Gjeneral majori amerikan David Tabor: Ja arsyet pse SHBA-të përzgjodhën Shqipërinë për krijimin e bazës

 Arsyet se pse Komanda e Operacioneve Speciale të SHBA-së për Evropën përzgjodhi Shqipërinë për të ngritur një shtab të bazës së Forcave Operacionale Speciale i zbuloi këtë të hënë Gjeneral Major David Tabor, në një intervistë në “Zona Zero”, me gazetarin Thimi Samarxhiu në Top News.

Gjeneral Tabor tregoi se pasi u shqyrtuan shumë vende, ajo çfarë u vu re fillimisht ishte pozicioni gjeografik që ka Shqipëria, kjo sipas tij, përforcuar edhe nga partneriteti i shkëlqyer që SHBA ka pasur me forcat shqiptare të operacioneve speciale, duke shtuar këtu edhe mbështetjen e jashtëzakonshme të qeverisë shqiptare dhe popullit shqiptar.

Lexime

Arsyet se pse Komanda e Operacioneve Speciale të SHBA-së për Evropën përzgjodhi Shqipërinë për të ngritur një shtab të bazës së Forcave Operacionale Speciale i zbuloi këtë të hënë Gjeneral Major David Tabor, në një intervistë në “Zona Zero”, me gazetarin Thimi Samarxhiu në Top News.

Gjeneral Tabor tregoi se pasi u shqyrtuan shumë vende, ajo çfarë u vu re fillimisht ishte pozicioni gjeografik që ka Shqipëria, kjo sipas tij, përforcuar edhe nga partneriteti i shkëlqyer që SHBA ka pasur me forcat shqiptare të operacioneve speciale, duke shtuar

Sipas tij, kjo do të jetë një bazë ushtarake relativisht e vogël, afërsisht 10 deri në 15 vetë, që priten të vendosen në Shqipëri në ndihmë të angazhimit që SHBA-të kanë jo vetëm këtu, por edhe në vende si Kosova, Bosnja, Serbia, Kroacia dhe në të gjithë rajonin.

Thimi Samarxhiu: Gjeneral Major David Tabor, faleminderit që gjetët mundësinë dhe kohën për këtë intervistë për t’i dhënë përgjigje shumë pyetjeve që janë ngritur pas vendimit tuaj.

Gjeneral Major David Tabor: Më lejo t’ju them, Thimi, se ju jam shumë mirënjohës që po më jepni mundësinë të flas me ju dhe t’i komunikoj popullit shqiptar dhe kujtdo se cilat janë qëllimet dhe planet tona. Më lejoni ta nis duke thënë se asgjë nga këto nuk do të kishte qenë e mundur pa mbështetjen e jashtëzakonshme të qeverisë shqiptare dhe të popullit shqiptar. Jemi shumë mirënjohës për këtë mundësi që do të kemi për vitet në vijim. Të falënderoj edhe një herë për kohën dhe pres me kënaqësi pyetjet. Shpresoj, gjithashtu, edhe të takohemi një ditë, shumë shpejt besoj.

Dhe pyetja e parë është pse Komanda e Operacioneve Speciale të SHBA-së për Evropën zgjodhi Shqipërinë për të ngritur një shtab të bazës të Forcave të Operacioneve Speciale?

Gjeneral Tabor: Po. E di se kjo është pyetje e rëndësishme për këdo. Mendoj se është e rëndësishme të theksoj se kjo është një komandë rajonale që do të shërbejë për angazhimin e forcave tona me shumë aleatë dhe partnerë në të gjithë rajonin. Sinqerisht, pasi shqyrtuam shumë vende, vumë re pozicionin qendror që ka Shqipëria, përforcuar edhe nga partneriteti i shkëlqyer që kemi pasur me forcat shqiptare të operacioneve speciale, duke shtuar këtu edhe mbështetjen e jashtëzakonshme të qeverisë shqiptare dhe të popullit shqiptar për ta bërë këtë gjë realitet.

Cili do të jetë roli i kësaj njësie?

Gjeneral Tabor: Siç e përmenda, kjo do të jetë një komandë në mbështetje të operimit dhe kontrollit të forcave tona të angazhuara në të gjithë rajonin. Do të jetë një bazë relativisht e vogël, afërsisht 10 deri në 15 vetë, që do të vendosen në Shqipëri mbi bazë rotacioni në ndihmë të angazhimit që ne kemi jo vetëm në Shqipëri, por edhe në vende si Kosova, Bosnja, Serbia, Kroacia dhe në të gjithë rajonin. Duke qenë më të pranishëm, do të mund të ndërtojmë një marrëdhënie më solide në të gjithë këtë zonë.

A është ky mision afatshkurtër, afatmesëm apo afatgjatë?

Gjeneral Tabor: Thimi, sa na përket neve, ky është një proces që nuk e ka një datë mbarimi. Ne mendojmë se po e nisim si një proces afatgjatë dhe mbi këtë bazë do të punojmë bashkë me aleatët tanë të mrekullueshëm aty në Shqipëri. Siç e theksova, kjo ka ardhur si kërkesë e qeverisë shqiptare. Pra, për sa kohë shqiptarët janë të lumtur me praninë tonë aty, po aq të lumtur do jemi edhe ne, sigurisht, që të qëndrojmë.

A ishte vendimi për instalimin e një shtabi të avancuar në Shqipëri në kuadrin e konkurrencës më të gjerë të fuqive në rajon? Rusia ka tashmë një bazë të avancuar në Serbinë Jugore për shembull.

Gjeneral Tabor: Po, e dimë se çfarë po bëjnë shumë vende, por nuk është kjo ajo që na motivon. Ajo çka na motivon vërtet është stërvitja bashkë me aleatët dhe me partnerët tanë për të krijuar kapacitete edhe më të mëdha. Se çfarë bëjnë vendet e tjera, nuk është se është edhe aq e rëndësishme për ne. Ajo çka u intereson aleatëve tanë po, ajo ka shumë rëndësi për ne. Kështu që ne do të vazhdojmë t’i forcojmë këto marrëdhënie kurdo dhe kudo që të mundemi.

Çfarë lloj ndërveprimi do të keni me Forcat e Armatosura Shqiptare?

Gjeneral Tabor: Jam shumë i entuziazmuar për mundësinë që kemi për të zhvilluar më tej marrëdhëniet e shkëlqyera që kemi me forcat e armatosura shqiptare. Siç e dini, Shqipëria ka dhënë një kontribut të jashtëzakonshëm në angazhime të mëparshme, si në Irak, ashtu edhe në Afganistan. Përveç kësaj, kemi pasur edhe një sërë stërvitjesh me forcat shqiptare të operacioneve speciale. Kështu që e presim me kënaqësi mundësinë të stërvitemi dhe të mësojmë nga njëri-tjetri dhe që të ndërtojmë kapacitetet e nevojshme që Shqipëria të vazhdojë të jetë kontribuuese për stabilitetin e rajonit e madje edhe në NATO e më gjerë.

Cilat janë implikimet e sigurisë si për Shqipërinë ashtu edhe për territorin e saj?

Gjeneral Tabor: Siç e thashë edhe më parë, Thimi, kjo është një mundësi për të forcuar marrëdhëniet tona dhe unë shpresoj se kështu rritet edhe ndjenja e sigurisë dhe stabilitetit në të gjithë rajonin, sensi i besimit që kanë të tjerët në këtë rajon e madje edhe në NATO dhe më gjerë. Është shumë e rëndësishme të kuptojmë se secili nga është shumë më i fortë nëse jemi të gjithë bashkë sesa secili veç e veç.

Në kuadrin ligjor, cilat janë marrëveshjet ligjore ndërmjet qeverisë shqiptare dhe komandës së forcave speciale për kryerjen e operacioneve brenda dhe jashtë territorit shqiptar?

Gjeneral Tabor: Pyetje interesante, Thimi, që e ka përgjigjen të thjeshtë. Nuk ka ndryshuar asgjë. Ne do të vazhdojmë të operojmë përmes pranisë sonë atje nën përgjegjësinë e qeverisë shqiptare dhe popullit shqiptar, duke punuar përmes Ambasadës sonë dhe Zyrës sonë atje për Bashkëpunim në Fushën e Mbrojtjes. Kështu që për ne është shumë e thjeshtë. Presim me kënaqësi të jemi atje.

A do të ndihmoni Forcat Speciale shqiptare? P.sh. për sa i përket pajisjeve speciale dhe ndonjë mjeti tjetër që u mundëson atyre të rrisin aftësitë e tyre operacionale?

Gjeneral Tabor: Mundësia tashmë ekziston dhe ne jemi të gatshëm që ta shfrytëzojmë afërsinë tonë me këtë rast për të përforcuar kontaktet me forcat speciale shqiptare. Siç e thashë, do të punojmë përmes Ambasadës Amerikane, Zyrës për Bashkëpunim në fushën e Mbrojtjes për të vlerësuar dhe për të përmirësuar vërtet kapacitetet ne bazë të vullnetit të ushtrisë shqiptare në përgjithësi dhe forcave të operacioneve speciale në veçanti.

Cili është vlerësimi juaj për aftësitë e Forcave Speciale Shqiptare?

Gjeneral Tabor: Do t’i kthehesha edhe një herë përvojës që kemi pasur me forcat speciale shqiptare në Irak, në Afganistan dhe në operacionet stërvitore kohët e fundit. Mund t’ju them se kemi të bëjmë me një forcë të përkushtuar dhe, siç themi zakonisht ne këtu, në operacionet speciale amerikane, ajo që ka më shumë rëndësi janë njerëzit, jo pajisjet. Aty ku ka njerëz të zotë, që janë të fokusuar te misioni, që i përkushtohen sigurisë dhe stabilitetit dhe paqes në rajon, gjithçka është e mundur. Pra, kemi një bazë të mirë me forcat shqiptare të operacioneve speciale dhe presim me kënaqësi mundësinë që t’i ndihmojmë që të bëhen ajo çka ata vetë duan të bëhen.

A do të ketë Shtabi që do të krijohet në Shqipëri njësi speciale nga vende të tjera të NATO-s si Kroacia, Hungaria, Maqedonia e Veriut, Greqia ose Mali i Zi?

Gjeneral Tabor: Ne kemi bashkëpunim shumë të mirë vërtet me aleatë të tjerë të NATO-s dhe me vende të tjera partnere në të gjithë rajonin. Kjo komandë që ne po ngremë është një qendër komandimi për operacionet tona speciale në Evropë dhe si e tillë nuk kemi në plan që pjesë e saj të jetë edhe ndonjë vend tjetër aleat. Sigurisht që në bashkërendim me ushtrinë dhe me qeverinë shqiptare, do të jemi të gatshëm që ta konsiderojmë këtë nëse do të ketë interes reciprok. Duhet, gjithashtu, të them se edhe aleatë të tjerë të NATO-s kanë marrëdhënie me Shqipërinë dhe me ushtrinë shqiptare dhe besoj që në këtë rast jemi në gjendje që ta mbështesim njëri-tjetrin reciprokisht. Kështu që nëse do të lindin mundësi të tilla, ne jemi pa dyshim të gatshëm që t’i eksplorojmë, por nuk është se po nisemi me planin që të ndërtojmë një tip shtabi qendror më të madh për aleatët që shkon përtej thjesht një qendre komande të Shteteve të Bashkuara për operacionet speciale.

A është në plan vendosja e forcave luftarake ose stërvitore diku tjetër, në rajon apo më gjerë?

Gjeneral Tabor: Sigurisht, ka gjithmonë mundësi, kudo. Siç e thashë, ne kemi bërë shumë stërvitje në Shqipëri dhe Shqipëria ka marrë pjesë në disa nga ushtrimet tona stërvitore dhe besoj se kjo ka për të qenë një nga mundësitë më të mira që lind me ngritjen e kësaj komande. Do të ketë më shumë kontakte me forcat ushtarake shqiptare dhe më shumë përfshirje të tyre në ushtrime të NATO-s, qofshin ato ushtrime që bëhen brendapërbrenda Shqipërisë apo qofshin edhe ushtrime të tjera në kontinent, apo edhe kudo qoftë në botë, nëse ekziston dëshira. Një nga stërvitjet tona të mëdha, ku do të marrë pjesë Shqipëria është ushtë stërvitja e përvitshme “Trojan Footprint”, bashkë me tre vende të tjera në Evropë. Kështu që presim me shumë kënaqësi që të mund t’i rrisim mundësitë ekzistuese, duke i shfrytëzuar këto mundësi për rritjen e kapacitetit, sigurisë dhe stabilitetit në të gjithë rajonin dhe në të gjithë Evropën.

Gjeneral shumë faleminderit. Ju uroj punë të mbarë dhe Ju presim në Tiranë

Gjeneral Tabor: Thimi, faleminderit edhe një herë. E vlerësoj vërtet shumë këtë mundësi që më dhatë për të folur me ju, për të folur me popullin shqiptar dhe shpresoj të takohemi së shpejti për një kafe në Tiranë e të njihem edhe me qytetarë të tjerë të mrekullueshëm shqiptarë. Ju falënderoj edhe një herë dhe ju uroj një ditë të bukur!

Vajzat e ekranit pranë skenave të krimit/ Promovimi i “djemve problematikë” për disa klikime më tepër

Lexime

16:30 - 31.01.22Ervis Hasanaga

Figura të njohura të krimit të organizuar në vendin tonë janë joshur shpesh nga vajzat VIP të ekraneve shqiptare. Në jo pak raste kanë përfunduar të fejuar apo edhe martuar me to.

Femrat e shoubizit shqiptar, ndër vite kanë qenë të predispozuara që “të fusin në rrjetë” djemtë e fortë e të pasur, gjë që ka tërhequr jo pak vëmendjen e mediave shqiptare.

Duke shpërfillur të kaluarën e errët të partnerëve të tyre nuk ngurrojnë të shpalosin në rrjetet sociale luksin e një jete përrallore.

Por, jo të gjitha kanë fatin t’i shijojnë ‘bossat’ e tyre. Sisa i kanë humbur rrugës partnerët si pasojë e divorceve, burgosjes apo edhe atentateve mafioze.

Promovimi i “çunave problematikë” në media

Në kërkim të klikimeve dhe shikueshmërisë, mediat sociale, por edhe ato vizive janë vënë tërësisht në shërbim të ‘të fortëve’ dhe ‘bossëve’ me emisionet e tyre. Shpesh duke i lartësuar këta persona, që shndërrohen në idhujt e fëmijëve apo adoleshentëve.

Në vend kemi disa emisione ‘dashurie’, por edhe reality shou, të cilat më shumë se emisione televizive, janë kthyer në hapësira ku reklamohen vajza e djem, të cilët nuk kanë asnjë arritje në jetën e tyre, përveçse janë të bukur, të pasur dhe të famshëm në rrjetet sociale.

Pre e kësaj manie kanë rënë edhe televizionet, të cilat gjithçka ia atribuojnë promovimit në rrjetet sociale, duke mos dhënë asnjë mesazh edukativ, por vetëm foto dhe imazhe sensuale, jetë luksoze, duke u kthyer në një reklamues imazhi, edhe për personat problematikë.

Në disa raste, edhe vetë vajzat, që kanë qenë bashkëpuntore në krim po promovohen në ekranet e televizioneve.

Një veprim ky që përmbys çdo lloj raporti me sistemin e vlerave të një shoqërie, e cila duhet të jetë në fokusin e punës së mediave.

Dhe pyetja që lind është se, çfarë mesazhi i përcillet shoqërisë përmes promovimit të anti-vlerave?

 Disa nga lidhjet e bujshme të VIP-eve shqiptare me “djemtë problematikë”

Rezarta Shkurta dhe Ermal Hoxha

Këngëtarja e njohur Rezarta Shkurta njihet tashmë për lidhjen e saj disa-vjeçare me Ermal Hoxhën, nipin e ish-diktatorit, Enver Hoxha. Bashkëshorti i saj do të binte në prangat e policisë pas operacionit të famshëm ‘Xibraka’, pasi dyshohej se ai kishte rolin e organizatorit në rrjetin e narkotrafikut që sillte kokainë nga Kolumbia për ta përpunuar në laboratorin e zbuluar në Xibrakë të Elbasanit dhe për ta shitur më pas në vende të tjera të Europës.

Viola Spiro dhe Valentin Selaj

Prezantuesja e sportit, Viola Spiro dhe i dashuri i saj, Valentin Selaj ishin kryefjala e shkrimeve në media kohët e fundit pas ndalimit të tij në Hollandë. Ishte gazeta italiane “La Nazione”, që publikoi arrestimin e tij në Firence, duke u etiketuar “Zoti i drogës” dhe kreun e një bande mjaft të fuqishme ndërkombëtare, që sillte kokainë nga ShBA-të në Firenze, nëpërmjet Hollandës. Pasi ai fitoi lirinë pas 5 muajsh ata u fotografuan bashkë në Tiranë.

Inis Gjoni me Arian Selimin

Në vitin 2002 Inis Gjoni njohu njeriun e zemrës Arian Selimin, i cili u nda nga jeta disa vite më parë pas një ekzekutimi mafioz në Tiranë. Lidhja e saj me biznesmenin me origjinë nga Shkodra ecte shumë mirë deri në vitin 2004, Selimi përfundoi në pranga, i akuzuar si kapo i një rrjeti të fuqishëm droge. Vajza e ekraneve dhe i ndjeri ishin në një lidhje dashurie prej 9 vitesh dhe me lirimin i tij nga burgu çifti rinisi bashkëjetesën, lidhje nga e cila erdhi në jetë vajza.

Morena Taraku me Sasha Sobhanin

Edhe ish-missi dhe modelja Morena Taraku është në lidhje serioze me miliarderin nga Teherani, Sasha Sobhani, me të cilin po bashkëjetojnë në Turqi. Ai është i biri i Ahmed Sobhani, ish-ambasador i shtetit iranian në Venezuelë. Në vitin 2012-të u akuzua për vrasje pasi një djalë i ri humbi jetën në një përleshje gjatë një feste të shfrenuar natën. Sidoqoftë, kohë më pas ai u lirua nga akuzat.

Arta Bajrami me Xhemajl (Xhimi) Sekiraqën

Bashkëshorti i këngëtares nga Kosova, Arta Bajrami u vënë në pranga kohë më parë nga policia e Kosovës për armëmbajtje pa leje. Por, ky nuk duket të jetë problemi i tij më i madh, pasi Sekiraqa gjithashtu ishte shpallur në kërkim nga Interpoli në lidhje me një vjedhje ari në Kuvajt.

Fjolla Morina dhe Juxhin Dautaj

Këngëtarja Fjolla Morina pak kohë më parë u përfol se ka qenë në një marrëdhënie me personin që mbeti i vdekur gjatë një atentati në Sukth. Në ngjarjen në fjalë humbën jetën ish-shefi i Antikrimit Ekonomik në Policinë e Tiranës, Ervin Dalipaj dhe Juxhin Dautaj. Pasi Fjolla foli hapur për fatkeqësinë e saj, ajo e kujtoi të ndjerin në ditën e tij të lindjes. Fjolla Morina foli për të dashurin pasi ai u nda nga jeta, duke qenë se më parë kishte mbajtur një lidhje vetëm për vete.

Suada Sherifi dhe Eldi Dizdari

Prezantuesja Suada Sherifi prej kohësh e mbante të fshehtë bashkëshortin e saj biznesmen, nga martesa me të cilin erdhi në jetë vajza. Në ditëlindjen e fëmijës ajo zbuloi më në fund portretin e tij në fotot e tyre familjare. Eldi Dizdari u arrestua disa kohë më parë në Dubai. Bossi i drogës, i cili njihet si kushëri i afërt me Arbër Çekajn, pronarin e kompanisë së bananeve të dënuar për trafikun e 613 kg kokainë që u sekuestrua në Durrës. Dizdari ishte pjesë e një karteli të fuqishëm që drejtohej nga shtetas shqiptarë, i specializuar në trafikimin e drogës në Europë. Ai ishte shpallur në kërkim edhe si i përfshirë në vrasjen e bujshme në zonën e ish-bllokut, e ndodhur më 4 tetor 2018, ku vdiq Fabian Gaxha dhe mbetën të plagosur Ervis Martinaj dhe Eljon Hato.

Konkurrentja e ‘Përputhen’ e arrestuar si pjesë e një grupi kriminal në Kosovë:

Laureta Zyba është konkurentja më e re e ‘Përputhen’ që pritet të kërkojë dashurinë në këtë format.  Laureta është motra e konkurrentes tjetër në këtë emision e cila ka hyrë disa javë më parë, Rrushe Zyba. Laureta u prezantua si balerinë, teksa tregoi se vjen nga Komuna e Suharekës. Por, duket se ajo është emër i njohur edhe për organet e drejtësisë në Kosovë. Rreth katër vite më parë, ajo ishte arrestuar në një aksion policor në lagjen “Kalabria” në Prishtinë, ku Njësia Speciale kishin bërë arrestimin e katër personave. Dy nga personat e arrestuar ishin me prejardhje nga Mali i Zi, një nga Serbia dhe një femër (Laureta) nga Kosova. Siç kishin raportuar mediat në Kosovë, në mesin e të arrestuarve ishte edhe Laureta Zyba, ndërsa tre të arrestuarit e tjerë ishin në kërkim nga Interpoli, pasi që ishin të dyshuar për vrasje të kryera jashtë vendit.Përgjatë arrestimit të tyre në një banesë në lagjen “Kalabria”, policia kishte konfiskuar armë, municion dhe narkotikë. Laureta Zyba ishte raportuar se është striptiste në disa klube të natës në Kosovë dhe dyshohej se e njëjta ka bashkëpunuar me rrjetin kriminal përgjatë kohës sa ata qëndronin në Kosovë.

Përdorte makinën në pronësi të atentatorit të prokurorit Arian Ndoja te mbikalimi i Shkozetit:

Kejvina Kthella – Një tjetër vajzë ekrani takohet me botën e krimit dhe kësaj here fjala është për Kejvina Kthellën. Një javë pas atentatit ndaj prokurorit Arian Ndoja te mbikalimi i Shkozetit, u mësua se një nga personat e marrë në pyetje në lidhje me ngjarjen ishte edhe Kejvina Kthella, e njohur si mikesha e personit të arrestuar si autor i dyshuar i atentatit, Redjan Rraja. Hetimet kanë zbuluar se modelja e njohur kishte miqësi me Redjan Rrajën, i arrestuar pak ditë më parë në Pikën Kufitare të Hanit të Hotit, në tentativë për t’u larguar nga Shqipëria. Kthella kishte bisedime të shpeshta telefonike me 34- vjeçarin Rraja. Mes Kejvinës dhe Redjanit, i njohur ndryshe si “Dara” i Krujës, ka komunikime të shpeshta, ndërkohë që mësohet se Kejvina kishte në përdorim një makinë, që është në pronësi të tij.

Kapet me drogë në makinë modelja e njohur gjatë një kontrolli rutinë të policisë:

Oriola Marashi, modelja e njohur është kapur me një sasi lënde narkotike e dyshuar si kanabis. Modelja është kapur gjatë kontrolleve rutinë të policisë në orët e vona të natës. Ajo ka qenë me disa persona të tjerë në makinë dhe gjatë kontrollit policia i ka gjetur dy qese të vogla me kanabis. Marashi ka deklaruar para policëve se është përdoruese e lëndës narkotike dhe dy qeset ishin të sajat.

Ish-drejtuesi i policisë, Arben Hajdarmataj: Vajzat e ekranit joshen nga grupet kriminale!

Ish-drejtuesi i Policisë, Arben Hajdarmataj, është shprehur se në përgjithësi vajza të ndryshme të ekranit joshen nga grupet kriminale për shkak të përfitimeve financiare.

Ai tha se këto vajza nuk kanë mundësi financiare të blejnë makina të shtrenjta apo shtëpi në zonën e ish-Bllokut, ndaj futen në këto grupe kriminale për të përfituar sa më shumë para’.

“Në përgjithësi është një tendencë për shkak të joshjes nga paratë e mëdha, të pozicionit në publik, kanë dëshirë që të futen në këto organizata. Një vajzë e shoë bizit , nuk dua të ofendoj njeri por një gazetare me rrogën e vet nuk do të blejë dot një Audi Q7, nuk mund të ketë një shtëpi në Bllok. Ajo mund të jetë e bukur, por këto mundësi ekonomike nuk i ka, që të jetë në top listë ngatërrohen me grupet kriminale. Grupet kriminale nuk do të thotë që kryejnë vrasje, janë tek pastrimi i parave, tek trafikimi, tek mashtrimi, tek shfrytëzimi i prostitucionit”, tha Hajdarmataj.

Dialogu i pabotuar me Ismail Kadarenë, shkrimtari zbulon gjithçka mendon mbi dashurinë, seksin, frikën dhe vdekjen: Nuk kam pengje! Më merr malli shpesh, por…

 

Në 86 vjetorin e lindjes së shkrimtarit Ismail Kadare, është publikuar një pjesë e pabotuar nga libri “Kohë për rrëfim”.

Ky është një dialog i shkrimtarit të madh Kadare me Alda Bardhylin, mbi dashurinë, seksin, jetën, frikën dhe vdekjen apo librat e palexuara.

Shkrimtari i jep përgjigje pyetjeve mjaft, përshembull si e ka lënë në mes leximin e Xhojsit dhe ka treguar edhe mbi pengjet e jetës së tij…

Cili është për ju romani më i mirë i të gjitha kohërave?

“DIMRI I VETMISË SË MADHE” DHE “KONCERT NË FUND TË STINËS”, PASI JAPIN NJË TABLO TË PLOTË TË SOCIALIZMIT NË SHQIPËRI. SA MË SHUMË TË KALOJË KOHA, AQ MË SHUMË DO TË DUKET E PABESUESHME SE SI ËSHTË SHKRUAR KY DIPTIK NË KOHËN E SOCIALIZMIT.

Cilat janë për ju tregimet e parapëlqyera të të gjitha kohërave?

NOVELAT E MIGJENIT. STUDENTI NË SHTËPI, P.SH., KU PËRSHKRUHET SHPIRTI I TRAZUAR I NJË STUDENTI SHQIPTAR, I CILI KTHEHET PREJ STUDIMEVE NGA NJË VEND PËRPARIMTAR, NË SHQIPËRINË E PRAPAMBETUR. ISHTE KOHA E ZOGUT DHE AI DUHET TË JETONTE KËTU. KY PERSONAZH MË NGJANTE ME MIJËRA STUDENTË TË KTHYER NGA JASHTË, ME TRAUMËN E KTHIMIT QË GJENIN NË SHQIPËRI, NJË VEND I MËRZITSHËM KOMUNIST, NGA I CILI ATA NDIHESHIN TË HUAJ.

Çfarë gjinie ju pëlqen të lexoni e çfarë nuk lexoni?

LEXOJ RRALLË POEZI E MË SHPESH PROZË.

Çfarë librash mund të na befasojnë në raftet tuaja?

ËSHTË PYETJE E VËSHTIRË. UNË KAM SHUMË LIBRA NË BIBLIOTEKËN TIME PREJ 40 VJETËSH, ËSHTË E VËSHTIRË T’I PËRGJIGJESH KËSAJ PYETJEJE.

Një personazh libri më i parapëlqyer juaji?

HAMLETI ËSHTË NJË PERSONAZH QË TË GJITHË ADOLESHENTËT KRIJOJNË NJË LIDHJE ME TË. SOT, KUR KTHEHEM PAS NË KOHË, TEK AI GJEJ NJË BRENGË TË RINISË, NJË PAKËNAQËSI, NJË SY KRITIK NDAJ BOTËS, NJË FAT QË NUK ECËN, NJË PENGESË QË ËSHTË E KEQE SI ÇDO PENGESË, POR EDHE E BUKUR NË THELBIN E SAJ. HAMLETI ISHTE NJË PERSONAZH QË NUK NGJANTE FARE ME “BIRBOT” POZITIVË TË VENDEVE SOCIALISTE. ISHTE E KUNDËRTA E HEROIT POZITIV.

Çfarë lloj lexuesi ishit në fëmijërinë tuaj? Cilët ishin librat dhe autorët tuaj të parapëlqyer?

LEXOJA VETËM LIBRAT DRAMATIKË, ATA HIJERËNDË, ATA QË KISHIN PESHË, PRANDAJ KJO MË KA SHPËTUAR NGA FRYMA PSEUDOPOZITIVE E SOCIALIZMIT, GJËJA MË E RREZIKSHME PËR SHKRIMTARËT. ATA QË BININ PRE E SAJ ISHIN PA DINJITET.

A jeni futur ndonjëherë në telashe për të lexuar një libër?

SIGURISHT QË JAM FUTUR. BIBLIOTEKAT MEZI T’I JEPNIN LIBRAT, SEPSE I KISHIN NË KOPJE TË PAKTA. POR LIBRAT MË TË NEVERITSHËM ISHIN ATA ME HERONJ POZITIVË.

Keni pasur një kontradiktë me heroin pozitiv?

PO, NJË MOSPËLQIM. FËMIJA ME INTUITË E NDIEN SE NË JETË KA GJËRA QË NUK SHKOJNË MIRË. KA GJËRA TË TRISHTUESHME, TË MALLËNGJYESHME ETJ.

Po t’ju duhej të përmendnit një libër që ju ka bërë ky që jeni sot, cili do të ishte ai?

MAKBETHI. NDËRSA LIBRI QË MË NERVOZONTE SHUMË ISHTE NËNA E MAKSIM GORKIT; GJITHË AJO FLAMË, AI HIDHËRIM PËR NËNAT, PËR BABALLARËT, TEK TËRË SHKRIMTARËT E VEGJËL.

Nga librat që keni shkruar, cilin parapëlqeni më shumë ose është më kuptimplotë për ju?

MUZGU I PERËNDIVE TË STEPËS.

Pse?

NUK E DI PSE!

Nëse do t’i kërkonit presidentit të lexonte një libër, cili do të ishte ai?

S’E DI. KAM FRIKË NËSE DO TA KUPTONTE APO JO, OSE DO TA KUPTONTE SË PRAPTHI.

Keni planifikuar një darkë me njerëz të letrave. Cilët janë tre shkrimtarët e ftuar?

MË DUKET E PAMUNDUR NJË ZGJEDHJE E TILLË, DO TË KISHTE SHUMË. DO TA QUAJA FATIN MË TË MADH TË JETËS SIME.

Zhgënjyes, i mbivlerësuar, thjesht jo i mirë: për cilin libër mendoni se duhet t’ju kishte pëlqyer, por nuk e bëtë? A ju kujtohet libri i fundit që e keni mbyllur pa mbaruar?

JO, NUK MË KUJTOHET. KUR ISHA I RI, NISA TË LEXOJA ME QEJF GARDËN E RE. NGAQË KARVANI I PERSONAZHEVE TË BUKURA E POZITIVE KISHTE ENDE FORCË TË TËRHIQTE SI HISTORI, POR MË PAS E KUPTOVA KURTHIN QË KRIJONTE PËR LETËRSINË. LIBRI SHPARTALLIMI M’U DUK I MREKULLUESHËM, PASI ISHTE E KUNDËRTA E KËSAJ.

Cili do të donit të shkruante historinë e jetës suaj?

NJË GRUMBULL GRASH NDOSHTA.

Te cilët libra ktheheni vazhdimisht?

S’PARA KTHEHEM TE NDONJË LIBËR SËRISH, MEGJITHËSE NË MENDJE MË KALOJNË SHPESH MENDIME.

Për çfarë librash ndiheni keq që nuk i keni lexuar ende?

PËR ASNJË.

Çfarë keni ndër mend të lexoni tjetër?

ULIKSIN E XHOJSIT, PASI E KAM LEXUAR PJESË-PJESË.

Eqrem Çabej?

E KAM NJOHUR. KEMI BISEDUAR, POR RRALLË. KISHA PËRSHTYPJEN SE ISHTE TIP I MBYLLUR DHE NUK KAM DËGJUAR TË KETË PASUR MIK ZEMRE. DO TË KISHA DASHUR TË BËJA ME TË BISEDA PËR ENIGMËN E GJUHËS, POR MË DUKEJ DISI E PAMUNDUR.

Pse?

MËNYRA E TË MENDUARIT TONË ISHTE E NDRYSHME.

Jusuf Vrioni?

VRIONI KISHTE NJË KUPTIM TË LETËRSISË QË NDRYSHONTE SHUMË NGA IMI DHE TË LINTE PËRSHTYPJEN SE ISHTE NJERI I MBYLLUR PËR ÇËSHTJE TË THELLA LETRARE. ISHTE DHE SHUMË I TRAUMATIZUAR NGA TRYSNIA E SHTETIT SHQIPTAR. POTHUAJSE GJITHMONË U SHMANGEJ TEMAVE DELIKATE, GJË QË E DËMTONTE CILËSINË E AFRIMIT.

Po ju bëj të njëjtën pyetje që Mario Vargas Llosa ia drejtoi Gabriel Garsia Markezit: “Shpesh njerëzit pyesin veten: Për çfarë duhen shkrimtarët? Të gjithë e dinë për çfarë duhet arkitekti, për çfarë duhet inxhinieri, për çfarë duhet mjeku, por, kur bie fjala për shkrimtarin, lindin dyshime. Për çfarë duhesh ti si shkrimtar?”

KJO HYN NË PYETJET QË NUK DO TA KENË KURRË NJË PËRGJIGJE TË SAKTË. DISI NGJAN ME PYETJET SE PËRSE DUHET DASHURIA? OSE TË NGJASHME SI KJO PYETJE.

Vetmia është cilësuar gjithnjë si një “temë e rrezikshme” ndër shkrimtarët. Markezi shprehet: “Nëse do të mund të shpjegoj pikërisht vetminë, atëherë ajo do të bëhet tejet racionale, tejet e vetëdijshme dhe do të pushojë së më interesuari…” Cili është përkufizimi juaj për vetminë?

VETMIA ËSHTË E NDRYSHME, NË KOHË TË NDRYSHME E VENDE TË NDRYSHME TE NJERËZ TË NDRYSHËM. PRANDAJ ËSHTË DHE E RREZIKSHME, POR DO TË SHTOJA SE SA E RREZIKSHME AQ EDHE E DOMOSDOSHME ËSHTË NDONJËHERË PËR SHKRIMTARIN. LETËRSIA KRIJOHET NË VETMI DHE NE S’MUND TA RINOVOJMË KËTË GJË DHE S’DUHET TA RINOVOJMË KURRË.

Kur thoni e rrezikshme, çfarë nënkuptoni me rrezik?

NËNKUPTOJ PAK A SHUMË ATË QË NDODH ME NDJENJËN E DASHURISË, QË E PËRMENDA MË LART.

A duhet që shkrimtari ta bëjë të ditur përkatësinë përmes temave që prek? A duhet domosdoshmërisht që temat e letërsisë suaj të jenë vetëm shqiptare?

NUK ËSHTË E DOMOSDOSHME. NË LETËRSI QËLLON QË AJO ÇFARË ËSHTË MUNGESË TE NJËRI MUND TË JETË MERITË TE SHKRIMTARI TJETËR.

Sot duket sikur bisedat mbi realizmin në letërsi kanë mbaruar. Në fakt, unë do të doja të diskutonim pak se ç’do të thotë realizëm, cilët janë kufijtë e tij? Ju e konsideroni veten si një shkrimtar realist?

REALIZMI ËSHTË NJË TERM, PARA SË GJITHASH I DËSHPËRUESHËM, I PAFAT, I KEQPËRDORUR. PJESËMARRËS, HERË PAS HERE, NË TERRORIN KUNDËR LETËRSISË. ASKUSH NUK MUND TA GJEJË SE ÇFARË E BËN NJË VEPËR LETRARE TË PAARRITSHME PËR NGA NIVELI: REALIZMI APO E KUNDËRTA E TIJ.

Çfarë mendoni për poezinë në kohën e sotme?

NË KOHËN E REALIZMIT SOCIALIST KALOI NË SHUMË VENDE SI NJË SËMUNDJE, SI NJË FURTUNË. NËSE NJË FURTUNË MUND TË QUHET TË JETË E MËRZITSHME, E RREME ETJ., EDHE “TRAZIMI POETIK”, ME TË CILIN SPEKULOHET KAQ SHUMË, KA LUAJTUR NJË ROL TEPËR NEGATIV, SI ÇDO GJË E RREME QË FRYHET NË BOTË. NGAZËLLIMI I NJOHUR I POETËVE SKEMATIKË KA QENË DIÇKA QË I NGJANTE NJË SËMUNDJEJE NGJITËSE, QË PËRPIQEJ TË DUBLONTE NGAZËLLIMIN E ARTIT. MË DUKET SE U NGATËRROVA NË KËTË GJË…

E keni quajtur veten poet?

JO. NËSE NDIEJA HERË PAS HERE NJË NDJENJË “TURPI” NGA LETËRSIA, KJO VETVETIU LIDHEJ ME ATË QË QUHEJ ANA POETIKE E SAJ. AQ MË TEPËR, ISHTE E BEZDISSHME AJO PRIRJE UNIVERSALE, KU ÇDO NDJESI DELIKATE NJERËZORE TA QUANIN POEZI. KJO E KEQE LIDHEJ ME TË KEQEN E TMERRSHME, SKEMATIZMIN POLITIK. A PO SHKËPUTET BOTA PREJ SAJ? VËSHTIRË TA THUASH. NGANJËHERË TAKOJMË VARGJE POETIKE QË NGJAJNË SIKUR JANË NGJIZUR NGA VETË GJUHA. P.SH., SHPREHJET E NGJASHME ME VARGËZIME POPULLORE, SI: “HANKO MOS SHKO NËPËR VARRE SE TË VDEKURIT I NGJALLE”, OSE “NGA MURI DO NGJITEM TA DI QË DO TË VRITEM”.

Po citoni poetët anonimë? Mos është kjo një sfidë ndaj atyre që njihen si poetë?

BISEDAT PËR SFIDA MË DUKEN ZAKONISHT TË PAKRYESHME, TË PAMUNDURA.

A kemi ne një histori në poezinë shqipe?

NATYRISHT QË KEMI. MENDOJ SE ËSHTË E PAMUNGUESHME KJO LLOJ HISTORIE NË TË GJITHA LETËRSITË.

Kur ka qenë poezia e fundit që keni shkruar?

NUK E MBAJ MEND.

Si i zgjidhni titujt tuaj të librave?

NUK KAM PASUR NDONJË VUAJTJE PËR TITUJT ASNJËHERË, AS NDONJË NGULMIM, QË ATA TË JENË TË BUJSHËM.

Hemingueji e shkroi 47 herë fundin e romanit Lamtumirë armë, për të mbërritur te fjalia: “Pas pak, e braktisa spitalin dhe nën shi u ktheva në hotel.” Për shumë autorë, fundi i një libri është mundim. Si ka qenë ky proces në krijimtarinë tuaj?

FUNDI I NJË LIBRI NUK MË LODH, MË JEP GJITHNJË NJË KËNAQËSI. FUNDET JANË DIÇKA E AFËRT ME MUA, NDIHEM I AFËRT ME TO DHE PËRKUNDRAZI, KAM NJË LEHTËSIM. I VETMI MUNDIM, NËSE MUND TË QUHET I TILLË, ËSHTË NJË ZGJEDHJE, QË PËR MUA ËSHTË E KËNDSHME GJITHMONË. ZAKONISHT I PËLQEJ FUNDET, ËSHTË NJË ELEMENT QË, SIÇ DUKET, TE SHKRIMTARI E SHKAKTON LËVRIMI I POEZISË. NJË SHKRIMTAR I LIDHUR ME POEZINË I KA MË TË LEHTA FUNDET. MË ËSHTË KRIJUAR KJO NGULITJE NË KOKËN TIME.

Në vitet ’20 dhe ’30 të shekullit të kaluar, filozofë si Uolter Benjamin folën për vdekjen e romanit. Vetë postmodernizmi do të ndikonte në një ikje prej realizmit. Si e shihni ju romanin sot?

ROMANI NË LETËRSI ËSHTË NJË GJINI E RËNDËSISHME. MENDOJ SE TË GJITHË SHKRIMTARËT KANË NJË TËRHEQJE GATI MAGJIKE NGA KJO FJALË, KY KONCEPT, KY PËRFYTYRIM. FJALA ROMAN KA DALË NGA LETËRSIA PËR T’U PËRDORUR NË PJESËT MË DELIKATE TË JETËS NJERËZORE. KJO TREGON ATË HIJEN E TIJ, QË UNË E QUAJTA TË MBARË NË JETËN NJERËZORE. PËR MUA FJALA E NJOHUR NË TË GJITHA GJUHËT, ROMAN, ËSHTË NJË NDER QË LETËRSIA I KA BËRË VETES, DUKE ARRITUR QË T’I JAPË TINGËLLIM KËSAJ FJALE. NUK MENDOJ SE DO TË KETË NDONJËHERË VDEKJE TË ROMANIT.

Cesare Pavese ka thënë se ajo që kujtojmë nuk janë ditët, por çastet. Cila është vlera e çasteve në histori?

NË HISTORI, NË JETË, NË KALENDARIN E JETËS NJERËZORE, ÇASTET SHFAQEN NË MËNYRË SHUMË KAPRIÇIOZE. ATO JANË SHPESH MË TË THELLA SESA DUKEN, OSE E THELLË ËSHTË VONESA E TYRE, SIÇ MUND TË JETË VËRTETUESE PËR DIÇKA, OSE E RREME. DO TË DOJA QË TË MOS FLISJA PËR KËTË GJË TË PASHTERSHME.

Çfarë vlere kanë pasur çastet në jetën tuaj?

SIGURISHT QË KANË PASUR VLERË. NDONJËHERË E KAM KUPTUAR KËTË VLERË DHE NDONJËHERË JO.

A keni ju një kufi midis trillimit dhe realitetit gjatë procesit të shkrimit?

UNË PËRPIQEM TA MENDOJ KËTË GJË PA KUFI, TË PAKUFIZUAR.

Përse shkrimtarët e kanë të vështirë të shkruajnë për seksin?

ËSHTË NJË PYETJE, NË PAMJE TË PARË, E THJESHTË, POR QË NË NJË BISEDË ME NJË SHKRIMTAR KA BRENDA SAJ PAMUNDËSINË PËR T’U PËRGJIGJUR. VETË ETJA PËR TË LEXUAR PËR SEKSIN KA NË VETVETE DIÇKA ANORMALE. RRJEDHIMISHT, EDHE DIALOGËT PËR TË BËHEN TË TILLË.

Sa i rëndësishëm ka qenë seksi në veprat tuaja?

NUK KAM ASNJË IDE NË KA QENË APO JO I RËNDËSISHËM.

Çfarë ju tremb tani?

ASGJË! MË TREMB VETË ECJA E JETËS, ASHTU SIÇ MË GËZON E HIDHËRON.

Për çfarë ju merr malli?

MË MERR MALLI SHPESH, POR E KAM TË VËSHTIRË TA GJEJ. NJË HERË MË MERR PËR DIÇKA, E HERË PËR NJË GJË TJETËR, NGJARJET NDËRROJNË ROLET.

E prisni këtë vit çmimin “Nobel”?

S’E DI! ZAKONISHT, KA NJË GRUP SHKRIMTARËSH QË PËRMENDEN KUR AFROHET KOHA E KËTIJ ÇMIMI.

Kemi folur jo shumë për dashurinë…

GJITHÇKA MUND TË NDODHË NË DASHURI. PËRDERISA KJO ËSHTË NJË SFERË E PANJOHUR DHE DO TË MBETET E TILLË DERI SA TË SHUHET NJERËZIMI, NE S’MUND TI DIMË MISTERET E SAJ.

Çfarë duhet të bëjë njeriu për dashurinë?

GJITHÇKA DHE ASGJË.

Kur thua asgjë, çfarë mendon. Mendon se duhet ta lëmë të iki nëse nuk na përgjigjet, apo duhet të luftojmë për të?

SIGURISHT QË DUHET TË LUFTOSH PËR TË. POR DUHET TA BËSH KËTË LUFTË DUKE MOS HARRUAR KURRË DIMENSIONET E PANJOHURA TË SAJ.

Pas botimit të librit Kur sunduesit grinden, ju u shprehët se nuk do të shkruanit më. Sigurisht që një deklaratë e tillë i trishtoi lexuesit tuaj.

ËSHTË DIÇKA QË NATYRSHËM U VJEN HERË PAS HERE SHKRIMTARËVE. NUK DUHET SHQETËSUAR PËR DEKLARATA TË TILLA. NUK JANË TË HARESHME, POR NUK JANË AS TË PIKËLLUESHME, SA MUND TË DUKEN.

Kjo do të thotë se mund të kemi një libër të ri nga ju?

KJO S’PËRJASHTOHET TË THOTË EDHE KËTË.

A keni pengje?

JO, UNË NUK KAM PENGJE, POR NË REGJIMET E VËSHTIRA DUKET E NATYRSHME QË SHKRIMTARËT TË KENË PENGJE SE PSE NUK SHKRUAN KËTË APO ATË VEPËR. NUK KAM NDONJË PENG TË KËSAJ NATYRE. DUKET SIKUR ATO QË KAM DASHUR MË TEPËR TË SHKRUAJ, I KAM SHKRUAR DHE KY ËSHTË ÇLIRIMI I NDËRGJEGJES. PO NUK E KE KËTË PENG, SHKRIMTARI ËSHTË I ÇLIRUAR NGA SHUMË PENGJE, PASI NUK NJEH PENG TJETËR NË BOTË.

Gjyqi ndaj ish-krerëve të UÇK-së/ Kritika të ashpra ndaj Speciales: Seanca të redaktuara, nuk merret vesh për çfarë flitet

 

Monitoruesit e punës së Dhomave të Specializuara të Kosovës kanë vlerësuar se ky institucion është duke trajtuar me profesionalizëm të drejtat e të akuzuarve dhe palëve të tjera në procedurë.

Megjithatë, Amer Alija, koordinator në Fondin për të Drejtën Humanitare në Kosovë, ka thënë se Dhomat e Specializuara në seancat gjyqësore që janë zhvilluar deri më tani, në veçanti në rastin kundër ish-eprorit të Ushtrisë Çlirimtare të Kosovës, Salih Mustafa, kanë qenë aq të redaktuara, saqë ka qenë e vështirë të kuptohet nga monitoruesit se për çfarë në të vërtetë flitej në seancë.

Këto komente Alija i bëri në një debat publik të organizuar nga Fondi për të Drejtën Humanitare, të hënën më 31 janar.

“Seancat në rastin e Salih Mustafës kanë qenë tejet të redaktuara. E dimë që këto redaktime bëhen për shkak të sigurisë së dëshmitarëve, por nga 12 dëshmitarë, dhjetë prej tyre kanë qenë të redaktuara apo të mbyllura, ku mbi 70 për qind të seancave kanë qenë shumë të redaktuara dhe një monitorues laik do ta ketë të vështirë për të kuptuar se çfarë është duke ndodhur brenda seancave”, tha Alija.

Ai ishte kritik edhe sa i takon fazave përgatitore për procese gjyqësore, që sipas tij, Dhomave të Specializuara po u merr kohë të gjatë.

Udhëheqësja e Njësisë së Informimit dhe Komunikimit Publik në kuadër të Dhomave të Specializuara të Kosovës, Angela Griep, tha se redaktimet e shumta si dhe kalimi në seanca private, bëhet më qëllim të mbrojtjes së dëshmitarëve.

“Ekzistojnë shpesh arsye shumë të forta pse gjyqtarët vendosin që të kalojnë në seanca të mbyllura dhe pse gjyqtarët vendosin që dokumentet duhet të redaktohen dhe kjo arsye, në të shumtën e rasteve, ndodh për të mbrojtur dëshmitarët apo njerëz të tjerë të cilët janë në një formë apo tjetër pjesë e procedurës”, tha Angela Griep.

Duke folur për punën e Dhomave të Specializuara në këtë debat, avokati Artan Qerkini tha se çështja e mbylljes së seancave ka ndikuar që opinioni të mos mund të përcjellë rrjedhën e gjykimeve.

“Unë e kuptoj se edhe mbrojtja e dëshmitarëve është një çështje për të cilën duhet të kihet kujdes gjykata, mirëpo në anën tjetër parimi i publicitetit është pjesë e gjykimit të drejtë dhe të paanshëm dhe nëse i kemi redaktimet, plus mungesën e publicitetit, atëherë thjesht opinioni po mbetet i mangët në lidhje me përcjelljen e rrjedhës së procedurës”, tha Qerkini.

Një kritikë tjetër për Dhomat e Specializuara ishte edhe mungesa e përkthimeve të disa materialeve gjyqësore në gjuhën shqipe dhe atë serbe.

“Si vërejtje do ta veçoja mungesën e publikimit të këtyre shkresave në tri gjuhë. Pra, kryesisht shkresat që lëshohen nga Dhomat e Specializuara publikohen vetëm në një gjuhë, por nuk publikohen edhe në gjuhën shqipe dhe në gjuhën serbe”, theksoi Alija.

Si pozitive nga monitoruesit e punës së këtij institucioni u vlerësua fakti se proceset gjyqësore ose shqyrtimet kryesore mbahen me një intensitet të lartë dhe me një profesionalizëm të dukshëm, ku të drejtat e palëve në procedurë, sipas tyre janë duke u respektuar në mënyrë maksimale.

Aktualisht në Dhomat e Specializuara të Kosovës janë duke u zhvilluar dy procese gjyqësore, njëri ndaj ish-eprorit të UÇK-së, Salih Mustafa si dhe tjetri ndaj udhëheqësve të Organizatës së Veteranëve të Luftës së UÇK-së, Hysni Gucati e Nasim Haradinaj.

Procesi gjyqësor ende nuk ka filluar ndaj ish-presidentit të Kosovës, Hashim Thaçi, ish-kryetarit të Partisë Demokratike të Kosovës, Kadri Veseli, ish-kryetarit të Kuvendit të Kosovës, Jakup Krasniqi si dhe ish-deputetit të Lëvizjes Vetëvendosje, Rexhep Selimi.

Dhomat e Specializuara dhe Zyra e Prokurorit të Specializuar janë themeluar me vendim të Kuvendit të Kosovës në gusht të vitit 2015 dhe mision kanë hetimin e krimeve të pretenduara të ish-pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë, nga janari i vitit 1998 deri në dhjetor të vitit 2000.

Pretendimet për këto krime të supozuara janë përmendur për herë të parë në një raport të Këshillit të Evropës, në vitin 2011, autor i të cilit është senatori zviceran, Dick Marty.

Kontribut në tre veprat kryesore në qendër të Tiranës, Presidenti Meta vlerëson me titullin “Kalorës i Urdhrit të Flamurit” inxhinierin e shquar

 

Presidenti i Republikës, Ilir Meta vlerësoi pas vdekjes me titullin e lartë “Kalorës i Urdhrit të Flamurit” inxhinierin e shquar Ferit Stërmasi. Kreu i Shtetit thotë se Stërmasi ka qenë një nga inxhinierët, veprat e të cilit janë të njëohura nga të gjithë.

Presidenti kujton ato më të rëndësishme, ku Stërmasi ka dhënë kontribut të vyer, sic është Pallati i Kulturës, Muzeu Historik Kombëtar dhe Hotel ‘Tirana’.

“Sot kisha privilegjin e veçantë të vlerësoja me Titullin e lartë “Kalorës i Urdhrit të Flamurit” një nga inxhinierët dhe konstruktorët më të shquar të vendit tonë, të paharruarin Ferit Stërmasi, veprat e rëndësishme industriale, shoqërore dhe kulturore të të cilit janë të njohura nga të gjithë.

Do të mjaftonin vetëm pak minuta në qendër të Sheshit ‘Skënderbej’ në Tiranë, për të parë tre nga veprat ku inxhinier Stërmasi ka dhënë kontributin e vyer: Pallati i Kulturës, Muzeu Historik Kombëtar dhe Hotel ‘Tirana’. Për të vijuar me Muzeun ‘Gjergj Kastrioti’ në Krujë, Uzinën e Superfostatit në Laç, Aeroportin e Rinasit, Hotel ‘Skampa’ Elbasan dhe shumë e shumë vepra të tjera, me të cilat krenohemi të gjithë.

Përherë mirënjohës për kontributin e madh të inxhinier Stërmasit, të dhënë në futjen e të rejave të shkencës në fushën e ndërtimit, si dhe për vlerat e larta qytetare e intelektuale të vëna në shërbim të Tiranës dhe të gjithë vendit tonë.

Falenderoj në veçanti Shoqatën “Tirana” për bashkëpunimin e veçantë në vlerësimin e shumë personaliteteve të ndritura të Kryeqytetit tonë”, shkruan në Facebook Presidenti Meta.