Dalin nga kafeneja ekipet e mediave që ishin të bllokuar nga protesta në Zveçan

 30 gazetarë, kameramanë dhe punëtorë të tjerë të mediave kanë dalë nga kafeneja ku ishin bllokuar pas tensioneve që u zhvilluan nga protesta e serbëve në Zveçan.

Në mesin e këtyre ekipeve ishte edhe i Klan Kosovës, gazetari Drin Demiri, nga vendi i ngjarjes ka treguar se ata kanë dalë jashtë të shoqëruar nga pronari i kafenesë.

Për bllokimin e pjesëtarëve të mediave ka reaguar edhe Xhemajl Rexha, kryetari i Asociacionit të Gazetarëve të Kosovës, i cili ishte bashkë me gazetarët e tjerë të bllokuar

Deklarata e fortë e DASH-it, ku lëshoheshin sinjale alarmi dhe dënoheshin veprimet e njëanshme të Kosovës, është tregues se është kaluar vija e kuqe nga kryeministri Albin Kurti.

 Eksperti i sigurisë në Shqipëri, Adrian Shtuni, ka folur lidhur me përshkallëzimet e tensioneve në veri të Kosovës.

Shtuni tha se deklarata e fortë e DASH-it, ku lëshoheshin sinjale alarmi dhe dënoheshin veprimet e njëanshme të Kosovës, është tregues se është kaluar vija e kuqe nga kryeministri Albin Kurti.

Eksperti theksoi se Kosovës në këto momente nuk i duhet një Oso Kukë, por një Ismail Qemali, pasi veprimet e njëanshme do të çonin në një izolim të plotë ndërkombëtarë.

“Në momentin që Antoni Blinken të thotë që dënojmë ashpër veprimet e qeverisë së Kosovës të cilët kanë përshkallëzuar në mënyrë të panevojshme tensionet në veri, duke minuar përpjekjet tona në normalizimin e marrëdhënieve ndërmjet Kosovës dhe Serbisë dhe kjo do të ketë pasoja për marrëdhëniet tona dypalëshe”.

“E dini çfarë do të thotë kjo? Kjo është përtej paralajmërimit! E dini sa rrallë përdor Departamenti i Shtetit, shprehje të tilla si “dënojmë ashpër veprimet e një qeverie”, në rastet kur Koreja e Veriut bën teste bërthamore. Kjo gjuhë mund të përdoret në takime private, por nëse bëhet një deklaratë publike e këtij toni, këtu ke kaluar një vijë të kuqe. Kjo deklaratë nuk është dërguar nga një organizatë ndërkombëtare apo nga ndonjë OJQ, por është dërguar nga Departamenti Amerikan i Shtetit. Pra këtu duhet t’I vihet gishti kokës. Kosovës nuk i duhet Oso Kuka, Kosovës i duhet Ismail Qemali. Kjo lloj mënyre të vepruari të çon te izolimi”, tha Shtuni për Euronews.

Ambasadori i Mbretërisë së Bashkuar në Kosovës, Nicholas Abbott, i ka cilësuar si kriminale dhe të papranueshme sulmet e protestuesve serbë ndaj personelit të KFOR-it dhe Gazetarëve në veri të Kosovës.

 

Sipas tij, duhet të ndërmerren veprime menjëherë për të de-përshkallëzuar dhe ulur tensionet, njofton Klan Kosova.

“Sulmet ndaj personelit të KFOR-it dhe gazetarëve janë kriminale dhe të papranueshme. Siç e ka bërë jashtëzakonisht të qartë QUINT – duhet të ndërmerren veprime menjëherë për të de-përshkallëzuar dhe ulur tensionet”.

Analisti politik, Gazmir Raci: Pjesëtarë të Wagner-it mund të jenë të përfshirë në sulmet ndaj KFOR-it (VIDEO)

 

45

Analisti politik, Gazmir Raci, ka thënë pjesëtarë të grupit famëkeq “Wagner”, mund të jenë të përfshirë në sulmet ndaj KFOR-it në veri të vendit.

Në emisionin Info Magazine në Klan Kosova, ai ka thënë se roli i Rusisë në veri të Kosovës është goxha i madh.

“Nëse Lavrov po planifikon përmes shërbimeve sekrete të Rusisë për të shpërthyer diçka, këta mund të shpërthejnë sepse këta janë ende prezentë”.

“Këtu është problemi që Kosova ka – ballafaqimi me Federatën Ruse në veri është goxha i madh dhe natyrisht që ndikimi rus vazhdon të jetë prezent edhe përmes atij grupit famëkeq Wagner që duket që me siguri ka edhe në mesin e këtyre protestuesve që po sulmojnë KFOR-in amerikan”.

Ministri i Jashtëm rus, Sergei Lavrov: Tensionet në Kosovë mund të çojnë në një shpërthim të madh në Evropë

 

• 

Ministri i Jashtëm rus, Sergei Lavrov ka komentuar situatën që është krijuar me komunat në veri të Kosovës.

Lavrov ka thënë se rritja e tensioneve në Kosovë mund të çojë në një “shpërthim të madh” në zemër të Evropës, shkruan Euronews, transmeton Klankosova.tv.

Duke folur me gazetarët të hënën, ministri i jashtëm rus tha se situata është “alarmante” dhe paralajmëroi për një shpërthim të madh në Ballkan.

Për shpërndarjen e protestuesve në Zveçan, ndërhyri misioni paqeruajtës i NATO-s, KFOR.

 

Pasi protestuesit serbë të mbledhur në Zveçan nisën përleshjen me ushtarët e misionit paqeruajtës të NATO-s, personat e maskuar dolën në rend të parë.

Siç shihet në disa pamje, personat e maskuar janë të janë vënë në sulm kundër ushtarëve të KFOR-it.

Disa prej tyre kanë hedhur gjësende në drejtim të pjesëtarëve të KFOR-it, ndërsa një prej tyre është parë duke goditur mbrojtëset e ushtarëve me shkop bejzbolli.

“Ju po shkaktoni trazira. Po e rrezikoni veten dhe komunitetin tuaj. Largohuni nga zona dhe shkoni në shtëpi – në të kundërtën, KFOR-i do të detyrohet të ndërhyjë”, ishte audio-paralajmërimi i KFOR-it.

Gaz lotsjellës, flakë dhe shtëllunga tymi kanë përfshirë zonën, ndërkohë që dëgjohen edhe sirena. 

Serbët e mbledhur përpara Komunës së Zveçanit, kanë nisur t’i largojnë pjesëtarët e KFOR-it.

Raportohet se është hedhur gaz lotsjellës, ndërsa pjesëtarët e KFOR-it kanë kërkuar që të lirohet rruga në mënyrë që veturat e Policisë së Kosovës të largohen prej aty, gjë që protestuesit kanë refuzuar.

Në pamje shihet teksa disa nga protestuesit hedhin edhe gurë në drejtim të ushtarëve të KFOR-it.

Protestuesit kanë kërkuar që të gjitha forcat speciale të Policisë së Kosovës të largohen nga objekti i komunës.

Flori Bruqi

Pas takimit QUINT -Kryeministri Albin Kurti dhe ambasadori amerikan Jeff Hovenier jep detaje se çka u bisedua

 

Ambasadori amerikan, Jeff Hovenier, pas takimit me Kryeministrin Albin Kurti, ka deklaruar se se folën për shtensionimin e situatës në veri të Kosovës.

Hovenier thotë se nuk mund të deklarojë se ka një marrëveshje me Kurtin se si duhet të ndodhë shtensionimi i situatës, megjithatë tregon kërkesën që ia kanë bërë Kurtit.

“Kemi marrëveshje se deeskalimi duhet të ndodhë, por nuk e di se a mund të them se ka marrëveshjes se si duhet të ndodhë ai. Çfarë mund të them është se çfarë SHBA-ja po kërkon është ajo se ne besojmë se nuk është e nevojshme për kryetarët e zgjedhur që të punojnë çdo ditë nga ato objekte [komuna]. Në fakt, ne rekomandojmë që për një afat të shkurtër, kjo të mos ndodhë”, ka thënë ai.

Hovenier, i pyetur për përgjigjen që mori nga Kryeministri Kurti, tha se nuk i takon atij të flasë në emër të shefit të Qeverisë, porse ai mund ta japë vetëm qëndrimin e SHBA-së.

Ai tutje ka thënë se siç është bërë betimi i kryetarëve të rinj shqiptarë të Leposaviqit, Zubin Potokut dhe Zveçanit në objekte alternative, duhet të vazhdojë edhe puna e tyre.

Në fund, ai i ka dënuar sulmet ndaj automjeteve zyrtare të KFOR-it, të Polciisë së Kosovës dhe të ekipeve mediale, si dhe sulmet ndaj gazetarëve.