Në fjalimin e fundit drejtuar familjeve të ushtarëve që luftojnë në Ukrainë, presidenti rus, Vladimir Putin duket se ka pranuar se gjërat nuk po shkojnë aq mirë sa mund të pritej.
“Unë e kuptoj që ju kujdeseni për të dashurit tuaj, mund të jeni krenarë për ta, ashtu si i gjithë vendi është krenar për ta dhe kujdeset për ta bashkë me ju”, tha ndër të tjera Putin.
Prezantuesi i CNN-it, John King vuri në dukje faktin se kreu rus ndjeu nevojën për t’iu drejtuar viktimave në televizionin kombëtar.
Mariupol është në juglindje të Ukrainës, në bregun verior të Detit Azov. Nëse Rusia e merrte atë dhe portet e tjera në Azov, mund të krijonte një korridor tokësor për në Krime, të cilin ia mori Ukrainës në vitin 2014.
Kjo do të bashkonte forcat e mbështetura nga Rusia në Ukrainën lindore me trupat ruse në Krime.Reuters ka publikuar imazhe të reja satelitore teksa zbuluan dëme të mëdha në infrastrukturën civile dhe ndërtesat në të gjithë qytetin e Mariupolit në jug të Ukrainës.
Forcat ruse kishin rrethuar Mariupolin më shumë se një javë më parë dhe që atëherë e kanë granatuar atë vazhdimisht.
Sot, forcat ruse bombarduan një xhami që kishte strehuar 80 të rritur dhe fëmijë, si dhe shtetas turq, raporton theguardian.
Pamjet e publikuara në rrjetet sociale tregojnë gjithashtu një tank rus që gjuan në ndërtesa banimi.
Të paktën 1,582 civilë janë vrarë në Mariupol. Pavarësisht sulmeve të vazhdueshme, Mariupol është ende nën kontrollin e Ukrainës. /Telegrafi/
Footage of a Russian tank in Mariupol that shows it indiscriminately firing at apartments today.#Ukraine #Russia #Mariupol
pic.twitter.com/ggHbsdtt7w— Intel Rogue (@IntelRogue) March 12, 2022
Presidenti ukrainas, Volodymyr Zelensky u bëri thirrje kompanive të softuerit që të ndalojnë mbështetjen e produkteve të saj në Rusi.
Zelensky u kërkoi Microsoftit, Oraclet dhe SAP-it të ndalojnë mbështetjen e kontratave dhe produkteve të saj ekzistuese në Rusi.
Microsoft ka ndaluar pranimin e klientëve të rinj në Rusi, por Zelensky thotë se lëvizjet si kjo janë gjysmë masa dhe e prezantoi si një vendim bardhezi.
“Tani nuk mund të ketë vendime gjysmë – gjysmë! Ka vetëm bardhezi, të mirë apo të keqe! Ju ose jeni për paqen ose mbështesni agresorin gjakatar rus për të vrarë fëmijë dhe gra ukrainase. Microsoft, Oracle, SAP, ndaloni mbështetjen e produkteve tuaja në Rusi, ndaloni luftën!”, ka shkruar presidenti në Twitter.
Ndryshe, Microsoft, SAP dhe Oracle nuk iu përgjigjën menjëherë një kërkese për koment. /Telegrafi/
Now can be no 'half' decisions or 'halftones'! There is only black and white, good or evil! You are either for peace or support the bloody Russian aggressor to kill Ukrainian children and women. @Microsoft @Oracle @SAP, stop supporting your products in Russia, stop the war!
— Володимир Зеленський (@ZelenskyyUa) March 13, 2022
Fondi Monetar Ndërkombëtar (FMN) nuk e konsideron më të pamundur që Rusia të ndalojë pagesën e borxheve të saj, por kjo nuk duhet të shkaktojë një krizë financiare globale, raportojnë agjencitë.
“Ne nuk e konsiderojmë më të pabesueshme ndërprerjen e pagesave nga Rusia”, tha shefja e FMN-së, Kristalina Georgieva në një intervistë me stacionin televiziv amerikan CBS.
Për shkak të sanksioneve të vendosura si rezultat i pushtimit të Ukrainës, Rusia tani rrezikon të hyjë në një “recesion të thellë”, tha Georgijeva.
Zhvlerësimi i monedhës kombëtare, rubla, tashmë ka ulur ndjeshëm fuqinë blerëse të popullsisë ruse, shtoi ajo. Rezervat valutore ndërkombëtare të bankës qendrore të Rusisë janë bllokuar kryesisht si rezultat i sanksioneve, duke e bërë të vështirë për Rusinë stabilizimin e kursit të këmbimit të rublës, raporton reuters.
“Rusia ka para për të paguar borxhin e saj, por nuk mund t’i qaset”, tha Georgieva. Përveç kësaj, shërbimi i borxhit të qeverisë në valuta të huaja si dollarë amerikanë ose euro është bërë gjithnjë e më i ndërlikuar.
E pyetur nëse një mospërputhje e tillë mund të shkaktojë një krizë financiare në mbarë botën, ajo u përgjigj “Jo ende”. Ekspozimi total i bankave në Rusi ishte rreth 120 miliardë dollarë, një shumë që, edhe pse jo e parëndësishme, “nuk është sistematikisht e rëndësishme”, citohet të ketë thënë Georgieva për reuters.
Georgieva tha javën e kaluar se FMN-ja do të ulë parashikimin e saj të mëparshëm për rritjen ekonomike globale prej 4.4 për qind në vitin 2022 si rezultat i luftës, por tha se drejtimi i përgjithshëm mbeti pozitiv.
Rritja ka mbetur e fortë në vende si Shtetet e Bashkuara, të cilat janë rikuperuar shpejt nga pandemia e COVID-19, tha ajo për CBS.
Ndikimi do të ishte më i rëndë për sa i përket rritjes së çmimeve të mallrave dhe inflacionit, i cili potencialisht mund të çojë në uri dhe pasiguri të furnizimit me ushqim në pjesë të Afrikës.
Kryeministri i Mbretërisë së Bashkuar, Boris Johnson ka fol këtë pasdite me presidentin ukrainas, Zelensky.
Një zëdhënës i kryeministrit tha se “Johnson lavdëroi presidentin dhe popullin ukrainas për qëndrueshmërinë e tyre. Kryeministri tha se veprimet barbare të Putinit po testonin jo vetëm Ukrainën, por gjithë njerëzimin”.
Udhëheqësit dënuan vrasjet e Brent Reynaud dhe ukrainasve të panumërt të pafajshëm, si dhe rrëmbimin e kryebashkiakëve të Dniprorudne dhe Melitopol, raporton skynews.
Held talks with 🇬🇧 PM @BorisJohnson and 🇨🇿 PM @P_Fiala. Talked about 🇺🇦 people's struggle against Russian aggression, about Russia's criminal attacks on civilians. Thanked the partners for their important support. We appreciate it. #StopRussia
— Володимир Зеленський (@ZelenskyyUa) March 13, 2022
“Ai tha se Mbretëria e Bashkuar do të vazhdojë të ndjekë më shumë opsione për të forcuar vetëmbrojtjen e Ukrainës, duke punuar me partnerët, përfshirë takimin e së martës së Forcave të Përbashkëta Ekspeditore në Londër”, tha i.
Mbretëria e Bashkuar do të vazhdojë të qëndrojë prapa Ukrainës në të gjitha përpjekjet e saj për t’i dhënë fund këtij konflikti katastrofik.
Ndryshe, Zelensky ka pasur një bisedë telefonike me kryeministrin çek, Petr Fiala.
Presidenti i Ukrainës, Volodymyr Zelensky, ka mbajtur një fjalim me video për protestuesit kundër luftës në disa qytete evropiane.
Ai filloi duke i kushtuar dy momente të veçanta heshtjeje – për ushtarët dhe civilët e rënë në konflikt.
Duke kërkuar mbështetjen për kauzën ukrainase, ai u kërkoi evropianëve të dalin në rrugë dhe të mbështesin Ukrainën
Presidenti ukrainas Volodymyr Zelensky ka paralajmëruar Rusinë se nuk do të ketë falje për atë që po ndodh me vendin e tij – përkundrazi, do të ketë “një ditë gjykimi”.
Deklarata e fundit e Zelensky erdhi të dielën në mbrëmje pasi forcat ruse shtuan granatimet e tyre anembanë Ukrainës dhe përpjekjet për të evakuuar 200,000 njerëz nga qyteti i rrethuar i Mariupolit u bllokuan për të dytën ditë radhazi, përcjell Telegrafi.
Në qytetin Irpin, në periferinë veriperëndimore të kryeqytetit Kiev, rreth tetë civilë – duke përfshirë katër anëtarë të një familjeje – u vranë kur raketat goditën atë pjesë, sipas kryebashkiakut lokal.
Moska ka mohuar vazhdimisht se ka sulmuar zonat civile.
Web faqja “Zemra shqiptare.net” është një blog antishqiptar që editohet nga njëfarë ekstremisti dhe terroristi antishqiptar nga Shkodra, m...
