Tashti jemi para një situate të re, pothuaj krejt të ngjashme me atë të vitit 1887.

1.Pashallarët e shtetit të Kosovës, Hashim Thaçi e Co, kanë pesë vjet (2011-2015) në 16 bisedime ndërkufitare me Malin e Zi për caktimin e vijës të Demarkacionit në mes dy vendeve fqinjë, sipas kushteve të paracaktuara nga Bashkimi Europian.

Kjo histori aktuale më kujtoi kohën e hershme të guvernatorit otoman të Pejës, mytaserif Ali Pashë Gucia që pas Memorandumit të Stambollit të 12 prillit 1880 midis Perandorisë Otomane e Principatës të Malit të Zi duhej të ishte kryesues i caktimit të vijës së kufinit. Faktikisht puna në terren nisi me vonesa e pengesa: vetëm në pranverë 1882 dhe zgjati pesë vjet, deri në verë 1887.

Dy shembuj krejt të ngjashëm. Paralele në kohë të ndryshme.

Si atëherit edhe sot, të tjerët po na vnojnë kushte të randa në dam të kombit shqiptar, tue na i marrë hjekësisht e padrejtësisht tokat tona etnike ardhacakët sllavë.

2.Ali Beg Gucia, një nga personalitetet piedestal të historisë tonë kombëtare shqiptare, iu prini luftënave të mëdha në mbrojtje të territoreve të Plavë-Gucisë me rrethina, si ato më 1854 kundër kryengritësve të Vasojeviçit, ato më 1861 dhe më 1876-1878, të cilat kulmojnë me dy betejat në “Lufta e Ultinës së Epërme të Limit” (dhjetor 1879 – janar 1880) që ishte Parathënia e Pavarësisë së Shqipërisë në Vlorën e 1912-tës.

E, të madhit Ali Beg Gucia, i erdhi koha e vështirë për me e “zvogëlue” vetveten tek çështja e caktimit të “kufinit të lodhshëm” me Malin e Zi. Ai përpiqej atdhetarisht të ruante sa ma shumë territore nga krahina e Plavë-Gucisë, etj., pavarësisht nga presionet nga Stambolli e Çetina, nga përfaqësitë e huaja në Prizren, Shkodër e Çetinë. Kjo, ndër të tjera, dhe për dy arsye: E para: kishte prona të vetat në këtë krahinë etnike shqiptare, të cilat ia punonin çipçinjtë e krishterë (Ah, çka i bane me ta asimilimit të kësaj krahine, o Ali Beg i kazasë së Gucisë!!!). Mali i Zi i premtonte se do t’ia ruante pronësinë pronave të tij, do t’ia jepte të ardhurat nga çifligjet, etj., po ai nuk i besonte krajl Nikollës e Co. E dyta arsye: kishte përkrahje dhe nga krejt populli i sanxhakut të Pejës, ku përfshihej dhe Rugova, dhe Plavë-Gucia, etj.

Sulltan Abdulhamid II e kishte mik personal Ali Begun e Gucisë, të cilin e bani mytesarif të sanxhakut të Pejës, i dha titullin “Pashë”, e thirri disa herë tek Porta e Lartë në Stamboll, etj. Në dokumenta diplomatike të huaja shkruhet: “Sulltani e mbloi Ali Pashën me të mira, vetëm e vetëm që t’ia lehtësonte këtë përcaktim të lodhshëm kufijsh” me Malin e Zi. Njëherash, nga ana tjetër, Sulltani, tue fillue prej vitit 1883, e kishte mik fort të afërt dhe Krajl Nikollën e Malit të Zi, të cilit i bani mjaft lëshime tue i dhanë kohë pas kohe toka etnike shqiptare.

Ma në fund u thye Ali Pashë Gucia. Në gusht 1887 u caktue vija e kufinit me Malin e Zi. U damtuen interesat kombëtare shqiptare në këto treva të Shqipërisë së Veriut.

3. Disa muaj ma vonë, më 29 nëntor 1887 thuhet se një i rugovas e vrau Ali Pashë Gucinë E qëlloi me plumba në mes të qytetit të Pejës, në kryeqëndren e Sanxhakut.

Ndoshta i rugovasi ishte i shtyrë drejt kësaj vrasjeje tragjike, të pabesë, antikombëtare. Ndoshta ishte hakmarrje padrejtësie vetjake ndaj tij…Sidoqoftë. diplomati austro-hungarez, Theodor Ippen, konsull i Përgjithshëm në Shkodër (1884, 1896-1903), referent politik i Komandës A-H në Plevlje të Sanxhakut (1885-1887), ministër i Jashtëm (1920), në një vepër të tij historike të shkruar për Shqipërinë e të botuar në Sarajevë (1901-1902), flet për vrasjen e Ali Pashë Gucisë. Ai dokumenton se “atentati ndodhi për shkak të pakënaqësisë së fisit të Rugovës, i cili humbte me caktimin e kufirit të ri disa kullota, të cilat i kaluan Malit të Zi”.
Krimi ndaj jetës së tjetrit gjithmonë duhet ndëshkue, veçanërisht kur kemi të bajmë me figura të tilla panshqiptare. Po, Ali Pashë Gucia, në vitet e fundit të jetës së tij filloi ka e tepron pa cak me sjelljet e vendimmarrjet e tij, shpesh arbitrare, ka’i’herë dhe me frymë e akte antikombëtare. Shqiptarët, veçmas pas caktimit të kufinit me Malin e Zi, patën fillue ka e etiketojnë e thërrasin si “tradhtar”. Ndoshta kjo vrasje e poshtër ndikoi që t’ia shlyente sadopak damkën si “tradhtar”, pasi pati një vdekje si martir i kombit të vet.

4. Tashti jemi para një situate të re, pothuaj krejt të ngjashme me atë të vitit 1887.

Prapë Mali i Zi po don’ me marrë toka etnike shqiptare me të ashtuquajturin “Demarkacion”, ku në qarkoren Çakorr-Mokën-Kullë, humbin mijëra hektarë tokë etnike të shtetit të ri të Kosovës. Në vijën kufitare Kullë ka mbi pesë kilometra hyrje malazeze brenda territorit të Kosovës.

Ali Lajçi, një nga të “plotfuqishmit” për Demarkacionin Kosovë-Mali i Zi, ka deklarue së fundit (maj 2015) se shteti i Kosovës e qytetarët e saj damtohen me rreth 12 mijë hektarë. Përndryshe: 120 km2, nga të cilët 70 km2 në pjesën e Rugovës dhe 50 km2 në atë të Podgurit e vendkalimin kufitar Zhlep…

E përllogaritur, me krahasime, del se Mali i Zi don t’i marrin Kosovës një sipërfaqe pothuaj sa katër herë qyteti i Tiranës metropolitane ( 31 km2 x 4 = 124 km2) apo dy herë ma e madhe se shteti San Marino (61 km2 x 2 = 122 km2), etj.

Sipërfaqja nuk është e vogël. Rreziku i tradhtisë kombëtare shqiptare në Pejë me rrethina është i madh, tepër i madh. Ndaj kjo tradhti duhet ndalur dhe në fjalorin e politikanëve dhe në terrenin konkret të Demarkacionit me Malin e Zi.

Kjo tradhëti nuk është e para dhe as e fundit që i bahet Kosovës nga politikanët e mëdhenj të saj, nga ata politikanë që i solli Lufta e UÇK-së apo prodhoi Paqja e EULEX-it. Mjafton të kujtojmë një fakt: sa km2 sipërfaqe i marrin Kosovës së pavarur Patriakana e Pejës, Manastiri i Deçanit, Manastiri i Graçanicës, etj. Janë plot 27 të tillë e disa sish dhe në mbrojtje ndërkombëtare nga UNESCO, e në ruajtje nga KFOR, etj. Vetëm Manastiri i Deçanit ka 50 ha sipërfaqen e tij territoriale dhe mbetet i pakënaqun pasi kërkon 700 ha sikur i kishte më 1946 në Jugosllavinë e Titos e për ma keq nuk lejon me kalue as rruga ndërkombëtare Deçan-Plavë nëpër juridiksionin e saj. Çështje pronësore ka dhe Demarkacioni i Kosovës me Maqedoninë, si në vijën kufitare të komunës Viti me mbi 17 ha, etj.

Shembuj të tilla janë gjithata. Çka po bahet me Mitrovicën me rrethina?!…Me i mbledhë me nji aritmetikë të thjeshtë të gjitha tokat që Kosova i ka dhanë me e padashje për të tjerët, për fqinjët e vet sllavë, atëherit kish me u çue populli shqiptar i Kosovës e me i ndjekë nga zyrat e shtetit me hy të çamë, etj. Dhe e kanë pak këtë ndëshkim popullor. Toka është e shenjtë. Japonezët e kanë një thanie të veten: Tokë më fal që të shkel me kambë!

Demarkacioni me Principatën e Malit të Zi më 1887 thuhet se i hangri kryet Ali Pashë Gucisë, njeriut që bani aq shumë për kombin e vet në vitet e Lidhjes Shqiptare të Prizrenit. Nga gadishulli gjeopolitik i Ballkanit filloi Lufta e Parë Botërore (1914-1918).

Çështja shtrohet qartë, ballas: klasa politike e Kosovës dhe e Malit të Zi me vijën e kufirit midis tyre po e çojnë Ballkanin drejt një lufte të re, pas asaj të Parës e të Dytës nga krajlitë sllave, pas kësaj të fundit nga Millosheviçi.

Diplomacia, Politika, Tradita…duhet me pasë kujdes që të mos krisin pushka e Rugovës për pronat e veta… Rugova duket e vogël në hapësirë territoriale etno-historike, po pushkën e ka të madhe.

Zgjatjet e proçeseve të tilla mbartin pabesi, po ne, shqiptarët e Kosovës e të Ballkanit kurrkujt nuk jena ka i lypim besë, veçse po kërkojmë drejtësi. Demokracia kërkon Drejtësi për Demarkacionin e Kosovës me Malin e Zi. Të gjithë e kemi në dorë ta ndalim Luftën e pritshme në emër të Paqes të sotme e të nesërme.

Shokuese: Serbia hap faqe islame interneti në shqip, radikalizon myslimanët!

Ne vitin 2007 serbi Milutin Jovanovic me direktiva nga qeveria e
Serbise, blen dhe hap faqen botaIslame.com.

Qe nga 2007 ky website ne
baze ditore publikon lajme ne gjuhen shqipe dhe thirrë per ekstremizem
islamik.

Portali i njohur në Kosovë, sidomos për përforcimin e linjës
vehabiste e selafiste në Kosovë është botaislame.com. Ky portal është
krijuar nga Milutin Jovanovic që në vitin 2007 nga Suedia.

Më vonë
informatat e website-it janë fshehur me pagesë.
Ka edhe fakte të tjera që Serbia ka filluar organizimin e
ekstremizmit islamik në Kosovë, në mënyrë që Kosova të humb simpatinë e
Amerikës.

Këtë mënyrë ka vepruar edhe Rusia me talebanët, kur këta të
fundit një kohë kanë pas simpatinë e Amerikës.

Shërbimi i fsheftë i Serbisë është duke vepruar në Kosovë. Zgjedhen
oratore të suksesshëm shqiptarë të cilë punojnë për interesa të Serbisë,
duke ngritur tensionet ndërfetare, dhe duke krijuar ekstremizmin
islamik në Kosovë.

Portali në fjalë është mbyllur pas zbulimit të mediave shqiptare për
blersin dhe administratorin e këtij portali. Gjurmët e Milutin
Jovaneviçit ende janë në http://who.is/domain-history/botaislame.com.
Albtime ka kontrolluar edhe disa faqe të njohura islame në shqip për
ndonjë blerës të till por shumica e tyre i kanë fshehur të dhënat.

Rrëfim prekës: U braktis nga nëna meqë u dhunua nga serbi, u adaptua nga myslimanët, në moshën 10-vjeçare fëmijët i thonë “kopil çetniku”…

Alen Muhiq është një foshnjat e braktisura që kanë lindur nga gratë myslimane të dhunuara nga ushtarët serbë. Kur ishte 10 vjeç, rrëfimi i tij u bë film i shpërblyer.

Gjatë luftës në Bosnjë janë dhunuar mijëra gra. Nga kjo dhunë gratë myslimane kanë lindur fëmijë. Guardiani britanik ia kushton një artikull të gjatë luftës në Bosnjë dhe dhunës së serbëve ndaj grave myslimane, e po ashtu braktisjes së fëmijëve nga nënat biologjike.

Fat të tillë kishte Alen Muhiq. Ka lindur në një spital në Gorazhde në vitin 1993.

“Kur e kam dëgjuar të qajë”, ka treguar nëna e tij më vonë, “e kam lutur mjekun që ta sjellë tek unë. Kam dashur ta ngufas”.

Por, ajo nuk e mbyti djalin e vet. Në vend të kësaj e la në spital dhe doli nga jeta e tij përgjithmonë.

Punëtorëve shëndetësorë u është dhimbsur foshnja. Njëri nga ta, Muharrem Muhiq, shtëpiak në spital i cili kishte gruan dhe dy vajza, vendosi ta adoptojë djalin.

Dhjetë vitet e para të jetës, Alen Muhiq i jetoi pa ditur për detajet dhe identitetin e prindërve të tij. Ai besoi se është djali i Muharremit dhe bashkëshortes së tij Advijes dhe vëlla i vajzave të tij.

Një ditë të vitit 2003, Muhiq u përla në një lojë futbolli. Njëri nga kundërshtarët e tij i ka thënë “kopili çetnik”.

Në të njëjtën kohë, Muhiq u takua me një regjisor filmi të quajtur Shemshudin Gegiq. Takimi ishte një rastësi: ai ishte duke xhiruar në vendin e Muhiqit, ndërsa vetë iu ofrua ta bëjë një film nga jeta e tij.

Në vitin 2004, Gegiq filmin dokumentar e quajti “Djaloshi nga filmi i luftës”. Muhiq u bë djalosi i famshëm lokal, ndërsa pas përfundimit të filmit regjisori tregon se i ka thënë Alenit që të mbeten në kontakt dhe nëse ndonjëherë i duhet diçka ta kontaktojë.

“Më ka thirrur pas një viti. Më ka thënë: ‘Kam dyshime se je i vetmi që din për nënën dhe babanë tim biologjikë. Dua që të më ndihmosh t’i gjej”, tregon Gegiq.

Gegiq thotë se ai nuk ka dhënë një përgjigje të drejtpërdrejtë, edhe pse ra dakord për ta ndihmuar.

“Pas atij filmi të parë të shkurtër, nëna e tij më ka thirrur nga SHBA. Një natë më pyet ta xhirojë edhe atë, të nesërmen më thërret dhe më kërcënon se do të më vrasë, do të më helmojë”.

Një pasojë tjetër e filmit të parë ishte se babai biologjik i Muhiqit, u detyrua t’i nënshtrohet një testi të ADN-së. Kur u vërtetësua atësia, u gjykua dhe u dënua për dhunim. Ai u dënua me pesë vjet e gjysmë burg. Ndërsa, pas 18 muajve, dy dëshmitarë të mbrojtur nga Foça, ku ka ndodhur krimi, kanë thënë se babai biologjik dhe nëna e tij kanë qenë të lidhur edhe para luftës.

Babai madje tha se donte ta njihte djalin e tij. Duke marrë parasysh këtë informacion, gjyqtari ka ulur dënimin deri në 18 muaj dhe ai u lirua menjëherë.

“Aleni është fëmijë me dy identitete”, thotë Gegiqi.

Kur Aleni ishte i vogël, fëmijët e thirrën Pero, që është emërtim serb.

“E shpall vetën boshnjak dhe mysliman, sepse ky është ambienti ku jam rritur”, thotë Muhiqi, i cili e ka ka takuar babanë e tij. Por, ky takim nuk është pjesë e filmit. Madje, babai në takim e kishte mohuar.

“Dëshiron të jetë viktimë, se të këqijat i janë bërë atij, e në fakt ai ka bërë krime. Ai është baba biologjik në letër. Kaq. Nuk mund ta quaj as person. Për atë që ka bërë do ta quaj bishë”, thotë Aleni, teksa shton se dëshiron ta takojë nënën. Ai madje e ka thirre nënën, por nuk ka mundur të flas.

Tweet

19 vjeçarja u alivanos nga pija në një lokal në Prishtinë, ajo në cfar dyshohet se i ka ndodhur është e tmerrshme ….

Policia e Kosovës ka nisur hetime nën dyshimin se një 19-vjeçares, në një lokal nate në Prishtinë, në pijen e saj i është hedhur pika të substancës narkotike GHB. Policia e ka tre të dyshuar, ndërsa rastin e po e heton si intoksikim.

Për herë të parë në rajonin e Prishtinës, Njësia antidrogë e Policisë së Kosovës e ka hapur në rast të intoksikimit të personit tjetër.

Kjo vepër penale e dënueshme sipas Kodit Penal prej një deri në pesë vjet burgim, dyshohet se është kryer në një lokal të natës që gjendet në qendër të Prishtinës, emër i njohur për redaksinë. Nën dyshimin se e ka intoksikuar një person tjetër, përkatësisht një 19-vjeçares i ka hedhur në pije një substancë të dyshimtë të narkotikëve, Policia e Kosovës po e heton një kamerier të këtij lokali të natës si dhe dy persona të tjerë.

Policia zyrtarisht e ka konfirmuar nisjen e këtij hetimi, ndonëse nuk ka dhënë detaje se çfarë substance bëhet fjalë dhe për mënyrën që dyshohet se është kryer vepra penale.

Alivanosje me gllënjkën e dytë

Në natën e parë që ka ardhur nga Norvegjia në Kosovë, ajo dyshohet se në njërin prej klubeve të Prishtinës i është hedhur diçka në pije. Në mbrëmjen e 1 korrikut, ajo është alivanosur në lokalin teksa po e çonte gllënjkën e dytë të një pijeje alkoolike.

“Unë ka mardhë me 1 korrik dhe atë natë që kam ardhë më ka ndodh ajo. Nuk më ka ndodhë diçka e tillë më herët ndonëse kam dalë shumë herë dhe kam konsumuar alkool”, tregon Y.T.,

Tmerr në Tropojë: 50-vjeçari përdhunon rregullisht vajzat e tij!

Një denoncim tronditës ai i bërë te Komisariati i Policisë Tropojë nga një vajzë e re: Është përdhunuar pareshtur nga i ati për vite të tëra. Kurse tani, po abuzohet seksualisht motra e saj, sërish nga i ati me synim që ta përdhunojë edhe atë.

Policia e Tropojës tha sot se është vënë në lëvizje dhe u bë ndalimi i shtetasit M.A, 50 vjeç, banues në Tropojë. “Vajza G.A., 25 vjeçe, ka denoncuar babanë e saj M.A., 50 vjeç, duke e akuzuar për abuzim seksual”, – i thanë agjencisë NOA burime zyrtare nga policia lokale. “Vajza ka treguar se, babai i saj M.A, ka abuzuar me të seksualisht në kohen kur ajo ka qenë e mitur, si dhe ka tentuar të kryejë marrëdhënie seksuale në vitin 2013 me vajzën tjetër shtetasen B.A, 13 vjeçe”.
Hetimi pritet të zbardhë pse 25-vjeçarja e ka duruar kaq gjatë përdhunimin sistematik nga i ati kur ishte e vogël, si dhe pse denoncimi për motrën e saj 13 vjeçe, bëhet rreth dy vjet pasi sipas saj ka ndodhur.
Policia tha se për të miturën është vendosur të dërgohet për trajtim psiko-social në një qendër sociale.
Ndërkohë, në burg në gjendje arresti deri në një vendim të gjykatës, gjendet babai 50 vjeçar që akuzohet për abuzim seksual me dy vajzat e tij në moshë të mitur.

Ja çfarë kishte thënë i arrestuari i Badovcit për sulmet e ISIS-it në Kosovë

Njëri nga pesë të arrestuarit e rastit të “Badovcit”, të cilëve dje iu caktua një muaj paraburgim nga Gjykata Themelore në Prishtinë, ka folur, pak kohë më parë për ISIS dhe kërcënimet e shtetit islamik ndaj Kosovës.

Fehmi Musa, në një intervistë për Kallxo.com, duke komentuar deklaratat e dhënë në një video të punuar nga shteti islamik, kishte thënë se nuk beson që kjo organizatë fetaro-politiko-ushtarake e ka ndërmend t’u bëjë keq shqiptarëve myslimanë të Kosovës.

“Nuk shohë kurrfarë rreziku për myslimanët e Kosovës nga kërcënimet e ISIS-it, nëse kanë kërcënuar atëherë kanë kërcënuar serbët, maqedonasit, të cilët ia duan të keqën Kosovës dhe Shqipërisë, të gjithë armiqtë e islamit por jo shqiptarët”, thotë ai në deklaratë.

KUJDES: Ky është personi i rrezikshëm që po e kërkon Policia e Kosovës, Ja pse…

Policia e Kosovës në rajonin e Pejës bazuar në urdhëresën e Prokurorit të Prokurorisë Themelore në Pejë, konform Kodit të Procedurës Penale të Republikës së Kosovës, publikon fotografinë e personit Agim Madani nga Tropoja-Republika e Shqipërisë., thuhet në njoftimin për media.

I dyshuar për Veprën Penale “Vrasje në Tentativë” pasi që me datë 14.07.2015 rreth orës 03:00 në fshatin Gorozhdec të Komunës së Pejës, kishte sulmuar patrullën policore të Stacionit Policor në Pejë.
Publikimin i identitetit dhe fotografisë së personit të dyshimtë të lart cekur bëhet me qëllim të bashkëpunimit dhe ofrimit të informatave nga qytetarët e rajonit të Pejës dhe me gjerë, në mënyrë që të bëhet kapja e këtij personi të dyshimtë nga Policia e Kosovës.

Kështu që kërkojmë nga qytetar të vendit që nëse vërejnë apo kanë informata që na shpijnë tek vendi ku qëndron apo lëvizë ky person mund të na kontaktojnë në këta numra të telefonit 192 (pa pagesë) dhe 039 432 327”, thuhet në noftimin e Policisë së Kosovës për Rajonin e Pejës.

Medani është i kërkuar edhe nga Interpoli.