BE reagon për ndalimin e mbi 300 qytetarëve të Kosovës: Serbia ka shkelur marrëveshjen për lëvizjen e lirë.Turpi i Evropës, Pse e përkrahë Serbinë e Millosheviqit ?

 

  

Bashkimi Evropian është i informuar për rastin e ndaljes së udhëtarëve dhe autobusëve nga Kosova nga autoritetet e Serbisë dhe është duke ndjekur situatën për së afërmi.

Në këtë rast BE-ja konstaton se Serbia është duke e shkelur marrëveshjen për lirinë e lëvizjes.

Këtë e ka thënë për Radion Evropa e Lirë, Peter Stano, zëdhënës i BE-së për politikë të jashtme dhe të sigurisë, duke iu përgjigjur pyetjeve rreth këtij rasti që ka nxitur reagime të ashpra nga Kosova.

“Ne jemi në dijeni për situatën dhe po e përcjellim për së afërmi. Marrëveshja për lirinë e lëvizjes e arritur në kuadër të dialogut të lehtësuar nga BE-ja, cakton parametrat e qartë rreth hyrjes dhe daljes së qytetarëve të Kosovës në dhe nga Serbia. Situata momentale paraqet shkelje të kësaj marrëveshjeje”, ka deklaruar Stano.

Ai shtoi se BE-ja “fton Serbinë që të përmbahet nga veprimet e tilla unilaterale dhe të pakoordinuara dhe menjëherë t’i kthehet respektimit të marrëveshjes“.

Autoritetet serbe të mërkurën kanë ndaluar autobusë me udhëtarë nga Kosova, në kufijtë me Kroacinë dhe Hungarinë, si “shenjë hakmarrjeje ndaj mbështetjes nga Asambleja Parlamentare e Këshillit të Evropës për anëtarësimin e Kosovës në këtë organizatë”. Kështu thanë autoritetet në Prishtinë, të cilat u bënë thirrje qytetarëve të Kosovës që të shmangin “me çdo kusht” kalimin nëpër Serbi, shtet në të cilin që nga mesnata, kosovarëve u është vështirësuar qarkullimi.

Stano ka përsëritur thirrjen për të dyja palët që të respektojnë obligimet nga dialogu.

“Presim nga palët që në tërësi të zbatojnë detyrimet e tyre nga dialogu, të cilat janë obliguese dhe të vlefshme. Ne, po ashtu, presim nga palët që të sigurojnë një ambient të përshtatshëm për dialog në mënyrë që të shmanget çfarëdo veprimi i cili mund të rrezikoj sigurinë dhe stabilitetin“, thuhet në reagimin e BE-së.

Çështja e lëvizjes është e rregulluar me Marrëveshjen për lirinë e lëvizjes që Kosova dhe Serbia arritën më 2011 në Bruksel. Në këtë marrëveshje thuhet se “qytetarët (me vendbanime të përhershme) të të dyja palëve duhet të kenë mundësi të udhëtojnë lirshëm brenda ose përmes territorit të njëra-tjetrës dhe në pikat kufitare të qarkullojnë vetëm me letërnjoftim”.

Më herët gjatë ditës, Ministria e Punëve të Jashtme dhe Diasporës dhe Ministria e Punëve të Brendshme e Kosovës u kërkuan qytetarëve që të mos kalojnë përmes Serbisë “pas situatës së krijuar në pikat kufitare në Serbi dhe ndaljes arbitrare të qytetarëve të Kosovës në vendkalime kufitare”.

“Të gjithë udhëtarët luten që të ndjekin me vëmendje situatën e tensionuar të sigurisë dhe të mos udhëtojnë përmes Serbisë”, u tha në njoftimin e përbashkët të MPJD-së dhe MPB-së.

Ndërkaq, MPJD-ja përmes një njoftimi të ndarë për media, tha se pak orë pasi në Asamblenë Parlamentare të Këshillit të Evropës më 16 prill u mbështet anëtarësimi i Kosovës, institucionet janë njoftuar se në pikën kufitare të Serbisë me Kroacinë në Batrovci, autobusët e Kosovës, që po kalonin transit, janë ndaluar nga autoritetet kufitare serbe. Po ashtu, e njëjta situatë është edhe në pikëkalimin në Shid.

“Qytetarët e Kosovës që po vinin në drejtim të Kosovës janë ndaluar edhe në kufirin me Hungarinë, në pikën kufitare në Suboticë, te vendkalimi kufitar Dheu i Bardhë [që lidh Kosovën me Serbinë] dhe nuk po lejohen as të lëvizin përpara dhe as të kthehen pas”, tha MPJD-ja.

Kjo ministri tha se udhëtarëve u janë marrë dokumentet personale, si dhe ato të autobusëve.

“Po ashtu, disa prej tyre janë marrë dhe po vazhdojnë të merren në pyetje”, u tha në njoftim.
Paraprakisht sekretari i Zyrës Ndërlidhëse të Kosovës në Beograd, Fatmir Haxholli, përmes një postimi në Facebook, tha se në Batrovci janë ndaluar të paktën katër autobusë, me “mbi 300 udhëtarë nga Kosova”.

Kryeministri i Kosovës, Albin Kurti, e cilësoi si “shkelje të rëndë të të drejtave të njeriut” ndalimin në territorin e Serbisë të shtetasve të Kosovës, të cilët, “janë privuar nga ushqimi dhe ilaçet”.

Ndryshe, më 16 prill, në Asamblenë Parlamentare u miratua rekomandimi për pranimin e Kosovës në Këshillin e Evropës. Çështja tani do të dërgohet te Këshilli i Ministrave, që takohet në maj, organ që jep përgjigjen përfundimtare për anëtarësimin e një shteti në këtë organizatë.

Serbia kundërshton anëtarësimin e Kosovës në Këshillin e Evropës dhe ministri i Punëve të Jashtme të Serbisë, Ivica Daçiq, deklaroi pas votimit se shteti i tij do të vazhdojë luftën “me të gjitha forcat” që vendimi të mos miratohet në mbledhjen e ministrave të Jashtëm të Këshillit të Evropës më 16 maj.

Edhe në të kaluarën, qytetarët të Kosovës që kalojnë përmes Serbisë kanë hasur në probleme, me disa prej tyre që janë arrestuar nga autoritetet serbe nën dyshimet për krime lufte.

E inatosur me Heidin, “shpërthen” Françeska! Përplas gotën në tokë: U bë fytyra e asaj, kush mendon se është?/ Juli: Më vrave te veshi (Video)

 EGLI, banore e Big Brother VIP  Albania, është TURPI i Shqiptarisë !

  

Mbrëmja e kaluar në shtëpinë e Big Brother VIP nuk ishte aspak e qetë, me debate të nxehta. Françeska, e inatosur me Heidin, teksa qëndronte në oborr përplasi gotën në tokë. 

Françeska: U bë fytyra e kësaj… (hedh gotën) Dua të dal.

Juli: Çfarë ke

Françeska: U bë fytyra e saj të më thotë më ke bërë obsession… Kush dreqin mendon se është?

 “Ato janë loser. Nuk mundem! Nuk mundem me këto aktrime. Ajo më këput mua fjalë në çdo cep të shtëpisë. Provokime psikologjike 24 në 24. Unë e kam atë obsession? Fytyra e asaj, nuk dua ta shoh më. Më thotë mua ajo më thotë ke obsession. U bënë ato të më thonë kështu. Unë nuk kam ardhur të jem spektatorja e askujt. Për çfarë kam lënë unë fëmijën time? Që të jem spektatorja e atyre?”, u shpreh ajo në një bisedë me Meritonin. 

Zbulohet vrima e dytë e zezë më e madhja në Rrugën e Qumështit

 

Astronomët kanë zbuluar një vrimë të zezë me një masë rreth 33 herë më të madhe se ajo e Diellit, më e madhja që gjendet në galaktikën tonë të njohur si “Rruga e Qumështit”. Një vrimë tjetër e zezë, supermasive, gjendet në qendër të galaktikës sonë.

Vrima e zezë e sapo identifikuar ndodhet rreth 2000 vite dritë nga Toka, relativisht afër në aspektin kozmik, në konstelacionin Aquila dhe ka një yll shoqërues që rrotullohet rreth saj, thanë studiuesit të martën. Një vit dritë është distanca që përshkon drita gjatë një viti, rreth 9.5 trilion km.

Vrimat e zeza janë pjesë e hapësirës në univers ku graviteti është aq i fuqishëm sa edhe drita nuk mund të shpëtojë, çka e bën të vështirë zbulimin e tyre. Kjo vrimë e zezë u identifikua përmes vëzhgimeve të bëra nga misioni Gaia i Agjencisë Evropiane të Hapësirës, pasi shkaktoi lëkundjen e yllit që e shoqëron atë. Misioni Gaia po harton një regjistër madhore.

Për verifikimin e masës së vrimës së zezë u përdorën të dhëna nga teleskopi shumë i madh i Observatorit Evropian Jugor me bazë në Kili dhe observatorë të tjerë tokësorë.

“Kjo vrimë e zezë nuk është vetëm shumë masive, por edhe shumë e veçantë në shumë aspekte. Në të vërtetë është diçka që kurr nuk e prisnim ta zbulonim”, thotë Pasquale Panuzzo, inxhinier kërkimor në agjencinë franceze të hulumtimeve CNRS, që punon në Observatorin e Parisit. Ai është autori kryesor i studimit të botuar në revistën “Astronomy & Astrophysics”.

Një nga veçoritë është se vrima e zezë, e quajtur Gaia BH3, dhe ylli i saj shoqërues po udhëtojnë brenda galaktikës në drejtim të kundërt të mënyrës se si yjet sillen zakonisht në orbitat e tyre në Rrugën e Qumështit.

Gaia BH3 ndoshta u formua pas shpërbërjes së një ylli që ishte rreth 40 herë më masiv se dielli, thanë studiuesit. Vrimat e zeza që formohen nga shpërbërja e një ylli të vetëm quhen vrima të zeza yjore. Gaia BH3 është vrima e zezë yjore më e madhe që njihet deri tani, sipas astronomit dhe bashkautorit të studimit Tsevi Mazeh nga Universiteti i Tel Avivit në Izrael.

Kur ylli në fjalë shpërtheu në fund të jetëgjatësisë së tij, fenomen që njihet si supernova, një pjesë e materialeve përbërëse u përhapën në hapësirë, ndërsa pjesa e mbetur shpërtheu dhunshëm duke krijuar vrimën e zezë. Universi mendohet se ka një moshë prej 13.7 miliardë vitesh.

Ylli shoqërues i vrimës së zezë, Gaia BH3, është po aq i vjetër sa ylli tjetër që shpërtheu dhe është rreth 76% e masës së diellit dhe pak më i ftohtë, por ka një ndriçim rreth 10 herë më të lartë.

Ylli rrotullohet rreth vrimës së zezë në një orbitë eliptike në një distancë rreth 4.5 herë të madhe se ajo midis Tokës dhe Diellit, matje që quhet si njësi astronomike, shkurtimisht AU dhe 29AU. Për krahasim, Jupiteri rrotullohet rreth pesë AU nga dielli dhe Neptuni rreth 30 AU.

“Zbulimi befasues për mua ishte fakti se përbërja kimike e këtij ylli shoqërues nuk tregon asgjë të veçantë, kështu që nuk u ndikua nga shpërthimi i supernovës së vrimës së zezë”, tha astronomia dhe bashkëautorja e studimit Elisabetta Caffau, e cila punon me Observatorin e Parisit.

Shkencëtarët nuk janë të sigurt se sa të mëdha mund të jenë vrimat e zeza yjore. “Masa maksimale e një vrime të zezë yjore është çështje e debatit aktiv shkencor”, tha shkencëtari Panuzzo.

Kërcënimet dhe fyerjet e Metës ndaj kreut të SPAK, reagon BE: Sulmet apo intimidimet ndaj gjyqtarëve dhe prokurorëve, nuk kanë vend në demokraci

Bashkimi Europian ka reaguar për akuzat që kryetari i Partisë së Lirisë, Ilir Meta ka bërë së fundmi ndaj kreut të SPAK, Altin Dumanit.

Në reagimin e bërë në rrjetin social “X”, BE thekson se sulmet ndaj prokurorëve apo gjyqtarëve, nuk kanë vend në demokraci. Gjithashtu, Bashkimi Europian mbështet deklaratën e Këshillit të Lartë të Prokurorisë duke i cilësuar sit ë papranueshme akuzat e bëra ndaj Prokurorisë së Posaçme.

Reagimi i plotë i BE:

Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim dënimin e Këshillit të Lartë të Prokurorisë të deklaratave të fundit të papranueshme publike të drejtuara kundër SPAK.

BE qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar.

Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim dënimin e Këshillit të Lartë të Prokurorisë të deklaratave të fundit të papranueshme publike të drejtuara kundër SPAK.

 

El Nino ka përfunduar! Shkencëtarët të shqetësuar për të ardhmen: Ajo çfarë do ndodhë… Priten stuhi dhe uragane

 

  

Ngjarja e fuqishme e motit El Niño, e cila së bashku me ndryshimet klimatike ka ndihmuar në shtyrjen e temperaturave globale në nivele të reja, ka përfunduar, thonë shkencëtarët.

Byroja Australiane e Meteorologjisë thotë se Oqeani Paqësor është “ftohur ndjeshëm” javën e kaluar. Ky episod i natyrshëm që filloi qershorin e kaluar solli ujëra më të ngrohta në sipërfaqen e Paqësorit, duke shtuar nxehtësi shtesë në atmosferë.

Por ajo që do të ndodhë më pas është e pasigurt, thonë studiuesit. Një varg rekordesh të fundit mujore globale të temperaturave të larta ka bërë që disa shkencëtarë të frikësohen se bota mund të jetë duke u kthyer në një fazë të re të ndryshimit edhe më të shpejtë të klimës.

Shkencëtarët thonë se muajt pas përfundimit të El Niño do të japin një tregues të fortë nëse temperaturat e larta të fundit janë për shkak të ndryshimeve të përshpejtuara klimatike apo jo.

Çdo disa vjet, fillimi i El Niño sjell ndryshime dramatike të motit në shumë pjesë të botës. Rritja e ujit të ngrohtë që del në sipërfaqe në brigjet e Perusë në Amerikën e Jugut është e lidhur me thatësirat dhe përmbytjet në pjesë të ndryshme të botës. Emri i plotë i modelit është El Niño-Southern Oscillation ose ENSO.

Ai karakterizohet nga tre faza të ndryshme, El Niño i nxehtë, kushte neutrale ose një periudhë më e ftohtë e quajtur La Niña.

Ky El Niño aktual u shpall qershorin e kaluar dhe arriti kulmin në dhjetor. Uji më i ngrohtë që rezulton në Paqësor ka ndihmuar në shtyrjen e temperaturave mesatare globale në nivele të larta, me muajin mars që ka bërë dhjetë muaj rresht për të thyer rekordin për atë periudhë.

Por tani, ndoshta më shpejt se sa pritej, El Niño është zhdukur. Pyetja kritike është se çfarë ndodh më pas dhe për këtë shkencëtarët janë të ndarë. Studiuesit amerikanë kohët e fundit thanë se kishte 60% mundësi që një La Niña të zhvillohej midis qershorit-gushtit dhe një shans 85% që kjo të ndodhte deri në vjeshtë.

Por Byroja Australiane thotë se deklarata të tilla të trajtohen me kujdes. Ata presin që kushtet neutrale të zgjasin të paktën deri në korrik. Ata tregojnë për gjendjen aktuale të nxehtë të oqeaneve globale që ata besojnë se po ndikon në ENSO.

“Meqenëse kushtet aktuale globale të oqeanit nuk janë vëzhguar më parë, konkluzionet se si mund të zhvillohet ENSO në vitin 2024 që bazohen në ngjarjet e së kaluarës mund të mos jenë të besueshme,” thanë ata në një deklaratë.

Nëse formohet një La Niña ka vërtet rëndësi, thonë studiuesit. Mund të ketë një ndikim të rëndësishëm në stuhitë dhe uraganet, me disa ekspertë që parashikojnë se nëse La Niña arrin, do të paralajmëronte një sezon shumë aktiv uraganesh në Atlantik.

Efekti ftohës i La Niña-s gjithashtu mund të ngadalësojë pak shpejtësinë e ngrohjes globale. Kjo mund të tregojë se temperaturat rekord të përjetuara gjatë vitit të kaluar ishin diçka si një mister dhe jo dëshmi se bota ka kaluar në një fazë më të shpejtë të ngrohjes.

Von Cramon , raportuesja për Kosovën në Parlamentin Evropian,thirrje Beogradit: – Ndaloni së turpëruari veten!

Viola von Cramon, raportuesja për Kosovën në Parlamentin Evropian, ka reaguar në lidhje me bllokimin e autobusëve nga Serbia në kufirin me Kroacinë.

Me anë të një postimi në rrjetin social “X”, Von Cramon shtoi se Serbia duhet të ndalojë së turpëruari veten dhe duhet të lejojë menjëherë kalimin e qytetarëve që kanë pasaportën e Kosovës.

“Serbia duhet të ndalojë së turpëruari veten dhe t’i lërë qytetarët që posedojnë letërnjoftimin/pasaportën e Kosovës të kalojnë menjëherë kufirin! Duhet të sigurohet liria e lëvizjes së të gjithëve, pa diskriminim në bazë të kombësisë”, ka shkruar Cramon “X”.

Një hap i tillë nga Serbia vjen pasi ditën e djeshme në Asamblenë e Këshillit të Europës u votua pro anëtarësimit të Kosovës në KiE.

Vota e deputetëve të Giorgia Melonit kundër Kosovës në KiE.

 

Vota e deputetëve të 

Kryedemokrati Lulzim Basha është shprehur se nuk priste që deputetë të Partisë së kryeministres së Italisë, Giorgia Melonit, të votonin kundër anëtarësimit të Kosovës në KiE në Asamblenë Parlamentare.

Komentet Basha i bëri në një intervistë televizive, ku tha se vota kundër e Fratelli D’Italia ishte një surprizë, por shtoi se deputetë të partive të tjera italiane bënë gjënë e duhur, duke votuar pro Kosovës.

Ai tha se duhet të vijojë puna edhe në Komitetin e Ministrave të Këshillit të Europës në maj, që të “vuloset” anëtarësimi i Kosovës në KiE.

“Te surprizat e pakëndshme disa prej kolegëve të Fratelli D’Italia (partia e Melonit) kishin marrë një drejtim, por nuk prismin që ata të ishin aq aktiv dhe të votonin kundër anëtarësimit të Kosovës në KiE. Falë bashkëpunimit të susksesshëm me faktorët e tjerë të Itanisë, që bashkuan votën për Kosovën në KiE.

Edhe Partia Popullore Europiane bëri punën e vetë. Kemi një parathënie të gjërave që na presin në Komitetin e Ministrave, që mendoj se aparati politik i Kosovës di ti lexojë mirë, për atë që e pret në vendimmarrjen finale atje. Përpjekja për t’i diskutuar të gjitha në të gjitha forumet, nuk është e frytshme”, tha Basha.