Të dëshpëruar tifozët i këndojnë Kombëtares: ‘Ndave zemrën në dy pjesë, njëra qan dhe tjetra vdes’

Tifozët Kuq e Zi janë trishtuar pa masë nga humbja dëshpëruese e Kombëtares Shqiptare dje në Elbasan Arena, në mënyrë krejtësisht të pashfajësueshme.

Ata ia kushtuan asaj menjëherë një këngë ku shprehet gjendja e tyre shpirtërore menjëherë pas humbjes aq të padëshiruar. Ata kanë përshtatur për këtë këngën e njohur “Ndahet zemra në dy pjesë, njëra qan dhe tjetra vdes.”

 

 Kapiteni i Shqipërisë, Lorik Cana,, tha se është dashur kujdes më i madh në finish të duelit.

“Ne është dashur të jemi më të kujdesshëm në fund, pasi kemi treguar pjekuri gjatë ndeshjes”, tha Cana dhe shtoi se “ata e kanë pritur atë moment të na zënë në befasi në kundërsulm dhe ne është dashur ta ndalim këtë”.

Kryeministri i Shqipërisë, Edi Rama, i cili ishte në stadiumin Elbasan Arena për ta shikuar ndeshjen, i ka falënderuar shikuesit për sjelljen e mirë.

“Barazimi do të ishte rezultat korrekt, por ky është futbolli”, ka shkruar zoti Rama në rrjetin Facebook dhe ka shtuar se “njerëzit më të mirë në stadium ishin simpatizuesit kuq e zi”.

Edi Rama konsideron se “ëndrra” e Shqipërisë për kualifikim në pjesën përfundimtare të Kampionatit Evropian vazhdon në ndeshjen në Armeni.

Trajneri i Serbisë, Radovan Çurçiq, tha se “në përgjithësi mendoj se merituam fitore” dhe ka theksuar se “e arritëm vetëpërmbajtjen në fund dhe kjo vendosi”.

Fitorja e Kombëtares së Serbisë ishte kryefjala e mediave serbe pas përfundimit të ndeshjes në “Elbasan Arena” me rezultatin 0:2.

Mediat serbe e komentuan si një shenjë hakmarrjeje të skuadrës së tyre fitoren ndaj kuqezinjve, paçka se ekipi serb i ka humbur mundësitë për t’u kualifikuar në “Euro 2016”.

Një nga gazetat më të mëdha në Serbi, “Kurir”, shkruan se Shqipëria me lojën e treguar e “meritonte fitoren”, por rezultati në fund të takimit ishte një shenjë hakmarrjeje ndaj dronit, që u fut rreth një vit më parë në Beograd. Ndërsa në një tjetër titull të “Kurir” shkruhet: “Serbia hedh Shqipërinë nokaut me golat e Ljajiç dhe Kolarov”.
Ndërsa “Blic” thotë se “shqiponjat” nuk ishin në lartësinë e duhur në një ndeshje me rrezikshmëri të lartë.

“Shqiponjat serbe festojnë në mes të Shqipërisë”, shkruan në titull “Blic”. Në artikull thuhet se, Serbia fitoi me rezultatin 0:2 në një fushë shumë të rrezikshme.
Gjithashtu krahasohet edhe situata para një viti, ku ndeshja u ndërpre në Beograd, ndërsa me organizimin që bëri Federata Shqiptare në ndeshjen e kthimit përgëzohet Shqipëria.

Ndërkohë, edhe mediat e tjera serbe e kanë përcjellë lajmin e fitores së përfaqësueses së Serbisë. “Tanjug” e hap shkrimin me titullin: “Serbia rrëzon Shqipërinë në minutat shtesë”.
Gjithashtu edhe për televizionin serb “B92” dy golat e Kolarov dhe Ljajiç në minutat shtesë ishin një përgjigje e duhur për dronin e futur në stadium.
Ndërsa, “Alo.rs” shkruan: “Shqiponjat serbe dominuan në ‘Elbasan Arena’. Urime shqiponjë! Pas një pjese të parë monotone pa shanse shënimi, përveç golit të anuluar të Ljajiç, në 45 minutat e dyta bëmë një lojë dinamike, sidomos në minutat e fundit”. shekulli

Shqipëri-Serbi, Kosova anembanë kuq e zi

Flamujt kuqezi janë vendosur në pallate, vitrina e rrugë të kryeqytetit të Kosovës. Entuziasmi i qytetarëve për këtë ndeshje është më i madh se kurrë.

Mbrëmjen e së enjtes sheshet e qyteteve të Prishtinës, Prizrenit, Pejës, Gjakovës, Gjilanit dhe Ferizajt pritet të mbushen plot me tifozë të kombëtares që do ta ndjekin ndeshjen në ekrane të mëdha.

Përjashtim duket se bën Mitrovica, ku sipas një kompanie që kishte parashikuar ta bënte të njëtën gjë në Mitrovicë, nuk është lejuar të vendosë ekranin e madh. Të kontaktuar nga Top Channel organizatorët thanë se shkak është pesha e ndeshjes dhe shmangia e ndonjë tensioni të mundshëm mes shqiptarëve dhe serbëve të qytetit të ndarë.

Ndërkohë që edhe në baret ku ndiqen evenimente të tilla sportive në mënyrë të oganizuar ka kohë që janë mbaruar prenotimet.

“Menjëherë pas lojës me Portugalinë kanë filluar rezervimet te ne edhe qysh para fundjavës jemi rezervuar, nuk kemi asnjë vend të lirë. Do t’i kemi diku rreth 250 persona kur luan Shqipëria me Serbinë. Loja me Serbinë kuptohet që e ka rritur një entuziazëm më shumë, është dashur fatkeqësisht t’i anulojmë disa rezervime për shkak se nuk kemi kapacitet më shumë”, thotë pronari i një lokali.

Për tifozët e kombëtares shqiptare në Kosovë, më e rëndësishme është që nesër të fitohet duke u shprehur skeptik nëse mund të ketë tensione.

Edi Rama pret studentët serbë, tifozët e ndeshjes,ndërsa ndalon liderin shqiptar Hashim Thaçi .

Tani që patë si jetojnë “alienët”, do të doni të ktheheni prapë këtu

Kryeministri Edi Rama ka pritur në godinën e qeverisë, grupin prej 50 studentët serbë, që do të jenë tifozë në Elbasan për ekipin e tyre kombëtar të futbollit. Me një frymë mirëbesimi, Rama u tha “se tani që e patë si jetojnë “alientët” do të dëshironi të ktheheni prapë këtu, madje edhe me prindërit tuaj.

Po ashtu, ai ka gjetur rastin t’u shpjegojë atyre edhe gurin që goditi autobusin e Kombëtares Serbe duke pranuar se “rreziku i frymës së urrejtjes dhe përjashtimit është i pranishëm gjithmonë edhe brenda çdo gjenerate tjetër, ndaj na duhet të bëjmë gjithnjë e më shumë për edukimin, për njohjen e vlerave të bashkëjetesës, vlerave të mëdha që në fakt ashtu si na e kanë mësuar prindërit tanë, me siguri edhe juve jua kanë mësuar nëpër shtëpitë tuaja.”

Të rinjtë serbë, që janë pjesë e një programi shkëmbimi rinor mes dy vendeve, kanë pasur të jetojnë në familjet e moshatarëve të tyre në Tiranë dhe të njohin realitetin. Në këtë kuadër, Rama e përdoi me humor me ta “fjalën “alien” dhe garantoi se programi do vazhdojë me punësimin e të rinjve shqiptarë dhe serbë në administratat e dy vendeve, si simbol i bashkëjetesës.

Po ashtu, ai bëri humor dhe me Ministrin Serb të Arsimit që i shoqëronte dhe “flirtin e tij të fshehtë” me ministren Nikolla.

Nga fjala e Kryeministrit

Rama tha: “Dua të falenderoj atë prej jush që më afroi një album me muzikë xhaz dhe më ftoi që atje të shkojë dhe një grup nga Shqipëria, kurse një tjetër më dhuroi një axhendë e më tha “mund të vazhdosh të vizatosh këtu tek axhenda ime.”

Shpresoj shumë që këto momente sëbashku ta pasurojnë kohën e qëndrimit tuaj këtu në shqipëri. Nuk po zgjatem shumë, ky fakt flet më shumë sesa çdo fjalë dhe ju falenderoj për bluzat tuaja “Just play”.

Ju që vini nga Beogradi dhe keni memorie historike dhe aktuale për Beogradin, se jetoni në një tokë të mbushur me yje të sportit tim të dashur,  besoj se nuk keni kundërshtim që Majkëll Xhordan është Majkëll Xhordan e kjo duhet t’u vlejë të gjithë atyre që do të shkojnë në stadium dhe që nuk e fshehin që është një ndeshje me emocione shumë të forta.

Ju e dini që kur luan Partizani me Crvena Zvezda, sa herë ka ndeshje mes komshinjve, komshinjtë mundohen t’i nxjerrin edhe sytë njeri-tjetrit. Megjithatë është kënaqësi shumë e madhe që Shqipëria të fitojë, kurse ministri juaj këto do të thoshte që Serbia të fitojë, por më rëndësi ka që të fitojë qytetërimi, që ne sëbashku sot duam të mishërojmë njëherë e përgjithsmonë e në Ballkan, në këtë zonë të fqinjësisë sonë.

Për ne është jashtëzakonisht e rëndësishme të fitojë imazhi i Shqipërisë dhe tradita e respektimit për mikun dhe për kundërshtarin. Në kodet tona të vjetra ka një sërë porosish për mënyrën sesi duhet trajtuar me respekt edhe armiku, për më tepër që ne s’jemi më armiq; përkundrazi, në fushën e futbollit jemi kundërshtarë, kurse në fushën e gjerë të jetës sonë të përbashkët duam të jemi miq dhe miq për vite gjithnjë e më të mira.

Më vjen shumë keq që dje një djalë 14-15 vjeç hodhi një gur drejt autobusit të skuadrës kombëtare të Serbisë dhe kjo tregon se sa shumë ka ende për të bërë dhe se pavarësisht se gjenerata tjetër, ajo e juaja, mban me vete etjen e madhe për ndryshim dhe sjell me vete ëndrrat e një bote të re, rreziku i nacionalizmit, rreziku i frymës së urrejtjes dhe përjashtimit është i pranishëm gjithmonë edhe brenda çdo gjenerate tjetër, ndaj na duhet të bëjmë gjithnjë e më shumë për edukimin, për njohjen e vlerave të bashkëjetesës, vlerave të mëdha që në fakt ashtu si na e kanë mësuar prindërit tanë, me siguri edhe juve jua kanë mësuar nëpër shtëpitë tuaja.

Nëse patë këtu që asgjë nuk ishte ndryshe nga jeta juaj, që dhe “alienët” ishin njesoj si ju, ne do të ecim me projektin e dytë, një shkëmbim në administratë ku një grup të rinjsh nga administrate jonë do të shkojnë të punojnë në administratën e vendit tuaj për një periudhë kohe dhe të rinjtë tuaj, anasjelltas, në administratën tona. Këto janë simbolike për nga numrat, por jashtëzakonisht të rëndësishme për nga domethënia dhe cilësia e jetës ndërmjet nesh.

Sa për ministrin e Arsimit, me sa di ai ka ardhur edhe njëherë tjetër pa dijeninë time – duket se ka ardhur të takojë fshehurazi  ministren. (Nikolla e pohon) E pra, konfirmon atë që them unë.

Se është vështirë të vish për herë të parë në Shqipëri, se njerëzit mendojnë kushedi çdo na gjejë atje, por pas herës së parë, ata rikthehen. Jam i sigurtë se pasi të shkoni në Durrës, do të doni të vini që verën e ardhshme bashkë me prindërit tuaj këtu.

“Just play, have fun, enjoy the game”, kjo shprehje t’u vlejë të gjithëve sot!

Kryeministri Edi Rama shkon në dhomat e zhveshjes pas ndeshjes Shqipëri-Serbi,

Kryeministri Edi Rama ka shkuar në dhomat e zhveshjes së kombëtares sonë pas përfundimit të ndeshjes në Elbasan Arena.

Ai ka uruar futbollistët shqiptarë për ndeshjen që zhvilluan dhe për qytetarinë e treguar në fushën e lojës, duke shmangur incidentet e mundshme.

Kryeministri Rama ndoqi nga tribuna VIP ndeshjen Shqipëri-Serbi, cila përfundoi 2 me 0 për kombëtaren serbe. Deri tani nuk janë shënuar incidente nga tifozët.

Vuçiç reagon për fitoren e Serbisë në Shqipëri



Reagimi i parë pas përfundimit të ndeshjes ka ardhur nga Kryeministri i Serbisë i cili ndoqi ndeshjen nga Beogradi.

Me një postim në Twitter sapo përfundoi ndeshja, Vuçiç përgëzoi ekipin e Serbisë për fitoren, të cilën e quajti fitore të rëndësishme.

“Urime për futbollin tonë, e meritoi fitoren dhe një lojë e ndershme që tregoi ndeshja sonte”, Kryeministri i Serbisë Vuçiç në Twitter.

Serbia fitoi 2 me 0 me Shqipërinë në stadiumin Elbasan Arena.

Zlatan Ibrahimoviçi – shqiptar nga nëna

Fakte të reja dalin mbi origjinën e sulmuesit Zlatan Ibrahimovic. Lojtari i famshëm që përfaqëson Kombëtaren e Suedisë dihet që e ka prejardhjen nga Ballkani, më saktë origjina e babit të tij është nga Bosnia, por tashmë po dalin fakte për origjinën mamasë së lojtarit.

Në një shkrim për të pathënat e sulmuesit, u fol gjatë edhe për origjinën e tij. Me një baba boshnjak, ndërsa mamaja e tij është me origjinë kroato-shqiptare. Kjo biografi e Zlatan Ibrahimovic është publikuar nga website zyrtar i klubit ku ai luan, “Paris Saint-German”, Minuta90.

Salih Kabashi: Mos u mërzisni, Ademi na mundi, Adem Ljajic që na e bëri golin për Serbinë asht shqiptar

Publicisti Salih Kabashi pas rezultatit të ndeshjes Shqipëri-Serbi në një status të tij në Facebook, shkruan si më poshtë:

“MOS u merzitni, ADEMI na mundi

Adem Lajqi një gol e përgatiti, tjetrin e dha vetë. Ademi është kelmendas me origjinë, kushëri me miqtë e mi të shumtë.

Ndeshja e sontme, edhepse vetëm sportive, ka treguar e ka dëshmuar se Serbia gjithmonë i ka mundë shqiptarët me ndihmën e vetë shqiptarëve.

Edhe diçka ka dëshmuar ndeshja e sontme:

Patriotë shqiptarë më të zjarrtë janë futbolldashësit tanë.

Simpatizantët e partive politike zakonisht janë bërllok.”

1915 – Kështu tërhiqeshin serbët me në krye krajl Pjetrin nga tokat shqiptare

Në këto foto, nga mediat e huaja, pasqyrohet tërheqja kaotike e ushtrisë serbe nga tokat shqiptare më 1915, plot një shekull më parë. Në krye të ushtrisë serbe ndodhej vetë Mbreti i Serbisë krajl Pjetër Karagjorgjeviqi.