“Autori, agjent i policisë kriminale”, Rrumbullaku: Nuk është pjesë e strukturave të Policisë së Shtetit

 

   

Kryepolici i shtetit shqiptar Muhamet Rrumbullaku duhët të jap dorëheqje dhe në vend të tij të emrohet gjeneraal Bajram Ibraj

Drejtori i Policisë së Shtetit, Muhamet Rrumbullaku është shprehur se dhunuesi i ish-kryeministrit Sali Berisha nuk ka qenë dhe nuk është pjesë e strukturave të Policisë së Shtetit.

Ai ka përgënjeshtruar Berishën, i cili e cilësoi autorin “agjent të policisë kriminale”.

Ish-kryeministri u shpreh se Gert Shehu është vërtet kontingjent në rrethet e trafikantëve, por zyra e kryeministrit nxitoi “të shpërndante me urgjencë këtë dokument shëndetësor për të.

Sipas tij, kjo dëshmon se gjithçka ishte e përgatitur.

Rrumbullaku: Nuk është dhe nuk ka qenë pjesë e strukturave të shtetit nuk është shërbyer si i infiltruar, sqarojmë se dokumenti që vërteton gjendjen e shëndetit mendor është vënë në dispozicon nga familjarët për mediat, ndërkohë sigurojmë deputetin Berisha që policia e shtetit është angazhuar për zbardhjen sa më të plotë të rrethanave.

31-vjeçari Gert Shehu goditi me grusht Berishën këtë të martë, gjatë protestës së organizuar nga opozita. Pas këtij akti të rëndë, ai është dhunuar nga bodygradët e Berishës dhe simpatizantë të tjerë që ishin të pranishëm.

Menjëherë pas ngjarjes, në media qarkulloi një dokument ku përcaktohej  diagnoza klinike e tij, e cila ishte vënë në dispozicion nga familjarët, ku tregohej se ai vuan nga çrregullime psikotike dhe trajtohej prej vitesh.

Policia ka sqaruar se autori ka precedentë të mëparshëm kriminalë, për plagosje, prishje të qetësisë publike dhe në fushën e narkotikëve.

DEKLARATA E PLOTË

Për të gjithë punonjësit e Policisë së Shtetit dhe të agjencive të tjera ligjzbatuese, të angazhuar për sigurinë dhe mbarëvajtjen e Samitit BE – Ballkani Perëndimor, këto ishin orë të gjata pune në krye të detyrës, por edhe një akt krenarie, pasi një event i rëndësishëm, siç është ky samit, u përmbyll me sukses.

Falë masave të sigurisë së lartë, punimet e Samitit u zhvilluan me sukses të plotë. Gjej rastin të përcjell 2 mesazhe falënderimi, së pari për të gjithë punonjësit e Policisë, për angazhimin dhe përkushtimin e tyre, si dhe një falënderim të posaçëm për qytetarët, që treguan durim, pasi shumë akse rrugore që ishin brenda perimetrit të sigurisë, na u desh t’i mbanim të bllokuara për shumë orë.

Gjithashtu, Policia e Shtetit mori masa për të garantuar rendin dhe sigurinë gjatë tubimit që u zhvillua sot në mesditë, të lajmëruar nga opozita.

Në lidhje me incidentin e ndodhur ndaj deputetit Sali Berisha, sigurisht incident i paprecedent dhe plotësisht i dënueshëm, Policia e Shtetit sapo u njoh me ngjarjen e shëmtuar, reagoi menjëherë duke ndaluar agresorin.

Edhe aktualisht po vazhdojnë hetimet, nën drejtimin e Prokurorisë së Tiranës, për të përcaktuar dinamikën e zhvillimit të kësaj ngjarjeje dhe motivet e saj.

Në lidhje me deklaratat e deputetit Berisha në konferencën për shtyp, gjatë së cilës pohoi se 31-vjeçari, Gert Shehu është agjent i Policisë Kriminale, dhe se është përdorur për të kryer akt dhune ndaj tij, sqarojmë opinionin publik se:

Shtetasi Gert Shkëlqim Shehu, i vitlindjes 1991, nuk ka qenë ndonjëherë dhe nuk është agjent i Policisë Kriminale nga asnjë strukture e Policisë së Shtetit.

Gjithashtu ky shtetas nuk është përdorur asnjëherë nga shërbimet e Policisë së Shtetit si i infiltruar apo si burim informacioni.

Sqarojmë se dokumenti që vërteton gjendjen e shëndetit mendor të shtetasit Gert Shehu, është vënë në dispozicion të medias nga vetë familjarët e të riut.

Policia e Shtetit shpreh keqardhje dhe përgënjeshtron këto deklarata, të cilat nuk ndihmojnë në zbardhjen e plotë të së vërtetës.

Ndërkohë, sigurojmë deputetin Berisha, se Policia e Shtetit nën drejtimin e Prokurorisë, është e angazhuar maksimalisht, në zbardhjen sa më parë dhe në mënyrë të plotë ,të të gjitha rrethanave të ngjarjes.

Faleminderit.

Serbët zgjerojnë bojkotin! Ikin nga institucionet edhe të zgjedhurit në komunat jugore të Kosovës

 

  

Serbët e komunave jugore të Kosovës duket se do t’u bashkohen atyre të veriut në bojkotimin e institucioneve të vendit. 

Kryetari i Komunës së Shtërpcës, Dalibor Jevtiç ka deklaruar se ekziston mundësia e dorëheqjes nga institucionet, por që janë në pritje të direktivave nga Beogradi.

Në këtë pikë, Qeverisë së Kosovës i kërkohet dialog me serbët për të mos u kthyer mbrapa në procesin e integrimit të tyre.

Megjithatë, deri tash një dialog i Qeverisë Kurti me serbët mungon dhe dorëheqjet e tjera thellojnë edhe më shumë situatën.

Ndërkohë që çështja e kthimit të serbëve në institucione tashmë është temë diskutimi në dialog, që mund të përdoret edhe për themelimin e Asociacionit të Komunave me Shumicë Serbe.

Përpos katër komunave veriore, në Kosovë serbët janë shumicë edhe në Ranillug, Partesh, Kllokot, Shtëprcë, Graqanicë dhe Novobërdë. Dorëheqjet e mundshme do të bënin jofunksionale 10 komuna ku shumicë e banorëve janë serbët.

​Presidenti i Këshillit Evropian Charles Michel: Po bëhet përparim në liberalizimin e vizave për Kosovën

 

  

Presidenti i Këshillit Evropian Charles Michel tha këtë të hënë se Bashkimi Europian do të japë një përditësim mbi liberalizimin e vizave për Kosovën.

“Ne do të japim më shumë informacion të martën, por mund t’ju them se po bëhet përparim”, tha Michel në një konferencë të përbashkët shtypi me kryeministrin slloven Robert Golob në Lubjanë, përpara Samitit BE-Ballkani Perëndimor në Tiranë, të martën.

“Ne mund të shohim se hapa të rëndësishëm përpara janë bërë kohët e fundit. Nesër dëshirojmë të kemi një deklaratë të përbashkët që do ta afrojë Ballkanin Perëndimor edhe më pranë Bashkimit Evropian,” shtoi ai.

Kosova është në mesin e një numri të vogël të vendeve në Evropë që është jashtë regjimit pa viza të BE-së.

Javën e kaluar, ambasadorët e shteteve anëtare të BE-së ranë dakord për t’i dhënë dritë jeshile bisedimeve të Presidencës së Këshillit Evropian me Parlamentin Evropian për liberalizimin e vizave për Kosovën.

Michel shtoi se samiti do të ketë në agjendë krizat energjetike, luftën në Ukrainë dhe krizën e migracionit.

KE pranon gabimin me vizat me Kosovën: Çfarë i kërkuan vendeve të Ballkanit!

 

  

Komisioni Europian ka kërkuar të shpjegojë publikisht se një paragraf i raportit vjetor të monitorimit për shtetet që kanë liberalizim të vizave, publikuar më 5 dhjetor, i kërkonte Maqedonisë së Veriut dhe Malit të Zi që t’i vendosin regjim vizash Kosovës, por ky sipas krahut ekzekutiv të bllokut europian, ishte një gabim.

Komisioni të përpoq tq sqaronte se nuk ka asnjë ndryshim në qëndrimet e tij dhe se e vazhdon ta mbështesë me forcë liberalizimin e vizave për qytetarët e Kosovës.

“Mund të konfirmoj se nuk ka absolutisht asnjë ndryshim në qëndrimet e Komisionit Europian dhe se ne, absolutisht e mbështesim lirinë e lëvizjes në Ballkanin Perëndimor“- u shpreh Eric Mamer, zëdhënës i KE.

Paragrafi ishte shoqëruar me arsyetimin se Maqedonia e Veriut dhe Mali i Zi nuk i kanë përshtatur politikat e vizave me ato të BE-së. Shtetasit e Kosovës mund të lëvizin lirshëm në këto dy shtete, por jo edhe në ato të Bashkimit Evropian, që përbëjnë pjesën më të madhe të zonës me lëvizje të lirë, të njohur si Schengen.

Javën e kaluar, zyrtarë të BE-së miratuan një vendim, sipas të cilit, lëvizja e lirë e qytetarëve të Kosovës në zonën Schengen do të hyjë në fuqi jo më larg se më 1 janar të vitit 2024. Vendosja e paragrafit në fjalë shkaktoi reagime në mesin e zyrtarëve kosovarë. Ambasadori i Kosovës në Bruksel, Agron Bajrami, e cilësoi si “të papranueshme” kërkesën për regjimin e vizave, por më pas shtoi se KE-ja do ta përmirësojë këtë gabim.

Prof.dr.Sali Berisha u sulmua fizikisht, reagon ambasada e SHBA: U skandalizuam, autoritetet të hetojnë.Ambasadorja e SHBA-ve në Tiranë i ka frye zjarrit këta muja kundër Berishës!

   

Një zëdhënës i Ambasadës së Shteteve të Bashkuara në Tirana ka reaguar lidhur me incidentin në protestën e PD-së, ku u sulmua fizikisht ish-kryeministri Sali Berisha.

“U skandalizuam nga sulmi fizik sot ndaj një anëtari të parlamentit dhe presim që autoritetet ta hetojnë plotësisht incidentin. Askush nuk duhet sulmuar sepse ushtron lirinë e fjalës në përputhje me ligjin”- ka thënë zëdhënësi i ambasadës.

Një person i identifikuar me emrin Gent Shehu, sulmoi sot ish-kryeministrin Sali Berisha, ndërsa kishte dalë nga selia e partisë dhe po ecte, së bashku me Ilir Metën drejt bulevardit qendror të Tiranës, ku po organizohej protesta.  Agresori iu afrua dhe e goditi me grusht në fytyrë. Goditja duket se ishte e fortë, saqë Berisha u lëkund pas duke humbur ekuilibrin, ndërsa autori u bllokua menjëherë nga rojet e ish kryeministrit dhe përkrahësit e tjerë të opozitës që gjendeshin aty, të cilët reaguan në mënyrë të dhunshme ndaj tij. Më pas ai u mor nga forcat e policisë dhe aktualisht ndodhet në Spitalin e Traumës.

Exclusive/ Zbardhet skeda, e Edi Ramës, autori që goditi Prof.dr. Sali Berishën, me probleme të shëndetit mendor

 

  

Gert Shehu që goditi me grusht ish-kryeministrin Sali Berisha në protestë është person me probleme të shëndetit mendor.

Në skedën e tij mjekësore të siguruar nga gazetarja Dorjana Bezat, përcaktohet se 31-vjeçari vuan nga një çregullim psikotik i papërcaktuar. Episodin e fundit e ka pasur me 10 gusht 2022 kur është paraqitur në urgjencën psikiatrike.

I riu është më origjinë nga Tepelena dhe banon në Tiranë.

Aktualisht, ai ndodhet në Spitalin e Traumës për shkak të lëndimeve të shumta që mori pasi u dhunua rëndë nga protestuesit.

Skizofreni udhëhjeq Samiti e Evropës në Tiranë

 

  

Samiti BE-Ballkani Perëndimor po zhvillohet këtë të martë për herë të parë në një vend ballkanik. Liderët e bllokut dhe homologët e tyre nga gjashtë vendet e Ballkanit Perëndimor: Shqipëria, Bosnje-Hercegovina, Kosova, Mali i Zi, Maqedonia e Veriut dhe Serbia janë mbledhur në Tiranë, që për një ditë bëhet kryeqendra e Europës.

Zyra e shtypit e Komisionit Europian e përshkroi takimin e nivelit të lartë si “një mundësi për të rikonfirmuar rëndësinë e madhe të partneritetit strategjik mes BE-së dhe Ballkanit Perëndimor, këtij rajoni me një perspektivë të qartë europiane”.

Hapi i parë i liderëve nisi me nënshkrimin e marrëveshjes së shumëdiskutuar të reduktimit të tarifave të roaming-ut. Kjo është një marrëveshje mes operatorëve telefonikë të Bashkimit Europian dhe atyre të Ballkanit Perëndimor dhe do të hyjë në zbatim në 1 tetor 2023.

16:37 Von der Leyen në konferencën e përbashkët: Një mesazh i qartë në këtë samit, të qenit së bashku!

Kryetarja e Komisionit Evropian, Ursula von der Leyen gjatë konferencës së përbashkët për samitin BE-Ballkani perëndimor tha se dot u dha një mesazh i qartë, ai I të qenit së bashku.

16:28 Nga anëtarësimi i Ballkanit në BE te lufta në Ukrainë/ Publikohet deklarata e përbashkët e Samitit të BE në Tiranë

Në përfundim të samitit BE – Ballkani Perëndimor në Tiranë, të gjithë liderët pjesëmarrës kanë firmosur një deklaratë të përbashkët ku dakordësohen për të bashkëpunuar në disa çështje.

16:24 “Të rinjtë mund të studiojnë në universitetet evropiane”/ Rama: Vijmë me lajme të shkëlqyera, BE do japë 85 mln euro mbështetje për energjinë

“Të rinjtë mund të studiojnë në universitetet evropiane”, u shpreh Rama në konferencën e përbashkët për mediat pas samitit të BE-Ballkani Perwndimor. “ Vijmë me lajme të shkëlqyera, BE do japë 85 mln euro mbështetje për energjinë” vijoi Rama.

16:14 Presidenti i Këshillit Evropian: E ardhmja e fëmijëve tanë më e begatë brenda BE-së! Në 2027-ën të heqim shpenzimet e Roaming

Presidenti i Këshillit Evropian, Charles Michel gjatë konferencës së përbashkët për shtyp të samitit BE-Ballkani Perëndimor theksoi se e ardhmja e fëmijëve do të jetë më e begatë brenda BE-së dhe kjo është bindja që i bashkon vendet e Ballkanit Perëndimor.

14:01 Fotot/ Liderët europianë shijojnë koncertin me këngë e valle popullore shqiptare

Teksa opozita protestonte mes trazirave dhe incidenteve, liderët europianë shijuan koncertin me valle popullore shqiptarë pranë stadiumit “Air Albania”.

13:31 Marrëveshja Roaming/ Varhelyi: Qytetarët dhe bizneset, ata që do përfitojnë më shumë

Komisioneri Zgjerimin në Bashkimin Europian Oliver Varhelyi shprehet se qytetarët dhe bizneset do të përfitojnë më shumë nga marrëveshja e tarifave Roaming që u firmos sot në Tiranë.

11:58 Von der Leyen para nisjes së samitit: BE paketë ndihme me vlerë 500 mln euro në mbështetje të Ballkanit Perëndimor

Presidentja e Komisionit Evropian, Ursula von der Leyen foli për masa konkrete para nisjes së samitit BE-Ballkani Perëndimor në Tiranë. Von der Leyen tha se Bashkimi Europian ka miratuar një paketë ndihme energjie në vlerën e 500 milionë eurove të cilat do të përdoren për të mbështetur familjet dhe bizneset në Ballkanin Perëndimor me qëllim që rajoni të kapërcejë vështirësitë në këto kohë krize.

11:32 Borrell në Tiranë: Kosovës dhe Serbisë u kemi dorëzuar versionin e fundit të propozimit për marrëveshje

Shefi i politikës së Jashtme të Bashkimit Evropian, Josep Borrell tha nga Tirana se ka një moment të rëndësishëm në bisedimet për normalizimin e marrëdhënieve ndërmjet Kosovës dhe Serbisë, meqë të dyja palëve u është dorëzuar versioni i fundit i propozimit për një marrëveshje

11:25 Samiti në Tiranë/ Rama: Sinjal i vetëdijes. BE ka nevojë për Ballkanin Perëndimor, po aq sa Ballkani për BE

Një ditë të jashtëzakonshme që nuk ishte menduar më parë, kështu e ka konsideruar kryeministri Edi Rama, Samitin BE-Ballkani Perëndimor, që mbahet sot në Tiranë.

11:21 Nënshkrimi i marrëveshjes Roaming në Tiranë, Ursula von der Leyen: Mundësi e shkëlqyer për t’u afruar me njerëzit

Presidentja e Komisionit Evropian, Ursula von der Leyen, ka përshëndetur firmosjen e marrëveshjes së tarifave Roaming në Tiranë, duke e cilësuar atë si mundësi të shkëlqyer për njerëzit, bizneset dhe turizmin.

11:07 Samiti i BE/ Meloni në Tiranë: Kemi përgjegjësi të madhe kundrejt vendeve të Ballkanit

Samiti BE-Ballkani Perëndimor, ka sjellë në Tiranë për herë të parë pas marrjes së detyrës, kryeministren e Italisë, Georgia Meloni. “Ne kemi përgjegjësi të madhe kundrejt vendeve të Ballkanit, sidomos pas agresionit rus. Është e rëndësishme të plotësojmë procedurën për anëtarësimin dhe ka shumë çështje për të cilat duhet të punojmë së bashku, për ekonominë, sigurinë kibernetike si edhe çështje të tjera, për të cilat ju e dini Italia është e përkushtuar. Do bëjmë maksimumin, mbështetuni te Italia”, u shpreh Meloni.

11:00 Kryeministrja e Estonisë në Tiranë: Mbështesim anëtarësimin e Shqipërisë në BE!

“Presim me padurim diskutimet. Estonia është mbështetëse e fortë që anëtarët e rinj të bëhen pjesë e BE. I jemi mirënjohës Shqipërisë për punën në Këshillin e Sigurimit dhe për punën në luftën me Ukrainën. Na duhet të punojmë për paqen në rajon”, u shpreh kryeministrja e Estonisë, Kaja Kallas sapo mbërriti në Tiranë.

10:47 “Duhet folur për progresin, jo vetëm për atë që duhet bërë”, kryeministri belg në Tiranë: Rusia përpiqet të ndikojë jo vetëm në rajon

“Angazhimi financiar i BE-së në rajon është diçka e dukshme”. Kështu u shpreh në Tiranë kryeministri i Belgjikës, Alexander De Croo, ndërsa mbërriti për të marrë pjesë në samitin BE-Ballkani Perëndimor.

10:45 Mitsotakis në Tiranë, mesazhe “paqtimi”: Optimist për zgjidhje në marrëveshjen e detit

Kryeministri grek Kyriakos Mitsotakis e fokusoi deklaratën e tij përpara samitit në dy çështje me interes për Shqipërinë e për Kosovën.

09:56 Analiza/ Rëndësia e samitit BE – Ballkani Perëndimor në Tiranë

Liderët e Bashkimit Evropian do të takohen me homologët e tyre nga gjashtë vendet e Ballkanit Perëndimor (Shqipëria, Bosnje e Hercegovina, Kosova, Mali i Zi, Maqedonia e Veriut dhe Serbia) në kryeqytetin e Shqipërisë, Tiranë, më 6 dhjetor.

09:47 Samiti BE-Ballkani Perëndimor/ Vuçiç e nis me ankesa: Është shkelur integriteti territorial i Serbisë!

Edhe pse besohet se në samit do të tentohet shmangia e temave delikate që mund të shkaktojnë përplasje sikurse është kokëfortësia e Beogradit për të mos vendosur sanksione ndaj Serbisë, presidenti i saj Aleksandar Vuçiç i dha që përpara nisjes së samitit sinjalet se çfarë pozicioni ka ndërmend të mbajë në takim, ndërsa i pati disa ankesa.

09:47 Presidenti i KiE: E ardhmja e BE është me Ballkanin Perëndimor, sot nënshkruajmë marrëveshje konkrete

Presidenti i Këshillit Euopian, Charles Michel, tha para nisjes së samitit se kjo është një ditë historike jo vetëm për Tiranën, por edhe për marrëdhënien e BE me Ballkanin Perëndimor.

09:37 Samiti i BE/ Varhelyi në Tiranë: Partneritet, kjo është ajo ç’ka ofrojmë për Ballkanin Perëndimor

Komisioneri i Bashkimit Europian për Fqinjësinë dhe Zgjerimin, Oliver Varhelyi ka mbërritur tashmë në Tiranë. Ai u prit nga kryeministri Rama ndërsa pas pak pritet të nisë Samiti BE-Ballkani Perëndimor.

09:33 Samiti në Tiranë, Vjosa Osmani: Koha që BE të lëvizë nga fjalët në vepra! Vuçiç? Vijim i mendësisë së vjetër

Presidentja e Kosovës, Vjosa Osmani ka një mesazh të fortë e të qartë për BE-në në samitin e Tiranës.

Ecejaket diplomatike që nuk ia sollën Kosovës liberalizimin e vizave tani, sic shpresohej, e kanë lodhur Prishtinën zyrtare dhe vetë popullin e Kosovës. Kjo u reflektua edhe në fjalët e kryetares së shtetit, që tregoi se prej bllokut priten tashmë vetëm vepra.

08:53 Rrugët e bllokuara në Tiranë, në këto akse rrugore nuk mund të kaloni sot as në këmbë

Disa nga rrugët kryesore të kryeqytetit janë bllokuar këtë të martë, pasi në Tiranë pas pak do të zhvillohet samiti i Bashkimit Evropian me Ballkanin Perëndimor.

“Vija e kuqe” fillon nga Rinasi, në Kashar, ku e gjitha rruga nga Kashari deri në rrethrrotullimin “Shqiponja” në drejtim të Astirit do bllokohet, ndërsa perimetri do të vijojë me zonën e Kopshtit Zoologjik, Unaza e Re, deri në Sauk dhe më pas Rruga e Elbasanit deri në zonën e stadiumit “Air Albania”.