Inatet personale duhet lënë anash kur janë në pyetje interesat madhore

 

Arbër Ismajli

Kultura politike e këtij vendi, duhet para së gjithash, të jetë inkluzive! Inatet duhet lënë anash.

Ne jemi pak, e të ndarë edhe më pak!

Kultura politike institucionaliste është edhe obligim kushtetues, andaj inatet dhe kundërshtitë politike duhet lënë anash, atëherë kur janë në pyetje interesat madhore.

Ftesat në seanca inaguruese të qeverive të reja, duhet të jenë obligim për çdo institucion udhëheqës të vendit, duke filluar nga Presidenti i vendit.

Mos bërja e ftesës për të është hap i zbehtë politik dhe përjashtues, që nuk i bënë nder askujt!

Presidenti mbetet “President i vendit”, pa marrë parasysh orientimet politike.

Kompensimi ndaj Trustit diskriminues

 

Msc. Skender Berisha

Ngadalësimi në zhvillimin ekonomik dhe rënia e kurbës në nivel vendi ka bërë qeverinë të mendojë ide për dalje nga situata e krijuar.

Qeveria nuk hoqi dorë nga propozimet që mund të vinin nga shoqëria civile apo të tjerët, ajo vendosi në tavolinë diskutimi një propozim që u erdhi së fundi, me të vetmen arsye, t’i bëjë të mundur ekonomitë biznesore të mbijetojnë, të ruajnë fuqinë puntore, dhe të ruaj bilancin tregtar dhe sistemin financiar në vend.

Në fillimet e pandemisë përveç qeverisë pati propozime edhe nga subjektet politike opozitare për ndihmën e shtetit ndaj ekonomive vendore.

Edhe pse ishin perafërsisht të ngjashme propozimet, kontributi i tyre ishte i mirëseardhur, pasi qëllimi i vetëm ishte ruajtja e stabilitetit makrofiskal.

Mosmiratimi i marrëveshjes ndërkombëtare në seancën e fundit ishte një veprim i ngutshëm i deputetëve, pasi që çdo ditë e humbur rrezikon humbjen e vendeve të punës apo mbyllje aktiviteti të një biznesi.

Së fundi, kemi një propozim interesant që po shqyrtohet seriozisht. Si propozim ka qenë e mirë, ngase një pjesë nga mjetet e trustit pensional mundë të futen në qarkullim, dhe ato të mbulojnë hendekun e mungesës së parasë në qarkullim që ka pasur Kosova muajt e fundit.

Tërheqja e një pjese nga trusti pensional, respektivisht 10% e propozuar nga shuma totale, qytetarët i bën të shpenzojnë më tepër duke rritur kërkesën, dhe kurbës në rënie do t’i bënte presion të ndalojë për një kohë shumë të shkurtë, derisa të mundësohen edhe mjete tjera të futen në qarkullim nga qeveria e Kosovës.

Kompensimi i mjeteve i mundësuar nga shteti ndaj qytetarëve që vendosin me dëshirë t’i tërheqin mjetet e tyre nga trusti pensional, do të ishte jo i drejtë dhe diskriminues ndaj qytetarëve tjerë që nuk kanë fare mjete në trustin pensional, si dhe atyre që kanë shuma të vogla të arkëtuara.

Kompensimi gjithsesi do të kishte impakt edhe në bugjetin e shtetit, prandaj alokimi i mjeteve për kompensim këtë vit pa rishikim të bugjetit do të ishte i pamundur, veprim i cili do të vlente edhe për vitin tjetër kalendarik.

Është e natyrshme pra se secili qytetar që ka mjete në fondin e trustit pensional do t’i tërhiqte mjetet e tij duke e ditur se ato do t’i kompensohen nga shteti.

Por askush nuk i obligohet askujt që t’i kompensojë paratë e tërhequra me dëshirë.
Shtetin e përbëjnë vetë qytetarët, dhe sakrifica është e përbashkët, prandaj duhet të gjithë të japin nga vetja për t’ia dalur.

Të gjitha vendimet që mirren në raport me trustin pensional të Republikës së Kosovës duhet konsultuar mirë, dhe nuk duhet t’i fusin qytetarët në borgj ndaj trustit pa pasur nevojë për të, por duhet gjetur modalitete tjera të favorshme për të gjithë qytetarët pa dallim, dhe ky propozim nëse vendoset të realizohet, të përfundojë pa implikime në bugjetin e shtetit dhe pa zvogëluar planet dhe projektet e përbashkëta që ka kjo qeveri apo tjetra pas saj.

Kosova mund ta rrezikojë të ardhmen e vetë nëse e refuzon vendimin e Kushtetueses

 

Myzejene Selmani

Kosova është në pritje të vendimit të Gjykatës Kushtetuese, që duhet të hapë rrugë për tejkalimin e ngërçit institucional, pasi qeverisë Kurti iu mor besimi nga shumica parlamentare, për të vazhduar më tutje.

Rasti është dërguar në Kushtetuese nga presidenti Thaçi.

Por brengos reagimi i VV-së, e cila po përgatitet për protesta, për të kundërshtuar garantin e Kushtetutës dhe të Demokracisë, nëse vendimi nuk është në favor të saj.

Këto lëvizje, në një moment bukur të komplikuar ndërkombëtar në raport me Kosovën, kanë shqetësuar subjektet tjera politike, popullatën e Kosovës dhe miqtë e saj.

Jo rastësisht edhe Ambasada Amerikane në Prishtinë bëri thirrje për respektimin e vendimit të Gjykatës Kushtetuese nga të gjitha palët.

Vendimi nuk është opsion politik, të cilin partitë mund ta pranojnë ose refuzojnë, por është çështje kyçe për demokracinë kosovare.

Politika kosovare duhet t`i ketë parasysh edhe zhvillimet gjeopolitike në rajon dhe të mos largohet shumë nga interesat e miqve të saj, sepse pa ta rrezikon të ardhmen dhe ekzistencën e vetë.

Aktgjykimi i Gjykatës Kushtetuese për dekretin e Presidentit Hashim Thaçi pritet të publikohet brenda dy ditëve të ardhshme.

Urojmë që Kushtetuesja të mos jetë ndikuar nga reagimet dhe presionet që gjithë kësaj kohe janë bërë në drejtim të Kushtetueses nëpërmjet deklaratave publike, sepse nga vendimi i saj varet e ardhmja e demokracisë në shtetin tonë, për të cilin të gjithë kemi kontribuar dhe të gjithë duhet të brengosemi për të.

Kryeministri Rama edhe pse sot është e diel, ditë pushimi, ai nuk pushon

 

Akademik Isuf B. Bajrami,AAAS

(“Rruga e jetës është drejtësia, mos u ndaj nga rruga për të hyrë nëpër rrugica” – Sami Frashëri)

Kryeministri Edi Rama, i shoqëruar nga ministra të kabinetit të tij, sot arrin për vizitë në Kosovë.

Rama këtë vizitë e realizon tek familja e Thaçit, vetëm disa ditë pas vizitës që i bëri në burgun e Hagës, ku po mbahet në paraburgim nën akuzat e caktuara nga Prokurori Special i Gjykatës Speciale.

Në traditën e shqiptarit, miku që troket në portë, duhet pritur me të gjitha mundësit që i takojnë, sepse “nuk dihet a asht lypsi a shenjti”!?

Kulti i mikut shenjohet në përkufizimin e shtëpisë, si “e zotit dhe e mikut” (“Shtëpia e shqiptarit është e zotit dhe e mikut”).

Nuk mund të ketë hyjnizim më të madh se ky për mikun.

Në “Kanun”, zoti dhe miku para shtëpisë barazohen.

Kulti i mikut, i shprehur si: “shtëpia e shqiptarit – e mikut dhe e shtegtarit”, “dera e shpisë i hapet kujdo qi ia msyen, me kenë edhe përdersi” (lypsi), kjo përmban një mendësi të lashtë, që vjen prej kohërash dhe mund të shfaqej në der si besimtarë me rrobën e një shtegtari të mjerë!

Gjatë kësaj vizite, do të vije si “Lepur – postieri“, i “shejti”, si “lypësi”, apo nga hierarkia e “Open ballkanit”?!

Kjo ndodhë në të njëjten kohë së bashku me delegacionin që shoqëron, do të realizoj disa vizita në disa biznese dhe fermer.

Pas këtyre vizitave, ata do të nisen për Prishtinë ku do të mbahet takimi i dy qeverive, asaj të Shqipërisë dhe Qeverisë së Kosovës.

“Ai që e krijoi shtetin është më i madhi mirëbërës, sepse pa ligjin njeriu është kafsha më e keqe” (Aristoteli)

Modelin e një bote sa të pasur e të mrekullueshme, aq të veçantë dhe të lirë, Mark Krasniqi e jep nëpërmjet shqiptimit dhe ballafaqimit të dukurive e të kuptimeve, të pasojave të hierarkisë së forcës.

Jo rastësishtë Lepuri, një kafshë e butë dhe e dashur për fëmijë, bëhet postier i maleve dhe i përcjell urimet, dëshirat, po dhe kërcënimet dhe armiqësitë e kafshëve!

“Lepur – postieri me zell e gëzim / ditën e natën gjindet n’shërbim” tregonë para së gjithash intensitetin e gjallimit të dëshirave e të nevojës për ekzistencë, por dhe ekzistimin e një bote, ku rregullat e gjallimit e të kushtëzimit nuk mund të ndryshohen.

Veprimi i “Lepur – postierit” le të nënkuptojmë komunikimin mes njerëzve.

Lepur – postieri rrallë herë pushon,
me çantë nën sjetull pyllit vrapon,
shkresa zyrtare sjell me rëndësí
prej rrafshit – në male,
prej malit në vrrî.

Letra, përshëndetje, lajme ekspres
Lepur – postieri ka plot nji thes:
ujku i shfaq deles dashuri pa masë,
arusha bletës – t’fala me thasë…“

Rreziku nga i forti është përherë i mundshëm dhe se delja asnjëherë s’ka mundur ta bëjë mik ujkun!

Vendi i Lekës,19.06.2022

Tradhtari është shumë më i rrezikshëm sesa armiku rrënjës

 

Akademik ,Eshref Ymeri,PHD

Brashnjarit grek me emrin Pirro Dhima

i duhet ndaluar menjëherë hyrja në Shqipëri

 

Tradhtari është shumë më i rrezikshëm

 sesa armiku rrënjës

 

Në analizën me titull “Pirro Dhima, shqiptar i greqizuar, shoqëron në Tiranë Venizellosin”, të botuar më 14 tetor 2013 në faqen e internetit “KOHAnet”, analizë kjo e ardhur nga Athina, zbulohet fare qartë veprimtaria armiqësore e këtij ish-shqiptari të bastarduar, të shndërruar në një copë brashnjari të shovinizmit grekokaragjoz.

Nga ajo analizë del në dritë të diellit krejt aktiviteti i tërbuar antishqiptar i kësaj vemjeje të pështirë me origjinë nga Progonati, i cili e ka zhburrëruar vetveten deri në atë derexhe, saqë të deklarojë pa pikën e turpit se sikur gjuhën greke na e paska pasur gjuhë amtare dhe në Shqipëri ia paskan ndaluar ta mësojë!!!

Pikërisht ky përfaqësues tipik i shëmtisë njerëzore, para ca kohësh, u pati kërkuar strukturave mjekësore greke që të mos u jepnin asnjë ndihmë mjekësore emigrantëve shqiptarë që nuk ishin të pajisur me dokumente.

Shkrimtari moralist francez Laroshfuko (François VI, duc de La Rochefoucauld - 1613-1680)  thotë:

“Tradhtinë njeriu e kryen të shumën e herës jo se niset nga ndonjë qëllim i paramenduar, por thjesht për mungesë karakteri”.

 Ky tradhtar mashtrues dhe gënjeshtar i tipit të horrave që enden nëpër strofulla kriminelësh, paska qenë mik i ngushtë i armikut të betuar të kombit shqiptar me emrin Sebastianos të Konicës, që i ka kthyer patkonjtë nga dielli para ca vjetësh. Ky i pabesë me damkë na qenka aktivist i shquar i organizatave terroriste që, me bekimin e Athinës zyrtare, veprojnë në territorin grek kundër Republikës së Shqipërisë për greqizimin e Epirit të Veriut.

Pikërisht ky njeri, i  poshtër deri në thua të këmbës në qëndrimin që mban ndaj ish-atdheut të tij të dikurshëm, sot është pjesë e politikës zyrtare greke, është deputet i PASOK-ut. Ky fakt dëshmon se cili është niveli i politikës zyrate greke në qëndrimin ndaj Republikës së Shqipërisë, një politikë që zyrtarisht na hiqet si “dashamirëse dhe miqësore”, por që faktikisht ka qënë, është dhe mbetet një politikë thellësisht armiqësore.

Unë mendoj se në rastin e tradhtarit Pirro Dhima, organet e shërbimit inteligjent shqiptar nuk e kanë kryer detyrën e tyre të shenjtë në mbrojtje të Republikës së Shqipërisë. Ato duhej ta kishin informuar me kohë Tiranën zyrtare për veprimtarinë e egër armiqësore të pushtit politik grek, me emrin Pirro Dhima, kundër vendit tonë. Dhe Tirana zyrtare duhej ta ndalonte hyrjen e tij brenda territorit të Republikës së Shqipërisë. Në rast të kundërt, organet tona kufitare atij duhet t’i hedhin hekurat.

 

Santa Barbara, Kaliforni

14 tetor 2013

-------------------------

 

Greqia në krizë,

4000 të vdekur ende marrin pension

 

       Në mes të krizës financiare, mbi qeverinë greke bie hija e një supermashtrimi të madh me asistencën sociale. Ёshtë zbuluar se 4 500 persona të vdekur prej kohësh, vazhdonin të merrnin pension, duke rënduar ndjeshëm shpenzimet publike në një vlerë prej 16 milionë eurosh në vit.

       Ministri i punës Louka Katseli premton se mashtrimi do të dënohet dhe shpjegon se po ushtrohet kontroll në rreth 9 mijë mbi 100-vjeçarë, të cilët vazhdojnë të marrin pension dhe që pjesa më e madhe e tyre kanë vdekur prej kohësh… (Citohet sipas faqes së internetit “Infoarkiv. Arkiva Mediatike Shqiptare”. 07 qershor 2013).

 

Greqia u jep rroga nëpunësve shtetëror

të dënuar me burg të përjetshëm

 

Paaftësia e autoriteteve greke të ndërpresin pagesën e rrogave madje edhe të nëpunësve shtetërorë të dënuar me burg të përjetshëm u gjet mes temave kryesore, në gazetën amerikane “Uolstrit Xhurnal”.

Gazeta si shembull e citon vrasjen e kryetarit të komunës greke në vitin 2009, që e shfrytëzoi si argument të fuqishëm, se Greqia nuk mundet t'i plotësojë kërkesat e reformimit real në sektorin shtetëror dhe për largimin e të punësuarve joadekuatë.

I dënuari me burg të përjetshëm  për vrasje, nëpunës shtetëror madje, edhe merr rrogë nga shteti, shkruan gazeta "Uolstrit Xhurnal".

Kreditorët ndërkombëtarë, të cilët kryejnë vlerësim në plotësimin e kushteve nga të dy pakot e shpëtimit nga ana e autoriteteve greke në mundësi për ndarjen e pakos ndihmëse të tretë, kërkojnë që shteti ta reformojë sektorin shtetëror dhe të pushojë nga puna mijëra nëpunës shtetërorë.

Sipas gazetës, rasti me kryetarin e komunës tregon se sa vështirë do të realizohet diçka e tillë (Citohet sipas faqes së internetit të zotit Feliks Taho. 14 tetor 2013).

 

Pirro Dhima shfryn

 kundër emigrantëve shqiptarë

 

Deputeti i PASOK-ut, Pirro Dhima ka akuzuar shqiptarët se po i shkaktojnë shtetit grek miliona euro dëm për shkak të trajtimit shëndetësor.

Ish-peshëngritësi me origjinë shqiptare është shprehur në parlamentin grek se, me mijëra shqiptarë kanë falsifikuar libreza shëndeti dhe marrin trajtim në sistemin shëndetësor në Greqi. Dhima ka paraqitur me dhjetëra libreza shëndeti false në parlament dhe për këtë i drejtoi pyetje ministrit dhe zëvendësministrit të Shëndetësisë.

“Përveç gjobitjeve të rënda, a do të merren dhe masa penale ndaj këtyre shqiptarëve që kanë shkelur ligjin duke mashtruar shtetin grek? Kjo duhet bërë, zotëri ministra. Kush nuk ka dokumente apo ka librezë të skaduar të mos ketë qasje në sistemin shëndetësor”, është shprehur Dhima (Citohet sipas: “Pirro Dhima shfryn ndaj emigrantëve shqiptarë”. Marrë nga faqja e internetit e gazetws “Shekulli”. 24 korrik 2013).

 

 

 

 

 

 

 

 

 

Urrejtja ruse për Shtetet e Bashkuara, pasojë e kompleksit të inferioritetit

 

                         Akademik  Eshref Ymeri, PHD

 

 

Marina Sokollovskaja, një ish-qytetare ruse, e cila para do kohësh qe larguar nga Rusia për banim të përhershëm në Nju Jork, në artikullin e vet me titull “Urrejtjen për Amerikën, si urrejtjen për tartabiqet, ne e kemi në gjak!”, duke pasur parasysh diktaturën fashiste të kastës sunduese të Kremlinit, e cila u ka zënë frymën mjeteve të pavarura të informimit masiv, shkruan: 

“… u largova sepse asnjëherë nuk e pata ndier që ai është vendi im, atdheu im”.

Artikulli i saj është botuar në faqen e internetit “Russkij bazar” të datës 10 qershor 2022. Në atë artikull ajo citon fjalët e një qytetari rus, i cili i shkruante:

“Njeriu rus duhet ta urrejë Amerikën - ne këtë e kemi në qelizën tonë”.

Me këtë artikull, Maria Sokollovskaja më kujtoi një intervistë të gjatë të një gazetari ukrainas në kanalin televiziv “Ukraina 24” të mbrëmjes së 15 qershorit 2022, me politikanin opozitar rus Genadi Gudkov. Tema e intervistës ishte “E ardhmja e Rusisë pas përfundimit të luftës”. Në një hapësirë të intervistës, të cilën e ndoqa në youtube, gazetari u lidh edhe me një diplomat amerikan në Vashington, të cilit i tha se rusët thonë:

“Luftojmë në Ukrainë jo kundër Ukrainës, por kundër Shteteve të Bashkuara të Amerikës”.

Me sa duket, shumicën dërrmuese të rusëve, e ka kapluar keq një shprehje e marrë e Putinit, i cili ka thënë:

“Kufiri i Rusisë nuk përfundon askund!”.

Kjo shprehje, idiote në thelb, s’është gjë tjetër, veçse përsëritje e Testamentit të Pjetrit I, i cili deklaronte se Rusia duhet t’i pushtojë vendet e Lindjes dhe të Perëndimit, përsëritje e thirrjes së Leninit për të ashtuquajturin revolucion socialist në mbarë botën, e thirrjes së Stalinit për nxitjen e urrejtjes së vendeve evropiane kundër njëri-tjetrit, me qëllim vendosjen e tyre nën çizmen ruse.

Të gjitha këto thirrje prej njerëzish të marrë në krye të Rusisë, zbulojnë, në të vërtetë, atë që ka thënë Dostojevski për popullin rus. Kastat sunduese, që nga koha e Pjetrit I deri në ditët tona, me atë popull, me psikologji prej skllavi, të rrënjosur gjatë shekujve, duke e përdorur si mish për top, kërkojnë të vënë vendet e tjera nën sundimin e vet.

“Rusët, - thotë Dostojevski, -  janë një popull që endet nëpër Evropë dhe kërkon se çfarë mund të shkatërrojë, të shfarosë, vetëm për argëtim”.

Dhe sot, njerëzit në mbarë botën, po e shikojnë me sytë e tyre se çfarë egërsirash të tërbuara janë rusët, këta hunë të shek.XXI, se çfarë shkatërrimesh po bëjnë në Ukrainë, ndaj së cilës ushqejnë  një urrejtje të përmasave mitike, ndërkohë që përbrenda i bluan kompleksi i inferioritetit për shkak të urrejtjes së papërmbajtur ndaj Shteteve të Bashkuara.

Vladimir Pozneri (1934), gazetar, drejtues emisionesh radiotelevizive, shkrimtar, qytetar sovjetik, rus dhe amerikan, ka radhitur një sërë arsyesh për qëndrimin negativ të rusëve ndaj demokracisë. Sipas këndvështrimit të Poznerit, qëndrimi negativ i rusëve ndaj nocioneve “liberalizmi” dhe “demokracia”, e ka burimin kryesisht te mungesa e formimit kulturor.

“Përgjithësisht, - shpjegon ai, - mungesa e formimit kulturor, smira, kompleksi i inferioritetit - këto janë, në këndvështrimin tim, arsyet kryesore të qëndrimit negativ të shumicës së rusëve ndaj demokracisë” (Citohet sipas: “Drejtuesi i emisioneve televizive, gazetari Vladimir Pozner, radhiti arsyet e qëndrimit negativ të rusëve ndaj demokracisë”. Faqja e internetit “Lenta.ru”. 09 dhjetor 2020).

Ky qëndrim mjaft objektiv i Vladimir Poznerit, dëshmon më së miri se shumica dërrmuese e popullit rus është e kapluar nga ideja e shovinizmit rusomadh, për të cilin ai ka bërë kurban demokracinë, se, në vend të saj, ai parapëlqen kultin e individit, nënshtrimin e plotë para diktatorit, vetëposhtërimin, për pasojë, vuajtjen në kushtet e varfërisë, me të cilën është familjarizuar së tepërmi, sepse ajo i është bërë pjesë e pandarë e jetës së përditshme. Gëzimi i vetëm i shumicës dërrmuese të atij populli reflektohet te kënaqësia deri në jargosje që ai përjeton kur kastat fashiste të Kremlinit ndërmarrin sulme për të pushtuar territore të huaja. Prandaj, me përfundimin me disfatë të sulmit fashist kundër Ukrainës, ata intelektualë opozitarë të të gjitha sferave të artit dhe të kulturës ruse, duhet të vetëdijësohen një herë e mirë dhe të vrasin mendjen, nëse vetë janë të imunizuar sadopak nga ethet shoviniste të shumicës dërrmuese të popullit të tyre, dhe të mendojnë për të ardhmen e Federatës Ruse, e cila duhet të shpërbëhet si strukturë shtetërore, duke u ndarë në disa shtete. Për më tepër, ata intelektualë duhet t’i zgjuajnë nga gjumi letargjik kombësitë e Bashkirisë, të Burjatisë, të Kazakisë, të Kaukazit, të Komit, të Tartarisë, në mënyrë që kastat kriminale të Kremlinit të mos i përdorin djemtë e tyre si mish për top për sulme dhe pushtime territoresh të huaja. Një shpërbërje e tillë duhet të realizohet praktikisht, sepse ajo Federatë, me territore gjigande, njerëzimit ka për t’i hapur telashe kohë pas kohe. Pikërisht këto telashe ka pasur parasysh shkrimtari i njohur rus Ivan Shmelov, i cili, një shekull më parë, në librin me titull “Dielli i të vdekurve”, të botuar në Paris në vitin 1923, ka paralajmëruar:

“Ky nuk është popull, por një mallkim historik i njerëzimit”.

Ne Prishtine Prizren e Kukes mbahet Festivali i Poezise,"Drini poetik"

 Lidhja e Shkrimtarëve të Kosovës, sot dhe nesër do të mbajë festivalin ndërkombëtar të poezisë "Drini poetik" në Prishtinë-Prizren-Kukës.

Sipas një njoftimi të LShK-së, në këtë festival do të marrin pjesë anëtarë të LSHK-së dhe mysafirë nga jashtë.

“Presim të marrin pjesë dashamirët e letërsisë e të artit. Festivali mbahet në shenjë të Lidhjes Shqiptare të Prizrenit”.