Iu gjetën 400 mijë euro në banesë, eksperti Ervin Karamuço zbulon taktikat që përdorte pastruesja për të vjedhur

 Seksioni i Posaçëm në Prokurorinë e Tiranës, ka nisur hetimet për origjinën e parave të ish-zyrtares së lartë në Kryeministri, Alda Klosi, të cilës i’u grabitën 120 mijë euro, para dhe bizhuteri në banesën që kishte marrë me qira në “Rrugën e Kosovarëve” në Tiranë.

Sipas burimeve për News 24, çështja po hetohet nga prokurorja Mirela Zavalani, për të zbuluar më shumë mbi burimin e të ardhurave t ëish-zyrtares.

Kujtojmë se Klosi ka bërë denoncimin në polici më 15 dhjetor 2022, pasi ka kuptuar që paratë i mungonin në banesë.utorë të ngjarjes dyshohet të jenë Rozeta Dobi, që këshilltarja e kishte punësuar si pastruese, dhe djali i saj Havier Dobi, të cilët me paratë e grabitura bënin jetë luksi e blinin makina luksoze.

Mësohet se ajo kishte vjedhur paratë në kohë të ndryshme, që dyshohet se ishte një mekanizëm për të mos rënë në sy.

Ditën që hynë në banesën e Alda Klosit, nënë e bir pasi morën shumën e konsiderueshme të parave bënë rrëmujë banesën për t’u dukur sikur ishte një grabitje nga persona të tjerë.

Në banesë dyshohet se ajo ka hyrë përmes një kopje të çelësit, që Alda Klosi i kishte dhënë për të hyrë për të pastruar banesën.

Kjo skemë ndiqej nga pastruesja dhe për rastet të tjera, pasi për të ka të paktën 5 denoncime të tjera. Në total 49-vjeçarja akuzohet se ka vjedhur një shumë prej 700 mijë euro.

Alda Klosi, ish-shefe e kabinetit të ish-zv/kryeministrit Arben Ahmetaj, ra pre e një vjedhje në banesë nga pastruesja e djali i saj që i morën qindra mijëra euro, dollarë dhe miliona lekë shqiptare.

Policia arrestoi Rozeta dhe Havier Dobin, ndërsa brenda banesës së tyre sot u zbuluan edhe 404,800 Euro, 8500 Dollarë dhe aksesorë floriri, të gjitha të fshehura në tubin e aspirimit.

Por si ndodhi vjedhja?

“5pyetjet.al” intervistoi Alda Klosin, e cila tregoi me detaje versionin e saj të ngjarjes.

Shumën e lekëve, tha se e kishte të deklaruar dhe se e kishte mbledhur për kurimin e xhaxhait.

Pyetje: Intervista e plotë e Alda Klosit:

Pyetje: Zonja Klosi, si është e vërteta e grabitjes?

Klosi: “Lekët i kam të gjitha të deklaruara. Lekët i kisha për një rast fatkeqësie, për xhaxhin tim që e kam me tumor. Ndodhet në SHBA. I kemi gjetur, mbledhur lekët për këtë rast. Unë kam qenë në Amerikë. Denoncimin e bëra vetë”.

Sa kohë kishit që e kishit punësuar pastruesen?

Klosi: “E kisha punësuar prej 5 vitesh. Ajo ka bërë masakër në hapjen e derës. Ka inskenuar një skemë llahtari”.

Pyetje: Si e zbuluat?

Klosi: “Nga kamerat”.

Pyetje: Çfarë tregojnë kamerat?

Klosi: “Ka inskenuar vjedhjen. Banesa është hapur me çelës. Por ajo e inskenoi. Kishte inskenuar sikur ishte grabitje. Hedhur rrobat, shqyer dollapi”.

Pyetje: Dyshimet i kishit ju që e orientuat policinë te pastruesja?

Klosi: “Jo, fare nuk më shkoi mendja. Por ngaqë ishin bërë disa grabitje në banesa. Jam ndjerë shumë keq. Më ka lënë një shije shumë të keqe. Plus edhe momenti, situata e rënduar, kam xhaxhain duke vdekur. Ato kanë qenë lekë për kurimin e tij.

Nuk më ka shkuar mendja te ky person. Kjo grua ka punuar në 20 shtëpi të tjera prej shumë vitesh. E kanë kapur kamerat. Unë erdha kastile nga Amerika me urgjencë. Erdha pardje, shkova në polici dhe bëra denoncimin. Policia bëri një punë të palodhur. Ky njeri përbën një rrezik publik. Sa shumë familje mund të jenë dëmtuar. Sepse ajo punonte në shumë banesa. Por me denoncimin që bëra i bëra një të mirë komunitetit”.

Pyetje: Sa është shuma që pastruesja ju ka marrë ju?

Klosi:  “Shuma që sot njoftoi policia se ka sekuestruar nuk ka lidhje me mua. Vetëm shuma e djeshme. (58 150 euro, 7000 dollarë, 368 000 lekë të rinj, sende me vlerë). Ajo e ka pranuar vetë që i ka marrë. Madje shumën e kam të deklaruar. Se po të ishte e kundërta nuk e bëja denoncimin. Shuma tjetër që është zbuluar sot nga policia mund të jetë marrë në shtëpi të tjera”.

Rozeta Dobi dhe djali i saj Havier, janë vënë në prangat e policisë dhe pritet që ditën e nesërme të dalin para trupës gjykuese për t’u njohur me masën e sigurisë.

Të dy këta persona akuzohen se kanë vjedhur në total rreth 700 mijë euro nga disa banesa, ku 49-vjeçarja punonte si pastruese.

Në bashkëpunim me djalin e saj, Rozeta vidhte banesat, duke shfrytëzuar momentin kur pronarët nuk ndodheshin aty, përmes çelësit që kishte kopjuar, teksa 23-vjeçari e priste jashtë shtëpive me makinë.

I biri i pastrueses reklamonte në rrjetet sociale jetën e tij të luksit, duke treguar para kesh, makina, varëse floriri e rroba të shtrenjta, por në rrethin e tij miqësor ai shprehej se makinat i kishte marrë me qira.

Ndërkohë sipas njoftimit të policisë, dy nga tri makinat e tyre, rezultojnë se janë të blera nga paratë e vjedhura në këto banesa, në një hark kohorë prej rreth katër vitesh.

Ndërkohë banesa e fundit e grabitur nga nënë e bir i përket ish-zyrtares së lartë në kryeministri, Alda Klosi, të cilës i janë marrë para dhe sende me vlerë që kapin shifrën prej 120 mijë eurove.

Banesa të cilën Klosi e kishte marrë me qira, është grabitur në muajin dhjetor, kur kjo e fundit ndodhej në Amerikë.

Sekuestrimi i mbi 400 mijë eurove në shtëpinë ku jetonte pastruesja Rozeta Dobi dhe djali i saj Havier, ka ardhur pasi dyshja janë përgjuar në qelitë e paraburgimit. Pas arrestimit, gazetari Elton Qyno shkruan se ata janë lënë bashkë në qeli, qëllimisht, në mënyrë që të flisnin dhe grupi hetimor të siguronte të tjera informacione. Pas regjistrimit të kësaj bisede, Policia e Shtetit ka zhvilluar operacionin dhe ka gjetur paratë në tubin e aspiratorit.

Nënë e bir vodhën shtëpinë e ish-zyrtares së lartë në Kryeministri, Alda Klosi, banesë në të cilën Rozeta ishte punësuar prej pesë vitesh si pastruese.

Ata e inskenuan ngjarjen si grabitje duke hyrë më forcë në banesë, në një kohë që Rozeta kishte celësin që i kishte dorëzuar Klosi, në mënyrë që të futej e të pastronte banesën. Ngjarja u zbulua nga kamerat e sigurisë dhe denoncimi u bë nga Klosi më 15 dhjetor, por goditja e Policisë së Shtetit erdhi vetëm tre ditë më parë, kur u vunë në pranga nënë e bir.

Eksperti i kriminalistikës, Ervin Karamuço, ka përshëndetur punën e policisë në lidhje me zbulimin e vjedhjeve që ka bërë pastruesja Rozeta Dobi së bashku me djalin e saj Havier Dobi në shtëpi të ndryshme të Tiranës, mes tyre dhe në banesën e zyrtares Alda Klosi.

I ftuar në emisionin ‘Review’, ai tregoi dhe taktikën që përdorte Rozeta deri në momentin që të zotët e shtëpisë krijonin besim tek ajo dhe i dorëzonin çelësin.

“Pastrueses i kushtonte 2000 lekë dita e punës. Ajo nuk ka punuar vetëm në shtëpi vipash por edhe njerëzish të thjeshtë. Ajo blente informacione dhe shikonte se si do i vidhte lekët duke i marrë pjesë pjesë për të mos rënë në sy.

Policia ka bërë një punë shumë të mirë sepse e kanë ndjekur shumë atë djalin. E kanë ndjekur deri në Brezovicë ku ai shkonte me lekët e vjedhura, kanë paguar traun në Kukës na xhepi i tyre për ta ndjekur. Sukses është që e kanë ndjekur çështjen deri në fund dhe nuk e kanë mbyllur kur ka dal emri i Alda Klosit.”– tha ai.

Spartak Dobi, bashkëshorti i pastrueses Rezarta Dobi ka folur ekskluzivisht për emisionin “Review” në Euronews Albania, pasi gruas së tij iu sekuestruan mbi 400 mijë euro të cilat i kishte vjedhur në shtëpi të ndryshme të Tiranës.

Ai tha se ditën e sotme ka takuar ministrin e drejtësisë Ulsi Manja, i cili i ka premtuar se djalin e tij Havier Dobi që vodhi një banesë së bashku me nënën do të bëjnë çmos që ta lirojnë nga burgu.

Më tej i moshuari thotë se 23-vjeçari është i pafajshëm dhe nuk ka lidhje me vjedhjet për të cilat akuzohet.

“Sot kam qëndruar gjithë ditën me ministrin e drejtësisë. I kam treguar për ngjarjen e më tha do të bëjmë çmos që djalin ta lirojmë por gruan jo. I thashë gruan çojeni më tej Stambollit. Djali nuk ka faj, e ka mësuar e ëma. I kishim në rregull të gjithë gjërat. Djali shkonte punonte natën”-tha ai.

“Gruaja është ndihmuar nga familjarët e saj”, kështu u shpreh në një intervistë ekskluzive për ‘Review’ në Euronews Albania, Spartak Dobi, bashkëshorti i pastrueses Rezarta Dobi së cilës iu sekuestruan mbi 400 mijë euro të cilat i kishte vjedhur në shtëpi të ndryshme të Tiranës.

Ai theksoi se paratë janë gjetur në shtëpinë e tij, por që bashkëshortja e tij është ndihmuar nga të afërmit për t’i fshehur në banesë.

Më tej ai theksoi se gruaja e tij nuk i dha shkasë të dallonte që po vidhte ndërsa theksoi se edhe paratë e pensionit ia dorëzonte asaj.

“Nuk e di ku i çonte paratë, unë e merrja rrogën dhe ia jepja gruas. Kërkoj nga mediat që mos të gënjejnë. Paratë janë gjetur në shtëpinë time, nuk ka shanse që gruaja ti ketë futur atje. Dyshoj se janë të implikuar dhe familjarët e bashkëshortes time. Ka shumë. Ta lënë motrën pa bukë, unë djalit tim do i çojë.”– shtoi ai.

F.B

Pse frigsohet Serbija: Dronët “BAYRAKTAR”, Niko Peleshi: Monitorim 24 orë, tenderi i ri për avionët “Cugar” do të bëhet nga NATO

 

Ministria e Mbrojtjes prezantoi sot bilancin e vitit që lamë pas dhe objektivat për 2023-in, Niko Peleshi tha se shteti do të ndihmohet në shumë sektorë nga informacioni i detajuar që do të sjellin dy satelitët si dhe dronët Bayraktar.

Ministri njoftoi se janë zgjidhur kontratat me ata që riparonin helikopterët Kugar, pasi me to u abuzua.

Dronët “Bayraktar” që Shqipëria do të marrë, do të japin një informacion më të plotë se sa satelitët.

Ministri i Mbrojtjes, Niko Peleshi tregon se si avionët pa pilot do të përdoren për qëllime civile.

Ministri e Mbrojtjes ka marrë një kredi nga Italia për të blerë dy avionë që do të përdoren për emergjencat civile, ndërsa Niko Peleshi njoftoi se helikopterët Kugar nuk janë të gjithë në gjendje pune sepse kompanitë e pajtuara për riparimin e tyre, nuk i janë përmbajtur kontratës.

Ministria e Mbrojtjes po fuqizon qendrën e kibernetikës, dhe synon që me paga të larta, të aplikuara posacërisht për këta ekspertë të informatikës, të rekrutojë më të mirët e tregut.

PO pse frigohet Serbija nga Dronet Bayraktar !

Pse kënga e Adem Jasharit I përplasI dy artistët?

 

 

 Këngëtari i grupit “Ilirët” Shemsi Krasniqi, ishte  ndaluar nga policia një ditë më parë,  lidhur me ngjarjen në festivalin Sunny Hill.

Sipas Policisë së Kosovës  shoqërimi i tij është bërë se ai është  ngjitur në skenë, pa autorizimin e nevojshëm.

“Gjatë zhvillimit të Festivalit Sunny Hill, i cili u mbajtë  në parkun e Gërmisë, më 06 gusht 2022 rreth orës 16:50, te bina ku përformojnë artistët, është ndaluar: Shemsi Krasniqi, (viti i lindjes 1955, mashkull kosovar), i cili pa autorizim kishte hipur në binë. Zyrtarë policorë që janë të angazhuar në ofrim të sigurisë gjatë zhvillimit të festivalit, kanë kërkuar që personi në fjalë të largohej nga aty. 

Ai nuk ka respektuar urdhrin e personit zyrtar dhe me këtë rast është shoqëruar në Stacionin policor.

 Policia për rastin kishte  njoftuar prokurorin kujdestar dhe me udhëzim nga i njëjti, i shqiptohet fletë-paraqitje për mosrespektim të urdhrave të personit zyrtar. 

Policia e Kosovës mbetet e përkushtuar në respektimin e ligjit dhe ruajtjes së rendit dhe qetësisë publike.

 Ndaj tij është shqiptuar fletë-paraqitje për mosrespektim të urdhrave të personit zyrtar”, ka njoftuar  policia.

Ndërkohë, vetë këngëtari i njohur si Shemi, përmes një publikimi në Facebook, u shpreh se Dukagjin Lipa, ishte shprehur që nuk do ta lejonte të këndonte këngën e Adem Jasharit.

“Une jam perqare me Dugin se i jam betu ne dy femi te mi se kam me dal me kendu kangen e ADEM JASHARIT e ai ashte betu ne tre femi se nuk ka mem leju. Neser une kam me dal me kendu ate kang le te merr sa te doje para Shkelzen Xhafa po une kam me dal.

Shihemi ne Sunny Hill Shemi iliret Xhamadanin dhe Adem Jasharin…kanga e legjendarit ashte hiti ma i madh per momentin vetem Dugagjin Lipes i pengon krejt stafin nalt e ka me shkie edhe policet e din dhe ju pengon vetem Shkelzen Xhafes jo se e ka haraqin aty.

Zoti i nimofte popullit shqipetar”, shkroi Shemi.

STATUSI I KOSOVËS ËSHTË I PANEGOCIUESHËM

 

                            Akademik Prof Dr Hakif Bajrami

                             

Në kohën e fundit është rritë numri i atyre bukëpërmbysve që do të kishin dëshirë ta relativizojnë sado edhe pak, rrolin e Ushtrisë Çlirimtare të Kosovës, që është krenari lavdie. 

Po, doli një drejtues Akademie këto ditë dhe volli shumë çka kundër luftës sonë, sidomos kundër drejtuesve kryesor të saj. 

Mendoi se me ia kthye pushkën veti, është më tragjedi se vetëvrasja. 

E po ka zëra që besojnë symbyllas, duke propoganduar se: “UÇK e vrau këtë dhe atë politikanë shqiptarë”. 

Ore të gjorë akuzues, po a e dini pse u vra ai që provoi ta bashkoi UÇK-ën me FARK-un, mjedis Tirane. 

U vra vetëm pse në Osllo kishte nënshkruar së bashku me Adem Demaçin, shkrirjën e FARK-ut në UÇK në luftë, në një front.

 Dokumentet sekrete kur të botohen, ju nuk do të keni as vend për varre. 

Po, po jeni bërë e keni bërë shumë akuza, keni sajuar shumë intriga. 

Madje, shumë u gëzuat kur Sali Mustafa u denua 26 vjet burg, më shumë se çdo kriminel serbian deri me tash.

Mos harroni, se i dijmë shkaqet dhe kriteriumet e dyfishta edhe atje.

 Madje, me akuza po shkoni aq largë sa që po i akuzoni edhe ata që janë në burg në Hagë, e ata ta dini atje janë për ta dëshmuar pastertinë e luftës së drejtë, prej së cilës sot jeni të lirë dhe gllabëroni beneficione. 

E dijmë se keni nxituar të mbuloni emra të rrugëve, shesheve dhe librave, thue se nuk e dijmë ku keni qendruar gjatë luftës, thue se nuk e dijmë pse asnjë bustë, asnjë shesh nuk karakterizohet me emrat e kolosëve të lirë si Adem Demaçi e Adem Jashari.

Edhe një fakt. Më tepër keni entuziazëm të thoni, na çliruan të tjerët, sesa të ndërtohet Shqipëria Etnike. 

Edhe këtë proponagë e beni me hile, thue si UÇK e mohon ndihmën e miqëve, sidomos miqëve të respektuar Amerikanë. 

Ta dini se UÇK ka bërë luftë të DREJTË dhe prej çdo akuze do të dali e liruar. E shihni su uluroni edhe me gënjeshtra: “Na prishi Albin Kurti me amerikanë”. Albini është nxënës i Adem Demaçit dhe politika  e tij është në vijën e drejtë të UÇK-ës, për të cilën nuk ka kursyer asgjë.  Keq jeni kah trilloni.  

E pra, RROFTË MIQËSIA SHQIPTARO-AMERIKANE!

         Telallgjinjtë e “bullëvardit” shtyhen cili po sulmon shqiptarë më ashpër

 KFOR-i një institucion serioz i NATO-s në Kosovë i ktheu përgjegje negative, se “Ushtria serbiane nuk mundet të hyjë në asnjë rrethanë në Kosovë”.

 E të kuptohemi nazifashisti A. Vuçiq pati kërkuar në vlugun e barikadave në veri të Ibrit, që ushtria e tij të marrshojë drejtë Kosovës, për të venë rend dhe ligje, sikur bota nuk  e din se kërkonin me hy e me vra sërish shqiptar. E po të pyeteshin Nexhemdin Mitrovica dhe Milazim Gazatari, ushtria serbiane, do të hyne pa probleme në Kosovë. Ndërsa, për të “treguar” se ka pasë të drejtë makineria nazifashiste e A. Vuçiqit organizoi më 8 janar 2023 protestë në Veri të Ibrit. Protestuesit kinse e kritikonin A. Vuçiqin dhe Listën Serbiane për dy qellime meskine: 1.Për ta hiekur përgjegjësinë e A. Vuçiqit se me urdhër të tij ishin vënë barikadat.2. Për të treguar para opnionit se kinse serbët gjithëandej me vetiniciativë i kanë venë barikadat. Këtë “fiskulturë” politike që i infekton muskujt Vuçiqi e bënë edhe për konsum të brendshëm sepse rrena për te është “art” i vjetër serbian. Edhe një vrejtje gazetarëve të nderuar: Kurrë asnjë minut Princ Lazari nuk ka qenë “car”. Po pse ua glorifikoni serbianëve hsitorinë. Lerëni të rrejnë vetëm ata të paktën.

Pra, politika serbiane nuk do të lërë mjet pa përdorë me që e ka humbur Kosovën, vetëm e vetëm të paktën si propogandë ta konsideroi statusin e këtij shteti diskutabil dhe të paqëndrueshëm. Për të mbetë ky parim i diskutueshëm për statusin e shtetit Kosovës, nepër çarqet serbiane tani është ngritur akuza dykuptimësore: “Kush e ka shitë, apo kush e ka blerë shtetin e dytë shqiptar-Kosovën”. Në këtë drejtim, në propogandën serbiane janë kah investojnë në rend të parë tregtarët e armëve, pade mos po hapet ndonjë treg i shitjës së tyre në Ballkan. Në këtë drejtim, agjenturat e koncerneve që shesin armë, vitin e kaluar më tepër kanë investuar në agjentura propoganduese nepër televizione dhe portale po edhe në agjentë të sporvuar, se sa që kanë fituar, sepse nuk pati luftë, që t` u shitën armët. Prandaj, me kohë u zbulua se të gjitha bankat shtetërore sot në Serbi duke investuar në politikë “ekstraktive” të shitjës së armëve, janë në humbje. Ato, për të humbur gjurmë, tani kanë krijuar një devizë plagiat puro greke: “veprimtaria mafioze të paguhet vetëm me qenë borqëli”. Dhe kanë hyrë në borqe marramendëse, të cilat shpresojnë se në rast të një lufte të nivelit rregjional do t` i nxierrin barqet me kamatë, pra do të fitojnë diçka.

 Kjo atmosferë e pasigurisë, është krijuar sidomos pas sulmit agresiv të Rusisë në Ukraninë më 24 shkurt 2022. Po, mos të harrojmë se njohësit e thellë të lëvizjes së kriave kanë ardhur në përfundim qysh tani se është krijuar koncepti se: Rusia as nuk mund ta fitojë luftën, as nuk guxon të jetë humbëse. Kjo fonemë e përkthyer shqip, do të thot se lufta do të zgjatë një kohë të pacaktuar, pa asnjë dritë në fund të tunelit ushtraka dhe politik për mizoritë e sllavëve ndër veti. Kështu Ukraina po bëhet fati tragjik i pafuqisë së Evropës, për të fituar si në Luftën e Parë ashtu edhe në Dytën Botërore Amerika. E vërteta SHBA kanë mbetur pas shembjës së komunizmit e vetmja superfuqi ekonomike dhe ushtarake në glob. Në këto rrethana shtrohet pyetja, ku është Kosova, sepse pozicionin Amerikan disa qendra informative të ndihmuara nga Beogradi, po propogandojnë me gjysëm zëri se: “Kursi i Vashingtonit ndaj Kosovës ka ndryshuar më 2022”! Lidhur me këtë, jo që mendojë, por është krejtë ndryshe pozicioni, se kursi i SHBA-ve nuk ka ndryshuar fare. Dhe le të dihet publikisht se kursi amerikan ndryshon, nëse shqiptarët thonë hapur: “Kosova duhet të kthehet në kuadër të Serbisë”. E kjo thënje mund të ndihet si teoriçkë, por vetëm në Beograd, gjetiu jo, sepse fuqia e shtetit Kosovës për çdo muej po vjen duke u forcuar dhe duke iu afruar objektivit që të jetë antare e NATO-s, Këshillit Evropës, OKB-ës e një ditë edhe i BE-s.  

Sot  shumica apsolute e shqiptarëve mendojnë se statusi i Kosovës është zgjidhur më 1999 për gjithëmonë. Megjithë këtë, i ngarkuari special për Kosovën nga BE Vladisllav Lajçak në dhjetor 2022 do të thot hapur: “Më 2023 shpresojmë se do t` i mbyllim bisedimet për Kosovën. Gjithnjë sipas palnit Gjermano-Francez, që do të thot Kosova antare e OKB-ës dhe Serbia në BE. Por, tha më tutje Llajçak, nëse viti 2023 nuk sjellë rrezultate, atëherë bisedimet do të sillën në pikën zero”. Kjo do të thot, tha ai se pastaj bisedimet do të fillojnë nga e para”. Dhe këtë konstatim Llajçak disi nga grimasat në fytyrë, shihet se e shprehi me ENTUZIAZËM. E përkthyer shqip, ky fakt tregon se Sllovakia është shumë e entuziazmuar që nuk e njeh Kosovën shtet. E këtij pozicioni i gëzohet dhe Josip Borel si përfaqsues i BE dhe diplomat spanjoll, shtet ai që ka mendim identik me atë të Rusisë dhe Serbisë, Iranit dhe Vatikanit për Kosovën. Ja pra, me kend kanë punë pushtetarët shqiptarë, të cilët, duket se as nuk kanë dije, as nuk i kuptojnë fiskulturat e diplomacisë, të cilat në shumë raste matin pulsin: sa jemi serioz dhe të vendosur.

                                  Një realitet që e defaktorizon disi shtetin e Kosovës

Defaktorizimi si luftë speciale nuk është në ofenzivë vetëm nga ana e Beogradit, Iranit dhe Rusisë. Por një pjesë e establishmenit politik shqiptar duke u pozicionuar në luftën e egër vetëm për pushtet, është bërë armik i Kosovës, gati më i rrezikshëm se sa vet armiqët si Serbia dhe Rusia së bashku. Në këtë drejtim, sidomos Lidhja Demokratike e Kosovësm me politikën e saj antishqiptare, ende po provon që të gjitha vrsjet dhe mizoritë që kanë ndodhë në Kosovë t` ua japi ngjyrën politike, t` ia adresoi Ushtrisë Çlirimtare të Kosovës, drejtuesëve kryesor të saj, gjithnjë duke u pozicionuar në armiqësinë që ka ekzistuar në mes të UÇK-ës dhe FARK-ut, ku fjalën kryesore e kanë pasë tre kallauzë (I+B+I) , kurse disa ushtrakë që nuk kuptonin politikë mësa pula në telefon, vetëm sa kanë notuar nepër ujin e ndotur, pa dijtë fare se si ai “ujë”  është infektiv nga brenda. E ky realitet duhet të dihet se ishte derivat i një bindje puro politike që i tregua e deshtuar, po në atë moment kur ranë bombat e para të NATO-s mbi terrirorin e Jugoslavisë Tretë sikurse Rajhu i Tretë. Madje, mu këta e quanin palen kundershtare (UÇK-ën) njerëz të frustruar dhe me ideologji komuniste. Ndodhte ky realitet për faktin hipokrit, në stilin: “T` i them, sa nuk më ka thënë”!

                             Gjykat nderkombëtare me dy drejtësi në rikverc 

Tani e shtrojmë pyetjen pse u denua Salih Mustafa me 26 vjet burg, kurse kriminelët serbian si: Nikolla Shainoviq me 22 vejt, Dragolub Ojdaniq me 15 vjet, Nebojsha Pavkoviq 22 vjet, Vlladimir Llazareviq 15 vjet dhe Sreten Llukiq 22 vjet burg. Tani vetvetiu shtrohet pyetja: Kush është fajtor për 20 000 persona të dhunuar në Kosovë, kush është fajtor për bartjën e kufomave të shqiptarëve deri në Batajnicë të Beogradit e gjetiu, kush është fajtor për 14000 civilë shqiptarë të masakruar; për 600 varreza masive; për 120 000 shtëpi të rrënuara; për 1200 fshatra të bombarduara; për afro 1 000 000 shqiptarë të deportuar me dhunë jashtë Kosovës; për katër kampe të përqëndrimit: Bllacë, Stankovec, Çegran, Kukës dhe me dhjeta kampe më të vogla nepër Kosovë, përpos këta serbianët e lartëckur. E Salih Mustafa denohet me 26 vejt burg, “për një njeri të vrarë, për dy malltretime”, të dy rastet që nuk i pranon dhe hapur rrezulton nga dokumentacioni i gjyqit se procesi është politik dhe i montuar. Megjithë atë në një përkujtimin mortor këto ditë u aludua publikisht për një oficerë të vrarë shqiptar se: “përgjegjës janë kundershtarët ushtrak të FARK-ut”? Në esencë atë person e ka vrarë sherbimi kontrainformativ serbian, me të njjetin skenar sikurse në rastin “PANDA” në Pejë.

                            Albanofobia në Evropë është racizëm dyshekullor

Në këtë rrethana nga psikoanaliza e historisë shtrohet pyetja ideore dhe teorike: a do të vijë koha që në Beograd ta kemi bustin e Adem Demaçit dhe Adem Jasharit. Ndërsa në Prishtinë do ta kemi bustin e  Dimitrije Tucoviqit dhe Kosta Novakoviqit. Me këtë me duhet konstatuar se vetëm atëherë BE do ta kuptoj se kush është gjelati (Serbia) dhe kush është viktima dyshekullore (Shqiptarët). Por, atëherë do të jetë shumë porofitabile, vetëm dituria dhe puna për prosperitet ekonomik. Dhe, menjëherë shtohet payetja a do të jetë KFOR gjithëmonë në Kosovë? Në lidhje me këtë, jo që mendoi por është e sigurtë se NATO (KFOR është derivat i NATO-s) gjithëmonë do të jetë këtu, si faktor i sigurisë. Në anën tjetër, nuk dihet a do të qëndrojë Beogradi pranë qendrimit se duhet Ushtria serbe të futët në Kosovë. E misioni i saj dihet. Ajo ushtri nuk vjen në Kosovë për siguri të askujtë, por vjen për të vrarë shqiptarë, siç ka vepruar qe dy shekuj. Madje, lidhur me këtë S. Millosheviqi pati deklaruar se: “shqiptarëve u kemi treguar kush jemi më 1945 kur i kemi vrarë të gjithë, dhe ky solucion nuk është i pamundur në çdo kohë”.

Tani Republika e Kosovës sikur është pozicionuar në udhëkryq, jo pa fajin e ndërkombëtarëve. Kjo për faktin se Kryeministi Albin Kurti po pengohet në çdo hap për ta zbatuar pushtetin e së drejtës. Dhe ky fenomen disi po shiqohet pa invencë, nga miqësia dhe besimi i plotë në SHBA, sepse as shtetet e fuqishme dhe me traditë nuk kanë persepktivë pa mbështetëje nga investimet e hueja. E ato investime i sigurojnë psiqikisht qëndrimet “me fjalë” të SHBA-ve dhe BE, por të cilat po mungojnë tani për tani. Pse? Sepse A. Vuçiq në anën tejtër, ka krijaur hapsirë dhe po luan me zjarr sepse shumë vendime  që kana rriedhë nga bisedimet, kanë brenda tyre dykuptimësi. Ajo dykuptimësi po shkon deri aty sa që Kryetari i Serbisë hapur e ngritë gatishmërinë ushtrake për të ndërhy në Kosovë (dhjetor 2022), dhe nuk i thuhet fare se çka do të thot qëndrimi i KFOR-it në Kosovë dhe çka përmban VERDIKTI I Gjykatës Ndërkombëtare të Drejtësisë. Lidhur me këtë, në opinion po shtrohet pyetja: tani për tani Serbia është nën hien e Putinit. Por bëri e u këndell në tru, dhe Serbia u kthye kah Perendimi, a duhet që së pari Beogradi do t` i vejë skansione Rusisë, e pastaj çështja do të tregohet lakuriq ndryshe për gjeostratgjinë e Ballkanit në përgjithësi. Mu për këtë, po dëshmohet se Perendimi e mbanë Kosovën në pozicion të një “invalidi”, sepse i dron bashkimit të shqiptarëve në një front, mudnësi kjo që Qeveria e Edi Ramës me “OPEN BALLKNANIN” po investon prapa shpinës Kosovës e në dobi të agrsionit serbo-rus. Ndoshta, piktori këtë e bënë pa vetdie. Por ka tipa që edhe sot provojnë ta rehabilitojnë Esat Pashën. Dhe, jo vetëm kaq.

Po insitimi i SHBA-ve për asociacionin e komunave serbiane në Kosovë

Insitimi i SHBA-ve që të themelohet asociacioni i komunave me shumicë serbiane, po spjegohet si prioritet. Në prononcimet lidhur me këtë, fare nuk thuhet ai asociacion a do jetë i themeluar mbi bazat e Kushtetutës Republikës Kosovës, apo do të jetë një “vlerë” shtesë, që del jashtë kornizës Ahtisarit, ku serbët psojnë “diskriminim pozitiv”. Ky parim hipokrit, duhet të pozicionohet se pas nderhyrjës ruse në Ukrainë, Amerika terthorazi ma nuk është në gjendje të bëjë “shatëll” diplomaci të shkollës Hollbrukut, Vesli Klarkut me vulë të Klintonit dhe Ollbrajtit! Pra asociacion të komunave, duhet të thuhet për serbian po, por jo me kompetenca ekzekutive. E pse mos ta shtrojmë edhe këtë pyetje. E e lansojnë këtë pozicion zyrtarët e larë të SHBA-ve për matje pulsi, apo janë serioz dhe brutal sikurse Hollbruk kur shprthente se “UÇK është terroriste”. Dhe, kur e pa seriozitetin tonë për sakrificë dhe luftë të drejtë, u ndal dhe tha: UÇK NUK ËSHTË TERRORISTE. Dhe nuk shkoi largë dhe erdhi 24 marsi 1999.

                  A do ta përkrahë shtetin e Kosovës ndonjera prej 5 shteteve të BE-s

Dihet se për shkaqe të brendëshme Kosovën ende nuk e njohin: Rumunia, Greqi, Spanja, Sllovakia dhe Qipro. Prej tyre më së afermi për ta njohur në bazë të traditës popullore do të ishte Rumunia. Madje edhe Spanja dhe Greqia nuk e kanë asnjë arsye që nuk e njohin Kosovën, përpos nga dy arsye fiktive puropolitike. Por, mbi të gjitha kjo mosnjohje e kurajon Serbinë nazifashiste që të provojë për ta destabilizuar Kosovën në çdo moment. Madje ka zëra që thonë se kjo po ndodhë sepse Republikën e Kosovës nuk e njeh shteti i Vatikanit. E pse mos t` ia shtojmë faktin se Vatikani bile nuk propogandon antishqiptarizëm. Ndërsa Rusia, Serbia dhe Iarni propogandojnë antishqiptarizëm qi i afrohet pozicionit adekuat të nazifashistëve ndaj hebrenjëve.

 E vërteta,e kaluara e Kosovës është tani për tani e njohur. Prandaj, edhe ardhmëria e saj është e siguruar për aq sa vlen njohja e së kaluarës saj. Dhe po të shiqohet se kush prej okupatorëve të saj më shumë “ka të drejtë”, për ta kërkuar, atëherë atë të “drejtë”(!), duhet ta gëzojnë osamnlinjët, sepse  si okupatorë të saj (dhe jo vetëm të saj) kanë sunduar mbi 500 vjetë. Mbi këto parime më së pakut prej të gjithë okupatorëve të Dardanisë kanë të “drejtë” serbianët. Për këtë konstatim duhet të mësohet mirë historia. E nga ky realitet, Serbia kohë pas kohe do të ngacmojë në realitetin e Kosovës, sot me kërcnim me barikada, nesër me kërcnim se: ushtria është në gjendje mobile; se ushtria do të vendoset në veri të Ibrit; se ushtria do t` i siguroj enklavat serbe nepër Kosovë; se ushtria duhet t` i sigurojë kishat e gjepura tjera, thue se në te nuk janë 94% e popullsisë shqiptarë, edhe atëherë kur u ndertuan këto kisha. E po, lexoni mirë faktet e reja historike.

    Çështja e barikadave ishte një matje pulsi ku është Kosova, BE dhe SHBA?

Fakti në momentin aktual, që A. Vuçiq tha në Rashkë: “i hiqni barikadat, ishte argument se ai u ka thëni huliganëve serbian: “i veni barikadat”. Dhe këtij realiteti duhet venë përball një realitet tjetër, kuptohët nga kohërat tjera.Bje fjala, Hitleri më 1945 po të thoshte i https://www.youtube.com/watch?v=jRgIyhHnt18“hiqni kampet e përqendrimit”, askush nuk do t` ia falte krimin që kishte ndodhë, sepse, se ai ishte urdhërdhënësi i tyre.

 Madje, S. Millosheviqi më 1999 do të kritikohet nga kisha, dhe me 5 tetor 2001, do të largohet nga pushteti, jo pse beri krime në Kosovë, por pse nuk ua kreu detyrën kishës, partive dhe akadmisë nazifashiste serbiane, që t` i shfarosë shqiptarët e Kosovës në tërësi, ashtu si ishte paraparë me Konventën Jugosllavo-Turke me 11 korrik 1938, ashtu si u goditën Tito-Kyprili më 1953 në Split e aktualizuan pazarin për deportimin e shqiptarëve në Turqi. 

Dhe rrezultati ishte 24000 familje sllave kolonizohen në Kosovë me detyra UDBASHE, MILICË dhe NEPUNËSA të çdo lloji. 

Por mbi të gjitha 415000 shqiptarë deri më 1966 u shpërngulën në Anadolli, si pasojë e terrorit shtetëror serbian. Këto realitete sot nuk i dijnë diplomatët e SHBA-ve e as ata të BE-ës, prandaj. Po, nuk them që diplomatëve duhet mbajtur leksione nga historia, por ato kanë pasoja për neve, sepse kur po flasin bje fjala: Eskobar, Borel, Lajçak, në grimasat e tyre në fytyrë, po lexojmë se në trevat shqiptare sikur nuk ka ndodhë asgjë?!!!

        Okupimi i Kosovës nga Serbia dhe okupimi i një pjese të Ukrainës nga Rusia

 Serbia i ka okupuar 714 katune shqiptare të SanxhaKut të Nishit më 1877, për 28 ditë. 

Dhe atë realitet e pranoi Kongresi i Berlinit më 1878. 

Ndërsa, okupimi i Kosovës nga Serbia gjatë shekullit XX ka ngja tri herë: më 1912-1914; 1918-1941; 1945-1999. 

E në lidhje me këtë realitet, okupimin e parë (1912) dhe të tretë (1945) Serbisë ia kanë siguruar: Rusia,Franca dhe Anglia në Paris më 1946; kurse, okupimin e dytë Serbisë zgjëruar ia ka siguruar Franca dhe Anglia, më 1919 në Versaj.

Ukraina n` anën tjetër ishte shtet i pavarur, por që me “vetëdeshirë” pati hyrë në “komonvelltin” sovejtik, dhe e ruajti edhe antarësinë në OKB. Lidhur me këtë realitet të kurthuar, duhet të dihet se Serbia më tepër e don Rusinë, kurse Rusia më tepër e donë Bullgarinë. E pse është kështu? Sepse ky realitet është konceptuar më 15 janar 1877, në të ashtuquajturën Marrëveshjen e Bukureshtit, kur Rusia adhe Austro Hungaria e ndanë sferat e interesit në Ballkan.

Wjena e mori për detyrë ta ndihmojë Serbinë për  ta okupuar Kosovën. 

Ndërsa, Peterburgu e mori për detyrë ta ndihmojë Bullgarinë, në mënyrë që t` i afrohet Bosforit dhe Dardaneleve, për të dominuar në Stamboll dhe në tërë Ballkanin, krejtë me qellim që ta rikrijojë Romën e Dytë.

Tani shtrohet pyetja a ka ndryshuar gjeostrategjia e asaj kohe, përgjegja është se jo, sepse vetëm është ndryshuar një pjesë e akterëve, kurse Rusia ka mbetë rrezik konstant, herë hapur e herë heshtur, por interesi ka mbetë i pashkëputur. E mbi këto pozicione Serbia agresore dhe nazifashite nuk do të demokratizohet kurrë, pa e ndier në kurriz populli serbian pagesën e reaparacioneve, kuptohet se duhet paguhen dëmet e luftëtave që ia ka bërë Serbia duke i okupuar viset e hueja.

Të përfundoj. Kur i pyeta fëmijët gjerman si historian: a ka gabuar Hitleri 1939-1945, të gjitha, pa dallim u përgjegjën se PO!. 

Po kur i pyetja fëmijët serbian a ka gabuar Millosheviqi 1989-1999? Të gjithë pa dallim u përgjegjën JO. Pra, çka flasin fëmia, vepron edhe Vuçiqi, nëse i jipet shansa.

Unë mendoi se Serbia më 2023, duhet ta ndien atë peshë të fajit-krimit, që e ka ndier kombi gjerman më 1945. 

Ju kujtohet lexues të nderuar kur Helmut Koli thoshte se kam hanger sinap-bari, se ishim gjerman të shpallur me faj. 

Pa këtë katarzë që duhet ta ndiejnë në kurriz serbianët,nuk ka paqe në Ballkan. Serbia duet t` i paguaj dëmet e luftës.

 Pa këtë obligim që duhet ta kryej populli serbian, qetësi në Ballkan nuk do të ketë. 

E, UÇK ka bërë luftë REFLEKTUESE, për të siellë liri, barazi dhe dinjitet njerëzor, për çdo popull, kulturë, racë, rreligjion dhe komb në tërë Globin.

Më 8 janar 2023 Prishtinë