SHBA sanksionon firmat serbe dhe malazeze për shkak të mbështetjes të luftës së Rusisë

Shtetet e Bashkuara kanë vendosur sanksione ndaj kompanisë serbe, Ventrade, dhe ndaj International Business Corporation Bar (IBC), me bazë në Mal të Zi, për shkak të eksportimit të mallrave me përdorim të dyfishtë në Rusi, të cilat mund të përdoren në industrinë e mbrojtjes.

 Zyra amerikane për Kontrollin e Aseteve të Huaja (OFAC) tha përmes një deklarate se Ventrade i ka shitur Rusisë radio të kategorisë ushtarake, ndërkaq IBC ka transferuar pajisje të përpunimit dhe kushineta të topave te kompanitë ruse, përfshirë te një kompani që është nën sanksione amerikane. Sipas të dhënave të tregtisë të kompanisë Ventrade, kompani e themeluar në prill të vitit 2022, pak pasi Rusia nisi pushtimin e Ukrainës, kjo firmë eksportoi radio në Rusi në vlerë prej 570.000 dollarësh. Këto eksporte ishin bërë në periudhën shtator 2022 deri në qershor 2023 përmes Gjermanisë, Malajzisë, Austrisë, Kinës dhe Meksikës. Që nga viti 2021, IBC është në pronësi të shtetasit rus me bazë në Mal të Zi, Sergei Kokorev, dhe kjo kompani ka rritur fitimet më 2023 me rreth 1 milion dollarë. Pesë firma të tjera serbe – MCI Trading, Kominvex, Goodforwarding, Soha Info dhe TR Industries – po ashtu veçse janë nën sanksione nga OFAC për shkak të bashkëpunimit me Rusinë. Mali i Zi ka vendosur sanksione ndaj Rusisë, pasi Moska nisi pushtimin e Ukrainës në shkurt të vitit 2022. Ndërkaq Serbia, pavarësisht se është shtet kandidat për anëtarësim në Bashkimin Evropian, nuk i është bashkuar sanksioneve të bllokut evropian kundër Rusisë.

Protestuesi e goditi me kos dhe vezë/ Çupi: Beleri është agjent grek i futur në Shqipëri, ja si janë marrëdhëniet mes dy shteteve tani

Eurodeputeti Fredi Beleri u godit me vezë dhe me kos nga një protestues pasi doli nga Kryesia e Kuvendit. 

sched

Lidhur me këtë analisti Frrok Çupi tha në emisionin “Real Story” në ABC News, se ky gjest u bë pasi Beleri është njeri që ka vrarë dhe është shpallur hasmi i shqiptarëve. Ai theksoi se Beleri është agjent grek i futur në Shqipëri me qëllim që të caktojë një konflikt. “Drejtësia është tjetër gjë, është krejtësisht ajrore, nëse ti je individ si mund të bëhesh ballë për ballë me drejtësinë. Problemi është ky, vetë dialogu i Majkos e ka mbyllur krejt këtë çështje. Që kur ka nisur çështja Beleri është diçka e mbyllur, por sot ne kemi disa përfundime. Kjo çështje ka mbyllur shumëçka këtu në Ballkan, ka prodhuar disa vlera. E para, në radhë të parë ka prodhuar faktin se një ish shtet i BE që kishte fqinj Shqipërinë, që tentoi të mos lejoi hapjen e negociatave nuk e arriti dot. Që do të thotë se BE pas qendrimit krejt demokratik të qeverisë shqiptare ndërhyri deri dhe për heqjen e vetos, deri për zbutjen e statusit të VETOS. Kjo është një çështje ballkanike. Në Ballkan kështu ka ndodhur historikisht që dikush ka futur shkopinjtë në rrotat e tjetrit, Beleri padyshim që është agjent grek, është i futur në Shqipëri me qëllim që të ngacmojë një gjë, të caktojë një konflikt. Megjithatë, sot ne kemi një situatë ku Greqia dhe Shqipëria nuk kanë asnjë problem, domethënë nuk u shpall lufta e kuqe dhe as lufta e ftohtë, do të thotë që ne marrëdhëniet me Greqinë i kemi thuajse të normalizuara”. Më tej, i pyetur nga gazetari Sokol Balla lidhur me marrëdhëniet Shqipëri-Greqi, Çupi deklaroi se janë normalizuar dhe kjo vihet re dhe te vizita që kryeministri Edi Rama do të bëjë në Selanik, pas asaj në Athinë. “Në kolonat e veta, politika shqiptare me Greqinë nuk ka pësuar asnjë goditje. Tani jemi te ata që ishim. Jemi në të njëjtat raporte, presim që për pak ditë kryeministri i Shqipërisë të shkojë në Selanik për të takuar shqiptarët siç i takoi në Athinë. Do të thotë që nuk funksionoi projekti dhe unë mendoj që ishte një projekt për të shkaktuar trazira në Shqipëri dhe një luftë të ftohtë në Ballkan. Po ju garantoj që po të kishte ndodhur diku tjetër, ose mes dy shteteve të tjera, askush nuk do ta zgjidhte si qeveria shqiptare në mënyrë aq të denjë dhe aq paqësore. Nuk do ta zgjidhte siç e ka zgjidhur me Shkupin, apo me Serbinë. Ky është një produkt fantastik i asaj çështje që ne kaluam. Mendohet sikur është një skandal që ndodhi në Bulevard, por e gjithë situata ishte një ngacmim siç bëjmë mistrecët zakonisht, pasi zihen mbrapa pallatit, vjen dikush dhe të ngacmon. Ky ishte roli i Belerit, por e vuri situatën para një gjëje, që o do kryej ajo, o do gjuhej me kos dhe me vezë, o publiku shqiptar do të ishte një njeri i padenjë për të pritur një njëri, që realisht ka fyer shumë rëndë simbolet e kombit, që realisht është akuzuar shumë rëndë që ka vrarë oficerë, është i akuzuar dhe i dënuar për vjedhje votash. Prej kësaj vjen një vlerë shumë e madhe, që normalisht patriot do të veprojnë, por vepruan në një mënyrë elegante. Ai u gjuajt si një njeri që ka vrarë, si një agjent i Shqipërisë dhe kjo dëshmoi dhe një herë në vëmendjen e BE, nuk mund të dërgosh në Shqipëri një njëri që është i shpallur hasmi i shqiptarëve”.

Për Shqipërinë dhe Kosovën Trump nuk është gogoli! Përkundrazi, Sorosi është rrënuesi ynë!

Po në Kosovë? Ka një kakofoni dhe Donald Trump na paraqitet si gogol për shtetësinë e saj. 

                              Shkruan Prof.dr.Enver Bytyçi

Sikur ai me një lëvizje të gishtit do të vendosë që Kosova t’i japë territore Serbisë. Miku im, Milaim Nela, ka shkruar se zgjedhja e Donald Trump është katastrofë për Kosovën, ndërsa zgjedhja e Kamelas është katastrofë për Shqipërinë. Ndërkaq sondazhet e Gallup tregojnë se Harris është e preferuara e evropianëve perëndimore, përfshirë edhe shqiptarët e Kosovës, 59 përqind prej të cilëve thonë se do të donin Harris dhe 27 përqind Trump në Shtëpinë e Bardhë. Në Serbi ndodh e kundërta. Ata do të donin Trump si president të SHBA-ve. Por presidentin amerikan nuk e zgjedhin europianët. As rusët e kinezët. Amerika nuk është si Shqipëria, një narco-shtet, vullnetin e së cilës e dikton mafia. Shpesh herë besoj edhe unë të njëjtën gjë si Mlilaim Nela. Por më duhet që të jap dhe interpretim tjetër. Se fitorja e demokratëve sjell katastrofë për Shqipërinë, kjo është e provuar tashmë në 11 vite të qeverisjes së kreut të narco-shtetit shqiptar dhe rilindjes së tij. Këtu ka plotësisht të drejtë miku im, Nela. Mbështetja që Shtëpia e Bardhë e sidomos DASH i Sorosit në SHBA i ka dhënë Edi Ramës është vërtetë shkatërrimtare jo vetëm për lirinë e demokracinë, por edhe për ekzistencën e shqiptarëve. Shpopullimi është pasoja e shuarjes së kombit shqiptar në kohën e Ripjerdhjes socialiste dhe kjo vazhdon të ndodh me mbështetjen e demokratëve amerikanë. Kamala Harris e përsëriti këtë mbështetje për narco-shtetin e Edi Ramës edhe dje përmes një thirrje drejtuar shqiptarëve në Amerikë për ta votuar atë. Megjithatë nuk është se Edi Rama u vu në sëkëlldi gjatë katër viteve të Donald Trump. Edhe atë periudhë 2016-2020, Rama vegjetoi si pasha. Asnjë gjemb nuk i hyri në këmbë. Pikërisht në atë kohë ndodhën sulme të egra kundër opozitës, bashkë me rastin e McGonigal, sigurisht me ndihmën e Lulzim Bashës. Edhe pse Edi Rama foli në CNN-in amerikan dhe e quajti zotin Trump “turpi i civilizimit”, sërishmi u mbështet nga SHBA-të. Donald Lu dhe Juri Kim ishin produkti anti-shqiptar i Sorosit në atë kohë. Në vitin 2019 ishte Trump në pushtet, ndërkohe Palmer mbrojti me ngulm regjimin e mafies në Shqipëri. Pra, nuk ka lidhje shumë se kush zgjidhet president në SHBA. Politikat amerikane i dikton tjetërkush! Megjithatë ekziston një lloj pritshmërie nga ana e opozitës në Shqipëri nga zgjedhja e Donald Trump si president i SHBA-ve. Të shohim sa do të ketë efekt për opozitën shqiptare ardhja e tij në Shtëpinë e Bardhë! Ndërkohë Rama e ka josh dhëndërrin e Trump me copa Shqipërie (Sazanin e Zvërnecin)! Po në Kosovë? Ka një kakofoni dhe Donald Trump na paraqitet si gogol për shtetësinë e saj. Sikur ai me një lëvizje të gishtit do të vendosë që Kosova t’i japë territore Serbisë. Dhe kësisoj brenda natës do ta mbyllë konfliktin shqiptaro-serb. Ndërkohë që projekteve serbe në Ballkan i shërben më shumë Soros, Edi Rama dhe shumë politikanë të tjerë, të cilët kanë mbështetjen e pakufishme të demokratëve amerikanë. Eshtë e vërtetë se në qershor 2020 Hashim Thaçi u nis për të nënshkruar marrëveshjen e ndryshimit të kufijve dhe ndarjes së Kosovës në favor të Serbisë. Në zyrën ovale e priste Donald Trump. Presidenti i Kosovës u ndalua në rrugë, sepse prokurori i Gjykatës Speciale për Kosovën në Hagë shpalli akt-akuzë kundër tij. Por nuk duhet të harrojmë se ajo marrëveshje ishte vullneti i presidentit të Kosovës. Të dy liderët, ai i Serbisë dhe ky i Kosovës, ishin të gatshëm të nënshkruanin një marrëveshje të tillë. Nëse ata nuk do ishin në një mendje për ta ricopëtuar Kosovën, këtë nuk do ta impononte Donald Trump. Por ka dhe aksesorë të tjerë, të cilët na bëjnë të reflektojmë pak më ndryshe për sjelljen e presidentit Trump me Ballkanin. Së pari, as Trump dhe as Harris nuk do të kenë kohë e mundësi të merren aq shumë me Ballkanin. Bota është në luftë dhe Ballkani është aq periferik në këtë kaos, sa vështirë të merret drejtpërdrejt presidenti amerikan. Së dyti, nëse e marrim të mirëqenë angazhimin e presidentit amerikan, në rastin konkret Trump, ne e dimë se ai përdor diplomacinë ekonomike për të shuar konfliktet. Marrëveshja e 4 shtatorit 2020, të cilën e nënshkroi Abdulla Hoti, pikërisht këtë na e dëshmon. Presidenti Trump detyroi Benjamin Netanjahun që ta njohë shtetin e Kosovës. Nuk e bëri këtë për tetë vite para tij Barak Obama, i cili kishte gjithashtu kuota shumë të larta preference në Europë e madje edhe te shqiptarët. Trump nuk është gogoli i Evropës, i Ballkanit dhe as i Kosovës. Është gabim i madh nëse e trajtojmë si të tillë. Në fund të fundit nuk është më “i keq” sesa Soros. Jo vetëm për Shqipërinë, por edhe për Kosovën. Sorosi synon dhe punon me narco-shtetin shqiptar për ta zhbërë Shqipërinë. Unë nuk e besoj këtë formulë në politikën e Donald Trump, sido që që kam rezervat e mia, pasi që ai në fushatë elektorale e në opozitë e godet ideologjinë e Soros e kur vjen në pushtet nuk merret më me të.

Kamal Harris “surprizon” me paraqitjen e saj në Uashington, mesazh qytetarëve që të votojnë

 Votuesit amerikanë do të vendosin nëse nënpresidentja Kamala Harris do të bëhet presidentja e parë grua e Shteteve të Bashkuara, ose do të rikthejnë në Shtëpinë e Bardhë ish Presidentin Donald Trump, i cili humbi zgjedhjet në vitin 2020.

Në raportimet e fundit Kamal Harris ka bërë një paraqitje befasueve në selinë e Partisë Demokratike në Uashington DC, ku edhe po takohet me mbështetësit.

Zëvendës-presidentja falënderoi edhe përmes telefonatave, vullnetarët që e ndihmuan në fushatën zgjedhore.

schedule22:01 - 5 Nëntor, 2024

“Është shumë e rëndësishme që të gjithë të marrin pjesë në votime”, është shpreh Harris, shkruan skynews.

Gara për zgjedhjet presideniciale në SHBA mes Harris dhe Trump është bërë më e ngushtë.

Shumica e votuesve në SHBA janë shprehur të shqetësuar se një ngjarje e ngjashme me atë të 6 janarit të vitit 2021 në Capitol Hill mund të ndodhë pas zgjedhjeve presidenciale në SHBA. 

 Më herët një 25-vjeçar u arrestua në Michigan pasi dyshohet se kërcënoi të kryente një sulm.

 Më shumë se 250 personel të Gardës Kombëtare kanë ofruar mbështetje në ditën e zgjedhjeve në 15 shtete, raportoi CNN. 

Zgjedhjet në SHBA/ “SkyNews”: Përpjekja e fundit e demokratëve për të rritur pjesëmarrjen

Edhe pse dita e zgjedhjeve ka pasur një angazhim të madh të qytetarëve, sërish inkurajohen që të shkojnë në qendrat e votimit në Filadelfia veriperëndimore.

Allie Dettlebach tregon se  ka udhëtuar nga Universiteti Yale për t’u bërë vullnetare me Demokratët e Pensilvanisë.

Me origjinë nga Cleveland, Ohio, 21-vjeçarja thotë se erdhi në Pensilvani sepse është “e vështirë për kandidatët të fitojnë nëse nuk janë të suksesshëm këtu”, ka thënë ajo për skynews.

Ajo beson se Amerika “meriton më mirë” se Donald Trump dhe se sipas saj Kamala Harris do të jetë ajo që do të sjellë “ndryshim brezash”.

Po ashtu dhjetëra vullnetarë duke i çuar votuesit drejt qendrave të votimit.

Një tjetër qytetarë thotë se ka votuar “por jo për demokratët”. Allie thotë se kërkimi ka qenë një mjet efektiv sepse i ndihmon votuesit të jenë të angazhuar politikisht.

“Ata vlerësojnë se kjo është një fushatë po përpiqet të krijojë kontakte me ta.”

Por ka edhe nga ata persona që refuzojnë të votojnë. Anketat tregojnë se demokratja Harris dhe republikani Trump ndodhen përballë një prej garave më të ngushta presidenciale në dekada.

Fituesi i zgjedhjeve e fillon mandatin katërvjeçar në janar të vitit 2025.

 Shtetet si Iowa, Alabama, Arizona, Karolina e Veriut, Virxhinia Perëndimore, Illinois, New Mexico, Delaware, Oregon, Washington, Wisconsin, Pennsylvania, Tennessee, Texas dhe Hawaii,

 Një pjesë e rojeve kombëtare do të ndihmojnë në misionet e sigurisë kibernetike dhe pjesa tjetër do të ofrojë mbështetje bazuar në kërkesat lokale.

Ministria e Drejtësisë në Kosovë ka reaguar pas ndaj futjes së të denoncuarit për dhunë në familje, Atilla Kardesh, në “Big Brother Vip Kosova”.

Hyrja e ish-burrit dhunues të Drenushës në ‘Big Brother Vip Kosova’, reagon Ministria e Drejtësisë: Të largohet urgjentisht nga reality show Konkretisht, Kombëtare dhe Grupit Ndërministror Kundër Dhunës në Familje, Dhunës ndaj Grave dhe Dhunës me Bazë Gjinore, ka kërkuar largimin e menjëhershëm nga realityshow të tij dhe ka zbuluar se personi që është denoncuar nga ish bashkëshortja e tij Drenusha Latifi, e cila po ashtu ndodhet në shtëpinë vip, për dhunë në familje. LEXO EDHE: “Po nxirrem si monstër e baba i keq”- Big Brother Vip i bën pjesë të shtëpisë ish-burrin, këngëtarja përballet me të: Je dhunues! Vetëm ne, dy gratë e tua të fundit… “Vendosja e znj. Latifi nën presion psikologjik përballë ish bashkëshortit i cili është cilësuar si dhunues me vetë lëshimin e UM, është formë e dhunës psikologjike, e cila e vendos znj. Latifi në pozitë të cenueshme psikologjike, dhe paraqet mundësi të ri-viktimizimit por tani në situatë të presionit psikologjik publik”, thuhet ndër të tjera. Sipas Ministrisë së Drejtësisë, ish-çifti janë vendosur në rrethanat e rrezikut potencial për viktimizim dhe ri-viktimizim, duke u bërë publikisht dëshmitarë të situatave potencialisht të dhunshme verbale apo fizike, përmes presionit publik i cili do të transmetohet në opinion, dhe kjo do të ketë ndikim negativ në mirëqenien emocionale të fëmijëve. Reagim i Koordinatores Kombëtare dhe Grupit Ndërministror Kundër Dhunës në Familje, Dhunës ndaj Grave dhe Dhunës me Bazë Gjinore Koordinatorja Kombëtare për mbrojtje nga dhuna në familje, dhuna ndaj grave dhe dhuna në baza gjinore, dhe Grupi Ndërministror reagojnë ashpër ndaj vendimit të Televizionit Klan Kosova për të futur brenda një shtëpie në kuadër të një emisioni televiziv, personin që është denoncuar për dhunë në familje ndaj të cilit deri në shtator të këtij viti ka pasur Urdhër Mbrojtës. Ky vendim përveç tjerash ka për qëllim minimizimin dhe normalizimin e një fenomeni të rrezikshëm më të cilin po përballet shoqëria jonë, siç është dhuna në familje. Grupi ndërministror për mbrojtjen dhe parandalimin e dhunës ndaj grave dhe dhunës në familje, kërkon të ndërmerren veprime urgjente: Vendimin për largim nga emisioni – shoë televiziv Big Brother personin e denoncuar për dhunë në familje, Atilla Kardesh Ndërmarrjen e masave nga Komisioni i Pavarur i Mediave në raport me këtë vendim skandaloz të televizionit Klan Kosova Vlerësimin e përgjithshëm të përmbajtjeve të emisioneve në Kosovë në raport me raportimin e ndjeshëm gjinor, riviktimizimin e viktimave të dhunës dhe presionin psikologjik që u shkaktohet viktimave të dhunës. Republika e Kosovës përmes amandamentimit të Kushtetutës ka bërë Konventën e Stambollit pjesë integrale të saj dhe e njëjta mbizotëron mbi legjislacionin vendor. Nisur nga mandati i dhënë sipas kësaj Konvente, respektivisht përgjegjësive institucionale Neni 12 i Konventës së Stambollit – Detyrimet e përgjithshme: Pika 2. Palët marrin masat e nevojshme legjislative dhe masa të tjera për të parandaluar të gjitha format e dhunës të mbuluara nga objekti i kësaj Konvente nga çdo person fizik ose juridik. Pika 3. Çdo masë e marrë sipas këtij kapitulli merr në konsideratë nevojat specifike të personave pa mbrojtje për shkak të rrethanave të veçanta dhe i japin prioritet të drejtave të të gjitha viktimave. Koordinatorja Nacionale dhe përfaqësuesit e grupit ndërministror me qëllim të zbatimit ‘’të masave për të promovuar dhe mbrojtur të drejtën për çdokënd, veçanërisht gratë, për të jetuar pa dhunë në sferën publike, si dhe në atë private”, tërheqin vëmendjen e televizionit të lartëcekur, në rastin e znj. Drenusha Latifi pjesëmarrëse e emisionit ‘’Big Brother’’ e cila është e mbijetuar e dhunës në familje, dhe e cila ka poseduar Urdhër Mbrojtje (UM) prej ish bashkëshortit të saj, z. Atilla Kardesh, i cili UM ishte aktiv nga data 10/02/2024 për periudhën kohore në afat prej 6 muajsh. Vendosja e znj. Latifi nën presion psikologjik përballë ish bashkëshortit i cili është cilësuar si dhunues me vetë lëshimin e UM, është formë e dhunës psikologjike, e cila e vendos znj. Latifi në pozitë të cenueshme psikologjike, dhe paraqet mundësi të ri-viktimizimit por tani në situatë të presionit psikologjik publik. Situata me të cilin potencialisht do të përballet znj. Latifi, në praninë e ish bashkëshortit “dhunues” paraqet rast të veçantë, dhe në emër të prioritizimit të mbrojtjes së dinjitetit të një të mbijetuare të dhunës në familje – viktimë, e cila është shprehur publikisht për kërcënimet nga ish bashkëshorti, tashmë të provuara, bëjmë thirrje menaxhmentit të Klan Kosova të tërheqë z. Atilla Kardesh nga formati televiziv, për të parandaluar çfarëdo lloj forme të presionit, ose dhunës psikologjike, që rëndon pozicionin dhe krijon kushte për ri-përjetimin e dhunës nga e mbijetuara znj. Latifi. Konventa e Stambollit obligon shtetin që të ndërmarr të gjitha veprimet përmes Nenit 13 të Konventës “për të rritur ndërgjegjësimin dhe perceptimin nga publiku i gjerë, në lidhje me manifestimet e ndryshme të të gjitha formave të dhunës të mbuluara nga objekti i kësaj Konvente, pasojat e tyre për fëmijët dhe nevojën për të parandaluar një dhunë të tillë”. Nisur nga fakti se znj. Latifi dhe ish bashkëshorti i saj kanë dy fëmijë të përbashkët, shprehim shqetësimin tonë, se fëmijët e ish çiftit janë vendosur në rrethanat e rrezikut potencial për viktimizim dhe ri-viktimizim, duke u bërë publikisht dëshmitarë të situatave potencialisht të dhunshme verbale apo fizike, përmes presionit publik i cili do të transmetohet në opinion, dhe kjo do të ketë ndikim negativ në mirëqenien emocionale të fëmijëve. Media ka rol të pa zëvendësueshëm edukimi dhe krijimi në opinion, ruajta e lirisë së shprehjes dhe shprehja e kreativitetit për tërheqjen e shikueshmërinë pa dyshim se është e drejtë e garantuar, mirëpo legjislacioni vendor dhe ai ndërkombëtarë drejtpërdrejtë i zbatueshëm në Republikën e Kosovës, bën përgjegjës edhe median për të siguruar mbrojtje dhe inkurajim të pjesëmarrjes së grave në jetën publike, duke parandaluar çdo formë të diskriminimit apo vënies në situatë të pa lakmueshme përmes mos cenimit të dinjitetit dhe ruajtjes së mirëqenies fizike dhe emocionale. Konventa e Stambollit Neni 17 “Pjesëmarrja e sektorit privat dhe medias” njeh rolin dhe përgjegjësinë e Medias dhe sektorit privat në parandalimin e çfarëdo lloj dhune ndaj grave citojmë: ‘’Palët nxisin sektorin privat, sektorin e teknologjisë së komunikimit dhe informacionit dhe medias, në lidhje me lirinë e shprehjes dhe pavarësinë e tyre, për të marrë pjesë në përpunimin dhe zbatimin e politikave dhe për të caktuar udhëzime dhe standarde vetë rregullatorë për parandalimin e dhunës kundër grave dhe rritjen e respektit për dinjitetin e tyre”. Prandaj, në cilësinë e Mekanizmit institucional për koordinim mbarëkombëtarë kundër dhunës ndaj grave, me synim të parandalimit të çfarëdo lloj dhune psikologjike, verbale, apo fizike apelojmë tek Menaxhmenti i Klan Kosova të marrë vendim për largimin e z. Atilla Kardesh nga emisioni, me synim të parandalimit dhe mbrojtjes së mirëqenies psikologjike, fizike dhe ruajtjes së dinjitetit të viktimës. Duke u nisur nga historia e përjetimeve të të mbijetuarës së dhunës, të dëshmuar me ekzistencën faktike të UM në afat prej 6 muajsh, si dhe me rrëfimet e bëra publike nga vetë e mbijetuara, me qëllim të parandalimit të dhunës dhe presionit psikologjik që potencialisht mund të ushtrohet nga ish bashkëshorti prezent në formatin e emisionit, si dhe të parandalimit të presionit publik që mund të ushtrohet nga vetë audienca e emisionit, sepse një qasje e tillë relativizon dhunën ndaj grave, hapë rrugë për shprehje të gjuhës së urrejtjes në diskursin publik, përmes komenteve denigruese që mund ta përcjellin situatën. Mediat i konsiderojmë si aleatët më të fuqishëm në parandalimin e dhunës ndaj grave dhe qasja proaktive e tyre për transmetim të programeve mediatike që fuqizojnë rolin e gruas në shoqëri, parandalojnë dhunën ndaj grave duke krijuar ambiente të sigurta dhe jo diskriminuese ndaj grave është imperativ. Emisioni në fjalë ka audiencë të gjerë dhe në mënyrë të drejtpërdrejtë dhe të tërthortë e vendos publikun dhe shoqërinë në pozitë të ‘’ bashkëfajtorit’’, në kohë reale, të presionit dhe dhunës psikologjike, e cila besojmë që nuk është synim i emisionit dhe politikave redaktoriale të Televizionit.

Kërcënimet me bomba në disa shtete amerikane, FBI: E kanë origjinën nga domenet ruse

FBI thotë se kërcënimet me bomba në vendet e votimit në disa shtete duket se kanë origjinën nga domenet ruse të postës elektronike. shba FBI vuri në dukje se asnjë nuk ishte përcaktuar të ishte kërcënim i besueshëm. “FBI është në dijeni të kërcënimeve me bomba në vendet e votimit në disa shtete, shumë prej të cilave duket se kanë origjinën nga domenet ruse të postës elektronike. Asnjë nga kërcënimet nuk është përcaktuar të jetë i besueshëm deri më tani”, thuhet në deklaratën e agjencisë. Zyrtarët e inteligjencës amerikane po shqyrtojnë një llogari emaili duke përdorur një domen rus të internetit si burim i mundshëm i kërcënimeve me bombë jo të besueshme të bëra në ditën e zgjedhjeve në Gjeorgji.