Mrekullia e ADN-së, çfarë tregon kodi gjenetik i njeriut

F.B

Deri para 50 vjetësh shkencëtarët përpiqeshin të mësonin rreth kodit gjenetik të njeriut, ndërsa tani studiuesit janë në gjendje të zbulojnë kodin gjenetik të një individi brenda pak orësh. Kjo arritje jo vetëm që u jep mundësinë mjekëve të gjejnë shkakun e shumë sëmundjeve, por edhe parashikon se nga çfarë sëmundjesh mund të preken ata në të ardhmen. Në Britani, kjo është një fushë që po bëhet gjithnjë e më popullore në testimet mjekësore. Gjenet tona na bëjnë ata që jemi, të gjatë, të shkurtër, me flokë të zezë apo të kuq. Ato janë bazat e formës sonë fizike dhe kanë ndikim të madh te shëndeti ynë. Arritjet shkencore bëjnë të mundur tani shpërbërjen e ADN-së dhe ekzaminimin e sekuencës gjenetike për defekte të ndryshme që mund të çojnë në sëmundje si diabeti, probleme kardiovaskulare dhe distrofi muskulare. Doktor Fred Kavalier është gjeneticist në një spital të Londrës. “Teknologjia për testimin e ADN-së e bën tani të mundur leximin më të shpejtë të sasive të mëdha të ADN-së”,- pohon ai. Mbledhja e informacioneve nga gjenet tona nuk ndihmon vetëm mjekët për diagnostikimin e sëmundjeve, por i ka hapur rrugë edhe një biznesi në Britani. Njerëzit gjithnjë e më tepër po u kthehen kompanive të tilla si Shëndeti Gjenetik në Londër për të marrë një analizë personale të sekuencës së tyre gjenetike dhe vlerësim të problemeve mjekësore që mund të kenë në të ardhmen.
Analizat
Një mostër pështyme mjafton për të marrë ADN-në që duhet për analiza. Brian Whitley është drejtori i kompanisë “Shëndeti Gjenetik”. Ai shprehet: “Ne u japim njerëzve një raport 50 faqesh, që i njeh ata jo vetëm me të dhënat klinike të momentit, por edhe të dhënat që kemi nxjerrë ne në lidhje me rreziqet që mund të kenë ata në të ardhmen dhe si t’i shmangin ato”. Disa kompani dërgojnë mjetet për marrjen e pështymës tek klienti me postë dhe pastaj u kthejnë atyre raportin. Ndërsa, disa të tjera preferojnë t’i takojnë klientët e tyre. Megjithatë, komuniteti shkencor britanik është i shqetësuar sepse, megjithëse studimi i gjeneve tona po përparon, mbeten ende shumë të panjohura për të bërë një analizë të përshtatshme. Doktor Fred Kavalier është zëdhënës i Shoqërisë Britanike të Gjenetikës Njerëzore, ai sqaron se: “Ne nuk kemi njohuri të mjaftueshme për të gjitha gjenet që janë pjesë e sëmundjeve. Ne njohim disa nga këto gjene, megjithëse ka ndoshta mijëra të tjerë që kanë ndikim. Ёshtë sikurse të shohësh disa letra bixhozi nga një kuti dhe të arrish në një përfundim për të gjithë kutinë”. Doktor Kavalier shqetësohet se njerëzit mund të ndërmarrin masa të panevojshme nëse u thuhet se kanë një rrezik të vogël sëmundjesh ose mund të shqetësohen pa shkak. Analiza e profilit gjenetik kushton mes një mijë dhe dy mijë dollarëve. Megjithëse disa thonë se kjo është shumë e madhe për t’u paguar për informacione që, në fund të fundit, nuk mund ta ndryshojnë fatin e një njeriu, të tjerë thonë se të dish se çfarë mund të ndodhë në jetën tënde në të ardhmen ka një vlerë të jashtëzakonshme.

Magjia e zeze dhe ndikimi i saj

F.B.

 Kohën e fundit të gjithë jemi dëshmitarë se shumica e njerëzve për shumë sëmundje, brenga jetësore, çrregullime të ndryshme psikike dhe shqetësime shpirtërore, kërkojnë ndihmë nga terapeutët laikë të metodave alternative të shërimit. 

Kur në jetën e përditshme ballafaqohet me situata të këtilla, edhe skeptikut më të madh, me një edukatë të fortë materialiste, dyshimi i parë intim që do t'i bie ndërmend është: "Mos jam vallë nën ndikimin eventual të magjisë së zezë?!"

Jo vetëm tek ne shqiptarët, por frika nga magjia e zezë ekziston dhe ka ekzistuar përherë, edhe tek të gjithë popujt tjerë, pa marrë parasysh shkallën e zhvillimit të tyre kulturor dhe civilizues. Nëpër shumë shtete të Evropës së sotme si dhe në kontinentet e tjera, ekzistojnë dhe përherë kanë ekzistuar kulte të ndryshme, të cilat e kultivojnë magjinë e zezë. Ato janë bashkësi dhe shoqata të ndryshme që veprojnë legalisht, gjysmë-legalisht, ose të fshehura pas ndonjë shkolle të ushtrimit dhe të edukatës psikike. Këto kulte dhe shoqata kanë një numër të madh anëtarësh, e shpesh në mesin e tyre gjenden edhe personalitete të larta të jetës shoqërore-politike.

Bie fjala HITLERI, themeluesi i nazizmit famëkeq, ka qenë anëtarë aktiv i një sekti të magjisë së zezë në Gjermani e ashtuquajtur "TULLA". Edhe simboli nazist i kryqit të thyer është simbol magjik që ka prejardhjen nga simbolet e magjisë së Egjiptit të lashtë.
Edhe pse njohuritë për magjinë e zezë në Kosovë dhe tek populli shqiptar në përgjithësi, janë nga lashtësia, fatkeqësisht, kjo frikë, edhe sot e kësaj dite, me përmasa të mëdha është e shprehur ende tek gjeneratat tona të reja. Përveç termit të popullarizuar "magji e zezë", për këtë dukuri, në popullin tonë mund të dëgjojmë edhe termet: "sehire", "të bame" etj.

ÇKA ËSHTË, NË REALITET, MAGJIA E ZEZË?

Magjia e zezë është ndikimi psikik i një personi në personin tjetër nga larg, pa dijeninë e tij, me qëllim që atij ose ndonjë anëtarit tjetër të familjes, t'i shkaktohet dëm apo çfarëdo e keqe. Magjia e zezë kryhet nga personi i caktuar që disponon aftësi të jashtëzakonshme të ndikimit psikik nga larg dhe quhet magjistar. Këta persona, aftësinë e veprimit përmes magjisë së zezë, e kanë të lindur, të trashëguar nga njeri prej të afërmve (zakonisht prej prindërve) ose të arritura me ushtrime të caktuara mentale si pjesëtar i ndonjë kulti të magjisë së zezë. Praktika ka treguar se magjistarët që aplikojnë magjinë për qëllime negative, aftësitë e tyre i kanë vërejtur tek pas tejkalimit të ndonjë krize mentale, prandaj me plot të drejtë mund të konstatojmë se ata janë njerëz psikikisht të sëmurë.
Magjistari, zakonisht ritualin e caktuar të magjisë së zezë e kryen me porosinë e personit të tretë dhe për këtë veprim realizon të mira të konsiderueshme materiale.

Rituali i magjisë së zezë mund të kryhet në mënyrë direkte, ku mjafton vetëm emri, emri i njërit prind, mbiemri dhe mosha e viktimës, si dhe në mënyrë indirekte, përmes sendit të caktuar fizik ndërmjetësues. Si send ndërmjetësues fizik, zakonisht kërkohet: fotografia e viktimës, copa e thoit, qimja e flokut, copa e veshjes intime që është bartur një kohë të gjatë nga viktima, gjaku te femrat nga një vatë higjienike e mbeturinës menstruale, unaza etj.

Njëra ndër veprimet më të rëndësishme të bërjes së magjisë së zezë është parafytyrimi tejet i qartë i ngjarjes. E keqja që duhet t'i ndodhë viktimës duhet të vizuelizohet qartë nga magjistari në pëlhurën filmike të paramenduar si figuracion psikik. Pasi të kryhet ky ritual, përdorohet metoda tjetër e mbushjes emocionale të ngjarjes së paramenduar dhe, së fundi, e tërë kjo si formë tejet e fortë energjetike bartet (induktohet) tek sendi fizik i viktimës. Po të bëjmë krahasime, ky veprim përafërsisht është i njëjtë sikurse tek magneti aktiv, i cili pas fërkimit me forcën e vet magnetike, magnetizon në metal tjetër. Më pas, sendi fizik i viktimës ku është kryer rituali induktiv i magjisë, i dorëzohet porositësit duke i sugjeruar që atë ta vendosë diku afër vendit ku më së shumti qëndron viktima gjatë ditës: tavolinisë së pupnës, shtratit të fjetjes, pragut të shtëpisë etj.

Kur jemi tek format energjetike të induktimit psikik, vetëm të konkretizojmë se, kjo energji mentale që e përdor mendja gjatë koncentrimit të fortë dhe induktimit të saj kah sendi i caktuar, nuk është energji e ndonjë forme kinetike që e njeh fizika e jonë si shkencë, por kemi të bëjmë me një energji nga dimensionet astrale të absorbuara përmes gjendjes së koncentruar të transit psikik. Pasi që kjo energji nuk mund të regjistrohet nga asnjë instrument sado i sofistikuar matës, mu për këtë shkak, magjia si mënyrë e ndikimit psikik tek të tjerët nga larg, mohohet prej shkencës zyrtare si një besëtytni e kotë paganë. Nëse do të arrihet ndonjëherë deri te një zbulim i ndonjë instrumenti të tillë, atëherë pa dyshim se kjo do të jetë arritja më e madhe e njerëzimit. Kjo do të na mundësonte që lehtë të regjistrohen dhe të lexohen edhe mendimet e të tjerëve.



SI VEPRON NDIKIMI MAGJIZEZË?

Për ta sqaruar veprimin e ndikimit të magjisë, në rend të parë duhet sqaruar kuptimin e trupit astral që është pjesë e ndërtimit të tërësisë së çdo gjallese. Njeriu si qenie e përsosur fizike me të gjitha organet e veta funksionale, përbëhet edhe nga trupi energjetik që ndryshe quhet si: "trupi astral", ose në shumë literatura të popullarizuara ezoterike, si "AURA".

Ajo, në një distancë prej 7,5 cm, e përshkruan tërë trupin fizik të njeriut. "Trupi astral" është substancë energjetike dhe ajo nuk mund të vërehet me shqisat tona normale, edhe pse ka njerëz të prirë dhe të ushtruar mentalisht që "Aurën" e regjistrojnë edhe me shqisa fizike. Se "Aura" si mbështjellëse energjetike e trupit vërtet ekziston, nuk ka dyshim edhe për shkencën bashkëkohore, sepse kohën e fundit janë zbuluar shumë instrumente tejet precize digjitale elektronike që e regjistrojnë dhe e incizojnë atë. Këtu si ilustrim mund të përmendim kamerën e popullarizuar të KIRILIJANOVIT (sipas mbiemrit të zbuluesit sovjetik). Trupi astral, pra, është trup energjetik dhe funksioni i tij është i shumëfishtë. Si detyrë themelore ka, që në rend të parë ta furnizojë me ENERGJI VITALE (jetësore) tërë qenien tonë, të cilën e pranon nga Universi. Në "trupin astral", (që gjendet në AURË) përveç funksionit të furnizimit me energji vitale, në forma të "valëve elektromagnetike" janë të regjistruara të gjitha mendimet, emocionet dhe synimet tona në përgjithësi, së bashku me ngjarjet e ndryshme që na kanë ndodhur dhe presin të ndodhin në të ardhmen.

Për nga funksionaliteti i tij, "trupi astral" është neutral dhe nuk bën dallime në mes të mirës dhe të keqes. Nëse ato kanë depërtuar në ndërdijen tonë, aty regjistrohen dhe ekzekutohen të gjitha mendimet, përjetimet emocionet dhe parafytyrimet e ndryshme. Ky funksion i natyrshëm i qenies sonë është tërësisht i pavetëdijshëm, prandaj ne as që mund ta vërejmë me vetëdije të plotë. Ai nuk njeh largësi të shprehura me metra ose kilometra. Në të nuk ekziston hapësira e caktuar e veprimit dhe as koha.

Një "trup astral" individual, njëkohësisht është integrim në trungun e përgjithshëm astral kolektiv që ne ndryshe e quajmë edhe si "ndërvetëdije kolektive" (sipas K.G. Jungut). Prandaj, në të, përveç aktiviteteve të vetëdijshme të mendjes sonë, regjistrohen edhe porosi telepatike (transmisive) që përmes planit "astral kolektiv" përcillen në planin "astral individual" konkret.
Pas këtij sqarimi, t'i kthehemi sërish sendit fizik ku është kryer rituali i magjisë së zezë. Kur personi i caktuar-viktima, vjen për së afërmi në kontakt me pjesën e vet fizike, në të cilën më parë nga magjistari është induktuar porosia magjizezë, atëherë "Aura" e tij e njeh atë si diçka e vetja, ashtu që pa kurrfarë pengesa e pranon mbushjen energjetike nga ai send. Kështu energjia e indiktuar nga sendi ndërmjetësues transmetohet në "Aurën" e viktimës dhe, varësisht nga forca e mbushjes energjetike që është induktuar, pret momentin e caktuar të realizimit.

ZBULIMI DHE EVITIMI I MAGJISË SË ZEZË

Së pari duhet pasur kujdes se çdo problem, "fati i zi", apo ndonjë sëmundje e pashërueshme, nuk duhet të merret decidivishtsi e shkaktuar nga magjia e zezë. Sepse, nëse për vete permanent krijojmë mendime negative në formë të frikës, dyshimeve... etj., atëherë edhe këto gjendje psikike, si valë elektromagnetike, përmes shtypjes, depërtojnë dhe regjistrohen në ndërvetëdijen tonë, duke pritur aty çastin e favorshëm të realizimit. Çdo mendimi i yni, pa marrë parasysh në është negativ apo pozitiv, krijohet si figuracion i vizuelizuar dhe nëse përcillet me një emocion të fortë shpirtëror, si valë elektromagnetike, regjistrohet në ndërvetëdijen tonë.

Përsëritja e përhershme shkakton mbushjen energjetike dhe kjo porosi e shkaktuar nga vetë ne është reale, me tendencë që të materializohet në praktikë.
Pra, analizën e parë në evitimin e magjisë së zezë duhet nisur nga vetvetja. Mos jemi vetë shkaktarë të saj? Nëse kemi indice të forta se, vërtet, jemi nën ndikimin e magjisë së zezë, atëherë hapi i dytë që duhet bërë është zbulimi i sendit ndërmjetësues fizik. Kjo ka një rëndësi të madhe dhe të shumëfishtë, sepse nga shëruesi (terapeuti) i aftë me zbulimin e sendit ndërmjetësues, mund të vërehet se çfarë metode e ndikimit energjetik është kryer në të (ritualit të ajrit, zjarrit, ujit ose tokës). Më pas, përmes djegies, hedhjes në lum, varrosjes në tokë, bëhet asgjësimi i sendit ndërmjetësues dhe pengohet ndikimi i mëtejmë i tij.

Të kemi kujdes!

Me zbulimin dhe asgjësimin e sendit ndërmjetësues fizik nuk është shkatërruar edhe ndikimi i magjisë së zezë, e cila veç ka depërtuar. Ajo, si "larvë" ekziston në "AURËN" e viktimës dhe ende vepron. Prandaj, duhet lajmëruar terapeutin e aftë, i cili posedon aftësi që me metoda të kundra ndikimeve pozitive (magjisë së bardhë), ta asgjësojë në tërësi nga "Aura" veprimin e mëtejmë të "lavrës" së mbetur negative.

PREVENTIVA DHE MBROJTJA NGA MAGJIA E ZEZË

Në të gjitha literaturat profesionale ezoterike të shumë shkollave të magjisë së bardhë, përveç disa metodave terapeutike vetëmbrojtëse, si metodë më e fortë dhe më efikase theksohet mosbesimi në magjinë e zezë (negacioni i vetëdijshëm i ndikimit të saj). Por, sa është reale që vërtetë dhe me gjithë qenien tonë e mohojmë se ajo ekziston? Frika nga e keqja dhe pasiguria permanente në vete na bëjnë tolerant dhe diku në intimen e shumë njerëzve ekziston doza e caktuar e dyshimit.
Metoda tjetër rituale tejet efikase është metoda e autosugjestionit, përmes së cilës, si vazhdimësi ndikojmë në vetvete duke rrënjosur gjithnjë mendime pozitive të vetëbesimit. Kështu krijojmë një barrierë të fortë energjetike rreth "Aurës" sonë, e cila pengon çfarëdo ndikimi negativ nga jashtë.

Autosugjestioni duhet të jetë i përhershëm dhe me besim të fortë në suksesin e saj. Kur për veten krijojmë "larva" të forta energjetike pozitive, atëherë në "Aurën" tonë kurrë nuk do të ketë plasaritje për ndikime të padëshirueshme nga jashtë. Personalitetet e ndryshme me karakter dhe vetëbesim të fortë, kurrë nuk ka mundësi të jenë nën ndikimin e veprimeve nga jashtë: "Aura" e tyre është e mbyllur dhe vepron vetëm në brendinë e vet funksionale.

Sëmundjet gjenetike që vuajnë shqiptarët.

f.b

Çdo vit lindin rreth 1500 fëmijë me deformime gjenetike, të cilat mund të ishin shmangur nëse nëna do të bënte një analizë të thjeshtë të hemoglobinës e cila kushton vetëm 1 mijë lekë të reja.


Dhe në rast se kjo analizë zbulon një deformim të gjenit tek nëna, atëherë kësaj analize duhet t'i nënshtrohet edhe babai. Dhe në rast se edhe babai rezulton mbartës i këtij deformimi gjenetik, atëherë ata i nënshtrohen diagnozës së paralindjes, e cila në varësi të sëmundjes kushton nga 12-17 mijë lekë të reja.

Kaq do të mjaftonte për të parashikuar fatin e paraardhësit, ndërkohë që çiftet janë të lira të vendosin nëse duan të sjellin në jetë një fëmijë me deformime gjenetike apo jo. Por në vendin tonë, të paktë janë ata çifte që e hedhin një hap të tillë, megjithëse risku për sëmundje të tilla është tejet i lartë. Shefi i laboratorit të gjenetikës dhe kërkimeve molekulare tregon se ata që i drejtohen këtij laboratori janë kryesisht çifte që kanë sjellë në jetë një fëmijë me probleme të kësaj natyre, por rreziku më i madh janë pikërisht "çiftet e shëndetshme" në dukje. Sipas tij, risku i personave të shëndetshëm, por që mendohet të fshehin një deformim gjenetik është rreth 300 mijë persona.

Në një intervistë për "Gazetën Shqiptare", profesor Grigor Zoraqi shpjegon sëmundjet më të përhapura gjenetike në vendin tonë, mënyrën e parandalimit të tyre, kategoritë më të rriskuara për të sjellë në jetë një fëmijë me deformime gjenetike si dhe apelon të gjithë ata që vendosin të sjellin në jetë një fëmijë, që më parë të bëjnë një analizë të tillë, pasi kostoja e një lindjeje të tillë është shumë e lartë. Profesor, çfarë janë sëmundjet e trashëgueshme? Cilat janë më të përhapura në vendin tonë, dhe a mund t'i parandalojmë ata? Sëmundjet gjenetike ose ata të trashëgueshme janë ato sëmundje, ku është përgjegjëse për deformimin një gjen i vetëm. Këto sëmundje transmetohen nga një brez në tjetrin, sipas rregullave të gjenetikës dhe përgjithësisht kanë një risk për t'u shfaqur nga njëri brez në tjetrin në një mënyrë konstante. Këto sëmundje janë në një numër mjaft të madh, janë rreth 6 mijë të identifikuara, për të cilat janë gjetur edhe gjenet përgjegjëse për këto sëmundje.

Por baza e sëmundjes gjenetike është shumë më e gjerë. Sipas studimeve të fundit, edhe ato që quhen sëmundje shumë të përhapura kanë një bazë gjenetike, për të mos thënë se të gjitha sëmundjet kanë bazë gjenetike. Siç janë sëmundjet kardiovaskulare, tumoret, diabeti, që janë edhe shkaktaret kryesore të vdekshmërisë së popullatës. Në ndryshim nga sëmundjet mirëfilli gjenetike, në këtë rast deformimi nuk është pasojë e një gjeni të vetëm, por e disa gjeneve së bashku. Kështu pra, është vërtetuar se edhe këto sëmundje kanë një bazë të fortë gjenetike. Për disa prej tyre janë identifikuar edhe gjenet përgjegjëse, aq sa ekzistojnë teste parashikuese, parandaluese për këto sëmundje. Për kardiovaskularet, kancerin, apo diabetin kemi disa teste, siç është hiperkolesteronemia familjare, që kur ke një defekt në një gjen të caktuar, ke një predispozitë për të pasur kolesterolin e lartë dhe tensionin e gjakut.

Po kështu, kur ke një defekt në gjenin BRCA, kanceri i gjirit, ke gati 100% rrezik që të shfaqet kanceri i gjirit, sidomos kur kjo ka ndodhur edhe tek nëna edhe tek gjyshja. Po kështu, ekziston një gjen i vetëm që përcakton shfaqjen e diabetit edhe në moshë mjaft të re. Më këto tre shembuj doja të thosha se edhe në sëmundjet e mëdha që shkaktojnë shumicën e vdekjeve, janë identifikuar gjene të njëjta me ata që ne i quajmë sëmundje gjenetike. Pra, janë rreth 6 mijë sëmundje gjenetike. Sa është probabiliteti për t'u prekur popullata shqiptare? A ka një studim për këto sëmundje apo statistika zyrtare?

Megjithëse futen në kategorinë e sëmundjeve të rralla, për shkak të numrit të madh të tyre (rreth 6 mijë), edhe përqindja e fëmijëve që lindin me sëmundje gjenetike bëhet e madhe. Mendohet që 3 % e fëmijëve (3 fëmijë në 100 lindje), lindin me anomali gjenetike, pavarësisht se sa e rëndë mund të jetë njëra apo tjetra anomali. Prandaj, fakti që disa prej këtyre sëmundjeve janë të përhapura në popullata të caktuara, siç është rasti i talasemisë në popullatën e Mesdheut apo fibroza citike në popullatën e racës së bardhë në Evropë e Amerikë dhe për koston e lartë që ka trajtimi i tyre, duhet të studiohen dhe parandalohen këto lloj sëmundjesh gjenetike.

Në lidhje me përhapjen e tyre, neve njohim nga literatura se sa janë përhapur në zona të ndryshme sëmundje të ndryshme gjenetike. Në vendin tonë janë bërë disa studime, jo të plota, por ne kemi disa të dhëna për talaseminë dhe fibrozën cistoke. Në bazë të analizave të hemoglobinës, mendohet të kemi deri në 300 mijë mbartës të këtyre sëmundjeve të talasimisë dhe për fibrozën cistike (ky numër është nga literatura), 1 në 25 persona është mbartës (i fibrozës cistike). Pra, rreziku për të lindur një fëmijë me fibrozë cistike është 1 në 2500 fëmijë, për talaseminë 1 në 2000 lindje. Ndërsa distrofia muskulare, që është një sëmundje që lidhet me kromozonin X, pra një sëmundje e lidhur me seksin, kryesisht sëmuren meshkujt që kanë një kromozon X dhe nuk e kanë kromozonin e dytë X, siç e kanë femrat dhe njëri prej tyre mund të jetë në rregull, gjë që bën që fëmija të lind i shëndetshëm.

Edhe këto sëmundje shfaqen 1 në 2500 lindje meshkuj, ndërsa për sa u përket femrave, probabiliteti është shumë më i ulët. Sëmundje tjetër gjenetike është edhe atrofia muskulare spinale, ku sipas përllogaritjeve mund të lindë 1 në 4000 lindje. Përqindja e mbartësve, qoftë për atrofinë, qoftë për distrofinë nuk është e njohur. Njëkohësisht, në grupin e madh të anomalive gjenetike është e njohur edhe sindroma e Down-it, e cila është e përhapur në varësi të moshës së nënës.

A mund të na shpjegoni ç'lidhje ka mosha e nënës me këtë sindromë? Nëse mosha e nënës është rreth 24 vjeç, probabiliteti për të lindur një fëmijë me sindromën Down është 1 në 1350 lindje, por nëse mosha e nënës është mbi 50 vjeç ky probabilitet është 1 në 50 fëmijë. Mosha e nënës ka të bëjë me këtë anomali gjenetike, pasi sindroma e down-it quhet ndryshe trizomia 21, pasi në vend të dy kromozomeve 21, ka tri kromozone 21. Që do të thotë se qeliza e nënës, në vend që të mbajë një qelizë 21 dhe një ta marrë nga prindi babë, për të formuar dy kromozone 21, ka mbajtur dy të tilla. Pra, ka ndodhur ajo që quhet mosndarje e saktë qelizore, dhe kjo vjen si pasojë e moshës së nënës.

Dihet që prodhimi i gametave seksuale femërore bëhet e gjitha njëkohësisht, pra të gjitha qelizat seksuale femërore prodhohen njëherë dhe qëndrojnë atje për aq vite derisa vazhdon cikli riprodhues i femrës. Dhe sa më gjatë qëndron në mjedisin femëror dhe kur ndodh fekondimi, kohëzgjatja bën që të plaket mekanizmi i ndarjes së qelizës. Pra, sa më e madhe të jetë mosha e nënës, aq më i madh është probabiliteti i mosndarjes së këtyre qelizave dhe të krijohen qeliza me anomali kromozomike. Në moshën mbi 40 vjeç, risku bëhet shumë i lartë. Këtu tek ne nuk është se ka ndonjë studim, por në vit lindin rreth 100 fëmijë me sindromën Down, duke marrë parasysh grupmoshat e ndryshme probabiliteti është 1-700 fëmijë. Këto janë sëmundjet më të përhapura në vendin tonë, ato që mund të analizohen dhe të parandalohen. A janë të interesuar prindërit shqiptarë për të bërë ekzaminime të tilla dhe sa të informuar janë ata për rrezikun?

Laboratori po hyn në vitin e katërt të punës dhe për hir të së vërtetës, prisnim që të kishim një numër shumë më të madh, sidomos për diagnozat e paralindjes. Por për arsye të ndryshme, kryesisht për mosnjohje të problemeve gjenetike nga ana e mjekëve dhe për mosinformin nga institucionet shëndetësore e popullatës për rrezikun e sëmundjeve gjenetike, numri ka qenë i kufizuar. Mendohet që janë rreth 500 talasemikë, kemi identifikuar 120 familje me fibrozë cistike, por vetëm për talasemikët prisnim që të kishim 300-400 diagnoza të paralindjes. Kjo nuk ka ndodhur. Në të gjithë këtë periudhë ne kemi realizuar 300 diagnoza të paralindjes, 100 sindroma e Down nga ku 4 fetuse kanë dalë të sëmurë, 80 raste për fibrozë cistike (12 fetuse të sëmurë), 50 raste për talasemi (7 fetuse të sëmurë). Pra, nga 300 raste që kemi ekzaminuar, janë identifikuar rreth 30 fetuse të sëmurë, që prindërit kanë vendosur, me konsulencën gjenetike, të ndërpresin shtatzëninë.

Cilët janë kategoritë e çifteve që i drejtohen këtij laboratori për ekzaminime të kësaj natyre? Në të gjithë këto diagnoza të paralindjes, përqindjet më të madhe e zënë ata raste që kanë pasur një histori familjare, pra kanë një fëmijë të mëparshëm të sëmurë.

Përqindja e atyre që kanë ardhur në laborator pa pasur një histori familjare, përveç sugjerimeve nga mjekët për rreziqet që ka shfaqja e një sëmundjeje, është rreth 10%. Ne mendojmë se numri më i madh i atyre që duhet të vijnë janë pikërisht "çiftet e shëndosha", pasi mbartësit janë aq të shumtë në popullatë dhe rreziku i shfaqjes është shumë më i madh tek kjo kategori, pasi ato familje që e kanë një individ të tillë, vijnë e bëjnë diagnozën e paralindjes. Me përjashtim të talasemisë, që është një numër i madh familjesh me fëmijë të sëmurë, por nuk vijnë të bëjnë analizat.

Ndoshta kanë vendosur të mos bëjnë më fëmijë. Por numri i atyre që duhet të vijnë për të parashikuar fatin e pasardhësit duhet të rritet. Duke identifikuar mbartësit, njerëzit bëhen të ndërgjegjshëm dhe pastaj vijnë e bëjnë diagnozën e paralindjes. Sigurisht që identifikimi i mbartësve është i vështirë ose më i lehtë. Në rastin e talasemisë kemi këtë lehtësi, që vetëm me një elektoforezë homoglobine që bëhet në pediatrinë e QSUT-së, evidentohen mbartësit dhe pas këtij momenti ata mund të vijnë në laborator dhe të bëjnë analizën molekulare për të gjetur defektin gjenetik. Por kjo gjë nuk është e vlefshme për fibrozën cistike, që është sëmundja më e përhapur gjenetike dhe për të identifikuar mbartësit duhet bërë analiza e ADN-së dhe këto lloj rekomandimesh duhet të bëhen nga mjekët.

Dhe e dyta, këto analiza kanë një kosto që nuk është e përballueshme nga të gjithë, prandaj duhet që në kuadrin e një strategjie kombëtare, që në formën e një ligji të rimbursohen të gjitha këta analiza gjenetike, duke krijuar lehtësira më të mëdha. Por edhe kjo nuk mjafton. Në këtë kuadër duhet një informim i popullatës dhe një formim i domosdoshëm për mjekët. Pra, mjekët duhet të formohen në kurse të veçanta për sëmundjet gjenetike, për rrezikshmërinë e tyre se çfarë duhet të kërkojnë tek pacientët dhe vetëm pas kësaj ata janë në gjendje të informojnë pacientët.

Pika "G": A egziston ne te vertete?!

Kishit degjuar ndonjehere per piken "G"? Po ta marrim si dicka qe na eshte trasheguar nga kultura shqiptare me siguri do te thoshim "Jo" por, ja qe ne ditet e sotme trafiku i informacionit qe marrim i kalon kufijte e shqiperise.
Le te themi qe eshte nje zone e panjohur e femres nga ana e mashkullit. Eshte zona me e nxehte erogjene e femres. Eshte nje zone si e sfungjerte e madhe sa nje monedhe e pasur me fundine nervose, qe ndodhet rreth 4 centimetra nga valvula.
Qe me kohe eshte konsideruar nje iluzion i mashkullit, por me sa duket, ajo e cila ndodhej vetem ne kultura te popujve te ndryshem sot po materializohet fale studimeve dhe punes se disa studiuesve italiane te universitetit te Aquila dhe revistes amerikane "Urology".
Me siguri ne te ardhmen do te dime edhe shume.
Duke pare strukturen e vecante te saj, shume e ndryshueshme dhe akoma e paeksploruar, mendohet se pika "G" ndodhet pak a shume vetem ne 60% te femrave, prandaj, ky mund te jete dhe motivi i mungeses se orgazmes vaginale te femrave.
Por mungesa, me sa duket eshte dhe nje moskenaqje e vete mashkullit dhe njekohesisht nje justifikim anatomik ku pika "G" ndodhet ne pika ku nuk arrihet ose eshte pak e zhvilluar.
Padyshim, kjo teori nuk eshte akoma e konfirmuar por eshte nen studim shkencore gjate ketyre viteve.
Duhet te ndodhet ne pjesen e siperme te vagines, rreth 4 cm nga buzet e vogla (ose valvula). Siperfaqja e saj eshte me rrudha dhe nese stimulohet ajo siperfaqe dergon ne nje orgazem te drejtperdrejte dhe ne shume raste te shoqeruar me derdhje (eikulacion).
Zona eshte e pasur me fundime nervoze e perbere me nje shtrese eretile, e ngjashme me ate te penisit te mashkullit.
Duket se ne kete zone te pasur me fundime nervose ndodhet nje enzime e vecante e cila per ka per detyre dhe duhet te krijoje tek femra orgazem vaginal, qe sipas disa koncepteve dhe menduesve te rrjedhes eshte shume me i forte dhe i thelle se ai i provokuar nga stimulimi i klitoridit, nder te tjera, mundet qe ne shume raste nje lloj derdhjeje (eikulacioni), se jashteqitjes te nje lengu i ngjashem me ate te mashkullit por, pa spermatozoide.
Por Kujdes: nuk egziston nje kenaqje e kategorise Pare, ajo e penetrimit, apo e kategorise dyte, ajo e klitoridit.
Ne te vertete, seksologet mos-suksesin e nje raporti ja japin fajin paeksperiences se mashkullit, qe sipas tyre peshon shume rende dhe prandaj, mashkulli, duhet te mesoje me mire seksin e sidomos ate femeror.

Te gjitha ngjyrat e viagres

FLORI BRUQI


E kuqe, blu, e gjelbër. Si krem, si ankerplast, si përbërës i një akulloreje apo çamçakëzi. Është Viagra, totemi i potencës mashkullore dhe dëshirës femërore. Po sot, shtatë vjet pas mbërritjes së saj, në ç'pikë jemi?

14 tetor 1998: Një medikament i ri zbarkon në tregun evropian. Quhet Viagra dhe shfaqja e saj do të shënojë një revolucion, duke ndryshuar jetën seksuale të shumë njerëzve. Gjatë 12 muajve të parë të tregtimit, Viagra tregon se është ilaçi më i suksesshëm i hedhur ndonjëherë në tregun evropian. Ja shifrat e vitit të parë që flasin për "dukurinë" viagra: 420 lajme nga agjencitë, 3570 artikuj në organet e përditshme të mediave, 950 artikuj të periodikëve, 465 programe radiofonike, 1470 programe televizive. Fjala Viagra pushton mjetet e informimit publik dhe bisedat e zakonshme. Për një kohë shumë të shkurtër pilula blu bëhet ilaçi më i njohur në historinë e mjekësisë.

Krijimi i saj, për ironi të fatit qe gati rastësor, ose më saktë objektivi i saj nuk ishte fillimisht kaq "pikant". Historia nis në 1998-ën kur firma farmaceutike Pfizer, e famshme në të gjithë botën, vendos të eksperimentojë një ilaç, Sildenafil, kundër angina pectoris, dhembjeve në zemër, që shkaktohen nga fluksi i ulët i gjakut. Në 1993-shin eksperimenti me Sildenafil, që nuk kishte kënaqur specialistët, ishte gati për t'u braktisur, kur vihet re se ilaçi nuk ndikonte mbi zemrën, por sillte efekte anësore në pjesë të tjera të trupit. U vu re se ai provokonte te kaviet disa ereksione zinxhir. Atëherë Pfizer, duke u mbështetur në sloganin "Asgjë nuk humbet, çdo gjë riciklohet", vendos të hedhë në treg një ilaç kundër mosfunksionimi erektiv. Në fund të majit të 1998-ës aprovohet shitja e Sildenafil Viagra në 15 vende të botës. Deri më sot ka pasur 45 milionë receta mjekësore, për një total prej 625 milionë tabletash të konsumuara. 15 milionë kanë qenë meshkujt të cilëve u është rekomanduar dhe 500.000 mjekët, te të cilët burrat janë drejtuar për ndihmë. Britania e Madhe, Gjermania dhe Italia janë shtetet me konsum më të lartë në Evropë. Si në Britani ashtu edhe në Gjermani janë konsumuar mbi 18 milionë tableta nga dalja në treg deri sot, kurse në Itali rreth 13 milionë. Mesatarja në qytetet "më konsumatore" të Viagrës është rreth 1647 tableta të konsumuara për çdo 1000 banorë meshkuj nga 40 deri në 70 vjeç. Në terma absolutë vendet e para në klasifikim i mbajnë qytetet e mëdha.

Nga ai tetor i largët deri sot Viagra ka ndryshuar format, ngjyrë, arsye përdorimi dhe grupim të njerëzve përdorues. Mbi të kanë lindur legjenda metropolitane, anekdota dhe trillime të çuditshme.

Viagra e kuqe

Në Amerikë tashmë ajo është në shitje prej rreth një viti e gjysmë dhe mban emrin "Dream Cream" (kremi i ëndrrave) dhe ka qenë një bum i vërtetë. Ajo quhet "Viacreme" dhe është Viagra për femrat, të cilën e ka prodhuar firma amerikane "Lexxus". Ndryshe nga Viagra, "Viacreme" nuk është një ilaç, por një krem; nuk shitet në farmaci, por online, nëpërmjet internetit. Ajo ka hyrë dhe në Evropë duke nisur nga Belgjika: 300 mijë kampionë janë shitur ditën e Shën Valentinit, të bashkangjitura me një revistë periodike për femra.

Produkti aplikohet mbi klitor dhe u premton femrave orgazma të sigurta: Në Amerikë ka vënë në lëvizje një treg prej 1.2 miliardë dollarësh, favorizuar dhe nga shitjet në internet. Një shifër e tillë ka ngacmuar dhe interesin e investitorëve japonezë, rusë, izraelitë dhe arabë. Në Evropë potenciali blerës mund të jetë 133 mijë. Çmimi i parashikuar, të paktën për sa i përket Belgjikës, është 34.71 euro për katër flakonë me 2 mililitër secila.

Viagra e blerte

Është realizuar me një përzierje bimësh kineze dhe vepron jo vetëm në aspektin organik, por dhe psikologjik. Ajo është zbuluar nga një urologe italiane, profesoreshë në Universitetin e Pavias. Sekreti i Viagrës së blertë është veprimi si në nivelin organik ashtu edhe në atë mendor, duke qenë se vepron drejtpërdrejt në sistemin nervor qendror dhe atë periferik dhe stimulon qendrat e trurit që i përgjigjen kënaqësisë seksuale. Karakteristika më interesante e HCO-së (kjo është sigla me të cilën është pagëzuar përbërja e re që e ka emërtimin e plotë Herbal-oral-combiation) është se me të nuk synohet të arrihet një ereksion rastësor dhe një rezultat i menjëhershëm, por një rezultat që të zgjasë në kohë. Kjo është arritur duke bashkuar kërkimet e bëra në Itali me produktet që rrjedhin nga mësimet e mjekësisë tradicionale kineze, të cilëve u është shtuar dhe një esencë bimore e ardhur, as më shumë e as më pak, por nga Azerbajxhani.

Cialis

Cialis, elementi aktiv i të cilit është Tadalafil, ka të njëjtin mekanizëm veprimi si Viagra, por avantazhi i tij kryesor vjen nga efekti i gjatë (rreth 36 orë) i përbërësit aktiv, kundrejt pak orëve të Sildenafil. Kjo i bën të aftë personat që të përgjigjen për një kohë më të gjatë ndaj stimujve seksualë sesa duke përdorur Viagrën.

Kuriozitete

Një nga firmat më popullore amerikane të çamçakëzëve www.wriegly.com ka marrë licencën nga qeveria e SHBA-së për të krijuar një çamçakëz duke përdorur molekulën e Sildenafil, që është në bazë të Viagrës.

Akademia e Akulloreve në Evropë ka krijuar një seri shijesh të reja, ndër të cilat është dhe ajo e Viagrës. Në të vërtetë bëhet fjalë për një shije shumë të veçantë, përftuar nga disa bimë afrikane, të cilat janë përdorur historikisht për të rri-tur potencën seksuale.

Akademitë gjuhësore evropiane kanë futur në fjalorët e rinj dhe fjalën Viagra, me shpjegimin "emër komercial i një ilaçi që përdoret nga meshkujt për trajtimin e disfunksionit erektiv".

Në filmin komik të Austin Powers, me kolonë zanore të Madonës, flitet për një Viagra të lëngshme, të quajtur "Mojo".

Në videoklipin e këngës Lately, singëll i CD-së "Post Orgasmic Chill" i grupit rrok Skunk Anansie, shfaqet një diamant i kuq shumë i madh me një "V" në sfond në një anë të tij. Në një nga sitet jozyrtare kushtuar bandës së rrokut Skunk.kelv.net, një buton në formën e një pilule blu të lejon të lidhesh me sitet klubeve të fansave. Në Evropë ka lindur Komiteti Evropian pro Viagra, ku pas regjistrimit merret dhuratë një bluzë me shprehjen "Shko ku të çon Viagra".

f.b.

AGJENCIONI FLOART-PRES

Ç'JANÈ AFRODIZIAKËT?

FLORI BRUQI

Per mijera vjet, eshte menduar se disa ushqime stimulojne deshiren seksuale. Por si funksionojne perberesit e tyre? Ne fund te fundit, a funksionojne realisht?

Gjysmen tuaj me te mire e keni ftuar per darke. Duhen edhe dy ore per momentin e shumepritur dhe ju i keni marre masat: Qirinjte aromatike jane aty, muzika e lehte romantike ne sfond eshte gjetur dhe vera e zgjedhur po ftohet ne frigorifer. Po per te ngrene? Pse mos ta fillosh me molusqe, midhje per shembull? Sa me te fresketa te jete e mundur, te shuara me pak vere te bardhe dhe limon, e me pas nje biftek te njome vici te sperkatur me salce pikante mustarde, shoqeruar me sallaten e bardhe te perzier me avogado. Per ta mbyllur “me nder”, luleshtrydhe me krem dhe cokollate e zeze.

Te gjitha ushqimet e mesiperme, hyjne ne listen e afrodiziakeve tradicionale, qe besohet se stimulojne deshiren seksuale. Po, edhe lakra e bardhe e sallates se njohur; dhe lista mund te zgjatet me mjaltin, fiqte, bananet, bajamet e arrat, borzilokun dhe …po deshet mos e besoni, karroten.

Mire. Keto afrodiziake mund te jene te mirenjohur, por a funksionojne vertet? Mbi kete aspekt, shume pak kerkime realisht shkencore jane kryer. Mbase, sepse njerezit preferojne te ruajne ate sfond mistik qe i rrethon keto ushqime, sfond qe shkenca e pameshirshme rrezikon ta shkaterroje. Por nese ekziston dikush qe nuk e ka aspak kete merak, ky eshte institucioni amerikan i Administrates se Ushqimeve dhe Barnave (Food and Drug Administration, FDA). Qe ka deklaruar prej vitit te larget 1989 se nuk ekzistonte asnje prove se keto “porcione te erosit” vertet e shperthejne oreksin seksual. Dhe qe atehere, administrata ne fjale ka refuzuar te njohe dhe miratoje me qindra produkte ushqimore dhe barna te prejardhura prej tyre, te cilat pretendojne efekte afrodiziake.

Si per vrare cdo ide romantike qe kish mbetur ende ne ajer, atehere kur me ne fund FDA e pa me dashamiresi nje substance qe ndez libidon, nuk behej fjale per ndonje ushqim te embel, te shijshem apo kremoz, apo qofte dhe pluhur i prodhuar prej gjenitaleve te ndonje kafshe potente. Kjo substance quhet bremelanotid- nje emer aq joromantik, saqe ne kete drejtim mund t’ja kaloje vetem titulli eksperimental, PT-141, dhe eshte nje leng pa ere e pa ngjyre qe merret permes hundes, si sprej. Por pavaresisht ketyre, duket se punen e ben shume mire, duke qene ndoshta i pari afrodiziak i provuar shkencerisht. Nje prove finale laboratorike per bremelanotiden nisi ne vitin 2005 dhe gjasat jane qe ne pak vite, FDA te jape aprovimin e madh per nxjerrjen ne treg te ketij produkti.

Bremelanotida u zhvillua prej nje kompanie farmaceutike amerikane si nje ilac ndihmues per njerezit qe vuajne keqfunksionime seksuale apo humbje te libidos (deshires). Ka efekt si tek meshkujt edhe tek femrat, dhe ndikimi i saj shkon tek truri, jo tek presioni i qarkullimit te gjakut, si Viagra. Nderkaq po eksperimentohen edhe disa barna te ngjashme me te, dhe duket se industria e afrodiziakeve se shpejti mund te qarkulloje miliarda dollare. Sepse gjasat thone qe nje brez i ri afrodiziakesh te gjeje rrugen e vet drejt tregut masiv, sic ndodhi me Viagren ne vitin 1998.

Por a nuk do te ishte me romantike nese flaket e deshires do t’i ndiznim me ane te ushqimit? Ndoshta ne ende pelqejme te besojme se asortimentet e folklorit seksual mund te funksionojne. Aq me teper qe disa prej tyre qarkullojne “ne pjace” prej 4 mije vjetesh: Si ka rezistuar reputacioni i tyre nese ato nuk do te jepnin rezultate?

Urtesia konvencionale e shkences te thote qe shume afrodiziake e kane fituar famen thjesht permes ngjashmerise. Klasa e midhjeve, fjala vjen, ngjan me organin femeror, kurse bananet, karrotat apo briri i rinocerontit menjehere e cojne mendjen tek penisi i erektuar. Po keshtu, vete fjala “avogado” rrjedh nga nje fjale e vjeter azteke per “testikulen”.

Sigurisht, te thuash se efekti i ketyre ushqimeve eshte thjesht psikologjik, nuk i zhvesh ato teresisht nga fuqite: Ne fund te fundit, ngjashmeria e ushqimeve me organet gjenitale e ngjall deshiren seksuale, packa se jo ne ate menyre qe institucionet shteterore e kerkojne para se te miratojne njohjen e nje produkti.

Nje tjeter rol qe mund te luaje psikologjia, eshte ai ne rastin e seksit dhe ushqimeve te nxehta e pikante. Sepse keto asortimente shkaktojne djersitje dhe shpeshtim te rrahjeve te zemres, duke bere qe te dukesh i pergatitur “per ate pune”. Ushqimi e ka nje efekt fizik mbi trurin, po ashtu si dhe nje efekt psikologjik mbi mendjen. Sepse qofte ushqimi, qofte seksi, jane jetesore per mbijetesen e species sone, ndaj evolucioni i ka dhene trurit nje qender kenaqesie e cila “ndez driten” si ne rastin e ushqimit, dhe te seksit.

Kur hame dhe kur bejme seks, truri prodhon ne qendren e kenaqesise sasi te medha te nje lende kimike te quajtur dopamine. Madje sipas testeve, dopamina prodhohet edhe gjate kontaktit pamor me ushqimin. Ne disa eksperimente, kerkuesit ua kane bllokuar prodhimin e dopamines minjve te laboratorit, cka rezultoi ne humbjen e te dyja deshirave, si per ushqim edhe per seks. Por vetem fakti qe ushqimi dhe seksi shkaktojne kenaqesi kimike brenda trurit, nuk do te thote detyrimisht se ushqimi na inkurajon te bejme seks dhe anasjelltas. Nje afrodiziak i vertete duhet te beje dicka te ndryshme nga stimulimi i thjeshte i prodhimit te dopamines; dicka me shume sesa te ndihesh mire- ai duhet te te shtoje deshiren. Pra, a ekziston ndonje ushqim qe ndikon Ne Kete Menyre mbi trurin apo trupin?

Edhe po, edhe jo. Nje substance qe ju mund ta hani, duke ju sjelle ndikim direkt fizik tek gjenitalet, quhet “miza spanjolle”. Fjala eshte per nje ekstrakt te insektit me te njejtin emer, dhe eshte ndoshta afrodiziaku me i famshem. Perberesi aktiv i saj eshte nje irritant qe quhet “kantharidine”. Kjo lende krijon nje ndjesi djegese ne organin gjenital, duke skuqur dhe enjtur ate. Shpjegim aspak romantik, por ja qe nje organ i enjtur, eshte nje organ i eksituar.

Ne fakt, miza spanjolle dikur perdorej rendom per te stimuluar nderzimin e gjese se gjalle, ndaj dhe afermendsh qe njerezit e provuan ate. Por ajo eshte toksike qofte dhe ne doza minimale, dhe mund te shkaktoje deme serioze jo vetem ne organet gjenitale, por dhe tek veshkat. Ndaj me e mira eshte te shmanget; ne shume vende eshte substance e ndaluar.

Nje tjeter lende qe pretendohet jo pa te drejte si afrodiziake, eshte johimbina, e njohur ndryshe si afrodine. Kjo substance nxirret prej nje druri afrikan dhe shpesh perdoret per te trajtuar impotencen. Efekti i saj shkon tek truri, duke inkurajuar prodhimin e adrenalines, e cila ndikon ne zgjerimin e eneve te gjakut dhe rrahjen e shpeshte te zemres. Por afrodina nuk eshte tamam ushqim dhe ka disa efekte te pakendshme anesore. Dhe kerkimi vazhdon e vazhdon.

Po cokollata? Shpesh konsiderohet si afrodiziak- kjo jo vetem per shkak te perberjes kremoze, te plote, qe shkrin ne goje, te embel. Por sepse permban nje koktejl lendesh kimike qe ushtrojne efekt mbi trurin. Megjithate, opinionet mbi rolin qe mund te kene keto kimikate, jane kunderthenese.

Ne fakt, nga gjithe lista ushqimore qe njerezit i dine per afrodiziake, vetem molusqet marrin disi mbeshtetje shkencore. Se fundi eshte zbuluar se ato permbajne kimikate si acidi aspartik apo e quajtura NMDA, qe ndikojne mbi trurin, duke nxitur leshimin ne trup ne hormoneve seksuale estrogjen dhe testosteron. Keto krijesa detare permbajne gjithashtu shume zink, i rendesishem per ruajtjen e fertilitetit mashkullor. Megjithate, ende nuk dihet nese sasia e ketyre lendeve tek molusqet eshte aq e madhe sa te luaje nje rol te vertete.

Si hunda, edhe organet gjenitale, kane dicka te perbashket: te dyja permbajne nje cipe erektuese qe zmadhohet me ndihmen e eneve te gjakut para dhe gjate aktit seksual. Nuk do shume imagjinate pse penisi duhet te zmadhohet ne kete rast, por sa i perket vagines dhe hundes, duket se kjo ndodh si tregues i rritjes se ndjeshmerise: Nje hunde e pompuar me gjak eshte shume me e ndjeshme ndaj aromave. Dhe nuhatja eshte nje pjese shume e rendesishme e seksit; gati kushdo qe humbet ndjesine e nuhatjes, ka humbur edhe libidon e vet.

Shumica e kafsheve emetojne lende kimike me arome te vecante qe quhen feromone, te cilat veprojne si percuese kimike mesazhesh: Dihet se disa feromone dergojne mesazhe te gadishmerise seksuale, por eshte ende e debatueshme nese ekzistojne apo jo, feromonet njerezore.

Se fundi, a mundet qe reputacioni afrodiziak i disa ushqimeve te jete thjesht rezultat e eres se tyre? Disa kerkues nga Cikago, SHBA, thone qe Po. Ne disa teste per stimulimin seksual vetem prej aromes, eshte verejtur se kombinimi i biskotave me bimen “glycyrrhiza glabra” shtoi qarkullimin e gjakut ne penis me rreth 32%. Kombinimi i aromes se po kesaj bime me ate te kastravecit, shtoi qarkullimin vaginal te gjakut tek femrat, me 13%.

Vajza të virgjëra, a gjenden më?

Sapo u hap bisedën, u pëlqen të tregojnë një batutë, tashmë shumë të përhapur në gjimnazet tona: “Çfarë kanë të përbashkët, vajzat e virgjëra me dinosaurët“? Dhe përgjigja vjen bashkë me një tufë të qeshurash: “Janë zhdukur 2 milionë vjet më parë...“

Në fakt, seksi nuk është më një temë që mund të shkaktojë të qeshura të ndrojtura apo bishtime tek 17-18 vjeçarët. Sigurisht që, batutat dhe talljet nuk mungojnë, por përgjigjet janë të qarta dhe në të shumtën e rasteve, të sigurta. Gjimnazistët e sotëm në Tiranë, në masë (87 nga 100 të pyetur) mendojnë se nuk është e nevojshme që të ruhet virgjëria deri në mbarim të gjimnazit. Sigurisht që ky numër nuk përputhet me numrin e të virgjërave apo jo të virgjërave, sepse ishte një informacion që “nuk guxuam“ t’ua kërkonim. I pyetëm thjesht për mendimin mbi këtë temë.

Edhe prindërit janë disi “pesimistë“. Do të donin të gjithë, që të kishte më pak ngutje në jetën seksuale, por mendojnë në shumicë (41 nga 73 të pyetur) që është e pamundur në ditët e sotme që, një vajzë të ruajë virgjërinë deri në martesë.

Mbani parasysh që të dhënat e sondazheve tona japin vetëm të dhëna fragmentare dhe nuk pretendojnë të jenë shkencore. Ato vlejnë vetëm për Tiranën dhe vetëm për shkollat që përfshihen në testimet tona.

Prindërit:

Mendoni se është e mundur ende, që vajzat ta ruajnë virgjërinë deri në martesë?

Janë pyetur 73 persona (nga të cilat 60 nëna).

32 - po

41 - jo

Adoleshentët:

Mendoni se vajzat duhet ta ruajnë virgjërinë deri në mbarim të gjimnazit?

Janë pyetur 100 gjimnazistë.

87 - jo

13 - po

Vajzave që fejohen me shkesë, u kërkohet virgjëria


Ato janë të bindura që fakti që nuk janë më të virgjëra, mund t’u rrezikojë seriozisht të ardhmen, sidomos tani që “ u ka dalë fati”. Kjo është arsyeja kryesore që përplas shumë vajza në dyert e maternitetit “Koço Gliozheni” me kërkesën për të rikthyer virgjërinë me anë të kirurgjisë gjineokologjike.

Drejtoresha e këtij materniteti, Rubena Moisiu duke i quajtur këto kërkesa një “fatkeqësi që mundon ende mentalitetin shqiptar” pohon se këto ndërhyrje nuk bëhen në maternite pasi janë të paligjshme por ajo nuk përjashton mundësinë se ato mund të realizohen në në mënyrë të fshehtë në klinika të tjera private.

Po çfarë i shtyn vajzat të bëjnë këto kërkesa dhe sa të rrezikshme janë ato për shëndetin e tyre....

*****

Dikush ka hyrë shkesë që ato të fejohen, por virgjëria është kusht, në të kundërt nuk mund të jenë kurrë nuse për ta. Frika se jo vetëm do të turpërohen por do të mbesin pa burrë i detyron ato të kërkojnë të qepin cipën e virgjërisë (himeni) që tashmë e kanë humbur.

Rubena Moisiu thotë se kategoria e vajzave që vijnë me këtë kërkesë, janë sidomos nga zonat rurale.

“Është e vërteta që ndeshemi shpesh me kërkesa të vajzave për të qepur cipën e virgjërisë dhe unë këtë e shoh si fatkeqësi. Nuk është ajo cipë e hollë që tregon ndershëmrinë e një vajze dhe nuk e kuptoj se si mund të gjenden ende përballë presioneve të tilla”, pohon Rubena Moisiu duke theksuar se këto vajza duken përgjithësisht të traumatizuara kur vijnë kërkojnë këtë lloj ndihme.

Ndërkohë ajo pohon se ligjërisht në asnjë maternitet shtetëror nuk duhet të realizohen ndërhyrje të tilla.

A janë këto ndërhyrje të rrezikshme për shëndetin? Dr.Moisiu nuk i paraqet ato si traumatike.

“Nuk është se qepja e cipës së virgjërisë rrezikon shëndetin. Kjo më shumë rrezikon rëndë emancipimin e shoqërisë. Është e trishtueshme të mendosh se për shumë njerëz vazhdon të mbetet tabu prishja e cipës së virgjërisë para se vajza të martohet. Në këto raste, ende fatkeqësisht nuk vlersohet njeriu por një cipë që vazhdon të mbetet simbol i ndershmërisë, por që në fakt nuk është e tillë”,- pohon Rubena Moisiu.

Flet Sabireja, ish-mamija që rindërton virgjërinë

Diku afër Pazarit të Ri ndodhet “Sabrireja” (emër i sajuar) ish mamija që iu rikthen “shpresat për të ardhmen”, vajzave që kanë humbur virgjërinë. Ajo e di që është e paligjshme ndërhyrja që bën ndaj dhe nuk tregon emrin dhe mbiemrin e saj të vërtetë. “Më vjen keq për vajzat sepse shumica e tyre nuk e bëjnë me dëshirë, por duan të martohen dhe ka nga ata djem që nuk i marrin po nuk qenë të virgjëra. Më vjen keq që djemtë e shikojnë një copë himeni si garanci për ndershmëri, po ç’ti bësh”, thotë Sabireja.

Sipas saj kryesisht këto ndërhyrje janë fare të thjeshta dhe kanë një çmim shumë të lirë, pasi zgjasin vetëm pak minuta. “Për ata më të lehta që zhvillohen edhe në kushte shtëpiake marrin një shumë tepër simbolike, 1 mijë lekë të reja, ndërsa ata më të vështirat që bëhen me anestezi lokale janë më të shtrenjta dhe shkojnë deri në 10 mijë lekë të reja”, pohon ajo.

Ndërkohë ish-mamija shpjegon seqë nga dita kur bëhet qepja mund të zgjasë maksimumi deri në 7 ditë. Nëse brenda këtij afati vajza nuk kryen marrëdhënie seksuale, nuk mbetet asnjë shenjë nga “virgjëria e shtirur” pasi fillojnë e bien penjtë.

“Ekspertja” që i bën vajzat të duken të virgjëra thotë se në shumicën e rasteve mashtrimi ecën dhe meshkujt e kanë të pamundur që ta dallojnë që nuk kanë të bëjnë me një virgjëri të vërtetë por vetëm me një të sajuar. Epo, ndoshta e meritojnë, të mashtrohen..!

*****

Virgjëria “teknike” dhe Virgjëria “sekondare”

Dr.Adem Harxhi

A është vajza e virgjër? Kjo pyetje i ka shqetësuar njerëzit vazhdimisht, tani më pak se më parë. Por, mos u çudisni, edhe sot, shumë burra e djem pyesin, se si mund të njihet një vajzë e virgjër. Përgjigja ime është: vetëm vajza e di nëse ka bërë seks ndonjëherë me një djalë.

Thuhet se një vajzë virgjëreshë, duhet ta ketë himenin të paprekur. Sipas këtyre, po qe se natën e martesës, po qe se nuk del pak gjak në çarçafët, atëherë atë e kanë gënjyer. Kjo shkakton shumë ankth të panevojshëm. E vërteta është se shumica e nuseve nuk gjakosen.

Sot, një vajzë konsiderohet virgjëreshë kur nuk ka bërë interkursë seksuale me një burrë. Kjo është një çështje personale që ka shumë rëndësi për vetë vajzën dhe shumë më pak për të tjerët.

Ç’JANË VIRGJËRESHAT TEKNIKE

Nuk është fjala për ato virgjëresha që punojnë në një nga fushat me teknologji të lartë. Jo, është fjala për ato vajza të zgjuara, që kënaqen me pak aktivitet seksual dhe që mendojnë se nuk ia vlen të rrezikosh për shtatëzani dhe sëmundje. Metoda e tyre kontraceptive është qind për qind e suksesshme, sepse ato nuk bëjnë seks. Sjellja e një vajze të tillë, mund të përmblidhet kështu: Çdo gjë pranohet me përjashtim të fundit. Ajo e lejon dashnorin e saj ta përkëdhelë, të bëjnë masturbacion reciprok, por ajo gjithmonë refuzon interkursën.

Nuk i imponohem askujt të zgjedhë këtë soj virgjërie, por do të përpiqem të sjell disa argumente në favor të saj. Kjo sjellje nuk vlen për këdo. Disa herë dhe në disa rrethe shoqërore, një vajzë teknikisht virgjëreshë, nuk shihet me respekt të madh. Disa të rinj nuk kanë aq shumë vetëbesim dhe nuk janë aq të fortë sa t’i përmbahen kësaj politike. Virgjëreshat teknike, sido që të jetë, nuk janë më të preferuarat, por ato janë shumë më pak të trishtuara nga çdo shoqee tyre në klasë të dhjetë, që mbetet shtatzënë.

Edhe djemtë, mund të jenë teknikisht të virgjër. Është e qartë që ata bëjnë ato forma seksi që nuk përfshijnë interkursën vaginale. Kur puna vjen për të shkuar para, ata ndalojnë.

Virgjëreshat teknike mësojnë shumë teknika seksuale, të cilat i përdorin gjatë gjithë jetës, kur marrin dhe japin kënaqësi. Por do të thosha se këto teknika mund të mësohen në çdo moshë dhe nuk ka arsye të mësohen shumë herët.

Çiftet që shoqërohen së bashku për një kohë të gjatë dhe që planifikojnë të martohen, mund ta praktikojnë virgjërinë teknike. Kur do të martohen, ata do të kujtojnë në mënyrë shumë sentimentale, përkujdesjet e tyre të vjetra e të këndshme me njeri-tjetrin.

* * *

TË JENI DHE TË DUKENI MIRË.

T’i thuash “Jo”seksit të hershëm, mund të jetë e vështirë, por është më e lehtë nga sa të jetosh me pasojat e seksit parakohe. Si mund ta shuani zjarrin e dëshirës seksuale përpara se të bëni seks?

Të rinjtë e thonë “ jo-në” e tyre me mënyrën si veprojnë, me mënyrën si bisedojnë dhe me mënyrën se si vishen.

Vishni tesha që ju tregojnë të bukura por jo seksi. Tregoni se jeni vajza të reja plot hijeshi, por nuk jeni “lodra seksi” në duar të djemve. Po qe se u tregoni djemve pak mish, atyre do t’u burojnë hormonet me shumicë .

Planifiko takime që nuk përfundojnë në situata të vështira. Ti e di ku do të shkosh, çfarë do të bësh dhe çfarë nuk do të bësh, që të ruash kënaqësinë e momentit.

Qetësoje një bisedë që bëhet shumë e nxehtë. Mbani parasysh se pas fjalëve vijnë veprimet.

Vajzat duhet të dinë se, ato që veshin ose bëjnë, tregojnë qëllimet e tyre. Duhet të jeni të kujdesshme për veshjen që është shumë e ngushtë, shumë e ulur dhe shumë e shkurtër. Ju e dini, se shokët tuaj, duke parë gjinjtë nga jakat tuaja të shqyera dhe kofshët nga fundet e shkurtra, gjithë kohën flasin për to. A dëshironi ju që shokët tuaj të flasin për këtë? Pse duhet të shikojë një vajzë që i shton hormonet, kur ai dëshiron ta shohë atë si shoqe. Një djalë dëshiron ta respektojë një shoqe, por ai ështëi distraktuar nga veshja e saj “seksi” dhe e kujton atë gjithmonë për atë të vetmen gjë. Djemtë eksitohen nga shqisat, vajzat eksitohen nga zemrat.

* * *

Shumica e adoleshentëve që lexojnë këto shënime, me siguri, janë të virgjër. Disa mund të jenë “teknikisht” të virgjër, dhe kanë shkuar pak më përpara. Mendoj se edhe ata i lexojnë këto rreshta tamam në kohë. Ndonjë lexues mund të ketë shkuar edhe më tutje. Ndonjë vajzë e rrallë mund të ketë mbetur edhe shtatzënë. Cilido të që jetë pozicioni juaj, kurrë nuk është vonë të bëni një fillim të ri të sjelljes dhe të veprimeve tuaja.

U mundova të shkruaj shumë gjëra të mira për virgjëreshat. Por dikush mund të mendojë: Këto nuk vlejnë për mua që, tashmë, jampërfshirë në marrëdhënie seksuale.

Ka njerëz që mendojnë se nuk ka kthim mbrapa, kur ke shkuar shumë përpara në marrëdhëniet seksuale. Kjo nuk është e vërtetë. Kthim ka, por ai nuk është i lehtë. Çdo ditë e re, u jep të rinjve liri të reja, për të bërë zgjedhjet e tyre lidhur me aktivitetin seksual.

Ç’ËSHTËVIRGJËRIA SEKONDARE?

Të besosh se seksi nuk duhet filluar herët, edhe atëherë kur nuk e ke pasur këtë besim më parë.

Virgjëria sekondare është të vendosësh t’i ndërpresësh marrëdhëniet seksuale që ke filluar, dhe ta lësh seksin për më vonë.

Mos e besoni gënjeshtrën se, po e shkele një herë, nuk i kontrollon dot më impulset e tua seksuale. Nuk do të thotë se po të marrësh diçka nga çanta e një shoku, ti do të vjedhësh tërë jetën në çantat e shokëve. Nuk është e lehtë të bësh gjëra të mira, por kjo do t’u bëjë të ndjeni vetëbesim, dinjitet dhe vetëkontroll në një mënyrë që asgjë tjetër nuk ua kthen dot.

Kthimi tek virgjëria sekondare është, padyshim, vendimi më i mirë që keni marrë ndonjëherë. Të gjitha marrëdhëniet e tjera do të ndryshojnë për mirë. Ju tani do të bisedoni dhe do të qeshni lirisht. Tensioni dhe faji do të largohen nga ju.



TANI ËSHTË KOHA

Edhe pse është e pamundur të ktheheni në virgjërinë fizike të humbur, edhe pse nuk do t’i shuani dot totalisht kujtimet dheefektet anësore të eksperiencave të kaluara seksuale, ju, duke u kthyer tek virgjëria sekondare, do të keni MUNDËSI të rifitoni në mënyrë emocionale, psikologjike dhe personale respektin për seksin. Ky është avantazhi i atyre që arrijnë ta bëjnë këtë. Virgjëria sekondare ka ndihmuar shumë adoleshentë dhe të rritur, që të kthehen në gjendje seksuale të shëndetshme, si mendore ashtu edhe fizike.

Keni pasur ose jo, ndonjë shqetësim në të kaluarën, mos lejoni të kaluarën të justifikojë qëndrimin tuaj në të njëjtën mënyrë. Jeni penduar ose jo për të kaluarën, tani që keni informacion të ri, llogaritni koston dhe hiqni dorë nga seksi. Mos u shqetësoni se çdo të mendojë dashnori apo dashnorja juaj e mëparshme. Vendosni të çlironi veten nga lidhjet e kënaqësisë seksuale adiktive.

PSE TË ZGJIDHNI VIRGJËRINË SEKONDARE?

Virgjëria sekondare, është çlirimi adoleshentëve nga ndjenja se janë zënë në grackë, ose janë skllavëruar nga aktiviteti seksual i hershëm.

Ja disa nga arsyet pse disa adoleshentët kanë zgjedhur virgjërinë sekondare:

-“ Për një moment ishte kënaqësi, por pastaj fillova të ndjej se ai po më përdorte mua”

-“Në të vërtetë u shqetësova mos infektohesha me ndonjë sëmundje infektive seksuale dhe me AIDS”

- “Sa më shumë bënim seks, aq më pak bisedonim. Më në fund u duk sikur ishim dy të huaj”

-“Një shoqja ime mbeti shtatzënë, që në herën e parë që bëri seks. Kjo më bëri të mendoj mos e pësoj edhe unë kështu”

-“Pas kënaqësisë fillestare, u ndjeva jo mirë për atë dhe veten”

-“Unë bëra seks vetëm se mendova që e doja me të vërtetë dhe se një ditë do të martohesha me të. Mënyra si veproi ai, më bëri të mendoj se, me të, nuk kalohet dot gjithë jeta. Seksi kurrë nuk na afroi me njëri-tjetrin”

Sa e sa adoleshentëve u sillen nëpër kokë këto mendime dhe të tjera si këto.

Kurrë nuk është vonë për një ndryshim të ri. Çdo i ri që dëshiron kthimin në virgjërinë sekondare, mund ta arrijë atë nëse vendos të ndryshojë dhe të shkëputet nga zakonet e vjetra. Largohuni nga njerëzit, vendet dhe situatat që dobësojnë vetëkontrollin

ËSHTË JETA JUAJ: VENDOSNI NDRYSHIMIN

Nëse ke vendosur që virgjëria sekondare vlen për ty, ti ke hedhur një hap të madh përpara, drejt lirisë seksuale.

Kjo nuk është e lehtë, sikur nuk është e lehtë të mbash një dietë nga do të heqësh ushqimin më të preferuar, ose të studiosh kur është më mirë të shikosh TV-në.

Ju mund ta bëni këtë. Zakonisht, duhen 21 ditë për të formuar një zakon të ri. Ju e keni ndërtuar një rrugë në trurin tuaj, nëpër të cilën shkoni pa u menduar. Ta ndryshonikëtë rrugë, duhet të mendoni shumë dhe të praktikoni një zakon të ri, që të shkoni në drejtim të ri

BOX

Seks para martese? Vendimi më i mirë merret nga një njeri i stabilizuar

Shpesh flas dhe konsultoj të rinj, që kanë bërë seks me një ose më shumë partnerë. Kur janë shumë të rinj, i këshilloj të heqin dorë nga aktiviteti seksual për pak vjet dhe t’i përkushtohen rritjes së tyre. Të çdo moshe qofshin ata, u rekomandoj me insistim të përdorin seksin e sigurtë.

Shumica e këtyre të rinjve ndjehen jo mirë dhe tëdëshpëruar. Gjëja e parë që do t’u këshilloja adoleshentëve seksualisht aktivë është: Mos bëni seks nën presion. Ndonjëherë, ndodh që një vajzë të shkojë me një të moshuar, ose me një burrë të martuar. Në këtë rast këshilla është: Largohu menjëherë nga kjo marrëdhënie, ty po të përdorin. Burrat e martuar kurrë nuk i lënë gratë e tyre për një adoleshente, ata vetëm i përdorin ato.

Ja dhe diçka tjetër që tërinjtë e kanë vështirë ta bëjnë: Sapo fillojnë të bëjnë seks, ata e kanë të vështirë të largohen. Kjo është veçanërisht e vërtetë për vajzat. Natyrisht, këto të reja duhet të inkurajohen, të ndjekin instinktin e tyre, dhe të kthehen mbrapsht. Të bëhen përsëri fëmije dhe të mos bëhen të përdorura. Shumë nga këto të reja, duan ta ndërpresin seksin për disa vjet, deri sa ta kuptojnë veten më mirë dhe të ndjejnë përgjegjësinë për jetën e tyre.

Vendimi për të bërë seks, qoftë edhe për një grua dhe një burrë, është një vendim personal. Sot, ideja për të bërë seks para martesës, pranohet gjerësisht. Por vendimi më i mirë merret nga një njeri që është i stabilizuar në karrierë, që ka të ardhura të mjaftueshme për të qenë i pavarur dhe ka atë ndjenjën e sigurisë, që të jep marrja e një profesioni.

Sot mosha mesatare e martesës është rritur shumë. Djemtë martohen mesatarisht në moshën 27-vjeçare dhe vajzat në moshën 24-vjeçare. T’u kërkosh të rinjve të mos bëjnë seks deri sa të martohen, është një këshillë që rrallë kush do ta zbatojë. Por edhe të fillohet marrëdhënia seksuale shumë herët, prapë nuk është mirë. Gjërat që paraqesin rrezik, lejohet të ushtrohen në një moshë të caktuar dhe me leje (licencë). Kështu është kur nget makinën, kur përdor alkolin, duhanin, ashtu duhet të jetë edhe kur bën seks. Nuk lejohet një i ri, nga mosha 13 deri në 18 vjeç, të dalë në rrugë me makinë. Kështu nuk duhet të bëjë edhe seks.

Nesër nga Dr.Harxhi, në Faqet e së Dielës, mund të lexoni:

KUR DUHET TË FILLOJË JETA SEKSUALE

INTERVISTË

“21 vjeç: Pse nuk kam vendosur ende të bëj jetë seksuale...”

Të jetosh me rregulla, për shumë njerëz, është më komforte, nga sa të rrosh me impulse. E tillë është edhe vajza që pranoi të intervistohej për SH2-shin. Është nga Tirana, pas 4 ditësh ekzaktësisht, mbush 21 vjeç. Është e virgjër. Po e quajmë për lehtësi “Ejola”, por emri i saj është ndryshe.

Për fat të keq, nuk mundemi të japim më tepër hollësi se kaq. Ky ishte kushti i marrëveshjes sonë për të pranuar intervistën. Ajo u vetëofrua në redaksinë tonë me një telefonatë, pas botimit të shtunën e kaluar të historisë së një britanikeje, e cila ishte e virgjër në moshën 105-vjeçare. Ejola na tha se e quante të rëndësishme të shpjegonte këndvështrimin e saj dhe të vajzave si ajo mbi virgjërinë.

Ajo është një vajzë mbresëlënëse, e bukur, inteligjente.

Na tha se duhet të flasim për vajzat e virgjëra, që e kanë zgjedhur këtë rrugë, jo nga frika, as pse janë shumë të preokupuara, por për arsye të edukimit të tyre familjar dhe fetar.

Ejola, virgjëria juaj është një vendim, apo ka rrethana jetësore dhe familjare që kanë favorizuar këtë situatë?

Unë nuk do t’ju kisha telefonuar në rast se do të ishte fjala për rrethana rastësore. Është vendim, sigurisht.

Pse një vendim i tillë, nëse na lejoni ?

Sepse besoj në diçka: që eksperiencat seksuale të hershme janë, zakonisht, jo perfekte. Besoj, gjithashtu,, që marrëdhënia seksuale, është më e mirë kur e krijon së bashku me dikë që e do. Unë dëshiroj të rritem dhe zhvillohem brenda vetes, përpara se të përfshihem në marrëdhënie intime me dikë që do të influencojë shumë tek unë. Nuk dëshiroj që të influencohem kaq fort dhe nuk lejoj dikë tjetër të ndërhyjë në jetën time fizike dhe psikologjike, përpara se të njoh mirë veten time.


Po ti pyesësh të gjitha vajzat, kur flasin për lidhjet e tyre, thonë që janë lidhur me këtë apo me atë, por në thelb janë duke kërkuar një djalë serioz dhe të përkushtuar. Mendon se ka ndonjë gjë të keqe në këtë mes? Në fakt edhe vajzat e tjera, në kërkim të princit të tyre janë, apo jo, njësoj si ti...

Sigurisht që secila zgjedh vetë si ta jetojë rininë, por për mua ai seksi për stërvitje që thoni ju, më ndjeni, po më duket pak harbut. Sidoqoftë, është një alternativë, por nuk është më i miri. Siç ju thashë, preferoj të mos bëjë fare seks deri në kohën e duhur dhe me njeriun e duhur.

Sipas Ejolës, cila është mosha ideale për t’u përfshirë në këtë marrëdhënie intime?

Koha në të cilën virgjëreshat ndjejnë se janë gati të fillojnë seksin, nuk përcaktohet nga mosha që matet me vite, por nga vetëbesimi i tyre. Disa njerëz janë të pjekur dhe me vetëbesim në moshën 18 vjeç, të tjerë zhvillohen me ngadalë. Çdo vajzë e virgjër dëshiron të rritet plotësisht, përpara se t’ia kushtojë trupin dhe mendjen e saj bërjes së fëmijve dhe kujdesit për ta.

Vajza që është shumë e interesuar për mësimet dhe aktivitetet e ndryshme, ndonjëherë është e keqkuptuar nga njerëzit. Ata do të doninqë dhe ajo ta “gëzonte rininë”. Ju shqetëson kjo?

Është pak gabim që të bësh një lidhje direkte mes vajzave që duan të ruajnë virgjërinë deri në momentin e duhur dhe vajzave që janë studioze. Nuk janë domosdoshmërisht i njëjti person (qesh).

Një vajzë e virgjër, thjesht dëshiron të mos përfshihet në seks dhe ta lërë atë për më vonë, kur të ketë kohë të lirë, si për të gjitha interesat e saj të tjera. Jeta e tyre, në të vërtetë, nuk është aq e vështirë sa mendojnë të tjerët nga jashtë.

Flisni në familje rreth kësaj teme?

Kam mbështetjen dhe aprovimin e familjes, të miqve dhe besimin e tyre.

Keni mikesha të ngushta?

Sigurisht që po.

Edhe ato janë të virgjëra?

(Qesh). Jo, të gjitha. Po vajza virgjëreshë mund të jetë shoqe e mirë e një vajzës tjetër seksualisht aktive. Shpesh ajo di më shumë, nga sa di vajza seksualisht aktive, për periodat, për shtatzëninë dhe hapat që duhen marrë, kur dikush është në vështirësi. Virgjëresha ka kohë të lexojë për këto çështje dhe mendimi i saj i ftohtë, e bën atë shpesh këshilluese për të tjerat.

Jeni fetare?

Kam besimin tim, mënyrën time për këtë. Lutjet, kisha, xhamia dhe meditimi, të gjitha i japin jetës komfort kur i beson.

Një mesazh për bashkëmoshataret?

Abstenimi nga seksi, është një jetë e disiplinuar. Ata kanë më shumë vetëkontroll nga sa kanë moshatarët e tyre. Kjo disiplinë është më shumë ndihmuese se e dhimbshme.

Posted by AGJENCIONI FLOART-PRESS