Nga Flori Bruqi
Organizatorët artistikë të Olimpiadës, “Londra 2012″, kanë paralajmëruar se mbyllja e lojërave verore të dielën ne mbrëmje do të jetë po aq mahnitëse sa ishte edhe hapja e tyre më 27 korrik.
Drejtuesi i ceremonisë mbyllëse Kim Gejvin ka paralajmëruar shumë argëtim për të pranishmit, duke mos lënë anash, edhe kësaj here sjelljen e historisë muzikore britanike, por edhe të fushave tjera artistike.
“Gjithmonë ka qenë bekim të merresh me këtë punë, të organizosh një ceremoni pas ngjarjes kryesore dhe natyrisht që unë dua që ajo të jetë një festë, unë dua që njerëzit të argëtohen, unë dua që ajo të jetë shumëngjyrëshe dhe gjithashtu t’ju sjellim në mend epokat e caktuara të muzikës të mbledhur përgjatë 50 viteve, muzikë pop, por jo vetëm muzikë pop – në modë po ashtu, kulturë – kështu që kam kërkuar që kjo të jetë ceremonia më e mirë e mbylljes e parë ndonjëherë”, tha Gejvin.
Organizatorët e Olimpiadës së kettij viti që u mbajt për më shumë se tri javë në Londër, i kanë lënë duart e lira artistëve për të përmbyllur këtë garë ku morën pjesë qindra atletë nga e gjithe bota.
“Në terma të përgjithshëm, ne kemi qenë shumë të kënaqur që të mos ndërhyjmë, por t’i lëmë lirinë artistike regjisorëve që të bëjnë atë që mendojnë saktësisht se është më e mira. Kështu, mendoj se është më së miri të festohet inovacioni, kreativiteti, diversiteti dhe imagjinata e vendit tonë, nëpërmjet individëve që më shumë sesa ne e përbëjnë këtë vend, ne si një komitetit organizues, duke u përpjekur të themi se çfarë duhet të të përfshihet në ceremoni”, tha producenti ekzekutiv i të gjitha ceremonive olimpike në Londër, Stiven Daldri.
Tani të gjithë e kanë kuptuar se projekti kinez i Lojërave Olimpike nuk ka qenë vetëm ai i një përfaqësimi sa më dinjitoz në aktivitetin e organizuar vetë në Pekin në vitin 2008, por për të dominuar sportin botëror.
“Qëllimi i Kinës është të fitojë çdo medalje të mundshme, në çdo disiplinë”, ka paralajmëruar Xhef Rufolo, një amerikan që ka punuar për qeverinë kineze duke planifikuar aktivitete të ndryshme sportive, përfshirë Pekin 2008. “Shihni se çfarë do të ndodhë në Rio 2016, shihni se çfarë do të ndodhë në 2020. Kinezët duan t’i provojnë botës së sistemi i tyre është më i miri”.
Që nga viti 1984 kur Kina lejoi rikthimin e përfaqësuesve të saj në Lojërat Olimpike, progresi ka qenë i jashtëzakonshëm. Në Los Anxhelos, Kina fitoi vetëm 32 medalje, ndërsa në Pekin kjo shifër shkoi në 100, një sukses i pabesueshëm për këtë vend.
Por sigurimi i medaljeve tani është bërë aq i rregullt sa pritet që atletët kinezë të vazhdojnë dominimin në disiplina të ndryshme për shumë Olimpiada në vazhdim.
Rufolo ka treguar se gjithçka vjen falë investimeve të vazhdueshme dhe kërkimit të vazhdueshëm për përmirësim që bëjnë kinezët ndaj garuesve të tyre, jo vetëm atyre që janë në vendet e para, por edhe atyre që janë gati t’i zëvendësojnë në të ardhmen.
Për të parë gjendjen reale të atletëve të tyre, qeveria kineze ka sponsorizuar në mënyrë të vazhdueshme aktivitetet si Lojërat Aziatike, Lojërat Botërore Universitare, apo kampionatet botërore të të gjitha sporteve, duke shfrytëzuar maksimalisht kohën brenda katervjeçarit të Lojërave Olimpike.
Sporti ka qenë disa herë protagonist, ndërsa disa herë sportistët dhe të tjera herë polemikat e dështimeve. Shqipëria olimpike bën pjesë vetëm tek kjo e fundit, pasi në Londër 2012 nuk mundi të lërë asnjë shenjë, përjashto disa rekordeve personale të ndonjë sportisti, por që janë shumë pak po t’i krahasosh me objektivat për medalje.
Shqipëria, gjatë këtyre ditëve, zien nga polemikat, përplasjet mes palëve, të cilat e kanë kthyer fajin e dështimit në një top futbolli, që shkon sa këtej andej. E ndërsa pritet të bëhet një analizë e thellë dhe objektive për rezultatet zhgënjyese në Olimpiadë, edhe pse ekipi olimpik që përfaqësoi vendin në Londër 2012 e ka përfunduar prej ditësh misionin e tij në këto lojëra olimpike, ende nuk e ka marrë rrugën e kthimit për në Shqipëri.
Gara e fundit e kuqezinjve ishte ajo e qitësit Arben Kuçana në 50 metra pistoletë. Por pas mbylljes së garave të kuqezinjve, nëntë sportistët shqiptarë dhe delegacioni që i shoqëron ata vazhdon të shijojë fshatin olimpik, ku është akomoduar që 7 ditë para hapjes së Lojërave Olimpike 2012, por edhe bukuritë e kryeqytetit britanik.
Në Komitetin Olimpik Kombëtar Shqiptar (KOKSH) është mësuar se ekipi olimpik shqiptar do të zbarkojë në Tiranë vetëm më datën 14 gusht 2012, vetëm dy ditë pas mbylljes së garave të Lojërave Olimpike, pasi një gjë e tillë është e parashikuar në axhendën olimpike. Kthimi i tyre do të bëhet në dy grupe të ndara, që do të udhëtojnë drejt vendlindjes. Xhudistja Majlinda Kelmendi e ka braktisur ekipin olimpik vetëm pak ditë pas konkurrimit dhe para një jave mbërriti në shtëpi (Kosovë).
Menjëherë pas kthimit, pritet të mbahet analiza e shumëpërfolur për gjithçka që nuk shkoi mirë në Londër 2012 në këtë ekip, i cili duket se i mungoi shpirti olimpik. Një nga pikat më nevralgjike është ajo e dopingut të Hysen Pulakut, që ka prodhuar një sherr mes Federatës Shqiptare të Peshëngritjes (FSHP) dhe KOKSH-it. Kjo gjë ka krijuar një atmosferë negative për sportin, që herë pas here shfaqet kur ndodhin episode të tilla, edhe pse shqiptari nuk ishte i vetëm me doping në Olimpiadë. Ndërsa për sa u përket rezultateve, tabuja “medalje” për Shqipërinë do të vazhdojë deri në Lojërat Olimpike Rio 2016. Sportistët tani i provuan lotët e dështimit, por jo ato të fitores që të çon në Olimpin sportiv, që i dhuron një emocion unik një kombi të tërë, i cili i ka sytë te sportistët e tij. Por tashmë do të duhet të presim 14 gushtin për të bërë bilancin përfundimtar.
Ministri i ri turk i Sportit, Suat Kilic, ka pohuar se Stambolli është gati të kandidohet për t'i mikpritur Olimpiadat e vitit 2020 dhe është në gjendje t'i respektojë të gjitha kriteret e kërkuara, mbi të gjitha ato ekonomike.
''Dashtë Zoti, do të paraqitemi dhe do t'i respektojnë në letër të gjitha kërkesat e duhura,'' ka thënë Kilic në CNN-Turk, duke e pasur fjalën tek një kandidaturë e menjëhershme. Sipas ministrit, Turqia ka qëndrueshmëri politike dhe ka një ekonomi relativisht të qëndrueshme.
| ||||||||
 | ||||||||
Vetëm pak orë na ndajë nga ceremonia e hapjes së lojërave olimpike Londër 2012. Këto janë disa pamje të “vjedhura” nga provat zyrtare të kërcimit që do të bëhet në hapje të kësaj ceremonie. |
Në orën 21:00 të mbrëmjes së sotme, në Londër do të startojnë Lojërat e
30-ta Olimpike, me ceremoninë e hapjes, që pritet të tërheqë pas ekranit
të paktën 1 miliard njerëz. Bëhet fjalë për 15 % të popullsisë Botërore
dhe e gjithë kjo, falë mbulimit të jashtëzakonshëm televiziv që do të
ketë ky event historik.
Lojërat Olimpike të Londrës zbulojnë edhe rastin e parë të dopingut, njoftuan mediat botërore. Peshëngritësi shqiptar, Hysen Pulaku u testua pozitivisht të Hënën. Analizat provuan praninë e lëndës anabolike, Steroidit Stanozolol, bëri të ditur Komiteti Ndërkombëtar Olimpik të Shtunën. Peshëngritësi shqiptar u përjashtua nga gara olimpike.
Vendimin e mori komiteti disiplinor i Komitetit Ndërkombëtar të Lojërave Olimpike nën presidentin, Thomas Bach.
Ndërkohë në Londër vazhdojnë Lojërat Olimpike, pas ceremonisë spektakolare për të përshëndetur atletët nga e gjithë bota të Premten me entuziazëm nga 80.000 spektatorë.
Kinezja Yi Siling mori edhe medaljen e parë të artë në Londër. Ajo fitoi në qitje ndaj Syliva Bogackas nga Polonia dhe bashkëvendases, Yu Dan.
Ceremoni mbresëlënëse
Gati katër miliardë spektatorë ndoqën në të gjithë botën ceremoninë e hapjes e zhvilluar nën moton "Ishuj të mrekullisë" të ideuar nga regjizori i filmit Danny Boyle.
Para fillimit të ceremonisë, avionë luftarakë të Red Arrows fluturuan mbi Londër duke shenjuar në qiell ngjyrat britanike, të kuqen, të bardhën dhe blunë.
Udhëtim në kohë me efekte speciale
Me një shpejtësi të mahnitshme, spektatorëve iu tregua shndërrimi i Britanisë së Madhe nga një shtet agrar në një vend industrial. Nga arena u ngjitën drejt qiellit oxhakë të lartë. Ky prezantim tematizoi si luftën grave për më shumë të drejta, ashtu edhe viktimat dhe sakrificat e Luftërave Botërore.
Në një furrë të stilizuar u farkëtuan unazat olimpike, të cilat me një fishekzjarrë spektakularë përmbi stadium u bashkuan në simbolin e njohur.
Një prerje tërthorazi dhe e shpejtë e kulturës dhe dhe historisë muzikore britanike, ku nuk mungoi edhe humori britanik me Mr.Bean.
E ngërthyer nga shou gjigand - Mbretëresha Elisabet
Në stadium hyjnë 204 skuadra të pritur me duartrokitje. Më pas finalja e shout gjigand që kushtoi rreth 35 milionë euro.
Shfaqja e mbretëreshës Elisabetë nën brohoritje. Mbretëresha Elisabet hapi evenimentin më të rëndësishëm sportiv natën e së Shtunës në Londër . "I deklaroj të Hapura Lojërat Olimpike." Zjarri olimpik ndizet nga shtatë sportistë të rinj, ky ishte sekreti i ruajtur deri në fund.
Krenari londoneze
E gjithë Londra ndodhet në ethet olimpike. Londonezët janë të lumtur. "Lojërat bashkojnë kaq shumë njerëz. Londra gjithmonë ka qenë një qytet kozmopolit, multikulturor.
Kjo na bën edhe më të mëdhenj" është shprehur plot krenari një qytetar për Deutsche Wellen. Ndërsa një grua nga Londra shprehet se qyteti është përgatitur mjaft mirë për të mirëpritur miqtë nga e gjithë bota.
Sportistët e rinj sjellin zjarrin olimpik në stadium
Për Londrën këto janë Lojërat e treta Olimpike, pas atyre të zhvilluara në vitin 1908 dhe 1948. Sfidat e para në sport sot janë në çiklizëm, not dhe qitje.
Nis ceremonia e hapjes së lojërave olimpike në Londër. Spektakli tre orësh ne stadiumin olimpik do të ndiqet nga një audiencë prej rreth 1 miliard teleshikuesish, ndërsa në stadium pritet që të jenë te pranishem 80 mijë shikues.
Zyrtarët e lartë britanikë dhe ata të Londrës thonë se çdo gjë është gati për Lojërat Olimpike Verore 2012. Simboli i Lojërave Olimpike, Flaka Olimpike, vazhdoi rrugën e saj nëpër Londër përgjatë lumit Tamiz, ku arriti pas 70 ditësh të marshimit nëpër shumë qytete të botës.
Tashme flaka eshte vendosur në pishtarin madheshtor, ku do të jetë e ndezur për 16 ditët e zgjatjes së Lojërave Olimpike. Për sportistët medalja olimpike është pothuajse e shenjtë, pasi olimpiada mbahen për çdo katër vite dhe paraqet sukses jetësor për sportistin apo sportisten që fiton medale. Kryeministri britanik, Dejvid Kamerun, tha se çdo gjë është gati për këtë manifestim të madh të sportit.
Pavaresisht se, ceremonia e hapjes nuk ka filluar ende, garat sportive tashmë po zhvillohen në futbollin e meshkujve dhe të femrave. Në ceremoninë e hapjes do të bjere këmbana më e madhe në Evropë, që do ta simbolizoj fillimin e ceremonisë së hapjes. Mbretëresha dhe Princi Filip në Pallatin e Bakingemit organizojnë pritje për shefat e shteteve dhe të qeverive të shumë vendeve të botës, ndërsa një koncert festiv mbahet në Hajd Park.
Për ceremoninë hapëse, Komiteti Organizativ ia ka besuar drejtimin regjisorit fitues të çmimit Oskar, Deni Boil, autor i filmit "Slumdog Millionaire", që do të ketë si krah të djathtë Stefen Daldri dhe Billi Eliot. Për shkak të krizës financiare botërore, ceremonia do të jetë më pak e kushtueshme se madhështia e ofruar nga Kina 4 vjet më parë, megjithatë Londra ka shumë për t'u ofruar spektatorëve nga e gjithë bota, sidomos atyre që do të jenë të pranishëm në qytet për të ndjekur evenimentin.
Kryeministri Sali Berisha, i cili ndodhet në Londër për të marrë pjesë në ceremoninë e hapjes së Lojërave Olimpike Londër 2012, pati sot një takim me ekipin olimpik shqiptar, stafin e trajnerëve dhe atë organizativ që e shoqëron, në një pritje të organizuar në ambasadën e Shqipërisë në Londër.
Zyra e shtypit e kryeministrisë bëri të ditur se në pritje ishte e pranishme edhe Presidentja e Kosovës, Atifete Jahjaga, ministrat e Kulturës dhe Sporteve Aldo Bumci dhe ai i Kosovës Memli Krasniqi, si dhe përfaqësues të komunitetit shqiptar në Londër dhe miq britanikë me kontribut në zhvillimet e të Shqipërisë.
Kryeministri Berisha u uroi sportistëve suksese në garimin e tyre, duke shprehur njëherësh besimin se në këtë garë, ata do të arrijnë të zënë vendet që meritojnë.
"Suksesi i juaj i parë", u shpreh Kryeministri, është që jeni këtu si përfaqësues të kombit shqiptar. Ndaj jam i bindur se në këtë garë, më e bukura që organizon njerëzimi, ju do të nderoni veten dhe kombin tuaj.
Një përshëndetje të veçantë, Kryeministri Berisha i drejtoi sportistet Majlinda Kelmendi, e cila garon në disiplinën e xhudos, për prezencën e saj në ekipin olimpik me flamurin shqiptar.
Presidentja Jahjaga uroi gjithashtu sportistët olimpike për suksese në këto Lojëra. Të gjithë, tha Presidentja Jahjaga, kemi sot, ndjenjën e sportit dhe shpirtin e sportistit, duke theksuar se edhe prezenca në Londër ishte një përkrahje e fuqishme për ekipin tonë.
Kreu i delegacionit shqiptar në Lojërat Olimpike Viron Bezhani, në emër të të gjithë ekipit, tha se ëndrra e sportistëve është ngritja lart e flamurit shqiptar dhe se ata do përpiqen shumë ta arrijnë.
Në mbrëmje, Kryeministri Berisha dhe bashkëshortja, zonja Liri Berisha do të marrin pjesë në pritjen që Mbretëresha e Mbretërisë së Bashkuar Elizabeth II do të japë në Buckingham Palace, për nder të liderëve botërore, që do të ndjekin ceremoninë zyrtare të hapjes së Lojërave Olimpike Londër 2012.
Përpara pritjes, Kryeministri Berisha do të ketë në Buckingham Palace, një takim të veçantë me Kryeministrin britanik David Cameron.Në orën 21 (ora lokale), Kryeministri Berisha do të jetë i pranishëm në Stadiumin Olimpik të Londrës, ku do të ndjekë ceremoninë zyrtare të hapjes së Lojërave Olimpike 2012
Qindra personalitete të njohura në shkallë globale, përfshirë 120 liderë botërorë do të marrin pjesë sonte në hapjen e Lojërave Olimpike në Londër, ndërsa mes të ftuarve do të jenë edhe Angelina Jolie, Brad Pitt, David Beckam dhe mbreti i Svazilandit.
Pritet një numër rekord i shefave të shteteve dhe qeverive që të shohin ekstravagancën muzikore, vallëzuese dhe piroteknike me vlerë 42 milionë dollarë, në kryeqytetin e Britanisë së Madhe.
Kancelarja gjermane, Angela Merkel dhe kryeministri japonez, Joshihiko Noda do të jenë disa nga liderët të cilët do ta shohin këtë spektakël me regji të Seniy Bela.
Mbretëresha Elizabeta II zyrtarisht do t'i hapë lojërat, ceremonisë e së cilës është ende në fshehtësi të plotë, por pritet edhe një skenë ku dadoja e filmave ''Mary Popins'' shkatërron kundërshtarin e Harry Poterit, lordin Voldermont.
Zonja e parë e SHBA-së, Michel Obama do të kryesojë delegacionin amerikan, ndërsa ende nuk dihet prania e bashkëshortit të saj, Barack Obama. Kundërshtari i tij në garën parazgjedhore Mitt Romney do të jetë i pranishëm në ceremoni.
Princi britanik dhe bashkëshortja e tij, Catherine do të ulen në ceremoni nën shoqërinë e fisnikërisë evropiane duke përfshirë edhe princin Alberto të Monakos.
Delegacionin rus do ta kryesojë kryeministri Dmitri Medvedev. Legjenda britanike e futbollit David Beckam duhet të paraqitet në ceremoni, edhe pse nuk do të garojë për Britaninë e Madhe, çka shkaktoi zemërim të madh te opinioni publik britanik.
Organizatorët presin rreth 120 shefa të shteteve dhe qeverie, që është shumë më shumë në krahasim me 80 të cilët ishin në Pekin në vitin 2008. Ata do të priten në Buckingham Palace.
Dyshja hollivudiane Angelina Jolie dhe Brad Pitt do të ndihmojnë në organizimin e kësaj mbrëmje ku do të mblidhen ndihma për organizatën humanitare "Sport deri në paqe".
Në mbrëmjen do të paraqitet edhe aktorja Catherine Zeta Johns, automobilisti Lewis Hamilton, boksierët ukrainas, vëllezërit Kliçko.
Në ceremoni nuk do të marrë pjesë presidenti sirian, Bachar al Asad, edhe pse ekipi sirian do të garojë në Olimpiadë, Robert Mugabe nga Zimbabve dhe Aleksander Lukashenko nga Bjellorusia. Në pikëpyetje është vizita e presidentit iranian, Mahmud Ahmadinexhad.
Pretendentët e mëdhenj për medaljen e parë të artë olimpike në futboll, Brazili shkatërron 3-1 Bjellorusinë, të udhëhequr nga Neymar, duke avancuar në çerekfinale.
Afrikano-jugori Cameron Van der Burgh dhe amerikania, Dana Vollmer kanë vendosur rekorde të reja botërore në 100 metra bretkosë për meshkuj dhe flutur për femra. Van der Burgh i ka mohuar japonezit Kosuke Kitajima objektivin për të qenë sportisti i parë mashkull që fiiton medaljen e artë në tre olimpiada radhazi.
Vollmer është rikthyer fuqishëm pas problemeve të shumta shëndetësore duke fituar 100 metrat flutur, madje duke përmirësuar me 0.08 sekonda rekordin e 2009 në Romë. Është një mision i jashtëzakonshëm për amerikanen, që pasi fitoi medaljen e artë në Athinë 2004, iu nënshtrua një ndërhyrje kirurgjikale në zemër
Michael Phelps ka fituar medaljen e tij të parë të argjendtë në garën 4x100 stil i lirë, rezultat që e çon numrin e medaljeve për amerikanin në 17, vetëm një, larg rekordit absolut të mbajtur nga gjimnastja sovjetike Larisa Latynina. Por e arta shkon për Francën me Yannick Agnel, që mund në limit rivalin e madh të Phelps, Ryan Lochte.
Në tenis, raketa numër 4 Murray, kthehet në Centre Court tre javë pas ditës kur humbi finalen e Wimbledon kundër Roger Federer, duke nisur furishëm rrugën e tij me suksesin 6-3, 6-3 kundër Vavrinka. Murray ka përmirësuar kështu debutimin në krahasim me Pekin 2008, ndërsa
Vavrinka duhet të përqendrohet vetëm në mbrojtjen e medaljes së Pekinit në dyshe me Federer.
Olimpiket 2012, vendosen rekorde të reja në not
Pretendentët e mëdhenj për medaljen e parë të artë olimpike në futboll, Brazili shkatërron 3-1 Bjellorusinë, të udhëhequr nga Neymar, duke avancuar në çerekfinale. Në Old Trafford, 5 herë kampionët e botës janë surprizuar nga Renan Bardini, braziliani që luan për bjellorusët, por vetëm 7 minuta ka zgjatur avantazhi i tyre. Një krosim i Neymar është shfrytëzuar nga Pato, që barazon rezultatin. Ylli i Selecaos shënon me një goditje dënimi spektakolare në pjesën e dytë, ndërsa krijon edhe golin e tretë për Oscar.
Dream Team jep edhe shown e parë në parketin e basketbollit, natyrisht duke synuar medaljen e artë në Londër 2012. Amerikanët thyejnë Francën 98-71, por në fakt, duke e patur jo të lehtë pjesën e parë të lojës. Kobe Bryant, LeBron James dhe të tjerët mjaftojnë për t'i dhënë suksesin e parë përfaqësueses amerikane, që si asnjëherë më parë radhit në fushë yjet e saj më të shkëlqyer. Shënuesi më i mirë për amerikanët ishte Kevin Durant, autor i 22 pikëve; 14 për Love, 10 të Bryant, ndërsa për francezët 12 pikë ka realizuar Traore e 10 Parker. Amerikanët kanë patur edhe mbështetjen e zonjës së parë, Michelle Obama, që ka përshëndetur fituesit në fund.
Në stafetën 4x400 për femra është skuadra amerikane ajo e cila ka dominuar edhe në këtë olimpidaë duke marrë medaljen e artë.
Troter, Felis, MekKorori dhe Ricards Ros, janë atletet që i dhanë një tjetër medalje të artë Shteteve të Bashktuara, ndërkohë pas tyre u renditën atletet ruse, fiutese të medaljes së argjendtë dhe në vendin e tretë gjendet Xhamajka.
Shtetet e Bashkuara fituan medaljen e artë duke shënuar edhe një rekord të ri Botëror pas 27-vjetësh, në stafetën 4x100m për femra në Londër 2012.
Ekipi i përbërë nga Tianna Madison, Allyson Felix, Bianca Knight dhe Carmelita Jeter shpërthyen në pistë duke shënuar kohën 40.82 sekonda, dhe duke mposhtur rekordin e Gjermanisë Lindore me 41.37, i cili nuk ishte cënuar që nga viti 1985.
Ekipi i Xhamajkës u rendit i dyti me një rekord të ri kombëtar me 41.41 sekonda, ndërsa në vendin e tretë u rendit Ukraina duke kapur kohën 42.04, duke u pasuar nga Nigeria në të katërtin.
Ekipi SHBA-ve kishte dështuar për të arritur në finale në Olimpiadën e Pekinit katër vjet më parë.
Në garën e 800 m për femra, rusia Maria Savinova ka arritur të shkëputet në metrata e fundit duke ndalur kronometrin në kohën 1.56.19, mjaftueshëm për t'i dhënë atletes ruse medaljen e artë.
Kaster Semenia nga Afrika e Jugut e kaloi finishin e dyta, duke marrë medaljen e argjendtë, ndërsa në vendin e tretë gjendet një tjetër ruse. Me kohën 1.57.53, Ekaterina Poistogova, është fituesja e medaljes së bronxtë.
Dukej që do të ishte olimpiada e tyre, të paktën sa i përket futbollit, por Brazili nuk ka arritur të kompletojë marshimin e tij pasi ka humbur medaljen e artë në finalen e Uemblit, pasi u mund 2-1 nga Meksika.
Peralta kalon menjëherë në avantazh në minutën e parë të ndeshjes, Meksikën dhe janë po ata që dyfishojnë shifrat në minutën e 75-të. Përfaqësuesja selesao ngushoi në kohën shtesë rezultatin me Hulk, ndërsa Oskar humbi shansin për të barazuar në 2-2.
Shtatë ditë pasi mori medaljen e tretë të artë për Britaninë e Madhe në garën e 10.000 metrave, Farah arrin të bëjë një tjetër paraqitje shumë të mirë në garat e distancës.
80.000 të pranishmit në stadiumin olimpik kanë parë dominimin e Farah në garën e 5000 metrave për meshkuj, ndërkohë pas tij u rendit etiopiani Gebremeskel, fitues i medaljes së argjendtë dhe Keniani Tomas Longosiva u rendit i treti e mori medaljen e bronxtë.
Gjatë ceremonisë së mbylljes së Lojrave Olimpike, e cila do të zgjasë tre orë e gjysmë, do të performojnë yjet më të mëdhenj të së shkuarës dhe të tashmes së muzikës britanike pop dhe rrok.
Emrat e legjendave të muzikës si George Michael dhe Spice Girls apo edhe fituesi i Cmimeve Britanike, Ed Sheeran. Pavarësisht nga përpjekjet e organizatorëve të Lojrave Olimpike për të ruajtur sekretet, detajet kanë filluar të dalin në shtyp.
Spektakli i cili është quajtur Simfonia e Muzikës Britanike, është projektuar të nderojë industrinë muzikore britanike. Provat gjenerale për ceremoninë ku pritet të marrin pjesë 1400 artistë janë duke u zhvilluar në një vend sekret në Londër.
Përveç një plejade muzikantësh britanikë, në ceremoninë e mbylljes së Lojrave pritet të ketë edhe një procesion modelesh përfshi Naomi Campbell e Lily Cole, në shenjë nderimi për industrinë britanike të modës. Sakaq, pritet të ketë edhe perfomanca komedianësh anglezë përpara spektaklit i cili do të mbyllet me një finale të madhe me fishekzjarre.
Ashtu si edhe në ceremoninë e hapjes, organizatorët arritën të mbajnë sekret shumë detaje të ceremonisë, gjë që edhe mund të jetë e vërtetë edhe në ceremoninë e mbylljes, e cila pritet të fillojë në orën 10 të mbrëmjes sipas orës shqiptare.
Më shumë se 100 sportistë janë lënë jashtë Olimpiadës së Londrës për shkak të suspendimit nga dopingu. Presidenti i agjencisë botërore të anti-dopingut, John Fahey, ka thënë se ky është rezultat i testimit të sportistëve para arritjes së tyre në Londër.
Për gjashtë muaj së paku 107 sportistë dolën pozitivë në testin e anti-dopingut, duke mbetur jashtë këtij evenimenti. Fahey megjithatë thotë se jo të gjithë ata do të mund të kualifikoheshin për të garuar në ‘Londra 2012’. “Nëse kjo ka qenë ambicia e tyre, atëherë mund të them se kam kënaqësinë të them se ata nuk do të jenë me ne në Londër”, tha Fahey për revistën vjetore të Komitetit Olimpik Ndërkombëtar.
Ai ka premtuar se edhe gjatë periudhës së mbajtjes së Olimpiadës, WADA do t’i inspektojë rregullisht sportistët. “Atletët e dopinguar duhet ta dinë se mundësia e zbulimit të tyre është më e madhja e ndodhur ndonjëherë”, vazhdoi lideri i kësaj agjencie.
Plan i Komitetit Olimpik Ndërkombëtar (IOC) është që të bëhen më shumë se 5 mijë teste të dopingut gjatë periudhës zyrtare të Olimpiadës, e cila ka nisur që nga zbarkimi i sportistëve në fshatin olimpik më 16 korrik. 300 testet e para kanë dalë negative, ka shpjeguar zëdhënësi i IOC-së, Mark Adams.
Lojërat Olimpike verore ‘Londra 2012’ janë në përfundim, por mësimi dhe efekti i tyre do të zgjasë për kohë të gjatë. Miliona të rinj në mbarë botën janë inspiruar nga Olimpiada e sivjetme. Secili në mënyrën e tij, fëmijët e kanë mësuar frymën sportive, duke u shërbyer në edukim dhe një jetë më të mirë.
Efekti pas Lojërat Olimpike verore ‘Londra 2012’ tyre do të zgjasë për një kohë të konsiderueshme. 80 për qind e shkollave në Britaninë e Madhe tani janë anëtare e programit edukativ të Lojërave 2012, Get Set.
Kurse, në Shtetet e Bashkuara të Amerikës, shikueshmëria e Olimpiadës te tinejxherët ka shënuar 29 për qind rritje për dallim nga Pekini 2008. Programi edukativ i Lojërave 2012, Get Set ka mësuar të rinjtë të jetojnë vlerat olimpike dhe praolimpike në shkollat dhe komunitetet e tyre, prej nisjes më 2007.
Në total, 21 mijë shkolla kanë vijuar programin dhe kishin rastin të fitojnë vizita nga atletët, të aplikojnë për bileta dhe të përshëndeten me maskotat e Olimpiadës 2012, Wenlock dhe Mandeville. Përveç kësaj, studentët nga më tepër se 300 shkolla kanë qenë në turne në Parkun Olimpik dhe 315 mijë bileta për Lojëra u janë dhënë shkollave anembanë Britanisë së Madhe si pjesë e projektit London 2012 Ticketshare.
Të rinjtë po ashtu patën rastin të luajnë rol të rëndësishëm në ceremoninë e hapjes së Lojërave: 2000 studentë nga 250 shkolla rreth Britanisë së Madhe formuan gardën e nderit, kurse 1500 studentë të tjerë patën rastin jetësor të performojnë brenda Stadiumit Olimpik.
Po ashtu në Britaninë e Madhe, programi Young Leaders ka ndihmuar 100 të rinj me aftësi të kufizuara duke iu ofruar rastin të bëjnë ndryshime pozitive në jetërat e tyre, duke marrë pjesë në projekte ekipore dhe sfida individuale të inspiruara nga Lojërat dhe vlerat olimpike dhe paraolimpike.
Olimpiada 2012 në Londër pati ndikim edhe në jetën e përditshme të fëmijëve jashtë Britanisë së Madhe. International Inspiration, programi i trashëgimisë së Lojërave 2012 ka arritur të aktivizojë më tepër se 12 milionë fëmijë në 20 shtete të ndryshme, duke ua mësuar atyre sportin dhe edukimin.
Në Bangladesh, një shtet i njohur për braktisje, më tepër se 250 mijë fëmijë kanë mësuar notin e shpëtimit. Në Brazil, është shënuar rritje në numrin e mësuesve të edukatës fizike deri në 80 për qind në 13 nga 26 autoritete lokale ku aplikohet programi. Kurse në Zambi, Inspiration International ka përdorur sportin si formë të edukimit në luftën kundër HIV-it dhe AIDS-it.
Legjenda braziliane Pele ka pranuar se është i brengosur për përgatitjet e shtetit të tij për organizimin e dy ngjarjeve të mëdha sportive në katër vitet e ardhshme.
I pyetur të krahasojë Lojërat e Londrës 2012 me ngjarjet e ardhshme në Brazil, 71 vjeçari pranoi se ekzistojnë “probleme” me ndërtimin, komunikimin dhe transportin derisa Brazili bëhet gati si nikoqir i Kampionatit botëror 2014 dhe Lojërave Olimpike Rio de Janeiro 2016.
“Për momentin, gjërat nuk janë duke shkuar mirë. Ne kemi problem të vogël me ndërtimin. Do të punojmë shumë por brengosemi sepse komunikimi dhe transporti po ashtu nuk janë në gjendje të mirë”, shtoi ai. Pele, i cili konsiderohet si futbollisti më i mirë në histori dhe udhëhoqi Brazilin drejt tre prej pesë titujve të tij në Kampionate botërore, ka theksuar se “të gjithë i dinë problemet”.
“Njerëzit mendojnë se do të jetë lehtë por nuk mendoj ashtu, kemi edhe vetëm dy vite kohë. Kam biseduar me presidenten Dilma (Rousseff) dhe ajo më ka thënë se do të bëjë gjithçka në fuqinë e saj për një organizim sa më të mirë por ne ende nuk jemi gati”, përfundoi ai.
Londra do ta dorëzojë flakadanin në Rio de Janeiro pas ceremonisë përmbyllëse të Lojërave të dielën mbrëma.
Lojrat Olimpike 2012, medaljet e ditës së 14
ATLETIKË
Kërcim me shkop (M)
1. Reno Lavijeni (Francë)
2. Bjorn Oto (Gjermani)
3. Rafael Holzdepe (Gjermani)
1. Tatiana Lysenko (Rusi) Rekord Olimpik
2. Anita Vlodarczik (Poloni)
3. Beti Haidler (Gjermani)
5000 metra (F)
1. Meseret Defar (Etiopi)
2. Vivian Sheruiot (Kenia)
3. Tirunesh Dibaba (Etiopi)
Stafetë 4 x 100 metra (F)
1. SHBA Rekord Botëror
2. Xhamajka
3. Ukrainë
1500 metra (F)
1. Asli Alptekin Çakir (Turqi)
2. Gamze Bulut (Turqi)
3. Mariam Jusuf Xhamal (Bahrein)
Stafetë 4 x 400 (M)
1. Bahamas
2. SHBA
3. Trinidad Tobago
ÇIKLIZËM BMX
Pistë (F)
1. Mariana Pajon (Kolumbi)
2. Sarah Uollker (Zelandë e Re)
3. Laura Smulders (Holandë)
Pistë (M)
1. Maris Strombergs (Letoni)
2. Sem Uilloubi (Australi)
3. Karlos Mario Okuendo Zabala (Kolumbi)
HOKEI
Femra
1. Holandë
2. Argjentinë
3. Britani e Madhe
LUNDRIM
Barkë 470 (M)
1. Australi
2. Britani e Madhe
3. Argjentinë
Barkë 470 (F)
1. Zelandë e Re
2. Britani e Madhe
3. Holandë
NOT
Maratonë 10 km (M)
1. Osama Meluli (Tunizi)
2. Tomas Lurz (Gjermani)
3. Riçard Uainberger (Kanada)
NOT I SINKRONIZUAR
Skuadër (F)
1. Rusi
2. Kinë
3. Spanjë
TAEKUONDO
67 kg (F)
1. Kiung Seon Huang (Kore e Jugut)
2. Nur Tatar (Turqi)
3. Helena From (Gjermani)
Peixh MekFerson (SHBA)
80 kg (M)
1. Sebastian Eduardo Krismaniç (Argjentinë)
2. Nikolas Garcia Heme (Spanjë)
3. Lutalo Muhamad (Britani e Madhe)
Mauro Sarmiento (Itali)
MUNDJE
55 kg stil i lirë (M)
1. Xhamal Otarsultanov (Rusi)
2. Vladimer Kinçegashvili (Gjeorgji)
3. Jumoto Shiniçi (Japoni)
Kiong Il Jang (Kore e Veriut)
74 kg stil i lirë (M)
1. Xhordan Ernest Burrous (SHBA)
2. Saed Sadeg Goudarzi (Iran)
3. Denis Tsargush (Rusi)
Soslan Tigiev (Uzbekistan)
Lojrat Olimpike 2012, medaljet e ditës së 15
ATLETIKË
50 km ecje sportive (M)
1. Sergei Kirdiapkin (Rusi) Rekord Olimpik
2. Xhared Talent (Australi)
3. Tianfeng Si (Kinë)
20 km ecje sportive (F)
1. Elena Lashmanova (Rusi)
2. Olga Kaniskina (Rusi)
3. Shenije Qieyang (Kinë)
Kërcim së larti (F)
1. Ana Çiçerova (Rusi)
2. Brigeta Barret (SHBA)
3. Svetlana Shkolina (Rusi)
Hedhje shtize (M)
1. Keshorn Uollkot (Trinidad Tobago)
2. Oleksandr Piatnitsia (Ukrainë)
3. Anti Ruskanen (Finlandë)
5000 metra (M)
1. Mohamed Farah (Britani e Madhe)
2. Dejen Gebremeskel (Etiopi)
3. Tomas Longosiua (Kenia)
800 metra (F)
1. Maria Savinova (Rusi)
2. Kaster Semenaia (Afrikë e Jugut)
3. Ekaterina Poistogova (Rusi)
Stafetë 4 x 400 metra (F)
1. SHBA
2. Rusi
3. Xhamajka
Stafetë 4 x 100 metra (M)
1. Xhamajka Rekord Botëror
2. SHBA
3. Trinidad Tobago
BASKETBOLL (F)
1. SHBA
2. Francë
3. Australi
BOKS
49 kg (M)
1. Shiming Zou (Kinë)
2. Kaeo Pongpraion (Tajlandë)
3. Padi Barns (Irlandë)
David Airapetian (Rusi)
56 kg (M)
1. Luk Kampbell (Britani e Madhe)
2. Xhon Xho Nevin (Irlandë)
3. Lazaro Alvarez Estrada (Kubë)
Satoshi Shimizu (Japoni)
64 kg (M)
1. Roniel Iglesias Sotolongo (Kuba)
2. Denis Berinçik (Ukrainë)
3. Munkh-Erden Urançimeg (Mongoli)
Vinçenco Manxhiakapre (Itali)
75 kg (M)
1. Riota Murata (Japoni)
2. Eskiva Falkao Florentino (Brazil)
3. Entoni Ogogo (Britani e Madhe)
Abos Atoev (Uzbekistan)
91 kg (M)
1. Oleksandr Usik (Ukrainë)
2. Klemente Ruso (Itali)
3. Tervel Pulev (Bullgari)
Teimur Mamadov (Azerbajxhan)
KANOE SPRINT
200 metra kajak individual (M)
1. Ed MekKevir (Britani e Madhe) Rekord Olimpik
2. Saul Kravioto Rivero (Spanjë)
3. Mark De Jong (Kanada)
200 metra kanoe individual (M)
1. Juri Çeban (Ukrainë)
2. Jevgenij Shuklin (Lituani)
3. Ivan Shtyl (Rusi) Rekord Olimpik në kualifikuese
200 metra kajak individual (F)
1. Lisa Kerrington (Zelandë e Re) Rekord Olimpik
2. Ina Osipenko-Radomska (Ukrainë)
3. Natasha Duçev-Janiçs (Hungari)
200 metra kajak dyshe (M)
1. Rusi Rekord Olimpik
2. Bjellorusi
3. Britani e Madhe
ÇIKLIZËM MOUNTAIN BIKE
Cross-country (F)
1. Xhuli Breset (Francë)
2. Sabine Spitz (Gjermani)
3. Xhorxhia Gould (SHBA)
ZHYTJE
Platformë 10 metra (M)
1. David Boudia (SHBA)
2. Bo Qiu (Kinë)
3. Tomas Dalei (Britani e Madhe)
FUTBOLL (M)
1. Meksikë
2. Brazil
3. Kore e Jugut
GJIMNASTIKË RITMIKE
Individuale e përgjithshme (F)
1. Evgenia Kanaeva (Rusi)
2. Daria Ditrieva (Rusi)
3. Liubou Çarkashina (Bjellorusi)
HENDBOLL (F)
1. Norvegji
2. Mali i Zi
3. Spanjë
HOKEJ (M)
1. Gjermani
2. Holandë
3. Australi
PENTATLON (M)
1. David Svoboda (Çeki) Rekord Olimpik
2. Zhongrong Cao (Kinë)
3. Adam Marosi (Hungari)
LUNDRIM
Barkë 6 metra (F)
1. Spanjë
2. Australi
3. Finlandë
TAEKUONDO
+67 kg (F)
1. Milica Mandiç (Serbi)
2. An-Karolin Graf (Francë)
3. Maria Del Rosario Espinoza (Meksikë)
Anastasia Barishnikova (Rusi)
+80 kg (M)
1. Karlo Molfeta (Itali)
2. Antoni Obame (Gabon)
3. Robelis Despanj (Kuba)
Xiaobo Liu (Kinë)
VOLEJBOLL (F)
1. Brazil
2. SHBA
3. Japoni
MUNDJE
60 kg stil i lirë (M)
1. Toghrul Asgarov (Azerbajxhan)
2. Besik Kudukhov (Rusi)
3. Jogeshvar Dut (Indi)
Koleman Skot (SHBA)
84 kg stil i lirë (M)
1. Sharif Sharifov (Azerbajxhan)
2. Xhemi Espinal (Porto Riko)
3. Dato Marsagishvili (Gjeorgji)
Ehsan Lashgari (Iran)
120 kg stil i lirë (M)
1. Artur Taimazov (Uzbekistan)
2. David Modzmanazhvili (Gjeorgji)
3. Bilial Makhov (Rusi)
Komeil Ghasemi (Iran)
