Ukraina: Rusia bombardon një xhami që strehonte 80 persona

 

Forcat ruse kanë bombarduar një xhami në qytetin Mariupol, ku janë strehuar më shumë se 80 të rritur dhe fëmijë, përfshirë shtetas turq, ka thënë Ministria e Jashtme ukrainase.

Ministria ka thënë se xhamia Sulltan Sylejmani i Madhërishëm në Mariupol është bombarduar nga “pushtuesit” rusë.

Ukraina ka akuzuar Rusinë se nuk po lejon daljen e qytetarëve nga Mariupoli, dhe për pasojë qindra mijëra persona kanë mbetur të bllokuar.

Rusia fajëson Ukrainën se ka dështuar në përpjekjet për evakuim.

Ende nuk ka informacion nëse është vrarë apo plagosur dikush brenda xhamisë.

Moska, në anën tjetër, hedh poshtë vazhdimisht raportimet për shenjëstrim të civilëve.

Një depo shihet duke u djegur, si pasojë e bombardimeve në një fshat në rajonin e Kievit. 12 mars 2022.

Sulmi i Moskës ndaj Ukrainës ka nisur në orët e para të 24 shkurtit.

Presidenti rus, Vladimir Putin ka urdhëruar “operacion special” për të çmilitarizuar Ukrainën.

Konflikti ka nxitur mbi 2.5 milionë refugjatë që të largohen nga shteti.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës.

Rrëfimi i agjentes ruse që u trajnua në të njëjtin program me Putinin, tregon çka do të bëjë presidenti rus

 

NGA: G.B 

FOTO GALERI

Aliia Roza ishte një spiune ruse e trajnuar në të njëjtin program ushtarak si Vladimir Putin (Foto: Jam Press/@aliiaroza)

Agjentja ruse Roza që ra në dashuri me objektivin e saj flet për luftën e Rusisë në Ukrainë

Një ish-spiune rus, e cila është trajnuar në të njëjtin program ushtarak si Vladimir Putin, ka paralajmëruar se presidenti rus 'do të shkojë deri në fund' në Ukrainë, shkruan DailyStar, përcjell Bota sot.

E bija e një gjenerali të lartë ushtarak rus, Aliia Roza ishte një spiune e lartë e punësuar për të joshur armiqtë e vendit të saj për të zbuluar sekretet e tyre.

37-vjeçarja madje një herë ra në dashuri me një nga objektivat e saj.

Tani Roza flet kundër regjimit rus dhe më 2 mars - ndërsa trupat e Putinit po marshonin në Ukrainë - ajo ndau tekstet e këngëve në internet nga Imagine e John Lennon.

"Imagjinoni të gjithë njerëzit, duke jetuar jetën në paqe."

Roza u trajnua për të joshur armiqtë e shtetit rus dhe për t'i dorëzuar informacionet policisë (Foto: Jam Press/@aliiaroza)

FOTO GALERI

Roza, e cila ka miq dhe familje si në Ukrainë ashtu edhe në Rusi, pranon se është "shumë e shqetësuar" për ta.

Ajo shpjegoi: “Unë u trajnova në të njëjtin program ushtarak si Putin dhe mësuam se si të qëndronim të qetë dhe gjakftohtë në një situatë shumë stresuese. Z. Putin gjithmonë fiton; ai nuk mund ta humbasë këtë luftë dhe të rikthehet, sepse kjo do të dëmtojë reputacionin e tij. Ai do të shkojë deri në fund."

Roza mendon gjithashtu se Putini do të ishte tronditur nga sfida me të cilën është përballur në Ukrainë, shkruan DailyStar, përcjell Bota sot.

Ajo vazhdoi: “Strategjia e Putinit është e qartë – të mos lejojë NATO-n të vendosë asnjë raketë/armë në Ukrainë dhe ai do të bëjë gjithçka për të arritur qëllimin e tij”.

“Por, ai besonte se do të ishte e lehtë. Ai nuk priste që ukrainasit të luftonin kundër dhe të kishin mbështetje nga e gjithë bota”.

Roza tani drejton një biznes PR modës nga Kalifornia (Foto: Jam Press/@aliiaroza)

FOTO GALERI

Këto ditë Roza mund të shihet në internet duke u përplasur me personazhe të famshëm si Mike Tyson dhe Paris Hilton, madje ajo është takuar edhe me Princin Charles.

PR e modës ka folur më parë se si ka qenë jeta e saj dhe pse bëri ndryshimin dramatik të karrierës.

Ajo tha: "Ndonjëherë kur i shikoj këta filma si Red Sparrow, jam sikur 'oh zot, nga i dinë ata të gjitha këto gjëra?'

“Në qendrën time arsimore, ata do të na mësonin se si t'i joshnim burrat, si t'i manipulonim ata psikologjikisht, si t'i detyronim ata të flisnin që të mund t'i dorëzonim informacionet policisë”.

Putini mësoi se si të ishte 'gjakftohtë' në programin e stërvitjes ushtarake të Rozës (Foto: Alexei Nikolsky/TASS)

FOTO GALERI

“Për detyrën time të parë, më duhej të pretendoja se isha një prostitutë, në mënyrë që të shkoja në një klub dhe të joshja kreun e një bande kriminale që furnizonte drogë në vend.”

Roza përfundoi duke rënë në dashuri me objektivin e saj të parë, një burrë i quajtur gjithashtu Vladimir, kur ajo ishte vetëm 19 vjeç në vitin 2004, shkruan DailyStar, përcjell Bota sot.

Ajo shpjegoi se si banda e tij shpejt zbuloi se kush ishte ajo në të vërtetë, me 10 nga gocat e Vladimirit që e çuan atë në një pyll dhe e rrahën.

Roza pushoi së qeni spiune pas një përvoje ku vdiq një person (Foto: Jam Press/@aliiaroza)

FOTO GALERI

Megjithatë, shefi i krimit ndërhyri dhe e shpëtoi. Më vonë ai u vra nga njerëzit e tij.

Ajo vazhdoi: “Vladimir më shpëtoi nga vrasja. Para se të vdiste, Vladimiri më dha kontakte në Moskë me njerëz që të kontaktoja në rast se i ndodhte ndonjë gjë dhe më tha të mos flisja me askënd tjetër”.

“Policia filloi të më gjurmonte dhe miqtë e tij më fshehën për pak më pak se një vit. Kur gjërat ishin mjaft të qeta, fillova të jetoj jetën time, por e dija se nuk mund të kthehesha më kurrë.”

Kamerat e sigurisë kapin pamjet – Publikohen imazhet e fluturakes që u rrëzua në Zagreb

 

Imazhet e fluturakes që u rrëzua në Zagreb

Qytetarët e Zagrebit i ka zgjuar sot një shpërthim i fuqishëm. Një fluturake e paidentifikuar me gjatësi prej 15 metrave dhe peshë prej mbi 5 tonelatave, u rrëzua përgjatë lumit Jarun.

Nuk raportohet për të lënduar.

Se e kujt është fluturakja dhe nga ka ardhur, me çfarë misioni dhe si ka arritur të fluturojë mbi vendet anëtare të NATO-s dhe të bie në kryeqytetin e vendit të tretë, akoma nuk dihet.

“Ne e kemi regjistruar fluturaken në radarët tonë, ndoshta radari nga Slemeni. Nuk mund të komentojmë për vendet e tjera”, është thënë në konferencë.

E fluturaken misterioze ndoshta nuk e ka pikasur me kohë mbrojtja kundërajrore – por kamerat e sigurisë të vendosura në pjesë të ndryshme të Zagrebit e kanë regjistruar.

Atë e filmoi edhe kamera e Institutit Hidrometeorologjik që gjendet në Griç të Zagrebit. Madje janë publikuar pamjet ku shihet qielli duke shndritur pak sekonda pa u rrëzuar.

Republika Çeke u mundëson qytetarëve të luftojnë për Ukrainën

 

Liderët çekë janë pajtuar për t’iu lejuar qytetarëve të shtetit të luftojnë në anën e Ukrainës kundër pushtimit rus, pa u përballur me pasoja.

Kryeministri çek, Petr Fiala ka thënë se ka biseduar me presidentin e shtetit, Millosh Zeman, i cili është pajtuar për të falur individët në raste të tilla.

Shtetasit e Republikës Çeke zakonisht e kanë të ndaluar që të shërbejnë për një ushtri të huaj.

Fiala ka thënë se ligji për këtë çështje nuk do të rishikohet.

Presidenti ukrainas, Volodymr Zelensky, u ka bërë thirrje evropianëve me përvojë ushtarake që të mbështesin Kievin kundër pushtimit rus.

Rreth 400 vullnetarë kanë kontaktuar autoritetet çeke, duke kërkuar përjashtim nga rregulli.

Republika Çeke është anëtare e NATO-s prej vitit 1999 dhe është më pak se 400 kilometra larg Ukrainës

Krejt çfarë dihet deri më tani për sulmin rus në centralin bërthamor në Ukrainë

 

Centrali bërthamor në Zaporizhzhia

Në Ukrainë ishte një natë e gjatë dhe shpeshherë e frikshme, jo vetëm për njerëzit atje por edhe për qytetarët e tjerë të Evropës. Centrali më i madh bërthamor në Ukrainë, Zaporizhzhia, u raportua se u sulmua nga rusët në orët e para të së premtes së 4 marsit.

Ukraina paralajmëroi rrezik të madh për tërë Evropën në rast se sulmohet ky central bërthamor.

Liderë të ndryshëm si Joe Biden, Justin Trudeau dhe Boris Johnson, biseduan gjatë natës me presidentin e Ukrainës, Volodymyr Zelensky.Sulmi ndodhi në orët e hershme të mëngjesit të së premtes sipas orës lokale në Ukrainë.

Krejt çfarë dihet deri më tani për sulmin rus në centralin bërthamor në Ukrainë.

Përreth zonës së centralit kanë qenë duke u zhvilluar luftime prej disa ditësh.U konfirmua se sulmi nuk shkaktoi pasoja aq të mëdha sa të shkaktonte fatkeqësi bërthamore.

Ekspertët raportuan se nuk ka rritje të nivelit të radioaktivitetit.

Presidenti i Ukrainës, Volodymyr Zelensky, kërkoi ndihmë nga Bashkimi Evropian pas sulmit.

Zelensky tha se nëse vazhdojnë bombardimet, fatkeqësia mund të jetë më e madhe se ajo e Çernobilit që ndodhi në vitin 1986.

Shtëpia e Bardhë tha se ka informacione se aktualisht nuk ka rrezik të lartë nga rritja e nivelit të radioaktivitetit.

Centrali bërthamor Zaporizhzhia është më i madhi në Evropë.

Rusia bllokon faqet e REL-it dhe disa mediave të huaja

 

Selia e Radios Evropa e Lirë në Pragë

Disa faqe të Radios Evropa e Lirë (REL) dhe faqet ruse të mediave, BBC dhe Deutsche Welle, janë bllokuar në Rusi, sipas grupit vëzhgues, GlobalCheck.

Është raportuar edhe për bllokim të platformave, Facebook, Twitter, dhe dyqaneve online të Apple dhe Google.

Ky hap është marrë në orët e para të 4 marsit dhe vjen pas disa kërcënimeve ndaj Radios Evropa e Lirë dhe mediave tjera për mbulimin e luftës në Ukrainë.

Kjo bllokadë ua pamundëson rusëve qasjen në Shërbimin rus të Radios Evropa e Lirë.

Shërbimet rajonale të REL-it, Sever.realii, Sibir.realii dhe Kavkaz.realii, janë bllokuar po ashtu në Rusi.

Faqja e Current Time, televizionit në gjuhën ruse – projekt i Radios Evropa e Lirë dhe Zërit të Amerikës – është bllokuar nga autoritetet ruse nga 28 shkurti, ndonëse shërbimi ka gjetur mundësi për të shmangur bllokadën.

Gazetarët e mediumit Meduza, me bazë në Letoni, që transmeton në gjuhën angleze dhe ruse, kanë thënë se “gjithçka tregon se faqja jonë është bllokuar në Rusi”.

“Këto kohëra do të kalojnë. Ne do të vazhdojmë punën”, kanë thënë ata.

Zyrat e Shërbimit rus të REL-it kanë pranuar gjashtë njoftime nga rregullatori i mediave në Rusi, Roskomnadzor më 2 mars, duke kërcënuar me bllokim të faqeve.

Rregullatori ka thënë se materialet e publikuara “kanë qenë qëllimshëm të rreme për sulmet e supozuara ruse në territorin e Ukrainës” në mënyrë që të “krijojnë panik mes njerëzve”.

Sulmi i Moskës ndaj Ukrainës ka nisur në orët e para të 24 shkurtit.

Presidenti rus, Vladimir Putin ka urdhëruar “operacion special” për të çmilitarizuar Ukrainën.

Putin, ka thënë të enjten, 3 mars, se “operacioni special ushtarak” në Ukrainë është duke shkuar sipas planit dhe i ka konsideruar ushtarët rusë si heronj.

Komentet televizive të Putinit kanë qenë në kundërshtim me deklaratat e qeverive të Perëndimit dhe agjencive të inteligjencës se fushata ushtarake e Putinit po përballet me probleme logjistike, gabime taktike dhe rezistencë më të madhe sesa është pritur nga Ukraina.​

Veprimi i Kremlinit ka nxitur zemërim dhe është dënuar në gjithë botën.

Shtetet e Bashkuara dhe aleatët janë përgjigjur me sanksione të ashpra kundër Moskës.

Kush është Christopher Hill, ambasadori i ri i ShBA-së në Beograd

 

Christopher Hill do të jetë ambasador i ri i SHBA-së në Serbi pas konfirmimit nga Senati amerikan.

Hill një diplomat karriere ka shërbyer si Emisar Special gjatë luftës në Kosovë dhe ishte i përfshirë drejtpërdrejt në negociatat në Rambuje më 1999.

Christopher Hill gjatë qershorit 1998 si i dërguar special i SHBA-së për Kosovën së bashku me diplomatin e lartë Richard Holbrooke kishin takuar përfaqësuesit e UÇK-së në Junik.

Ai së bashku me ambasadorin William Walker kishin vizituar shtabin e UÇK-së në Likoc më 13 janar 1999 për të ndërmjetësuar lirimin e 8 ushtarëve serbë të cilët ishin zënë rob.