Forcat serbe më adtën 29 mars 1999 ekzekutuan dhe i masakruan 49 shqiptar në fshatin Beleg të Deçanit

 

                                          Nga Flori Bruqi

Më 29 mars 1999 forcat serbe, ekzekutuan dhe masakruan 49 shqiptarë në fshatin Beleg të Deçanit. Ishte edhe kjo një hakmarrje mizore e forcave ushtarake e policore serbe kundër popullatës civile shqiptare, për shkak të bombardimeve të NATO-s. Një ditë para fillimit të bombardimeve të NATO-s, krerët kriminelë në Serbi, kishin paralajmëruar se në rast të fillimit të bombardimit do t’ i shfarosnin shqiptarët...

Në fshatin  Beleg të Deçanit, në pranverën e vitit 1999 forcat e shumta policore, ushtarake dhe paramilitare serbe vranë dhe masakruan 49 shqiptarë.

Sot e kësaj dite shumica dërmuese e të rënëve në masakër, mbesin ende të zhdukur.

Më datë 29 dhe 30 mars 1999, Belegu u pushtua nga njësitet paramilitare serbe që vranë në prag të shtëpisë para familjarëve: Nezir e Naim Vishajn si dhe mësuesin nga Irzniqi Daut Aliçkajn, më pastaj popullatën civile i mblodhën në një shtëpi në qendër të fshatit duke i maltretuar e kërcënuar se do të vriteshin. 

Në mëngjesin e 30 marsit 1999 forcat serbe, duke i rrahur e keqtrajtuar gra, fëmijë e pleq i kishin deportuar me forcë drejt Shqipërisë, ndërsa burrat e mbase disa ende pambushur të tetëmbëdhjetat i ndalën aty për t’i pushkatuar më vonë të gjithë, po ashtu me ditë të tëra i dhunuan dhe i mbajtën gratë e vajzat e reja të mbyllura. 

Ndonëse dihen emrat e krimineleve që vranë e masakruan banorët e fshatit Beleg, ende nuk ka ndonjë veprim konkret nga autoritetet serbe apo ato ndërkombëtare për dënimin e autorëve të krimit në Masakrën e Belegut.

Kjo është njëra prej masakrave më të mëdha të kryera nga forcat paramilitare serbe, të cilë më 1999 filluan një ofensivë të egër ndaj popullatës së Irzniqit dhe Belegut, një ditë pasi ata pësuan humbje nga Ushtria Çlirimtare e Kosovës.

Belegu është një fshat me histori të lashtë, shtrihet në pjesën perëndimore të Kosovës rreth 2 km në verilindje të Deçanit. 

Ashtu siç e dëshmojnë dokumentet arkivore,edhe pse jo të shumta në numër, mund të konsiderojmë se Belegu si lokalitet të populluar edhe pse me një popullsi shumë të vogël në krahasim me territorin dhe shtrirjen etij, e hasim në Krisobulën e Deçanit që në vitin 1330.

Ndonëse dihen emrat e krimineleve që vranë e masakruan banorët e fshatit Beleg, ende nuk ka ndonjë veprim konkret nga autoritetet serbe apo ato ndërkombëtare për dënimin e autorëve të krimit në Masakrën e Belegut.

 Drejtësia Ndërkombëtare nuk e ka bërë zbardhjen e autorëve të kësaj vepre gjenocide në luftën e fundit në Kosovë.

Edhe pse të mbijetuarit disa herë radhazi kanë dëshmuar në Gjykatën Ndërkombëtare të Drejtësisë në Hagë.

Të rënët në Masakrën e Belegut

 

Në masakrën e Belegut janë vrarë 46 civilë shqiptarë. Deri më tani, kur kanë kaluar plotë dy dekada nga momenti i këtij akti barbar i kryer nga forcat paramilitare serbe, janë të identifikuar këta persona:

• SHAQË (Curr) BINAKAJ
• HYSNI (Curr) BINAKAJ
• NEZIR (Ibish)VISHAJ
• NAIM (Daut) VISHAJ
• DAUT (Murat) ALIÇKAJ
• GËZIM (Selmon) VISHAJ
• JETMIR (Arif) MAZREKAJ
• QAZIM (Osë) HULAJ
• SADRI (Adem) ZUKAJ
• SHEFQET (Curr) BELEGU
• SHABAN (Haxhi) KADRIAJ
• ALI (Haxhi) KADRIAJ

Ndërsa, shumica e të rënëve në këtë masakër ende nuk janë gjetur. Dhe, ende nuk dihet se KU JANË:

• ZYMER (Miftar) BINAKAJ
• BRAHIM (Adem) ZUKAJ)
• HAMID (Dervish) ZUKAJ
• REXHEP (Lum) NEZIRAJ
• FATON (Hasan) VISHAJ
• FATMIR (Halil) VISHAJ
• RAMË (Shaban) KILAJ
• SADRI (Hajdar) VISHAJ
• MUJË (Isuf) VISHAJ
• MALË (Isuf) VISHAJ
• ZENEL (Ukë) VISHAJ
• HAZIR (Himë) ZUKAJ
• SHABAN (Ramë) NITAJ
• NEKË (Halil) BINAKAJ
• HAJDAR (Hamëz) MAZREKAJ
• ALI (Avdyl) MAZREKAJ
• BASHKIM (Lush) HADERGJONAJ
• AFRIM (Lush) HADERGJONAJ
• XHEVDET (Bajram) HADERGJONAJ
• MUHAMET (Bajram) HADERGJONAJ
• MEHMET (Halil) TOLAJ
• XHEVAT (Ukë) TOLAJ
• MISIN (Hajdin) TOLAJ
• ARIF (Haxhi) MAZREKAJ
• ISA (Tahir) TOLAJ
• SAHIT (Bekë) MAZREKAJ
• Hasan (Sahit) MAZREKAJ
• Sundim (Sahit) MAZREKAJ
• Naim (Hysen) TOLAJ
• Ragip (Osmon) MORINA
• Beqir (Idriz) DERVISHAJ
• Tafë (Bekë) DINAJ
• Smajl (Ramë) UKËHAXHAJ
• Haxhi (Shaban) KADRIAJ

Ushtria e Koresë Jugore ka kërkuar falje për lansimin e dështuar të një rakete, gjatë stërvitjeve ushtarake me Shtetet e Bashkuara.

 

Kjo nisje e raketës ka shkaktuar alarm në mesin e banorëve të qytetit bregdetar Gangneung, pasi ata kanë dëgjuar një shpërthim të madh.

Ushtria ka thënë se raketa Hyunmoo-2 ka bartur kokë bërthamore që nuk ka shpërthyer, prandaj ka kërkuar falje për shqetësimin e shkaktuar.

Mirëpo ushtria, e cila ka thënë se nuk ka pasur viktima, nuk e ka pranuar incidentin deri në orët e para të së mërkurës.

Lansimi i raketës ka qenë përgjigje ndaj Koresë Veriore, e cila ka lëshuar të martën një raketë mbi Japoni.

Kjo është hera e parë që Pheniani ka lëshuar raketë mbi Japoni prej vitit 2017 – dhe ka nxitur shpërfaqjen e forcës nga Shtetet e Bashkuara, Japonia dhe Koreja Jugore, të cilat kanë kryer stërvitje ushtarake.

Seuli dhe Uashingtoni ka nisur disa raketa në Detin Lindor – i njohur edhe si Deti i Japonisë – i cili gjendet në mes të Gadishullit Korean dhe Japonisë.

Ushtria jugkoreane ka konfirmuar më pas që një prej raketave ka dështuar pak pasi është nisur dhe më pas është përplasur.

Kjo nisje e raketës ka qenë hap i ndarë nga raketat e lëshuara prej SHBA-së.

Lansimi i raketës të martën është i pesti që është kryer nga Koreja Veriore brenda një jave.

Të shtunën, dy raketa kanë rënë në ujërat jashtë zonës ekonomike të Japonisë.

Shumë prej testimeve të Koresë Veriore kryhen në lartësi të mëdha, për të shmangur fluturimet mbi territoret e vendeve fqinje.

Testime të tilla kanë kontribuuar në rritje të tensioneve mes Koresë Veriore dhe Japonisë, që kanë rrënjët në kolonizimin e Koresë nga viti 1910 deri më 1945, si dhe rrëmbimin e qytetarëve japonezë nga verikoreanët, në të kaluarën.

Më herët gjatë këtij muaji, Koreja Veriore ka miratuar ligjin për shpallje të vetes si shtet me armë bërthamore.

Lideri i shtetit, Kim Jong-un, ka hedhur poshtë mundësinë e bisedimeve për çarmatosje.

Pheniani ka kryer gjashtë testime bërthamore në periudhën 2006-2017, pavarësisht sanksioneve.

Ky shtet në lindje të Azisë dënon vazhdimisht sanksionet dhe deklaron se sistemi bërthamor i duhet për qëllime të mbrojtjes

Putini mund të zhdukë të gjithë bregun lindor dhe perëndimor të SHBA, me vetëm 4 raketa.

 

1 QERSHOR 2022

Media shtetërore ruse ka lëshuar një kërcënim të ri bërthamor ndaj SHBA. Ata kanë thënë se Putini mund të zhdukë të gjithë bregun lindor dhe perëndimor të SHBA, me vetëm 4 raketa.

Alexei Zhuralev, anëtar i parlamentit rus, e ka lëshuar këtë kërcënim duke thënë se nuk do të mbetet asgjë nga gjiret e këtyre plazheve nëse përdoren armët bërthamore.

Zhuravlev më pas kërcënoi 2 milionë ukrainas me asgjësim, duke i përshkruar ata si nazistë ‘të pashërueshëm’ që nuk do të binden kurrë të mbështesin luftën e Rusisë.

“Ne mund të shkatërrojmë të gjithë Bregun Linor të SHBA me vetëm dy raketa bërthamore dhe dy të tjera o i përdorim për Bregun Perëndimor. Katër raketa dhe nuk do të mbetet asgjë. Mos iluziononi, të gjithë do të jenë mirë në rast të një lufte bërthamore.

Kremlini nuk e ka lëshuar ende një kërcënim të tillë, por Putin ka paralajmëruar se vendet që ‘ndërhyjnë’ në Ukrainë do të përballen me ‘pasoja të ndryshme nga që s’i ka parë bota më herët’.

Kjo nuk është hera e parë që media shtetërore ruse ka kërcënuar se do të zhdukë pjesë të mëdha të Ukrainës në të ashtuquajturin ‘operacion special ushtarak’ të Putinit, por ajo shton prova të tjera për atë që disa liderë botërorë e kanë përshkruar si ‘gjenocid’.

Rusia është tani në muajin e katërt të asaj që synohej të ishte një luftë njëditore në Ukrainë për të rrëzuar qeverinë dhe për të instaluar një regjim kukull miqësor ndaj Moskës.

Pasi dështoi në misionin e tij për të marrë kryeqytetin Kiev, Putini tani ka urdhëruar gjeneralët e tij të pushtonin rajonin lindor të Donbasit.

Kjo betejë ka dhënë njëfarë suksesi, me Mariupolin – një qytet port kyç në Detin Azov – që ra në duart e njerëzve të Putinit në fillim të këtij muaji.

Rusët nxjerrin armët bërthamore. – Deklarata e fortë: “Pas Ukrainës, radhën e ka…” … sekretarja e Jashtme britanike, paralajmëron se nëse nuk merren masa tani, pushtimi nuk përfundon në Ukrainë, por vjen deri në Ballkan.

Një tymnajë e madhe është krijuar në kufirin ruso-ukrainas pasi rusët kanë nxjerrë në terren armët bërthamore që thonë se i kanë për stërvitje, ndërsa Lis Truz, sekretarja e Jashtme britanike, paralajmëron se nëse nuk merren masa tani, pushtimi nuk përfundon në Ukrainë, por vjen deri në Ballkan.

Sipas Deutche Welles, separatistët që mbështeten nga Rusia kanë shtuar sulmet e tyre forcave ukrainase, por Kievi u ka dhënë urdhër trupave të veta që të mos kthejnë zjarrin për të mos i dhënë presidentit rus Vladimir Putin një justifikim për të nisur një pushtim.

Ndërsa paraqitet një situatë e rënduar në Lindje, presidenti rus Vladimir Putin dhe homologu i tij francez Emmanuel Macron kanë rënë dakord të marrin masa urgjente për të ndalur përshkallëzimin e konfliktit.

Ndërkohë, kryeministri britanik Boris Xhonson ka paralajmëruar se Moska po planifikon “luftën më të madhe në Evropë që prej vitit 1945”.

“Të gjitha shenjat janë se plani, në disa kuptime, tashmë ka filluar”, tha ai për BBC-në.

Sekretarja e jashtme britanike Liz Truz kishte edhe një paralajmërim për Ballkanin.

“Duhet ta ndalojmë Putinin, sepse ai nuk do të ndalet në Ukrainë. Ai ka qenë shumë i qartë – ambicia e tij nuk e çon vetëm në marrjen e kontrollit të Ukrainës, ai dëshiron ta kthejë kohën pas, në mesin e viteve 1990 apo edhe para kësaj”, tha ajo.

“Shtetet baltike janë në rrezik… edhe Ballkani Perëndimor. Putini i ka thënë të gjitha këto publikisht, se ai dëshiron të krijojë Rusinë e Madhe, se ai dëshiron të kthehet në situatën siç ishte më parë, ku Rusia kishte kontroll mbi zona të mëdha të Evropës Lindore. Mund të jetë Ukraina javën e ardhshme, por cili vend do të jetë më pas?” – ishte konstatimi i sekretares britanike.

Blogu i UdhëtaritPolitikaShoqerore “Rusia ka planifikuar luftën më të madhe në Europë që nga 1945”, intervista e Johnson në BBC: “Gjitha provat aty na çojnë” Kurt Farka on February 20, 2022 “Rusia ka planifikuar luftën më të madhe në Europë që nga 1945”, intervista e Johnson në BBC: “Gjitha provat aty na çojnë”

 

“Rusia ka planifikuar 

Kryeministri britanik Boris Johnson tha se Rusia po planifikon “luftën më të madhe në Evropë që nga viti 1945” dhe këtë sipas tij “janë të gjitha provat që e sugjerojnë”.

Në një intervistë për BBC, Johnson tha se Rusia synon të rrethojë Kievin, ndërsa shtoi se kostot njerëzore në rast lufte do të jetë e madhe.

“Të gjitha shenjat janë se plani tashmë në disa kuptime ka filluar. Inteligjenca tregon se Rusia synon të nisë një pushtim që do të rrethojë kryeqytetin ukrainas Kiev. Njerëzit duhet të kuptojnë koston e madhe në jetën njerëzore që mund të sjellë”, tha Johnson nga Mynihu, ku liderët botërorë po takohen për një konferencë vjetore të sigurisë.

Në rast lufte tha Johnson, Britani do të rriste sanksionet ndaj Rusisë “duke i bërë më të ashpra nga sa ishin sugjeruar më parë”.

Kryeministri tha se presidenti i SHBA Joe Biden u kishte thënë udhëheqësve perëndimorë të inteligjencës se forcat ruse nuk po planifikonin vetëm të hynin në Ukrainë nga lindja, nëpërmjet Donbasit, por nga Bjellorusia dhe zona përreth Kievit.

“Kam frikë të them se plani që ne po shohim është për diçka që mund të jetë me të vërtetë lufta më e madhe në Evropë që nga viti 1945 vetëm për sa i përket shkallës”, tha kryeministri.

Njerëzit duhet të konsiderojnë jo vetëm humbjen e mundshme të jetës së ukrainasve, por edhe të “rusëve të rinj”, shtoi ai.

Vlerësimet më të fundit nga qeveria amerikane thonë se janë rreth 200 mijë trupa ruse të vendosur përgjatë kufirit të Ukrainës, si në Rusi ashtu edhe në Bjellorusinë fqinje.

Zyrtarët perëndimorë kanë paralajmëruar javët e fundit se Rusia mund të përgatitet për të pushtuar në çdo kohë, por Rusia i ka mohuar pretendimet, duke thënë se trupat po kryejnë stërvitje ushtarake në rajon.

Për situatën e rënduar presidenti ukrainas Volodymyr Zelensky i bëri thirrje të shtunën Presidentit rus Vladimir Putin për një takim dhe për përpjekje për një zgjidhje të krizës, por nuk ka asnjë përgjigje nga Kremlini.

Britaninë e Madhe: – Jemi në gatishmëri, armët me rreze të gjatë veprimi…

 

Rusia kërcënon 

Rusia ka kërcënuar Britaninë e Madhe në lidhje me deklaratat e bëra nga ministri i forcave të armatosura, se do të mbështeste Ukrainën, nëse vendoste të sulmonte Moskën.

Ministria ruse e mbrojtjes ka paralajmëruar për një “përgjigje proporcionale” të menjëhershme nëse Britania vazhdon “provokimin e drejtpërdrejtë” për të goditur objektivat në Rusi, raporton Reuters.

Ministria citoi deklaratat e ministrit James Heappey, që thoshte se Britania mbështet trupat ukrainase që kryejnë sulme në territorin rus. Duke folur më herët sot, Heappey tha se “nuk është domosdoshmërisht problem” nëse Ukraina përdor armë të dhuruara nga Britania.

Ministria e Mbrojtjes e Rusisë tha:

Ne dëshirojmë të nënvizojmë se provokimi i drejtpërdrejtë i regjimit të Kievit nga Londra në veprime të tilla, nëse veprime të tilla kryhen, do të çojë menjëherë në reagimin tonë proporcional.

Siç kemi paralajmëruar, Forcat e Armatosura Ruse janë në gatishmëri gjatë gjithë orarit për të nisur sulme hakmarrëse me armë me precizion të lartë me rreze të gjatë veprimi në qendrat vendimmarrëse në Kiev.

Ministria shtoi se nëse do të kryheshin sulme të tilla ruse, nuk do të ishte domosdoshmërisht problem nëse përfaqësuesit e një vendi të caktuar perëndimor do të ndodheshin në ato “qendra vendimmarrëse” në Kiev.

“Jeni një ishull aq i vogël sa…”, televizioni rus kërcënon Britaninë: – Mjafton një raketë që të fundoseni përgjithmonë

Televizioni shtetëror rus ka lëshuar një paralajmërim të frikshëm se Moska mund të zhdukë Britaninë me një “cunami bërthamor”, në shenjë hakmarrjeje për mbështetjen e Ukrainës.

Sipas “The Times” në emisionin e tij primetime të së dielës në mbrëmje, spikeri i Kanalit Një, Dmitry Kiselyov tha se një goditje nga droni nënujor bërthamor rus Poseidon mund ta kthejë Britaninë në një shkreti duke e mbytur vendin në një valë baticore 500 metra të ujit radioaktiv të detit.

“Shpërthimi i kësaj torpedo termonukleare nga bregdeti i Britanisë do të shkaktojë një valë gjigante cunami. Duke kaluar mbi Ishujt Britanikë, ajo do të kthejë çdo gjë që mund të mbetet prej tyre në një djerrinë radioaktive.

Komentet erdhën si përgjigje ndaj thirrjeve të Boris Johnson , kryeministrit dhe Liz Truss , sekretares së Jashtme, për të rritur ndihmën ushtarake perëndimore për Ukrainën për të ndihmuar vendin të mbrohej nga ofensiva e Rusisë, e cila filloi në shkurt.

“Në fakt duket sikur ata janë duke u përgjumur në Ishujt Britanikë”, tha Kiselyov. “Pse të kërcënoni Rusinë e pafund me armë bërthamore kur jeni në një ishull që, e dini, është kaq i vogël? Ishulli është aq i vogël sa që mjafton vetëm një raketë Sarmat për ta fundosur një herë e përgjithmonë”, shtoi Kiselyov, duke qëndruar pranë një grafike të krijuar nga kompjuteri që tregon një raketë bërthamore që udhëton nga Rusia në Britani.

Rusia njoftoi muajin e kaluar se kishte testuar me sukses raketën balistike ndërkontinentale Sarmat – të quajtur “Satan 2” nga analistët perëndimorë – në veri të vendit. Presidenti Putin tha se raketa, e cila mund të mbajë koka bërthamore, do t’i bënte armiqtë e Rusisë të “mendojnë dy herë” përpara se të kërcënojnë Moskën.

Ishte një kohë kur televizioni shtetëror rus duke transmetuar kërcënime të hapura për sulm bërthamor ndaj Perëndimit do të kishte ardhur si një tronditje, por që kur Moska filloi sulmin e saj ndaj Ukrainës , ato janë bërë të zakonshme.

Media shtetërore ka luajtur një rol kyç në justifikimin e pushtimit të Ukrainës nga Moska për publikun rus, duke e cilësuar luftën si një betejë ekzistenciale me Perëndimin dhe “nazistët” e supozuar që drejtojnë Ukrainën.

Retorika e saj ka vazhduar të nxehet pasi fushata ushtarake ka mbetur prapa pritshmërive të Kremlinit përballë rezistencës së ashpër të Ukrainës dhe dërgesave masive të armëve perëndimore në Kiev.

Në javët e fundit, televizioni shtetëror e ka përshkruar gjithnjë e më shumë ofensivën e Ukrainës si jo vetëm si një luftë midis Rusisë dhe Evropës, por si një konflikt më të gjerë midis Rusisë dhe gjithë botës, i ngjashëm me një luftë të tretë botërore – një që ata pretendojnë se do të justifikonte përdorimin e armëve bërthamore.