Mustafën (e cila ka mundësuar këtë Qeveri anti amerikane) pastaj bie mbi një pjesë të opozitës, sidomos mbi Kadri Veselin si udhëheqës i bllokut opozitar. Të gjithë ne duhet të organizohemi në mënyra të ndryshme drejt ngritjes së zërit ndaj kësaj epidemi antiamerikane që është duke u mbjell padrejtësisht. Këtu kemi përgjegjësi se cila nga ne, duke filluar nga intelektualët, Akademia e Shkencave, shoqëritë civile, shoqata e ndryshëm deri në vetëdijesimin e popullatës për rrezikun që është duke ju kanosur Republikës sonë nga po të njëjtit që e kanë kërcënuar që nga fillimi ekzistenca e Republikës sonë.
Gjërat kanë marr drejtim shqetësuese, vetëm brenda dy ditëve kemi marr kërcënime drejtpërdrejtë nga përfaqësuesit më të lart amerikane, këto kërcënime kanë marr formë nuk janë vetëm ‘cicërima’, mbi 200 Milion dollar janë bllokuara, kërcënim ka vazhduar me tërheqjen e forcave amerikane etj. Besoj dhe po shpresoj që nuk do të vazhdojë kjo nismë amerikane por ne dotë kemi një këndellje kombëtare karshi këtij budallallëku , që ka filluar të lëkund miqësinë tonë që me aq mund e kemi krijuar duke ju falënderuar shumë atdhetarë.
Dhe krejt në fund për ju filozofëve me karakter diplomatik, ka ndryshuar qasja dhe metoda tradicionale e komunikimit me administratën amerikane, ato procese që janë bartë nga diplomatë e mirënjohur amerikan me vite nuk janë duke funksionuar me Presidentin Trump. Kështu që largohuni nga paragjykimet dhe mësohuni të silleni karshi rrethanave të reja (ashtu siç i mësuan Kanada, Meksika, Kina etj.). Se përndryshe keni me mbet si deri tani në anën e gabuar të historisë moderne të Kosovës.

Serbia nuk e njeh Kosovën nëse në lojë nuk janë territoret

Nga Besnik Pula

Një vlerësim imi, totalisht pragmatik, mbi situatën e krijuar lidhur me taksën dhe trysnisë amerikane për tërheqjen e plotë të saj.

1) Trump ka vendosur që të tërheq trupat nga Kosova. Këtë do ta bëjë dosido. Kjo s'ka alternativë.

2) Përkundër dëshirës së Trump, zërat më të arsyeshëm brenda adminstratës duan që këtë ta realizojnë në mënyrë të kontrolluar, pa cënuar sovranitetin e Kosovës dhe sigurinë e rajonit.

3) Ky skenar po luhet pikërisht tani në Afganistan. Trump donte t’i tërhiqte trupat njëanshëm. U rezistua ky veprim nga administrata dhe tani kjo po arrihet përmes një marrëveshjeje (shumë të keqe) me talibanët.

4) Negociatat me Serbinë janë më pak negociata me Serbinë dhe më shumë negociata me amerikanët për kushtet e tërheqjes së tyre ushtarake.

5) Në këtë situatë, marrëveshja me Serbinë do të jetë sekondare. Serbia nuk do të lëshojë pe dhe nuk do të ketë njohje nga Serbia. Sidomos nëse në lojë nuk janë territoret.

6) Në njëfarë forme Serbia nuk është më e rëndësishme për Kosovën në procesin e nisur. Vuçiq do të përfitojë të vetat nga interesimi amerikan, pavarësisht se çka bën me Kosovën. Sepse realisht për Kosovën nga ai nuk po kërkohet asgjë.

7) Rrjedhimisht, Kosova në këtë proces duhet të maksimizojë pozitën në nxjerrjen e garancave të sigurisë për të ardhmen, në një Ballkan pa prani amerikane. Kjo nënkupton në radhë të parë angazhim afatgjatë në trajnim dhe armatim për FSK-në. Anëtarësim në NATO. Këto tani duhet të jenë pikësynimi kryesor strategjik për Kosovën.

Këto janë, siç thonë amerikanët, “my two cents." Lani duart dhe ruajuni nga #corona.

SHBA dhe loja e shpifur me taksën

Nga Armend Muja

SHBA dhe loja e shpifur me taksen- Amerika ka bërë përpjekje të pareshtura për heqje të tarifës 100 % ndaj produkteve nga Serbia që nga koha kur është vendosur. Kërkesa e SHBA-së për taksën dhe kërcenimet janë reale dhe këtë e them nga biseda që kam pasë vet me z.Grenell. Nëse rendi i vjetër mendon që ‘Kurti është anti-amerikan dhe po e rrezikon Kosovën’ sepse ka propozuar heqje të pjesshme të taksës, është e logjikshme të njerret konkluzioni se: rendi i vjetër që e ka vendosur taksën kanë qenë ultra anti-amerikan dhe ultra të rrezikshëm për Kosovën.

Taksa është vendosur nga rendi i vjetër si reagim ndaj dështimeve të Kosovës në politikën e jashtme. Rendi i vjetër është i përcaktuar të rrezoj Qeverinë Kurti duke përdorur tregimin e vazhdueshëm se ‘Kurti është i rrezikshëm dhe anti-amerikan’. Paradoksalisht, ata e quajnë Kurtin anti-amerikan që propozon takes 50% ndersa koketojnë vazhdimisht me Haradinaj që propozon mbetjen e taksës 100%. Si përfundim, propozimi im është që të hiqet taksa si mbyllje e kapitullit të abuzimit nga rendi i vjetër, ti ofrohet shansë dialogut, të ruhet mundësia e reciprocitetit nëse dështon dalogu dhe konsenzus të brendshëm në Kosovë. Qeveria udhëheq dialogun sipas vendimit të Gjykatës Kushtetuese dhe Presidenti përfaqëson unitetin e popullit. Rrjedhimisht, duhet të insitojmë në ekip të përbashkët të dialogut, dukë mirëpritur vullnetin edhe të SHBA edhe të BE-së.

Deri sa Kosova gjendet perballe percarjeve te brendshme dhe te jashtme eshte e rendesishme te kuptohen disa gjera:

(1) SHBA është e vendosur për një marrëveshje ndërmjet Kosoves dhe Serbisë deri në qershor 2020. Administrata Trump e konsideron Kosoven shpenzim pa ndonje kthim ne dekaden e fundit. Perpjekja per nje marreveshje nga SHBA eshte ne funksion te reduktimit te shpenzimeve enorme ne vendet e huaja. Pra, SHBA eshte e vendosur per reduktim te prezences ne Kosove, me apo pa marreveshje. Opcioni me i preferueshem per ta do te ishte me marreveshje.

(2) Ka dy pikepamje rreth Kosoves; nje nga SHBA dhe nje nga BE ne lidhje me Kosoven - Edhe SHBA edhe BE jane te rendesishme per Kosoven. SHBA eshte e interesuar per nje marreveshje te shpejte, BE kerkon nje marreveshje graduale. SHBA eshte e fleksibile rreth opcioneve te ndarjes apo Asociaconit varesisht nga marreveshja mes Kosoves dhe Serbise. BE, e dominuar nga mendimi i Gjermanise, eshte kunder ndarjes se Kosoves. Duke qene qe qasja e SHBA-se eshte me fleksibile, ata jane te prirur per nje partner fleksibil qe e udheheq dialogun - duan nje dialog te udhehequr nga Presidenti. BE favorizon nje dialog te udhehequr nga Qeveria.

(3) Opcioni i tretë – Kosova duhet të përcaktohet për një rrugë të ndërmjeme dhe të insistoj për respektim të plotë të Kushtetutës (Neni 93/Neni 94) – Qeveria propozon dhe zbaton politikën e jashtme, Presidenti e udhëheq politikën e jashtme. Në bazë të vendimit të Gjykatës Kushtetuese, Qeveria duhet të udheheq dialogun. Në këtë dykuptimësi kushtetuese dhe në këtë përcarje ndërkombëtare, është e rëndësishme që Kosova të insistoj për konsenzus: (1) Qeveria dhe Presidenti bashkërisht përfaqësojnë Kosovën në dialog, (2) SHBA dhe BE janë të dya të rëndëshme në procesin e dialogut, (3) Marrëveshjet duhet të jenë në përputhje me Kushtetutën, (4) Taksa tërhiqet për t’i dhënë shansë dialogut, (5) Qeveria rezervon të drejtën për vendosje të reciprcitetit në rast se Serbia nuk ka ndërrmarrë hapa në adresim të dialogut.

Njerëz, lëreni Edi Ramën me maskën e skaduar 9 vjet më parë!

Nga Ylli Rakipi

Kryeministri i Republikës së Shqipërisë, Edi Rama, u shfaq sot përballë shqiptarëve dhe kabinetit të vet, me një maskë të skaduar, nëntë vjet më parë.

– Kjo është një maskë amerikane, e prodhuar në Kinë, – tha Edi Rama, – dhe po të mos ishin të sakta ato nuk do ta kalonin dot Amerikën dhe oqeanin.


Janë maska që përdoren gjerësisht, pas datës së skadencës, jashtë sallave kirurgjikale, që do të thotë, jo sepse në salla janë të rrezikshme, por që nuk kanë të gjithë efektshmërinë e tyre dhe janë maska që zëvendësojnë, disa herë më mirë facoletën, apo garzat që vendosen përpara fytyrës…

Kjo ligjëratë e lodhshme, cinike dhe e paturpshme, e Kryetarit të Qeverisë, erdhi fill pasi opozita, e kapi me pras në dorë, me 1.2 milionë maska të skaduara, nëntë vite më parë, të cilat në mënyrë kriminale, janë shpërndarë, për përdorim nga personelet mjekësore.

I gjithë shpjegimi i Edi Ramës, si në çdo dalje tjetër, ishte qesharak. Por, më qesharak ishte shpjegimi, se këto maska ishin amerikane?!

Po çfarë rëndësie ka fakti nëse maskat janë prodhim amerikan, aziatik, apo skandinav?! Si ka mundësi, që kryeministri ynë kërkon të mbrohet dhe të fshihet deri në vulgaritet me Amerikën dhe amerikanët?!

Fakti që këto 1.2 milionë maska, kanë nëntë vjet që kanë skaduar, nuk ka amerikan dhe bir nëne që t’i marrë në mbrojtje.

Ndoshta është koha që Edi Rama, jo vetëm duhet të na i kursejë këto lloj daljesh televizive, por edhe të fshihet.

Çdo dalje e tij në media, çdo fjalë që nxjerr nga goja, ai dhe qeveria e vet, tregojnë vetëm faktin e tmerrshëm, se sa të papërgatitur jemi përballë së keqes, që po pushton pjesën dërrmuese të botës.

Ka dy muaj, që autoritetet më të larta shëndetësore të Shqipërisë, kanë folur për një spital, vendndodhjen e të cilit e mbanin sekret, thjesht për faktin që ky spital nuk ekzistonte.

24 orët e fundit, kur koronavirusi sapo ka shpërthyer, u caktuan fonde që shtëpia e pushimit në Durrës, të kthehet në karantinë. Por, kur do të ndodhë kjo?

Të presësh deri në minutën e fundit, që Italia të mbyllë kufijtë e vet dhe pas kësaj të urdhërosh edhe ti mbylljen e kufijve të Shqipërisë me këtë vend, është jo vetëm e vonuar, por edhe kriminale.

Mijëra shqiptarë, të infektuar ose jo, braktisën zonat e kuqe, nga veriu i Italisë dhe u derdhën në Shqipëri, nga toka dhe nga ajri. Ç’kuptim ka të mbyllësh kufijtë, pasi virusi u importua?

Edi Rama, përpara qeverisë së vet, i shpalli sot luftë koronavirusit, me një maskë të skaduar nëntë vjet më parë, të vendosur në fytyrë.

Mos u mërzitni me gjeneralin tonë! Sot, ai deklaroi që jemi në luftë. Po me çfarë ushtrie do të luftojë kryeministri ynë dhe ne të gjithë bashkë me të?!

Lufta e sotme ndryshon shumë nga ajo e pak kohëve më parë, lufta me tërmetin. Në atë luftë, fatkeqësia ndodhi vetëm tek ne. Aty, Edi Rama zgjati dorën dhe bota, siç ndodh rëndom, jo vetëm për ata që lypin, por për shkak të fatkeqësisë, u solidarizua dhe vendosi të na ndihmojë.
Sot, është ndryshe. Sepse sot ne jemi vetëm dhe lufta me virusin, lufta me të keqen, ose ka hyrë, ose është në pragun e të gjithëve. Dhe Edi Rama, nuk mund të zgjasë më dorën.

Por, sot kryeministri ynë, erdhi një moment dhe u bë i sinqertë. Ja që ndodh edhe që Edi Rama të bëhet një herë i sinqertë. Sepse ai i ka sjellë punët e këtij vendi, kaq keq, duke harxhuar çdo qindarkë me koncesione kaq të çuditshme dhe të pavlera, sa sot nuk ka çfarë të bëjë.

Edhe po të dojë, nuk mundet, sepse Edi Rama dhe Shqipëria, janë një grimcë përpara Kinës, që ndërton spitale brenda 10 ditësh.

Edi Rama, në shtatë vite, në vend të qindra milionë dollarëve, të harxhuara për koncesione në shëndetësi, mund dhe duhet të kishte ndërtuar spitale të standarteve më të larta dhe sot ai mund të luftonte dhe ta vriste koronavirusin.

Por, siç pritej, po ndodh krejt ndryshe. Sot, shteti fasadë bashkë me Edi Ramën, janë në pikë të hallit.
Ndoshta, çdo gjë që të thuash sot, nuk ka asnjë vlerë. Për herë të parë, mu dhimbs vërtet Edi Rama…

Ndaj njerëz, lëreni atë në hallin e vet, me fytyrën e mbuluar me maskën e skaduar nëntë vite më parë. Edhe po të dojë vërtet, sot ai, s’mundet. Zoti na ndihmoftë!

Koronavirusi nuk është murtajë!

Nga Jusuf Buxhovi 

Si ndjehet autori në “luftë” me personazhet (kur ata e ndjekin), këtë më së miri na e tregon L. Shkrimtari L. Pirandeli në romanin e tij.
Por, si ndjehet autori i romanit “Shënimet e Gjon Nikollë Kazazit”, i botuar në vitin 1982, kur situatat tragjike përsëriten jashtë përshkrimeve metaforike, siç është e tanishmja e kërcënimit nga coronaviruesi?

Kjo, përafërsisht, mund të shpjegohet me atë se krijimtaria, ndonëse është imagjinatë, ndonëse përdorë figurat stilistike ndër më të ndryshmet, ndonëse përpiqet që realitetin ta kthejë në fantazi, megjithatë nuk mund të përjashtojë situatat jetësore mbi të cilat ndërtohet rrëfimi i caktuar i dramave të brendshme, të atyre që janë të përsëritshme dhe si të tilla i takojnë përvojës së gjithëmbarshme njerëzore në kohë dhe në hapësirë, të cilat përjetohen në mënyra të ndryshme në përputhje me rrethanat që i përcjellin ato.

Megjithatë, në këtë shtjellë, ka diçka që është e përbashkët, që dallimet e përjetimit, i kthen te instinktet më të thella dhe më të errëta të qenies, siç është frika, prej nga pastaj paniku ia zë vendin të tjerave deri aty saqë të krijohet përshtypja e defetizmit deri te pafuqia dhe hiqësia madje.

Natyrisht se situatat vis mayer, pra katastrofat e natyrës (veçmas tërmetet) si dhe epidemitë janë përjetuar si gjendje të pafuqisë, që jo rrallë u janë atribuuar “ndëshkimeve” nga “lart” nga shkaku i “mëkateve” dhe të tjerave, ndërkohë që është harruar se edhe sëmundjet qofshin ato edhe të përmasave shfarosëses (murtaja, kolera dhe të ngjashme), janë pjesë e ritmit të përgjithshëm jetësor, që situatat ose gjendjet e caktuara, i vejnë në veprim madje në përputhje edhe me interesat e caktuara (edhe morbide) edhe i përballojnë.

Te kjo e fundit, pra te përballimi, ndodhet edhe çelësi i çështjes, që ka të bëjë me sjelljen e njeriut, po edhe të shoqërisë në përputhje me atë se jeta është e pamposhtur përkundër kërcënimeve çfarëdo qofshin ato, dhe se për këtë, me vullnetin për veprim dhe fuqi, duhet përqendrim dhe organizim, që për parakusht ka shkarkimin nga çdo frikë e brendshme dhe e jashtme, sidomos e panikut kolektiv dhe të pranimit të gjendjeve të dorëzimit, qofshin atë të mbylljeve (karantinave).

Në këtë aspekt, autori i “Shënimeve të Gjon Nikollë Kazazit” përkujton se përballimi i murtajës së fundit, në vitin 1747 në pjesën e Gjakovës dhe të Malësisë, lidhet me një fakt historik, pra atë të vetëimunizimit me anën e mikrobit (grithjes), si pjesë e përvojës jetësore e konfirmuar edhe nga mjekësia, gjë që nuk është e rastit që edhe në Kinë, conoravirusi ka filluar të luftohet me futjen e antitrupave në formë të vaksinës, të fituara nga të mbijetuari e gripit.

Pra, përvoja kineze, që me siguri se edhe magnatët e fuqishëm të farmaceutikës botërore së shpejti do ta kthejnë në vaksinë, është pjesë e kësaj përvoje
jetësore dhe historike, e mbështetur mbi dijet e hershme, së cilës i janë referuar, intelektualët dhe të dijshmit, në rrethanat e kërcënimeve nga shfarosjet, siç ishte murtaja e vitit 1747, ku përsonazhi kryesor, Kazazi, shfaqet si bartës i kësaj elite dhe mendësie, së cilës, në rrethana të tilla ekzistenciale, i takon përgjegjësia e veprimit.

Imagjinata e autorit në këtë rrëfim letrar, e ndërlidhur me murtajën si metaforë të së keqes, që kërcënon përherë, do të ishte jashtë fuqisë motivuese pa atmosferën e panikut të përgjithshëm , që po qe së pranohet, shfaqet si sëmundje pa ilaç...