E paprecedentë/ Prof.Dr.Sali Berisha goditet me grusht nga Gerti Shehu,nga Tepelena , në protestë, gjakoset në fytyrë

 

  

Një incident ka ndodhur pak më parë në protestën e PD ku është goditur me grusht Sali Berisha.

Një person, i identifikuar si Gert Sheu, 31 vjeç, ka hyrë në radhët e protestuesve dhe ka goditur në fytyrë kreun e PD, duke i shkaktuar atij gjakosje.

Menjëherë kanë ndërhyrë bodigardët e Sali Berishës, duke e mbuluar këtë të fundit me flamuj që të mos dukej nga kamerat.

Ndërkohë, shumë protestues i janë vërsulur personit i cili goditi me grushte Berishën. Ky i fundit është shoqëruar nga efektivët e policisë në Spitalin e Traumës për shkak të dëmtimeve të shumta.

Menjëherë pas sulmit, kreu i PD-së është ngjitur në podium dhe ka dhënë një mesazh të shkurtër.

“Poshtë Edi Rama. Rroftë opozita shqiptare. Kundër regjimit të kriminelëve. Nder përjetë protestuesve”, ka thënë Berisha.

Samiti BE-Ballkani Perëndimor/ Tirana nesër kryeqytet i Europës. Nis mbërritja e delegacioneve

 

  

Ekspertët e sigurisë të BE-s bashkë me ata shqiptarë, të filmuar nga kamera e Top Channel, shfaqen duke dhanë dorën e fundit përgatitjeve për të vënë në zbatim planin e masave për samitin e parë mes BE-s dhe Ballkanit perëndimor. 

Pak metra më tutje, jashtë hotelit në pranë stadiumit arena kombëtare, qëndrojnë  ekipet e protokollit të shtetit shqiptarë bashkë e ata të BE-s për të koordinuar çdo detaj në mikpritjen e 44 delegacioneve paraditen 6 Dhjetorit.

Siparin e mbërritjes për të marrë pjesë në samit e ka hapur kryeministri kroat Andrej Plenković dhe Charles Michel, President i Këshillit Europian.

Top Channel mëson se janë edhe 11 delegacione të tjera mbërritur në Tiranë të Hënën,  ndërsa pjesa tjetër paraditen e të Martës prej orës 09:15 e mik-pritur më pas nga kryeministri Edi Rama në Sheshin Italia.

Delegacionet e mbërritura sot janë; Presidenti Hungarisë, Presidenti Qipros, Presidenti Bullgarisë, Presidenti i radhës i Bosnje Hercegovinës, Presidentja e Kosovës, Presidentja e Komisionit Europian, Presidenti BERZH, Komisioneri për Zgjerim, Kryeministri i Maqedonisë së Veriut, Kryeministri i Portugalisë dhe Kryeministri i Irlandës.

Shtatë janë çështjet më thelbësore që do të diskutohen në samit, ku sikurse në samitet e shkuara të BE-s, kryefjalë mbetet konflikti në Ukrainë. Udhëheqësit e BE-s në Tiranë do të diskutojnë edhe për pasojat negative të krizës energjitike në Ballkanin Perëndimor, sulmet kibernetike përfshi shqetësimin për shtimin e emigracionit të paligjshëm drejt vende të BE.

Pasojat e agresionit rus në Ukrainë; Intensifikimi politik dhe politikat e zgjerimit; Shtimi ndërtimit të sigurisë nga influencat e huaja; Sfidat e emigracionit, lufta ndaj terrorizmit dhe krimit të organizuar; Shtimi bashkëpunimit në mbrojtjen ndaj sulmeve kibernetike; Efektet negative të krizës energjetike në Ballkanin Perëndimor; Heqja e Roaming me vendet e Ballkanit Perëndimor.

E pyetur  për pritshmëritë e këtij samiti ekskluzivisht për Top Channel ambasadorja e BE në Tiranë Christiane Hohmann dha këtë përgjigje.

“Mendoj se së pari është një mesazh shumë i rëndësishëm që Shtetet Anëtare të BE-së i japin vendeve të Ballkanit Perëndimor, por edhe të gjithëve që vijnë këtu. Për herë të parë ky samit zhvillohet jashtë Bashkimit Evropian. Është një vlerësim i rolit të Ballkanit Perëndimor edhe për Bashkimin Evropian, për stabilitetin tonë, dhe veçanërisht duke pasur parasysh situatën gjeopolitike në të cilën ndodhemi, është e rëndësishme të rikthesojmë se jemi së bashku ndaj sulmit të paligjshëm të Rusisë kundër Ukrainës. Ky është një mesazh shumë shumë i fortë që do të marrim nga ky samit“.

 Qytetarët e Tiranës shprehen pozitivisht për këtë samit i cili e kthen Tiranën për herë të parë në pak orë kryeqytet të BE-së.

“Mendoj që do ketë projekte të mëdha për rrugën drejt Bashkimit Europian”

“BE ka bërë për Shqipërinë, po shqiptarët çfarë duhet të bëjnë për shqiptarët”

“Mundësi e mirë për shtetin shqiptar, mundësi ka plot por duhet edhe ne t’i shfrytëzojmë se rinia po ikën”.

“BE duhet të japë më shumë financime për Shqipërinë. Që në vitin 1992 ne kemi aspiruar, Shqipëria si gjithë Europa”- u shprehën qytetarët.

FOTO GALERI

1/9

Top Ch

Zbulohet lista, kush mbërrin sot në Tiranë për samitin BE-Ballkani Perëndimor

 

  

Në edicionin e orës 12:00 Gazetari Top Channel Muhamed Veliu raportoi se cilat delegacione mbërrijnë sot në Tiranë, për të marrë pjesë në samitin e BE me Ballkanin Perëndimor që do të mbahet nesër.

Siparin e mbërritjes për të marrë pjesë në samit e ka hapur kryeministri kroat Andrej Plenković dhe Charles Michel, president i Këshillit Europian.

Sot pasdite dhe gjatë darkës pritet të mbërrijnë; Presidenti i Hungarisë, presidenti Qipros, presidenti i radhës i Bosnjë- Hercegovinë, presidentja e Komisionit Europian Ursula von der Leyen, Komisioneri për Zgjerimin e BE, kryeministri i Maqedonisë së Veriut , kryeministri Portugalisë dhe kryeministri i Irlandës.

Janë 44 delegacione që do të formojnë këtë samit, i cili do të mbahet nesër nga ora 10:00, samit ky i pari që do të zhvillohet në Tiranë.

Nesër samiti i BE në Tiranë, cilat janë rrugët që do të “paralizohen”

 

  

Disa nga rrugët kryesorë të kryeqytetit, do të bllokohen ditën e e nesërme me 6 dhjetor, ditën kur në Tiranë do të zhvillohet samiti i Bashkimit Evropian, ku do të vijnë liderët e unionit.

“Vija e kuqe” fillon nga Rinasi, në Kashar, ku e gjitha rruga nga Kashari deri në rrethrrotullimin “Shqiponja” në drejtim të Astirit do bllokohet, ndërsa perimetri do të vijojë me zonën e Kopshtit Zoologjik, Unaza e Re, deri në Sauk dhe më pas Rruga e Elbasanit deri në zonën e stadiumit “Air Albania”.

Rrugët që do të bllokohen:

“Bulevardi “Dëshmorët e Kombit”, nga ura e Dajtit deri te Sheshi “Nënë Tereza”;

Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

Rruga “Papa Gjon Pali II” nga ETC-RTSH-Stadium;

Rruga “Dervish Hima”;

Rruga “Asim Zeneli”;

Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”;

Rruga “Ismail Qemali”, nga kryqëzimi i Liceut deri te rruga e “Elbasanit”.

Rruga “Mustafa Matohiti”, pranë shkollës “Kosova”;

Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

Rruga “Fatmir Haxhiu”, te ETC;

Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit; Rruga “Skerdilajd Llagami” dhe rruga “Faik Konica”.”

Ndalim të qarkullimit të automjeteve do të ketë edhe në aksin rrugor;

“Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri tek kryqëzimi me bulevardin “Bajram Curri”.

Kufizime të qarkullimit të automjeteve të tonazhit të rëndë, do të ketë në aksin rrugor

“Shkodër – Lezhë – Milot – Thumanë – Fushë Krujë – Vorë”.

Policia do rrethojë stadiumin Air Albania, dhe hotelin ku Liderët nga 44 shtete do të mblidhen për këtë samit.

Insistimit të opozitës për të protestuar në bulevardin dëshmorët e Kombit drejtori përgjithshëm i policisë së shtetit Muhamet Rrumbullaku publikisht i tha “Jo”, megjithatë opozita duket se nuk ka hequr dorë.

Në Tiranë nga departamenti media i Komisionit Europian kanë ardhur dy zonja të cilat po kujdesen edhe për detajet se ku do të qëndrojnë 600 gazetarë shqiptarë e të huaj akredituar për samitin.

"Vëllau i interesit " i Edvin Ramës , presidenti serb Aleksandër Vuçiç e konfirmon: Do marr pjesë në samitin e BE-së në Tiranë

 

  

Presidenti i Serbisë Aleksandër Vuçiç ka konfirmuar sot se do të udhëtojë drejt Tiranës në kuadër të samitit të BE-së.

Pasi kishte deklaruar se nuk do të merrte pjesë, ai shpjegoi se nuk e ka problem pjesëmarrjen dhe se thjeshtë ishte i pushtuar nga emocionet për shkak të krizave që po prodhohen prej disa muajsh në vend.

“Kam biseduar me Brnabiç, nuk e kam problem, nuk është çështje e kotësisë sime, kam dhjetë vite e gjysëm që po mundohem të kujdesem gjithmonë për çdo gjë, ndonjëherë thjesht pushtohesh nga emocionet, kur nuk di çfarë të bësh më, kur dikush prodhon kriza prej muajsh”, tha Vuçiç për të shkuar në Tiranë. 

Janë 44 delegacione që do të formojnë këtë samit, i cili do të mbahet nesër nga ora 10:00, samit ky i pari që do të zhvillohet në Tiranë.

Burri i bRoger ‘Dean’ Gillispie, tash ka fituar 45 milionë dollarë si dëmshpërblim.

 

Një burrë i cili kaloi 20 vite në burg për KRlME që nuk i bëri, tash ka fituar 45 milionë dollarë si dëmshpërblim.

Më 1991, Roger ‘Dean’ Gillispie u dënua për kidnapim dhe përdhunim të dy motrave binjake 22-vjeçare në Ohajo, derisa u ngarkua edhe me vjedhje të rëndë.

Ai u përball me një dënim me burg prej 56 viteve dhe gjithmonë u deklarua i pafajshëm, eventualisht duke arritur të fitojë lirinë më 2011, pasi kaloi dy dekada të tëra prapa grilave.

Mirëpo, u desh të priste deri në vitin 2021 për t’u shpallur i pafajshëm për krimet nga gjykata, e cila konstatoi se ai ishte dënuar gabimisht.

Kjo i hapi rrugë kërkesës së Gillispiet për të lansuar një gjykim hetues kompensimi për kohën që ai e kaloi në burg pafajësisht, pasi një gjykatë konstatoi se “asnjë provë fizike” nuk e ka ndërlidhur atë me rastin dhe se ka pasur ndrydhje të provave.

Tash, Dean ka arritur të fitojë si dëmshpërblim 45 milionë dollarë, shuma më e madhe e dhënë si dëmshpërblim në histori të Ohajos.

Sipas The Columbus Dispatch, një juri gjeti se të drejtat e Gillispiet ishin shkelur nga detektivi Scott Moore, i cili fshehu prova që do ta ndihmonin atë në mbrojtje dhe e bëri atë të duket më i madh se që është në foto të të dyshuarve për t’i trukuar viktimat.

Mark Godsey, drejtori i Projektit të Pafajësisë së Ohajos, i cili punoi për ta liruar Gillispien nga burgimi i pafajshëm, mirëpriti vendimin por tha se “asgjë nuk mund ta shpaguajë” horrorin që Dean ka eksperiencuar.

Ai u shpreh: “Horrori i injektuar në Dean dhe familjen e tij dhe komunitetin është i vështirë të përpihet.

“Mënyra si autoritetet bën presion për dënimin e tij dhe pastaj luftuan për ta refuzuar pranimin e gabimit, ishte kaq zhgënjyese. Asgjë nuk mund ta shpaguajë Dean për këtë horror.

“Verdikti i jurisë dërgon mesazh të fuqishëm se ata që na drejtojnë duhet të ndryshojnë mënyrën si i bëjnë gjërat”.

Gillispie shfrytëzoi momentin për të bërë thirrje për drejtësi rreth mijëra njerëzve tjerë, të cilët janë dënuar gabimisht dhe kaluan shumicën e jetëve të tyre prapa grilave për krime që nuk i kanë bërë.

Ai u shpreh: “Unë jam thjesht një prej 3,199 njerëve të cilëve u ka ndodhur kjo në ShBA.

“Këta njerëz kanë kaluar mbi 28,000 vite në burg për krime që nuk i kanë bërë. Kjo duhet të ndalojë. Sistemi duhet të rregullohet. Projekti i Pafajësisë së Ohajos më shpëtoi jetën”.

Juria e padisë civile të cilën e ngriti Gillispie vendosi që ai të kompensohet me 45 milionë dollarë dhe aludoi se detektivi Moore më herët kishte thënë se një dëshmitar i rastit e kishte identifikuar pozitivisht atë, kur në fakt nuk e kishte bërë.

Ai më vonë u kishte thënë viktimave se mund të mos e njohin Dean kur ta shohin në gjyq, duke gënjyer se i pafajshmi kishte “lyer flokët”.

Atyre iu treguan gjithashtu prova që detektivi nuk arriti t’i zbulonte, duke përfshirë faturat që vërtetonin se Gillispie ishte në të vërtetë në Kentaki kur ndodhën KRlMET.

Alarmon eksperti i sigurisë: Serbia po përdorë emblemat e UÇK-së për të inskenuar lojë të ligë

Eksperti i sigurisë, Agim Musliu ka demantuar lajmet e mediave serbe se një emblemë e Ushtrisë Çlirimtare iu është gjetur disa emigrantëve në veri të vendit.

Musliu ka shkruar në Facebook se Serbia po bën lojë të ligë, duke inskenuar një gjë të tillë.

Ai ka shpërndarë dy fotografi, atë të rastit të 26 shkurtit, kur AKI dhe Policia e Kosovës kishin parandaluar një inskenim serb, pasi tre të rinj patën blerë emblema të UÇK-së, dhe atë që sot mediet serbe kanë pretenduar se ka ngjarë në veri.

Eksperti i sigurisë ka thënë se shpreson që propaganda serbe të mos bëhet shkak që Bashkimi Evropian të ndikohet për liberalizimin e vizave apo dialogun në Bruksel.