Holta Kolaneci shpërthen kundër Vera Grabockës?

Ish-punëdhënësja e dyshes së spektaklit Grabocka-Vejsiu, duket se i ka ashpërsuar sulmet kundër, tashmë, rivaleve të saj. Holta Dulaku, producentja e Vizion Plus ka shpërthyer në një status në facebook, ku nuk flet me emra konkretë, por fjalët kyçe që ajo përdor, janë marrë nga fjalori i prezantueses Alketa Vejsiu. Në fakt, kjo deklaratë e postuar nga bashkëshortja e një prej pronarëve të V+, më shumë se mendim personal, të ngjan me një monolog imagjinar, që Alketa ia drejton regjisores Grabocka. Lexoni më poshtë statusin tallës, ironinë e të cilit, e kanë kapur edhe miqtë e producentes së DWTS: "O Zot lum une per prinderit qe kam. Dhe sidomos si femer qe jam, lum une per mamin qe kam, dhe uroj te jem sa gjysma e saj, se e sigurt si ajo nuk behen dy. Dhe sigurisht ju te gjithe jeni te bekuar per prinderit qe keni, pa dyshim, pervec njeres. Ajo po, ajo e di qe vetem mama nuk ka pasur dhe nuk ka. Me vjen keq per te dhe njejohesisht mire qe jeton prej vitesh kaq shume larg kesaj mamaje. Me vjen mire qe eshte rritur me gjyshe, dhe edukuar prej gjysherish. Se ndryshe "energjia pozitive" qe leshon kjo lloj mamaje do ta kishte mbytyr. Kam pasur fatin e mire dhe te keq ta kem pjese te jetes time kete mama(larg qofte te ishte mamaja ime), te mirin se me mesoi te njihja kush ishte llumi, ku edhe ajo bente pjese, dhe te keqin se ma harxhoi ca nerva qe fare mire mund ti shfryja diku tjeter hahahah. Nese me lexon ajo vete, po sigurisht qe nese jo me lexojne ato/ata asistentet kokeboshe te kesaj "gjigandeje", do doja vetem ti thoja TE LUTEM STOP. Nuk jetohet dhe punohet vetem duke bere skuthlliqe. Tregoje ndryshe energjine tende pozitive qe e propagandon aq shume. Mjaft fute hundet ne punet e mija. Dhe mjaft u solle si moshatarja ime, se nuk je. Me mire qetesohu, jeto dhe pranoje moshen qe ke. Ti tashme me duket se nuk do vetem te jesh e re, do te jesh e perjetshme hahahahahahaha. Ca te them, s'bohet, as me meditim. FALEMINDERIT MAMI SHPRESA" Sulmet e Holta Dulakut kundër Alketa Vejsiut e Vera Grabockës janë shpeshtësuar kohët e fundit për shkak se dy programet me tematikë kërcimin, "Dancing With the Stars" dhe "Dance with Me", këtë sezon do të ndeshen drejtëpërdrejtë për audiencën më të madhe.

Drini Zeqo tradhëton Holta Dulakun, do kërcejë për Grabockën

Tashmë duket se 'puzzle'-i është zgjidhur. Gjithë mllefi i producentes së Dancing With the Stars, Holta Dulaku, e cila shpërtheu në një status në facebook këtë paradite, duket se ka lidhje me "tradhëtinë" që prezantuesi Drini Zeqo i bëri, për të marrë pjesë si kërcimtar në spektaklin e rivaleve të saj, Grabocka-Vejsiu. Lapsi.al mësoi se gazetari i është përveshur punës në sallën e provave për të nisur sfidën e kërcimit në "Dance With Me". Drini Zeqo, i cili braktisi lajmet për spektaklin e Vizion Plus, nuk rezistoi gjatë nën tutelën e producentes, e cila me sa duket, po ia ndjen mungesën. Nga ana tjetër, ish-prezantuesi i "Dancing With the Stars" dhe "Tu si que vales", mezi ka pritur t'ia punojë ish-shefes së tij, duke u bashkuar me dyshen kundërshtare.

Duke iu rikthyer takimit në Trieste…Berisha-Nano!

Rrëfimi i priftit italian, që ndërmjetësoi takimin Nano-Berisha në Trieste



Arqipeshkvi Vincenzo Paglia një prej themeluesve të Sant’ Egidios është një njeri joperiferik në politikën shqiptare. Që prej marsit të 1991, kur hyri në Shqipëri i veshur si klerik, i pari pas dhjetëra vitesh ateizmi të imponuar nga regjimi aq sa i tronditi rojet e kufirit që nuk i kontrolluan pasaportën, Paglia ka luajtur rol kyç në disa prej ngjarjeve që kanë qenë determinuese në jetën politike të vendit. Ai është parë si aktor në takimin e parë  të z.Fatos Nano- s me z.­Sali Berisha, që u ndërmjetësua nga ministri i Jashtëm i Italisë i asaj kohe. I mbuluar me konspiracion, takimi i Triestes besohet se i hapi rrugën rotacionit politik në vend. Po ashtu, Paglia ka qenë ndërmjetësues në atë që njihet si “Marrëveshja e Sant’Egidios” e vitit 1997 mes shumicës dhe pakicës në vend dhe ai ka “mbikëqyrur”­ dhe pse nuk dihet në çmasë­ edhe takimin e fundit Nano­Berisha të vitit 2003, që solli jo pak stuhi në jetën politike shqiptare, përfshi edhe një president e kryeprokuror konsensual.

Ju jeni bërë pjesë e politikës në Shqipërinë e ‘91­‘92. Takimi i Berishës e Nanos në Trieste është shoqëruar me teori konspiracioni….

Unë mbaj mend këtë, e kam kuptuar gjithmonë ndihmën time në Shqipëri si punë për ringjalljen e dy kishave të krishtera, asaj Katolike dhe Ortodokse. Një mënyrë tjetër (për të ndihmuar) është të bindësh palë të ndryshme politike të konservojnë, të thellojnë perspektivat e tyre, por pa përjashtuar palën tjetër, opozitën, nga një ëndërr për një Shqipëri të përbashkët, për një Shqipëri më të fortë.

Çfarë mbani mend se u vendos në atë takim?

Unë mbaj mend për shembull, që në një moment mjaft të vështirë në vitet 90’ kur rreziku ishte për një konflikt për një luftë civile, mblodhëm përfaqësues të të gjitha partive në Romë për një marrëveshje, që në atë rast u quajt “Marrëveshja e Romës”, ku palët e ndryshme politike u zotuan të respektonin të drejtat e opozitës, në të njëjtën kohë duke i lëshuar (opozitës) edhe fuqi kontrolli. Pakti u firmos dhe u përshëndet nga të gjithë. Pati disa probleme në pjesën ku flitej se duhej t’i ofroheshin pozicione kontrolli opozitës, apo që nga zgjedhjet duhej të përfitonin të gjithë, por pakti u firmos.

Keni ruajtur raporte me politikanët shqiptarë?

Vazhdoj të kem gjithmonë lidhje me të gjithë, sepse për mua, raporti me Shqipërinë nuk është një raport interesash, por një raport miqësie. Dhe miqësia nëse është e vërtetë mbetet gjithmonë. Ashtu siç ka ndodhur, ajo bëhet më e fortë në momente të krizave.

Duke iu rikthyer takimit në Trieste…

U bë më shumë në Romë se në Trieste. Pakti i Romës është që filloi në Trieste.

Cilat janë raportet që keni me Nanon dhe Berishën. Tani ata të dy janë tërhequr, Nano më shumë dhe Berisha mbetet ende…

Kam pasur raporte të vazhdueshme me liderët historikë, si me të tjerët. Gjithmonë kam kërkuar të favorizoj takimin, sepse injorimi i njëri-­tjetrit dhe mostakimi nuk sjellin asgjë.

Ju si mendoni, Berisha e Nano ishin të zgjedhur, të përcaktuar, apo ishin në momentin e duhur në vendin e duhur?

Historia mirëpritet, nuk është se paracaktohet në ndonjë vend tjetër. Në një vend ku nuk ishte rritur asnjë lloj borgjezie, ishte e qartë që klasa politike mund të vinte vetëm nga ajo që ishte atëherë në fushë (Partia e Punës). Ndihma që mund të jepnim ishte ajo që t’i ndihmonim këta politikanë të hapnin sytë. Të hapnin kontaktet politike dhe të fillonin raporte ndërkombëtare. Ai izolim që kishte “vrarë” Shqipërinë, duhej të shkatërrohej në mënyrë të menjëhershme. Shoqërimi i politikaneve të asaj kohe në takime me politikanë të tjerë ishte i domosdoshëm

Kryeprokurori Llalla: Po hetojmë ministra dhe ish -ministra. Flet për Xhuvanin, Santon dhe përgjimet e SHISH

Adriatik Llalla nuk di të ndalet. Në kredon e tij për të premtuar dhe për të mos vepruar ai është tashmë një kampion. Që megjithëse nuk bën asgjë përsëri vazhdon të flasë për arrestime zyrtarësh të lartë. Ai ka paralajmëruar një gjë të tillë edhe në javët që do të vijnë. Kur gazetarët e pyetën pas një takimi në Njësinë Antikorrupsion në Tiranë aiu u premtoi pikërisht të njëjtën gjë që u kishte thënë edhe fiks një vit më parë. Por që atëherë ka kaluar shumë kohë dhe kryeprokurori ka mbetur në vend..

Prokurori i Përgjithshëm, Llalla, ka vendosur fuqizimin me kapacitete njerëzore të Njësisë Antikorrupsion pranë Prokurorisë për Krime të Rënda, si një mënyrë për të përballuar fluksin e madh të procedimeve penale në këtë strukturë.

Aktualisht, kjo Njësi, e cila prej ditës së sotme do të përbëhet nga 5 prokurorë, numëron rreth 400 raste, mbi të cilat po kryhen hetime pasurore për persona dhe grupe të strukturuara kriminale, si edhe për raste të dyshuara korrupsioni në nivele të larta drejtuese.

Po ashtu, në mbështetje të kësaj Njësie, tashmë do të jetë i atashuar me kohë të plotë edhe një ekspert i misionit “OPDAT” të Shteteve të Bashkuara të Amerikës, i cili do të ofrojë ekspertizë.

Lapsi.al i është rikthyer arkivës së tij, për të parë të gjitha deklaratat bombastike të Adriatik Llallës gjatë vitit të fundit…

Në maj 2014 gjatë një takimi analizë me krerët më të lartë të policisë së shtetit, për ti dhënë një hov të ri luftës kundër kriminalitetit, ai doli përpara gazetarëve dhe lëshoi lajmin bombë: “Takime si ky i sotmi janë shumë të rëndësishme për luftën kundër kriminalitetit në vend. Kemi në proces hetimi mjaft raste të rëndësishme, të cilat nëse do të rezultojnë të suksesshme mund të kenë ndikim të rëndësishme në ardhmen europiane të vendit”. Por interesimit të mëtejëshëm ai iu përgjigj: “Nuk mund të flas me emra”.

Vera kaloi dhe asgjë nga këto hetime nuk u konkretizua. Në rrejtën e prokurorisë, ra vetëm guvernatori Fullani, të cilin e braktisën të gjithë dhe më shumë sesa ndonjë punë e prokurorisë ky ishte një reagim pas faktit të kryer.

Në fillim të shtatorit Adriatik Llalla gjatë fjalës së tij në konferencën “Mbi korrupsionin e Shoqërinë” në Bukuresht nuk hezitoi sërisht të lëshonte deklarata të forta. “Aktualisht, krahas çështjeve që janë në gjykim, autoritetet hetimore shqiptare kanë nën hetim një numër të konsiderueshëm zyrtarësh, kryesisht të nivelit të lartë, që dyshohet se janë të përfshirë në veprat penale të korrupsionit dhe shpërdorimit të detyrës”, tha shefi i organit të akuzës.

Kaluan përsëri dy muaj dhe në 6 nëntor kryeprokurori vendosi të shfaqet në emisioninTop Story të Sokol Ballës. Ai theksoi se vendin po e pret një valë arrestimesh, që përfshijnë zyrtarë të lartë, ministra aktualë dhe ish ministra. Të pakëtn për një ministër aktual, Llalla tha se prokuroria e ka nën hetim për një ngjarje dhe shumë shpejt do të ketë lajme për këtë. Ai pohoi gjithashtu pas interesimit të gazetarit Balla se cështja e bankierit të vrarë Santo mund të ketë një një përfundim të shpejtë: “Hetimet e prokurorisë vazhdojnë me intensitet të lartë duke kërkuar mirëkuptimin tënd nuk mund të jap më tepër detaje për këtë ngjarje. Po ka mjaft pista ku dyshohet dhe që priten rezultate konkrete”.

Kanë kaluar disa muaj që atëherë, por edhe cështja Santo është në vend edhe cështja e ministrit aktual që po hetohet duket sikur është haruar.

Në shkurt 2015 Adriatik Llalla u shfaq në Shkodër ku kish vajtur për të përuruar godinën e re të prokurorisë. Edhe atje ai nuk pati fare droje të deklaronte se shumë shpejt do të arrihet në përfundime lidhur me shpërthimet me tritol në kryeqytet: “Prokuroria shqiptare për të gjitha ngjarjet ka filluar dhe po vijon hetimet me të gjitha strukturat shtetërore që ka në varësi, policinë e shtetit, SHISH dhe besoj se shumë shpejt do të kemi të dhëna konkrete për ngjarjet për të cilat kanë shqetësuar dhe kanë tronditur vendin”.

Pikërisht këto deklarata pa substancë e bënë ish kryeministrin socialist Pandeli Majko që gjatë një përballje me kryeprokurorin në 14 nëntor, në komisionin e ligjeve, ta pyeste në mënyrë të drejtpërdrejtë nëse thjeshtë po bënte politikë me qëndrimet e tij publike.

Në fakt kjo është pyetja që shtrohet realisht për shefin e institucionit të akuzës: a është shndërruar ai në një politikan, që thjeshtë manovron për ta pasur mirë me palët, pa pasur asnjë ambicie konkrete për të luftuar krimin?

Disa raste flasin pikërisht për këtë. Deri më tani të vetmit njerëz që janë goditur, madje me lëvizje spektakolare të papërligjura janë ish guvernatori Fullani, ish kreu i bashkisë së Vlorës, gjika dhe nja dy kryebashkiakë të tjerë që Rama duhej të hiqte qafe para zgjedhjeve të qershorit si Flamur Bime në Gjirokastër dhe baftjar Zeqo në Fier. Të dy viktimat e arrestimeve spektakolare apo edhe dy kryebashkiakët që tani janë lënë në harresë, janë njerëz që e kishin humbur krejtësisht mbështetjen politike. Ato ishin lëvizje që i pëlqenin shefit të shumicës Rama dhe nuk e shqetësonin aspak kundërshtarin e tij dhe përzgjedhësin e Llallës, Berisha. Pra pyetja që shtrohet është: a po sillet Adriatiku si një ekuilibrist, apo si një njeri i ligjit? Në favor të kësaj pandehme të parë janë edhe disa episode, si ato të krerëve të policive ndërtimore të qeverisë dhe të bashkisë Tiranë që u bënë në të njëjtën ditë. Po në të njëjtën ditë u shpall lajmi edhe për fillimin e cështjes penale të një deputeti të PD-së, Astrit Veliajt, me atë për procedimin ndaj deputetëve grushtaxhinj të PS-së, Ndoka dhe Nderu. Kjo lojë prej ekuilibristi e ka bërë Adriatik Llallën që megjithëse me ndonjë “kunjë” të vogël të mbështetet nga kryeministri. Ajo e ka ka bërë cuditërisht atë edhe të mbrojturin e Berishës, megjithëse ky i fundit në mëse një rast e ka akuzuar prokurorinë (por e ka vecuar atë personalisht) se vepron me urdhra politikë.

Me sa duket kryeprokurori e ka arritur qëllimin me strategjinë e tij që është në modë jo vetëm në prokurori: Të bëjë shou pa bërë punë. Të japë deklarata bombë, pa pasur rezultate konkrete. Ndoshta këtë bëri edhe së fundi kur paralajmëroi sërish arrestime. Edhe njëherë më shumë. Prandaj, me sa duket prej tij është e kotë të priten goditje të mëdha. Dërgim para drejtësisë për ministra dhe ish ministra. Adriatik Llalla nuk ka forcë të godasë. Në të vetmin rast që e ka bërë realisht këtë, ka qenë kundër një vartësi të tij. Por edhe ky rast nuk mund të vërtetohet. Sepse për të tashmë kamerat janë fshirë.

******

Kryeprokurori Adriatik Llalla deklaroi të enjten në Top Story se vendin po e pret një valë arrestimesh, që përfshijnë zyrtarë të lartë, ministra aktualë dhe ish ministra. Të pakëtn një ministër aktual, Llalla tha se prokuroria e ka nën hetim për një ngjarje dhe shumë shpejt do të ketë lajme për këtë.
Kjo deklaratë e Prokurorit të Përgjithshëm, është e rrallë në llojin e vet dhe më shumë se nga motivet profesionale ajo duket e provokuar nga dëshira për të bërë lajm. Ngjan me një joshje që i jepet publikut, i cili kohëve të fundit e ka rritur pritshmërinë ndaj organit të akuzës. Nuk mund të shpjegohet ndryshe, që njeriu më i rëndësishëm i hetimit në Shqipëri, flet si në rubrikat e thashethemeve të mediave me shprehjet "pritet që...". Një kryeprokuror duhet të flasë vetëm atëherë kur një hetim me ndjeshmëri të lartë ka përfunduar dhe çështja mund të bëhet e njohur për publikun. Ose e thënë ndryshe, kryeprokurori pritet të flasë me akte dhe jo me parashikime, gjë që zakonisht u takon gazetarëve ta bëjnë. Adriatik Llalla edhe kohë më parë pati deklaruar se kishte në duar tri dosje që do të trondisnin Shqipërinë, por deri tani as lëkundja më e lehtë nuk është ndjerë. Duke folur në këtë mënyrë, prokuroria rrezikon të krijojë një klimë presioni të panevojshëm, t'i vendosë njerëzit në gjendje ankthi dhe të zhgënjejë shpresën e qytetarëve për të parë drejtësi.
Përballë etjes së njerëzve, që presin ndëshkim për abuzimet dhe korrupsionin e zyrtarëve të lartë, prokuroria ndihet nën presion përtë ndërmarrë veprimet e duhura. Por ky presion nuk mund të shmanget me deklarata paralajmëruese se një ditë do të ndodhë diçka, por me akte konkretete. për këtë duhet profesionalizmi, guximi dhe ndershmëria e prokurorëve dhe jo intervistat e kryeprokurorit që në thelb nuk thonë asgjë.
Brenda një jave Adriatik Llalla doli dhe në VOA dhe në TCH, por pas këtyre intervistave vështirë të kuptosh diçka, përveç refrenit të njohur se prokuroria është e ngazhuar në luftë kundër krimit e korrupsionit. Nga Llalla pritet që vartësit e tij të ndriçojnë ngjarje tepër të rënda që kanë ndodhur kohëve të fundit, nga vrasja e Artan Santos e deri tek akuzat për korrupsion për disa zyrtarë të lartë që janë bërë publike dhe në media. Në intervistën e fundit të tij pritej gjithashtu që kryeprokurori të tregonte nëse do të merrte masa për ata prokurorë që ndërruan akuzën për Konstadin Xhuvanin dhe kërkuan vetëm 3 vjet burg. Ndonëse kjo nuk ka ndodhur në kohën e tij, Llalla do duhej të kishte shqetësimin profesional për të hetuar se kush janë këta vartës të tij që kanë nënshkruar skandale ët tilla. Llalla nuk tha asgjë nga këto, por paralajmëroi arrestime. Të shohim nëse kryeprokurori di diçka, apo flet edhe ai me thashetheme. Deri tani ka treguar se di t'i ndëshkojë vartësit edhe me dajak, por a do të dijë t'i ndëshkojë edhe kur abuzojnë me detyrën?


***********


Kryeprokurori Llalla: Po hetojmë ministra dhe ish -ministra. Flet për Xhuvanin, Santon dhe përgjimet e SHISH



Kryeprokurori Adriatik Llalla deklaron se organi i akuzës ka nën hetim ministra dhe ish -ministra. Këtë deklaratë ai e bëri në emisioni Top Story. Ai tha se hetimet kanë të bëjnë me një aktivitet aktual, por nuk pranoi të jepte detaje të tjera. Deri tani, në media janë denoncuar për afera apo shkelje të ligjit Ministra si Veliaj apo Kodheli.

Sokol Balla: A keni në dosje tuaja hetimet për zyrtarë të lartë të qeverisë së sotme?
Adriatik Llalla: Kemi dosje të zyrtarëve të lartë, në nivel ministrash dhe ish-ministrash. Po hetojmë edhe ministra të qeverisë aktuale.
Sokol Balla: Po më thoni që keni një procedim penal ndaj një ministri aktual të qeverisë?
Adriatik Llalla: Hetimet kanë lidhje me detyrën dhe një aktivitet aktual për çështje që nuk mund të japim detaje të mëtejshme.

Prokurori i Përgjithshëm foli edhe për masakrën e ndodhur mëngjesin e të martës në rrugën e Elbasanit. Konfirmoi se të katër viktimat u qëlluan nga Kostandin Xhuvani dhe se sherri kishte nisur për një dozë drogë.

Sokol Balla: Zoti Llalla, thoni se nuk keni asnjë dyshim për dinamikën e ngjarjes. Është provuar se i dyshuari ka qëlluar për të vrarë të 4 personat?
Adriatik Llalla: Nga të dhënat e deritanishme të hetimit rezulton se shtetasi Kostandin Xhuvani është kthyer në lokal për të qëlluar dy personat, ndërsa nga të dhënat e hetimit ka dyshime se dy të tjerët kanë vdekur në mënyrë aksidentale.
Sokol Balla: Thuhet se në vendin e ngjarjes është gjetur edhe një armë tjetër... Arma ka qenë e një prej viktimave?
Adriatik Llalla: Dyshimet janë të tilla që ka qenë e njërit prej viktimave.
Sokol Balla: Po lajtmotivi i ngjarjes?
Adriatik Llalla: Debatet mes palëve kanë lindur pasi i akuzuari i ka kërkuar drogë palës tjetër, që ishte duke konsumuar lëndë narkotike. Kjo ka shërbyer në fillimin e konfliktit, që më pas është përshkallëzuar.
Sokol Balla: Pra, vetëm për një dozë drogë?
Adriatik Llalla: Po.

Kryeprokurori, i pyetur në lidhje me hetimet për vrasjen e bankierit Artan Santo dhe se pritet që hetimet të përfundojnë se shpejti dhe të ketë rezultate konkrete

Sokol Balla: Ku janë hetimet e vrasjes së bankierit Santo, një ngjarje e rëndë e ndodhur në qendër të Tiranë?
Adriatik Llalla: Hetimet e prokurorisë vazhdojnë me intensitet të lartë duke kërkuar mirëkuptimin tënd nuk mund të jap më tepër detaje për këtë ngjarje. Po ka mjaft pista ku dyshohet dhe që priten rezultate konkrete.
Sokol Balla: Thoni që ka disa pista, ku dyshoni?
Adriatik Llalla: Çështja është në fazë hetimi.
Sokol Balla: Do ketë përfundim të shpejtë?
Adriatik Llalla: Besoj se po.
Sokol Balla: Kaq e komplikuar qenka?
Adriatik Llalla: Është një ngjarje e rënde dhe problematikat që shoqërojnë ngjarjen dhe pozicioni i Santos në një bankë të rëndësishme.

Një tjetër çështje ishte ajo e përgjimeve të përfolura të SHISH ndaj zyrtarëve të lartë. Z. Llalla tha se për çdo përgjim të SHISH lejen e jep Prokuroria e Përgjithshme.

Sokol Balla: Ka patur publikime për aktivitetin e SHISH për përgjime të paligjshme. A ka mundësi që SHISH të ketë përgjuar persona me imunitet, përfshirë kryeministrin, kryetarin e kuvendit dhe kryetarin e opozitës pa dijeninë tuaj dhe si mund të ketë ndodhur kjo?
Adriatik Llalla: Duke u nisur nga mënyra se si realizohet një përgjim, dua të theksoj faktin që cdo proces përgjimi nis me kërkesën e SHISH që bëhet për arsyen e përcaktuar në ligj. Cdo kërkesë e tyre paraqitet tek prokurori për t’u marrë në shqyrtim. Të gjitha rastet vendosin pas shqyrtimet, mjaft raste janë në proces përgjimi. Për rastin konkret prokuroria shqiptare nuk ka të dhëna konkrete që janë përgjuar zyrtarë të nivelit të ndryshëm. Ajo që është problematike dhe ne kemi kërkuar rregullim ligjor është fakti që pas dhënies së miratimit nga ana jonë, SHISH nuk është i detyruar të vendosë të dhënat për prokurorinë. Kjo problematikë kemi propozuar që kuvendi të bëjë ndryshimet e nevojshme ligjore.
Sokol Balla: Ju po thoni që Sokol Balla ka një veprimtari të paligjshme dhe të përgjohet. Befas në bisedë rezulton Rama, Meta, Basha kjo i mundëson SHISH që përmes një personi të tretë të përgjojë zyrtarë të lartë?
Adriatik Llalla: Kjo është e pakufizuar nga ana ligjore. Kjo mund të ketë ndodhur.
Sokol Balla: Ka patur abuzim nga SHISH në këtë drejtim?
Adriatik Llalla: Rasti konkret ka qenë në komisionin parlamentar që ka arritur në përfundimet konkrete.

Deputetët e parlamentit shqiptar të lidhur me mafian ruse, serbe,greke ,me krimin e organizuar dhe trafikun e drogës

Publikimi i raportit të OSBE nga Lapsi.al, reagon vetë ambasadori


OSBE ka reaguar sërish sot lidhur me raportin prej dy ditësh, ku tregohen lidhjet kriminale të deputetëve shqiptarë dhe aktivitetet e tyre të dyshimta. Kësaj here reagimi erdhi nga vetë ambasadori i OSBE-së në vendin tonë, Florian Rauning. Duke folur për mediat nga qyteti i Korçës, Rauning pranoi ekzistencën e raporit, për të cilin tha se është thjesht një grumbullim informacioni nga raportimet e mediave dhe pretendimet që qarkullojnë në publik. Më poshtë ragimi i tij i plotë:

“Lidhur me informacionin e paautorizuar dhe çorientues të marrë nga një material informues i brendshëm i Prezencës së OSBE-së, dëshiroj të shpreh keqardhjen tonë që ky informacion u bë publik – pa autorizim – dhe objekt i keqinterpretimeve dhe manipulimeve politike. Lejomëni ta shpjegoj qartë: informacioni i botuar nuk përfaqëson as politikën e OSBE-së apo pikëpamjen tonë zyrtare, as nuk përbën një vlerësim apo gjykim dhe as nuk ka shërbyer si bazë për raporte të tjera.

Dëshiroj të përsëris se përmbledhja ishte thjesht një grumbullim informacioni nga raportime të medias shqiptare dhe pretendimeve që qarkullonin në publik. Prezenca nuk e verifikoi informacionin e përdorur, pasi qëllimi i asaj përmbledhjeje ishte pasqyrimi i pretendimeve dhe jo përcaktimi i të vërtetës.

Prezenca shpreh keqardhjen për shqetësimin që ky informacion mund t’u ketë shkaktuar personave të përmendur në materialin informues.

Së fundi, dëshiroj të theksoj marrëdhëniet e shkëlqyera të Prezencës me institucionet shqiptare, veçanërisht me Kuvendin, Qeverinë dhe partitë politike, si dhe të hedh poshtë me forcë çdo përpjekje për të minuar këto marrëdhënie. Ne do të vijojmë të punojmë ngushtësisht me të gjithë aktorët për të përmirësuar standardet e jetës publike”, tha Rauning.

Më poshtë mund të lexoni pjesë nga përmbajtja e këtij raporti kofidencial, të publikuar .Përveç nesh kanë qenë fare pak media që e kanë publikuar lajmin rreth këtij raporti. Por nga ana tjetër, çuditërisht shumica e mediave kanë publikuar reagimet e OSBE-së, pa raportuar më parë vetë raportin.


Dokumenti sekret i OSBE për lidhjet kriminale të politikanëve

31 deputetë të parlamentit shqiptar janë të deklaruar si biznesmenë. 14 prej tyre janë të PS, 7 të LSI, 4 të PD, 4 të PDIU, 1 PKD dhe 1 PR. Raporti konfidencial i OSBE, i siguruar nga Lapsi.al, jep detaje për profiling e secilit prej tyre.

Për disa prej tyre thuhet se kanë lidhje të drejpërdrejta me trafikun e drogës dhe krimin e organizuar. Lapsi.al do të boton sot vetëm listën e deputetëve biznesmenë. Në vijim do të botojë edhe të profilet e atyre që sipas raportit konfidencial të OSBE rezultojnë me lidhje të forta me grupet kriminale, krimin e organizuar dhe trafikun e drogës.Disa prej tyre janë pjesë e kësaj liste e disa të tjerë nuk janë të deklaruar si biznesmenë, por kanë biznese që drejtohen nga të afërm apo aksione të fshehta në kompani të ndryshme.

Deputetët biznesmenë të Parlamentit Shqiptar

Një raport konfidencial, prej disa faqesh, i OSBE (Organizatës për Siguri dhe Bashkëpunim në Europë), i siguruar nga Lapsi.al, sjell informacione, të dhëna të mbledhura në terren në mënyrë operative, raportime të shtypit dhe agjensive të tjera, të cilat kanë të bëjnë me një grup politikanësh, nga më të lartët e deri tek ata më rishtarët, që dyshohen për lidhje direkte ose të tërthorta me krimin e organizuar, trafiqet dhe kontrabandën.

Raporti, i hartuar rreth një vit më parë, nuk përbën një qëndrim zyrtar të OSBE, por ai përbën padyshim një nga platformat mbi të cilat prej disa muajsh tashmë, ka nisur beteja për dekriminalizimin e politikës në Shqipëri. Angazhimi i madh i ndërkombëtarëve, krahas presionit të opozitës shqiptare, merr shkas edhe nga këto të dhëna tronidtëse që implikojnë emra të njohur të politikës dhe biznesmenëve politikanë. Data e raportit përkon me fillimin e kësaj beteje për pastrim, e cila mori një hov edhe më të madh pas ardhjes në Tiranë të ambasadorit të SHBA, Donald Lu.

Raporti, i hartuar nga njësia për çështje politike dhe publike e OSBE mbi bazën e burimeve të hapura, flet për lidhje të politikanëve e anëtarëve të parlamentit me krimin e organizuar, për përtifime të tyre nga të ardhura të investuara në kompani të ndryshme apo nga biznese që i drejtojnë familjarët e tyre. Të dhënat u referohen informacioneve konfidenciale, ato të publikuara në media apo kabllogramet e ambasadës amerikane, të publikuara nga Wikileaks.

Në fokus të dokumentit konfidencial, që OSBE mësohet ta ketë shpërndarë edhe në selitë diplomatike të BE dhe SHBA janë kryesisht 31 deputetë të parlamentit shqiptar, të konsideruar si biznesmenë, anëtarë të të gjitha partive politike, shumica e të cilëve të Partisë Socialiste dhe Lëvizjes Socialsite për Integrim.

Për herë të parë një raport ndërkombëtar përmend shifra mbi pasurinë e kryeministrit Edi Rama, fshehjen e saj në SHBA përmes të vëllait, Olsi Ramës dhe akuzat për rryshfet me lejet e ndërtimit në Bashkinë e Tiranës.

Për Ilir Metën raporti evidenton interesat e tij në biznese si ndërtimi, turizmi, materialet e ndërtimit dhe në fushën e energjitikës dhe flet të lidhjeve të tij me aktorë të mafias.

Për Sali Berishën, raporti konfidencial i OSBE përmend investigimin e BIRN mbi lidhjet e tij me Damir Fazlliç dhe dyshimet për përdorimin e influencës së tij nga i biri, Shkëlzen Berisha dhe e bija Argita, për të bërë biznes në shuma marramendëse.

“Edi Rama (PS): Kryetar i PS, Kryetar i Bashkisë së Tiranës 2000 – 2011 dhe tani Kryeministër. Është folur shumë në lidhje me dyshimet për përfitimin e një tarife për lejet e ndërtimit, me rreth 10 – 20 % të vlerës së ndërtesave. Shumë i kujdesshëm për të operuar nëpërmjet personave të tretë, ai ka mohuar vazhdimisht çdo përfshirje në korrupsion apo krime. Pasuria e tij përflitet të jetë rreth 200 milionë euro, të investuara në kompani “offshore” përmes vëllait të tij, Olsit, në Shtetet e Bashkuara të Amerikës. Në vitin 2009 Berisha i ofroi medias një dosje voluminoze të lejeve të ndërtimit të dhëna nga Rama për disa figura kyçe të PS dhe aleatëve (Fidel Ylli, Koço kokëdhima, Valentina Leskaj, Tom Doshi, Nard Ndoka, Sadri Abazi etj janë përmendur në këtë kontekst), në kundërshtim me ligjin dhe shpesh duke u mohuar të pronësinë e ligjshme pronarëve të mëparshmë. Berisha deklaronte se në total shuma e këtyre prapësive ishte rreth 750 milionë euro”.



Meta, Ilir (LSI): Kryetar i LSI, ish Kryeministër dhe Zëvendëskryeministër, aktualisht Kryetar i Parlamentit. Interesa në ndërtim, turizëm, materialet e ndërtimit dhe energjitikë. I dyshuar për lidhje të forta me aktorë të mafias, kryesisht nga Jugu i Shqipërisë. Ka zëra se udhëroi të paktën dy vrasje ndërsa ishte Zëvendëskryeministër. Halit Shahini, ortak dhe korrier i Metës, dyshohet të ketë lidhje të forta me grupe kriminale në Shujak, të përfshira kryesisht në trafikun ndërkombëtar të drogës.



Berisha, Sali (PD): Ka thashetheme të përhapura rreth përfshirjes së familjes Berisha në biznese dhe aktiviteteve të paligjshme. Rrjeti Ballkanik i Gazetarisë Investigative, (BIRN) publikoi një investigim të zgjeruar mbi atë se si rrethin i ngushtë i Berishës kishte përfituar kontrata toke disa miliona euroshe në bashkëpunim me Damir Fazlic – një biznesmen i përfolur nga Bosnje – Hercegovina dhe mik i Berishës. Vendimi i Berishës për të transformuar një moçalishte të pavlerë në pasuri të patundshme kryesore në zonën e Porto Romanos (Durrës) ndihmoi familjen e tij dhe Fazlic –in që të fitonin miliona euro. Argita Berisha, vajza e ish –Kryeministrit u akuzua më shumë se një herë se ka vepruar si ndërmjetëse mes Qeverisë Shqiptare dhe investitorëve, duke i ngarkuar ata me shuma të konsiderueshme në këmbim të favoreve për investitorët potencialë. Shkelzen Berisha, djali i ish –Kryeministrit, ka qenë i akuzuar gjithashtu se shpesh ka përdorur emrin dhe influencën e babait për të bërë biznes: ka patur spekulime mbi rolin e tij në fabrikën e demontimit në Gërdec dhe trafikun e paligjshëm të armëve. Në maj 2009 një kabllogram i Ambasadës Amerikane (Wikileaks) përmend përgjime telefonike që tregojnë lidhjet e Shkëlzenit me Ministrin e Mbrojtjes së asaj kohe, Fatmir Mediun dhe Mihal Delijorgjin (pronarin e Albademil, kompania që menaxhonte Gërdecin). Shkëlzeni ka qenë kontaktuar shpesh si konsulent nga shumë kompani të huaja, të cilat shpresonin të hynin në tregun shqitpar, për gjoja lidhjet dhe influencën e tij tek autoritetet më të larta shqiptare. Një nga rastet më të fundit është privatizimi i katër hidrocentraleve në maj të vitit 2013. Shkëlzeni është akuzuar publikisht se është përfshirë në trafikun ndërkombëtar të drogës, nga Izet Haxhia, i cili është i dënuar për vrasjen e deputetit të PD –së, Azem Hajdarit.



Dokumenti i siguruar nga Lapsi.al flet edhe për lidhjet disa deputetëve nga të gjitha partitë politike me aktivitete të paligjshme, trafik droge e lidhje me krimin e organizuar. Lapsi.al do ta botojë atë të plotë në vijim. Ky raport me siguri përbën një dokument tepër të rëndësishëm, pasi në fund të tij ai përmend faktin se këto lidhje të politikës me krimin janë pengesa kryesore e integrimit të Shqipërisë në BE. Ky fakt e bën edhe më jetike betejën e fundit që ka nisur me dekriminalizimin. Javës që vjen OBSE do ta bëjë publik qëndrimin e saj zyrtar për këtë çështje, në Vjenë.

Nga 31 deputetët biznesmenë të palarmentit shqiptar, të përmendur në raportin konfidencial të OSBE, të siguruar nga lapsi.al, mjaft prej tyre thuhet se e kanë ndërtuar pasurinë mbi aktivitete të dyshimta apo nga burime po të dyshimta ose të panjohura. Ata dyshohet se janë të përfshirë në trafiqe të paligjshme apo aktivitete të krimit të organizuar.

Raporti konfidencial i OSBE (Organizatës për Siguri dhe Bashkëpunim në Europë), që lapsi.al po e boton ekskluzivisht, flet me emra konkretë për deputetë e politikanë të të gjitha niveleve dhe të gjitha partive politike që dyshohen për lidhje kriminale deri tek grupet mafioze në vend dhe jashtë tij.

Ajo çfarë raportohet në këtë dokument të hartuar nga njësia për çështje politike dhe publike e OSBE, është bazuar tek burimet e hapura, si internet apo gazetat dhe në disa raste në komunikimin direkt me njerëz të afërt me deputetët, politikanët në përgjithësi dhe persona që kanë akses në informacione të klasifikuara “Top Secret”.

Janë të dhëna që tregojnë se si deputetët e politikanët “tentojnë të ivestojnë në biznese fitimprurëse dhe të vështira për t’u gjurmuar, si ndërtimi, arsimi, industria minerare, hidrocentralet, shërbim shëndetësor, media apo pasuri të patundshme”.

Se si ata, “për të shmangur hetimet, pjesën më të madhe të të ardhurave kalojnë përmes filtrave të pastrimit të parave dhe i regjistrojnë në emrat e të afërmve apo bashkëpunëtorëve të ngushtë”.
Në pjesën e publikuar një ditë parë, raporti evidentonte rastin e kryeministrit Edi Rama, për të cilin thuhej se ka një pasuri prej afro 200 milionë eurosh, të cilën e ka investuar në kompani offshore në SHBA përmes vëllait të tij, Olsit.

“Pastrimi i parave -thuhet në raport- është një aktivitet shumë fitimprurës dhe për vite me radhë Shqipëria ka qenë një parajsë për krimin ndërkombëtar në këtë drejtim”.
Shumë nga biznesmenët e lidhur me aktivitete të paligjshme, krimin e trafiqet, kanë hyrë në politikë për të mbrojtur investimet e tyre, për të shtuar pasurinë duke përdorur pozicionin e tyre dhe për të marrë tendera publikë.

Ka një grup tjetër biznesmenësh të politikës, të cilët kanë ndjekur rrugën e kundërt. Ata janë bërë biznesmenë përmes aktivitetesh të fshehta, duke përfituar nga pozitat e tyre apo nga abuzimi me detyrën.
Është një zinxhir biznesmenësh, politikanësh e kriminelësh që investojnë për politikën për të ruajtur apo për të shtuar të ardhurat e tyre dhe hyjnë në politikë për të gjetur strehë.

Si shembull i kësaj, në raportin konfidencial të OSBE thuhet se, një burim pranë deputetit socialist Sadri Abazi ka pranuar se ai investoi 800 mijë euro në fushatën elektorale të PS në Dibër dhe i dha Partisë Socialiste 500 mijë euro të tjera që të gjente një vend të sigurtë në listën e kandidatëve për deputetë të vitit 2009. Dokumenti i OSBE e nis pikërisht me këtë deputet, një prej më të pasurve në Partinë Socialiste dhe me lidhje të forta me drejtuesit e saj. Por ai flet edhe për dyshime se një prej deputetëve më të fuqishëm të Partisë Socialiste është i lidhur me mafian ruse.

Sadri Abazi (PS): Aktivitetet kryesore të Abazit janë ne ndërtim, turizëm dhe prodhimin e duraluminit xhamit. Ai është pronar i Kompanise Usluga, një distributor kryesor i xhamit, duraluminit, materialeve të ndërtimit dhe hidroizolimit, investimit dhe zhvillimit të pasurive, arredimit e pronar i agjencive imobiliare dhe aktiviteteve te asiciuara. Ai pretendon se ka diplomë të IRU nga Akademia e Gjenevës, e cila në të vertete është një institut trajnimi (Unioni Ndërkombetar i Transportit Rrugor). Lidhjet e tij të forta me liderët e PS i kanë siguruar mbrojtje dhe fshehje të aktiviteteve kriminale të kompanive te tij. I krakterizuar nga një arrogancë ekstreme dhe një tendencë për shantazh, ai është gjothnjë nën shoqërinë e vëllëzërve të tij, te cilet janë shumë agresivë. Pasuria e tij përllogaritet në rreth 100 milionë euro.


Anastas Angjeli (PS): Pronar i Universitetit Mesdhetar. Babai i tij është me origjinë greke dhe karriera e tij politike është sponsorizuar nga lobi grek prej vitit 1992. I përfshirë në aktivitete ekonomike me greqinë, thuhet se ai ka qenë i përfshirë në kontrabandën e naftës Greqi-Shqipëri-Jugosllavi në vitet 90. Ai ka qenë një prej sponsorve kryesorë të marrëveshjes mes Greqisë dhe Shqipërisë, e cila i garantoi një kompanie greke monopolin e depozitave te naftës në portin e Durrësit.


Agron Çela (LSI): Pronar i klubit të futbollit Vllaznia dhe ndërtues, tregtar karburantesh dhe pronar restorantesh. Thuhet se ka qenë një prej bosëve të kontrabandës së naftës me ish-Jugosllavinë.


Tom Doshi (PS): Ai mendohet se ëahtë një ndër njerëzit më te pasur të PS-së dhe si sponsori kryesor i fushatave elektorale të PS, agresiv dhe i dhunshëm (ai është përmendur në Raportin e Departamentit të Shtetit të SHBA për goditjen e një gazetari në hotel Sheraton). Burimi i vërtetë i pasurisë se Doshit është i lidhur me trafikun e drogës, zhvatje dhe kontrabandën e naftës me ish-Jugosllavinë. Ka qenë i persekutuar gjatë diktaturës komuniste. Ka lidhje të forta me krerë të mafias në Shqipëri. Aktualisht thuhet se ai është pas disa kompanive të importit të barnave dhe ka aksione në më shumë se një spital privat. Sipas deklarimit të pasurisë në ILDKPI në 2010 ai përfitoi 4 milionë dollarë nga shitja e një kompanie farmaceutike. Të ardhurat i investoi më pas në pasuri të patundshme në Australi (ai ka nënshtetësi australiane), në blerjen e aksioneve në një kompani të tregtimit të naftës dhe të antibiotikëve. Sipas një kabllogrami të Ëikileaks të vitit 2009, Doshi ka një pasuri të deklaruar ne më shumë se 15 milionë euro dhe dyshohet për trafik droge.


Agron Duka (PR): Ish-Ministër i Bujqesisë me biznese në fushën e prodhimeve ushqimore, ndërtim dhe eksport-import. Dyshohet për evazion fiskal me shmangien e taksave në vlerën e rreth 30 milionë eurove. Thuhet se ka lidhje të forta me grupe kriminale ne Shijak, Durrës e Vlorë.

Mark Frroku (PKD): Në 2013 Frroku deklaroi 1.4 milionë euro të ardhura nga shitja e aksioneve të një kompanie bastesh. Media belge raportoi në janar 2014 se Frroku ishte akuzuar për vrasje dhe i dënuar me 10 vjet burg. Thuhet se Frroku ishte i lidhur me shfrytëzimin e prostitucionit, trafikimin e qenieve njerëzore dhe trafikun e drogës. Vëllai i tij, Arben Frroku, u akuzua nga autoritetet shqiptare për vrasjen e një oficeri të policisë. Hetimet po vazhdojnë, por fakti që identiteti i dëshmitarit kryesor u zbulua ndonëse ishte dëshmitar i mbrojtur, mund të jetë një dëshmi për lidhjet e forta të familjes Frroku. Në vitin 2013 media raportoi se Frroku i dërgoi një mesazh Jozefina Topallit deputetes së PD dhe ish-Kryetares së Parlamentit, sepse ajo e akuzoi atë për lidhje me krimin e organizuar dhe zbuloi se ai ishte i dënuar me 10 vjet burg.


Pirro Kapurani (LSI): I përfshirë në industrinë fasone dhe atë të ndërtimit dhe është pronari i hotelit më të madh në Korçë. Thuhet se ai milionat e para i bëri nga tregtia e paligjshme e arit.


Roland Keta (PD): Një nga bosët lokalë të minierave në Bulqizë. Keta shfrytëzoi mundësitë që i jepte posti i tij si Kryetar i Bashkisë së Bulqizës dhe kryetar i degës së PD-së për të marrë licensa të shumta, një pjesë të së cilave ai ua shiti kompanive të treta. Thuhet se ai është lidhur me grupe kriminale lokale dhe kombëtare, pasi industria e minierave, sidomos për sipërmarrjet e vogla, është një biznes në rrezik që kërkon “mbrojtje” nga dhe ndaj kriminelëve apo grupeve kriminale.


Koço Kokëdhima (PS): Një biznesmen nga qyteti i Fierit, me aktivitete kryesisht në Tiranë, ai është i fokusuar në ndërtim, media, telekomuniacion dhe tregtim të produkteve ushqimore. Supozohet se në mënyrë të dyshimtë privatizoi frigoriferin shtetëror në Durrës me çmime qesharake. Ai është pronar i gazetës Shekulli dhe i një televizioni privat. Lidhjet e supozuara me aktivitete kriminale janë kryesisht të lidhura me lejet e ndërtimit, pastrimin e parave dhe pasuritë e paluajtshme. Flitet për lidhje të dyshimta me interesa, biznese dhe mafian ruse.


Arben Ndoka (PS): Ka qenë i akuzuar për shfrytëzim prostitucioni, pengmarrje dhe trafik droge në Itali dhe i dënuar me 7 vjet burg në Itali. Deklarata e pasurisë në 2012 përfshin dy apartamente me vlerë rreth 200 mijë euro secili, pasuri të patundshme në Lezhë (60 mijë euro plus 70 mijë euro truall) dhe një skaf me vlerë 20 mijë euro.

Gramoz Ruçi (PS): Sekretar i Përgjithshëm i PS, flitet për lidhje të vjetra me trafikantë droge dhe krimin e organizuar. Ruçit i është ndaluar hyrja në SHBA prej vitit 2005, për shkak të mospasjes së drejtë për të marrë vizë.


Ylli Shehu (PR): Shehu thuhet se pagoi 200 mijë euro për të qenë i pari në listën e Partisë Republikane si kandiat për deputet në Tiranë, përveç kontributit të tij për “shpenzimet elektorale”. Shehu nuk ka të shkuar në politikë. Ai ka studiuar për drejtësi (2006-2011) në Universitetin Kristal dhe në 2009-përpara se të mbaronte studimet (sipas CV-së së tij të publikuar në faqen e parlamentit)-ai nisi të punonte si ekspert ligjor në Prefekturën e Kukësit. Përveç një video të transmetuar në emisionin Fiks Fare ku Shehu mezi lexonte një deklaratë gjysmë faqje, nuk ka informacione të tjera rreth tij apo babait të tij, Vesel Shehut, në internet. Origjina dhe shtimi i pasurisë së Ylli Shehut është e panjohur, ndonëse Vesel Shehu, bazuar në informacione të marra në Kukës, thuhet se ka qenë i përfshirë në kontrabandën e duhanit me Kosovën dhe Malin e Zi.


Paulin Sterkaj (PS): Një ish-mundës profesionit me pak ose aspak edukim formal. Ai ka qenë pjesë e PD dhe u akuzua nga një mik për vrasjen e një politikani në Shkodër, disa vite më parë. Sterkaj pretendon të këtë interesa biznesi në hidrokarbure, restorante dhe ndërtim, por shumë pak dihet mbi aktivitetet e tij.

Astrit Veliaj (PD): Pasuria e Veliajt vlerësohet në rreth 50 milionë euro. Deklarimi i pasurisë në 2012: 36 pasuri të patundshme të blear mes 2003 dhe 2013 (me vlerë të pazbuluar) dhe 26 apartamente me vlerë rreth 3.9 milionë euro; 1 332 metër katrorë tokë në Tiranë me vlerë rreth 1.8 milionë euro: 747 metër katrorë tokë dhe një ndërtesë 1 264 metër katrorë në Tiranë (dhuratë nga një person i panjohur, vlera e përcaktuar), borxhe të dhëna 7 personave (4.4 milionë dollar). Edhe pse ka qenë mekanik përpara vitit 1990 ai u bë një biznesmen i suksesshëm në tregti dhe shërbime (1990-1995) dhe ndërtues (1995-2000). Nga viti 200 ai ka qenë president i Universitetit UFO dhe Klinikës Dentare UFo. Thuhet se Argita Berisha e Fatmir Mediu (kryetari i PR) kanë aksione në bizneset e Veliajt.


Fidel Ylli (PS): Ai është një ish-truprojë dhe nip i një zyrtari të lartë të Partisë së Punës së Shqipërisë. Dyshohet se nisi të bëjë para nga kazinotë dhe aktivitete ilegale të lidhura me mafian bullgare. Ai ka në pronësi grupin “House of Arts”, me vlerë rreth 5 milioën euro, grup që përfshin një restorant, dy bare, një stacion radioje dhe një kompani sigurie. Thuhet se ka aksione në disa kompani ndërtimi, por nuk e ka pranuar kurrë publikisht.


Në mbyllje të raportit thuhet se “është thuajse e gjithëpranueshme se shumë deputetë që parqiten si “biznesmenë” janë në fakt fort të dyshuar se kanë lidhje me krimin e organizuar. Këta individë janë tani në Parament, kanë imunitet dhe janë përgjegjës për të hartuar dhe miratuar ligjet që do ta çojnë Shqipërinë përpara në rrugën e integrimit Euro-Atlantik. Sjellja e sëmurë, me gjasë kriminale, e disa deputetëve shqiptarë është shqetësuese dhe nuk është shenjë e mirë për zhvillimet demokratike. Ka një pikëpamje të përgjithshme në Shqipëri se të gjitha partitë kanë deputetë të lidhur me krimin e organizuar dhe pranojnë para nga krimi i organizuar. Ky është një fenomen shumë shqetësues që ne dhe komuniteti ndërkombëtar duhet ta adresojmë në të ardhmen. Një pikë shprese, gjithësesi, është fakti se disa deputetë kanë filluar të kuptojnë se Shqipëria nuk duhet të ketë karaktere të tillë të pëfaqësuar në parlament. Se sa kohë do të duhet për t’i shkulur këta rufjanë nga pushteti, kjo është një pyetje tjetër. Tek e fundit, paraja është gjaku i politikës, dhe në një vend të varfër pa transparencë të financimeve të fushatave elektorale, kriminelët janë një burim i lehtë për fondet e fushatave.”

OSBE e ka pranuar ekzistencën e këtij raporti të hartuar rreth një vit më parë, por duke sqaruar se ai nuk përbën një qëndrim zyrtar të saj. Megjithatë, ai përbën padyshim një nga platformat mbi të cilat prej disa muajsh tashmë, ka nisur beteja për dekriminalizimin e politikës në Shqipëri. Angazhimi i madh i ndërkombëtarëve, krahas presionit të opozitës shqiptare, merr shkas edhe nga këto të dhëna tronidtëse që implikojnë emra të njohur të politikës dhe biznesmenëve politikanë. Data e raportit përkon me fillimin e kësaj beteje për pastrim, e cila mori një hov edhe më të madh pas ardhjes në Tiranë të ambasadorit të SHBA, Donald Lu.

Vec lidhjeve të politikanëve me bizneset, krimin e organizuar dhe trafikun e drogës, raporti konfidencial i OSBE, i siguruar nga lapsi.al, ka të dhëna edhe për disa prej biznmenëve më të fuqishëm në vend të cilët kanë lidhje të ngushta me politikën. Artan Dulaku thuhet se është një prej miliarderëve më pranë Edi Ramës dhe financues i fushatave elektorale të PS. Edmon Leka konsiderohet si financues i fushatave të PD, Samir Mane i idhur fuqishëm me familjen Berisha e Rezart Taci me PD –në. Lapsi.al do të botojë në vazhdim edhe listën e deputetëve dhe politikanëve për të cilët, në raportin konfidencial të OSBE, thuhet se kanë lidhje me krimin dhe trafikun e drogës..

Biznesmenë me lidhje të ngushta me politikën

Artan Dulaku: Dulaku është i njohur si një mik i ngushtë i Kryeministrit Edi Rama dhe si një prej sponsorëve kryesorë të fushatave elektorale të Partisë Socialiste. Biznesi fillestar i Dulakut ka qenë ndërtimi dhe ai pati fituar tendera të shumtë nga Fatos Nano dhe më vonë leje të shumta ndërtimi nga Edi Rama, gjatë kohës që ai ishte Kryetar i Bashkisë së Tiranës. Sipas Berishës, Dulaku mori shumë leje ndërtimi nga Edi Rama, për një total prej 143 000 m2 –një pjesë në mënyrë të paligjshme. Dulaku është aktualisht shqiptari i dytë më i pasur me një pasuri prej rreth 700 milionë eurosh. Ai është ortak në kompani të shumta: Concord Investment (ndërtim), INER (tregti), Inter Gaz (tregti gazi, nafte dhe produkte të naftës), Alissa Albania (ndërtim dhe prodhim e tregtim të materialeve të ndërtimit), ASC Tring (media), Vizion Media (Vizion Plus, kanali satelitor kombëtar), Illyria Development (imobiliare), Alba Beton dhe Alb –Beton 5 (ndërtim, imobiliare), Euro Additive (prodhim, blerje, tregtim të materialeve kimike).

Edmond Leka: Drejtor Ekzekutiv dhe pronar i Union Bank. Përfaqësues i Western Union për Shqipërinë, Kosovën dhe Maqedoninë. Kompanitë e tij dyshohet se kanë shërbyer për të transferuar shuma marramendëse parash, në shumë raste nga burime të paligjshme. Sponsor i fushatave elektorale të PD.

Zamir Mane (Samir): I pari miliarder shqiptar. I lidhur fuqishëm me familjen Berisha dhe me Ridvan Boden, ish –ministrin e Financave. Pasurinë e tij e vendosi gjatë kohës së Berishës në pushtet; ai ka rreht 45 milioën euro të ardhura neto në vit. Zotëron monopolin e prodhimit të pullave fiskale dhe të kontrollit të cilësisë së karburanteve. Mane ka investuar gjithashtu në turizëm, miniera, ndërtim dhe media. Sipas mediave, ka patur një debat të nxehtë mes Tom Doshit dhe Edi Ramës rreth hetimit të pasurisë së Manes dhe investimeve të tij. Doshi ka kërkuar specifikisht të marrë një pjesë të koncesioneve të Manes, por Rama është përgjigjur duke thënë se miliarderët janë një bekim për shtetin. Megjithatë, qeveria i hoqi koncesionin e afro 2 kilometrave plazh në bregdetin e Dhërmiut, që i ishte dhëën njërës prej kompanive të Manes nga qeveria Berisha në 2012.

Rezart Taci: Pronar i kompanisë “Taci Oil”, dikur një prej kompanive më të mëdha të naftës në Shqipëri dhe i televizionit “Albanian Screen”. Ai importon dhe eksporton produkte nafte. Falë lidhjeve të forta politike me Partinë Demokratike dhe me gjasë edhe përmes aferave korruptive, thuhet se Taci shmangu detyrime financiare ndaj shtetit në vlerën e rreth 50 milionë eurove.

SKËNDER ZOGAJ - MASKAT DHE PAK PËRTEJ (POEZI)

Skënder Zogaj i lindur më 23.01.1950 në katundin Lladroc të komunës së Malishevës.

Shkollën fillor dhe gjimnazin i ka mbaruar në Prizren, ndërsa studimet për Gjuhë dhe Letërsi Shqipe në Prishtinë dhe në Tiranë.

Punën e ka nisur si mësimdhënës i gjuhës shqipe në shkollën tetëvjeçare të Carrallukës dhe në Gjimnazin “Naim Frashëri” të Malishevës (1972-1974).


 Në shtator të vitit 1974 kalon në Prishtinë dhe i përkushtohet gazetarisë: redaktor përgjegjës në gazetën e studentëve “Bota e re” (1974-1978); gazetar e redaktor në gazetën “Rilindja” në Prishtinë dhe në Tiranë (1987-1997).



Gjatë viteve 1993-1995 ka përfaqësuar Zyrën e Republikës së Kosovës në Shqipër, redaktor në “Revista ushtarake” të FARK-ut e njëkohësisht edhe Këshilltar për informim i kol. Ahmet Krasniqit, ministër i Mbrojtjes dhe shef i Shtabit të Përgjithshëm të FARK-ut në Tiranë (1997-98).


 Pas përfundimit të luftës kthehet në Kosovë dhe vazhdon punën e gazetarit në gazetën “Rilindja”, mirëpo, pas dy muajsh jep dorëheqje sepse, gazetën , në emër të meritave fulftarake e kishin uzurpuar një grup injorantësh idologjikë, që gazetën e konsideronin pamflet markstisto-enveristësh.

 E lëshon “Rilindjen” dhe shkon në gazetën kombëtare “Bota sot” në Prishtinë ku caktohet redaktor i kultuës (1999-2000).

Skënder Zogaj është ndër themeluesit e parë të LDK-së dhe bartës i shumë detyrave me përgjegjësi të kësaj partie në nivel lokal dhe qendror: Themelues i Degës së Parë të LDK-së në Kosovë ( Degës së LDK-së në Fushë Kosovë) dhe kryetari i parë i saj (1990-93), Përfaqësues i Zyrës së Republikës së Kosovës në Tiranë (1993-1995).

 Në zgjedhjet e para të lira dhe demokratike në Kosovën e pasluftës, që mbahen ne vitin 2000, për dy mandate radhazi zgjidhet Kryetar i Komunës së Fushë Kosovës (2000- 2008), e pastaj Këshilltar Politik në Ministrinë e Pushtetit Lokal në Prishtinë (2008-2010) .

Krahas punës gazetarisë dhe angazhimeve politike, intensivisht është marrë edhe me krijimtari letrare dhe publicistike. Ka të botuara librat:

“Zogu i ekspozitës” – poezi për të rritur, “Rilindja”, Prishtinë 1983

“Merrme vëlla përdore” – vjersha për fëmijë, “Naim Frashëri”, Tiranë 1994

“Ora e qoftëlargut” – poezi për të rritur, “Eurorilindja”, Tiranë 1996

“Adresa e dallëndyshes”- vjersha për fëmijë, botoi “Eurorilindja”, 1999

“ Jusuf Uka Bregu” – monografi, “Faik Konica”, Prishtinë, 2004

“Mali i tejdukshëm” – poezi për të rritur, “Spektri”, Prishtinë, 2005,

“Puthjet e puhisë” – vjersha për fëmijë, “Vatra”, Prishtinë, 2007

“Lacrima durerii” (Loti i dhembjes), poezi në gjuhën rumune,”Albanezul”, Bukuresht, 2011.

Krijimet poetike të Zogajt janë përkthyer dhe botuar në shumë gjuhë botërore, dhe është përfshirë në 18 antologji të poezisë bashkëkohorë shqipe.

Është anëtar i Lidhjes së Shkrimtarëve të Kosovës dhe i Shoqatës Mbarëkombëtare të Shkrimtarëve për Fëmijë dhe të Rinj me seli në Tiranë.



ZOGU I EKSPOZITËS

Të hyjmë edhe aty ku s’hyri flaka
T’i mbjellim gjymtyrët
E shpirtin ta mbarsim me lulediell.

Ngadalë e bukur
T’ia qesim rrethin me mjeshtri
Zogut prej llamarine
Që po e ha mollën me aq ngazëllim

Kur ta vëmë në kurth
Do të neveritet nga vetvetja
Dhe do të pëlcasë kur të mësojë
Sa lirë i kushtojnë sytë
Në ekspozitë.

(Prishtinë, 28 Nëntor 1974)



PËRTEJ KËNGËS SË BILBILAVE
(ose Balada për zogjtë e valsit diellor)


UNË JAM DËSHMITARI

(Letër presidentit Ibrahim Rugova)


Mes zogjve dhe korbave
unë jam dëshmitari,
o Pjetër Bogdani -
me sytë e mi e pashë kur piku fiku
që e mori i ligu
dhe iku...

Unë jam dëshmitari.

Zvarranikët kanë ngjeshur shpatat
dhëmbin e ujkut e kanë vath në vesh,
në qafë thonjtë e maces...
Gjithë lakenjtë e vilajetit po hedhin valle
të veshur me sharkun e gjarprit
i duan edhe maskat e pallatit të mbretit,
o Zot, kur të dalin në skenë -
ç'dramë e tmerrshme e sprovës
do të luhet në trupin e Kosovës.


2.
Qëllomëni, o rrufe të akullta,
trupin të bluar në grimca
erërat po ma përhapin anëve të botës!
E unë peng si cjapi te kasapi
me thikë në qafë
midis lajkatarëve e horrave.

Jam dëshmitari
i mprehjes së thikave të helmëta
nga Tirana te fontana e Prishtinës...
Hapi sytë, o Pjetër Bogdani,
Vallja e Hiles
po të luhet prapa shpinës!


3.
Ujkut Thinak i kulluan sytë gjak
për Kalin e Kuq,
që bëri puç por i shkoi mundi huq.
Symiu, Macja, Kërraba dhe Kërriçi
po të sillen si pordha nëpër tirqi,
(oooo, i hëngërt dreqi!)
sikletin për popull e atdheun fatkeq
e zbusin me fiq e me përpeq.


Unë jam dëshmitari
Protestoj, akuzoj,
kurrë nuk do ta pranoj
lojën me gjakun e dallëndysheve.

Drita e madhe në ballin e Lakuriqëve
është e shpifur, o Mesi -
kullon zhgjyr Duarsh të Ndyta -
i mjeri u’ për ty!

(Tiranë, 29.06.1994)



SA LARG E SA AFËR JEMI

(Sabit Hykollit)


Shtatë ditë lotin në qepallë e mbajta për ty
e shtatë milion vjet drite kam me të kërku nëpër yje
derisa të të gjej, o vëlla -
për me të marrë ngrykë, e fort me u përla me Ty,
pse i mbylle sytë,
pse e ndërpreve udhën
dhe gjithçka që ka të bëjë me rrugëtimin…

Ktheve shpinën ike matanë xhamit
pa më thanë lamtumirë,
por sado larg të kesh shkuar
s’i ndalon dot kujtimet e mia
se je shkëlqimi gjithandej që përhapet
dhe kurrë nuk mundet ta mbulojë hija.

I mbylle sytë dhe shkove kah drita
pikëllimin për ta zbrazur sa më larg nesh.
Oooo…, i mjeri u’ për ty, e di –
zemrën ta plasi koha mbushur me lytha
e plot njolla mavi…!

Ike nga kjo botë e rrejshme, Maestro –
me “Vajtimin e mbretëreshës së qiejve”
mbushe qiellin fluturime zogjsh
sipëri “Kullës” tek “Molla e tejdukshme”
të pikojë magjia e lotit të hyjnive
sa larg e sa afër jemi -
larg kabareut të duartrokitjeve.

(14 dhjetor 2013)



DRITA E PËRJETSHME

(Heroit, Sali Çekaj)


Ishe zjarri i shenjtë i thellësisë qiellore,
nga hiri e nxore feniksin
për me i ndjekë korbat e zinj
deri në fundin e shterjes së gjakut
zezëditës për t’ia prerë flatrat
plot me myshk e ndryshk trishtimi…

Me një flamur të vogël vizatuar në gji
ia prishe gjumin tokës dhe qiellit,
se duhej të hapeshin retë e të çlirohej dielli
të këputeshin zinxhirët e të çlirohej guximi
në zemra të ringjallej shpresa e mirë
me afshin njerëzor dhe bekimin e hyjnive
me e gatu polenin
për lulëzimin e dardhave nëpër Dardani
deri në pakufi
me u përhapë dëshira e këngës së lirë.


Pse ike, ç’tu deshtë ai yll aq i largët?
Si ta nxjerri nga pengu kurmin e lirisë?
Me kë ta cakërroj gotën, o vëlla -
si ta mashtroj dhembjen që ma zë pritën
në zemër si gur mulliri
që sillet rëndë – për të rënët që ngriten
dhe si hëna përsëriten
e ti - me erën e tokës në MëmëDhe
Orfe -
prehesh nëpër kroje këngësh plot dritë,
përhapës i dashurisë së përjetshme
në fluturimet e zogjve nëpër mote
më i zjarrtë se zjarri ngjitesh!

(12 dhjetor 2013)



ZOTIT IU KTHEVE, SIC KTHEHEN ENGJËJT

(Bekim Fehmiut)


Pluhuri i trupit tënd iku nga toka
Me tallazet e detit po lufton në Adriatik
Duke e ndjekur ëndrrën
Për ta shaluar kalin e Skënderbeut.

Nuk ta dhanë, miku im -
Se nuk kishin sy, as vesh, me të pa, o azgan
Në mejdan
Duke i mposhtur ciklopët
Me shpatën e zjarrtë të Gjergjit!

Nuk ta dhanë, o flakadan -
Se nuk kishin mendje, as shpirt, as zemër
Me ta kuptua ofshamën për gurët e mëmëdheut
Kur frynin stuhitë e çartura
E Ti - ishe lisi, që tundej e shkundej duke dënesur
Për Bushtricën – ujkonjën e Prizrenit.

Nuk ta dhanë, o meteor, se kishin frikë
Nga madhështia e zjarrit hyjnor
Që e përhapje anëve të botës së re
Me plisin e bardhë mbi sy, tirq e xhamadan
I rreptë, krenar, i dëlirë...
Bekim – i bekuar padyshim -
Kurrë i gjunjëzuar për mëshirë
Zotit iu ktheve, siç kthehen engjëjt
Orakull i shpresës së mirë.


PËRTEJ KËNGËS SË BILBILAVE

(Jusuf Gërvallës )

Fill i vetëm u nise, o kapedan -
me këngë bilbilash që fluturonin e binin
rreth e rrotull kanjushës së verdhë.
U nise dhe ia zure pritën urithit
për mos me e lënë mollën e kuqe
me u rrokullisë e me ra -
në prehrin e hënës së përgjakur…
Këmbëzbathur në drejtim të diellit
përtej guximit të bilbilave
e vizatove ëndrrën e bardhë
që frika të mos përhapej
brenda kopshtit të syrgjynosur
ku koha ishte e turbull
e bimët të veshura me akull!
Me guximin e rishfaqjes së feniksit
mëkove zogjtë e mbyllur në kafaz
që rriteshin me drapër në qafë…
Fill i vetëm e çave terrin,
pa rima mallkove falangat e larta
dhe xhelatët me maska ndër gijotina.
…i molisur nga brengat e thirre Sokratin
Prandaj të vranë por ti nuk hoqe dorë
nga kërkimi i njeriut ndër këngë bilbilash.
(Prizren, Tetor 2014)


TRISHTIMI

(Kolonel Ahmet Krasniqit, nga letra e një gruaje)


Turma si një mal me drunj të tharë
Lëviz në heshtjen ulëritëse
Që përplaset në muret e shtëpive,
me një tërbim dehës të pazakontë
që askush nuk arrin ta kuptoj
është dhembjë, urrejtje apo çmendi?!
Thellësia e panjohur e qenieve
si ngacmim i kafshimit të bletës
reflekton kobin e turmës
që ecë në njëshkolonë kokulur
në një mënyrë tepër të çuditshme.

Zhaurima mbytëse e kamzhikut
në gurët e kalldrëmit
rreptë e rrah ritmikisht udhën,
portat e mbyllura të shtëpive
me një rëndesë gërryese të plumbtë
therrin nënqiellin e zymtë
mbi kufomat e gjalla njerëzore
që udhëtojnë drejtë hamendjes...

O Zot, pa shihe nusen fatkeqe
Fryma e Shpirtit të Shenjtë
brenda saj lëviz, prek...
s'brengoset për kamzhikun
që fishkëllen nëpër ajër
mbi turmën e raskapitur
rrethuar nga nepërkat e zeza...
Oh,
zemra e nënës ka humbur gjithçka
pos lotëve dhe instiktit
që i thonë “mos guxo të ligështohesh
je ëndrra që i mban këta njerëz!”
Dhe, Gruaja ndalet si një drenushë
Ndërmjet gjymturësh të ënjtura
E shqyen qiellin deri në pafundësi
me Thirrjen e parë të një fëmije.

... Ajo s'po u besonte syve,
sytë e saj... si copa kristali
prej nga shkëputeshin pëllumba
të larë me dritë
një lloj drite sikur ujëvare
misteresh të kaltërta sfiduese,
mbi turmë
me një tejdukshmëri lëbyrëse
nëpër të çarat e qiellit që klithe:
- Çohu!- Paqja qoftë me ty!




PSALM PËR ATË SHTJEFËN GJEҪOVIN

(Në 140-vjetorin e lindjes)


Sa fort ke dashtë dëshirue me e pa
ardhjen e mëngjesit me diell pa pranga
tue rrezatue anembanë
mbi qiellin e dlirë të Lkenit të Hasit!

Zashëm ke thirrur e fort ke punuar
për frymën e Agimit të Qytetnisë
zogjve ua ke shëruar krahët e coptuem
nga lukunia e shpendkeqinjve të kreshpëruar
rretherrotull pemës së bekueme …

Prej Livnos, Këtu e në Vlorë
Ati ynë me frymën e shpirtit të shenjtë
Feniksin vazhdon me e kerkue tek rrënja e lules
përfundi pemës së fatit
së cilës – sa herë që i bien gjethet
degët i bëhen fyej
plagëve për me u dhanë dritë
prej harrese dashurinë për ta zgjuar…

Na plaçin sytë,
nëse vazhdojmë me ecë nëpër mjegull
me dhëmbin e ujkut në asht,
tue u zmbraps kah terri…!

Na mallkoftë Zoti,
nëse shkojmë si cjapi te kasapi
me sahatin e qoftëlargut në qafë
tue e hangër vetveten.

Ati ynë lutu për Shën Mërinë virgjër
në emër t’atit e t’birit t’shpirtit shenjtë,
Mësona o Atë, ta nxjerrim nga shpirti
zhgjyrin e bimës së keqe!


(10 tetor 2014)



AUTOPSIA E FJALËS

(At Zef Pllumit)


Udha e gjakut nëpër tambël,
Udha e tamblit nëpër gjak!

Ç’mallkim po na ndjek, o At’,
n’ jetë e në vdekje
kaq të përbuzun nëpër botë
pa fe e atdhe,
me qoftëlargun në gji
plot ndryshk e myshk
Ndër prita jeniçerësh të pabesë.
Rrnojmë për me tregue...

Udha e gjakut me kmesë
Në Udhën e tamblit po vdes!

O At’
Çfarë jena? Kush jena?
Pse Zoti nuk na e fal
një të ftohtë acar
që ta shuaj këtë zjarr
kaq të ngatërruar
që s’ka të përfunduar.

(8 maj 2013)




HIRËSIA E PRUSHTË

(Enver Malokut)


Të vranë korbat e mallkuar
sepse u duhej
energjia e syve tu në ajër
dhe gjaku yt i pastër…


Të vranë se kishin frikë
Nga Liria e Fjalës së Mirë
E shkrirë në dritën madhështore
që e përhape n’tokë e n’qiell
dhe kurrë nuk hoqe dorë
nga ëndrra e hirësisë së prushtë.


Të vranë, por ti nuk u ndale –
si Feniksi rishfaqesh
që vdekja t’mos mbetet fjala e fundit
dhe Orën diellore mos me e lënë
të kurdiset mbrapsht!.



BALADA PËR ZOGJTË E VALSIT DIELLOR

(Dëshmorit Ismet A. Qorraj me shokë)


Imja është piktura me sytë e përlotur
Edhe qielli ngjyrë ulliri sipëri Deçanit
Plot me zogj gjoks shpërthekuar,
Të zjarrtë dhe kryengritës
Si meteorë vezullues nëpër avaze
Që shpirtin e vet e bëjnë kurban
Se nuk e durojnë jetën në kafaze.

Zogj drite me flatra trëndafili
Përhapës magjikë të valsit diellor
Ndër shtatë palë toke e qielli
Në dashurinë hyjnore për Liri
Kundër ujqve të mallkuar e dinakë
Gjithmonë të etur për gjak...

Në këngë është trimëria e zogjve
Prandaj gjithmonë vdesin duke kënduar
Si n’atë ag pranvere kur zaret u hodhën
Dhe n’pikturë u shprushën lulëkuqet
Që kurrë më t’mos kishte strehë për korba
As për këlyshë të zinj bushtre
Që i ulërijnë Hënës…

Nata zemërplasur ofshau nëpër konaqe
Por agimi u rilind me dritë zemre, o mik -
Shih zogjtë e valsit diellor që puthin qiellin
Në Carrabreg, n’Voksh e n’Maznik...

(Mars 2015)



PIKTURA REBELE



LAJMI I FUNDIT TELEVIZIV


As sot nuk ra shi!

Po e shtyejmë për nesër
Nxjerrjen e glasës së sorrës
nga oborri…

Kape Dulqize defin
dhe festo!
Në mos vdektë zotnia
ka me cofë gomari!



LUTJA E NATËS SË MADHE

Nëfillimtërrugës jam, ivetëmdheihuaj
Nëkërkimtëasajqënukshihet
porekziston...
E duaThirrjen e mundësisësëndryshimit
Animinkahsprova e krijimittëdyfishtë
Ndërmjetbotëshkëmbyesetëshpresëssëmirë
Qëlakmiaimbanëpeng
Përballëfurtunashqëhakmarrjeniarrëfejnë
Humbësittëudhëssëdrejtë...
Dua ta shijojmundësinë e dyfishtë
Tëndryshimittëligjittëterrit
Dritënpër me e nxjerr
Ngapenguisyrittëkeq...
Zotiim -
Mëmbajsamëlarghipokritëve
Dhekurtizanavegjaknxehta
Shpresënushqema, shtomabesimin
Përrrugënkah e vërteta.


KOHA E FRUTHIT


E mlleftë zemra dhe fjala,
…Të thinjura këngët e zogjve të vegjël.

Gjithënjë e më pak qiell me diell,
mbi Lisin e përgjakur.
Nën çatitë e kasolles së gjyshes
gjithënjë e më pak vend
për çerdhen e dallëndyshes.

E sertë ëndja lakmitare
Të ënjura duart e bujqve nëpër ara.

Gjithënjë e më shumë sharkia
me baskia
Nëpër kuvende
Gjithënjë e më shumë vende
Për Krryla
Që flasin dhe shtyhen me brryla.

(31 gusht 2010)



PIKTURA REBELE

Kjo pikturë është e gjitha imja
Si ajri ma pushton thellësinë e zemrës
Nga lulja deri te përgjakja e dorës,
Në të dy anët e gozhdës
Që shtrydhet plot lagështi e mllef
Ngulur në ëndrrën e vjetër.

Një tjetër isha dikur –
Xhelat i akullt i turpit të zogjve
Kërkues i drejtësisë!
Tashti me brryla të thyer -
Trembës i klyshëve të zinj
Që i ulërijnë Hënës…

E mallëkuar qofsh
Pikturë që djerësinë
Zaret u hodhën, mbiu fara
Imja mbeti sall mjegulla!

Nga flama jonë ekredhur
S’ka më vend për zogj argjili
Gijotinë as okarinë të devotshme
Për gjamët e cubave të malit!

(9 mars 2013)


EKLIPSI


Përsëri në shpatull të dashit
hëna e përgjakur
dhe Gjeli me drapër në qafë
në gosti zvarranikësh...

Lavjersi lëviz me mëri
Nëpër hierorglife

Nofulla profane
Në boshllëkun e relikteve
Shqyen mish dallëndyshesh.

Të kalbur akrepat e orës
Sillen mbrapsht
Na vraftë Zoti -
U bëmë gazi i kërmijve!



ASGJËSIMI I SHPIRTIT


Më zuri nata
Duke i numëruar yjet,
këta çiliminj të uritur
të moshës sime -
dymijë vjet drite në pritje
nën degët e ullirit
të pikëlluar...

Në forcën e syve
Është skamja e fjalëve
që s’kanë ku ta zbrazin vrerin.


Të mjerët ne,
u mbushëm me zbrazëti formash
e trajtash të çrregullta
dyshimi e makthi.

Pluhuri i verdhë nga qepallat
frekuenton harkun e tehut të thikës
në drejtim të syve

Zogjtë të uritur bien në gjumë
në gojë zvarranikësh
duke mallkuar
në emër t’atit e t’birit e t’shpirtit
të djallit.


PENGU I VARREVE

Po lëvizin gurët e varreve,
frymën e kohës së keqe
e nxjerrin përjashta
palcës.

Të vdekurit flasin
për orën
të kurdisur mbrapsht
brenda zemrës.

Vetulla e thinjur e Kosovës
bisht sorre
mbi varre dëshmorësh anonimë.



ERROZIONI


Gjithçka në rrëshqitje
brenda nesh bërlyket thiu i egër
dhe s’gjindet i’ djalë s’ame
me na e nxjerrë nga gjaku
t’birin e kurvës.

O Zot,
sa larg nesh qëndron ti
dhe na shikon me habi -
nën këmbë -
si na tkurret toka,
mbi kokë -
si na nxihet qielli.

Oi, oi, oi...!




RITUALI I KALBJES


Trurin tim e sundon tehu i thikës
plot ndryshk e myshk
e me sorra të larme
që ma glasojnë gjakun.

Shporruni minj, shtërpinj ikni!
Lermëni ta kafshoj terrin
Zëshëm duke vajtuar
përbuzjen lakmitare të siluetave
që po kalben të uritura
pa ujë e dritë
në varfëri të skajshme!




NATYRË E VDEKUR


Vrima në asht
Është shenja që përsëritet
Nga etërit te bijtë

Dua ta them..., por
dora pa uratë
s’e arrin Kashtën e Kumtrit
që digjet në sytë e mi
mbyllur me lesh arapi të zi.

Bëma Breshko, bëma
derisa... Korbin kemi përmbi!



MJESHTRIA E INTRIGËS

Sërish hadhucat atdhetare
Me lëng hudhrash
tredhin miza.

Nga bregu i detit
te bythët e mbretit
lakejt e vilajetit
i pastrojnë duart
me sapuna të zinj...

O zot sa të pacipë
si qeni pshurren
e të shikojnë drejt në sy!


POROSIA

Në kurorën e lules
koka e gjarpërit
ligjëron për mëkatet
e pjalmit...

Nuk është mirë
kaq pamëshirshëm
ta vrasim vetveten.

Hija e trupit
aq e heshtur e gazmore
rreth qafës
po na e ngushton lakun.



REFUZIMI

Ika se po më zihej fryma
Prej gomerësh jeshilë

O Zot, ç’groteskë e ndyrë –
Nga palljet në erë
Toka kundërmonë erëbajgë

Mbajeni vath në vesh

Janë të farës së magjupit
Që kur u bë mbret
Vrau babën e vet.



STINA E LAKMISË

Në ekranin e porcelantë
Sfilatë gjymtyrësh të gufta
dhe mollësh të kafshuara
që pikojnë zjarr…

Jep nga vetja
që të marrësh nga e fshehta
frymën mëkuese
të atit e të birit të shenjtë.

Sa shumë lakmi...

Nuk po na mjafton uria
Ngopja po na tepron gjithsesi!




VDEKJA NE MOÇAL


Ka ndodhur vakuumi
Po lëvizin gjërat e ndërmjetshme
gjithë mllef
në drejtim të kuajve të tredhur
që s’janë veçse
për ngordhje në moçal…

Fyti tepër i ngushtë,
terr tepër i zi
nëpër nahi
nën bishtin e sorrës së larme
Mrizon dhimbja.

Sipri tupanit
larja e trupit me sapuna të zinj

kur të zbardhë agimi
del zezëdita në dritë
Oiii, oiiii, oiiii
ku t’i fshehi
këta të shkretë sy?!

(Prishtinë, 10.11.2008)




NATA E BUZMIT BUJAR


O buzmi bujar, me gjeth e me bar!

Në mua është ndryshku i thikës,
varret e krushqve plot myshk
dhe sorra e larme maje shtize
që vazhdon glasimin
sipër bajrakut...

Shporruni minj, shtërpinj ikni!

Lërmë ta kapërcej terrin
e përgjakjes së shenjtë
të siluetave atdhetare
që po kalben në përbuzje
pa bukë,
pa ujë,
pa dritë
... në varfëri të skajshme!



ORA KOSMIKE


LETËR VËLLAUT ALIEN

Po më duhet shpejtësia e dritës
I dashuiri im vëlla -
Për me ia shkurtu largësinë qiellit,
Ti nga Jupiteri, Unë nga Toka -
Në Mars me u taku te klubi “Ulliri”
Me pi kafe dhe me ba llafe
Për historitë e motit të madh.
E vraftë Zoti Adamin
Që e kafshoi mollën
Dhe u bëmë pikë epesë
(As në tokë as në qiell)
Të pashpresë duke dënesë
Nëpër kosmosin e pluhurosur
Evës për me ia puth
Sytë erë sapuni...
Rrëshqitas qeshem e qaj
Në tundime të kristalta
Fryma më zihet nga dhjami i derrit
E kroni askund -
Që t’i pastroj duart e përgjakura
Im vëlla i panjohur Alien.

(Prizren,23 gusht 2015)

VERDHËZA PRANVERORE

Më iku nata duke numëruar yjet,
këta çiliminj të uritur
të moshës sime -
dymijë vjet drite në pritje
nën degët e ullirit të pikëlluar.
N’ferk të mëngjesit
forcën e syve ma shterpon skamja
dhe heshtja e fjalëve
që s’kanë ku ta zbrazin
mllefin e azdisur të maskave
plot pudër formash e trajtash
dhe çjerrjesh makthi pa fund...
Pluhur i verdhë smire
përhapet në drejtim të zogjve
të strehuar në gojë zvarranikësh
që n’emër t’atit e t’birit -
asgjësimit të shpirtit i këndojnë!
(22 mars 2015)



PAMJE KOSMIKE


Me pasqyrën abuzuese
Nga thellësia qiellore
Vështroj nguljen e gozhdës
Në Pikturën e lavdisë së fshehur
Plot me zogj e flutura të hekurta
Dhe furka për tjerrjen e ujit
Nëpër pusetat e zjarrta avullore
Sipri Kashtës së Kumtrit!

Gjithcka duhet të preket
Që të zbuten anët e mllefta të zemrave
Dhe të ringjallen pjesët e fjetura të trurit
Deri në palcën e syrit të trembëdhjetë.

Lëvizjet e vrullshme të muskujve
dhe Qejfet e egra të zemrave
brohorasin kërkesa të fosforta
kundër Krehjeve lakmitare
dhe dëshirave të përditshme
që na nxijnë jetën…



ORA KOSMIKE

I vetëm dhe i huaj mes ëndrrash
kërkoj akrepa orësh.

Zoti ka thënë: Mate mirë kohën
pastaj agjëro
që ta kuptosh të panjohurën
prapa Majave të lavdisë
plot me zogj e flutura
të krijuara kundër gjumit!

Lëvizjet e vrullshme njerëzore
kërkojnë daljen nga rrethi
për zbutjen e thirrjeve të mllefta
të mërzitshme prekje të përditshme
që po na vrasin!

I vetëm dhe i huaj mes ëndrrash
kërkoj akrepa orësh...




PËRGJUMJA E MUNGESËS SË AJRIT


Ta shtrydha zjarrin hyjnor
Hapësirë e rrudhur nga pikëllimi
mbi kokat e vrugta të trangujve
që presin emisarin
t’ua këpusë ethet e frikës
brenda rrethit pa hënë e diell.

Pse gjithë ky mallkim, o Zot?!

Ku po shkoni o Kalorës të ndryshkur
me jela të shkreta kuajsh të cofun në qafë?
Përgjumja në Mungesën e ajrit
është tradhëti
ç’prejse piku fiku
që e mori i ligu
dhe iku...

Në mungesën e Ajrit
duarkryq rrijmë dhe bëjmë sehir
ah, përsëri
të njejat shenja të tradhëtisë.



Të vyshkura duart e nënave
në përqafim djepash
me bukurinë e qepur qefinin
plot me lulediej
udhëtojnë
në drejtim të pamjes së fundit
Mirësinë ua vrasin pas shpine

Ikni gjarpinj, shkarpinj, minj... ikni
rrudhja e Hapësirës brenda rrethit
pikon pikëllim për hënë e diell
e madhe pjerrtësia ndërmjet njerëzve
koha matet me krehjen e flokëve
që bien ndër nofulla qensh
krejt të thinjura.



DITË TERS


U prish moti dhe hyri ngrica
Bymehen retë, po tkurret qielli
E ndali këngën struci i mjerë,
Nga pema e mekur bien lulet
Mesdita klith në turp e zjerë


Pasqyra e mrrolur në vetmi gjëmon
- Cofi korbi por pendlat rrojnë
të zeza shumë, fort të shëmtuara,
kutërbon fjala, koka me glasa
sheshet, pullazet të gjitha pis
erdhi pranvera, e shkrumbur toka
pa i’pikë tambli të mbetur në sisë.


Shenjat e vuajtjes pellgje shkrumbi
Ndër dallgë furtunash zogu mitar
Lotin të zjarrtë At Zef Pëllumbi
Me prehrin mbushur engjëj të vrarë.


(Shëngjin, 15 nëntor 2008)




TERRI I PULAVE

Sytë nuk vlejnë asgjë pa fiqirin
për me pa dhe me i marrë në shenjë
rriqnat që e pickojnë atdheun.

Shumë kemi nevojë për Syze
me xhama të trashë sa fundi i kavanozit
dritën për me mujtë me e pa
dhe shapin prej sheqerit me e nda
në sallonet e parfumosura
me Terrin e pulave!

Kosova është kazan shumë i mocëm
i shtjerrun fortë nga fërkimet
sa cel e mshel sytë ujin e vlon
- në pikë t’rrafshit rrokulliset
vetveten e përvëlon…

Me shekuj janë përzier Ball-mjalti e Kan-gjaku
s’ka ilac sëmundjen tonë që e shëron
pa hy në thellësi të Qelizës Zot *1)
për me pa cka është mbjellë
dhe cka ka pjellë n’fiqirin tonë.

*1) “Qeliza Zot” zbulimi më i ri shkencor i qelizës themelore prodhuese të njeriut;



31 DHJETOR 1998


Me loҫkë të zemrës
shava shumë ndyrë
dhe u luta:
- O Zot,
mbroje Kosovën
nga barbarët!


PASQYRA DHE FYTYRA



KËNGA E TRUMCAKUT


Shumë shtirje ankthesh në mesfjalë
fluturojnë dhe nxijnë në heshtje
Zemrën që nuk bëzan
Nga presjet rrotulluese teh gijotine
mbi qafën time...

Pastaj gjithçka është lojë
Qeskë plasmasti e varur në degën e manit
që era e fërshëllen
andej e këndej Urës së Shenjtë.

Sorra është aty por kënga e trumcakut s'ndalet
As kur e varin për së gjalli në turrën e druve
as kur ia shprushin zjarrin
as kur ia mbyllin sytë...

Përtej vrimave të zeza qëndron
ndër shtatë palë toke e qielli
tek pjalmi i yjeve në kërkim
dritë Orfeu me gjetë për të gjallët e vdekur
si copa të thyera xhami që rendin
në drejtpeshimin e funeralit.

Trumcaku i vogël i ka mbyllë sytë
S’dëshiron më me e pa qiellin e mrrolur,
as kryeshyt më s’do me këcy nga harku i urës
as shpirtin e syrgjynosur qoftëlargut me ia falë!

PASQYRA DHE FYTYRA

Një ditë patjetër do të ndodhë dalja
dhe do të takohen
Fytyra dhe Pasqyra…
Atëherë ka me u pa
e padukshmja e thembrës së Akilit.
Dhe ka me u shfaq Drita
e përsosura e gjithëfuqishme
që kujdeset për shpirtin tonë
dhe na jep fuqi me e kafshu mollën
sa herë që vjen Shën vjeshta.
Silueta e Gruas së bukur
e gërvishtur nga rrjedha e ujit
na njom me mija herë dhe përsëri
kemi etje edhe për një hap përtej
në drejtim të dendësisë së pyllit
për me e ngrohë shpirtin e ndrojtur
me prekjen e mëndafshtë.
Kur pandeh se i ke marrë të gjitha
prapë Pasqyra dhe Fytyra kanë me ra
në duart tua të zbrazura.


JETA ËSHTË LIBËR


Beso
dhe kurrë mospusho së dhëni,
që të marrësh -
nga e padukshmja e dritës.

Jeta është copë xhami e thyer
si një libër i hapur,
që duhet të lexohet me zemër
dhe të bluhet me tru.

Sado i vobektë
që mendon se je,
në fundin e udhës e merr vesh
sa shumë gjëra të tepërta
ke bartur me vete

Dhe, ah!…, dilema -
rrëshqitje fryme nëpër duar
që ik dhe të le!



KALBJA

Bymehen muret nën najlonin e zi

Bie shi e kalbet shpirti bredharak
që lufton me venitje klorofilesh

Sytë e shterun të nënave mbajnë zi
mes gjymtyrësh të idhta
në Pengun e netëve ëndërr trishta.

Për kokën e demit të zi
nga cepi i detit te bythët e mbretit
Hardhucat e Kuqe shtrojnë gosti
me speca djegës, dyll, hudhra
rrush qeni e fara kungulli turshi

Ha e pi dhe shaj
qeflinjtëe azdisur
kripën e ndrydhin me allti
orizin e rjepin me thikë...

O, zot! sa e trishtë
kalbja e syve të nxjerrun
prapa xhamave të zinj.




ANDEJ E KENDEJ IBRIT


Stinë e frikshme bimësh të egra
andej e këndej Ibrit
brenda kafkës së kalbur
sorrat e larme krrokasin...!

Burrëria shtatëqind dërhemshe
endet në Shkup e në Shkodër
me bukën e kuqe
nën sqetull...

Andej e këndej Ibrit
nga lehjet e qenve të çartur
shlyhen emrat
thyhen zemrat,
dhe Fryma e Shpirtit të Shenjtë.

Por stina e frikshme do kalojë
dhe i plotë do të agojë dielli
mbi Kodrën e Minatorëve
del Niketë Dardani e thërret Ezanin
dhe kurrë më, kurrë -
nuk do të këndojë hutini.

As iriqë e rriqna kurrë më
S’do të ketë në Mitrovicë.

(21 janar 2008)




NË ZHAZHË TË ZVEҪANIT


Të dashur vëllezër e motra
Zhazhjanë t’urtë e krenarë

... edhe pak duroni
derisa ta nxjerrim
me rrënjë
erën e qenit të coftë
nga oborri…

Pastaj zbardh drita
me këngë bilbilash
pranvera vjen -
dhe, kurrë më, kurrë
cerdhe korbash
s’do të ketë në Zhazhë
as strehë për minj e shtërpinj
në Zveҫan.

(Zhazhë, Zveҫan, 27 mars 2010)




DASHURIA E SHPENZUAR

"Sot, askush nuk e humb askënd,
sepse askush nuk e posedon askënd…”
(Paulo Coelhos)


Luftëtari i dritës ma tha troҫ:
Kjo s’është eksperienca e vërtetë e lirisë!

Thirri mendjes dhe kupto
Je i humburi i botës,
Derisa të mos bëhesh i zoti
Për ta fituar atë që e dëshiron.

Kosova është fyell i bariut të mërzitun
Me vrima të panumërta kuqezi
Nëpër të cilat hingëllojnë kuajt e azdisur
Që në mes të udhës i zë kromja e qenit
Dhe e rrokullisin qerren në greminë!

Kjo është biografia e vërtetë
E dilemës që e kemi në gjak
Por nuk kemi zemër për ta shprehur
Sepse kemi ngrënë shumë hudhra
Dhe kemi vra shumë sokola tinëz
Prapa shpinës së stinës…

Askush më për askend s’është i uruar,
Gjithë drita e shpirtit është shpenzuar!

(Fushë Kosovë, 8 maj 2013)



ATDHEU


Parandjenjë e ngatërruar dëshire
për të qenë i sigurt në vetvete
dhe i mbrojtur nga instiktet e egra.
Pëshpëritje për diçka të ndritshme,
fuqiplotë, të dashur pa kufi,
jetike si fryma që hapet e përhapet,
dhe pjesëtohet brezave mendjesh e zemrash
në kujtime t'idhta, lakmi, brenga
dëshmi kohe në defteret e ofiqarëve,
në testamente, letërkëmbime, thashetheme...

Pulsin e mlleftë për ty atdhe
Zhapinjtë na e mbajnë gjallë
gjithkund e askund,
këngë trimërie krrokasim për tokën e nemur.

Kur korbi i sfidon zogjtë asnjë mburojë
nuk e zëvendëson mungesën tënde atdhe.
Flaka të del për një pikë ujë
dhe vjen sorra e larme bishtkredhur
në pikë të natës në pragun e shtëpisë
glacon, e forcon lëngun e hudhrës.

Stina e ndryshon gëzofin, oi -
të shtrydhin si kërmill për së gjalli,
të balsamosin e vuajtjen ta tallin...
Postieri ta sekuestron letrën te dera -
të marrin ushtar për luftë me mullinj ere,
po vdiqe je tradhëtar
mashtrues nëse nuk vdes!

Qentë e lakejtë të marrin erë në kokë,
me thikë në fyt e me iriqin nën sqetull
u rrëfehesh kiropterëve.


KOPSHTI ME LULE I ENVER HOXHËS


Të parët u vunë telat gjemborë
pastaj qielli i shqyer me re të mllefosura
toka veshur me myshk e alga të kuqe
gjithandej britma cjapi e ferra gomari
kërmijtë me antena dhe prangat plot ndryshk,
muret për fletërrufeve e letrat anonime
gjithë sy e veshë më tutje lakuriqët vigjilentë
duke hedhur valle me qejf tmerrues
sipas preferimit të Lakenjve...

E kam parasysh mekjen e syve të jeshiltë
për një pikë tambël dhe një ve breshke;
domaten njëqindvjeçe në vitrinën pa xham,
kalbjen e duarve, rënien e dhëmbëve
politikanët injorantë dhe poetët maskarenj
duke brohoritur: - Shpirti i Arbrit rron!


MITROVICA 2013


Këndej vjen Ibri, andej shkon avullimi
Pranvera është këtu, në Urën e Lirisë!
Mund të zgjatësh duart e të prekësh lulet -
Kur të duash dhe si të duash...
Para dhe pasi t’i kesh larë sytë
Me ujët kristal nën urën e zinxhirit.

Sharkia është gjithnjë aty, diku, afër -
Me tinguj që shpërthejnë të mëndafshtë,
Te pisha apo prapa plepit të bardhë,
Nga Pika Zero në sheshin Adem Jashari,
Ku gjithçka fillon e nuk mbaron kurrë
Sepse bari dhe lulet janë tepër të buta
Për Urithët dhe zemrën e Bariut të Trishtuar.

Shqiptari i flet serbit nga ana e rrafshtë
E copës së xhamit të thyer
Me qiellin e mërrolur përmbi që në heshtje
Qesh e qan për flutura e mushkonja
Deri te buburreci i fshehur
Nën lëkurën e lisit plak në Zveçan

Sipas sistemit të zgjedhjes së miqve
Që nga koha e Konstandinit të Madh
Deri te Ibrahim Rugov’ ngadhënjimtari -
Në Nissus, n’Prizren, n’Shkup e n’Shkodër
Më e dashura është kënga e Shqiponjës
Mburojë krenare e tokës dhe e qiellit
Bashkë me trëndafilet e bardha plot dritë
Nëpër Dardani që janë mrekulli e pafund
Për zemrat e të gjithë kalimtarëve.



NË DREJTIM TË PRIZRENIT


Anës Drinit të Bardhë
djemtë e kohës së Gur Kalit
me doreza të zeza
vjelin manaferra
flokthinjur dorëzonja
loton në Betlehem…

Në fund të verës
kur iu zu fruma fikut
që piku dhe e mori i ligu e iku
nën Urën e Shenjtë
u ndryshk ajri

ikni minj, shkërpijn, ikni
fryma e shiut
po bymehet
në drejtim të Prizrenit...

(Prishtinë, 26 shtator 2008)


NË ZYM TË HASIT TË THATË

Në cdo ardhje të vjeshtës
kur ikin dallëndyshet
në zym të Hasit të Thatë
nën çatinë e një shtëpie të krrusun
Hëna ia djeg brirët Cjapit

Të balsamosura me erën e tokës
tunden këmborët
në emblemën e jetës së kufizuar
plot pjalm lulesh të egra
hasjanët e pastrojnë figurën e cjapit
nga thonjtë e rrenës së lashtë

Pasha bukën, kripën dhe sofrën
Hasjani kurrë nuk hoqi dorë
Nga dashuria për gjuhën e nënës.
(Zym, 14 tetor 2004)





SHTOJ’ZO’VALLET



DITËLINDJA


Në këtë mesnatë purpuri
pëlcit xham -
hapu dhe hapi udhë
dritës së hënës së eҫtueme
që të vdesë
në ajër të pastër.

Qerpikverdhë moj
ah – ty të shitoftë zana!
Si sytë tu të brishtë
askush s’di të më vajtojë.

(Fushë Kosovë, 21 janar 2003)




AKTI I ZBUKURIMIT TË MASKËS


Ndërmjet avullit dhe brymës
Refuzova agjërimin
për t’iu rikthyer magmës së ujit.

Mësuesi më tha:

Nëse e do algën nudo
për muajin e mjaltit
hyr nën dritën e tejdukshme
këpute Gjethin e rrushit
dhe përhap melekuqe
kudo që shfaqet krisja
nëpër xhamin e kristaltë ...

Kur të gufojë magma e ujit
Shfaqu me duar të pastra
sipri djepit tunde temjanin
dhe lutju Krijuesit:
Shtoj’Zo’Vallet!


KËPUTJA E PIKËLLUAR


Asgjë nuk do të ndodhë
pas ikjes tënde nga tryeza,
kot e ngacmon pezmin
me thirrje të akullta...

Ditët me diell në pasqyrën tënde
do të veniten,
Pëllumbeshë më s’do të jesh
as ilaçi i mirë
i mëkimit të plagëve të afshta.

Sa më larg që ik aq më e madhe
të shumëzohet zbrazëtira
dhe të ikën kallja
e duarve të mëndafshta
që kurrë më si dikur
s’të përthekojnë...

As zjarr të pastër dashurie
kurrë më nuk do të gjesh
këputja ime e pikëlluar.





GRUAJA E PABESË E GARSIA LORKËS


Se ç’më ngashënjeu cigani
Pranë manaferrave
Kur e pash me Gruan e pabesë
Nën dritën e hënës...
Ah, thashë, o cigan i dreqit
Do t’vdes o do ta marr!

Më zuri i fortë meraku
T’ia merrja
Atë vajzë, Grua të pabesë.
E të ikja njëqind vjet larg
Përtej manaferrave
I vetëm, fill i vetëm
Si një zog i egër mali
Të flija
Mes gjinjve të saj të guftë
Me derdhje tingujsh mëndafshi
Afsh nxitës të hazdisjes kryeneçe
Që të mos kisha frikë
As kur Lorka të vinte
Me hanxharin e mprehtë në dorë
Që kokat të na i priste...

Punë e madhe,
Të flija ëmbël -
Isha pajtuar me vdekjen,
Që nuk mund të ishte
Më e rëndësishme se kjo grua
Portokalle e hapur.
Në sytë e saj të kthjelltë
Më turbullohej shpirti
Tek bëhesha gati
Ta shprushja lëngun e zjarrtë
Në atë trup
Rrëshqitës si ujë i valuar
Që m’ikte nëpër duar...


E BUKURA MORE


Me Pjalmin all` të zemrës
Të mbushur gotën e vetmisë
Për buzën tënde të kallur
Yllka ime po e ngris…

Në pritje qe njëmijë vjet
Në kërkim i pikëlluar...
Ti paske qenë brenda meje,
E ëmbla mollë e ndaluar!

Kur të takova, ah, puthja -
Se ç’mu pikas gjithë zjarr,
Harrova stinën e vjeshtës
Më dogji agloshi djaloshar.

M‘u shfaqe si vegim drite -
Dhuratë nga fryma hyjnore,
Sa rrept më bëri syrgjyn
Buzëqeshja jote engjëllore.

U kall në syt e mi heshtja,
U hap e parajsës aleja...
Yllka – o, vegim vërbues
Shpërthe si rrufe – eja!

Kush - kujt ia zbut etjen
Nuk ka aspak rëndësi;
Nëse s‘na mjafton zjarri
Na tepron dhembja gjithsesi.




PO TË PRES ME ARDHË


... po të pres Suvala
dhe ti patjetër ke me ardhur
e beftë fare
midis tokës e qiellit
me i dalë zot
ajrit të kafshuar.

...mos e fik dritën e qiriut
dua të të shoh të plotë
e me të thënësinqerisht
se kurrë nuk kam dëshiruar
një grua tjetër
më shumë se ty, Suvala.



FQIU IM


Për çdo mbrëmje fqiu im
del në dritare
e shikon hënën me përmallim
dhe ah...,
e fërshëllen nëpër dhëmbë
fort të dhembshme
një melodi.
që flet për gjithçka
- për asgjë njëkohësisht!




DASMA E DORUNTINËS


Konstandinmosiudorëzo
Përbuzjessëajrit…

Pasitëperëndojëdielli
zhvillohetfreskiamagjike
e përpjekjeskrijuese.

Shqyhetdefidhekëputetpulla
shpërthekohetdrita
anembanëgufojnëtrajtat e bukura
smiradhelakmia
nëpërpajëntëndeerëdheu
Doruntinë!



TESTAMENTI

E para dhe e fundit
Është fjala

Lermëni të digjem
Në hirin e saj.


UDHA ME DIELL MATANË XHAMIT



KUSH NA KA HELMUAR

Tek burimet e dritës është rruga
Kah e bukura dhe e mira
Që aq shumë i dëshirojmë të gjithë
Por i trajtojmë mizorisht...,
Tëlidhura i mbajtur me zingjir
Dhe i rjepim përditë
Me thikë të ndryshkur
Nga smira ndajt nazarit*1) të supozuar
Brenda egos që vrerin na e shprushë!

E kujt
Kjo ҫarje në trup e gjamë në zemër
Që Dijen të turbulluar dhe Virtytin
Fshehur na i mbanë si muzdrak në thes
Në pritje për hakmarrje të mlleftë
N’udhën e tamblit e të gjakut
Ndaj vëllat - më keq se ndaj shkaut.
Pse?!

*1) nazari nga afganistanishtja = syri i keq



MPLAKJA E STINËS

Flutura të zeza, e dielli matanë xhamit
i mërzitur varet nëpër degë lisi
shpirtit të mbushur me rrudha sarih
me thinjat që i derdhen sipri
trupit në rrëshqitje që psherëtinë
me ligështinë e vjeshtës
të hidhur në rënie, se pastaj përsëri
vjen tjetri që e përtërinë fjalën
fluturën e bardhë e thirr edhe diellin
matanë xhamit plot dritë, ah dora ime
nuk e arrin – e shtjerr edhe klithja
ëndrrat i shpalon pleqërisht
ëndrrat i mashtron pleqërisht



VJERSHAT E MIA

Kur më ngacmon era e lulepjeshkës
shpejt dhe lehtë i nxjerri në letër afshet e mia
por pastaj më zë sikleti i përpunimit të vështirë
që niset e nuk përfundon kurrë,
edhe kur për to thuhen fjalët më të mira
bëhem memec, ngurroj të flas
sepse në thellësi të mendjes me solfegjo
një trokitje gjethi shpirtit m’i thotë: mos u gëzo!

E di! Vargjet janë fjalë dhe fjalët i merr era
peshën nëse ua ndryshojmë sa herë troket dera,
lavdia tretet dhe njolla e turpit mbetet
si hirra që në havan e rrahur pafund
nxjerr ca droçka resh të turbullta kimera 1.*)
nëpër qiell që fluturojnë gjithandej dhe askund!

1. Figurë mitologjike



FJALA E SHKRUAR ME FLAKË LEGJENDASH

(Prizrenit)

Në e paç shijuar njëherë, kurrë s'mund ta lësh
Gjithmonë të del përpara -
I derdhur si portret vashe
ëmbël apo hidhur s'ka rëndësi
Udhëton me ty dhe të ngazëllen zemër e mendje.

Prizreni i ka ëndrrat me peshë guri
Emrin të shkruar me flakë legjendash,
Ka duar të ngrohta mëme që kultivojnë lule
Sy skifteri ka në kundërshtim të rrufeve.
Nga ofshama e ujit të valuar
Ka dalë dhe i ka dhënë jetë degës së pikëlluar.
Ta djegësh - mundohesh kot
Në zjarr lëshon rrënjë edhe më të fortë!

Prizreni është djep që përkund dora e Rozafës
Nënë e dritës, e ujit dhe e zogjve,
Ninullat i ka plot me vargje dashurie
Me vringëllima, krisma, buçitje
Varg mejdanesh me ndeshje t' ashpra trimash.
Në e paç shijuar vetëm njëherë Zemrën do ta kesh
përgjithmonë të njomë
Për shekujt që kanë kaluar e që do të vijnë
Nuk ka rëndësi - një ditë nëse nuk jemi unë as ti
Prizreni është frymë e shenjtë
Që kurrë nuk plaket - të vdesë assesi!

("Rilindja", 11 nëntor 1989)



VJESHTA 1998

...i shqyer qielli
retë të shqyera
dhe shpirti....

...korbi
kafshon diellin
dhe ëndrrën...

...gjak kullon qëndresa
edhe shpresa
por nuk dorëzohen...

...liria s’ka ҫare
pa ardh!

(Tiranë, 13 prill 1998)



GOJËDHËNA PËR DARDANINË



Nga Karpatet erdhi qoftëlargu
i hëngri të gjitha n’Ulpianë
Mbeti vetëm ikona e t’shenjtit e përlotur
Dhe Gjeli me drapër në qafë
As në tokë as në qiell…

Niketë Dardani i ra borizanit
Dhe me temjanin e ...
Këmbëzbathur e ndoqi
Hijen e Gjarprit nëpër male.

Te Lkeni i Zanave në Has
Shtojzovalleve u tha:
- Do të kthehem prapë
Dhe do ta kallim një zjarr të madh
në Nissus -
që Sorrat e Larme
Kurrë më, kurrë
T’mos mund ta çokasin
Mollën e Kuqe.


UDHA PA FUND
Prej nga ky mallkim kaq i mlleftë
Kafshim rriqne i shpresës
në thellësi të shpirtit që helmon dritën
dhe hënën në qiellin përlotur
plot ankthe e klithma
me derdhje dënesjesh pa fund…
Prapë vaji i qyqes mbi pullaze
dhe sorrat e larme nëpër oborre
prapë glasojnë ëndrrën e mërzitur
ndër lotët e përgjakur të etërve për bijtë
me duar t’ akullta që shtrojnë sofrat
dhe me duda helmin e vetmisë kafshojnë.
O zogj të hutuar me flatra të prera
erën e qiellit të huaj që lakmoni
përtej malesh kur të shkoni
pak Dhe’ dardan merreni me vete
që Shpirtin tuaj të mbetur pezull
anëve të botës ta ngushëlloni...